Атоксилин таблетки 1000 мг

Бір таблетканың құрамында белсенді зат – амоксициллин тригидраты 603,0 мг (500,0 мг амоксициллинге баламалы) немесе 1206,0 мг (1000,0 мг амоксициллинге баламалы) қосымша заттар: микрокристалды целлюлоза РН 102, магний стеараты, жүгері крахмалы (амидон). Сыртқы түрінің, иісінің, дәмінің сипаттамасы Ашық-крем түсті, екі жағында сындыру сызығы бар ұзынша пішінді таблеткалар (500 мг доза үшін). Ашық-крем түсті, бір жағында сындыру сызығы бар ұзынша пішінді таблеткалар (1000 мг доза үшін).

Атоксилин ересектер мен балалардағы келесі инфекцияларды емдеуге арналған: • жедел бактериялық синусит • жедел ортаңғы отит • жедел стрептококкты тонзиллит және фарингит • созылмалы бронхиттің өршуі • ауруханадан тыс пневмония • жедел цистит • жүктілік кезіндегі симптомсыз бактериурия • жедел пиелонефрит • іш сүзегі және паратиф • таралатын целлюлитпен дентальді абсцесс • протезделген буындардың инфекциясы • ойықжара ауруы (он екі елі ішек пен асқазанның) • Helicobacter Pylori эрадикациясы • Лайм ауруы Сондай ақ Атоксиллин эндокардиттің алдын алу үшін де көрсетілген. Бактерияға қарсы дәрілік препараттарды тиісінше қолдану жөніндегі ресми ұсынымдарды ескерген жөн.

ATХ коды J01CA04 Әсер ету механизмі Амоксициллин — бұл бактериялық жасуша қабырғасының ажырамас құрылымдық компоненті болып табылатын бактериялық пептидогликанның биосинтезі барысында бір немесе бірнеше ферменттерді (көбінесе пенициллинді байланыстыратын ақуыздар, PBPs деп аталады) тежейтін жартылай синтетикалық пенициллин (бета-лактамды антибиотик) болып табылады. Пептидогликанның тежелуі жасуша қабырғасының әлсіреуіне, содан кейін лизиске және жасуша өліміне әкеледі. Амоксициллин төзімді бактериялар өндіретін бета-лактамазалардың деградациясына ұшырайды, сондықтан амоксициллиннің белсенділік спектріне осы ферменттерді өндіретін организмдер кірмейді. Фармакокинетикалық / фармакодинамикалық өзара байланыс Ең төмен тежегіш концентрациядан (T> MIC) асып кету уақыты амоксициллиннің тиімділігін анықтайтын негізгі фактор болып саналады. Резистенттілік механизмі Амоксициллинге төзімділіктің негізгі механизмдері: - бактериялық бета-лактамазалармен белсенділігінің жойылуы - пенициллинді байланыстыратын протеиндердің өзгеруі, бұл бактерияға қарсы агенттің нысана-қоздырғышқа аффинитетін төмендетеді. Бактериялардың жасушалық қабырғасының өткізбейтіндігі немесе эффлюкстік сорғының (транспорттық жүйелердің) механизмдері бактериялардың, әсіресе грам-теріс бактериялардың төзімділігін тудыруы немесе қолдауы мүмкін. Бақылау нүктелері Амоксициллин үшін ЕТБК шекаралық мәндері микробқа қарсы сезімталдықты тестілеу жөніндегі Еуропалық Комитет (EUCAST) анықтаған мәндер болып табылады, 5.0 нұсқа. Штаммдар — ЕТБК сезімталдық шектері (мг/л) Сезімтал ≤ — Резистентті > Enterobacteriaceae — 81 — 8 Staphylococcus spp. — ескертпе2 — ескертпе 2 Enterococcus spp.3 — 4 — 8 А, В, С және G тобындағы стрептококктар — ескертпе 4 — ескертпе 4 Streptococcus pneumoniae — ескертпе 5 — ескертпе 5 Streptococcus viridans тобы — 0.5 — 2 Haemophilus influenza — 26 — 26 Moraxella catarrhalis — ескертпе 7 — ескертпе 7 Neisseria meningitides — 0.125 — 1 Clostridium difficile қоспағанда грамоң анаэробтар8 — 4 — 8 Грамтеріс анаэробтар 8 — 0.5 — 2 Helicobacter pylori — 0.1259 — 0.1259 Pasteurella multocida — 1 — 1 Түріне спецификалық болып табылмайтын бақылау нүктелері 10 — 2 — 8 1 Жабайы типтегі Enterobacteriaceae штаммы аминопенициллиндерге сезімтал ретінде жіктелген. Кейбір елдер E. coli және P. Mirabilis жабайы типті штаммдарды орташа сезімталға жатқызуды жөн көреді. Бұл жағдайда ЕТБК S ≤ 0,5 мг/л бақылау нүктесімен қолдану керек. 2 Стафилококктардың көпшілігі амоксициллинге төзімді пенициллиназаларді өндіреді. Метициллинге төзімді изоляттар, сирек жағдайларды қоспағанда, барлық бета-лактамдарға төзімді. 3 Амоксициллинге сезімталдықты ампициллинге сезімталдық бойынша анықтауға болады. 4 А, В, С және G топтарындағы стрептококктардың пенициллиндерге сезімталдығы бензилпенициллинге сезімталдығымен анықталады. 5 Бақылау мәндері тек менингиттік емес штаммдарға қатысты. Ампициллинге қатысты аралық ретінде жіктелген штаммдар үшін амоксициллинмен пероральді емдеуден аулақ болу керек. Сезімталдық ампициллиннің ЕТБК -ден анықталады. 6 Бақылау мәндері вена ішіне енгізу кезіндегі деректерге негізделген. Бета-лактамазаның оң штаммдары төзімді деп саналуы керек. 7 Бета-лактамазалар өндіретін микроорганизмдер төзімді деп саналуы керек. 8Амоксициллинге сезімталдықты бензилпенициллинге сезімталдық бойынша анықтауға болады. 9 Бақылау мәндері сезімталдығы төмен пациенттерден алынған жабайы типтегі штаммдарды ажырататын эпидемиологиялық шекті мәндерге негізделген. 10 Белгілі бір түрге байланысты емес бақылау мәндері күн сайын кемінде 0,5 г х 3 немесе 4 рет (күніне 1,5-тен 2 г-ға дейін) дозаларға негізделген. Төзімділіктің таралуы жекелеген түрлердің географиялық орналасуына және маусым уақытына байланысты өзгереді және төзімділік туралы жергілікті ақпаратты, әсіресе ауыр инфекцияларды емдеген кезде ескеру ұсынылады. Төзімділіктің жергілікті таралуы жағдайында, егер препаратты қолдану инфекцияның кем дегенде кейбір түрлерінде пайдалы деп саналса, маманнан кеңес алу керек. In vitro келесі микроорганизмдер амоксициллинге сезімтал: Әдетте сезімтал түрлер Грамоң аэробтар Enterococcus faecalis Бета-гемолиздік стрептококктар (A, B, C және G топтары) Listeria monocytogenes Жүре пайда болған төзімділік проблема тудыруы мүмкін түрлер Грамтеріс аэробтар Ішек таяқшасы Haemophilus influenzae Helicobacter pylori Proteus mirabilis Salmonella typhi Salmonella paratyphi Pasteurella multocida Грамоң аэробтар Коагулаза-теріс стафилококк Алтын стафилококк£ Streptococcus pneumoniae Вириданс тобының стрептококктары Грамоң анаэробтар Clostridium spp Грамтеріс анаэробтар Fusobacterium spp. Басқалары Borrelia burgdorferi Сыртқы әсерлерге төзімді қоздырғыштар† Грамоң аэробтар Enterococcus faecium† Грамтеріс аэробтар Acinetobacter spp. Enterobacter spp. Klebsiella spp. Pseudomonas spp. Грамтеріс анаэробтар Bacteroides spp. (Bacteriodes fragilis штаммдары төзімді болуы мүмкін). Басқалары Chlamydia spp. Mycoplasma spp. Legionella spp. †Жүре пайда болған резистенттілік механизмі болмаған кезде табиғи аралық қабылдағыштық £ Барлық дерлік S. aureus пенициллиназаның өндірілуіне байланысты амоксилциллинге төзімді. Сонымен қатар, барлық метициллинге төзімді штаммдар амоксициллинге төзімді.

Дозалау режимі Инфекцияны емдеу үшін амоксициллиннің дозасын таңдаған кезде мыналарды ескеру қажет: •күдікті қоздырғыштар және бактерияға қарсы препараттарға ықтимал сезімталдық •инфекцияның ауырлық дәрежесі және орналасуы •пациенттің жасы, дене салмағы және бүйрек функциясының жағдайы (төменде қараңыз) Емдеу ұзақтығы инфекция типіне және пациенттің реакциясына сәйкес анықталады және әдетте мүмкіндігінше қысқа болуы керек, бірақ кейбір инфекциялар ұзақ емдеу кезеңін қажет етеді. Ересектер мен балалар (дене салмағы >40 кг) Көрсетілімдер* — Доза* Жедел бактериялық синусит — Әр 8 сағат сайын 250 мг - 500 мг немесе әр 12 сағат сайын 750 мг - 1000 мг Ауыр инфекциялар кезінде әр 8 сағат сайын 750 мг-дан 1000 мг-ға дейін Жүктілік кезіндегі симптомсыз бактериурия Жедел пиелонефрит Таралатын целлюлитпен дентальді абсцесс Жедел цистит — Бір күн ішінде тәулігіне екі рет 3000 мг Жедел ортаңғы отит Жедел стрептококкты тонзиллит және фарингит Созылмалы бронхиттің өршуі — Әр 8 сағат сайын 500 мг, әр 12 сағат сайын 750 мг-дан 1000 мг-ға дейін Ауыр инфекциялар кезінде әр 8 сағат сайын 10 күн бойы 750 мг-1000 мг Ауруханадан тыс пневмония — әр 8 сағат сайын 500 мг-дан 1000 мг-ға дейін Іш сүзегі және паратиф — әр 8 сағат сайын 500 мг-дан 2000 мг-ға дейін Протезделген буындардың инфекциясы — әр 8 сағат сайын 500 мг-дан 1000 мг-ға дейін Эндокардит профмлактикасы — Ішке 2000 мг, емшарадан 30-60 минут бұрын бір реттік доза түрінде Helicobacter Pylori эрадикациясы — Протонды сорғы тежегішімен (мысалы, омепразол, лансопразол) және басқа антибиотикпен (мысалы, кларитромицин, метронидазол) 7 күн бойы тәулігіне екі рет 750 мг-дан 1 г-ға дейін. Лайм ауруы — Ерте саты: әр 8 сағат сайын 500 мг-дан 1000 мг-ға дейін, тәулігіне 4000 мг өте жоғары дозаға дейін, 14 күн бойы бірнеше қабылдауға бөлінген (10-нан 21 күнге дейін) Кеш саты (жүйелі зақымдану): әр 8 сағат сайын 500 мг-дан 2000 мг-ға дейін, тәулігіне 6000 мг өте жоғары дозаға дейін, 10-30 күн бойы бірнеше қабылдауға бөлінген. * Әрбір көрсетілім үшін тиісті емдеу жөніндегі ресми нұсқаулықтарды ескеру қажет. Пациенттердің ерекше топтары Балалар Дене салмағы 40 кг және одан жоғары балаларға ересектерге арналған дозаларды қолдану керек. Балалар (дене салмағы < 40 кг) Балалар Атоксиллин препаратын таблетка немесе суспензия түрінде қабылдай алады. Балаларға қолдануға арналған Атоксиллин суспензиясы алты айлық жасқа дейінгі балаларға ұсынылады. Дене салмағы 40 кг және одан жоғары балалар ересектерге арналған дозаны қабылдауы керек. Ұсынылған дозалар кестеде берілген Көрсетілімдер+ — Доза+ Жедел бактериялық синусит — Тәулігіне 20-дан 90 мг/кг-ға дейін, бірнеше қабылдауға бөлінген* Жедел ортаңғы отит Ауруханадан тыс пневмония Жедел цистит Жедел пиелонефрит Таралатын целлюлитпен дентальді абсцесс Жедел стрептококкты тонзиллит және фарингит — Тәулігіне 40-тан 90 мг/кг-ға дейін, бірнеше қабылдауға бөлінген* Іш сүзегі және паратиф — Тәулігіне 100 мг/кг, үш қабылдауға бөлінген Эндокардит профилактикасы — Ішке 50 мг/кг, емшарадан 30-60 минут бұрын бір реттік доза түрінде Лайм ауруы — Ерте саты: тәулігіне 25-тен 50 мг/кг-ға дейін, 10-21 күн бойы үш қабылдауға бөлінеді. Кеш саты (жүйелі зақымдану): тәулігіне 100 мг/кг, 10-30 күн бойы үш қабылдауға бөлінеді. + Әрбір көрсетілім үшін тиісті емдеу жөніндегі ресми нұсқаулықтарды ескеру қажет. *Тәулігіне екі рет дозалау режимдерін, егер доза жоғарғы диапазонда болса ғана қарастыру керек. Егде жастағы пациенттер Дозаны түзету қажет емес. Бүйрек функциясының жеткіліксіздігі бар пациенттер Креатинин клиренсі (мл / мин) — Ересектер мен балалар (дене салмағы 40 кг-дан жоғары) — Балалар (дене салмағы 40 кг-дан аз)# > 30 — дозаны түзету қажет емес — дозаны түзету қажет емес 10-30 — Өте жоғары 500 мг тәулігіне 2 рет — тәулігіне екі рет 15 мг / кг (тәулігіне екі рет өте жоғары 500 мг) < 10 — тәулігіне өте жоғары 500 мг — тәулігіне бір рет 15 мг/кг (өте жоғары 500 мг) # көп жағдайда парентералдық енгізу қолайлы Гемодиализ алатын пациенттер Амоксициллинді организмнен гемодиализ арқылы шығаруға болады. Гемодиализ Ересектер мен балалар ≥ 40 кг — Әр 24 сағат сайын 500 мг Гемодиализ жүргізер алдында тағы бір 500 мг дозаны енгізу керек. Гемодиализ сеансынан кейін препараттың айналымдағы деңгейін қалпына келтіру үшін тағы бір 500 мг дозаны енгізу керек. Балалар <40 кг — Тәулігіне 15 мг/кг бір реттік тәуліктік доза түрінде (ең жоғары 500 мг). Гемодиализ жүргізер алдында тағы бір 15 мг/кг дозаны енгізу керек. Гемодиализ сеансынан кейін препараттың айналымдағы деңгейін қалпына келтіру үшін тағы бір 15 мг/кг дозаны енгізу керек. Перитонеалдық диализ алатын пациенттер Перитонеалдық диализ алатын пациенттер үшін амоксициллиннің өте жоғары дозасы тәулігіне 500 мг құрайды. Бауыр функциясының жеткіліксіздігі бар пациенттер Атоксиллин препаратын сақтықпен қолдану керек. Бауырдың функциясын тұрақты уақыт аралығында бақылау қажет. Енгізу әдісі мен жолы Ішке қабылдау үшін. Тамақ ішу препараттың сіңуіне әсер етпейді. Таблетканы бір стақан сумен ішіп, жұту керек. Дәрілік препараттың бір немесе бірнеше дозасын өткізіп алған кезде қажетті шаралар Өткізіп алған қабылдауды өтеу үшін қосарлы дозаны қабылдауға болмайды. Дәрілік препаратты қолдану тәсілін түсіндіру үшін медицина қызметкеріне кеңеске жүгіну бойынша ұсынымдар Осы дәрілік препаратты қолдану бойынша қосымша сұрақтар туындаған жағдайда дәрігерге немесе фармацевтке кеңес алу үшін жүгіну керек.

- амоксициллинге, пенициллин тобының препараттарына немесе қосымша заттардың кез келгеніне аса жоғары сезімталдық -анамнезінде басқа бета-лактамды препаратқа (мысалы, цефалоспорин, карбапенем немесе монобактам) жедел типтегі аса жоғары сезімталдықтың күрделі реакциясы (мысалы, анафилаксия) - 6 жасқа дейінгі балалар (осы дәрілік форма үшін)

Препаратты қолдану кезінде жиі хабарланатын жағымсыз реакциялар - диарея, жүрек айну және тері бөртпесі болды. Амоксициллинді қолдану кезінде клиникалық зерттеулер мен маркетингтен кейінгі бақылау кезінде байқалған жағымсыз реакциялар төменде берілген Жиі - жүрек айнуы, диарея* - тері бөртпесі Жиі емес - құсу* - есекжем, қышу* Өте сирек - тері мен шырышты қабықтың кандидозы - қайтымды лейкопения (оның ішінде ауыр нейтропения немесе агранулоцитоз), қайтымды тромбоцитопения, гемолиздік анемия, қан кету уақыты мен протромбин уақытының ұзаруы - ауыр аллергиялық реакциялар, соның ішінде ангионевроздық ісіну, анафилаксия,сарысу құю ауруы және аса жоғары сезімтал васкулит - гиперкинезия, бас айналу, құрысулар - антибиотикпен астасқан колит (жалған жарғақшалы колит пен геморрагиялық колитті қоса алғанда), қара «түкті» тіл, тіс эмалінің түсінің беткейлік өзгеру# - гепатит және холестаздық сарғаю, АЛТ және / немесе AСT орташа жоғарылауы - мультиформалы эритема, Стивенс-Джонсон синдромы, уытты эпидермалық некролиз, буллезді және эксфолиативті дерматит және жедел жайылған экзантематозды пустулез (AGEP) сияқты тері реакциялары және эозинофилиямен және жүйелі симптомдармен дәрілік реакция (DRESS) - интерстициальді нефрит, кристаллурия Белгісіз (қолда бар деректердің негізінде бағалау мүмкін емес) - Яриш-Герксгеймер реакциясы - асептикалық менингит - Коунис синдромы (аллергиялық коронарлық синдром) - дәрілік препаратпен индукцияланған энтероколит синдромы - Iga тәуелді тізбекті дерматоз - кристаллурия (бүйрек функциясының жедел зақымдануын қоса) *Бұл жағымсыз құбылыстардың жиілігі туралы мәліметтер амоксициллин қабылдаған 6000-ға жуық ересектер мен балалардың қатысуымен жүргізілген клиникалық зерттеулерден алынған. #Балалардың тістерінің түсінің беткейлік өзгеруі туралы хабарланды. Ауыз қуысының дұрыс гигиенасы тістердің түсінің өзгеруіне жол бермейді, бұл әдетте тістерді тазалау кезінде жойылады. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: артық дозалану асқазан-ішек жолдарының тарапынан жүрек айну, құсу және диарея симптомдарымен, сондай-ақ су-электролит теңгерімінің бұзылуымен көрінуі мүмкін. Кейбір жағдайларда бүйрек функциясының жеткіліксіздігіне әкелетін амоксициллин кристаллуриясы байқалды. Бүйрек функциясы бұзылған пациенттерде артық дозалану немесе жоғары дозалар құрысуды тудыруы мүмкін. Емі: амоксициллинмен артық дозаланған жағдайда спецификалық антидот жоқ. Асқазан-ішек симптомдарын симптоматикалық емдеу ұсынылады. Су-электролит теңгерімін сақтау керек. Амоксициллинді қанағымынан шығару үшін гемодиализді қолдануға болады.

Аса жоғары сезімталдық реакциялары Амоксициллин препаратымен емді бастар алдында пенициллиндерге, цефалоспориндерге немесе басқа бета-лактамды дәрілерге аса жоғары сезімталдықтың алдыңғы реакцияларына қатысты анамнезді мұқият жинау қажет. Пенициллин қабылдаған пациенттерде анафилактоидты типтегі аса жоғары сезімталдықтың ауыр және тіпті өлімге әкелетін реакцияларының және терінің ауыр жағымсыз реакцияларының дамығаны туралы хабарланды. Аса жоғары сезімталдық реакциялары сонымен қатар миокард инфарктісіне әкелуі мүмкін күрделі аллергиялық реакция — Коунис синдромына дейін өршуі мүмкін. Мұндай реакциялар анамнезінде пенициллинге аса жоғары сезімталдығы бар пациенттерде және атопиялық дерматиті бар пациенттерде жиі туындады. Аллергиялық реакция туындаған кезде амоксициллинмен емдеуді тоқтату және тиісті балама емді тағайындау керек. Дәрілік энтероколит синдромы туралы негізінен амоксициллинмен емделген балаларда хабарланды. Бұл аллергиялық реакция, терінің аллергиялық реакциялары немесе респираторлық симптомдар болмаған кезде препаратты қабылдағаннан кейін 1-4 сағаттан соң пайда болатын қайталанатын құсудың жетекші симптомы. Қосымша симптомдар іштің ауыруы, диарея, гипотензия немесе нейтрофилиямен лейкоцитозды қамтуы мүмкін. Ауыр жағдайлар, соның ішінде шокқа дейін өршу байқалды. • Сезімтал емес микроорганизмдер • Амоксициллин кейбір инфекцияларды емдеуге жарамайды, тек қоздырғыш расталған кезде және амоксициллинге сезімталдығы бар немесе қоздырғыштың амоксициллинге сезімтал болу ықтималдығы жоғары болған жағдайларды қоспағанда. Бұл әсіресе несеп шығару жолдарының инфекциялары және құлақтың, тамақтың және мұрынның ауыр инфекциялары бар пациенттерді емдеу туралы шешім қабылдау үшін қолданылады. Құрысулар Құрысулар бүйрек функциясы бұзылған пациенттерде немесе жоғары дозаны қабылдайтын пациенттердерде немесе бейімделген факторлары бар пациенттерде пайда болуы мүмкін (мысалы, анамнезінде құрысулар, эпилепсия немесе менингиальды бұзылулар). Бүйрек функциясының бұзылуы Бүйрек функциялары бұзылған пациенттерде бұзылулардың айқындылық дәрежесіне байланысты дозаны түзету талап етіледі. Тері реакциялары Емдеудің басында пустулезді бөртпелермен және қызбамен жайылған эритеманың пайда болуы жедел жайылған экзантематозды пустулездің (AEGP) даму симптомы болуы мүмкін. Бұл жағдайда амоксициллинді қабылдауды тоқтату керек, ал болашақта препараттың кез-келген кейінгі қолданылуы қарсы көрсетілім болып табылады. Егер инфекциялық мононуклеозға күдік болса, амоксициллинді қолданудан аулақ болу керек, өйткені қызылша тәрізді бөртпенің пайда болуы мүмкін (амоксициллинге). Яриш-Герксгеймер реакциясы Лайм ауруын амоксициллинмен емдеу кезінде Яриш-Герксгеймер реакциясының дамуы мүмкін. Бұл амоксициллиннің Лайм ауруын тудыратын бактерияларға, Borrelia burgdorferi спирохеттеріне бактерицидтік әсерімен тікелей байланысты. Пациентке бұл Лайм ауруын антибиотиктермен емдеудің жиі кездесетін салдары екенін және әдетте өздігінен басылатынын хабарлау қажет. Сезімтал емес микроорганизмдердің қатты өсуі Амоксициллинді ұзақ уақыт қолдану кейде сезімтал емес микроорганизмдердің шамадан тыс өсуіне әкелуі мүмкін. • Антибиотикпен байланысты колиттің дамуы бактерияға қарсы кез келген препараттарға, соның ішінде амоксициллинге тән және ауырлық дәрежесі жеңілден өмірге қауіп төндіретін деңгейге дейін өзгеруі мүмкін. Сондықтан антибиотиктерді қолдану кезінде немесе қолданғаннан кейін пациенттерде диарея дамыған жағдайда, бұл диагнозды ескеру маңызды. Антибиотикпен астасқан колит пайда болған жағдайда, Атоксиллин препаратын қолдануды дереу тоқтату керек. Дәрігермен кеңескеннен кейін тиісті ем тағайындалуы керек. Бұл жағдайда ішек перистальтикасын төмендететін препараттарды қолдануға болмайды. • Ұзақ мерзімді ем • Ұзақ мерзімді ем кезінде бүйрек, бауыр және қан өндіру функциясын қоса, ағзалар жүйесінің жұмысын мезгіл-мезгіл бақылау ұсынылады. Бауыр ферменттері деңгейлерінің жоғарылауы және қан көрсеткіштерінің өзгеруі туралы хабарламалар бар. • Антикоагулянттар • Сирек жағдайларда амоксициллин қабылдаған пациенттерде протромбин уақытының ұзаруы туралы хабарланды. Антикоагулянттарды бір мезгілде тағайындаған кезде тиісті бақылау жүргізілуі керек. Қажетті антикоагуляция деңгейін ұстап тұру үшін пероральді антикоагулянттардың дозасын түзету қажет болуы мүмкін. • Кристаллурия Диурезі төмендеген пациенттерде өте сирек жағдайларда, негізінен препаратты парентеральді қолданғанда кристаллурияның (бүйрек функциясының жедел зақымдануын қоса) дамуы туралы хабарланды. Амоксициллиннің жоғары дозаларын қолданған кезде жеткілікті сұйықтық қабылдау және амоксициллин кристаллуриясының даму мүмкіндігін азайту үшін талапқа сай диурезді сақтау ұсынылады. Қуық катетері бар пациенттерде катетердің өткізгіштігін үнемі тексеріп отыру керек. Диагностикалық тестілерге әсері Қан сарысуындағы және несептегі амоксициллин деңгейінің жоғарылауы кейбір зертханалық зерттеулердің нәтижелеріне әсер етуі мүмкін. Амоксициллиннің жоғары концентрациясына байланысты химиялық әдістер көбінесе жалған оң нәтиже береді. Амоксициллинді қолданып емдеу кезінде несеп құрамында глюкозаның бар-жоғын тексеру кезінде глюкозооксидазаның ферментативті әдістерін қолдану керек. Қан құрамында амоксициллиннің болуы жүкті әйелдерде эстрадиолды талдау нәтижелерінің бұрмалануына әкелуі мүмкін. Арнайы сақтандырулар Педиатрияда қолдану Төмендегі кестеде берілген балаларға ұсынылатын доза дене салмағы 40 кг-дан аз балаларға қолданылады. Дене салмағы 40 кг және одан жоғары балаларға ересектерге арналған дозаларды қолдану керек. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Автокөлікті басқару және механизмдермен жұмыс істеу қабілетіне әсер етуіне зерттеулер жүргізілген жоқ. Алайда, көрсетілген қызмет түрлеріне әсер етуі мүмкін жағымсыз әсерлер (мысалы, аллергиялық реакциялар, бас айналу, құрысулар) болуы мүмкін.

Жүктілік Зерттеулер репродуктивтік уыттылыққа қатысты тікелей немесе жанама зиянды әсерді көрсетпейді. Адамда жүктілік кезінде амоксициллинді қолданудың шектеулі деректері дамудың туа біткен ақауларының жоғары қаупін көрсетпейді. Амоксициллинді жүктілік кезінде ана үшін пайдасы шарана үшін ықтимал қауптен асып түсетін жағдайларда ғана қолдануға болады. Бала емізу Амоксициллин емшек сүтіне аз мөлшерде шығарылады, сенсибилизация қаупінің болуы ықтимал. Нәтижесінде емшек сүтімен қоректенетін балада диарея, шырышты қабықтың зеңдік инфекциясы, бөртпе пайда болуы мүмкін. Амоксициллинді бала емізу кезінде дәрігер пайда/қауіп арақатынасын бағалағаннан кейін ғана қолдануға болады. Фертильділік Зерттеулерде фертильділікке жағымсыз әсері анықталған жоқ. Амоксициллиннің адамның фертильділігіне әсері туралы деректер жоқ.

Пробенецид Амоксициллинді пробенецидпен бір мезгілде қолдану ұсынылмайды. Пробенецид амоксициллиннің түтікшелі секрециясын төмендетеді, бұл Т1/2 және қан құрамындағы амоксициллиннің концентрациясының жоғарылауына әкеледі. Пробенецидті және амоксициллинді бір мезгілде қолдану қан құрамындағы амоксициллин концентрациясының тұрақты және ұзақ мерзімді жоғарылауына әкелуі мүмкін. Аллопуринол • Амоксициллинмен емдеу кезінде аллопуринолды бір мезгілде қолдану терінің аллергиялық реакцияларының даму ықтималдығын арттыруы мүмкін. • Тетрациклиндер • Тетрациклиндер және басқа бактериостатикалық антибиотиктер амоксициллиннің бактерицидтік әсеріне ықпал етуі мүмкін. Метотрексат Пенициллиндер метотрексаттың шығарылуын азайтуы мүмкін, бұл уыттылықтың ықтимал артуына әкеледі. Пероральді антикоагулянттар Пероральді антикоагулянттар мен пенициллин тобының антибиотиктері практикада кеңінен қолданылды, бірақ олардың арасындағы өзара әрекеттесу туралы хабарламалар жоқ. Алайда, әдеби дереккөздерде амоксициллинмен бірге аценокумарол немесе варфарин қабылдаған пациенттерде халықаралық қалыптасқан қатынастардың жоғарылауы байқалды. Егер препараттарды бір мезгілде қолдану қажет болса, амоксициллинді тағайындаған және тоқтатқан кезде протромбин уақытын немесе халықаралық қалыптасқан қатынасты мұқият бақылау керек. Сонымен қатар, пероральді антикоагулянттардың дозасын өзгерту қажет болуы мүмкін.

Сақтау мерзімі 4 жыл. Жарамдылық мерзімі өткеннен кейін қолдануға болмайды! Сақтау шарттары Құрғақ жерде 25ºС-ден аспайтын температурада сақтау керек. Балалардың қолы жетпейтін жерде сақтау керек!