Аскорбин қышқылы раствор 50 мг/мл

Бір ампуланың ішінде белсенді зат – 100 мг аскорбин қышқылы, қосымша заттар: натрий гидрокарбонаты, сусыз натрий сульфиті (Е 221), инъекцияға арналған су. Сыртқы түрінің, иісінің, дәмінің сипаттамасы Мөлдір, түссіз немесе сәл сарғыштау, іс жүзінде бөлшектерден бос ерітінді.

- С гиповитаминозы - цинга - қан кетулер (жатырдан, өкпеден, мұрыннан, бауырдан) - геморрагиялық диатез - сәулесоқ ауруы синдромы ретіндегі қан кетулер - әртүрлі уыттану мен инфекциялық аурулар - жүкті әйелдердегі нефропатия - аддисондық криз - антикоагулянттармен артық дозалану - сүйек сынулары мен беті баяу жазылатын жаралар - әртүрлі дистрофия - жүктілік немесе бала емізу кезеңі - ойдың және ауыр дене еңбегінен қатты қажу

Аскорбин қышқылы (С дәрумені) – тіндік алмасудың оңтайлы жүруіне ықпал ететін суда еритін дәрумен. Дегидроаскорбин қышқылымен сутегі протонын тасымалдау жүйесін түзе отырып, тотығу-тотықсыздану реакцияларына белсенді қатысады, антиоксидант қасиетін көрсетеді, соның есебінен жасушалық жарғақшалар тұрақтылығын қамтамасыз етеді. Қантамыр қабырғасы дәнекер тінінің негізгі заттары синтезіне қатысады, осылайша геморрагиялық диатез дамуынан сақтандырады. Адам организмінде синтезделмейді. Аскорбин қышқылы тағам өнімдерімен жеткіліксіз түскен кезде қызыл иектің, шырышты қабықтардың қанағыштығы дамиды. Глюкоза алмасуына, холестерин катаболизміне, стероидты гормондар синтезіне қатысады. Аскорбин қышқылының мөлшері стресс реакциялары кезінде организмде және бүйрекүсті бездері тіндерінде көбіне едәуір төмендейді, бұл бейімделу реакцияларына аскорбин қышқылының қатысатынын растайды. Темір алмасуына әсер ету есебінен анемияға қарсы әсер етуге қабілетті. Үш валентті темірді екі валентті етіп қалпына келтіреді, ол қан ағымымен тасымалданады.

Дозалау режимі Вена ішіне сорғалатып немесе тамшылатып енгізуге және бұлшықет ішіне тағайындайды. Вена ішіне 1-3 минут бойы сорғалатып енгізеді. Препараттың бір реттік дозасын вена ішіне тамшылатып енгізу үшін 50-100 мл 0,9 % натрий хлориді ерітіндісінде сұйылтады және минутына 30-40 тамшы жылдамдықпен вена ішіне инфузия жолымен баяу енгізеді. Бұлшықетке тереңдете бұлшықет ішіне енгізеді. Дозаны аурудың сипаты мен ауырлығын ескере отырып, жекелей белгілейді. Ересектерге және 12 жастан үлкен балаларға әдетте тәулігіне 50-150 мг тағайындайды. Уланғанда тәуліктік дозаны 500 мг дейін арттырады. Ең жоғары бір реттік доза - 200 мг, тәуліктік – 1 г. 12 жасқа дейінгі балаларға тәулігіне 50-100 мг вена ішіне тағайындайды (1-2 мл 5% ерітінді). Науқастардың ерекше топтары. Бүйректе қайталанған тас түзілуі бар пациенттерге аскорбин қышқылының тәуліктік дозасы 100-200 мг аспауы тиіс. Ауыр немесе соңғы сатыдағы бүйрек жеткіліксіздігі бар пациенттерге (диализде жүрген науқастар) аскорбин қышқылының тәуліктік дозасы 50-100 мг аспауы тиіс. Глюкоза-6-фосфатдегидрогеназа тапшылығы бар науқастарда аскорбин қышқылының тәуліктік дозасы 100-500 мг аспауы тиіс. Енгізу әдісі және жолы Вена ішіне сорғалатып немесе тамшылатып енгізуге және бұлшықет ішіне тағайындайды. Дәрілік препаратты қолдану тәсілін түсіндіру үшін медицина қызметкерінің кеңесіне жүгіну жөніндегі кеңестер Дәрігердің тағайындауы бойынша қолдану керек.

- аскорбин қышқылына немесе препараттың қосымша компоненттерінің кез келгеніне аса жоғары сезімталдық - қант диабеті - қан ұюының жоғарылауы - тромбозға бейімділік - тромбофлебит - несеп-тас ауруы (оның ішінде гипероксалурия) - бүйрек жеткіліксіздігі – үдемелі қатерлі аурулар - гемохроматоз - талассемия - полицитемия - лейкемия - сидеробласты анемия - орақ тәрізді жасушалық анемия - глюкоза-6-фосфатдегидрогеназа тапшылығы

Қан және лимфа жүйесі тарапынан бұзылулар Белгісіз (қола бар деректер негізінде баға беру мүмкін емес) - жоғары дозада ұзақ уақыт қолданғанда – тромбоцитоз, гиперпротромбинемия, тромб түзілуі, эритроцитопения, нейтрофильді лейкоцитоз. Жүйке жүйесі тарапынан бұзылулар Белгісіз (қолда бар деректер негізінде баға беру мүмкін емес) - бас ауыруы, шаршау сезіну, жоғары дозада ұзақ уақыт қолданғанда – ұйқының бұзылуы, орталық жүйке жүйесінің жоғары қозғыштығы. Ас қорыту жолы тарапынан бұзылулар Белгісіз (қолда бар деректер негізінде баға беру мүмкін емес) - жүрек айнуы, диарея, асқазан түйілуі. Несеп бөлу жүйесі тарапынан бұзылулар Белгісіз (қолда бар деректер негізінде баға беру мүмкін емес) - гипероксалатурия; жоғары дозада ұзақ уақыт қолданғанда – бүйректің гломерулярлық аппаратының зақымдануы, кальций оксалатынан бүйрек тастары түзілуі. Тері және тері асты шелі тарапынан бұзылулар Өте сирек -тері бөртпесі, тері гиперемиясы, қышу, есекжем, қызару, ісіну. Метаболизмдік бұзылулар Белгісіз (қолда бар деректер негізінде баға беру мүмкін емес) - С гипервитаминозы, жоғары дозада ұзақ уақыт қолданғанда – ұйқы безінің инсулярлық аппаратының функциясы бәсеңдеуі (гипергликемия, глюкозурия) және гликоген синтезі, натрий және сұйықтық іркілісі, мырыш және мыстың алмасуы бұзылуы. Жүрек –қан тамырлары жүйесі тарапынан бұзылулар Белгісіз (қолда бар деректер негізінде баға беру мүмкін емес) - капиллярлардың өткізгіштігі төмендеуі, тіндердің трофикасы нашарлауы; жоғары дозада ұзақ уақыт қолданғанда – миокард дистрофиясы, артериялық қысымның жоғарылауы, микроангиопатия дамуы. Жалпы бұзылулар Белгісіз (қолда бар деректер негізінде баға беру мүмкін емес) - вена ішіне енгізгенде ысыну сезіну, енгізу орнындағы өзгерістер, қалтырау, дене температурасының жоғарылауы мүмкін. Жүктілік Белгісіз (қолда бар деректер негізінде баға беру мүмкін емес) - вена ішіне жоғары дозада енгізгенде – жүктілікте түсік болу қаупі. Иммундық жүйе тарапынан бұзылулар Өте сирек - анафилаксиялық шокты қоса, аса жоғары сезімталдық реакциялары. Сирек - дәрілік заттың құрамында натрий сульфиті (Е 221) қосымша затының болуы аса жоғары сезімталдық реакцияларын және бронх түйілуін тудыруы мүмкін. Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Аскорбин қышқылының үлкен дозалары диареяны қоса, асқазан-ішек бұзылыстарын туындатуы, сондай-ақ гипероксалурияға және оксалатты конкременттер түзілуіне әкелуі мүмкін. Тәулігіне 600 мг асатын дозалар диурездік әсерін көрсетеді. Препараттың шамадан тыс дозаларын бір рет қолданғанда жүрек айну, құсу, іштің кебуі және ауыруы, қышыну, тері бөртулері, қатты қозғыштық пайда болуы мүмкін. Вена ішіне жоғары дозада енгізген кезде жүктіліктің үзілу қаупі туындауы мүмкін. Емі: препарат қолдануды тоқтату, симптоматикалық ем.

Үлкен дозада қолданғанда бүйрек функциясын, артериялық қысымды (кортикостероидтардың түзілуін аскорбин қышқылымен стимуляциялау), сондай-ақ ұйқы безі функциясын (инсулярлық аппараттың бәсеңдеуі) бақылап отыру қажет. Үлкен дозалармен емді қайталанатын несеп-тас ауруына бейім науқастарға жүргізуге болмайды. Бүйрек жеткіліксіздігі бар науқастарға кристалурия қаупін төмендету үшін сұйықтықты жеткілікті тұтынуды (тәулігіне 1,5-2 л) қамтамасыз ету қажет. Аскорбин қышқылының үлкен дозаларын тұтыну кейбір зертханалық зерттеулер нәтижелеріне әсер етуі мүмкін: несепте қант болуына жалғаноң тест және нәжісте жасырын қан болуына теріс тест, сондай-ақ зерттеулерде қан сарысуында лактатдегидрогеназа және аминотрансферазалар концентрациялары көрсеткіштерінің төмендеуі. Организмде темір мөлшері жоғары пациенттер аскорбин қышқылын ең аз дозада қолдануы керек. Натрий аз болатын диета ұстанатын пациенттер бұл дәрілік затты сақтықпен қолдануы керек, өйткені оның құрамында натрий гидрокарбонаты және сусыз натрий сульфиті кіреді. Дәрілік зат құрамында бір дозада 0,6 ммоль (немесе 14 мг)/натрий бар, ол дозада натрий 1 ммольден (23 мг) аз, яғни ерітіндіде натрий жоқ дерлік. Тез пролиферацияланатын және қарқынды метастазданатын ісіктері бар пациенттерге аскорбин қышқылын тағайындау осы процестерді күшейтуі мүмкін. Химиотерапия курсынан өтетін пациенттерге препаратты химиотерапиядан кейін 1-3 күн өткен соң ғана (ісікке қарсы препараттың жартылай шығарылу кезеңіне байланысты) тағайындау керек, өйткені өзара әрекеттесулерінің ықтималдығына қатысты клиникалық деректер жоқ. Арнайы сақтандырулар Педиатрияда қолдану Препарат педиатриялық практикада қолданылады. Балаларға арналған препаратты дозалауды «Қолдану жөніндегі нұсқаулар» бөлімінен қараңыз. Препараттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері Препарат ұсынылатын дозаларда автокөлікті басқару немесе басқа механизмдермен жұмыс істеу қабілетіне әсер етпейді.

Жүкті әйелдердің рационында С дәруменінің жетіспеушілігі шарана үшін қауіпті болуы мүмкін, бірақ оны жоғары дозада қолдану шарананың дамуына теріс әсер етуі мүмкін, сонымен қатар түсік тастау қаупі бар. Сондықтан жүктілік кезінде препаратты ана үшін болжамды пайдасы шарана үшін ықтимал қауіптен асып кеткен кезде ғана тағайындауға болады. Аскорбин қышқылының ең төменгі күнделікті қажеттілігі жүктіліктің II-III триместрінде – шамамен 60 мг. Аскорбин қышқылы плаценталық бөгет арқылы өтеді. Жүкті әйелдер қабылдайтын аскорбин қышқылының жоғары дозаларына шарананың бейімделуі мүмкін екендігін ескерген жөн және содан соң жаңа туған нәрестелерде тоқтату реакциясы сияқты аскорбин ауруы дамуы мүмкін. Сондықтан жүктілік кезінде ана үшін потенциалды пайдасы шарана үшін болжамды қауіптен астам болған жағдайларды қоспағанда, препаратты жоғары дозаларда тағайындауға болмайды. Бала емізу кезеңінде аскорбин қышқылының ең төменгі күнделікті қажеттілігі – 80 мг. Аскорбин қышқылының мөлшері талапқа сай болатын анасының диетасы емшектегі сәбиде тапшылық профилактикасы үшін жеткілікті. Аскорбин қышқылы емшек сүтіне енеді. Аскорбин қышқылының жоғары дозаларын (бала емізу кезеңінде аскорбин қышқылына күнделікті қажеттілікті асырып жібермеу ұсынылады) анасы тұтынғанда баласы үшін теориялық тұрғыдан қауіпті. Препараттың жоғары дозаларын тағайындау қажет болғанда бала емізуді тоқтату керек.

Аскорбин қышқылы қандағы салицилаттар (кристалурия қаупін жоғарылатады), этинилэстрадиол, бензилпеницилин және тетрациклиндер концентрациясын жоғарылатады, қандағы пероральді контрацептивтер деңгейін төмендетеді. Сілтілік реакциясы бар (оның ішінде алкалоидтар) препараттардың шығарылуын арттырады. Жоғары дозада бүйректен мексилетиннің шығуын жоғарылатады. Тетрациклиндер және ацетилсалицил қышқылы аскорбин қышқылының несеппен шығарылуын күшейтеді. Салицилаттармен және әсері қысқа сульфаниламидтермен бір мезгілде тағайындағанда несеп конкременттерінің түзілуінің қаупі артады. Аскорбин қышқылының жоғары дозасы несеп рН төмендетуі мүмкін, осының салдарынан амфетаминнің және бір мезгілде қолданылатын трициклдік антидепрессанттардың өзекшелік реабсорбциясы төмендейді. Дефероксамин қабылдап жүрген пациенттерде темірдің экскрециясын жоғарылатады. Кумарин және гепарин туындыларының антикоагулянттық әсерін, антибиотиктердің тиімділігін азайтады. Сусыздануды және этил спиртінің жалпы клиренсін жоғарылатады. Изопреналиннің хронотроптық әсерін және фенотиазин туындыларының емдік әсерін азайтады. Барбитураттармен, примидонмен бір мезгілде пайдаланғанда несеппен аскорбин қышқылының экскрециясы жоғарылайды. Аскорбин қышқылы мен дефероксаминді бір мезгілде қабылдау, әсіресе жүрек бұлшықетінде темірдің тіндік уыттылығын арттырады, бұл қан айналымы жүйесінің орнын толтыруға әкелуі мүмкін. С дәруменін дефероксамин инъекциясынан кейін 2 сағаттан соң ғана қабылдауға болады. Аскорбин қышқылын жоғары дозада пайдаланғанда және алкогольді бір мезгілде тұтынғанда дисульфирам тәрізді реакция дамуы мүмкін. Үйлесімсіздігі Аскорбин қышқылының тотығу-тотықсыздану потенциалы жоғары болғандықтан ол басқа препараттардың химиялық құрамын өзгертуі мүмкін. Сондықтан басқа дәрілік заттармен бір мезгілде қолдану мүмкіндігін қарастырғанда олардың үйлесімділігіне көз жеткізу керек.

Сақтау мерзімі 2 жыл Жарамдылық мерзімі өткеннен кейін қолдануға болмайды! Сақтау шарттары Түпнұсқалық қаптамасында 25 ºС-ден аспайтын температурада сақтау керек. Балалардың қолы жетпейтін жерде сақтау керек!