Асиброкс таблетки 200 мг

Бір таблетканың құрамында белсенді зат: ацетилцистеин 600 мг, қосымша заттар: аскорбин қышқылы, натрий карбонаты, натрий гидрокарбонаты, лимон қышқылы, сорбитол, натрий цитраты, макрогол 6000, натрий сахарині, «Лимон» хош иістендіргіші. Сыртқы түрінің, иісінің, дәмінің сипаттамасы Жайпақ цилиндр пішінді, ойықты, ақ түсті, өзіне тән иісі бар таблеткалар, аздап мәрмәрлі болуы мүмкін.

- қою, бөлінуі қиын шырыш секрециясының артуымен сипатталатын жедел және созылмалы респираторлық бұзылулар.

ATХ коды R05CB01 Әсер ету механизмі Ацетилцистеин – Асиброкс дәрілік затының белсенді заты, шырышты және шырышты-іріңді бөлінділерге қарқынды муколитикалық әсер етеді. Ол қақырық пен басқа бөліністердің шыны тәрізді және іріңді элементтеріне тұтқырлық беретін мукопротеин кешендері мен нуклеин қышқылдарын деполимерлейді. Ацетилцистеин тотықтырғыш радикалдардың электрофильді топтарымен тікелей әрекеттесуге қабілетті бос нуклеофильді тиол тобына (-SH) ие тікелей антиоксиданттық әсерге иеленген. Ацетилцистеин альфа1-антитрипсинді (эластазаны тежейтін фермент) белсендірілген фагоциттердің миелопероксидазасы шығаратын күшті тотықтырғыш гипохлор қышқылының (HOCl) белсенділігін жоятын әсерінен қорғайтыны туралы соңғы жаңалық ерекше қызығушылық тудырады. Молекулалық құрылымының арқасында ацетилцистеин жасуша жарғақшалары арқылы оңай ене алады. Жасуша ішінде ацетилцистеин глутатион синтезіне (GSH) қажетті амин қышқылы – L-цистеинге деацетилденеді. GSH жануарлардың әртүрлі тіндерінде кездесетін жоғары реактивті трипептид болып табылады. Бұл жасушаның функционалдық қабілеті мен морфологиялық тұтастығын сақтау үшін қажет, өйткені ол тотығу радикалдарынан (эндогендік немесе экзогендік) және көптеген цитоуытты заттардан жасушаішілік қорғаныс механизмі болып табылады. Бұл қасиеттер Асиброкс препаратын қою, тұтқыр шырышты және шырышты-іріңді бөліністермен қатар жүретін тыныс алу жолдарының жедел және созылмалы инфекцияларын емдеу үшін қолдануды мақсатқа сай етеді.

Дозалау режимі Жедел аурулар кезіндегі стандартты доза. 12 жастан асқан балалар мен ересектер: күніне 1 рет 1 таблеткадан. Емдеу курсының ұзақтығы 5-тен 10 күнге дейін. Айрықша дозалау схемалары Ұзақ мерзімді емдеу: күніне 600 мг, емдеудің максималды ұзақтығы 3 айдан 6 айға дейін. Егер секреттің шамадан тыс түзілуі және нәтижесінде 2 апталық емдеуден кейін жалғасатын жөтел болса, басқа ауруларды, мысалы, респираторлық жолдың қатерлі ауруларды болдырмау үшін диагнозды қайта қарау ұсынылады. Муковисцидоз: жоғарыда айтылғандай, 6 жастан асқан балалар үшін күніне 1 рет 1 таблеткадан. Енгізу жолы және тәсілі Ішке қабылдау үшін. Құрамында 600 мг ацетилцистеин бар бір таблетканы бөлме температурасында 200 мл ауыз суда ерітіңіз. Тағамның препараттың сіңуіне әсері белгісіз, сондықтан ацетилцистеинді қабылдауға байланысты (дейін немесе кейін) ұсынымдар жоқ. Сұйықтықты қосымша қабылдау ацетилцистеиннің муколитикалық әсерін күшейтеді. Ерігеннен кейін бірден қабылдаңыз, ерекше жағдайларда дайын ерітіндіні 2 сағатқа қалдыруға болады. Туба ашылғаннан кейін күкірттің жеңіл иісі сезілуі мүмкін, ол тез буланып кетеді; бұл препараттың тиімділігіне әсер етпейді.

- ацетилцистеинге немесе қосымша заттардың кез келгеніне аса жоғары сезімталдық - 12 жасқа дейінгі балалар, муковисцидозы бар балаларда – 6 жасқа дейін - жүктілік және лактация кезеңі - белсенді пептидтік ойық жара - фенилкетонурия

Жиі емес (≥1/1000, <1/100) - аса жоғары сезімталдық реакциялары - бас ауыруы - құлақтың шыңылдауы - тахикардия - құсу, диарея, стоматит, іш маңының ауыруы, жүрек айнуы - есекжем, бөртпе, ангионевроздық ісіну, қышыну, экзантема - қызба - гипотония Сирек (≥1/10 000; <1/1 000) - бронх түйілуі, диспноэ - диспепсия Өте сирек (<1/10 000) - анафилаксиялық шок, анафилаксиялық / анафилактоидтық реакция - қан кету Белгісіз - беттің ісінуі Стивенс-Джонсон синдромы және Лайелл синдромы сияқты ацетилцистеинді қабылдау кезінде терідегі ауыр реакциялар дамуының өте сирек жағдайлары тіркелген. Көптеген жағдайларда жоғарыда аталған синдромдардың шығу тегіне қатысы бар ықтималдығы жоғары кем дегенде тағы бір күмәнді дәрілік препарат анықталды; дегенмен, тері мен шырышты қабық тарапынан өзгергерістер болған жағдайда емдеуші дәрігерге қаралған жөн. Бұл жағдайда ацетилцистеинді қабылдауды дереу тоқтату керек. Кейбір зерттеулер ацетилцистеинді қабылдау кезінде тромбоциттер агрегациясының төмендеуін растады. Бұл деректердің клиникалық мәні қазіргі уақытта анықталмаған. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Нұсқаулықта көрсетілмеген.

Ацетилцистеинді қабылдауға байланысты ауыр тері реакцияларының (Стивенс-Джонсон және Лайелл синдромы) жағдайлары өте сирек хабарланған. Тері немесе шырышты қабық тарапынан өзгерістер болған жағдайда препаратты қолдануды дереу тоқтатып, дәрігермен кеңесу керек. Бронх түйілуінің даму мүмкіндігін ескере отырып, бронх демікпесі және бронх жүйесінің өте жоғары реактивтілігі бар пациенттерге ерекше сақ болу керек. Препаратты анамнезінде пептидтік ойық жарасы бар пациенттерде, әсіресе асқазан-ішек жолының шырышты қабығын тітіркендіретін дәрілік заттарды қатар қолданған жағдайда сақтықпен қолдану керек. Гистаминді көтере алмайтын пациенттерде ацетилцистеиннің гистамин метаболизміне ықтимал әсеріне және көтере алмау симптомдарының көріністеріне (мысалы, бас ауыруы, мұрыннан су ағу, қышыну) байланысты ұзақ емдеуден аулақ болып, Асиброксты сақтықпен қабылдау керек. Ацетилцистеинді қабылдау, әсіресе емдеудің басында, бронх секретінің сұйылуына және оның көлемінің ұлғаюына әкелуі мүмкін. Егер пациент қақырықты тиімді шығара алмаса, тиісті шараларды (мысалы, постуральді дренаж және бронхоаспирация) жасау қажет. Балаларда қолдану Асиброкс 600 мг көпіршитін таблеткалар дәрілік затын 12 жасқа дейінгі балаларда (муковисцидоз бар балаларда – 6 жасқа дейін) қолданбаған жөн. Қосымша заттар Асиброкс құрамында сорбитол (E420) бар, сондықтан препарат тұқым қуалайтын фруктоза жақпайтын пациенттерге қолдануға болмайды. Асиброкс 600 мг препаратында 356,8 мг натрий бар, бұл ересек адам үшін ДДҰ ұсынған тәуліктік ең жоғары 2 г натрийдің 17,84%-на баламалы. Натрий мөлшері бақыланатын натрий диетасындағы пациенттерді емдеуде ескерілуі керек (натрийдің төмен мөлшері/тұздың төмен мөлшері).

Жүктілік кезінде Асиброкс препаратын қолдану туралы жеткілікті деректер жоқ. Жануарлардың репродуктивті функциясын зерттеу жүктілікке, эмбриональді/фетальді дамуына, босануға немесе босанғаннан кейінгі дамуға тікелей немесе жанама зиянды әсерлерді көрсетпейді. Жүктілік кезінде препаратты қолданудан аулақ болу керек. Жүктілік кезінде препаратты тағайындау қауіп мен пайданы қатаң бағалағаннан кейін ғана мүмкін болады. Ацетилцистеиннің немесе оның метаболиттерінің емшек сүтіне бөлінуі туралы ақпарат жоқ. Емшек еміп жүрген нәрестелер үшін қаупін жоққа шығару мүмкін емес. Емшек емізу кезінде препаратты қолдану пайда/қауіп арақатынасын мұқият бағалағаннан кейін ғана мүмкін болады. Көлік құралдарын және қауіптілігі зор механизмдерді басқару қабілетіне әсер ету ерекшеліктері Асиброкс көлік жүргізу қабілетіне және психомоторлық реакциялардың жоғары жылдамдығын қажет ететін жұмыстарды орындауға әсер етпейді.

Дәрілік өзара әрекеттесу зерттеулері тек ересектерде жүргізілді. Ацетилцистеинді жөтелге қарсы препараттармен бір мезгілде қолдану жөтел рефлексінің тежелуіне және бронх секретінің жиналуына әкелуі мүмкін, сондықтан мұндай біріктірілген ем тағайындау мұқият қаралуы тиіс. Белсендірілген көмір ацетилцистеиннің әсерін төмендетуі мүмкін. Қазіргі уақытта ацетилцистеинмен бірге қолданғанда антибиотиктер (тетрациклин, аминогликозид, пенициллин) белсенділігінің төмендеуі туралы деректер аталған белсенді заттар араласқан in vitro зерттеулермен шектеледі. Дегенмен, сақтық шаралары үшін антибиотиктер мен ацетилцистеинді пероральді қабылдау арасында кемінде 2 сағат аралықты сақтау ұсынылады. Бұл цефиксим мен лоракарбефке қатысты емес. Ацетилцистеин/нитроглицерин Нитроглицерин мен ацетилцистеинді бірге қабылдау нитроглицериннің тамыр кеңейтетін әсерінің күшеюіне әкелуі мүмкін. Нитроглицеринмен және ацетилцистеинмен біріктірілген ем қажет болғанда пациенттер күрделі болуы және бас ауыруын көрсетуі мүмкін гипотонияның дамуына қатысты бақылануы тиіс. Ацетилцистеин мен карбамазепинді бір мезгілде қабылдау карбамазепиннің субтерапиялық концентрациясына әкелуі мүмкін. Зертханалық тест көрсеткіштеріне әсері Ацетилцистеин салицилаттарды анықтаудың колориметриялық әдісінің нәтижелеріне әсер етуі мүмкін. Ацетилцистеин несептегі кетон денелерін анықтау нәтижелеріне әсер етуі мүмкін. Дайын Асиброкс ерітіндісін басқа препараттармен араластыру ұсынылмайды.

Сақтау мерзімі 3 жыл Жарамдылық мерзімі өткеннен кейін қолдануға болмайды. Сақтау шарттары Құрғақ, жарықтан қорғалған жерде, 25 0С-ден аспайтын температурада. Балалардың қолы жетпейтін жерде сақтау керек!