Аскорутин таблетки

Бір таблетканың құрамында белсенді заттар: аскорбин қышқылы - 50 мг, рутин - 50 мг, қосымша заттар: картоп крахмалы, кальций стеараты, тальк, қант. Сыртқы түрінің, иісінің, дәмінің сипаттамасы Болмашы теңбілдері, ойығы мен сызығы бар, жалпақ беткейлі, ашық жасылдау-сары түсті таблеткалар.

- С және Р гипо- және авитаминозын, тікелей емес антикоагулянттарды және салицилаттарды қолданумен байланысты капиллярлар зақымдалуының профилактикасында және емдеуде. Кешенді ем құрамында: - қан тамырлары өткізгіштігінің бұзылуы қатар жүретін ауруларда: геморрагиялық диатез, көз торқабығына қан құйылу, капилляр токсикозы, сәуле ауруы, сепсистік эндокардит, ревматизм, гломерулонефрит, арахноидит, бөртпе сүзек, қызылша, жаншау, тромбоцитопениялық пурпура.

Аскорбин қышқылы тотығу-тотықсыздану үдерістерін, көмірсу алмасуы, қан ұю, тіндердің регенерациясы, коллаген синтезін ретке келтіруге қатысады, организмнің қарсыласуының жоғарылауына ықпал етеді. Рутин капиллярлардың өткізгіштігін, ісіну мен қабынуды төмендетеді, тамыр қабырғаларын нығайтады. Антиагрегациялық әсерге ие, бұл микроайналымды жақсартуға ықпал етеді.

Дозалау режимі Емдеу үшін Ересектерге 1 таблеткадан күніне 2-3 рет, 6 жастан асқан балаларға ½ таблеткадан күніне 1-2 рет. Курсы дәрігермен жекелей анықталады. Профилактика үшін Ересектерге 1 таблеткадан күніне 1-2 рет, 6 жастан асқан балаларға ½ таблеткадан күніне 1 рет. Енгізу әдісі мен жолы Аскорутинді тамақтанғаннан кейін судың жеткілікті мөлшерімен ішіп қабылдау керек. Емдеу курсының ұзақтығы – 2-3 апта, аурудың ағымына және препараттың төзімділігіне байланысты дәрігер анықтайды. Дәрілік препаратты қолдану тәсілін түсіндіру үшін медициналық қызметкер кеңесіне жүгіну жөніндегі кеңестер Бүкіл қосымша парақты мұқият оқып шығыңыз. Егер Сізге дәрілік препаратты қолдану тәсілі түсініксіз болған жағдайда, кеңес алу үшін медицина қызметкеріне жүгінуді ұсынамыз.

- әсер етуші затқа (заттарға) немесе кез келген қосымша заттарға өте жоғары сезімталдық - қан гиперкоагуляциясымен және тромбоздарға бейімділікпен қатар жүретін жағдайлар - тромбофлебит - фруктозаны көтере алмаушылық немесе глюкоза-галактоза мальабсорбциясы - қант диабеті (аскорбин қышқылының болуына байланысты) - жүктіліктің І триместрі - 6 жасқа дейінгі балалар

Жиілігі белгісіз - аллергиялық реакциялар (тері бөртпесі) - диспепсиялық бұзылыстар, жүрек айну, құсу, эпигастрий аймағының ауыруы - бас ауыруы, жоғары қозғыштық - артериялық қысымның жоғарылауы - тромбоцитоз, лейкоцитоз. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz немесе «Эйкос-Фарм» ЖШС, Қазақстан Республикасы, Алматы қ., Нүсіпбеков к-сі, 32 Тел: + 7 (727) 329 66 07, + 7 (727) 397 64 29, +7 (727) 397-64-14 факс: + 7 (727) 250 71 78 Электрондық пошта мекенжайы: pharm@eikos.kz

Симптомдары: жүрек айнуы, құсу, іш өту, бас ауыруы, артериялық қысымның жоғарылауы. Емі: асқазанды шаю, сорбенттер, симптоматикалық ем.

Арнайы сақтандырулар Препаратты жеміс немесе көкөніс шырындарын қолданумен, сілтілі сусынмен бір уақытта пайдалану С дәруменінің сіңірілуін төмендетеді. Сонымен қатар, сіңірілуі энтериттер кезінде бұзылуы мүмкін. Препараттың жоғары дозаларын қан ұюы жоғарылауына, тромбофлебиттерге, тромбозға бейім пациенттерге, қант диабетінде (құрамында аскорбин қышқылы болғандықтан) тағайындауға болмайды. Аскорутиннің жоғары дозаларын қолданған кезде бүйрек функциясын және артериялық қысым деңгейін, сондай-ақ, ұйқы безінің функциясын бақылап отыру қажет. Препарат қандағы билирубин, глюкоза деңгейін, трансаминазалар, лактатдегидрогеназа және т.б. белсенділігін анықтауға қатысты зертхана тестілерінің нәтижелерін өзгертуі мүмкін. Балаларда қолдану Таблеткалар 6 жасқа дейінгі балаларға қолдануға арналмаған. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Аскорутин көлік құралын немесе қауіптілігі зор механизмдерді басқару қабілетіне ықпал етпейді.

С дәруменінің жоғары дозалары эстрогендер синтезінің артуына байланысты жүктіліктің тоқтатылуын тудыруы мүмкін. Препарат құрамында рутин болғандықтан, оны жүктіліктің алғашқы триместрінде қолдануға болмайды. Препаратты лактация кезеңінде қолдануға болады.

В тобының дәрумендерімен және құрамында мыс бар препараттармен бірге қолдануға болмайды. Ұзақ қолданған жағдайда (4 аптадан астам) рутин жүрек гликозидтерімен, гипертензияға қарсы дәрілермен немесе стероидты емес қабынуға қарсы препараттармен бір мезгілде тағайындауға болмайды, себебі ол олардың әсерін күшейтуі мүмкін. Аскорбин қышқылы пенициллин тобы, темір дәрілік заттарының сіңуін жоғарылатады; гепарин және тікелей емес антикоагулянттардың клиникалық әсерін төмендетеді.

Сақтау мерзімі 3 жыл Жарамдылық мерзімі өткеннен кейін қолдануға болмайды. Сақтау шарттары Құрғақ, жарықтан қорғалған жерде 25 ºС-ден аспайтын температурада сақтау керек. Балалардың қолы жетпейтін жерде сақтау керек!