АСВИЛДА МЕТ таблетки 50 мг+1000 мг

Бір таблетканың құрамында белсенді заттар - вилдаглиптин 50 мг метформин гидрохлориді 850 мг немесе 1000 мг қосымша заттар: гидроксипропилцеллюлоза (EXF grade), гидроксипропилметилцеллюлоза (E15), магний стеараты. Қабығы: Opadry 03F220085 сары (Aquarius Prime BAP314290 сары), Opadry 03F220084 сары (Aquarius Prime BAP314287 сары). Сыртқы түрінің, иісінің, дәмінің сипаттамасы Сопақша пішінді, шеттері қиғаш, сары түсті үлбірлі қабықпен қапталған, бір жағында «850» жазуы бар таблеткалар (50 мг+850 мг доза үшін). Сопақша пішінді, шеттері қиғаш, күңгірт-сары түсті үлбірлі қабықпен қапталған, бір жағында «1000» жазуы бар таблеткалар (50+1000 доза үшін).

АСВИЛДА МЕТ дәрілік препараты 2 типті қант диабеті бар ересек пациенттерде гликемияның бақылануын жақсарту үшін диетотерапия мен дене жаттығуларына қосымша ретінде қолдануға арналған: • метформин гидрохлоридімен монотерапияның тиімділігі жеткіліксіз пациенттерде; • вилдаглиптин мен метформин гидрохлоридінің бөлек-бөлек таблеткалар түріндегі біріктірілімін қабылдап жүрген пациенттерде; • инсулинді қоса, гипогликемиялық дәрілермен біріктірілімде, олар гликемияның талапқа сай бақылануын қамтамасыз ете алмайтын жағдайда.

Әсер ету механизмі АСВИЛДА МЕТ препараты әсер ету механизмдері 2-нші типті қант диабеті бар пациенттерде қандағы глюкоза деңгейінің бақылануын жақсарту үшін қолайлы екі гипогликемиялық затты біріктіреді: вилдаглиптин, ұйқы безінің аралшықты жасушаларымен инсулин синтезін стимуляциялайтын дәрілік заттарға жатады, және метформин гидрохлориді, бигуанидтер класына жатады. Вилдаглиптин, ұйқы безінің аралшықты жасушаларымен инсулин синтезінің стимуляторлары класына жататын препарат, дипептидилпептидаза-4 (ДПП-4) күшті және селективті тежегіші болып табылады. Метформин бірінші кезекте, бауырда глюкозаның эндогендік өндірілуін төмендетудің есебінен әсер етеді. Фармакодинамикалық әсерлері Вилдаглиптин Вилдаглиптин негізінен, ГТП-1 (глюкагонтәрізді пептид–1) және АТП (асқазандық-тежегіштік пептид) инкретиндік гормондарының ыдырауына жауапты фермент ДПП-4 тежеу жолымен әсер етеді. Вилдаглиптинді қолдану ДПП-4 белсенді заттарының жылдам және толық тежелуіне алып келеді, бұл ГТП-1 және АТП инкретиндік гормондарының аш қарындағы және ас ішкеннен кейінгі эндогендік деңгейлерінің жоғарылауына әкеп соқтырады. Аталған инкретиндік гормондардың эндогендік деңгейлерін арттыра отырып, вилдаглиптин бета-жасушалардың глюкозаға сезімталдығын арттырады, бұл инсулиннің глюкозаға тәуелді секрециясының жоғарылауына алып келеді. Тәуліктік дозасы 50–100 мг вилдаглиптинмен емдеу 2-нші типті қант диабеті бар пациенттерде HOMA-β (β бағалаудың гомеостаздық моделін) қоса, тамаққа толеранттылыққа жиі жүргізілетін тестілердің негізінде ізашар инсулиннің инсулинге арақатынасы мен бета-жасушалардың сезімталдығы көрсеткіштерін, бета-жасушалар функциясының маркерлерін едәуір жақсартты. Қант диабетіне шалдықпаған (гликемия деңгейі қалыпты) адамдарда, вилдаглиптин инсулин секрециясын немесе глюкоза деңгейінің төмендеуін стимуляцияламайды. Эндогендік ГТП-1 деңгейлерінің жоғарылауы есебінен, вилдаглиптин альфа-жасушалардың глюкозаға сезімталдығын да күшейтеді, бұл глюкагонның глюкозаға баламалырақ секрециясына алып келеді. Гипергликемия кезінде инкретиндік гормондар деңгейлерінің артуы есебінен инсулин/глюкагон арақатынасының жақсарған жоғарылауы аш қарында және ас ішкеннен кейін бауырда глюкоза өндірілуінің азаюына алып келеді, бұл гликемияның төмендеуіне алып келеді. Вилдаглиптинмен емдегенде ГТП-1 деңгейі жоғарылауының белгілі, асқазанның босауын кідіртетін әсері байқалмайды. 52 апталық көп орталықтық рандомизацияланған салыстырмалы жасырын зерттеу 2 типті қант диабеті мен қатарлас жүрек жеткіліксіздігі (NYHA бойынша I-III функционалдық класы) бар пациенттер арасында плацебомен (N=126) салыстырғанда, күніне екі рет 50 мг вилдаглиптиннің (N=128) сол жақ қарыншаның лықсыту фракциясына (СҚЛФ) ықпалын бағалау мақсатында жүргізілді. Вилдаглиптинді қолдану сол жақ қарынша функциясының өзгеруімен немесе бұрыннан бар ЖЖЖ нашарлауымен байланысты болмады. Жүрек-қантамырлық асқынулардың көрсеткіштері жалпы алғанда, теңгерімді болды. NYHA жіктемесі бойынша жүрек жеткіліксіздігінің III класы бар, вилдаглиптинді қабылдаған пациенттерде жүрек аурулары жағдайларының саны плацебомен салыстырғанда көп байқалды. Алайда, бастапқы жүрек-қантамырлық қауіп плацебоның пайдасына бірқалыпты болмады, ал оқиғалар саны аз болды, бұл біржақты тұжырымдар жасауға мүмкіндік бермейді. Плацебомен салыстырғанда, вилдаглиптин HbA1c деңгейін бастапқы орташа 7,8% деңгейімен салыстырғанда едәуір төмендетті (айырмашылығы 0,6% құрады). Жалпы популяцияда гипогликемиялардың жиілігі вилдаглиптин және плацебо топтарында сәйкесінше 4,7% және 5,6% құрады. Метформин Метформин плазмадағы базальді және постпрандиальді глюкозаны төмендететін, гипогликемиялық әсері бар бигуанид болып табылады. Ол инсулин секрециясын стимуляцияламайды және сәйкесінше, гипогликемияға немесе салмақ жоғарылауына алып келмейді. Метформин глюкозаны төмендететін әсерін үш механизмнің көмегімен беруі мүмкін: • Глюконеогенез бен гликогенолизді тежеу жолымен, бауырда глюкозаның өндірілуін азайту. • Бұлшықеттерде, инсулинге сезімталдықты орташа арттыру, глюкозаның сіңірілуі мен шеткері тіндерге утилизациялануын жақсарту жолымен. • Глюкозаның ішекте сіңірілуін кідірте отырып. Метформин гликоген-синтазаға әсер ету жолымен гликогеннің жасушаішілік синтезін стимуляциялайды және глюкозаны жарғақшалық тасымалдағыштардың спецификалық типтерінің (GLUT-1 мен GLUT-4) тасымалдау қабілеттілігін арттырады. Адам организмінде оның гликемияға реакциясына байланыссыз, метформин липидтер алмасуына жағымды әсер береді. Бақыланатын, орташа шұғыл немесе ұзақ клиникалық зерттеулерде емдік дозаларында көрсетілгені: метформин қан сарысуындағы жалпы холестерин, ТТЛП холестерині мен триглицеридтер деңгейлерін төмендетеді. Проспективтік рандомизацияланған UKPDS (Британияның қант диабетіне жүргізген проспективтік заерттеу) зерттеуінде 2-нші типті диабет кезінде қандағы глюкозаны қарқынды бақылаудың ұзақ мерзімді пайдасы анықталды. Артық салмағы бар, диетадан бас тартқаннан кейін метформинді қабылдаған пациенттер үшін нәтижелерді талдау келесілерді көрсетті: • тек бір ғана диетаны ұстанатын пациенттер тобымен (43,3 жағдай /1000 пациент-жыл) (р=0,0023) салыстырғанда, және монотерапия және сульфонилмочевина мен инсулин біріктірілген топтармен (40,1 жағдай/1000 пациент-жыл) (р=0,0034) салыстырғанда, метформин тобында диабетпен байланысты кез келген асқынудың абсолюттік қаупінің едәуір төмендеуі (29,8 жағдай /1000 пациент-жыл); • диабетпен байланысты өлімнің абсолюттік қаупінің едәуір төмендеуі: метформин – 7,5 жағдай/1000 пациент-жыл, бір ғана диета 12,7 жағдай/1000 пациент-жыл (р=0,017); • жалпы өлімнің абсолюттік қаупінің едәуір төмендеуі: бір ғана диетадағы 20,6 жағдай/1000 пациент-жылмен салыстырғанда, метформин - 13,5 жағдай/1000 пациент-жыл (р=0,011) және монотерапия және сульфонилмочевина мен инсулин біріктірілген топтармен салыстырғанда 18,9 жағдай/1000 пациент-жыл (р=0,021); • миокард инфарктісі дамуының абсолюттік қаупінің едәуір төмендеуі: метформин – 11 жағдай/1000 пациент-жыл, бір ғана диета 18 жағдай /1000 пациент-жыл (р=0,01). Клиникалық тиімділігі мен қауіпсіздігі Вилдаглиптин плацебомен салыстырғанда гликирленген гемоглобин деңгейінің 6 айлық ем аяқталған кезде статистикалық тұрғыдан қосымша елеулі орташа төмендеуін қамтамасыз ететін метформинмен монотерапияға қарамастан, қандағы глюкоза деңгейінің бақылануы қанағаттанарлықсыз болып табылатын пациенттерге қосымша тағайындалады (топтық айырмашылықтар 50 және 100 мг вилдаглиптин үшін сәйкесінше -0,7-ден -1,1% дейін болғанда). Гликирленген гемоглобин деңгейінің бастапқы деңгейінен ≥0,7%-ға төмендеуіне қол жеткізген пациенттердің арақатынасы статистикалық тұрғыдан, метформин мен плацебоны қолданған топпен (20%) салыстырғанда, вилдаглиптин мен метформинді қолданған екі топта да едәуір жоғары болды (сәйкесінше 46 және 60%). 24 апталық зерттеу кезеңінде метформинді қолданғанда бақылануы қанағаттанарлық болмаған (орташа тәуліктік дозасы: 2020 мг) пациенттерде вилдаглиптин (күніне екі рет 50 мг) пиоглитазонмен (күніне бір рет 30 мг) салыстырылды. Гликирленген гемоглобиннің бастапқы 8,4% деңгейінен орташа төмендеуі метформинге қосымша тағайындалған вилдаглиптинді қолданғанда -0,9%, және метформинге қосымша тағайындалған пиоглитазонды қолданғанда -1,0% құрады. Метформинге қосымша тағайындалған вилдаглиптинді қабылдаған пациенттерде салмақтың +0,3 кг-ге жоғарылауымен салыстырғанда, метформинге қосымша тағайындалған пиоглитазонды қабылдаған пациенттерде дене салмағының +1,9 кг-ге орташа жоғарылауы байқалды. 2 жылға созылған клиникалық сынақта, вилдаглиптин (тәулігіне екі рет 50 мг) пациенттерді метформинмен (орташа тәуліктік дозасы: 1894 мг) емдеуде глимепиридпен (тәулігіне 6 мг дейін — 2 жыл ішіндегі орташа дозасы: 4,6 мг) салыстырылды. 1 жылдан соң гликирленген гемоглобиннің бастапқы 7,3% деңгейінен орташа төмендеуі метформинге қосымша тағайындалған вилдаглиптинді қолданғанда -0,4%, және метформинге қосымша тағайындалған глимепиридті қолданғанда -0,5 % құрады. Дене салмағының өзгеруі глимепиридті қолданғандағы +1,6 кг-мен салыстырғанда, вилдаглиптинді қолданғанда -0,2 кг құрады. Гипогликемияның жаңа жағдайларының саны глимепиридті қабылдаған пациенттер тобындағыға (16,2%) қарағанда, вилдаглиптинді қабылдаған пациенттер тобында едәуір төмен (1,7%) болды. Зерттеудің ақырғы нүктесінде (2 жыл) гликирленген гемоглобин (HbA1) екі топта да бастапқы мәндеріне жуықтады, ал дене салмағының өзгерістері мен гипогликемияның айырмашылықтары сақталып қалды. 52 апталық зерттеу барысында жай-күйін метформиннің (метформиннің бастапқы дозасы тәулігіне 1928 мг құрады) көмегімен бақылау қанағаттанарлықсыз болған пациенттерді мысалға ала отырып, вилдаглиптинді (тәулігіне екі рет 50 мг) гликлазидпен (орташа тәуліктік дозасы: 229,5 мг) салыстыру жүргізілді. 1 жылдан соң гликирленген гемоглобин деңгейінің орташа төмендеуі метформинге қосымша тағайындалған вилдаглиптинді қолданғанда -0,81% (гликирленген гемоглобиннің бастапқы орташа 8,4% деңгейі кезінде), және метформинге қосымша тағайындалған гликлазидті қолданғанда -0,85% құрады (гликирленген гемоглобиннің бастапқы орташа 8,5% деңгейі кезінде); бұл ретте статистикалық тұрғыдан аз емес нәтижелілікке қол жеткізілді (95% СА –0,11–0,20). Гликлазидті қолданғанда дене салмағының +1,4 кг артуымен салыстырғанда, вилдаглиптинді қолданғанда дене салмағының өзгеруі +0,1 кг құрады. 24 апталық зерттеуде вилдаглиптин мен метформиннің дозаларының бекітілген біріктірілімінің тиімділігі (тәулігіне екі рет 50мг/500 мг немесе тәулігіне екі рет 50мг/1000 мг дозасына дейін біртіндеп титрленген) бұрын бұл дәрілік затты қабылдамаған пациенттердегі бастапқы ем ретінде бағаланды. Тәулігіне екі рет 50мг/1000 мг вилдаглиптин/метформин біріктірілімін қолданғанда гликирленген гемоглобин деңгейі -1,82%-ға, тәулігіне екі рет 50мг/500 мг вилдаглиптин/метформин біріктірілімін қолданғанда -1,61%-ға, тәулігіне екі рет 1000 мг метформинді қолданғанда – бастапқы деңгейінен -1,36%-ға және тәулігіне екі рет 50 мг вилдаглиптинді қолданғанда – гликирленген гемоглобиннің бастапқы 8,6% деңгейінен -1,09%-ға төмендеген. Гликирленген гемоглобиннің бастапқы деңгейі ≥10,0% пациенттерді емдегенде көп төмендегені байқалды. 24 апталық рандомизацияланған салыстырмалы жасырын, плацебо бақланатын зерттеу 318 пациенттен тұратын топта, метформинмен (тәулігіне ≥1500 мг) және глимепиридпен (тәулігіне ≥4 мг) біріктірілген вилдаглиптиннің (тәулігіне 50 мг екі рет) тиімділігі мен қауіпсіздігін бағалау мақсатында жүргізілді. Метформинмен және глимепиридпен біріктірілген вилдаглиптин гликирленген гемоглобин деңгейін плацебомен салыстырғанда едәуір төмендетті. Гликирленген гемоглобиннің 8,8% бастапқы деңгейінің плацебо-түзетілген орташа төмендеуі -0,76% құрады. Диагнозы алғаш қойылған 2 типті қант диабеті бар пациенттердің қатысуымен жүргізілген 5 жылдық көп орталықтық рандомизацияланған салыстырмалы жасырын зерттеу (VERIFY) барысында бастапқыда метформинмен стандартты монотерапиямен, кейіннен вилдаглиптинмен біріктіріп (бірінен соң бірімен емдеу тобы) (N = 1003) емдеумен салыстырғанда, вилдаглиптинмен және метформинмен бастапқы біріктіріп емдеудің (N = 998) әсері бағаланды. 2 типті қант диабеті бар, бұрын ем жүргізілмеген пациенттердегі 5 жылдық зерттеуде метформинмен монотерапиямен салыстырғанда, тәулігіне екі рет 50 мг дозадағы вилдаглиптинмен және метформинмен біріктіріп емдеу «бастапқы емнің тиімсіздігі дамығанға дейінгі уақыт» қаупінің статистикалық және клиникалық тұрғыдан елеулі салыстырмалы төмендеуіне алып келген (HbA1c ≥ 7 % деңгейі) (ҚА [95 % СА]: 0,51 [0,45; 0,58]; p < 0,001). Бастапқы емнің тиімсіздігінің жиілігі (HbA1c мәні ≥ 7 %) біріктіріп емдеу тобында 429 (43,6 %) пациентті және бірінен соң бірімен емдеу тобында - 614 (62,1 %) пациентті құрады. 24 апталық рандомизацияланған салыстырмалы жасырын, плацебо-бақыланатын зерттеу 449 пациенттен тұратын топта, базальді немесе біріктірілген инсулиннің тұрақты дозасымен (орташа тәуліктік дозасы – 41 бірлік) біріктірілген вилдаглиптиннің (тәулігіне екі рет 50 мг) тиімділігі мен қауіпсіздігін бағалау мақсатында, метформинді бірге қолданғанда (N=276) немесе метформинді бірге қолданусыз (N=173) жүргізілді. Вилдаглиптин инсулинмен біріктірілгенде гликирленген гемоглобин деңгейін плацебомен салыстырғанда едәуір төмендеткен. Барлық пациенттер үшін жалпы алғанда, гликирленген гемоглобиннің 8,8% бастапқы деңгейінің плацебо-түзетілген орташа төмендеуі -0,72% құрады. Метформинді бір мезгілде қолданғанда немесе бір мезгілде қолданусыз инсулинді қабылдаған қосалқы топтарда, гликирленген гемоглобин деңгейінің плацебо-түзетілген орташа төмендеуі сәйкесінше -0,63% және -0,84% құрады. Барлық пациенттер үшін жалпы алғанда, гипогликемияның жаңа жағдайларының саны вилдаглиптин және плацебо қолданылған топтарда сәйкесінше 8,4 және 7,2% құрады. Вилдаглиптинді қабылдаған пациенттерде дене салмағының артқаны байқалмады (+0,2 кг), ал плацебо қабылдаған пациенттерде төмендегені байқалды (-0,7 кг). Басқа бір 24 апталық зерттеуде үдемелі сатыдағы 2-нші типті қант диабеті бар, инсулиннің көмегімен бақылау (әсері қысқа және ұзағырақ инсулиннің орташа дозасы – тәулігіне 80 мБірл) қанағаттанарлықсыз болған пациенттер тобында, инсулинге қосымша вилдаглиптинді (тәулігіне екі рет 50 мг) тағайындағанда гликирленген гемоглобин деңгейінің орташа төмендеуі плацебо мен инсулинді қолданған кездегіге қарағанда статистикалық тұрғыдан едәуір жоғары болды (0,2%-бен салыстырғанда 0,5%). Гипогликемияның жаңа жағдайларының саны плацебо қабылдаған пациенттер тобындағыға қарағанда, вилдаглиптинді қабылдаған пациенттер тобында төмен болды (29,6%-бен салыстырғанда 22,9%). Жүрек-қантамырлық асқынулар қаупі Монотерапия мен біріктірілген емнің III және IV фазалардағы, 2 жылдан артыққа созылған (әсерінің орташа ұзақтығы вилдаглиптин үшін 50 апта және салыстыру препараттары үшін 49 апта) 37 клиникалық зерттеудің тәуелсіз және проспективті бағаланған жүрек-қантамыр оқиғаларының мета-талдауы, салыстыру препараттарымен салыстырғанда, вилдаглиптинмен емдеу жүрек-қантамырлық аурулар қаупінің артуымен байланысты болмағанын көрсетті. Жедел миокард инфарктісін, инсультті немесе жедел коронарлық синдромды (ЖКС), ми қанайналымының өтпелі бұзылуын (инфаркт белгілерінің визуализациясымен), инсультті немесе жүрек-қантамыр патологиясының себебінен өлуді қоса, анықталған ауыр жүрек–қантамырлық асқынулардың (АЖҚА) біріккен ақырғы нүктесі біріктірілген белсенді салыстыру препараттарымен және плацебомен салыстырғанда, вилдаглиптин үшін ұқсас болды [Mantel–Haenszel бойынша қауіптің арақатынасы (M-H RR) 0,82 (95 % СА 0,61–1,11)]. АЖҚА вилдаглиптинді қабылдаған 9599 пациенттің 83-інде (0,86 %), және салыстыру препараттарын қабылдаған 7102 (1,20 %) пациенттің 85-інде байқалған. ЖҚЖЖЖ әрбір жекелеген компонентін бағалау қауіптің жоғарылағанын көрсетпеді (ұқсас M-H RR). Ауруханаға жатқызуды талап ететін жүрек жеткіліксіздігі (ЖЖ), немесе ЖЖ жаңа көріністері ретінде анықталған ЖЖ расталған жағдайлары вилдаглиптинді қабылдаған 41 пациентте (0,43 %) және салыстыру препараттарымен M-H RR 1,08 (95 % СА 0,68–1,70) ем қабылдаған 32 пациентте (0,45 %) тіркелді.

Дозалау режимі Бүйрек функциясы қалыпты ересек пациенттер (ШСЖ≥90 мл/мин) Препаратты 2 типті қант диабеті кезінде антигипергликемиялық дәрі ретінде пайдаланғанда оның дозасын жекелей, пациентті емдеу схемасына байланысты және препараттың тиімділігі мен жағымдылығын ескере отырып таңдайды. АСВИЛДА МЕТ препаратын тағайындауды күніне екі рет 50мг+850 мг немесе 50мг+1000 мг дозасынан бастауға болады, бір таблеткасы таңертең, ал келесісі кешке қабылданады. АСВИЛДА МЕТ препаратын тағайындағанда вилдаглиптиннің ең жоғары тәуліктік (100 мг) дозасын арттырмау керек. - Метформиннің ең жоғары жағымды дозасымен монотерапия кезінде жай-күйі тиісінше бақыланбайтын пациенттер үшін АСВИЛДА МЕТ препаратының бастапқы дозасын күніне екі рет 50 мг дозадағы вилдаглиптин (жалпы тәуліктік дозасы 100 мг) мен пациент бұрыннан қабылдап жүрген дозадағы метформинді қолдану қамтамасыз етуі тиіс. - Бөлек-бөлек препараттар түріндегі вилдаглиптинмен және метформимен біріктіріп емдеуден, АСВИЛДА МЕТ препаратын қабылдауға ауысқан пациенттер үшін вилдаглиптиннің немесе метформиннің пациент бұрыннан қабылдап жүрген дозаларын негізге ала отырып бастау керек. - Метформинмен және сульфонилмочевинамен қосарлы біріктірілімін қабылдағанда жай-күйі тиісінше бақыланбайтын пациенттер үшін, АСВИЛДА МЕТ препаратының дозасын күніне екі рет 50 мг дозадағы вилдаглиптин (жалпы тәуліктік дозасы 100 мг) мен пациент бұрыннан қабылдап жүрген дозадағы метформинді қолдану қамтамасыз етуі тиіс. Егер АСВИЛДА МЕТ препараты сульфонилмочевинамен біріктіріп қабылданса, гипогликемияның даму қаупін төмендету үшін сульфонилмочевинаның төменірек дозаларын тағайындау мүмкіндігін қарастыру керек. - Инсулинмен және метформиннің ең жоғары жағымды дозасымен біріктірілген қосарлы ем арқылы жай-күйі тиісінше бақыланбайтын пациенттер үшін, АСВИЛДА МЕТ препаратының дозасын күніне екі рет 50 мг дозадағы вилдаглиптин (жалпы тәуліктік дозасы 100 мг) мен пациент бұрыннан қабылдап жүрген дозадағы метформинді қолдану қамтамасыз етуі тиіс. Тиазолидиндионмен үш компонентті біріктірілген ем құрамындағы вилдаглиптин мен метформиннің қауіпсіздігі мен тиімділігі анықталмаған Пациенттердің ерекше топтары Балалар Балалар мен жасөспірімдерде вилдаглиптин/метформин препаратын қолданудың қауіпсіздігі мен тиімділігі анықталмаған. Сондықтан, АСВИЛДА МЕТ препаратын 18 жасқа толмаған пациенттерге тағайындау ұсынылмайды. Егде жастағы (≥65 жас) пациенттер Метформин бүйрек арқылы экскрецияланатындықтан, ал 65 жас шамасындағы және одан үлкен егде жас кезеңінде бүйрек функциясының төмендеу үрдісі болатындықтан, аталған жас санатындағы пациенттерде АСВИЛДА МЕТ препаратымен емдеу кезінде бүйректің функционалдық жай-күйін жүйелі түрде бақылап отыру қажет. Бауыр жеткіліксіздігі бар пациенттер Бауыр жеткіліксіздігінің көріністері бар пациенттерге, соның ішінде, емдеуді бастар алдында АЛТ немесе АСТ белсенділігі қалыптың жоғарғы шегінен 3 еседен артық жоғарылаған жағдайларда АСВИЛДА МЕТ препаратын тағайындау ұсынылмайды. Бүйрек жеткіліксіздігі бар пациенттер Шумақтық сүзілу жылдамдығы (ШСЖ) құрамында метформин бар препараттармен емдеуді бастағанға дейін және жылына 1 реттен сиретпей бағалануы тиіс. Бүйрек функциясы бұзылуының ары қарай үдеу қаупі жоғары пациенттерде және егде жастағы пациенттерде бүйрек функциясы жиірек, мысалы, әр 3-6 ай сайын бағалануы тиіс. Метформиннің ең жоғары тәуліктік дозасы 2-3 қабылдауға бөлінуі тиіс. Лактоацидоздың даму қаупін арттыруы мүмкін факторлар ШСЖ минутына <60 мл пациенттердің метформинді қабылдауды бастауы туралы мәселе қарастырылғанға дейін қайта қаралуы тиіс. Егер АСВИЛДА МЕТ препаратының талапқа сай дозасы болмаса, бекітілген біріктірілімнің орнына монокомпоненттері жеке-жеке пайдаланылуы тиіс. ШСЖ мл/мин — Метформин — Вилдаглиптин 60-89 — Ең жоғары тәуліктік дозасы 3000 мг. Бүйрек функциясы төмендеген жағдайда, дозасын азайтуды қарастыруға болады. — Дозасын түзету қажет емес. 45-59 — Ең жоғары тәуліктік дозасы 2000 мг. Бастапқы дозасы ең жоғары дозасының жартысынан аспайды. — Ең жоғары тәуліктік дозасы 50 мг. 30-44 — Ең жоғары тәуліктік дозасы 1000 мг. Бастапқы дозасы ең жоғары дозасының жартысынан аспайды. <30 — Метформинді қолдануға болмайды. Енгізу әдісі және жолы Пероральді Қабылдау уақыты көрсетілген қолданылу жиілігі Асқазан-ішек жолына, метформинмен байланысты әсерлерін болдырмау үшін, препаратты тамақтану кезінде немесе тамақтан кейін бірден қабылдау керек. Емдеу ұзақтығы Емдеуші дәрігер белгілейді. Дәрілік препараттың бір немесе бірнеше дозасын өткізіп алған жағдайда қажетті шаралар Егер АСВИЛДА МЕТ препаратының дозасы өткізіліп алса, оны пациент ол туралы есіне түскен бойда қабылдауы қажет. Бір күнде екі дозасы қабылданбауы тиіс. Тоқтату симптомдары қаупінің болатыны жөніндегі нұсқау Қатысты емес. Дәрілік препаратты қолдану тәсілін түсіндіруі үшін емдеуші дәрігердің кеңесіне жүгіну қажет Дәрілік препаратты (ДП) стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар Вилдаглиптин мен метформинмен (монокомпоненттер түрінде немесе бекітілген біріктірілген түрінде) немесе басқа диабетке қарсы препараттармен, клиникалық зерттеулерде және тіркеуден кейінгі кезеңде қабылдаған пациенттердегі жағымсыз реакциялар: Жиі (≥1/100-ден <1/10 дейін) • жоғарғы тыныс алу жолдарының инфекциясы • назофарингит • бас айналуы • бас ауыруы • тремор • құсу • диарея • жүрек айнуы • гастроэзофагеальды рефлюксті ауру • метеоризм • іш қату • іштің ауруы, оның ішінде жоғарғы бөлігінде • гипергидроз • қышыну • бөртпе • дерматит • артралгия • астения Жиі емес (≥1/1000-нан <1/100 дейін) • гипогликемия • тәбеттің жоғалуы • ауыздың темір татуы • панкреатит • гепатит • эритема • есекжем • миалгия • қажу • қалтыру • шеткері ісіну • бауыр функционалдық сынамалары көрсеткіштерінің қалыптан ауытқуы Өте сирек (<1/10000) • В12 дәруменінің сіңірілуінің төмендеуі, лактоацидоз Белгісіз (қолда бар деректер негізінде бағалау мүмкін емес) • буллезді пемфигоидты қоса, терінің эксфолиативті немесе буллезді зақымдануы • тері васкулиті Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

• әсер етуші заттарға немесе препараттың құрамына кіретін қосымша заттардың кез келгеніне аса жоғары сезімталдық • жедел метаболизмдік ацидоздың кез келген типі (лактоацидозды, диабеттік кетоацидозды қоса) • диабеттік прекома • бүйректің ауыр жеткіліксіздігі (ШСЖ <30 мл/мин) • бүйрек функциясы бұзылуының даму қаупімен жүретін жедел жай-күйлер: дегидратация, ауыр инфекция, шок, құрамында йод бар контрастылы заттарды вена ішіне енгізу • тіндердің гипоксиясын тудыруға қабілетті келесі жедел немесе созылмалы аурулар: жүрек немесе тыныс алу жеткіліксіздігі, жуырда бастан өткерген миокард инфарктісі, шок • бауыр жеткіліксіздігі • жедел алкогольдік уыттану, маскүнемдік • бала емізу кезеңі

Нұсқаулықта көрсетілмеген.

АСВИЛДА МЕТ препаратымен артық дозалануға қатысты қолжетімді деректер жоқ. Вилдаглиптин Вилдаглиптиннің артық дозалануы жөніндегі деректер шектеулі. Симптомдары Вилдаглиптиннің артық дозалануының ықтимал симптомдары туралы ақпарат, вилдаглиптинді 10 күн бойы қабылдаған дені сау сыналушыларда дозаларын арттырудың жағымдылығын зерттеуден алынды. 400 мг дозасында бұлшықет ауруларының үш жағдайы байқалған, сондай-ақ, жеңіл және өтпелі парестезияның жекелеген жағдайлары, қызба, ісіну және липаза деңгейінің өтпелі жоғарылауы болған. 600 мг дозасында бір субъект қол мен аяқтың ісінуін, сондай-ақ, креатинфосфокиназа (КФК), аспартатаминотрансфераза (АСТ), С-реактивті ақуыз (СРА) бен миоглобин деңгейлерінің жоғарылағанын байқаған. Басқа үш субъектіде табандардың ісінуі, екі жағдайда парестезиямен байқалған. Барлық симптомдар мен зертханалық ауытқулар зерттеудегі дәрілік затты қабылдауды тоқтатқаннан кейін емдеусіз басылған. Метформин Метформинмен ауқымды артық дозалану (немесе лактоацидоздың қатарлас қаупі) өмірге қауіп төндіретін, шұғыл медициналық көмекті қажет ететін, және стационарда емделуі тиіс лактоацидозға алып келуі мүмкін. Емі Метформинді шығарудың анағұрлым тимді әдісі гемодиализ болып табылады. Дегенмен, вилдаглиптинді гемодиализдің көмегімен шығару мүмкін емес, әйтсе де, гидролизінің негізгі метаболитін (LAY 151) осы тәсілмен шығаруға болады. Демеуші ем ұсынылады.

АСВИЛДА МЕТ препараты инсулинге тәуелді пациенттерде инсулинді алмастыра алмайды. Препаратты 1 типті қант диабеті бар пациенттерді емдеу үшін тағайындамаған дұрыс. Лактоацидоз Лактоацидоз өте сирек, бірақ күрделі метаболизмдік асқыну болып табылады, көбінесе бүйрек функциясының жедел нашарлауы не болмаса жүрек-қантамырлық немесе респираторлық аурулар, немесе сепсис жағдайында кездеседі. Бүйрек функциясының жедел нашарлауы кезінде метформиннің жинақталуы туындайды, ол лактоацидоздың даму қаупін арттырады. Дегидратация (ауыр диарея немесе құсу, қызба немесе сұйықтықтың аз пайдаланылуы) жағдайында, метформинді қабылдау уақытша тоқтатылуы тиіс және дәрігерге жүгіну ұсынылады. Метформинді қабылдап жүрген пациенттерде бүйрек функциясын нашарлатуы мүмкін дәрілік заттарды (гипотензиялық дәрілер, диуретиктер және ҚҚСД сияқты) қабылдауды сақтықпен бастау керек. Лактоацидоз дамуының басқа қауіп факторлары алкогольді шамадан тыс тұтыну, бауыр жеткіліксіздігі, нашар бақыланатын қант диабеті, кетоз, ұзақ уақыт ашығу және гипоксиямен қатар жүретін кез келген жағдайлар, сондай-ақ лактоацидозды туындатуы мүмкін дәрілік заттарды қатарлас қолдану болып табылады (сондай-ақ, «Қолдануға болмайтын жағдайлар» және «Басқа дәрілік препараттармен өзара әрекеттесуі» бөлімдерін қараңыз). Пациенттер және/немесе олардың қамқоршылары лактоацидоздың даму қаупі туралы хабардар болуы тиіс. Лактоацидоз ацидоздық тыныс алудың, іш ауыруының, бұлшықет құрысуларының, әлсіздік пен гипотермияның болуымен, ары қарай команың дамуымен сипатталады. Зертханалық тексеру кезінде қандағы pH төмендегені (<7.35), лактат деңгейінің 5 ммоль/л артық жоғарылауы, аниондық айырмашылық пен лактат/пируват арақатынасының артуы анықталады. Метаболизмдік ацидозға күдіктенген жағдайда, препарат тоқтатылуы тиіс, ал пациент дереу дәрігерге жүгінуі керек. Құрамында йод бар контрастылы заттарды қолдану Йодталған контрастылы препараттарды вена ішіне енгізгенде контрастыдан туындайтын, метформиннің жинақталуына алып келетін нефропатия дамуы мүмкін, ол лактоацидоздың даму қаупін арттырады. Визуализациялау емшарасының алдында немесе емшара кезінде метформинді тоқтату және оны қабылдауды, бүйрек функциясына қайтадан тексеру жүргізіліп, бүйрек функциясы тұрақты екендігін көрсеткен жағдайда, кемінде 48 сағат өткенге дейін бастамау керек («Дозалау режимі және қолдану тәсілі» бөлімін қараңыз) Бүйрек функциясының бұзылуы ШСЖ қолдануды бастағанға дейін және содан соң жүйелі түрде бағалануы тиіс. ШСЖ минутына <30 мл пациенттерде метформинді қолдануға болмайды, және бүйрек функциясына әсер ететін жағдайлар болған кезде оны қабылдау уақытша тоқтатылуы тиіс («Қолдануға болмайтын жағдайлар» бөлімін қараңыз). Бүйрек функциясына әсер етуі мүмкін, гемодинамикасының елеулі өзгерістеріне алып келуі немесе метформиннің бүйрекпен тасымалдануын бәсеңдетуі және жүйелі экспозициясын жоғарылатуы мүмкін қатарлас дәрілік препараттарды сақтықпен пайдалану керек. Бауыр функциясының бұзылуы Бауыр жеткіліксіздігі бар, соның ішінде, емдеуге дейін АЛТ немесе АСТ деңгейі қалыптың жоғарғы шегінен (ҚЖШ) 3 есе артық болған пациенттер АСВИЛДА МЕТ препаратын қабылдамауы тиіс. Бауыр ферменттерінің белсенділігін бағалау Вилдаглиптинмен емдеу кезінде бауыр функциясы бұзылуының сирек жағдайлары (соның ішінде, гепатит дамығаны) туралы хабарланды. Бұл асқыну, әдетте, симптомсыз және қалдықтық құбылыстарсыз жүрген, бауырдың функционалдық сынамалары препаратты тоқтатқаннан кейін қалпына оралып отырған. АСВИЛДА МЕТ препаратымен емдеуді бастағанға дейін пациенттің бауырының функционалдық жай-күйін бағалау керек. АСВИЛДА МЕТ препаратымен емдеудің алғашқы жылы ішінде бауырдың функционалдық сынамаларын әр 3 ай сайын және ары қарай жүйелі түрде бақылап отыру керек. Трансаминазалар белсенділігінің жоғарылағаны анықталған жағдайда, алынған нәтижені растау үшін пациентті қайта тексеру жүргізілуі тиіс, соның салдарынан бауырдың функционалдық сынамаларын қалыпқа түскенге дейін жиі бақылау қажет. Егер АЛТ немесе АСТ белсенділігінің қалыптың жоғарғы шегінен 3 есе немесе одан көп жоғарылауы қайта жаңғырса, АСВИЛДА МЕТ препаратымен емдеуді тоқтату ұсынылады. Сарғаю немесе бауыр функциясы бұзылуының басқа белгілері туындаған жағдайда, пациент АСВИЛДА МЕТ препаратын қабылдауды тоқтатуы және дереу дәрігерге жүгінуі тиіс. Егер АСВИЛДА МЕТ препараты бауыр тарапынан жағымсыз реакциялардың дамуы себебінен тоқтатылса, бауырдың функционалдық сынамалары қалыпқа түскеннен кейін бұл препаратпен қайта бастамаған дұрыс. Тері қабынулары Клиникаға дейінгі токсикологиялық зерттеулердің нәтижесінде, күлбіреуіктер мен ойық жаралардың түзілуін қамтитын тері зақымданулары, вилдаглиптинді қабылдаған маймылдардың аяқ-қолдарында байқалған. Клиникалық зерттеулерде тері зақымданулары жоғары жиілікпен байқалмағанымен, терінің диабеттік асқынулары бар пациенттерді емдеу тәжірибесі шектеулі. Бұдан өзге, терінің буллездік және эксфолиативтік зақымданулары туралы хабарламалар болған. Сондықтан, диабеті бар пациенттерге жүйелі түрде күтім жасаудың шеңберінде, күлбіреуіктер мен ойық жаралардың түзілуі сияқты тері қабынуларын бақылап отыру ұсынылады. Жедел панкреатит Вилдаглиптинді тұтыну жедел панкреатиттің даму қаупімен астасқан. Пациенттерге жедел панкреатиттің тән симптомдары туралы хабарлау керек. Панкреатит дамығанына күдіктенген жағдайда, вилдаглиптинді қабылдау тоқтатыла тұруы тиіс; жедел панкреатит расталған жағдайда, вилдаглиптинді пайдалануды қайта бастамаған дұрыс. Анамнезінде жедел панкреатит болған пациенттерде препаратты қолданғанда сақтық таныту керек. Гипогликемия Сульфонилмочевина туындылары гипогликемияның дамуына себеп болуы мүмкін екендігі белгілі. Вилдаглиптинді сульфонилмочевинамен біріктіріп қабылдап жүрген пациенттер гипогликемия қаупіне ұшырауы мүмкін. Сол себепті, гипогликемия қаупін төмендету үшін сульфонилмочевинаның төменірек дозаларын қолдануды қарастыруға болады. Операциялық араласу Жалпы, жұлынға жасалатын немесе эпидуральді жансыздандырумен хирургиялық араласу кезінде метформинді қабылдау тоқтатылуы тиіс. Емдеуді бүйрек функциясы қайта бағаланған және тұрақты деп танылған жағдайда, хирургиялық араласудан немесе пероральді тамақтанудың қалпына келуінен кейін 48 сағаттан ерте бастамау керек. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Көлік құралдарын басқару және түрлі механизмдерді пайдалану қабілетіне әсерін зерттеулер жүргізілмеді. Жағымсыз реакция ретінде бас айналуын сезінген пациенттер көлік жүргізуден немесе қауіптілігі зор механизмдермен жұмыс істеуден бас тартқаны жөн.

Жүкті әйелдердің АСВИЛДА МЕТ препаратын қолдануы туралы нақты деректер жоқ. Адамдар үшін потенциалды қауіп белгісіз. Жүктілік кезінде АСВИЛДА МЕТ препаратын қабылдамаған жөн. Метформинмен байланысты жаңа туған нәресте гипогликемиясының потенциалды даму қаупіне және адамдарда вилдаглиптинді қолдану туралы деректердің болмауына байланысты АСВИЛДА МЕТ препаратын бала емізу кезінде қолданбаған жөн.

Вилдаглиптин/метформин біріктірілімі препаратының өзара әрекеттесулерін зерттеулер жүргізілмеді. Келесі деректер жекелеген белсенді фармацевтикалық зарттары туралы қолжетімді ақпаратты көрсетеді. Вилдаглиптин Вилдаглиптиннің бірге енгізілетін препараттармен өзара әрекеттесу қабілеті төмен. Вилдаглиптин Р (CYP) 450 цитохромы ферментінің субстраты емес, және CYP 450 ферменттерін тежемейтіндіктен немесе индукцияламайтындықтан, оның аталған ферменттердің субстраттары, тежегіштері немесе индукторлары болып табылатын белсенді фармацевтикалық заттармен өзара әрекеттесуі екіталай. Вилдаглиптинмен біріктірілген, диабетке қарсы пероральді дәрілер – пиоглитазонды, метформин мен глибенкламидті қолданып жүргізілген клиникалық зерттеулердің нәтижелері, пациенттердің мақсатты популяциясында клиникалық тұрғыдан елеулі фармакокинетикалық өзара әрекеттесулерді көрсетпеді. Дені сау еріктілерде препараттың дигоксинмен (P-гликопротеин субстраты) және варфаринмен (CYP2C9 субстраты) өзара дәрілік әрекеттесуін зерттеулер, вилдаглиптинмен бір мезгілде қолданғаннан кейінгі клиникалық тұрғыдан елеулі фармакокинетикалық өзара әрекеттестіктерін көрсетпеді. Дені сау еріктілердің қатысуымен дәрілік препараттардың өзара әрекеттесуін зерттеулер амлодипинмен, рамиприлмен, валсартанмен және симвастатинмен жүргізілді. Ол зерттеулерде вилдаглиптинмен өзара әрекеттесуінен кейін клиникалық тұрғыдан елеулі фармакокинетикалық әсерлері анықталмады. Алайда, мақсатты популяцияда өзара әрекеттестіктің жоқтығы анықталмады. АӨФ тежегіштерімен біріктірілімі АӨФ тежегіштерін бір мезгілде қабылдап жүрген пациенттерде ангионевроздық ісінудің пайда болу қаупі жоғары. Диабетке қарсы басқа пероральді дәрілік заттармен жағдайдағы сияқты, тиазидтерді, кортикостероидтарды, қалқанша без препараттары мен симпатомиметиктерді қоса, белгілі бір белсенді заттардың әсерінен вилдаглиптиннің гипогликемиялық әсері төмендеуі мүмкін. Метформин Ұсынылмайтын біріктірілімдер Алкогольді пайдалану Алкогольдік уыттану кезінде (әсіресе, ашыққан жағдайда, тойып тамақ ішпеген немесе бауыр жеткіліксіздігі жағдайында) лактоацидоздың даму қаупі жоғарылайды. Бұл препаратпен терапия кезінде алкогольді пайдалану ұсынылмайды. Құрамында йод бар контрастылы заттарды қолдану Визуализациялау емшарасы жүргізілгенге дейін немесе жүргізу кезінде метформинді қабылдауды тоқтату және емшара жүргізілгенен кейін 48 бойы қайта бастамау керек. Қабылдау тек, бүйрек функциясы қайта бағаланған және тұрақтылығы расталғаннан кейін ғана қайта жаңғыртылады. Дәрілік заттарды пайдаланған кезде сақтық шараларын талап ететін біріктірілімдері Кейбір дәрілік препараттар бүйрек функциясына теріс әсер етуі мүмкін, бұл лактоацидоздың даму қаупін арттыруы мүмкін. Оларға циклооксигеназа 2 (ЦОГ-2) селективті тежегіштерін, ангиотензин-өзгертуші фермент (АӨФ) тежегішерін, ангиотензин II рецепторларының антагонистері мен диуретиктерді, әсіресе ілмектік диуретиктерді қоса, ҚҚСД жатады. Мұндай препараттарды метформинмен біріктіріп қолданудың басында немесе қолданған кезде бүйрек функциясына мұқият мониторинг қажет. Глюкокортикоидтар, бета2-агонистер және диуретиктер меншікті гипергликемиялық белсенділікке ие. Пациентті бұдан хабардар ету және әсіресе, емдеудің басында, оның қанындағы глюкоза деңгейін жиірек бақылау керек. Қажет болған жағдайда, қатарлас емдеу барысында және оны тоқтатқан кезде АСВИЛДА МЕТ препаратының дозасы өзгертілуі мүмкін. Ангиотензин-өзгертуші фермент (AӨФ) тежегіштері қандағы глюкоза деңгейін төмендетуі мүмкін. Қажет болған жағдайда, басқа дәрілік заттармен емдеу барысында және оны тоқтатқан кезде антигипергликемиялық дәрілік заттың дозасы өзгертілуі тиіс. Метформиннің несеппен шығарылуына қатысатын бүйрек өзекшелерінің жалпы тасымалдау жүйесіне ықпал ететін (мысалы, органикалық катиондар тасымалдағыштары 2 [OCT2]/ ранолазин, вандетаниб, долутегравир және циметидин сияқты көптеген дәрілік және токсиндік экструзияның тежегіштері [MATE]) дәрілік препараттарды бір мезгілде қолдану метформиннің жүйелі экспозициясының жоғарылауына алып келуі мүмкін.

Сақтау мерзімі 2 жыл Жарамдылық мерзімі өткеннен кейін қолдануға болмайды! Сақтау шарттары Түпнұсқалық қаптамасында 25оС-ден аспайтын температурада сақтау керек. Балалардың қолы жетпейтін жерде сақтау керек!