Архимакс порошок 1000 мг

Бір құтының ішінде белсенді зат - меропенем тригидраты (1000.00 мг меропенемге баламалы) 1140.8 мг, қосымша зат - 207.7 мг натрий карбонаты. Сыртқы түрінің, иісінің, дәмінің сипаттамасы Ақ түстен ашық сары түске дейінгі кристалды ұнтақ.

Вена ішіне енгізуге арналған Архимакс меропенемге сезімтал бір немесе бірнеше қоздырғыш туындатқан балалар мен ересектердегі келесі инфекцияларды емдеу үшін тағайындалады: - пневмония, оның ішінде ауруханалық пневмония - несеп шығару жүйесінің инфекциялары - құрсақ қуысы инфекциялары - гинекологиялық инфекциялар (эндометрит сияқты) және кіші жамбас ағзаларының қабыну аурулары - тері мен жұмсақ тіндердің асқынған инфекциялары - жедел бактериялық менингит - септицемия - ересектерде фебрильді нейтропения симптомдары бар инфекцияға күдіктенген кезде монотерапия түрінде немесе вирусқа қарсы немесе зеңге қарсы дәрілермен біріктірілген эмпирикалық емде - полимикробты инфекцияларды емдеуде монотерапия ретінде немесе микробқа қарсы басқа дәрілермен біріктірілімде - кистозды фиброз (муковисцидоз) және төменгі тыныс жолдарының созылмалы инфекциялары кезінде монотерапия ретінде немесе бактерияға қарсы басқа дәрілермен біріктірілімде.

Меропенем. АТХ коды J01DH02 Әсер ету механизмі Архимакс - карбапенемдер тобының антибиотигі, парентеральды қолдануға арналған, адамның дегидропептидаза-1-ге (ДГП-1) салыстырмалы төзімді, ДГП-1 тежегішін қосымша енгізуді талап етпейді. Архимакстың бактериялардың жасушалық қабырғасының синтезіне әсер ету есебінен бактерицидтік әсері бар. Архимакстың аэробты және анаэробты бактерияларға қарсы бактерицидтік әсері бактериялардың жасушалық қабырғасы арқылы жоғары ену қабілеттілігімен, -лактамазалардың көпшілігіне жоғары тұрақтылық деңгейімен және пенициллинді байланыстыратын ақуыздарға (БПА) едәуір аффинділігімен түсіндіріледі. Ең аз бактерицидтік концентрациялар (ЕБК) әдетте ең төмен тежегіш концентрациялар (ЕТТК) сияқты. Тестіленген бактериялардың 76% үшін ЕБК/ЕТТК қатынасы 2 немесе одан аз болды. Резистенттілігі Архимакс қоздырғыштың сезімталдығын анықтау тестілерінде тұрақты. Әртүрлі бактерияға қарсы препараттармен синергиялы әсер етеді, сондай-ақ пост-антибиотиктік әсері бар. Архимаксқа сезімталдықтың жалғыз ұсынылатын критерийлері препараттың фармакокинетикасына және клиникалық және микробиологиялық деректердің корреляциясына - тиісті қоздырғыштар үшін анықталатын аймақ пен ЕТТК диаметріне негізделеді. Бағалау — әдісі Қоздырғыш санаты — Аймақ диаметрі (мм) — ЕТТК (мг/мл) Сезімтал — 14 — 4 Аралық — 12-ден 13-ке дейін — 8 Резистентті — 11 — 16 Архимакстың in vitro бактерияға қарсы белсенділігі ауқымының клиникалық маңызы бар Грам-оң және Грам-теріс аэробты және анаэробты бактериялардың штамдарының көпшілігін қамтиды, атап айтқанда: Грам - оң аэробалар Enterococcus фекальды, Staphylococcus aureus (метициллин сезімтал), Staphylococcus epidermidis, Streptococcus agalactiae (B тобы), Streptococcus milleri ((S. anginosus, S. constellatus, және S. intermedius), Streptococcus pneumoniae, Streptococcus pyogenes(А тобы) Грам-теріс аэробтар Citrobacter freudii, Citrobacter koseri, Enterobacter aerogenes, Enterobacter cloacae, Escherichia coli, Haemophilus influenza, Klebsiella oxytoca, Klebsiella pneumonia, Morganella morganii, Neisseria meningitides, Proteus mirabilis, Proteus vulgaris, Serratia marcescens Грам-оң анаэробтар Clostridium Perfringens, Peptoniphilus asaccharolyticus, Peptostreptococcus түрлері (соның ішінде P. micros, p anaerobius, P. magnus) Грам-теріс анаэробтар Bacteroides caccae, Bacteroides fragilis, топ Prevotella bivia, Prevotella disiens. Жүре пайда болған тұрақтылығы емдеу кезінде қиындықтар туындатуы мүмкін микроорганизмдердің түрлері Enterococcus faecium, Acinetobacter species, Burkholderia cepacia, Pseudomonas aeruginosa Табиғатынан төзімді микроорганизмдер Stenotrophomonas maltophilia, Legionella species Басқа микроорганизмдер Chlamydophila pneumoniae, Chlamydophila psittaci, Coxiella burnetii, Mycoplasma pneumoniae • Фармакокинетикалық қасиеттері Абсорбциясы Меропенемнің бір дозасын 30 мин ішінде вена ішіне енгізу қан плазмасындағы ең жоғары концентрацияны туындатады, ол шамамен 250 мг доза үшін 11 мкг/мл, 500 мг доза үшін 23 мкг/мл және 1 г доза үшін 49 мкг/мл тең. Алайда, ең жоғары концентрацияға (Cmax) және фармакодинамикалық қисық астындағы ауданға (AUC) қатысты енгізілген дозаға байланысты абсолютті фармакокинетикалық пропорциялы тәуелділік жоқ. 250 мг-нан 2 г-ға дейін дозалар үшін плазмалық клиренстің 287-ден 205 мл/мин-ге дейін азаятыны байқалды. Меропенемнің бір дозасын 5 мин ішінде вена ішіне болюсті инъекциялау 500 мг дозасы үшін шамамен 52 мкг/мл және 1 г дозасы үшін 112 мкг/мл тең плазмадағы ең жоғары концентрацияға әкеледі. Қан плазмасындағы ең жоғары концентрациялар 1 г препаратты 2 мин, 3 мин және 5 мин ішінде вена ішіне енгізгенде тиісінше 110, 91 және 94 мкг/мл құрады. 500 мг вена ішіне енгізгеннен кейін 6 сағаттан кейін қан плазмасындағы меропенем деңгейі 1 мкг/мл және одан төмен мәнге дейін төмендейді. Бүйрек функциясы қалыпты пациенттерге 8 сағат аралықпен меропенемді бірнеше рет енгізгенде препараттың жинақталуы байқалмайды. Бүйрек функциясы қалыпты пациенттерде жартылай шығарылу кезеңі шамамен 1 сағатты құрайды. Таралуы Қан плазмасының ақуыздарымен байланысуы шамамен 2% құрайды. Меропенем организм тіндері мен сұйықтықтарының көпшілігіне, оның ішінде бактериялық менингитпен ауыратын науқастардың ми-жұлын сұйықтығына жақсы енеді, көптеген бактерияларды тежеу үшін талап етілгеннен жоғары концентрацияға жетеді. Биотрансформациясы Меропенемнің жалғыз метаболиті микробиологиялық тұрғыдан белсенді емес. Элиминациясы Меропенемнің венаішілік дозасының 70% - ға жуығы өзгермеген күйінде 12 сағат ішінде несеппен бірге шығады, содан кейін несеппен бірге шамалы экскрециялайтыны анықталады. Меропенемнің несептегі 10 мкг/мл-ден асатын концентрациялары 500 мг дозаны енгізгеннен кейін 5 сағат бойы сақталады. 500 мг енгізу режимі кезінде әрбір 8 сағат сайын немесе 1 г әрбір 6 сағат сайын бүйрек функциясы қалыпты еріктілердің қан плазмасында және несебінде меропенемнің жинақталуы байқалған жоқ. Балалардағы және ересектердегі меропенемнің фармакокинетикасы ұқсас. Меропенемнің жартылай шығарылу кезеңі 2 жасқа дейінгі балаларда шамамен 1,5 - 2,3 сағат, 10 мг/кг-40 мг/кг дозалар диапазонында дозаға тәуелділік байқалады. Пациенттердің ерекше топтарының фармакокинетикасы Бүйрек функциясының жеткіліксіздігі Бүйрек функциясының жеткіліксіздігі бар пациенттердің фармакокинетикасын зерттеу меропенем клиренсі креатинин клиренсімен өзара байланысатынын көрсетті. Мұндай науқастардың дозасын түзету қажет. Егде жастағы пациенттер Егде жастағы адамдардың фармакокинетикасын зерттеу меропенем клиренсінің төмендегенін анықтады, ол креатинин клиренсінің жас бойынша төмендеуімен байланысты болды. Бауыр функциясының жеткіліксіздігі Бауыр аурулары бар пациенттердегі фармакокинетиканы зерттеу осы патологиялық өзгерістердің меропенем фармакокинетикасына әсер етпейтінін көрсетті. • Клиникаға дейінгі қауіпсіздік деректері Қатысы жоқ.

Дозалау режимі Доза инфекцияның түрі мен ауырлығына, пациенттің жағдайына байланысты белгіленуі тиіс. Ұсынылатын тәуліктік дозалар: Пневмонияны, несеп шығару жолдарының инфекцияларын, гинекологиялық инфекцияларды (эндометрит сияқты), тері мен жұмсақ тіндердің асқынған инфекцияларын емдегенде әрбір 8 сағат сайын 500 мг-ден вена ішіне. Ауруханалық пневмонияны, перитонитті емдегенде, нейтропения сондай-ақ, септицемия симптомдары бар науқастарда бактериялық инфекцияға күдіктенгенде, әрбір 8 сағат сайын 1г-ден вена ішіне. Кистозды фиброзда (муковисцидозда) ұсынылатын доза әрбір 8 сағат сайын 2 г дейін құрайды. Менингитті емдегенде ұсынылатын доза әр 8 сағат сайын 2 г құрайды. Бүйрек функциясы бұзылған кезде ересек пациенттерге арналған доза Креатинин клиренсі 50 мл/мин кем пациенттерде доза былайша азайтылуы тиіс: Креатинин клиренсі (мл/мин) — Дозасы (ұсынылатын дозалар 500 мг, 1 г, 2 г) — Енгізу жиілігі 26 - 50 — толық доза — әрбір 12 сағат сайын 10 - 25 — Дозаның ½ бөлігі — әрбір 12 сағат сайын 10 — Дозаның ½ бөлігі — әр 24 сағат сайын Архимакс гемодиализ кезінде шығарылады, сондықтан Архимакспен ұзақ уақыт емделген жағдайда ұсынылатын дозаны қан плазмасындағы препараттың тиімді концентрациясын қалпына келтіру үшін, гемодиализ процедурасы аяқталғаннан кейін енгізу керек. Бауыр функциясы бұзылған ересек пациенттердегі дозасы Бауыр функцисының жеткіліксіздігі бар науқастарға дозаны түзетудің қажеті жоқ. Егде жастағы пациенттер Бүйрек функциясы қалыпты немесе креатинин клиренсі 50 мл/мин артық егде жастағы пациенттерге дозаны түзету талап етілмейді. Балалар 3 айдан 12 жасқа дейінгі балалар үшін вена ішіне енгізу үшін ұсынылатын доза аурудың түрі мен ағымының ауырлығына, патогенді микроорганизмнің сезімталдығына және пациенттің жағдайына байланысты әрбір 8 сағат сайын 10-20 мг/кг құрайды. Салмағы 50 кг артық балаларға ересектерге ұсынылатын дозаларды қолдану керек. Кистозды фиброзбен (муковисцидозбен) ауыратын 4-тен 18 жасқа дейінгі балаларға төменгі тыныс алу жолдарының созылмалы инфекцияларының асқынуы кезеңінде әрбір 8 сағат сайын дене салмағына 25 мг/кг-ден 40 мг/кг дейінгі дозалар қолданылады. Менингит кезінде ұсынылатын доза әр 8 сағат сайын 40 мг/кг құрайды. Нейтропениямен, бастапқы немесе салдарлы иммунитет тапшылығы бар, бүйрек функциясы бұзылған пациенттерге педиатриялық практикада препаратты қолдану тәжірибесі жоқ. Енгізу әдісі мен жолы Архимакс венаішілік болюстік инъекция түрінде кемінде 5 мин ішінде немесе венаішілік инфузия түрінде 15-30 мин ішінде енгізіледі. Препаратты алдын ала тиісті инфузиялық сұйықтықтармен сұйылтады. Вена ішіне болюстік инъекциялар үшін Архимаксты инъекцияға арналған стерильді сумен (250 мг меропенемге 5 мл) сұйылту керек, бұл ретте препараттың концентрациясы шамамен 50 мг/мл құрайды. Алынған ерітінді мөлдір түссіз немесе ашық сары сұйықтық болып табылады. Венаішілік инфузиялар үшін Архимакс 50-ден 200 мл-ге дейін үйлесімді инфузиялық сұйықтықпен сұйылтылуы мүмкін. Архимакс келесі инфузиялық ерітінділермен үйлесімді: 0,9% натрий хлориді ерітіндісі, 5% немесе 10% глюкоза ерітіндісі, 2.5% немесе 10% маннитол ерітіндісі. Архимаксты сұйылтқанда антисептиканың стандартты режимін сақтау керек. Қолданар алдында ерітілген ерітіндіні шайқау керек. Барлық құтылар тек бір рет қолдануға арналған. Венаішілік инъекция мен инфузияға арналған ерітіндіні дайындағаннан кейін бірден пайдалану керек. Қажет болған жағдайда ерітінді бөлме температурасында 1 сағаттан (60 мин) артық емес сақталуы мүмкін. Архимакс ерітіндісі мұздатып қатырылмауы тиіс. Архимакс басқа препараттармен араласпауы немесе қосылмауы керек. Емдеу ұзақтығы Терапияның ұзақтығы инфекцияның түрі мен ауырлығына, пациенттің жағдайына байланысты анықталуы тиіс.

- әсер ететін затқа немесе препараттың басқа компоненттеріне аса жоғары сезімталдық - карбапенемдер класындағы басқа антибиотиктерге аса жоғары сезімталдық - кез келген басқа бета-лактамды антибиотиктерге (мысалы, пенициллиндерге, цефалоспориндерге) айқын аса жоғары сезімталдық (мысалы, анафилаксиялық реакциялар, терінің ауыр реакциялары) - жүктілік және лактация кезеңі - 3 айға дейінгі балалар (осы пациенттер топтарында тиімділігі мен қауіпсіздігі зерттелмеген)

Жиі: • тромбоцитоз; • бас ауыруы; • жүрек айнуы, құсу, диарея, бауыр трансаминазаларының, сілтілік фосфатазаның, лактатдегидрогеназаның және қан сарысуындағы билирубин концентрациясының жоғарылауы; • бөртпе; • жергілікті реакциялар – қабыну. Жиі емес: • қынаптық кандидоз және ауыз қуысы шырышты қабығының кандидозы; • тромбоцитопения, нейтропения, лейкопения, эозинофилия; • құрысу, парестезия, естен тану**, елестеу**, депрессия**, үрейлену**, қатты қозу**, ұйқысыздық**; • іш қату**, холестаздық гепатит**, гамма-глутамилтрансфераза белсенділігінің жоғарылауы; • есекжем, терінің қышуы; • жүрек жеткіліксіздігі**, жүректің тоқтап қалуы**, тахикардия**, брадикардия**, миокард инфарктісі**; • артериялық қысымның төмендеуі немесе жоғарылауы (АҚ)**, өкпе артериясы тармақтарының тромбоэмболиясы**; • қандағы креатинин концентрациясының жоғарылауы, қандағы мочевина концентрациясының жоғарылауы; • диспноэ**; • тромбофлебит, енгізу орнындағы ауырсыну. Сирек: • делирий***; • гипокалиемия; • дәрілік препараттардан туындаған бауырдың зақымдануы**** Өте сирек • лимфоцитопения; • фотофобия; • анафилаксияның көріністері***, ангионевроздық ісіну***. Белгісіз (қолда бар деректер негізінде бағалау мүмкін емес): • агранулоцитоз***, гемолиздік анемия ***; • жалған жарғақшалы колит***; • уытты эпидермалық некролиз***, Стивенс-Джонсон синдромы***, мультиформалы эритема***, эозинофилиямен және жүйелі симптомдармен дәрілік реакция (DRESS синдром)***, жедел жайылған экзантематозды пустулез***; • қандағы калий деңгейінің төмендеуі (әлсіздік, бұлшықет түйілуін, шаншу және жүрек ырғағының бұзылуына әкелуі мүмкін); • бауыр проблемалары (тері мен көздің сарғаюы, терінің қышуы, несептің күңгірттенуі немесе нәжістің ашық түсті болуы); • рабдомиолиз. Егер сіз осы белгілерді немесе симптомдарды байқасаңыз, дереу дәрігерге қаралыңыз. Қан және лимфа жүйесі тарапынан жағымсыз реакциялар арасында Кумбстың оң тікелей немесе жанама сынамасы, сондай-ақ ішінара тромбопластин уақытының өзгеруі байқалды. ** Меропенемді қабылдаумен себеп-салдарлық байланыс анықталмаған. Жағымсыз әсерлер ОЖЖ әсер етпейтін инфекцияларға байланысты меропенеммен ем қабылдаған 2904 иммунокомпетентті ересек пациентті (8 сағат сайын 500 мг немесе 1000 мг) қамтитын зерттеуде байқалды. 36 пациентте ем жағымсыз құбылыстарға байланысты тоқтатылды. 5 жағдайда өлім нәтижесінің жүргізілетін еммен байланысы жоққа шығарылмайды. Пациенттердің ауыр жағдайы, көптеген аурулар мен басқа дәрілік препараттармен бірнеше қатар жүретін терапия аясындағы жағымсыз әсердің меропенем терапиясымен байланысы туралы қорытынды жасауға мүмкіндік болмады. *** Тіркеуден кейінгі кезеңде анықталған жағымсыз әсерлер. ****DILI гепатит және бауыр жеткіліксіздігін қамтиды. Коунис синдромы Бета-лактамды басқа антибиотиктерді қолданған кездегі аллергиялық реакцияға байланысты жедел коронарлық синдром (Коунис синдромы) туралы хабарланды. Бала жасындағы пациенттер Архимакс препаратын 3 айдан асқан балаларда қолдануға рұқсат етіледі. Қолда бар шектеулі деректерге сүйене отырып, балаларда жағымсыз реакциялардың пайда болу қаупінің жоғарылауы туралы ешқандай дәлел жоқ. Алынған барлық хабарламалар ересектерде анықталған құбылыстар туралы мәліметтерге сәйкес келді. Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз: Қазақстан Республикасы Денсаулық сақтау министрлігі медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.nnda.kz

Емдеу кезінде, әсіресе бүйрек функциясы бұзылған пациенттерді емдегенде кездейсоқ артық дозалануы мүмкін. Симптомдары: жағымсыз әсерлердің күшеюі. Емі: симптоматикалық. Бүйрек функциясы бұзылған пациенттерде гемодиализ тиімді.

Белгілі бір пациентті емдеу кезінде меропенемді таңдағанда, бірқатар факторлар (инфекцияның ауырлығы, басқа қолайлы антибиотиктерге резистенттіліктің таралуы, карбапенемге резистентті бактериялардан туындаған инфекцияларға қарсы препаратты тағайындау қаупі) негізінде карбапенемдерді қолданудың орындылығын ескеру қажет. Enterobacteriaceae, Pseudomonas aeruginosa және Acinobacter spp. резистенттілігі Еуропалық Одақ елдерінде әртүрлі қоздырғыштардың антибиотикке резистенттілігінің таралуы әртүрлі. Препаратты тағайындау кезінде осы бактериялардың тиісті аймақтағы карбапенемдерге резистенттілігінің таралуын ескеру ұсынылады. Аса жоғары сезімталдық реакциялары Басқа бета-лактамды антибиотиктерді қолдану сияқты, аса жоғары сезімталдықтың күрделі (соның ішінде өлімге әкелетін) реакциялары тіркелді. Анамнезінде карбапенемдерге, пенициллиндерге немесе басқа бета-лактамды антибиотиктерге аса жоғары сезімталдығы бар пациенттер де меропенемге сезімтал болуы мүмкін. Меропенеммен емдеуді бастар алдында пациенттің анамнезін оның бұрын байқалған бета-лактамды антибиотиктерге аса жоғары сезімталдық реакцияларына қатысты мұқият бағалау керек. Ауыр аллергиялық реакция пайда болса, препаратты тоқтатып, тиісті шараларды қабылдау керек. Меропенеммен ем алып жүрген пациенттерде Стивенс – Джонсон синдромы, уытты эпидермалық некролиз, эозинофилиямен және жүйелі синдромдармен (DRESS синдром) жүретін дәрілік реакция, мультиформалы эритема, жедел жайылған экзантематозды пустулез сияқты терінің ауыр жағымсыз реакциялары байқалды. Атап көрсетілген реакциялардың дамуын айғақтайтын белгілер мен симптомдар пайда болған жағдайда меропенеммен емді шұғыл тоқтату және баламалы емдеуді қарастыру керек. Басқа бета-лактамды антибиотиктерді қолдану кезінде аса жоғары сезімталдық реакциялары тіркелді, олар Коунис синдромына дейін үдеді (миокард инфарктісіне әкелуі мүмкін коронарлық артериялардың жедел аллергиялық түйілуі). Рабдомиолиз Меропенемді қолданған кезде рабдомиолиз жағдайлары тіркелді. Егер рабдомиолиздің белгілері немесе симптомдары байқалса, меропенемді қабылдауды тоқтатып, тиісті емді бастау керек. Антибиотиктерді қабылдаудан туындаған колит Сирек жағдайларда меропенемді қолданғанда, антибиотиктердің бәрін дерлік қолдану кезіндегі сияқты, ауырлығы жеңілден өмірге қауіпті түрлеріне дейін құбылуы мүмкін жалған жарғақшалы колит дамуы байқалады. Архимакс препаратын қолдану аясында диарея туындағанда жалған жарғақшалы колиттің даму мүмкіндігін есте сақтау маңызды. Жалған жарғақшалы колиттің дамуы кезінде препаратты тоқтату және Clostridium difficile-ге спецификалық терапияны тағайындау туралы қарастыру керек. Ішек перистальтикасын тежейтін препараттарды қолдану қарсы көрсетілімді. Құрысулар Карбапенемдер, оның ішінде меропенем қолдану аясында құрысулар туындауы жайлы сирек хабарланды. Меропенемді құрысуға дайындық шегі төмендеген пациенттерде қолданғанда сақ болу керек. Бауыр проблемалары Егер сіз терінің және көздің сарғаюын, терінің қышуын, несептің күңгірттенуін немесе нәжістің ашық түсті болуын байқасаңыз, өз дәрігеріңізге хабарлаңыз. Бұл сіздің дәрігеріңіз тексеруі қажет бауыр проблемаларының белгісі болуы мүмкін. Бауыр аурулары бар пациенттерде Архимакс препаратын қолдану трансаминазалардың белсенділігі мен билирубин концентрациясын мұқият бақылаумен жүргізілуі тиіс. Тікелей антиглобулин тестіндегі сероконверсия (Кумбс сынамасы) Тікелей немесе жанама Кумбс тесті меропенеммен емдеу кезінде оң нәтиже беруі мүмкін. Вальпрой қышқылын/натрий вальпроатын/вальпромидті бір мезгілде қабылдау Қан сарысуындағы вальпрой қышқылы концентрациясының ықтимал төмендеуіне байланысты меропенем мен вальпрой қышқылын/натрий вальпроатын/вальпромидті бір мезгілде қолдану ұсынылмайды. Кейбір пациенттерде емдік деңгейінен төмен концентрациясына жетуге болады. Арнайы ескертулер Натрий Препарат құрамында 500 мг меропенем құтысында 45 мг натрий бар, бұл ересек адам үшін ДДҰ ұсынған натрийдің ең жоғары тәуліктік дозасының 2.25% – ына баламалы - 2 г. мұны натрий-бақыланатын диетадағы пациенттер назарға алуы тиіс. Педиатрияда қолданылуы 3 айға дейінгі балаларда препараттың тиімділігі мен төзімділігі бағаланбаған, осыған байланысты осы жас тобына препаратты қолдану ұсынылмайды. Бауыр мен бүйрек функциясы бұзылған балаларға препаратты қолдану тәжірибесі жоқ. Жүктілік Жүктілік кезінде әйелдерге Архимаксты қолдану қауіпсіздігі зерттелмеген. Архимакс жүктілік кезінде, оны ана үшін қолданудың ықтимал артықшылығы ұрықтың ықтимал қаупін ақтайтын жағдайларды қоспағанда, қолданылмауы тиіс. Әрбір жағдайда препарат дәрігердің бақылауымен қолданылуы керек. Лактация Архимакс бала емізетін әйелдерге, оны ана үшін қолданудың ықтимал артықшылығы баланың ықтимал қаупін ақтайтын жағдайларды қоспағанда, қолданылмауы тиіс. Препаратты лактация кезеңінде қолдану қажет болған жағдайда бала емізуді тоқтату туралы мәселені қарастыру керек. Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері Емдеу кезеңінде құрысулар, елестеулер сияқты жағымсыз әсерлердің даму мүмкіндігін ескере отырып, көлік құралын немесе қауіптілігі зор механизмдерді басқару кезінде сақ болу қажет.

Нұсқаулықта көрсетілмеген.

Пробенецид қан плазмасындағы меропенемнің жартылай шығарылу кезеңі мен концентрациясының артуын туындатып, бүйрек экскрециясын тежей отырып, белсенді өзекшелік секрециясы үшін меропенеммен бәсекелеседі, сондықтан оларды бірге енгізу ұсынылмайды. Меропенем қан сарысуындағы вальпрой қышқылының деңгейін төмендетуі мүмкін. Антибиотиктерді варфаринмен бір мезгілде қолдану оның антикоагулянттық әсерін арттыруы мүмкін. Басқа препараттарды қабылдау кезінде меропенемді қолдану жағымсыз фармакологиялық өзара әрекеттесулердің дамуымен қатар байқалмаған. Алайда басқа ықтимал дәрілік өзара әрекеттесулер туралы нақты деректер жоқ.

Сақтау мерзімі 3 жыл Жарамдылық мерзімі өткеннен кейін қолдануға болмайды! Сақтау шарттары Түпнұсқалық қаптамасында, құрғақ, жарықтан қорғалған жерде, 25 °С-ден аспайтын температурада сақтау керек. Балалардың қолы жетпейтін жерде сақтау керек!