Асифлу капсулы 75 мг

Бір капсуланың құрамында белсенді зат - 98,50 мг осельтамивир фосфаты (75.00 мг осельтамивирге баламалы), қосымша заттар- желатинделген крахмал, повидон К30, натрий кроскармеллозасы, тальк, натрий стеарилфумараты, капсула қақпақшасының құрамы: темірдің сары тотығы (Е172), титанның қостотығы (Е171), тазартылған су, желатин, капсула корпусының құрамы: темірдің қара тотығы (Е172), титанның қостотығы (Е171), тазартылған су, желатин Сыртқы түрінің, иісінің, дәмінің сипаттамасы Өлшемі №2, мөлдір емес ақшыл-сары қақпағы және мөлдір емес сұр түсті корпусы бар қатты желатинді капсулалар. Капсулалардың ішіндегісі – ақтан ақ дерлік түске дейінгі ұнтақ.

Тұмауды емдеу - ересектер мен 1 жастан асқан балалардағы тұмауды емдеу үшін А және В тұмауына қарсы тиімді, бірақ В тұмауының клиникалық деректері шектеулі. Тұмаудың профилактикасы - ересектер мен 1 жастан асқан балаларда А және В тұмауының профилактикасы үшін.

Осельтамивир фосфаты белсенді метаболиттіне (осельтамивир карбоксилатына) ізашар дәрі болып табылады. Белсенді метаболиті вирус нейраминидазасы ферменттерінің, вирион беткейіндегі гликопротеиндік ферменттердің селективті тежегіші болып табылады. Нейраминидаза вирустық ферментінің белсенділігі инфекция жұқтырған жасушалардан түзілген вирустық бөлшектерді босатып шығару және вирустың организмге одан әрі таралуы үшін маңызды. Осельтамивир карбоксилаты in vitro А және В тұмауы вирустарының нейраминидазаларын тежейді. Осельтамивир фосфаты тұмау вирусының көбеюін тежейді және оның репликациясын in vitro бәсеңдетеді. Осельтамивирді пероральді қабылдау жануарлардағы тұмау модельдеріне жүргізілген сынақтарда, адамда күніне екі рет 75 мг қабылданатынға ұқсас дозаларда А және В тұмауы вирустарының репликациясы мен патогенділігін in vivo тежейді. Оселтамивирдің А және В тұмауына қатысты вирусқа қарсы белсенділігі дені сау еріктілерде өршіту сынамаларын жүргізумен эксперименттік зерттеулермен расталды. Клиникалық оқшауланған А тұмауы үшін нейраминидаза ферментіне қатысты осельтамивирдің тежегіштік концентрациясы (IC50) медианасының мәні 0.1 нМ-ден 1.3 нМ-ге дейін, В тұмауы үшін 2.6 нМ болды. Зерттеулердің жарияланған нәтижелерінде В тұмауы үшін IC50 мәндерінің жоғарырақ – 8.5 нМ дейін болғаны хабарланды. Клиникалық зерттеулер Тұмау вирусынан туындаған инфекцияны емдеу Бұл көрсетілімде Асифлу препаратын қолдану А типті тұмау вирусының басым болуымен тұмаудың табиғи жағдайларын клиникалық зерттеулерде зерттелді. Оселтамивир тұмау вирусынан туындаған аурулар кезінде ғана тиімді. Сондықтан статистикалық талдау деректері тек тұмау вирусын жұқтырған пациенттер үшін ұсынылады. Тұмау вирусының (ITT) РНҚ-ға кері транскриптазалық полимеразды тізбекті реакциясының оң және теріс нәтижелерімен пациенттерді қамтитын, зерттеудегі популяцияда бастапқы тиімділігі тұмау вирусын анықтаудың нәтижесі теріс болған пациенттер санына пропорционалды түрде төмендеді. Ем қабылдап жүрген бүкіл қауымда тұмау вирусының жұқтырылғаны жұмысқа қабылданған пациенттердің 67% -ында (46%-дан 74%-ға дейін) расталды. Егде жастағы пациенттердің ішінен, тұмау вирусының бар екендігі 64%-ында зертханалық тұрғыдан расталды, жүректің созылмалы жеткіліксіздігі және/немесе респираторлық аурулары бар барлық пациенттердің ішінен, тұмау вирусының бар екендігі 62%-ында зертханалық тұрғыдан расталды. III фазадағы клиникалық зерттеулердің барлығына пациенттер тек осы аймақтағы тұмау вирусының айналымы кезеңінде енгізілді. Ересектер мен 13 жастан асқан жасөспірімдер: зерттеулерге соңғы 36 сағат ішінде аурудың симптомдары туралы хабарлаған, кемінде бір респираторлық симптоммен (жөтел, мұрындағы симптомдары, тамақ ауыруы) және кемінде бір жүйелі симптоммен (бұлшықет ауруы, қалтырау/тершеңдік, дімкәстану, әлсіздік немесе бас ауыруы) қатар жүретін ≥37.8оС қызба болған пациенттер кірістірілді. Тұмау вирусын анықтаудың нәтижесі оң болған, осельтамивирді 5 күн бойы күніне екі рет 75 мг дозада қабылдаған барлық ересектер мен жасөспірімдердің (N=2413) біріккен талдауында плацебо тобымен салыстырғанда, аурудың орташа ұзақтығының бір күнге, 5.2 күннен (95% СА 4.9-5.5 күн) 4.2 күнге дейін (95% СА 4.0-4.4 күн; p≤0.0001) қысқарғаны байқалды. Бактерияға қарсы препараттармен емдеуді қажет ететін, төменгі тыныс жолдарының асқынулары (негізінен бронхит) бар пациенттердің үлесі осельтамивирмен (p=0.0012) емделген пациенттерде плацебо тобындағы 12.7%-дан (135/1063) 8.6%-ға (116/1350) дейін төмендеді. Қауіп жоғары популяцияларда тұмауды емдеу: егде жастағы адамдарда (≥65 жас) және 5 күн бойы күніне екі рет 75 мг осельтамивирді қабылдаған, жүректің және/немесе тыныс жолдарының созылмалы аурулары бар пациенттерде тұмаудың орташа ұзақтығы айтарлықтай азайған жоқ. Осельтамивирмен емдеу тобында қызбаның ұзақтығы бір күнге азайды. Егде жастағы, тұмау вирусын анықтаудың нәтижесі оң пациенттерде төменгі тыныс жолдары тарапынан антибиотиктермен емдеуді қажет ететін асқынулардың (негізінен бронхит) жиілігі осельтамивирдің әсерінен, плацебо тобындағы 19%-дан (52/268) осельтамивирмен ем қабылдаған пациенттерде 12%-ға дейін (29/250) айтарлықтай азайды (p=0.0156). Жүректің және/немесе тыныс жолдарының созылмалы ауруларынан зардап шегіп жүрген пациенттерде төменгі тыныс жолдарының антибиотиктермен емдеуді қажет ететін инфекцияларының (негізінен бронхит) туындауының біріккен жиілігі плацебо тобында 17% (22/133) және оселтамивирді қабылдаған топта – 14% (16/118) құрады (p=0.5976). Жүктілік кезінде тұмауды емдеу: жүктілік кезінде осельтамивирді қолданудың бақыланатын клиникалық зерттеулері жүргізілмеді, алайда пациенттердің осы популяциясында тіркеуден кейінгі тәжірибе мен ретроспективті бақылау зерттеулерінің деректеріне негізделген, ауруға шалдығу/өлім көрсеткіштерінің төменірек екендігін көрсететін осы дозалау режимінің артықшылықтарына дәлел бар. Фармакокинетикалық талдаудың нәтижелері белсенді метаболиттің экспозициясы төмен екендігін көрсетеді, алайда жүктілік кезінде тұмауды емдеу немесе профилактикасы кезінде препараттың дозасын түзету ұсынылмайды. Балаларда тұмауды емдеу: 1-12 жас аралығындағы (орташа жасы 5.3 жас), қызба (≥37.8 °C), жөтел бар немесе тұмауратқан, дені сау (тұмау инфекциясына қатысты 65% оң) балалар қатысқан зерттеуде инфекция жұқтырған пациенттердің 67%-ы А типті тұмау вирусын, 33%-ы – В типті тұмау вирусын жұқтырған. Осельтамивирмен ауру симптомдары туындағаннан кейін 48 сағат ішінде басталған ем ауруды емдеуге қажетті уақытты плацебомен салыстырғанда едәуір (бұл қалыпты денсаулық жағдайының, белсенділіктің бір мезгілде қалпына келуі, дене температурасын төмендеуі, жөтел мен тұмауратудың басылуы ретінде анықталды), 1.5 күнге (95% СА 0.6-2.2 күн; p<0.0001) қысқартты. Осельтамивирді қабылдау жедел отиттің даму жиілігін плацебо тобындағы 26.5%-дан (53/200) осельтамивир тобындағы 16%-ға (29/183) дейін азайтты (p=0.013). Басқа бір зерттеуге 6-12 жас аралығындағы, демікпесі бар 334 бала қатысты, олардың 53.6%-ында тұмау вирусына қатысты оң нәтиже болды. Осельтамивирді қабылдаған топта аурудың орташа ұзақтығы сенімді түрде азаймады. Осы популяцияда 6-шы күні (емдеудің соңғы күні) 1 секундта қарқынды дем шығару көлемі плацебо тобындағы 4.7%-бен салыстырғанда, осельтамивирді қабылдаған топта 10.8%-ға артты (p=0.0148). 1 жасқа дейінгі балаларда қолданылу көрсетілімі препараттың үлкендеу балалардағы тиімділігі туралы деректерді экстраполяциялауға негізделген; ұсынылған дозалау режимі фармакокинетикалық модельдеу деректеріне негізделген (5.2 тармағын қараңыз). В тұмауы инфекциясын емдеу: жалпы алғанда, тұмау вирусына қатысты оң нәтижелі популяцияның 15%-ы В тұмауы вирусын жұқтырған; түрлі зерттеулердің деректері бойынша - 1-ден 33%-ға дейін. В тұмауына шалдыққан пациенттерде аурудың орташа ұзақтығы әртүрлі зерттеулердегі емдеу топтары арасында айтарлықтай ерекшеленбеді. Талдау жүргізу үшін зерттеуге енгізілген, В тұмауы вирусын жұқтырған барлық 504 пациенттің деректері біріктірілді. Осельтамивирді қабылдау плацебомен салыстырғанда, барлық симптомдарды тоқтату үшін қажетті уақыттың 0.7 күнге (95% СА 0.1-1.6 күн; p=0.022) және қызба (≥37.8 °C), жөтел және тұмаурату ұзақтығының бір күнге (95% СА 0.4-1.7 күн; p<0.001) қысқаруына алып келді. Иммунитеті әлсіз ересек пациеттерде тұмауды емдеу: тұмау вирусын жұқтырған, иммунитеті әлсіз ересек пациенттерде осельтамивирдің қауіпсіздігін және тұмаудың резистентті вирусының дамуына әсерін бағалау мақсатындағы рандомизацияланған салыстырмалы жасырын зерттеуге (бастапқы талдау) осельтамивирдің тиімділігін (қайталама талдау, күшейтілмеген) бағалауға жарамды пациенттер (151) қатысты. Зерттеуге қатты ағзалардың трансплантаттары бар пациенттер [SOT], гемопоэздік дің жасушалары ауыстырып салынған пациенттер [HSCT], CD4+ жасушалар саны <500 жасуша/мм3 АИТВ-оң пациенттер, жүйелі иммуносупрессивті терапиян қаблдап жүрген пациенттер, сондай-ақ, гемобластоздары бар пациенттер қатыстырылды. Пациенттер симптомдар пайда болғаннан кейінгі 96 сағат ішінде осельтамивирдің стандартты дозасын (73 пациент) немесе қосарлы дозасын (78 пациент) пайдаланып 10 күн бойы емделу үшін рандомизацияланды. Симптомдар басылғанға дейінгі уақыт медианасы (TTRS) стандартты дозаны қабылдау тобы (103 сағат [90% СА 75.4-110.0]) мен қосарлы дозаны қабылдау тобында ұқсас (104 сағат [90% СА 65.8-131.0]) болды. Стандартты дозаны және қосарлы дозаны қабылдау топтарындағы салдарлы инфекциялары бар пациенттердің саны салыстырымды болды (5.1%-ға қарсы 8.2%). Тұмаудың профилактикасы Оселтамивирдің табиғи тұмау ауруларының профилактикасындағы тиімділігі үй жағдайларындағы, қарым-қатынастан кейінгі профилактикасын зерттеуде және маусымдық профилактика бойынша екі зерттеуде көрсетілді. Осы зерттеулердің барлығында тиімділігінің негізгі параметрі зертханалық тұрғыдан расталған тұмаудың жиілігі болды. Тұмау эпидемиясының вируленттілігін болжау мүмкін емес және аймақ пен маусымға тәуелді. Сондықтан тұмаудың бір жағдайының профилактикасы үшін қажет адамдардың саны да ауытқып тұрады. Тұмаудың қарым-қатынастан кейінгі профилактикасы: бір зерттеуде тұмауға шалдыққан науқастармен байланыста болған адамдарда (12.6%-ы тұмауға қарсы вакцинацияланған) осельтамивир науқаста симптомдар дамығаннан кейінгі екі күн ішінде күніне бір рет 75 мг қолданыла бастады және емдеу 7 күнге созылды. Тұмау диагнозы 377 жағдайдың 163-інде расталды. Осельтамивир тұмау инфекциясы расталған науқастармен байланыста болған адамдарда клиникалық тұрғыдан айқын тұмаудың жиілігін айтарлықтай, плацебо тобындағы 24/200-тен (12%) осельтамивир тобындағы 2/205-ге (1%) дейін (92% төмендеу [95% СА 6-16, p≤0.0001]) азайтты. Тұмау инфекциясы расталған науқастармен байланыста болған адамдарда емдеуді қажет ететін жағдайлардың саны (NNT – number needed to treat) 10 (95% СА 9-12); зерттеуге қатысушылардың барлығында (ITT) инфекция көзінің инфекциялық мәртебесіне қарамастан, 16 (95% СА 15-19) болды. Табиғи жағдайларда тұмаудың алдын алудағы осельтамивирдің тиімділігі отбасыларда жұқтыру көзі ретінде де, сондай-ақ байланыста болған адамдар ретінде де ересектердің, жасөспірімдердің және 1 жастан 12 жасқа дейінгі балалардың қатысуымен профилактикасын зерттеуде көрсетілді. Бұл зерттеуде тиімділігінің басапқы көрсеткіші диагнозы зертханалық және клиникалық тұрғыдан анықталған тұмаудың жиілігі болды. Осельтамивирмен жүргізілген профилактика 10 күнге созылды. Бүкіл популяцияда отбасыларда диагнозы зертханалық және клиникалық тұрғыдан анықталған тұмаудың жиілігі профилактикалық ем қабылдамаған топтағы 20%-дан (27/136) профилактика алған топтағы 7%-ға (10/135) дейін азайды (азаюы 62.7% [95% СА 26.0-81.2; p=0.0042]). Тұмауды жұқтыру көздері бар отбасыларда тұмаудың туындау жиілігі профилактикалық ем қабылдамаған топтағы 26%-дан (23/89) профилактика алған топтағы 11%-ға (9/84) дейін азайды (азаюы 58.5% [95% СА 15.6-79.6; p=0.0114]). 1-12 жас аралығындағы балалардың қосалқы тобында диагнозы зертханалық және клиникалық тұрғыдан анықталған тұмау жағдайлары профилактикалық ем қабылдамаған топтағы 19%-дан (21/111) профилактика алған топта 7%-ға (7/104) дейін (64.4% төмендеу [95% СА 15.8-85.0; p=0.0188]) едәуір азайды. Зерттеудің басында әлі жұқтырмаған балалар арасында диагнозы зертханалық және клиникалық тұрғыдан анықталған тұмау жағдайлары профилактика алмаған топтағы 21%-дан (15/70) профилактика алған топтағы 4%-ға (2/47) дейін азайды (азаюы 80.1% [95% СА 22.0-94.9; p=0.0206]). Балалардың популяциясында NNT зерттеудың бүкіл популяциясы (ITT) үшін жалпы алғанда 9 (95% СА 7-24) және бүкіл популяцияда (ITT) және инфекция жұқтырған индекстелген науқастармен (ITTII) байланыста болған педиатрларда 8 (95% СА 6, жоғарғы шегі анықталмайды) құрады. Пандемия кезінде 1 жасқа дейінгі нәрестелерде тұмаудың қарым-қатынастан кейінгі профилактикасы: Пандемия кезінде 0-ден 12 айға дейінгі балалардың қатысуымен препараттың тұмау профилактикасы үшін қолданылуы бақыланатын клиникалық зерттеулер жүргізілген жоқ. Препаратты қолдануды модельдеу туралы ақпаратты 5.2 тармағынан қараңыз. Тұмау эпидемиясы кезіндегі профилактика: вакцинацияланбаған және қатарлас аурулары жоқ ересектер қатысқан екі зерттеудің біріктірілген талдауында тұмаудың өршуі кезінде алты апта бойы күніне бір рет 75 мг осельтамивирді қабылдау клиникалық тұрғыдан айқын тұмаудың даму жиілігін плацебо тобындағы 25/519-тен (4.8%) осельтамивир тобындағы 6/520-ға (1.2%) дейін айтарлықтай азайтқаны көрсетілген (азаюы 76% (95% СА 1.6-5.7); p=0.0006). Бұл зерттеуде NNT 28 құрады (95% СА 24-50). Зерттеу жүргізу кезеңінде қатысушылардың 80%-ы вакцинация алған, қарттар үйлерінде тұратын егде жастағы адамдар арасында жүргізілген зерттеуде алты апта бойы күніне бір рет 75 мг осельтамивирді қабылдау клиникалық тұрғыдан айқын тұмаудың жиілігін плацебо тобындағы 12/272-ден (4.4%) осельтамивир тобындағы 1/276-ге (0.4%) дейін айтарлықтай азайтты (азаюы 92% [95% СА 1.5-6.6; p=0.0015]). Бұл зерттеуде NNT 25 құрады (95% СА 23-62). Иммун тапшылығы бар пациенттердегі тұмаудың профилактикасы: тұмаудың маусымдық профилактикасының салыстырмалы жасырын, плацебо бақыланатын, рандомизацияланған зерттеуі иммун тапшылығы бар 475 пациентте (паренхималық ағзалары трансплантацияланған 388 пациент [195 – плацебо, 193 – осельтамивир], дің жасушалары трансплантацияланған 87 пациент [43 – плацебо, 44 – осельтамивир], басқа иммун тапшылығы бар пациенттер қатыстырылмады), оның ішінде 1-12 жас аралығындағы 18 балада жүргізілді. Бұл зерттеуде бағалаудың негізгі критерийі өсіріндіде расталған, диагнозы зертханалық және клиникалық және/немесе серологиялық тұрғыдан анықталған тұмаудың жилігі (антиденелер титрінің 4 есе артуы) болды. Диагнозы зертханалық және клиникалық тұрғыдан анықтаған тұмаудың жиілгі плацебо тобында 2.9% (7/238) және осельтамивир тобында 2.1% (5/237) құрады (95% СА 2.3% -4.1%; р=0.772). Ықтимал асқынулар қаупінің төмендеуін бағалауға бағытталған арнайы зерттеулер жүргізілген жоқ. Осельтамивирге резистенттілік Клиникалық зерттеулер: клиникалық зерттеулер барысында оселтамивирге сезімталдығы төмендеген немесе айқын төзімділігі бар тұмау вирустарының пайда болу қаупі зерттелді. Емдеу барысында осельтамивирге резистенттіліктің дамуы ересектердегіге қарағанда балаларда жиі байқалды, бұл ретте резистенттіліктің туындау жиілігі ересектердегі <1%-дан және 1 жасқа дейінгі нәрестелердегі 18%-ға дейін өзгеріп отырды. Осельтамивирге төзімді вирусты тасымалдаушы-балалар, жалпы алғанда, вирусты осы препаратқа сезімтал вирусты тасымалдаушыларға қарағанда ұзағырақ бөлген. Алайда, емдеу барысында дамыған, оселтамивирге төзімділік емдеудің тиімділігіне әсер етпеді және тұмау симптомдарының ұзақ сақталуын тудырмады. Жалпы алғанда, осельтамивирге резистенттіліктің дамуы оселтамивирді қабылдаған, қатарлас аурулары жоқ ересек пациенттер қатысқан зерттеулердің деректерімен салыстырғанда, иммунитеті әлсіз, осельтамивирдің стандартты дозасын немесе қосарлы дозасын 10 күн бойы қабылдаған ересек пациенттерде [стандартты дозаны қабылдау тобында 14.9 % (10/67) және қосарлы дозаны қабылдау тобында 2.8% (2/71)] жиі байқалды. Резистенттілік дамыған пациенттердің көпшілігі транспланттардың реципиенттері болды (стандартты дозаны қабылдау тобында 8/10 пациент және қосарлы дозаны қабылдау тобында 2/2 пациент). Оселтамивирге резистентті вирусы бар пациенттердің көпшілігі А типті тұмау вирусын жұқтырған және ұзақ уақыт бойы вирус бөлген. Клиникалық зерттеулерде осельтамивирге резистенттіліктің даму жиілігі Пациенттердің популяциясы — Резистенттілікке алып келетін мутациялары бар пациенттер (%) Фенотиптеу* — Гендік- және фенотиптеу* Балалар мен жасөспірімдер — 0.88% (21/2377) — 0.88% (21/2377) Балалар (1-12 жас) — 3.89% (66/1698) — 3.89% (66/1698) Сәбилер (<1 жас) — 18.31% (13/71) — 18.31% (13/71) * Зерттеулердің бірде-біреуінде толық генотипеу жүргізілмеді. Тұмаудың профилактикасы Қазіргі сәтте иммунитеті қалыпты пациенттерде тұмаудың қарым-қатынастан кейінгі (7 күн), үйдегі адамдармен қарым-қатынастан кейінгі (10 күн) және маусымдық (42 күн) профилактикасын клиникалық зерттеулерде Асифлу препаратын қолданумен байланысты дәріге төзімділіктің дамуына дәлелдер жоқ. Иммун тапшылығы бар пациенттерде препаратты 12 апталық профилактикалық қолдану кезеңінде резистенттілік байқалмады. Клиникалық деректер және қадағалаулардың деректері: осельтамивирге сезімталдықтың төмендеуімен астасқан табиғи мутациялар in vitro осельтамивирді қабылдамаған науқастардан бөліп алынған А және В тұмауы вирустарында анықталды. Осельтамивирмен емдеу кезінде алынған резистентті штаммдар иммунитеті қалыпты пациенттерде де, иммун тапшылығы бар пациенттерде де бөлінген. Иммун тапшылығы бар пациенттер мен жас балаларда емдеу кезінде осельтамивирге төзімді вирустардың даму қаупі жоғары. Осельтамивирді қабылдаған пациенттерден бөлінген, осельтамивирге төзімді вирустарда, және тұмау вирустарының осельтамивирге төзімді зертханалық штамдарында нейраминидазаның N1 және N2 мутациялары болды. Төзімділік мутациялары вирустың қосалқы типтеріне тән болды. 2007 жылдан бастап табиғатта кездесетін, H1N1 маусымдық штаммдарының H275Y мутациясымен байланысты төзімділік анда-санда анықтала бастады. Осельтамивирге сезімталдық және мұндай вирустардың таралуы жыл мезгілі мен аймаққа байланысты өзгеріп отырады. 2008 жылы Еуропада айналымдағы H1N1 тұмауы штамдарының >99%-ында анықталды. 2009 жылы H1N1 тұмауының («шошқа тұмауы») осельтамивирге сезімталдығы біркелкі дерлік болды, емдеу және профилактикалық режимде төзімділіктің тек сирек жағдайлары байқалды.

Дозалау режимі Емдеу Емдеу тұмау симптомдары (ең дұрысы, 36 сағат ішінде) пайда болған бірінші немесе екінші күні басталуы керек. Ересектер және 13 жастағы және одан асқан жасөспірімдер Ұсынылатын доза 75 мг (1 капсула) күніне 2 рет, 5 күн бойы. Капсулаларды жұта алмайтын ересектер мен 13 жастан асқан жасөспірімдер 75 мг препаратты осельтамивир суспензиясы түрінде (6 мг/мл 12,5 мл суспензияға баламалы) күніне 2 рет, 5 күн бойы қабылдай алады (дұрыс дозаланған суспензияны дайындау үшін «Қолдану тәсілі» бөлімін қараңыз). 1-12 жас аралығындағы балалар 1 жастағы және одан асқан балаларды емдеу үшін Асифлу 75 мг капсулаларын немесе 6 мг/мл экстемпоральды дайындалған ішке қабылдауға арналған суспензияны қолдануға болады (дұрыс дозаланған суспензияны дайындау үшін «Қолдану тәсілі» бөлімін қараңыз). 1 жастағы және одан асқан балаларды емдеу үшін баланың салмағына байланысты келесі дозалау режимдері ұсынылады: Дене салмағы — 5 күн бойы ұсынылатын доза Капсулалар — 6мг/мл ішке қабылдауға арналған суспензия ≤15 кг — тәулігіне 2 рет 30 мг — тәулігіне 2 рет 5 мл >15 кг - 23 кг бастап — тәулігіне 2 рет 45 мг — тәулігіне 2 рет 7,5 мл >23 кг - 40 кг бастап — тәулігіне 2 рет 60 мг — тәулігіне 2 рет 10 мл >40 кг — тәулігіне 2 рет 75 мг — тәулігіне 2 рет 12,5 мл 6-дан 12 айға дейінгі балалар 1 жасқа дейінгі балаларда осельтамивирді қолданудың қауіпсіздігі мен тиімділігі анықталмаған. Алайда, фармакокинетика және қауіпсіздік бойынша шектеулі деректерге сүйене отырып, Асифлуды тұмау пандемиясының өршуі кезінде 6-дан 12 айға дейінгі балаларды емдеу үшін қолдануға болады. Бала үшін потенциалды пайданы қамтамасыз ету үшін айналымдағы штаммның патогенділігін және пациенттің негізгі ауруын ескеру қажет. Пандемия жағдайында 6-дан 12 айға дейінгі балалар үшін ұсынылатын доза күніне 2 рет 3 мг/кг, плазмадағы белсенді метаболит деңгейін қамтамасыз етеді, бұл пациенттердің көпшілігінде клиникалық тиімділігі дәлелденген үлкен жастағы балалар мен ересектердегіге ұқсас. 6 айға дейінгі балаларға арналған дозалау ұсыныстары үшін клиникалық деректер жеткіліксіз. 6-дан 12 айға дейінгі балалардағы тұмауды емдеу үшін Асифлу дәріхана капсулаларынан дайындалған экстемпоральды дәрілік түрін (6 мг/мл суспензия) қолдану керек. (дұрыс дозаланған суспензияны дайындау үшін «Қолдану тәсілі» бөлімін қараңыз). Тұмаудың профилактикасы Қарым-қатынастан кейінгі профилактика Ересектер мен жасөспірімдер (13-17 жас) Инфекция жұқтырған адамдармен тығыз байланыста болғаннан кейін, тұмаудың профилактикасы үшін Асифлудың ұсынылатын пероральды дозасы 10 күн бойы күніне 1 рет 75 мг (1 капсула) құрайды. Препаратты қабылдауды инфекция жұқтырған адамдармен байланыста болғаннан кейін екі күн ішінде бастау керек. Тұмау эпидемиясы кезіндегі профилактика Ересектер мен жасөспірімдер (13 және одан үлкен) Тұмау эпидемиясы кезінде профилактика үшін ұсынылатын доза күніне 1 рет, 6 апта бойы 75 мг (1 капсула) құрайды (қауіпсіздік пен тиімділік алты аптаға дейінгі мерзімге белгіленді, қорғаныс әсері препарат қабылданғанға дейін сақталады). 1-12 жас аралығындағы балалар 1 жастағы және одан асқан балаларға арналған осельтамивирдің қарым-қатынастан кейінгі профилактикалық пероральді дозалары: Дене салмағы — 10 күн бойы ұсынылатын доза Капсулалар — 6мг/мл ішке қабылдауға арналған суспензия ≤15 кг — Күніне бір рет 30 мг — Күніне 1 рет 5 мл >15 кг-ден 23 кг дейін — Күніне бір рет 45 мг — Тәулігіне 1 рет 7,5 мл >23 кг-ден 40 кг дейін — Күніне бір рет 60 мг — Тәулігіне 1 рет 10 мл >40 кг — Күніне бір рет 75 мг — Тәулігіне 1 рет 12,5 мл Суспензияны бір реттік дайындау жөніндегі нұсқаулықты «Қолдану тәсілі» бөлімінен қараңыз). Тұмау эпидемиясы кезіндегі профилактика 12 жасқа дейінгі балаларда тұмау эпидемиясы кезінде препаратты профилактикалық қолдану бойынша зерттеулер жүргізілмеген. Пациенттердің ерекше топтары Балалар 1 жасқа дейінгі балаларда осельтамивирдің қауіпсіздігі мен тиімділігі анықталмаған. Осельтамивирді 1 жасқа дейінгі балалардағы тұмауды емдеу үшін оны уақытша қолданған жағдайда, эпидемия кезінде, дәрігердің ұсынысы бойынша немесе бақылауымен ғана қолдануға болады. Егде жастағы пациенттер Пациентте бүйрек жеткіліксіздігінің орташа немесе ауыр дәрежелі белгілері болған жағдайларды қоспағанда, дозаны түзету талап етілмейді. Бауыр жеткіліксіздігі Бауыр функциясының жеңіл немесе орташа дәрежелі бұзылуы бар пациенттерді емдеу немесе профилактика үшін дозаны түзету қажет емес («Фармакокинетика» қараңыз). Бауырдың ауыр жеткіліксіздігі бар пациенттерде қауіпсіздік пен фармакокинетика зерттелмеген. Бауыр жеткіліксіздігі бар балалар жасындағы пациенттердің қатысуымен зерттеулер жүргізілген жоқ. Бүйрек жеткіліксіздігі Тұмауды емдеу: орташа және жоғары дәрежелі бүйрек жеткіліксіздігі бар ересектер мен балаларға (13-17 жас) препараттың дозасын төмендету ұсынылады. Кестеде пациенттердің осы тобындағы дозаны түзету бойынша ұсыныстар берілген: Креатинин клиренсі — Ұсынылатын доза (емдеу) >60 (мл/мин) — Тәулігіне екі рет 75 мг >30 - 60 (мл/мин) — Тәулігіне екі рет 30 мг >10 - 30 (мл/мин) — Тәулігіне бір рет 30 мг 10 (мл/мин) — Ұсынылмайды (деректер жоқ) Гемодиализ алатын пациенттер — Диализ алдында 30 мг және әсерді демеу үшін әрбір гемодиализ сеансынан кейін 30 мг Перитонеальді диализ алатын пациенттер — Диализ басталғанға дейін 30 мг (суспензия), содан кейін әр 5 күн сайын 30 мг қосымша дозаны қабылдау Тұмаудың профилактикасы: Кестеде орташа және ауыр дәрежелі бүйрек жеткіліксіздігі бар ересектер мен жасөспірімдерде (13-17 жас) тұмаудың профилактикасы кезінде препараттың дозасын түзету бойынша ұсыныстар берілген. Креатинин клиренсі — Ұсынылатын доза (профилактика) >60 (мл/мин) — Тәулігіне 1 рет 75 мг >30 - 60 (мл/мин) — Тәулігіне 1 рет 30 мг (суспензия) >10 - 30 (мл/мин) — Күн сайын 30 мг (суспензия) 10 (мл/мин) — Ұсынылмайды (деректер жоқ) Гемодиализ алатын пациенттер — Диализ басталар алдында 30 мг, гемодиализдің әрбір екінші сеансынан кейін 30 мг плазмадағы концентрацияны демеу үшін Перитонеальді диализ алатын пациенттер — Диализ басталғанға дейін 30 мг (суспензия), содан кейін әр 7 күн сайын 30 мг қосымша дозаны қабылдау Бүйрек жеткіліксіздігі бар жас балаларда (12 жасқа дейін) препаратты қолдану бойынша клиникалық деректер жеткіліксіз. Пациенттердің осы тобында дозалау бойынша ұсынымдар жоқ. Иммунитеті әлсіреген пациенттер Емдеу: ересектерге 10 күн бойы тәулігіне 2 рет 75 мг-ден (1 капсула) ұсынылады. Емдеуді тұмау симптомдары пайда болғаннан кейінгі алғашқы екі күнде мүмкіндігінше тезірек бастау керек. Маусымдық профилактика: 1 жастан асқан иммунитеті әлсіреген пациенттерге тұмаудың жоғары белсенділігіне байланысты жұқтыру қаупі жоғары болған кезде 12 аптаға дейін профилактика үшін ұсынылады. Қолдану тәсілі Препарат ішке қабылдауға арналған. Капсуланы жұта алмайтын пациенттерге Асифлудың тиісті дозаларын ішке қабылдауға арналған суспензия түрінде (6 мг/мл) тағайындауға болады. Суспензияны экстемпоральды дайындау 75 мг Асифлу капсулаларынан суспензияны экстемпоральды дайындау, егер пероральды суспензияны дайындау үшін осельтамивир ұнтағы қолжетімсіз болса, жүзеге асырылады. Осельтамивир суспензиясы (6 мг/мл) ересектер мен капсулаларды жұтумен қиындықтары бар балаларға және препаратты едәуір төмен (төмендетілген) дозада қажет ететін адамдарға (1 жастан асқан) қолайлы болуы мүмкін. Дәріхана қызметкері немесе пациенттің өзі үй жағдайында Асифлу капсулаларынан ішке қабылдауға арналған суспензияны (6 мг/мл) дайындай алады. Үй жағдайында емес, дәріханада дайындалған суспензияны пайдалану ұсынылады. Дәріханада немесе үйде суспензия дайындау үшін тиісті көлемдегі және өлшеу шприцтерін дайындау қажет. Екі жағдайда да суспензияны дайындау үшін пайдаланылатын шприцтерде қажетті көлемдерді ерекше түрде белгілеу ұсынылады. Асифлу капсулаларынан ішке қабылдауға арналған суспензия (6 мг/мл) дайындау Емшара 5 күндік емдеу курсына немесе бір пациент үшін 10 күндік профилактикаға жеткілікті мөлшерде ішке қабылдауға арналған суспензияны (6 мг/мл) дайындауды сипаттайды. Фармацевт суспензияны (6 мг/мл) консервант ретінде құрамында 0.05% (салмақ/көлем) мөлшердегі натрий бензоаты бар суды пайдалана отырып, Асифлу 75 мг капсулаларынан дайындап бере алады. Ең алдымен, дайындау және пациентке 5 күндік емдеу курсы немесе 10 күндік профилактика үшін беру керек жалпы көлемді есептеп шығару қажет. Қажетті жалпы көлем пациенттің дене салмағына байланысты, төмендегі кестеде берілген нұсқауларға сәйкес есептеп шығарылады. Пациентке 10 дозаға есептелген (тәулігіне 2 дозадан 5 күндік емдеу курсы үшін) керекті көлемді алу үшін, суспензияны дайындағанда «өлшеу кезінде жоғалтылатынын қосқанда» бағанында көрсетілген мәндерді ескеру керек. Пациенттің дене салмағына қарай дәріханада дайындалатын суспензия көлемі (6 мг/мл) Дене салмағы(кг) — Пациенттің дене салмағына байланысты суспензия дайындау үшін қажетті жалпы көлем, (мл) Өлшеу кезінде жоғалтылатынын қоспағанда — Пациенттің дене салмағына байланысты суспензия дайындау үшін қажетті жалпы көлем(мл) Өлшеу кезінде жоғалтылатынын қосқанда ≤15 кг — 50 мл — 60 мл немесе 75 мл* > 15 - 23 кг дейін — 75 мл — 90 мл немесе 100 мл* > 23 - 40 кг дейін — 100 мл — 125 мл > 40 кг — 125 мл — 137.5 мл (немесе 150 мл)* *Капсуланың дозасына байланысты. Екіншіден, суспензияның (6 мг/мл) жалпы көлемін (жоғарыда келтірілген кестенің негізінде есептеп шығарылған) дайындау үшін қажетті капсулалар мен еріткіштің (құрамында консервант ретінде 0.05% (салмақ/көлем) натрий бензоаты бар судың) мөлшерін фармацевт келесі кестенің негізінде анықтауы тиіс: 6 мг/мл суспензияның жалпы көлемін (5 күн емдеуге немесе 10 күндік профилактикға арналған) дайындау үшін қажетті капсулалар саны мен еріткіш көлемі (мөлшері). Суспензия дайындау үшін қажетті жалпы көлем — Қажетті Асифлу (мг осельтамивир) капсулаларының саны — Еріткіштің қажетті көлемі 75 мг — 45 мг — 30 мг 60 мл — Капсулалардың баламалы дозаларын пайдаланыңыз* — 8 капсула (360 мг) — 12 капсула (360 мг) — 59.5 мл 75 мл — 6 капсула (450 мг) — 10 капсула (450 мг) — 15 капсула (450 мг) — 74 мл 90 мл — Капсулалардың баламалы дозаларын пайдаланыңыз* — 12 капсула (540 мг) — 18 капсула (540 мг) — 89 мл 100 мл — 8 капсула (600 мг) — Капсулалардың баламалы дозаларын пайдаланыңыз* — 20 капсула (600 мг) — 98.5 мл 125 мл — 10 капсула (750 мг) — Капсулалардың баламалы дозаларын пайдаланыңыз* — 25 капсула (750 мг) — 123.5 мл 137.5 мл — 11 капсула (825 мг) — Капсулалардың баламалы дозаларын пайдаланыңыз* — Капсулалардың баламалы дозаларын пайдаланыңыз* — 136 мл * Мақсатты концентрацияға қол жеткізу үшін қажетті капсулалардың нақты санын есептеу мүмкін емес, сондықтан капсулалардың талапқа сай дозасын пайдалану керек. Ары қарай капсулалардан Асифлу суспензиясын (6 мг/мл) дайындау шарасын басшылыққа алу керек: 1.Өлшеуіш шыны стақанға құрамында консервант ретінде 0.05% (салмақ/көлем) натрий бензоаты бар суды жоғарыда көрсетілген мөлшерде қосыңыз. 2.Асифлу капсулаларының қажетті санын ашу және әр капсуланың ішіндегісін өлшеуіш шыны стақандағы суға салу керек. 3.Араластыруға арналған қолайлы құрылғының көмегімен капсулалардан шыққан ұнтақты суда 2 минут бойы араластыру керек. (Ескертпе: препараттың белсенді заты, осельтамивир фосфаты суда тез ериді. Суспензияны Асифлу капсулаларының құрамына кіретін кейбір ерімейтін қосымша заттар түзеді). 4.Суспензияны сары түсті шыныдан немесе сары түсті полиэтилентерефталаттан (ПЭТ) жасалған бөтелкеге ауыстырып құю керек. Сұйықтық төгілмеуі үшін құйғышты пайдалануға болады. 5.Бөтелкені балалардың ашып алуынан қорғалған қалпақшамен жабу керек. 6.Бөтелкеге: «Пайдаланар алдында абайлап шайқаңыз» деген жазуы бар заттаңба жабыстыру керек. (Ескертпе: пайдаланар алдында суспензияға ауа кіруі қаупін азайту үшін бөтелкедегі суспензияны абайлап шайқау қажет.) 7.Ата-аналарға немесе қамқоршыларға бүкіл емдеу курсы аяқталғаннан кейін қалған ерітіндіні лақтырып тастау қажеттігі ескертілуі тиіс. Бұл ақпаратты бөтелкедегі қосымша заттаңба түрінде немесе дәріхана заттаңбасындағы ақпарат түрінде қосу ұсынылады. 8.Бөтелкеге сақтау шарттарына сәйкес жарамдылық мерзімі көрсетілген заттаңба жабыстырылуы керек. Бөтелкеге пациенттің аты, дозалау жөніндегі нұсқаулар, жарамдылық мерзімі, дәрілік препараттың атауы және басқа да қажетті ақпарат жазылған дәріхана заттаңбасын жабыстыру керек. Дозалау жөніндегі нұсқаулар келесі кестеде берілген. 1 жасқа дейінгі немесе одан үлкенірек балалар үшін дәріханада капсулалардан дайындалған Асифлу суспензиясын дозалау жөніндегі нұсқаулар Дене салмағы(кг) — Дозасы(мг) — 6 мг/мл дозасының көлемі — Емдік доза(5 күн бойы) — Профилактикалық доза(10 күн бойы) ≤15 кг — 30 мг — 5 мл — 5 мл тәулігіне екі рет — 5 мл тәулігіне бір рет >15 - 23 кг дейін — 45 мг — 7.5 мл — 7.5 мл тәулігіне екі рет — 7.5 мл тәулігіне бір рет >23 - 40 кг дейін — 60 мг — 10 мл — 10 мл тәулігіне екі рет — 10 мл тәулігіне бір рет >40 кг — 75 мг — 12.5 мл — 12.5 мл тәулігіне екі рет — 12.5 мл тәулігіне бір рет Суспензияны азғантай мөлшердегі суспензияны өлшеуге арналған арнайы бөліктелген шприцпен қоса беру керек. Егер мүмкін болса, әр пациент үшін шприцте, қажетті дозасына сәйкес келетін белгі салып беру керек. Еріткіштің ащы дәмін білдірмеу үшін, қамқоршы қажетті дозасын қант қосылған су немесе шербет сияқты тәтті сұйық тағам өнімінің тең мөлшерімен араластыруы тиіс). 1 жасқа дейінгі балалар Бұл шарада бір пациентке 5 күндік емдеу курсы немесе 10 күндік профилактика үшін жеткілікті мөлшердегі суспензияны (6 мг/мл) дайындау сипатталған. Фармацевт консервант ретінде құрамында 0.05% (салмақ/көлем) мөлшердегі натрий бензоаты бар суды пайдаланып, Асифлу 75 мг капсулаларынан суспензия (6 мг/мл) дайындап бере алады. Ең алдымен дайындалуы және әр пациентке берілуі қажет жалпы көлемін есептеп шығару қажет. Қажетті жалпы көлем төменде келтірілген кестеге сәйкес, пациенттің дене салмағына байланысты анықталады. 10 дозаға есептелген қажетті көлемін алу үшін (5 күндік емдеу курсы үшін тәулігіне 2 дозадан), суспензияны дайындаған кезде «өлшеу кезінде жоғалтылатынын қосқанда» бағанында көрсетілген мәндерді ескеру қажет. Дәріханада пациенттің дене салмағына байланысты дайындалатын суспензияның (6 мг/мл) көлемі Дене салмағы(кг) — Пациенттің дене салмағына байланысты суспензия дайындау үшін қажетті жалпы көлем(мл) Өлшеу кезінде жоғалтылатынын қоспағанда — Пациенттің дене салмағына байланысты суспензия дайындау үшін қажетті жалпы көлем(мл) Өлшеу кезінде жоғалтылатынын қосқанда 7 кг — 40 мл дейін — 50 мл >7 - 10 кг дейін — 50 мл — 60 мл немесе 75 мл* *Капсуланың дозасына байланысты. Ары қарай суспензияның (6 мг/мл) жалпы көлемін (жоғарыда келтірілген кестенің негізінде есептеп шығарылған) дайындау үшін қажетті капсулалардың саны мен еріткіш (құрамында консервант ретінде 0.05% (салмақ/көлем) натрий бензоаты бар су) мөлшерін келесі кестенің негізінде анықтау керек: 6 мг/мл суспензия дәріханалық препаратының жалпы көлемін дайындау үшін қажетті капсулалардың саны және еріткіш мөлшері (5 күн емдеу немесе 10 күндік профилактика үшін) Суспензия дайындау үшін қажетті жалпы көлем — Асифлу капсулаларының қажетті саны (мг осельтамивир) — Еріткіштің қажетті көлемі 75 мг — 45 мг — 30 мг 50 мл — 4 капсула (300 мг) — Капсулалардың баламалы дозаларын пайдаланыңыз* — 10 капсула (300 мг) — 49.5 мл 60 мл — Капсулалардың баламалы дозаларын пайдаланыңыз* — 8 капсула (360 мг) — 12 капсула (360 мг) — 59.5 мл 75 мл — 6 капсула (450 мг) — 10 капсула (450 мг) — 15 капсула (450 мг) — 74 мл • Мақсатты концентрацияға қол жеткізу үшін қажетті капсулалардың дәл санын есептеп шығару мүмкін емес, сондықтан капсулалардың баламалы дозасын пайдалану керек. Ары қарай капсулалардан Асифлу суспензиясын (6 мг/мл) дайындау шарасын басшылыққа алу қажет: 1.Өлшеуіш шыны стақанға құрамында консервант ретінде 0.05% (салмақ/көлем) натрий бензоаты бар суды жоғарыда көрсетілген мөлшерде қосыңыз. 2.Асифлу капсулаларының қажетті санын ашу және әр капсуланың ішіндегісін өлшеуіш шыны стақандағы суға салу керек. 3.Араластыруға арналған қолайлы құрылғының көмегімен капсулалардан шыққан ұнтақты суда 2 минут бойы араластыру керек. (Ескертпе: препараттың белсенді заты, осельтамивир фосфаты суда тез ериді. Суспензияны Асифлу капсулаларының құрамына кіретін кейбір ерімейтін қосымша заттар түзеді). 4.Суспензияны сары түсті шыныдан немесе сары түсті полиэтилентерефталаттан (ПЭТ) жасалған бөтелкеге ауыстырып құю керек. Сұйықтық төгілмеуі үшін құйғышты пайдалануға болады. 5.Бөтелкені балалардың ашып алуынан қорғалған қалпақшамен жабу керек. 6.Бөтелкеге: «Пайдаланар алдында абайлап шайқаңыз» деген жазуы бар заттаңба жабыстыру керек. (Ескертпе: пайдаланар алдында суспензияға ауа кіруі қаупін азайту үшін бөтелкедегі суспензияны абайлап шайқау қажет.) 7.Ата-аналарға немесе қамқоршыларға бүкіл емдеу курсы аяқталғаннан кейін қалған ерітіндіні лақтырып тастау қажеттігі ескертілуі тиіс. Бұл ақпаратты бөтелкедегі қосымша заттаңба түрінде немесе дәріхана заттаңбасындағы ақпарат түрінде қосу ұсынылады. 8.Бөтелкеге сақтау шарттарына сәйкес жарамдылық мерзімі көрсетілген заттаңба жабыстырылуы керек. Бөтелкеге пациенттің аты, дозалау жөніндегі нұсқаулар, жарамдылық мерзімі, дәрілік препараттың атауы және басқа да қажетті ақпарат жазылған дәріхана заттаңбасын жабыстыру керек. Дозалау жөніндегі нұсқаулар келесі кестеде берілген. Дәріханада капсулалардан дайындалған, 1 жасқа дейінгі балаларға арналған Асифлу суспензиясын дозалау жөніндегі нұсқаулық Дене салмағы (0.5 кг дейін дөңгелектлген) — Дозасы(мг) — 6 мг/мл дозасының көлемі — Емдік доза(5 күн бойы) — Профилактикалық доза(10 күн бойы) — Шприцтің көлемі (бөліктелу аралығы 0.1 мл) 3 кг — 9 мг — 1.5 мл — 1.5 мл тәулігіне 2 рет — 1.5 мл тәулігіне 1 рет — 2.0 мл немесе 3.0 мл 3.5 кг — 10.5 мг — 1.8 мл — 1.8 мл тәулігіне 2 рет — 1.8 мл тәулігіне 1 рет — 2.0 мл немесе 3.0 мл 4 кг — 12 мг — 2.0 мл — 2.0 мл тәулігіне 2 рет — 2.0 мл тәулігіне 1 рет — 3.0 мл 4.5 кг — 13.5 мг — 2.3 мл — 2.3 мл тәулігіне 2 рет — 2.3 мл тәулігіне 1 рет — 3.0 мл 5 кг — 15 мг — 2.5 мл — 2.5 мл тәулігіне 2 рет — 2.5 мл тәулігіне 1 рет — 3.0 мл 5.5 кг — 16.5 мг — 2.8 мл — 2.8 мл тәулігіне 2 рет — 2.8 мл тәулігіне 1 рет — 3.0 мл 6 кг — 18 мг — 3.0 мл — 3.0 мл тәулігіне 2 рет — 3.0 мл тәулігіне 1 рет — 3.0 мл (немесе 5.0 мл) 6.5 кг — 19.5 мг — 3.3 мл — 3.3 мл тәулігіне 2 рет — 3.3 мл тәулігіне 1 рет — 5.0 мл 7 кг — 21 мг — 3.5 мл — 3.5 мл тәулігіне 2 рет — 3.5 мл тәулігіне 1 рет — 5.0 мл 7.5 кг — 22.5 мг — 3.8 мл — 3.8 мл тәулігіне 2 рет — 3.8 мл тәулігіне 1 рет — 5.0 мл 8 кг — 24 мг — 4.0 мл — 4.0 мл тәулігіне 2 рет — 4.0 мл тәулігіне 1 рет — 5.0 мл 8.5 кг — 25.5 мг — 4.3 мл — 4.3 мл тәулігіне 2 рет — 4.3 мл тәулігіне 1 рет — 5.0 мл 9 кг — 27 мг — 4.5 мл — 4.5 мл тәулігіне 2 рет — 4.5 мл тәулігіне 1 рет — 5.0 мл 9.5 кг — 28.5 мг — 4.8 мл — 4.8 мл тәулігіне 2 рет — 4.8 мл тәулігіне 1 рет — 5.0 мл 10 кг — 30 мг — 5.0 мл — 5.0 мл тәулігіне 2 рет — 5.0 мл тәулігіне 1 рет — 5.0 мл Суспензияны азғантай мөлшердегі суспензияны өлшеуге арналған арнайы бөліктелген шприцпен қоса беру керек. Егер мүмкін болса, әр пациент үшін шприцте, қолайлы дозасына сәйкес келетін белгі салып беру керек. Еріткіштің ащы дәмін білдірмеу үшін, қамқоршы қажетті дозасын қант қосылған су немесе шербет сияқты тәтті сұйық тағам өнімінің тең мөлшерімен араластыруы тиіс). Үй жағдайларында суспензия дайындау Егер қолыңызда ішуге арналған Осельтамавир препараты болмаса, дәріханада Асифлу капсулаларынан дайындалған суспензияны пайдалану керек (жоғарыдағы егжей-тегжейлі нұсқауларды қараңыз). Егер дәріханада дайындалған суспензия да қолжетімді болмаса, оны үй жағдайында дайындауға болады. Суспензияның қажетті дозасын алу үшін Асифлу капсулаларын пайдалануға болады, капсуланы ашу және оның ішіндегісін қолайлы тәтті тағам өнімінің аздаған мөлшерімен (ең көбі бір шай қасық) араластыру керек. Ащы дәмін тәтті өнімдердің көмегімен білдірмеуге болады. Қоспаны араластыру қажет, содан кейін пациент оны тұтастай қабылдауы тиіс. Қоспаны дайындағаннан кейін бірден жұтып жіберу керек. Егер қолыңызда тек 75 мг капсулалар ғана болса, ал қажетті дозалары 30 немесе 45 мг болса, қоспаны дайындау бірнеше қосымша кезеңнен тұрады. Егжей-тегжейлі нұсқауларды Асифлу капсуласының қосымша парағынан қараңыз. Енгізу әдісі және жолы Препарат ішке, аздаған мөлшердегі сумен ішіп қабылдауға арналған. Капсуланы жұта алмайтын пациенттерге, Асифлудың ішуге арналған суспензия түріндегі тиісінше дозаларын (6 мг/мл) тағайындауға болады. «Суспензияны экстемпоральді дайындауды» қараңыз). Емдеу ұзақтығы Емдеуді тұмау симптомдары пайда болғаннан кейінгі алғашқы екі күн ішінде мүмкіндігінше тез бастау керек. Тұмауды емдеу: 5 күн. Қарым-қатынастан кейінгі профилактикасы үшін: 10 күн. Тұмау эпидемиясы кезіндегі профилактика үшін: ең көбі 6 апта.

Белсенді затқа немесе препараттың құрамына кіретін қосымша заттардың кез келгеніне аса жоғары сезімталдық.

Өте жиі • бас ауыруы • жүрек айнуы, құсу • жөтел • мұрынның бітелуі Жиі • бронхит, қарапайым герпес (Herpes simplex), назофарингит, жоғарғы тыныс алу жолдарының инфекциясы, синусит • ұйқысыздық • жөтел, тамақтың ауыруы, ринорея • құсу, іштің ауыруы (іштің жоғарғы бөлігіндегі ауыруды қоса), диспепсия • ауыруы, ұйқышылдық, бас айналуы (вертигоны қоса), қажу, қызба, дененің сырқырауы • ортаңғы отит, құлақтың ауыруы • конъюнктивит (көздің қызаруы, көзден бөліністер мен ауыруын қоса) Жиі емес • сананың өзгеруі, құрысулар • «бауыр» ферменттері белсенділігінің артуы • экзема, дерматит (аллергиялық және атопиялық дерматитті қоса), бөртпе, есекжем Сирек • тромбоцитопения Жиілігі белгісіз - аллергиялық реакциялар, анафилаксиялық немесе анафилактоидты реакциялар, беттің ісінуі - көрудің бұзылуы - жүрек аритмиясы - әсіресе балалар мен жасөспірімдерде құрысулар, делирий (өзгерген сана, сананың шатасу, әдеттен тыс мінез-құлық, сандырақ, елестеулер, қозу, үрейлену, шым-шытырық түстерді қоса) - геморрагиялық колит, асқазан-ішектен қан кету - гепатит, бауыр ферменттерінің белсенділігінің жоғарылауы, бауыр жеткіліксіздігі - аса жоғары сезімталдық реакциялары (дерматит, бөртпе, экзема, есекжем, мультиформалы эритема, аллергия, анафилаксиялық/анафилактоидты реакциялар, беттің ісінуі, Стивенс-Джонсон синдромы және уытты эпидермальды некролизді қоса, аллергиялық тері реакциялар Жекелеген жағдайларда панкреатит, ангионевроздық ісіну, көмейдің ісінуі, бронх түйілуі, эозинофилия, лейкопения және гематурия туралы хабарланды. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Клиникалық зерттеулер барысында хабарланған артық дозалану жағдайларының көпшілігі және осельтамивир препаратын тіркеуден кейінгі қолдану кезеңінде қандай да бір жағымсыз реакциялар байқалмады. Симптомдары Артық дозалану жағдайларындағы жағымсыз реакциялар 4.8 «Жағымсыз реакциялар» тармағында көрсетілген (көбінесе жүрек айнуы, құсу, бас ауыруы) препаратты емдік дозаларда қолдану кезінде байқалған ЖР пайда болу жиілігі бойынша ұқсас және салыстыруға болады. Спецификалық антидоты белгісіз. Балаларда артық дозалануы Балаларда артық дозаланған жағдайлар ересектер мен жасөспірімдердегіге қарағанда жиірек байқалған. Ішуге арналған Асифлу суспензиясын дайындауда және препаратты балаларда тұмауды емдеу және профилактикасы үшін қолданғанда ерекше сақтық таныту қажет.

Препаратты қолданар алдында қосымша парақты толықтай оқып шығу қажет, өйткені онда сіз үшін маңызды ақпарат бар. Егер Сізде қосмша сұрақтар туындаса, емдеуші дәрігерге немесе мейіргерге жүгініңіз. Арнайы сақтандырулар Осельтамивир тек тұмау вирусынан туындаған ауруға қатысты тиімді. Басқа агенттер туындатқан ауруларды емдеуде осельтамивирдің тиімділігі туралы деректер жоқ. Психоневрологиялық бұзылулар Осельтамивир қабылдаған пациенттерде (негізінен балалар мен жасөспірімдерде) құрысулар мен делирий сияқты психоневрологиялық бұзылыстар тіркелді. Сирек жағдайларда бұл бұзылулар қажетсіз жарақаттарға әкелді, ал өте сирек жағдайларда - өліммен аяқталды. Мұндай психоневрологиялық бұзылулар осельтамивир қабылдамаған тұмау бар пациенттерде байқалады. Пациенттерді (әсіресе балалар мен жасөспірімдерді) мінез-құлқындағы өзгерістер мәніне мұқият бақылау керек, емді жалғастырудың қаупі мен пайдасы әр пациент үшін жеке бағалануға тиіс (4.8-тармақты қараңыз). Асифлу препаратын қолдану вакцинацияны алмастыру болып табылмайды. Асифлу препаратын пайдалану жыл сайынғы тұмауға қарсы вакцинация кезінде пациенттердің бағалауына әсер етпеуге тиіс. Тұмаудан қорғау Асифлу препараты қолданылған кезде ғана созылады. Препаратты тұмауды емдеу және профилактика үшін ғана пайдалану керек және тек қана егер сенімді эпидемиологиялық деректер тұмау вирусының жалпы қауымда таралатынын көрсетсе ғана. Тұмау вирусының айналымдағы штамдарының осельтамивирге сезімталдығы қатты ауытқуы мүмкін. Осылайша, препаратты тағайындау кезінде айналымдағы вирустың осельтамивирге сезімталдығы туралы ең соңғы ақпаратты ескеру қажет. Ауыр қатарлас аурулар Ауруханаға жатқызуды болжайтын жеткілікті ауыр қатарлас ауруы немесе тұрақсыз жағдайы бар пациенттерде осельтамивирді қолданудың қауіпсіздігі мен тиімділігі туралы деректер жоқ. Жүрек және тыныс алу ағзаларының аурулары Жүрек және/немесе тыныс алу ағзаларының созылмалы аурулары бар пациенттерде тұмауды емдеу немесе профилактика кезінде осельтамивирдің тиімділігі анықталмаған. Пациенттердің бұл қауымында асқынулардың пайда болу жиілігі осельтамивирмен емдеу тобымен және плацебо тобымен салыстырылды. Иммунитеті әлсіреген пациенттер Иммунитеті әлсіреген пациенттерде тұмауды емдеу немесе профилактика кезінде осельтамивирдің тиімділігі нақты анықталмаған. Алайда, иммунитеті әлсіреген ересек пациенттерде тұмауды емдеу 10 күн бойы жүргізілуі керек, өйткені препаратты емнің қысқа курсында қолдану бойынша зерттеулер жүргізілмеген. Бүйректің ауыр жеткіліксіздігі Ауыр дәрежелі бүйрек жеткіліксіздігі бар ересек пациенттер мен жасөспірімдерде (13-17 жас) тұмауды емдеу және профилактика кезінде дозаны түзету ұсынылады. Бүйрек жеткіліксіздігі бар балаларда (1 жастағы және одан асқан) дозаны түзетуге арналған клиникалық деректер жоқ, сондықтан пациенттердің осы санаты үшін дозалау режимін анықтау мүмкін емес. Натрий Препараттың құрамында бір дозада 1 ммольден кем натрий (23 мг) бар, яғни құрамында «натрий жоқ» дерлік. Жүктілік Жүкті әйелдер осельтамивирді пайдасы мен қаупі, тұмау вирусының айналымдағы штаммының патогенділігі және жүкті әйелдің негізгі ауруы туралы қолда бар ақпаратты қарастырғаннан кейін ала алады. Сондықтан осельтамивирді жүктілік кезінде өте қажет болған жағдайда ғана қолдану керек. Толғақ және босану кезінде осельтамивирдің қауіпсіздігі зерттелмеген. Бала емізу Аналары осельтамивир қабылдаған емшек еметін балалар және емшек сүтіне осельтамивирдің бөлінуі туралы өте шектеулі ақпарат бар. Шектеулі деректер осельтамивир мен белсенді метаболиттің емшек сүтінде анықталғанын көрсетеді. Бала емізетін әйелдерді осельтамивирмен емдеуді бала емізетін әйелдер үшін айқын пайдасы болған жағдайда қарастыруға болады. Бұл жағдайда тұмау вирусының айналымдағы штаммының патогенділігін және емізетін әйелдің денсаулық жағдайын ескеру қажет. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Асифлу препараты көлік құралын басқару және механизмдермен жұмыс істеу қабілетіне әсер етпейді.

Нұсқаулықта көрсетілмеген.

Осельтамивирдің фармакологиялық және фармакокинетикалық зерттеулерінің деректері клиникалық елеулі өзара әрекеттесу ықтималдығы аз екенін көрсетеді. Осельтамивир негізінен бауырда орналасқан эстеразалардың әсерінен толығымен дерлік белсенді метаболитке (осельтамивир карбоксилаты) айналады. Эстеразалар үшін бәсекелестікке негізделген дәрілік өзара әрекеттесу әдебиетте іс жүзінде сипатталмаған. Осельтамивир мен оның белсенді метаболитінің ақуыздармен төмен байланысуы препараттың ығысуына байланысты өзара әрекеттесу ықтималдығы аз екенін көрсетеді. Іn vitro зерттеулері In vitro зерттеулер көрсеткендей, осельтамивир де, оның белсенді метаболиті де аралас функциялары бар P450 оксидазалары немесе глюкуронилтрансферазалар үшін субстрат болып табылмайды. Пероральді контрацептивтермен өзара әрекеттесудің механистикалық негізі жоқ. Циметидин, Р450 цитохромы изоформаларының спецификалық емес тежегіші және сілтілі немесе катионды заттардың бүйрек секрециясының бәсекелесі, осельтамивирдің немесе оның плазмадағы белсенді метаболиттерінің деңгейіне әсер етпейді. Осылайша, асқазанның рН өзгеруін (антацидтер) туындататын препараттармен клиникалық елеулі өзара әрекеттесуі немесе осы метаболизмдік жолдармен шығарылу ықтималдығы аз. Пробенецид Бүйрек функциясы қалыпты пациенттерде пробенецидпен бір мезгілде қолданғанда дозаны түзету талап етілмейді. Бүйректегі анионды өзекшелік секрецияның күшті тежегіші пробенецидпен бір мезгілде қолдану осельтамивирдің белсенді метаболитінің экспозициясының ~2 есе артуына әкеледі. Амоксициллин Осельтамивир мен амоксициллиннің кинетикалық өзара әрекеттесуі (осельтамивирмен бірдей жолмен шығарылады) жоқ. Осельтамивирдің бүйрек арқылы шығарылуы үшін бәсекелестігі әлсіз деп болжануда. Бүйрек экскрециясы Көптеген ұқсас препараттар үшін қауіпсіздік резервін, осельтамивирдің белсенді метаболитінің (шумақтық сүзілу және анионды өзекшелік секреция) шығарылу жолдарын, сондай-ақ жолдардың әрқайсысының шығару қабілетін ескере отырып, өзекшелік секреция үшін бәсекелестікке байланысты клиникалық елеулі дәрілік өзара әрекеттесу ықтималдығы аз. Алайда, осельтамивирді тар емдік диапазоны бар препараттармен (мысалы, хлорпропамид, метотрексат, бутадион) біріктірілімде сақтықпен қолдану қажет. Кейбір жағдайларда ЕАС фазасында түтікшелерден бөлінетін зат-ганцикловирмен өзара әрекеттесу туралы хабарланды Жекелеген жағдайларда, сондай–ақ ЕАС фазасында түтікшелерден секрецияланатын зат ганцикловирмен өзара әрекеттесуі туралы хабарланды. Осельтамивирдің, оның белсенді метаболитінің (осельтамивир карбоксилаты) және ацетилсалицил қышқылының фармакокинетикалық параметрлерінде елеулі өзгерістер осельтамивирмен бір мезгілде қолданғанда (4 күн бойы күніне 2 рет 75 мг) және ацетилсалицил қышқылын бір рет 900 мг қабылдағанда байқалмады. 150 мг осельтамивирдің бір реттік дозасын және құрамында алюминий гидроксиді/магний гидроксиді бар антацидтің бір реттік дозасын, құрамында кальций карбонаты, парацетамол, ацетилсалицил қышқылы, циметидин, варфарин және римантадин немесе амантадин бар антацидті, осельтамивирдің немесе оның белсенді метаболитінің фармакокинетикалық параметрлеріндегі елеулі өзгерістерді бір мезгілде қабылдаған кезде анықталды. III фазадағы клиникалық зерттеулерде осельтамивир AӨФ тежегіштері (эналаприл, каптоприл), тиазидті диуретиктер (бендрофлуазид), антибиотиктер (пенициллин, цефалоспорин, азитромицин, эритромицин және доксициклин), H2-рецепторларының блокаторлары (ранитидин, циметидин) сияқты кеңінен пайдаланылатын препараттармен бірге емдеу және профилактика ретінде қолданылды. бета-блокаторлар (пропранолол), ксантиндер (теофиллин), симпатомиметиктер (псевдоэфедрин), апиындар (кодеин), кортикостероидтар, ингаляциялық бронходилататорлар және анальгетиктер (ацетилсалицил қышқылы, ибупрофен және парацетамол). Осельтамивирді осы препараттармен бір мезгілде қолданғанда жағымсыз реакциялардың бейіні мен жиілігінде өзгерістер байқалмады.

Сақтау мерзімі 2 жыл Жарамдылық мерзімі өткеннен кейін қолдануға болмайды! Сақтау шарттары 25 °С-ден аспайтын температурада сақтау керек. Балалардың қолы жетпейтін жерде сақтау керек!