Аскофен-П® таблетки

Бір таблетканың құрамында белсенді заттар: ацетилсалицил қышқылы, 200.00 мг, парацетамол, 200.00 мг, кофеин 40.00 мг, қосымша заттар: картоп крахмалы, төмен молекулалы медициналық поливинилпирролидон (повидон К-17), стеарин қышқылы, кальций стеараты, тальк, силикон эмульсиясы, вазелин майы. Сыртқы түрінің, иісінің, дәмінің сипаттамасы Дөңгелек, жайпақ цилиндр тәрізді, ойығы мен сызығы бар, ақ немесе реңі крем немесе қызғылт ақ түсті таблеткалар. Таблеткалардың аздаған иісі және беткейі мәрмәр тәрізді болуы мүмкін.

- айқындығы жеңіл және орташа ауырсыну синдромы (шығу тегі әртүрлі): бас ауыруы, бас сақинасы, тіс ауыруы, невралгия, миалгия, артралгия, альгодисменорея - қызба синдромы: жедел респираторлық ауруларда, тұмауда

Әсер ету механизмі Аскофен-П – әсері оның құрамына кіретін компоненттермен анықталатын біріктірілген препарат. Ацетилсалицил қышқылы ыстық түсіретін және қабынуға қарсы әсерге ие, әсіресе қабыну процесінде туындаған ауырсынуды жеңілдетеді, сонымен қатар тромб түзілуді тежейді, қабыну ошағында микроциркуляцияны жақсартады. АСҚ әсер ету механизмі простагландиндер синтезін реттейтін циклооксигеназа 1 және 2 бәсеңдеуімен байланысты. Кофеин жұлынның рефлекторлық қозғыштығын арттырады, тыныс алу және қантамыр қозғалысы орталықтарын қоздырады, қаңқа бұлшықеттерінің, мидың, жүректің, бүйректің қантамырларын кеңейтеді, тромбоциттердің агрегациясын төмендетеді; ұйқышылдықты, шаршау сезімін азайтады, ақыл-ой мен физикалық жұмыс істеу қабілетін арттырады. Бұл біріктірілімде кофеин аз мөлшерде орталық жүйке жүйесіне симуляциялық әсер етпейді, ми тамырларының тонусын жоғарылатады және қан ағымын жеделдетуге көмектеседі. Парацетамол ыстықты түсіретін, ауырсынуды басатын және қабынуға қарсы әлсіз әсерге ие, бұл оның гипоталамустағы терморегуляция орталығына әсерімен және шеткері тіндерде простагландиндер синтезін тежейтін әлсіз білінетін қабілетімен байланысты. Фармакодинамикалық әсерлері Анальгетикалық, қабынуға қарсы және ыстық түсіретін әсер, тромбоциттер агрегациясының төмендеуі Клиникалық тиімділік және қауіпсіздік Клиникалық зерттеулер мен жүйелі шолулар АСҚ, парацетамол және кофеин біріктірілімі бас ауыруы, ширығудан бас ауыруы, аура бар және онсыз бас сақинасы, бастапқы альгодисменорея, қызба, тіс ауруы, артралгия, бұлшықет ауырсынуын емдеуде тиімді және қауіпсіз екенін көрсетті Балалар Аскофен-П препаратын балалар мен 15 жасқа дейінгі жасөспірімдерде ауырсынуды басатын дәрі ретінде, ал балалар мен 18 жасқа дейінгі жасөспірімдерде қызба синдромы кезінде қолдануға болмайды

Дозалау режимі Бас ауыруы кезінде ұсынылатын доза 1-2 таблетка, қатты бас ауыруы жағдайында келесі қабылдау 4-6 сағаттан кейін. Бас сақинасы кезінде симптомдар пайда болған кезде ұсынылатын доза 2 таблетка, қажет болған жағдайда қайта қабылдау 4-6 сағаттан кейін. Бас ауыруы мен бас сақинасын емдеу үшін препаратты 4 күннен асырмай қабылдайды. Ауырсыну синдромында - 1-2 таблетка; орташа тәуліктік доза - 3-4 таблетка, ең жоғары тәуліктік доза - 8 таблетка. Енгізу жолы және тәсілі Ішке (тамақтану кезінде немесе одан кейін, әр дозаны қабылдаған кезде жеткілікті мөлшерде су ішу арқылы). Емдеу ұзақтығы Препаратты анальгетикалық дәрілік зат ретінде 5 күннен артық және 3 күннен артық - ыстық түсіретін ретінде қабылдауға болмайды (дәрігердің тағайындауынсыз және бақылауынсыз). Емдеу курсы 3-5 күннен аспайды. Пациенттердің ерекше топтары Балалар Препарат 15 жасқа дейінгі балаларға ауырсынуды басатын дәрі ретінде, қызба синдромында – 18 жасқа дейін қолдануға болмайды. Егде жастағылар (65 жастан асқан) Егде жастағы пациенттерде, әсіресе дене салмағы төмен болған кезде, сақ болу керек. Бауыр және бүйрек жеткіліксіздігі бар пациенттер Бауыр немесе бүйрек функциясы бұзылуының препараттың фармакокинетикасына әсері зерттелмеген. Ацетилсалицил қышқылы мен парацетамолдың әсер ету механизмін ескере отырып, оларды қолдану бүйрек пен бауыр жеткіліксіздігін нашарлатуы мүмкін. Осыған байланысты препаратты ауыр бауыр немесе бүйрек жеткіліксіздігі бар пациенттерде қолдануға болмайды («Қолдануға болмайтын жағдайлар» бөлімін қараңыз), ал жеңіл және орташа дәрежедегі бауыр және бүйрек жеткіліксіздігі кезінде оны сақтықпен қолдану керек («Сақтықпен» бөлімін қараңыз). Дәрілік препараттың бір немесе бірнеше дозасын жіберіп алған кезде қажетті шаралар Жіберіп алған таблетканы өтеу үшін қосарлы дозаны қабылдамаңыз. Препаратты қолдану туралы сұрақтар туындаған жағдайда емдеуші дәрігерге немесе дәріхана қызметкеріне немесе медбикеге хабарласыңыз.

- өршу сатысындағы асқазан және он екі елі ішектің ойық жара ауруы; - асқазан-ішектен қан кету немесе тесілу, анамнездегі пептидтік ойық жара - ауыр бүйрек немесе бауыр жеткіліксіздігі - геморрагиялық диатездер, гипокоагуляция (оның ішінде гемофилия, гипопротромбинемия) - ауыр қан кетумен қатар жүретін хирургиялық араласулар - жүктілік, емшек емізу кезеңі - глюкоза-6-фосфатдегидрогеназа тапшылығы - глаукома - препарат компоненттеріне аса жоғары сезімталдық - бронх демікпесінің, мұрынның және мұрын маңы қуыстарының қайталанатын полипозының және АСҚ немесе басқа қабынуға қарсы стероидты емес препараттар жақпаушылығының толық және толық емес үйлесімі (оның ішінде анамнезінде) - 15 жасқа дейінгі балалар ауырсынуды басатын дәрі ретінде, қызба синдромында – 18 жасқа дейін - қатты қозғыштық, ұйқының бұзылуы - жүрек-қантамыр жүйесінің органикалық аурулары (оның ішінде жедел миокард инфарктісі, атеросклероз) - айқын артериялық гипертензия - порталдық гипертензия - NYHA бойынша III-IV функционалдық класы созылмалы жүрек жеткіліксіздігі - метотрексатты бір мезгілде аптасына 15 мг артық қабылдау - К авитаминозы - гипопротеинемия

Инфекциялар мен инвазиялар: сирек – фарингит. Метаболизм және тамақтану бұзылыстары: сирек– анорексия (тәбеттің төмендеуі). Психикалық бұзылыстар: жиі – күйгелектік; жиі емес – ұйқысыздық; сирек– мазасыздық, эйфориялық көңіл-күй, ішкі шиеленіс. Жүйке жүйесі тарапынан бұзылулар: жиі– бас айналуы; жиі емес– тремор, парестезия, бас ауыруы; сирек– дәм сезудің бұзылуы, зейін қоюдың бұзылуы, амнезия, қимыл үйлесімінің бұзылуы, гиперестезия, мұрын маңы қойнаулары аймағындағы ауырсыну. Қан тарапынан бұзылулар: сирек – тромбоциттер агрегациясының төмендеуі, гипокоагуляция, геморрагиялық синдром (мұрыннан қан кету, қызыл иектің қанауы, пурпура және т.б.). Иммундық жүйе тарапынан бұзылулар: жиілігі белгісіз – аллергиялық реакциялар: тері бөртпесі, Квинке ісінуі, бронх түйілуі, көп формалы экссудативті эритема (соның ішінде Стивенс-Джонсон синдромы), уытты эпидермалық некролиз (Лайелл синдромы), балалардағы Рейе синдромы (метаболизмдік ацидоз, жүйке жүйесі мен психиканың бұзылуы, құсу, бауыр функциясының бұзылуы). Көру мүшесі тарапынан бұзылулар: сирек–көру қабілетінің бұзылуы. Есту мүшелері тарапынан болатын бұзылулар: жиі емес – құлақтың шуылдауы; жиілігі белгісіз–кереңдік. Жүрек тарапынан бұзылулар: жиі емес – тахикардия, аритмия. Тыныс алу жүйесі, кеуде және көкірекорта ағзалары тарапынан бұзылулар: сирек–мұрыннан қан кету, гиповентиляция, ринорея. Ас қорыту жүйесі тарапынан бұзылулар: жиі – жүрек айнуы, іштегі жайсыздық; сирек– ауыздың құрғауы, құсу, диарея, АІЖ эрозиялық-ойық жаралы зақымдануы; сирек – кекіру, метеоризм, дисфагия, ауыз аймағындағы парестезия, сілекейдің көп бөлінуі; жиілігі белгісіз – гастралгия, асқазан-ішектен қан кету. Бауыр мен өт шығару жолдары тарапынан бұзылулар: жиі емес –гепатоуыттылық; жиілігі белгісіз– бауыр жеткіліксіздігі. Тері және тері асты тіндері тарапынан бұзылулар: сирек– гипергидроз, қышыну, есекжем. Қаңқа-бұлшықет және дәнекер тін тарапынан бұзылулар: сирек – бұлшықет-қаңқалық қозғалыстың шектелуі, мойын ауыруы, арқа ауыруы, бұлшықет түйілуі. Бүйрек және несеп шығару жолының тарапынан бұзылулар: жиі емес – нефроуыттылық; жиілігі белгісіз– бүйрек жеткіліксіздігі, папиллярлық некрозбен жүретін бүйректің зақымдануы. Жалпы бұзылыстар және енгізу орнындағы бұзылулар: жиі емес– қажу, қатты қозғыштық; сирек– астения, кеудедегі ауырлық. Жекелеген компоненттерді медициналық қолдану жөніндегі нұсқаулыққа сәйкес оларды біріктірілім құрамында қолданған кезде олардың жағымсыз құбылыстарының спектрін күшейту немесе кеңейту туралы деректер жоқ. Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Егер сіз Аскофен-П® препаратын қажет болғаннан артық қабылдаған болсаңыз, сізде мынадай симптомдар пайда болуы мүмкін: Ацетилсалицил қышқылы Жедел уыттану кезінде – бас айналуы, құлақтың шуылдауы, кереңдік, қатты терлеу, жүректің айнуы, құсу, бас ауыруы және сананың шатасуы. 150-300 мкг/мл плазмалық концентрацияда пайда болады. Емі – дозаны төмендету немесе емдеуді тоқтату. 300 мкг/мл-ден жоғары концентрацияда гипервентиляция, қызба, мазасыздық, кетоацидоз, респираторлық алкалоз және метаболизмдік ацидоз арқылы көрінетін өте ауыр уыттану пайда болады. Орталық жүйке жүйесінің тежелуі комаға әкелуі мүмкін, жүрек-қантамыр коллапсы және тыныс алу жеткіліксіздігі де пайда болуы мүмкін. Созылмалы уыттанудың аса жоғары даму қаупі балалар мен егде жастағы адамдарда тәулігіне 100 мг/кг астам бірнеше тәулік бойы қабылдаған кезде байқалады. Емі. 120 мг/кг астам салицилаттардың түсуіне күмән болған кезде соңғы сағат ішінде белсендірілген көмірді бірнеше рет ішке енгізеді. 120 мг/кг астам салицилаттарды қабылдаған кезде олардың плазмалық концентрациясын анықтау керек, дегенмен оның ауырлығын тек осы көрсеткіштің негізінде болжау мүмкін емес, клиникалық және биохимиялық көрсеткіштерді де ескеру қажет. Егер плазмалық концентрация 500 мкг/мл асса (5 жасқа дейінгі балалар үшін 350 мкг/мл), натрий гидрокарбонатын вена ішіне енгізу плазмадан салицилаттарды тиімді түрде жояды. Егер плазмалық концентрация 700 мкг/мл-ден асса (балалар мен қарттарда төмендеу концентрация) немесе ауыр метаболизмдік ацидоз болса, таңдау терапиясы гемодиализ немесе гемоперфузия болып табылады. Парацетамолмен артық дозалану Артық дозаланғанда, әсіресе егде жастағы пациенттерде, балаларда, бауыр аурулары бар пациенттерде (созылмалы алкоголизмнен туындаған), тамақтану бұзылған пациенттерде, сондай-ақ шұғыл дамитын гепатит, бауыр жеткіліксіздігі, холестаздық гепатит, цитолитикалық гепатит дамуы мүмкін бауыр микросомалық ферменттерінің индукторларын қабылдайтын пациенттерде, жоғарыда көрсетілген жағдайларда - кейде өліммен аяқталатын пациенттерде уыттану болуы мүмкін. Жедел артық дозаланудың клиникалық көрінісі парацетамолды қабылдағаннан кейін 24 сағат ішінде дамиды. Симптомдары: асқазан-ішек бұзылыстар (жүрек айну, құсу, тәбеттің төмендеуі, құрсақ қуысында жайсыздықты сезіну және (немесе) абдоминальді ауыруы), терінің бозаруы. 7,5 г және одан да көп ересектерге немесе 140 мг/кг астам балаларға бір мезгілде енгізу кезінде бауырдың толық және қайтымсыз некрозымен, бауыр жеткіліксіздігінің, метаболизмдік ацидоздың және энцефалопатияның дамуымен гепатоциттердің цитолизі жүреді, олар комаға және өлімге әкелуі мүмкін. Парацетамолды енгізуден кейін 12-48 сағ. соң бауырдың микросомалық ферменттері, лактатдегидрогеназа белсенділігінің жоғарылауы, билирубин концентрациясы және протромбин мөлшерінің төмендеуі байқалады. Бауыр зақымдануының клиникалық симптомдары препараттың артық дозалануынан 2 күн өткен соң пайда болады және 4-6 күн ішінде ең жоғарысына жетеді. Емі. Дереу ауруханаға жатқызу. Артық дозаланғаннан кейін қан плазмасындағы парацетамолдың сандық құрамын барынша ерте мерзімде емдеуді бастар алдында анықтау; SH-топтар донаторларын және глутатион синтезінің ізашарларын - метионин мен ацетилцистеинді енгізу - алғашқы 8 сағатта анағұрлым тиімді. Қосымша емдік іс-шараларды (метионинді одан әрі енгізу, ацетилцистеинді в/і енгізу) жүргізу қажеттілігі парацетамолдың қандағы концентрациясына, сондай-ақ оны енгізгеннен кейінгі уақытқа байланысты айқындалады. Симптоматикалық емдеу. Бауырдың микросомалық ферменттерінің белсенділігі бойынша зертханалық зерттеулерді емнің басында, содан кейін 24 сағат сайын жүргізген жөн. Ауыр жағдайларда бауырдың микросомалық ферменттерінің белсенділігі 1-2 апта ішінде қалыпқа келеді. Өте ауыр жағдайларда бауырды ауыстырып салу қажет болуы мүмкін. Кофеин Кең таралған симптомдары гастралгия, ажитация, делирий, үрей, ашушаңдық, мазасыздық, ұйқысыздық, психикалық қозу, бұлшықеттің тартуы, сананың шатасуы, құрысулар, сусыздану, несеп шығарудың жиілеуі, гипертермия, бас ауыруы, тактильді немесе ауырсыну сезімталдығының жоғарылауы, жүрек айну және құсу (кейде қанмен), құлақтың шуылдауы. Айқын артық дозаланғанда гипергликемия пайда болуы мүмкін. Кардиологиялық бұзылулар тахикардиямен және аритмиямен көрініс табады. Емі – дозаны төмендету немесе кофеин қабылдауды тоқтату.

Подагра, гиперурикемия, асқазанның және 12 елі ішектің ойық жарасы, өкпенің созылмалы обструкциялық ауруы, сенна қызбасы, мұрын полипозы, дәрілік аллергия, метотрексатты бір мезгілде аптасына 15 мг-нан аз дозада қабылдау, антикоагулянттармен, қабынуға қарсы стероидты емес препараттармен, глюкокортикостероидтармен, антиагреганттармен, серотонинді кері қармаудың селективті тежегіштерімен қатар емдеу. Жеңіл және орташа дәрежедегі бүйрек жеткіліксіздігі, трансаминазалар деңгейінің жоғарылауымен жеңіл және орташа дәрежедегі бауыр жеткіліксіздігі, қатерсіз гипербилирубинемия (оның ішінде Жильбер синдромы, бауырдың алкогольдік зақымдануы), алкоголизм, эпилепсия және құрысуға бейімділік, егде жас, подагра, артериялық гипертензия, NYHA бойынша I-II функционалдық кластағы созылмалы жүрек жеткіліксіздігі, жүректің ишемиялық ауруы, цереброваскулярлық аурулар, шеткергі артерия аурулары, темекі шегу. Егер сізде аталған аурулардың/жағдайлардың бірі болса, препаратты қабылдағанға дейін дәрігермен кеңесуді ұмытпаңыз. Арнайы ескертулер Жалпы Бұл дәрілік препаратты құрамында АСҚ немесе құрамында парацетамол бар дәрілік препараттармен бір мезгілде қабылдауға болмайды. Бұрын бас сақинасы диагнозы қойылмаған пациенттерде немесе бас сақинасына тән емес симптомдары бар пациенттерде болжамды бас сақинасын емдеуді бастамас бұрын, басқа ықтимал күрделі неврологиялық бұзылуларды болдырмауға тырысу керек. Егер пациенттерде бас сақинасы ұстамаларының > 20%-ы барысында құсу пайда болса немесе ұстамалардың >50%-ында оларға төсек режимі қажет болса, препаратты қолдануға болмайды. Егер препараттың алғашқы екі таблеткасын қабылдағаннан кейін бас сақинасы тоқтамаса, медициналық көмекке жүгіну керек. Егер пациентте кемінде соңғы үш ай ішінде айына 10-нан астам бас ауыруы ұстамасы пайда болса, препаратты қолдануға болмайды. Бұл жағдайда сіз бас ауыруын дәрілерді шамадан тыс қолдану салдарынан деп күдіктеніп, емдеуді тоқтатуыңыз керек. Одан өзге, пациенттер медициналық көмекке жүгінуі керек. Дегидратация қаупінің, мысалы, құсу, диарея немесе ауқымды операцияға дейін немесе одан кейін қауіп факторлары бар пациенттерде сақ болу керек. Фармакодинамикалық қасиеттеріне қарай препарат инфекцияның белгілері мен симптомдарын бүркемелеуі мүмкін. Препараттағы ацетилсалицил қышқылының болуына байланысты Препаратты подагра, бүйрек немесе бауыр функциясының бұзылуы, дегидратация, бақыланбайтын артериялық гипертензия, глюкоза-6-фосфат дегидрогеназа тапшылығы және қант диабеті бар пациенттерде сақтықпен қолдану керек. Тромбоциттер агрегациясының АСҚ тежелуіне байланысты препарат хирургиялық араласулар барысында және одан кейін (соның ішінде шағын, мысалы, тіс экстракциясы) қан кету уақытының ұзаруына әкелуі мүмкін. Дәрігердің бақылауынсыз препаратты антикоагулянттармен және қанның ұюын бұзатын басқа дәрілік препараттармен бір мезгілде қолдануға болмайды («Басқа дәрілік заттармен өзара әрекеттесуі» бөлімін қараңыз). Қан ұюы бұзылған пациенттерді мұқият бақылау керек. Метро- немесе меноррагия кезінде абай болу керек. Егер пациентте препаратты қабылдау аясында қан кету немесе АІЖ ойық жаралануы дамыса, оны дереу тоқтату қажет. Кез келген ҚҚСП емдеудің кез келген сәтінде анамнезінде, сондай-ақ оларсыз ауыр асқазан-ішек асқынуларымен де ықтимал өліммен қан кетулер, АІЖ жаралануы және тесілуі пайда болуы мүмкін. Бұл асқынулар, әдетте, егде жастағы пациенттерде өте ауыр білінеді. Алкоголь, глюкокортикостероидтар және ҚҚСП асқазан-ішектен қан кету қаупін арттыруы мүмкін («Басқа дәрілік заттармен өзара әрекеттесу» бөлімін қараңыз). Препарат бронх түйілуінің дамуына және бронх демікпесінің өршуіне (соның ішінде анальгетиктер жақпаушылығынан туындаған бронх демікпесі) немесе басқа жоғары сезімталдық реакцияларына ықпал етуі мүмкін. Қауіп факторларына бронх демікпесі, маусымдық аллергиялық ринит, мұрын полипозы, өкпенің созылмалы обструкциялық ауруы, тыныс жолдарының созылмалы инфекциясы (әсіресе аллергиялық ринитке тән симптомдармен астасқан) жатады. Мұндай құбылыстар басқа заттарға аллергиялық (мысалы, терінің қышынуы және есекжемді қоса) реакциялары бар пациенттерде де пайда болуы мүмкін. Мұндай пациенттерде ерекше сақ болу ұсынылады. 18 жасқа дейінгі балаларға құрамында ацетилсалицил қышқылы бар препараттарды ыстықты түсіретін дәрі ретінде тағайындауға болмайды, өйткені вирустық инфекция жағдайында олар Рейе синдромының қаупін арттыруы мүмкін. Рейе синдромының симптомдары гиперпирексия, ұзаққа созылған құсу, метаболизмдік ацидоз, жүйке жүйесі мен психиканың бұзылуы, гепатомегалия және бауыр функциясының бұзылуы, жедел энцефалопатия, тыныс алудың бұзылуы, құрысулар, кома. АСҚ левотироксиннің (Т4) және трийодтирониннің (Т3) жалған оң төмен концентрациясының салдарынан қалқанша без функциясын зертханалық талдаулардың нәтижелерін бұрмалауы мүмкін («Басқа дәрілік заттармен өзара әрекеттесу» бөлімін қараңыз). Препарат құрамында парацетамолдың болуына байланысты Препаратты бүйрек немесе бауыр функциясы бұзылған немесе алкогольге тәуелді пациенттерге тағайындағанда сақ болу керек. Парацетамолмен улану қаупі бауырдың микросомалық ферменттерін (мысалы, рифампицин, изониазид, хлорамфеникол, фенобарбитал, фенитоин және карбамазепинді қоса, ұйықтататын және құрысуға қарсы дәрілер) индукциялайтын басқа да потенциалды гепатоуытты дәрілік препараттарды немесе дәрілік препараттарды қабылдайтын пациенттерде артады. Анамнезінде алкоголизммен ауыратын пациенттер бауырдың зақымдануы бойынша ерекше қауіп тобына кіреді («Басқа дәрілік заттармен өзара әрекеттесу» бөлімін қараңыз). Препаратты қолданған кезде жедел жайылған экзантематозды пустулез, Стивенс-Джонсон синдромы, өлімге әкелуі мүмкін уытты эпидермалық некролиз сияқты күрделі тері реакциялары дамуы мүмкін. Пациенттерге терінің күрделі реакцияларының белгілері туралы хабарлау керек. Препаратты қабылдау тері реакцияларының алғашқы көріністерінде немесе аса жоғары сезімталдықтың кез келген басқа белгілерінде тоқтатылуы тиіс. Препаратта кофеин болуына байланысты Препаратты подагра, гипертиреоз және аритмиясы бар пациенттерге сақтықпен тағайындау керек. Препаратты қолданған кезде құрамында кофеин бар өнімдерді тұтынуды шектеу керек, өйткені кофеиннің шамадан тыс түсуі ашушаңдыққа, күйгелектікке, ұйқысыздық және кейбір жағдайларда жүрек соғу жиілігінің жоғарылауына әкелуі мүмкін. Зертханалық зерттеулерге әсері АСҚ жоғары дозалары бірқатар клиникалық-биохимиялық зертханалық зерттеулердің нәтижелерін бұрмалауы мүмкін. Парацетамолды қолдану несеп қышқылын фосфор-вольфрам қышқылы және гликемия әдісі бойынша глюкозооксидаза / пероксидаза әдісімен анықтау нәтижелеріне әсер етуі мүмкін. Кофеин дипиридамолдың миокардтағы қан ағымына әсерін өзгерте алады, осылайша осы зерттеу нәтижелерін бұрмалайды. Зерттеу жүргізу кезінде 8-12 сағат ішінде кофеин қабылдаудан бас тарту керек. Педиатрияда қолдану. Аскофен-П® препаратын балалар мен 15 жасқа дейінгі жасөспірімдерде ауырсынуды басатын дәрі ретінде, ал балалар мен 18 жасқа дейінгі жасөспірімдерде қызба синдромы кезінде қолдануға болмайды Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Препаратты қолдану кезінде көлік құралдарын басқарудан және басқа механизмдермен жұмыс істеуден бас тарту керек, өйткені препараттың құрамына кіретін кофеин назар аудару шоғырлануы және реакция жылдамдығының бұзылуын тудыруы мүмкін, ал препараттың құрамына кіретін ацетилсалицил қышқылы сирек жағдайларда бас айналуды тудыруы мүмкін.

Аскофен-П® препаратын жүктілік кезінде және бала емізу кезеңінде қолдануға болмайды.

Ацетилсалицил қышқылы Басқа қабынуға қарсы стероидты емес препараттар: Асқазан-ішек жолының (АІЖ) шырышты қабығына зақымдайтын әсерінің артуы, асқазан-ішектен қан кету дамуы қаупінің жоғарылауы. Бір мезгілде қолдану қажет болған жағдайда асқазан-ішек жолының ҚҚСП-индукцияланған жараларының алдын алу үшін гастропротекторларды қолдану ұсынылады, сондықтан бір мезгілде қолданбаған жөн. Глюкокортикостероидтар: АІЖ шырышты қабығына зақымдаушы әсерінің артуы, асқазан-ішектен қан кетуі даму қаупінің жоғарылауы. Бір мезгілде қолдану қажет болғанда, әсіресе 65 жастан асқан адамдарда гастропротекторларды қолдану ұсынылады, сондықтан бір мезгілде қолдану ұсынылмайды. Пероральді антикоагулянттар (мысалы, кумарин туындылары): Ацетилсалицил қышқылы (АСҚ) антикоагулянттардың әсерін күшейтуі мүмкін. Қан кету уақыты мен протромбин уақытының клиникалық және зертханалық мониторингі қажет. Бір мезгілде қолдану ұсынылмайды. Тромболитиктер: Қан кету қаупінің жоғарылауы. Жедел инсульттан кейінгі алғашқы 24 сағат ішінде пациенттерде АСҚ қолдану ұсынылмайды. Бір мезгілде қолдану ұсынылмайды. Гепарин: Қан кету қаупінің жоғарылауы. Қан кету уақытын клиникалық және зертханалық бақылау қажет. Бір мезгілде қолдану ұсынылмайды. Тромбоциттер агрегациясының тежегіштері (тиклопидин, парацетамол, клопидогрел, цилостазол): Қан кету қаупінің жоғарылауы. Қан кету уақытын клиникалық және зертханалық бақылау қажет. Бір мезгілде қолдану ұсынылмайды. Серотонинді кері қармайтын селективті тежегіштер (СКҚСТ): Бір мезгілде қолдану қанның ұюына немесе тромбоциттер функциясына әсер етуі мүмкін, бұл жалпы қан кету қаупінің жоғарылауына, атап айтқанда асқазан-ішектен қан кетуіне әкеледі, сондықтан бір мезгілде қолдану ұсынылмайды. Фенитоин: АСҚ фенитоиннің плазмалық концентрациясын арттырады, бұл оның мониторингін қажет етеді. Вальпрой қышқылы: АСҚ плазма ақуыздарымен байланысын бұзады, сондықтан оның уыттылығының артуына әкелуі мүмкін. Вальпрой қышқылының плазмалық концентрациясын бақылау қажет. Альдостерон антагонистері (спиронолактон, канреноат): АСҚ натрий экскрециясының бұзылуына байланысты олардың белсенділігін төмендетуі мүмкін, артериялық қысымды тиісті бақылау қажет. Ілмектік диуретиктер (мысалы, фуросемид): АСҚ бүйректегі простагландиндер синтезінің тежелуіне байланысты шумақтық сүзілістің бұзылуына байланысты олардың белсенділігін төмендетуі мүмкін. Қабынуға қарсы стероидты емес препараттарды (ҚҚСП) бір мезгілде қолдану, әсіресе сусызданған пациенттерде жедел бүйрек жеткіліксіздігіне әкелуі мүмкін. Егер несеп айдайтын препараттар АСҚ-мен бір мезгілде қолданылса, пациенттің жеткілікті регидратациясын қамтамасыз ету және бүйрек функциясы мен қан қысымын, әсіресе несеп айдайтын препараттармен емдеудің басында бақылау қажет. Гипотензиялық дәрілер (АӨФ тежегіштері, ангиотензин II рецепторларының антагонистері, «баяу» кальций өзекшелерінің блокаторлары): АСҚ бүйректегі простагландиндер синтезінің тежелуі салдарынан олардың белсенділігін төмендетуі мүмкін. Бір мезгілде қолдану егде жастағы немесе сусызданған пациенттерде жедел бүйрек жеткіліксіздігіне әкелуі мүмкін. Егер несеп айдайтын препараттар АСҚ-мен бір мезгілде қолданылса, пациенттің тиісті регидратациясын қамтамасыз ету және бүйрек функциясы мен қан қысымын бақылау қажет. Верапамилмен бір мезгілде қолданғанда қан кету уақытын бақылау керек. Урикозуриялық дәрілер (мысалы, пробенецид, сульфинпиразон): АСҚ жоғары плазмалық концентрациясына әкелетін тубулярлық реабсорбцияны тежеу есебінен олардың белсенділігін төмендетуі мүмкін. Метотрексат ≤ 15 мг/апта: АСҚ, барлық ҚҚСП сияқты, метотрексаттың тубулярлық секрециясын төмендетеді, оның плазмалық концентрациясын және осылайша уыттылығын арттырады. Осыған байланысты метотрексаттың жоғары дозаларын алатын пациенттерде ҚҚСП бір мезгілде қолдану ұсынылмайды («Қолдануға болмайтын жағдайлар» бөлімді қараңыз). Метотрексаттың төмен дозаларын қабылдайтын пациенттерде метотрексат пен ҚҚСП өзара әрекеттесу қаупін, әсіресе бүйрек функциясы бұзылған кезде ескеру керек. Егер аралас ем қажет болса, жалпы қан талдауын, бауыр мен бүйрек функциясын, әсіресе емдеудің алғашқы күндерінде бақылау қажет. Сульфонилмочевина туындылары және инсулин: АСҚ олардың гипогликемиялық әсерін күшейтеді, сондықтан салицилаттардың жоғары дозасын қабылдаған кезде гипогликемиялық дәрілік препараттардың дозасын төмендету қажет болуы мүмкін. Қандағы глюкозаны жиі бақылау ұсынылады. Алкоголь: Асқазан-ішектен қан кету қаупін арттырады; бір мезгілде қолданудан аулақ болу керек. Парацетамол Бауырдың микросомалық ферменттерінің индукторлары немесе ықтимал гепатоуытты заттар (мысалы, алкоголь, рифампицин, изониазид, фенобарбитал, фенитоин және карбамазепинді қоса, ұйықтататын және эпилепсияға қарсы дәрілер): Парацетамол уыттылығының жоғарылауы, тіпті парацетамолдың уытты емес дозаларында да бауырдың зақымдалуына әкелуі мүмкін, сондықтан бауыр функциясын бақылау керек. Бір мезгілде қолдану ұсынылмайды. Хлорамфеникол: Парацетамол хлорамфениколдың жоғары концентрациясының қаупін арттыруы мүмкін. Бір мезгілде қолдану ұсынылмайды. Зидовудин: Парацетамол нейтропенияның дамуына бейімділікті арттыруы мүмкін, осыған байланысты гематологиялық көрсеткіштерді бақылау керек. Бір мезгілде қолдану дәрігердің рұқсатымен ғана мүмкін болады. Пробенецид: Пробенецид парацетамолдың клиренсін азайтады, бұл парацетамолдың дозасын төмендетуді талап етеді. Бір мезгілде қолдану ұсынылмайды. Тікелей емес аптикоагулянттар: Бір аптадан астам уақыт ішінде парацетамолды бірнеше рет қабылдау антикоагулянттық әсерді арттырады. Парацетамолды эпизодтық қабылдау айтарлықтай әсер етпейді. Пропантелин және асқазаннан эвакуацияны бәсеңдететін басқа препараттар: парацетамолдың сіңу жылдамдығын төмендетеді, бұл тез ауырсынуды басуды кешіктіруі немесе азайтуы мүмкін. Метоклопрамид және асқазаннан эвакуацияны тездететін басқа препараттар: парацетамолдың сіңу жылдамдығын және, тиісінше, ауыруды басатын әсердің тиімділігі мен басталуын арттырады. Колестирамин: Парацетамолдың сіңу жылдамдығын төмендетеді, сондықтан максималды анальгезия қажет болса, колестирамин парацетамолды қабылдағаннан кейін 1 сағат өткен соң ғана қабылданады. Кофеин Ұйықтататын дәрілер (мысалы, бензодиазепиндер, барбитураттар, Н1-гистаминді рецепторлардың блокаторлары): бір мезгілде қолдану ұйықтататын әсерді төмендетуі немесе барбитураттардың құрысуға қарсы әсерін азайтуы мүмкін, сондықтан бір мезгілде қолдану ұсынылмайды. Егер бір мезгілде қолдану қажет болса, біріктірілімді таңертең қабылдаған жөн. Литий: кофеинді тоқтату литийдің плазмалық концентрациясын жоғарылатуы мүмкін, өйткені кофеин литийдің бүйрек клиренсін арттырады, сондықтан кофеинді тоқтатқан кезде литий дозасын азайту қажет болуы мүмкін. Бір мезгілде қолдану ұсынылмайды. Дисульфирам: Дисульфираммен емделіп жатқан пациенттерге кофеиннің жүрек-қантамыр және орталық жүйке жүйесіне стимуляциялаушы әсеріне байланысты алкогольдік абстиненттік синдромның өршу қаупін болдырмау үшін кофеинді қолдануға жол бермеу қажеттігі туралы ескерту керек. Эфедрин тәрізді заттар: Дәріге тәуелділіктің даму қаупінің артуы. Бір мезгілде қолдану ұсынылмайды. Симпатомиметиктер немесе левотироксин: Өзара үдеуі есебінен хронотропты әсерін күшейтуі мүмкін. Бір мезгілде қолдану ұсынылмайды. Теофиллин: Бір мезгілде қолдану теофиллиннің шығарылуын төмендетеді. Хинолондар тобындағы бактерияға қарсы препараттар, эноксацин және пипемид қышқылы, тербинафин, циметидин, флувоксамин және пероральді контрацептивтер: Бауырдың Р450 цитохромының тежелуі салдарынан кофеиннің жартылай шығарылу кезеңінің ұлғаюы, сондықтан бауыр функциясының бұзылуы, жүрек ырғағының бұзылуы және латентті эпилепсиясы бар пациенттерге кофеин қолданудан аулақ болу керек. Никотин, фенитоин және фенилпропаноламин: Кофеиннің жартылай шығарылуының терминальді кезеңін азайтады. Клозапин: Кофеин, фармакокинетикалық та, сондай-ақ фармакодинамикалық механизмдер есебінен де клозапиннің сарысулық концентрациясын арттырады. Клозапиннің сарысулық концентрациясын бақылау қажет. Бір мезгілде қолдану ұсынылмайды.

Сақтау мерзімі 3 жыл. Жарамдылық мерзімі өткеннен кейін қолдануға болмайды! Сақтау шарттары 250С-ден аспайтын температурада. Балалардың қолы жетпейтін жерде сақтау керек!