АСКОЦИН® Макс таблетки

Бір таблетканың құрамында белсенді заттар: мырыш цитрат тригидраты 32.0 мг (10 мг мырышқа баламалы), аскорбин қышқылы (С дәрумені) 1000.00 мг қосымша заттар: сорбитол, сусыз лимон қышқылы, натрий бикарбонаты, сусыз натрий карбонаты, аспартам, калий ацесульфамы, натрий хлориді, апельсин хош иістендіргіші SD IF1212**, Аннатто ұнтағы 1%, полиэтиленгликоль 6000 **- апельсин хош иістендіргіші SD IF1212 құрамы: Қараған шайыры, мальтодекстрин, табиғи хош иістендіргіш заттар, табиғиға сәйкес хош иістендіргіштер және бірігуге қарсы рұқсат етілген зат Сыртқы түрінің, иісінің, дәмінің сипаттамасы Дөңгелек пішінді, екі жағы ашық қызғылт сарыдан қызғылт сарыға дейін біркелкі түсті дақты таблеткалар.

С дәрумені мен Мырыш тапшылығының емінде.

C дәрумені Аскорбин қышқылы - суда еритін маңызды дәрумен және антиоксидант. Организмнің С дәруменін жинақтау қабілеті төмен болғандықтан, адам үшін жеткілікті дәрумен мөлшерін үнемі тұтыну маңызды. Аскорбин қышқылы және оның метаболиті дегидроаскорбин қышқылы - көптеген ферменттік реакцияларға қатысатын және С дәруменінің әсер ету спектрінің негізін құрайтын қайтымды тотығу-тотықсыздану жүйесі. Аскорбин қышқылы тотықсыздандырғыш эквиваленттерді қамтамасыз ететін ферменттерге электрондарды беру арқылы бірқатар гидроксилдену және амидтеу реакцияларында кофактор ретінде әсер етеді. Адам организмі үшін аскорбин қышқылының маңыздылығы С дәрумені тапшылығының клиникалық көріністерінде, яғни цингада айқынырақ көрінеді. Аскорбин қышқылы пролиннен гидроксипролин өндіруде шешуші рөл атқарады, бұл өз кезегінде функционалды белсенді коллаген өндіру үшін қажет. Жараның кеш жазылуы, сүйек өсуінің бұзылуы, қан тамырларының сынғыштығы және дентин түзілуінің бұзылуы сияқты цинга симптомдары коллаген түзілуі бұзылуының нәтижесі болып табылады. Мырыш С дәрумені жағдайындағы сияқты, мырыштың төмен деңгейі жараларды, ойық жараларды және жауыржаралардың емделіп-жазылу жылдамдығына теріс әсер етуі мүмкін. Мырыш статусының тиімді иммундық жауапты, әсіресе Т-жасушалық реакцияны сақтау үшін үлкен маңызы бар.

Дозалау режимі Ересектерге және 12 жастан үлкен балаларға: Күніне бір стақан суға сұйылтылған (200 мл) 1 көпіршитін таблеткадан. Енгізу әдісі және жолы Ішке қабылдауға арналған. Дәрілік препаратты қолдану тәсілін түсіндіру үшін медицина қызметкерінен кеңес алуға жүгіну жөнінде нұсқаулар Дәрілік препаратты қолданар алдында дәрігердің немесе фармацевтің кеңесіне жүгініңіз.

- белсенді заттарына немесе қосымша заттардың кез келгеніне аса жоғары сезімталдық - нефролитиаздан зардап шегетін немесе осы аурудың тарихы бар пациенттер. - оксалатты несеп-тас аурулары немесе оксалуриясы бар. - бүйректің жедел жеткіліксіздігі - гемохроматоза

Асқазан-ішек жолы тарапынан бұзылулар: диарея, жүрек айнуы, құсу, асқазан-ішек жолы мен іштің ауыруы. Иммундық жүйе тарапынан бұзылулар: аллергиялық реакция, анафилаксиялық реакция, анафилаксиялық шок. Тиісті зертханалық және клиникалық көріністерімен аса жоғары сезімталдық реакцияларына аллергиялық демікпе синдромы, теріге, тыныс алу жолдарына, асқазан-ішек жолына және жүрек-қантамыр жүйесіне потенциалды әсер ететін жеңілден орташаға дейінгі реакциялар, соның ішінде бөртпе, есекжем, аллергиялық ісіну және ангионевроздық ісіну, қышыну, кардиореспираторлық дистресс сияқты симптомдарды қамтиды, сонымен бірге анафилаксиялық шок сияқты күрделі реакция туралы да хабарламалар болды. АСКОЦИН Макс препараты фенилкетонуриясы бар адамдарға зиян келтіруі мүмкін. Жағымсыз дәрілік реакциялар туындағанда медицина қызметкеріне, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Бұл препаратты ұсынылған дозада қолдану артық дозалануға әкелуі мүмкін екендігі туралы ешқандай дәлел жоқ. Барлық басқа көздерден болатын С дәрумені мен мырышты тұтынуды ескеру қажет. Клиникалық белгілері мен симптомдары, зертханалық зерттеулердің нәтижелері және артық дозаланудың салдары өте алуан түрлі және адамның сезімталдығына және оның айналасындағы жағдайларға байланысты. С дәрумені және/немесе мырыштың артық дозалануының жалпы көріністері диарея, жүрек айну және құсуды қоса, асқазан-ішек жолдарының бұзылуының күшеюін қамтуы мүмкін. Мұндай симптомдар пайда болғанда, өнімді қабылдауды тоқтатып, дәрігермен кеңесу керек. Спецификалық клиникалық көріністер мыналарды қамтуы мүмкін: С дәрумені: С дәруменінің жедел немесе созылмалы артық дозалануы несептегі сарысу мен оксалат деңгейін едәуір арттыруы мүмкін. Кейбір жағдайларда бұл гипероксалурияға, кальций оксалатының кристаллуриясына, кальций оксалатының тұндырылуына, бүйрек тастарының пайда болуына, тубулоинтерстициялық нефропатияға және бүйректің жедел жеткіліксіздігіне әкелуі мүмкін. Жеңіл және орташа дәрежелі бүйрек жеткіліксіздігі бар адамдар С дәруменінің уыттылығының осы әсеріне төменірек дозада сезімтал болуы мүмкін, өнімді қолданар алдында олар дәрігермен кеңесуі керек. С дәруменінің артық дозалануы глюкоза-6-фосфатдегидрогеназа тапшылығы бар пациенттерде тотығу гемолизіне немесе диссеминацияланған қантамырішілік ұюға әкелуі мүмкін. Мырыш: Мырыштың артық дозалануы асқазан-ішек жолдарының тітіркенуі мен коррозиясын, бүйрек өзекшелерінің жедел некрозын, интерстициялық нефритті, мыс тапшылығын, сидеробласты анемияны және миелоневропатияны тудыруы мүмкін. Егер өнімнің артық дозалануына күдік болса, қабылдауды тоқтатып, клиникалық көріністерді емдеу үшін дәрігермен кеңесу керек. С дәрумені гемодиализ арқылы жойылады.

Бүйрек жеткіліксіздігімен ауыратын пациенттер аскорбин қышқылын қолданар алдында дәрігермен кеңесуі керек. Көрсетілген дозадан асырмау керек. Жедел созылмалы артық дозалану (күніне> 2 г) жағымсыз әсерлердің, соның ішінде оксалатты бүйрек тастарының пайда болуы, жедел өзекшелі некроз және / немесе бүйрек жеткіліксіздігі пайда болу қаупін арттырады. Глюкоза-6-фосфатаза тапшылығынан зардап шегетін пациенттер ұсынылған дозадан асырмауы тиіс. Пациенттердің осы тобындағы С дәруменінің артық дозалануы гемолиздік анемиямен байланысты болды. Басқа жеке монодәруменді немесе мультидәруменді препараттарды, басқа дәрілік заттарды қабылдайтын немесе осы препаратты қолданар алдында медициналық бақылаудағы пациенттер дәрігермен кеңесуі тиіс. Егер басқаша ойластырылмаса, осы препаратты қабылдау уақытының арасын басқа дәрілік заттарды қабылдаудан 4 сағатқа бөлу керек. С дәруменінің болуы талдаудың зертханалық көрсеткіштеріне кедергі келтіруі мүмкін, бұл жалған нәтижелерге әкеледі. Пациенттер осы дәрілік затты қабылдайтыны туралы және зертханалық талдаулар жүргізер алдында немесе егер талдау жүргізіліп қойған болса, өз дәрігерін хабардар етуі керек. С дәрумені тест - жинақтары мен глюкометр көрсеткіштеріне әсер етеді. Бұл жалған нәтижелерге әкеледі. Мұндай жағдайларда әрекет ету нұсқаулығын алу үшін тест жинағын немесе глюкометрді қолдану жөніндегі нұсқаулықты мұқият оқып шығыңыз. АСКОЦИН® Макс препараты көпіршитін таблеткаларының әр таблеткасы құрамында 15 мг аспартам бар. Аспартам фенилаланин көзі болып табылады. Егер сізде фенилкетонурия (PKU) байқалса, бұл зиянды болуы мүмкін, бұл фенилаланин жиналатын сирек кездесетін генетикалық ауру, себебі организм оны дұрыс шығарып тастай алмайды. Бұл дәрілік заттың құрамында бір таблеткада 194 мг натрий бар, бұл ДДҰ ұсынған натрий тұтынудың тәуліктік ең жоғары нормасының - 2 г (ересектер үшін) 9,7% - на баламалы. Бұл натрий мөлшері бақыланатын диетаны ұстанатын пациенттер үшін ескерілуі керек. Сирек тұқым қуалайтын фруктоза жақпаушылығы проблемасы бар пациенттерге бұл дәріні қабылдауға болмайды. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері АСКОЦИН® Макс препараты автокөлік жүргізу қабілетіне немесе механизмдерді басқаруға елеусіз әсер етеді.

Өнім егер ол нұсқауларға сәйкес қолданылса әдетте жүктілік кезінде және бала емізу кезеңінде қауіпсіз болып саналады. Алайда, жүктілік кезінде немесе бала емізу кезінде өнімнің қаупін бағалайтын адамдардағы жеткілікті бақыланатын зерттеулер жүргізілмегендіктен, препаратты тек клиникалық қолданылуы мен дәрігердің нұсқауы бойынша қабылдау керек. Көрсетілген дозадан асыруға болмайды, өйткені созылмалы артық дозалану шарана мен жаңа туған нәрестеге зиян тигізуі мүмкін. С дәрумені мен мырыш емшек сүтімен шығарылады. Егер нәрестеге қандай да бір басқа қоспалар енгізілсе, мұны ескеру қажет. Фертильділік Бүгінгі таңда С дәрумені және / немесе мырыштың адамдарда жағымсыз репродуктивті әсерлер тудыратыны туралы ешқандай дәлел жоқ.

Аскорбин қышқылы: Десферриоксамин: С дәрумені тіндердегі, әсіресе жүрек аймағында темірдің уыттылығын күшейтуі мүмкін, бұл жүрек декомпенсациясын тудыруы ықтимал. Циклоспорин: С дәрумені қандағы циклоспорин деңгейін төмендете алады. Варфарин: С дәруменінің жоғары дозалары варфариннің тиімділігін төмендетуі мүмкін. Мырыш: Мырыш кейбір заттармен (соның ішінде тетрациклин антибиотиктері, хинолонды антибиотиктер, пеницилламин) кешендер түзеді, бұл екі заттың да сіңуінің төмендеуіне әкеледі. Бұл өзара әрекеттесулер асқазан-ішек жолында болатындықтан, препаратты басқа дәрілерден бөлек қабылдау арқылы өзара әрекеттесу ықтималдығын азайту керек. Әдетте, егер басқаша көрсетілмесе, қабылдауды басқа препаратты қабылдаудан кем дегенде 2 сағат бұрынға немесе 4-6 сағаттан кейінге бөлу жеткілікті Тамақпен өзара әрекеттесуі: Мыс: Мырыш мыстың сіңуін баяулатуы мүмкін. Зертханалық өзара әрекеттесулер: С дәрумені күшті тотықсыздандырғыш болғандықтан, ол несептегі, сарысудағы және нәжістегі жасырын қандағы глюкоза, креатинин, карбамазепин, несеп қышқылы және бейорганикалық фосфат талдаулары сияқты тотығу-тотықсыздану реакцияларын қамтитын зертханалық талдауларда химиялық кедергілерді тудыруы мүмкін. С дәруменінің тест көрсеткіштеріне әсерін анықтау үшін препарат өндірушісі ұсынған ақпаратты зерделеңіз.

Сақтау мерзімі 2 жыл. Жарамдылық мерзімі өткеннен кейін қолдануға болмайды. Сақтау шарттары Түпнұсқалық қаптамасында 25 ºС-ден аспайтын температурада сақтау керек. Балалардың қолы жетпейтін жерде сақтау керек!