Аторвастатин таблетки 10 мг

Бір таблетканың құрамында белсенді зат - аторвастатин (кальций аторвастатинi түрінде), 10.0 мг (10.34 мг). қосымша заттар: лактоза моногидраты, микрокристалды целлюлоза, натрий кроскармеллозасы, гипромеллоза 2910, полисорбат 80, кальций стеараты, кальций карбонаты; қабықтың құрамы: гипромеллоза 2910, полисорбат 80, титанның қостотығы (Е 171), тальк. Сыртқы түрінің, иісінің, дәмінің сипаттамасы Екі беті дөңес, дөңгелек пішінді үлбірлі қабықпен қапталған ақ немесе ақ дерлік түсті таблеткалар. Таблетканың беткейінде үлбірлі жабын тегіс емес болуы мүмкін. Таблетканың көлденең кесінінде ақ немесе ақ дерлік түсті ядро көрінеді. Шығарылу формасы және қаптамасы 10 таблеткадан поливинилхлоридті үлбірден және алюминий фольгадан жасалған пішінді ұяшықты қаптамаға салынады. 3 пішінді ұяшықты қаптамадан қазақ және орыс тіліндегі медициналық қолдану жөніндегі нұсқаулықтармен бірге картон қорапшаға салынады

- бастапқы гиперхолестеринемиясы бар, оның ішінде отбасылық гиперхолестеринемиясы бар (гетерозиготалы форма) немесе біріктірілген (аралас) гиперлипидемиясы бар (Фредриксон жіктемесі бойынша ІІа және IIb типтеріне сәйкес) ересектерде, 10 жастан асқан және одан жоғары жастағы жасөспірімдер мен балаларда диета және басқа да дәрі-дәрмексіз емдеу әдістері жеткілікті түрде тиімді болмағанда диетаға қосымша ретінде жалпы холестериннің, холестериннің, тығыздығы төмен липопротеиндердің (ХС-ТТЛП), В аполипопротеин және триглицеридтердің жоғарылауын төмендету үшін; - гомозиготалы отбасылық гиперхолестеринемиясы бар ересектерде гиполипидемиялық емнің басқа түрлеріне (мысалы, ТТЛП аферезі) қосымша ретінде немесе емдеудің басқа түрі мүмкін болмаған жағдайда жалпы холестерин мен ХС-ТТЛП мөлшерін төмендету үшін; - бастапқы жүрек-қантамыр ауруларының даму қаупі жоғары ересек пациенттерде басқа қауіп факторларын түзетуге қосымша ретінде жүрек-қантамыр ауруларын алдын алу үшін. Қолданғанға дейін қажетті мәліметтер тізбесі

ATХ коды: С10AA05. Әсер ету механизмі Аторвастатин-3-гидрокси-3-метилглютарил-коэнзим А-ның холестеринді қоса, стеролдардың ізашары болып табылатын мевалонатқа айналуын реттейтін негізгі фермент-ГМГ-КоА-редуктазаның селективті, бәсекеге қабілетті тежегіші болып табылады. Бауырда триглицеридтер мен холестерин тығыздығы өте төмен липопротеиндер (ТӨТЛП) құрамына қосылып, қан плазмасына түседі және шеткері тіндерге тасымалданады. ТӨТЛП-ден көбінесе жоғары аффинді ТТЛП рецептормен (ТТЛП рецепторы) өзара әрекеттесу арқылы катаболизденетін тығыздығы төмен липопротеидтер (ТТЛП) түзіледі. Аторвастатин ГМГ-КоА редуктазасын және сәйкесінше бауырдағы холестерин биосинтезін тежеу арқылы, сонымен қатар ТТЛП қармауы мен катаболизмінің жоғарылауына әкелетін гепатоциттер жарғақшаларында ТТЛП рецепторларының санын көбейте отырып плазмадағы холестерин мен қан сарысуындағы липопротеин деңгейін төмендетеді. Аторвастатин ТТЛП түзілуі мен ТТЛП бөлшектерінің санын азайтады. Аторвастатин ТТЛП циркуляциядағы бөлшектерінің сапасы жағымды өзгерте отырып, ТТЛП –рецепторлары белсенділігінің айқын және тұрақты жоғарылауын тудырады. Аторвастатин әдетте гиполипидемиялық дәрілік заттарға жауап бермейтін гомозиготалы отбасылық гиперхолестеринемиясы бар пациенттерде ХС-ТТЛП деңгейін тиімді төмендетеді. Доза-әсер арақатынасын зерттеу барысында аторвастатин ТТЛП холестерині мен А1 аполипопротеинінің әртүрлі айқындылық дәрежесіндегі концентрацияның жоғарылауын тудыра отырып, жалпы холестерин (30-46%-ға), Хс-ТТЛП (41-61% - ға), В аполипопротеині (34-50% - ға) және триглицеридтер (14-33% - ға) концентрациясын төмендетті. Бұл нәтижелер гетерозиготалы отбасылық гиперхолестеринемиясы, инсулинге тәуелсіз қант диабеті бар пациенттерді қоса, гиперхолестеринемияның тұқым қуалайтын емес түрлері және аралас гиперлипидемиясы бар пациенттерде сәйкес келеді. ЖХс, Хс-ТТЛП және аполипопротеин в деңгейінің төмендеуі жүрек-қан тамырлары құбылыстары мен өлім қаупінің төмендеуіне әкелетіні дәлелденді. Гомозиготалы отбасылық гиперхолестеринемия Ұзақтығы өзгермелі қосымша міндетті емес фазасы бар көп орталықты 8 апталық ашық зерттеуге 89-ында гомозиготалы отбасылық гиперхолестеринемиясы болған 335 пациент қатысты. Осы 89 пациенттің ішінде ХС-ТТЛП төмендеуінің орташа пайызы шамамен 20% - ды құрады. Бұл зерттеуде аторвастатин тәулігіне 80 мг-ге жететін дозада тағайындалды. Атеросклероз REVERSAL (Reversing Atherosclerosis with Aggressive Lipid-Lowering Study) зерттеу барысында жүректің ишемиялық ауруы бар пациенттерде 80 мг аторвастатинмен қарқынды гиполипидемиялық емдеудің және 40 мг правастатинмен стандартты гиполипидемиялық емдеудің коронарлық атеросклероз динамикасына әсері вена ішіне ультрадыбыстық зерттеу (ВІУДЗ) және ангиография арқылы бағаланды. Бұл рандомизацияланған, салыстырмалы жасырын, көп орталықты, бақыланатын клиникалық зерттеулерде ВІУДЗ 502 пациентке зерттеу басында және 18 айдан кейін жүргізілді. Аторвастатин тобында (n = 253) атеросклероздың үдеуі байқалмады. Аторвастатин тобында атеросклероздық түйіндақтың жалпы көлемінің өзгеру медианасы бастапқы деңгейден пайызбен (зерттеудің бастапқы критерийі) - 0,4% (р=0,98), ал правастатин тобында (n=249) +2,7% (р=0,001) құрады. Правастатинмен салыстырғанда, аторвастатин әсері статистикалық маңызды болды (р = 0,02). Жүрек-қантамыр жүйесінің соңғы нүктелеріне липидтердің қарқынды төмендеу әсері (мысалы, реваскуляризация қажеттілігі, фатальды емес миокард инфарктісі, жүрек аурулары нәтижесіндегі өлім) бұл зерттеуде зерттелмеген. Аторвастатин қабылдаған топта ХС-ТТЛП деңгейі бастапқы 3,89 ммoл/л ± 0,7 (150 мг/дл ± 28) орташа 2,04 ммoл/л ± 0,8 (78,9 мг/дл ± 30) дейін және правастатинді қабылдаған топта ХС-ТТЛП деңгейі бастапқы 3,89 ммоль/л ± 0,7 (150 мг/дл ± 26) орташа 2,85 ммoл/л ± 0,7 (110 мг/дл ± 26) дейін (р <0,000 1) төмендеген. Аторвастатин сондай-ақ, ЖХс орташа деңгейін 34,1% (правастатин: -18,4%, р <0,0001), ТГ орташа деңгейін 20% (правастатин: -6,8%, р <0,0009), В аполипопротеиннің орташа деңгейін 39,1% (правастатин: - 22,0%, р <0,0001) едәуір азайтты. Аторвастатин Хс-ТТЛП орташа деңгейін 2,9% - ға көтерді (правастатин: +5,6%, p = NS). Аторвастатинді қабылдаған топта СРА (С-реактивті ақуыз) деңгейінің орташа төмендеуі правастатинді қабылдау тобындағы - 5,2%-ға төмендеумен салыстырғанда (р <0,0001) 36,4%-ды құрады. Бұл нәтижелер 80 мг дозаны пайдаланған кезде алынды. Осылайша, осы зерттеуде алынған нәтижелерді одан да төмен дозаларға экстраполяциялауға болмайды. Екі емдеу тобындағы қауіпсіздік және жағымдылық бейіндері салыстырмалы болды. Бұл зерттеуде жүрек-қантамыр жүйесінің негізгі соңғы нүктелерінде липидтердің қарқынды төмендеу әсері зерттелмеген. Сондықтан, жүрек-қантамыр асқынуларының бастапқы және салдарлық профилактикасына қатысты визуализация нәтижелерінің клиникалық маңыздылығы белгісіз. Жедел коронарлық синдром MIRACL (Myocardial Ischemia Reduction with Aggressive Cholesterol Lowering) зерттеу барысында жедел коронарлық синдромы бар 3086 пациентте (аторвастатин тобында n = 1 538; плацебо тобында n = 1 548) аторвастатиннің тәулігіне 80 мг дозада әсерін бағалауды жүргізді (Q тіссіз миокард инфарктісі немесе тұрақсыз стенокардия). Емдеу ауруханаға жатқызылғаннан кейінгі жедел кезеңде басталып, 16 аптаға созылды. Тәулігіне 80 мг дозада аторвастатинмен емдеу кез келген себеппен өлімге әкелетін және өлімге әкелмейтін, реанимациялық шараларды қажет ететін жүрек тоқтауы немесе ауруханаға жатқызуды қажет ететін миокард ишемиясының белгілері бар стенокардия ретінде анықталған біріктірілген бастапқы соңғы нүкте пайда болғанға дейінгі уақытты ұзартты, бұл қауіптің 16% төмендегенін көрсетеді (р = 0,048). Бұл негізінен миокард ишемиясының белгілері бар стенокардия нәтижесінде ауруханаға қайта жатқызудың 26% - ға төмендеуіне байланысты болды (р = 0,018). Статистикалық маңыздылықтың басқа қайталама соңғы нүктелері өздігінен жеткен жоқ (барлығы: плацебо 22,2%, аторвастатин 22,4%). MIRACL зерттеуіндегі аторвастатиннің қауіпсіздік бейіні 4.8 бөлімде сипатталғанға сәйкес келді. Жүрек-қантамыр ауруларының алдын алу Анамнезінде миокард инфарктісі немесе стенокардия емі болмаған және жалпы холестерин деңгейі <6,5 ммоль/л (251 мг/дл) құраған 40-79 жас аралығындағы артериялық гипертензиясы бар пациенттер қатысқан ASCOT-LLA (Anglo-Scandinavian Cardiac Outcomes Trial Lipid Lowering Arm) зерттеу барысында аторвастатиннің өлімге әкелетін және өлімге әкелмейтін ЖИА-на әсері зерттелді. Барлық пациенттерде алдын ала анықталған 3-тен кем емес жүрек-қантамыр қаупі факторлары байқалды: ер адам, ≥ 55 жас, темекі шегу, қант диабеті, бірінші буын жақындарының анамнезінде ЖИА болуы, ЖХс/Хс-ТТЛП> 6 деңгейі, шеткері қантамырларының аурулары, солжақ қарынша гипертрофиясы, бұрын болған цереброваскулалық бұзылулар жағдайлары, ЭКГ-ға спецификалық ауытқулар, протеинурия/альбуминурия. Зерттеуге енгізілген пациенттердің барлығында бастапқы жүрек-қантамыр асқынуының жоғары қаупі байқалды деуге болмайды. Пациенттер гипертензияға қарсы емдеуді (амлодипинмен немесе атенололмен) немесе тәулігіне 10 мг дозада аторвастатин (n = 5168) немесе плацебоны (n = 5137) қабылдады. Аторвастатиннің аурулардың даму қаупін төмендетуге әсер етуінің абсолютті және салыстырмалы көрсеткіштері: Оқиға — Салыстырмалы қауіпті төмендету (%) — Аурулар саны (аторвастатин және плацебо, сәйкесінше) — Абсолютті қауіптің төмендеуі1 (%) — р-мәні Өліммен аяқталатын ЖИА және өліммен аяқталмайтын МИ — 36 — 100 және 154 — 1,1 — 0,0005 Жүрек-қан тамырлары құбылыстары мен реваскуляризация ем шараларының жалпы саны — 20 — 389 және 483 — 1,9 — 0,0008 Коронарлық құбылыстардың жалпы саны — 29 — 178 және 247 — 1,4 — 0,0006 13,3 жыл бақылау медианасында болып жатқан оқиғалардың жуықтаған жиілігінің айырмашылығы негізінде. ЖИА = жүректің ишемиялық ауруы; МИ = миокард инфарктісі Жүрек-қан тамырлары ауруларының нәтижесінде болған өлім-жітім мен жалпы өлім-жітім азайды (185 vs. 212 жағдай, р = 0,17 және 74 vs. 82 жағдай, р = 0,51). Қосалқы топтар талдауында жыныстарға қатысты (81% ер адамдар, 19% әйел) аторвастатиннің оң әсері ерлерде байқалды, әйелдерде анықталған жоқ және бұл әйелдердің қосалқы тобындағы аурулардың жиілігі төмендігіне байланысты болуы мүмкін. Жүрек-қантамыр ауруларының нәтижесінде болған өлім-жітім мен жалпы өлім-жітім әйелдерде сан жағынан жоғары болды (38 vs. 30 және 17 vs. 12), бірақ бұл айырмашылық статистикалық маңызды болған жоқ. Бастапқы деңгейде гипертензияға қарсы емдеуге байланысты емдеу нәтижелерінде айтарлықтай айырмашылықтар байқалды. Аторвастатинді қабылдау кезінде атенололмен емделген пациенттерге қарағанда амлодипинмен (ҚҚ 0,47 (0,32-0,69), р = 0,00008) емделген пациенттерде (ҚҚ 0,83 (0,59-1,17), р = 0,287) бастапқы соңғы нүктелердің (өлімге әкелетін ЖИА плюс өлімге әкелмейтін МИ) айтарлықтай төмендеу мүмкіндігі туды. Аторвастатиннің өлімге әкелетін және өлімге әкелмейтін жүрек-қан тамырлары ауруларына әсері 40-75 жас аралығындағы 2 типті қант диабеті бар, анемнезінде жүрек-қан тамырлары аурулары жоқ және ТТЛП ≤4,14 ммол/л (160 мг/дл) және ТГ ≤6,78 ммол/л (600 мг / дл) деңгейі бар пациенттерде рандомизацияланған, салыстырмалы жасырын, көп орталықты, плацебо бақыланатын CARDS (Collaborative Atorvastatin Diabetes Study) зерттеуінде бағаланды. Барлық пациенттерде келесі қауіп факторларының кем дегенде біреуі болды: артериялық гипертензия, қазіргі уақытта темекі шегу, ретинопатия, микроальбуминурия немесе макроальбуминурия. Пациенттер аторвастатинді тәулігіне 10 мг дозада (n = 1428) немесе плацебо (n = 1410) 3,9 жылдық бақылау кезеңінің медианасында қабылдады. Аторвастатинмен абсолютті және салыстырмалы қауіптің төмендеуі келесідей болды: Оқиға — Салыстырмалы қауіпті төмендету (%) — Аурулар саны (аторвастатин және плацебо, сәйкесінше) — Абсолютті қауіптің төмендеуі1 (%) — р-мәні Негізгі жүрек-қантамыр оқиғалары (өліммен аяқталатын және өліммен аяқталмайтын ЖМИ, симптомсыз МИ, жедел ЖИА өлім, тұрақсыз стенокардия, АКШ, ТТКА, реваскуляризация, инсульт) — 37 — 83 vs. 127 — 3,2 — 0,0010 МИ (өліммен аяқталатын және өліммен аяқталмайтын ЖМИ, симптомсыз МИ) — 42 — 38 vs. 64 — 1,9 — 0,0070 Инсульт (өліммен аяқталатын және өліммен аяқталмайтын) — 48 — 21 vs. 39 — 1,3 — 0,0163 1 Бақылау медианасы кезінде пайда болатын оқиғалар жиілігінің шамалас мәндерінің айырмашылығы бойынша 3,3 жыл. ЖМИ = жедел миокард инфарктісі; АКШ = аортокоронарлық шунттау; ЖИА = жүректің ишемиялық ауруы; МИ = миокард инфарктісі; ТТКА = тері арқылы транслюминациялық коронарлық ангиопластика. Пациенттің жынысына, жасына немесе Хс ТТЛП-нің бастапқы деңгейіне байланысты емдік әсерде ешқандай айырмашылық анықталған жоқ. Өлім-жітімге қатысты оң тенденция байқалды (плацебо тобындағы 82 өлім, аторвастатин қабылдаған топтағы 61-мен салыстырғанда, р=0,0592). Қайталанған инсульт SPARCL (Stroke Prevention by Aggressive Reduction in Cholesterol Levels) зерттеуінде тәулігіне 80 мг аторвастатиннің немесе плацебоның 6 ай ішінде инсультті немесе өтпелі ишемиялық шабуылын (ӨИШ) бастан өткерген және анамнезінде жүректің ишемиялық ауруы (ЖИА) болмаған 4731 пациентте зерттелді. Пациенттердің 60% - ы ер адамдар болды, пациенттердің жасы 21 жастан 92 жасқа дейін (орташа жасы 63 жас), ТТЛП орташа бастапқы деңгейі 133 мг/дл (3,4 ммоль/л) құрады. Аторвастатинмен емдеу кезінде Хс-ТТЛП орташа деңгейі плацебо қабылдаған кезде 73 мг/дл (1,9 ммоль/л) және 129 мг/дл (3,3 ммоль/л) құрады. Бақылау ұзақтығының медианасы 4,9 жылды құрады. Аторвастатинді тәулігіне 80 мг дозада қабылдау өлімге әкелетін немесе өлімге әкелмейтін инсульт түріндегі бастапқы соңғы нүкте қаупін плацебомен салыстырғанда 15%-ға (қауіп қатынасы 0,85; 95% СА, 0,72-1,00; p=0,05 немесе 0,84; 95% СА, 0,71-0,99; p=0,03 бастапқы факторларға түзетілген) төмендетті. Жалпы өлім-жітім плацебо үшін 8,9% (211/2366) салыстырғанда аторвастатин үшін 9,1% (216/2365) құрады. Post-hoc талдау деректері бойынша 80 мг дозадағы аторвастатин ишемиялық инсульттің даму жиілігін төмендетті (218/2365, 9,2% vs. 274/2366, 11,6%, р=0,01) және плацебомен салыстырғанда геморрагиялық инсульт жиілігін арттырды (55/2365, 2,3% vs. 33/2366, 1,4%, р=0,02). • Геморрагиялық инсульттің даму қаупі бұрын геморрагиялық инсульт алған зерттеуге қатысқан пациенттерде жоғарылаған (аторвастатин тобында 7/45. Плацебо тобында 2/48; ҚҚ = 4,06, 95% СА: 0,84-19,57), ишемиялық инсульттің даму қаупі екі топта да бірдей болды (аторвастатин тобында 3/45. плацебо тобында2/48; ҚҚ=1,64, 95% СА: 0,27-9,82). • Геморрагиялық инсульттің даму қаупі бұрын лакунарлы инфаркт болған (аторвастатин тобында 20/708) зерттеуге қатысқан пациенттерде жоғарылаған. 4/701 плацебо тобында; ҚҚ = 4,99, 95% СА: 1,71-14,61), бұл пациенттерде ишемиялық инсульт қаупі төмендеді (аторвастатин vs тобында 79/708. 102/701 плацебо тобында; ҚҚ = 0,76, 95% СА: 0,57-1,02). Бұрын лакунарлы инфаркт алған және тәулігіне 80 мг дозада аторвастатин қабылдаған пациенттерде инсульттің таза қаупі артуы әбден мүмкін. Бұрын геморрагиялық инсульті бар пациенттердің қосалқы тобындағы жалпы өлім-жітім аторвастатинге қарсы 15,6% (7/45) құрады. Плацебо үшін 10,4% (5/48). Бұрын лакунарлы инфаркт болған пациенттердің қосалқы тобындағы жалпы өлім-жітім vs аторвастатині үшін 10,9% (77/708), плацебо үшін 9,1% (64/701) құрады. Балалар 6-17 жас аралығындағы балалардағы гетерозиготалы тұқым қуалайтын гиперхолестеринемия Аторвастатиннің фармакокинетикасын, фармакодинамикасын, қауіпсіздігі мен жағымдылығын бағалау бойынша 8 апталық, ашық зерттеу генетикалық расталған гетерозиготалы отбасылық гиперхолестеринемиясы және бастапқы Хс-ТТЛП≥ 4 ммол/л деңгейі бар балалар мен жасөспірімдерде жүргізілді. Барлығы 6 мен 17 жас аралығындағы 39 бала мен жасөспірім тіркелді. А когортасына Таннер шкаласы бойынша жыныстық дамудың 1-ші кезеңіндегі 6 жастан 12 жасқа дейінгі 15 бала кірді, В тобына Таннер бойынша ≥ 2 жыныстық даму сатысы бар 10-17 жас аралығындағы 24 бала кірді. А когортындағы шайнайтын таблетка түріндегі аторвастатиннің бастапқы дозасы тәулігіне 5 мг және В когортындағы таблетка түрінде тәулігіне 10 мг құрады. аторвастатинге жақсы жағымдылық жағдайында, егер пациент 4-ші аптада CS-LDL <3,35 ммоль/л деңгейінің мақсатты мәніне жетпесе, аторвастатин дозасын екі есе арттыруға рұқсат етілді. 2-ші аптада барлық пациенттерде Хс-ТТЛП, ЖХс, Хс-ТТЛП, және Aро В деңгейінің орташа мәні төмендеді. Препараттың екі еселенген дозасын қабылдаған пациенттерде зерттеудің 2 аптасында дозаны жоғарылатқаннан кейінгі алғашқы бағалау кезінде осы көрсеткіштердің мәндерінің қосымша төмендеуі байқалды. Липидті бейін фракциялары мәндерінің төмендеуі (%- бен) пациенттер препараттың бастапқы дозасын қабылдағанына немесе олардың дозасы екі еселенгеніне қарамастан, екі когортада да орташа есеппен бірдей болды. Зерттеудің 8-ші аптасында әсер ету ауқымындағы бастапқы деңгеймен салыстырғанда Хс-ТТЛП және ЖХс деңгейінің пайыздық өзгерісі сәйкесінше орта есеппен шамамен 40% және 30% құрады. Екінші ашық салыстырмалы емес зерттеуге үш жыл бойы аторвастатинмен емделген гетерозиготалы отбасылық гиперхолестеринемиясы бар 6-15 жас аралығындағы 271 ер және әйел бала қатысты. Зерттеуге енгізу критерийлері гетерозиготалы отбасылық гиперхолестеринемияның болуын растау, сондай-ақ бастапқы ХС-ТТЛП≥ 4 ммоль/л (шамамен 152 мг/дл) болды. Зерттеуге Таннер шкаласы бойынша 1-ші даму сатысы бар 139 бала (әдетте 6 жастан 10 жасқа дейін) қатысты. Аторвастатинді (шайнайтын таблетка) 5 мг дозада 10 жасқа дейінгі балалар қабылдады (күніне 1 рет). 10 жастан асқан балалар аторвастатинді 10 мг дозада қабылдады (күніне 1 рет). 6 мен 9 жас аралығындағы балалар үшін орташа өлшенген доза 19,6 мг, ал 10 жастан асқан балалар үшін орташа өлшенген доза 23,9 мг құрады. CC-LDL (+/- Co) орташа бастапқы мәні шамамен 233 (48) мг/дл құраған 6,12 (1,26) ммоль/л болды. Қорытынды нәтижелер төмендегі 3 кестеде келтірілген. 3 кесте . Гетерозиготалы отбасылық гиперхолестеринемиядан (ммоль/л)зардап шегетін жасөспірім ұлдар мен қыздардағы аторвастатиннің гиполипидемиялық әсері Кезең — N — ЖХ (СО) — ХС-ТТЛП (СО) — ХС-ТЖЛП (СО) — ТГ (СО) — Апо В (СО)# Бастапқы деңгей — 271 — 7,86 (1,30) — 6,12 (1,26) — 1,314 (0,2663) — 0,93 (0,47) — 1,42 (0,28)** Ай 30 — 206 — 4,95 (0,77)* — 3,25 (0,67) — 1,327 (0,2796) — 0,79 (0,38)* — 0,90 (0,17)* Ай 36/ОЛ — 240 — 5,12 (0,86) — 3,45 (0,81) — 1,308 (0,2739) — 0,78 (0,41) — 0,93 (0,20)*** ЖХ – жалпы холестерин; ХС-ТТЛП – тығыздығы төмен липопротеин холестерині; ХС-ТЖЛП – тығыздығы жоғары липопротеин холестерині; ТГ – триглицеридтер; Апо В – аполипопротеин В; «36 Ай /ОЛ» – жоспарланған 36 ай өткенге дейін қатысуды тоқтатқан пациенттердің соңғы келуінің деректері, сондай-ақ 36 ай ішінде зерттеуге қатысуды аяқтаған пациенттерге қатысты 36 ай ішіндегі барлық деректер енгізілген; «*» – N бұл параметр үшін 30- айда 207 болды; «**» – N бұл параметр үшін бастапқы деңгейде 270 болды; «***» – N 36/ОЛ ай үшін бұл параметр 243 болды; «#» – г/л Апо В үшін Деректер үш жылдық зерттеу барысында аторвастатинмен емделген гетерозиготалы отбасылық гиперхолестеринемиясы бар балалар мен жасөспірімдердегі пациенттерде өсу мен дамудың кез келген параметрлеріне (яғни, бойы, дене салмағы, дене салмағының индексі, Таннер шкаласы бойынша жыныстық даму сатысы, жалпы жетілу мен дамуды зерттеушінің бағалауы) препараттың әсер етпейтінін растады. Зерттеушінің бағалауы бойынша, келу кезінде препараттың жасына немесе жынысына байланысты бойына, салмағына және дене салмағының индексіне әсері байқалмаған. 10-17 жастағы балалардағы гетерозиготалы отбасылық гиперхолестеринемия Аторвастатинді (n = 140) немесе плацебоны (n = 47) қабылдау тобына кейінгі ашық фазасы бар салыстырмалы жасырын плацебо-бақыланатын зерттеуде 26 апта ішінде гетерозиготалы отбасылық гиперхолестеринемиясы (СГ) немесе гиперхолестеринемияның ауыр түрі бар 10-17 жастағы (орташа жасы 14,1 жасты құрады) 187 ер бала мен етеккірі болған қыздарға рандомизация жасалды, содан кейін олардың барлығы 26 апта ішінде аторвастатинді қабылдады. Аторвастатиннің дозасы (тәулігіне бір рет) алғашқы 4 апта ішінде 10 мг құрады, егер СС-ТТЛП деңгейі > 3,36 ммол/л болса, онда оны 20 мг дейін арттырды. 26 апталық салыстырмалы фаза барысында аторвастатин қан плазмасындағы жалпы ХС, ХС-ТТЛП, триглицеридтер мен аполипопротеин В деңгейлерін айтарлықтай төмендетті. Аторвастатинді қабылдау тобында 26 апталық салыстырмалы жасырын зерттеу барысында ХС-ТТЛП орташа мәні 3,38 ммоль/л (ауқым: 1.81-6.26 ммоль/л), плацебо қабылдау тобында 5,91 ммоль / л (ауқым: 3,93-9,96 ммоль / л) салыстырғанда 10-18 жастағы гиперхолестеринемиясы бар балалардағы колестиполмен салыстырғанда аторвастатинді қосымша зерттеу аторвастатин (n = 25) колестиполмен (n = 31) салыстырғанда 26- аптада (р <0,05) ХС-ТТЛП деңгейін айтарлықтай төмендетті. Ауыр гиперхолестеринемиясы бар пациенттерде (гомозиготалы гиперхолестеринемияны қоса алғанда) қайтымды-сынақ мақсатында жаңа тіркелмеген препаратты қолдана отырып зерттеуге жауапты реакцияға сәйкес дозаны титрлеу арқылы аторвастатинді қабылдаған 46 бала қатысты (кейбір пациенттер тәулігіне 80 мг аторвастатин қабылдады). Зерттеу 3 жылға жалғасты: ХС-ТТЛП 36%-ға төмендеді. Аторвастатиннің ересек жастағы аурушаңдық мен өлім-жітімді төмендететін ұзақ уақыттық емдеу тиімділігі балалар кезеңінде анықталмаған. Дәрілік заттар жөніндегі еуропалық агенттік гетерозиготалы гиперхолестеринемияны емдеуде 0-6 жастағы балаларда және 0-18 жастағы балаларда гомозиготалы отбасылық гиперхолестеринемияны, біріктірілген (аралас) гиперхолестеринемияны, бастапқы гиперхолестеринемияны емдеуде және жүрек-қантамыр ауруларының профилактикасында аторвастатинді зерттеу нәтижелерін ұсынуға қатысты міндеттемелерді орындауды талап етуден бас тартты (препаратты балаларға қолдану туралы ақпаратты 4.2 бөлімнен қараңыз).

Дозалау режимі Аторвастатин препаратымен емдеуді бастамас бұрын пациент препаратпен емдеу кезінде сақтау керек болатын қандағы липидтердің төмендеуін қамтамасыз ететін диетаға ауыстырылуы керек. Доза Хс-ТТЛП бастапқы деңгейіне, емдеудің мақсатына және пациенттің реакциясына қарай жеке таңдалуы керек. Препараттың әдеттегі бастапқы дозасы тәулігіне бір рет 10 мг құрайды. Дозаны түзету 4 апта немесе одан да көп аралықпен жүргізілуі керек. Препараттың ең жоғары дозасы тәулігіне бір рет 80 мг құрайды. Бастапқы гиперхолестеринемия және біріктірілген (аралас) гиперлипидемия Пациенттердің көпшілігіне Аторвастатин препараты тәулігіне бір рет 10 мг дозада тағайындалады. Емдік әсер 2 апта ішінде пайда болады және әдетте төрт аптадан кейін ең жоғары деңгейге жетеді. Қол жеткізілген әсер ұзақ мерзімді емдеу кезінде сақталады. Гетерозиготалы отбасылық гиперхолестеринемия Пациенттер Аторвастатин препаратын күніне 10 мг дозада қабылдай бастауы керек. Доза таңдауды күніне 40 мг дозаға дейін 4 апта аралықпен жеке жүргізу керек. Осыдан кейін дозаны күніне 80 мг-ге дейін арттыруға немесе өт қышқылының секвестранттарымен күніне бір рет 40 мг аторвастатинмен біріктіріп емдеуді қолдануға болады. Гомозиготалы отбасылық гиперхолестеринемия Бұл ауруды емдеуде шектеулі деректер ғана бар. Гомозиготалы отбасылық гиперхолестеринемиясы бар пациенттерде аторвастатиннің дозасы тәулігіне 10 мг-ден 80 мг-ге дейін. Бұл пациенттерде аторвастатинді басқа гиполипидемиялық емдеу әдістерімен (мысалы, ТТЛП аферезі) немесе осы әдістерді қолдану мүмкін болмаған кезде қосымша препарат ретінде қолдану керек. Жүрек-қан тамырлары ауруларын алдын алу Бастапқы профилактикада доза тәулігіне 10 мг құрайды. Заманауи нұсқаулықтар талаптарына сәйкес келетін холестерин деңгейіне (ТТЛП) жету үшін препараттың жоғары дозаларын қолдану қажет болуы мүмкін. Пациенттердің арнайы топтары Бүйрек жеткіліксіздігі бар пациенттер Дозаны түзету талап етілмейді. Бауыр жеткіліксіздігі бар пациенттер Аторвастатинді бауыр жеткіліксіздігі бар пациенттерде сақтықпен қолдану керек. Аторвастатин препаратын қабылдау белсенді сатыдағы бауыр ауруы бар пациенттерде қолдануға болмайды. Егде жастағы пациенттер Препаратты ұсынылған дозада қабылдаған кезде оның тиімділігі мен қауіпсіздігі 70 жастан асқан пациенттерде жалпы популяциядан ерекшеленбейді. Педиатрияда қолдану Гиперхолестеринемия. Балаларда қолдануды балалардағы гиперлипидемияны емдеу бойынша тәжірибесі бар дәрігерлер ғана жүргізуі тиіс. Әсерге жету үшін пациенттерді үнемі қайта тексеру ұсынылады. 10 жастан асқан гетерозиготалы отбасылық гиперхолестеринемиясы бар пациенттер үшін аторвастатиннің ұсынылатын бастапқы дозасы тәулігіне 10 мг құрайды. Емдеуге жеке реакция мен жағымдылықты ескере отырып, дозаны күн сайын 80 мг-ге дейін арттыруға болады. Дозалар емдеудің ұсынылған мақсатына сәйкес жеке қаралуы керек. Түзетулер 4 апта немесе одан да көп аралықпен жасалуы керек. Тәулігіне 80 мг-ге дейінгі дозаның титрленуі ересек пациенттердің қатысуымен жүргізілген зерттеулердің деректерімен және гетерозиготалы отбасылық гиперхолестеринемиясы бар балалардың қатысуымен жүргізілген зерттеулердің шектеулі клиникалық деректерімен қамтамасыз етіледі. 6 жастан 10 жасқа дейінгі гетерозиготалы отбасылық гиперхолестеринемиясы бар балаларда ашық зерттеулер нәтижесінде алынған тиімділік пен қауіпсіздік туралы шектеулі деректер бар. Аторвастатин 10 жасқа толмаған пациенттерді емдеу үшін көрсетілмеген. Осы санаттағы пациенттерде басқа дәрілік формаларды/дозаларды қолдану тиімдірек болуы мүмкін. Енгізу әдісі мен жолы Пероральді қабылдауға арналған. Қабылдау уақыты көрсетілген қолдану жиілігі Күннің кез келген уақытында бір рет, бірақ күнделікті бір уақытта. Дәрілік препарат тамаққа қарамастан қабылданады. Басқа дәрілік препараттармен бір мезгілде қолдану С гепатитін емдеу үшін элбасвир/гразопревир вирусқа қарсы препараттарын немесе цитомегаловирустық инфекцияның алдын алу үшін летермовир препаратын және аторвастатинді бір мезгілде қабылдайтын пациенттерде аторвастатин дозасы тәулігіне 20 мг аспауы тиіс. Летермовирді циклоспоринмен бірге қабылдайтын пациенттерде аторвастатинді қолдану ұсынылмайды. Дәрілік препараттың бір немесе бірнеше дозасын өткізу кезіндегі қажетті шаралар Препараттың дозасын өткізіп алған кезде келесі жоспарланған дозаны қажетті уақытта қабылдау керек. Өткізіп алған дозаны толтыру үшін қосарлы дозаны қабылдауға болмайды.

- әсер етуші затқа немесе қосымша заттардың кез келгеніне аса жоғары сезімталдық; - белсенді фазадағы бауыр ауруы немесе сарысу трансаминазалары белсенділігінің түсініксіз тұрақты жоғарылауы (қалыптың жоғарғы шегінен 3 есе асатын); - жүктілік және емізу кезеңі; контрацепцияның талапқа сай әдістерін қолданбайтын ұрпақ өрбітуге қабілетті жастағы әйелдер; - 10 жасқа дейінгі балалар; - С гепатитін емдеу үшін глекапревир/пибрентасвир препараттарымен бір мезгілде қабылдау.

Жиі (10 адамның көп дегенде 1-де туындауы мүмкін): - назофарингит: - аллергиялық реакция; - гипергликемия; - бас ауыруы; - фаринголарингеалық ауыру, мұрыннан қан кету; - іштің қатуы, метеоризм, диспепсия, жүрек айну, диарея; - миалгия, артралгия, аяқ-қолдың ауыруы, бұлшықет түйілуі, буындардың ісінуі, арқаның ауыруы; - бауыр функциясын көрсететін көрсеткіштердің бұзылуы, креатинфосфокиназа деңгейінің артуы. Жиі емес (100 адамның көп дегенде 1-де туындауы мүмкін): - гипогликемия, дене салмағының артуы, анорексия - түнгі қорқынышты түстерді көру, ұйқысыздық - бас айналу, парестезии, гипестезии, дисгевзия, амнезия - бұлыңғыр кескін - құлақтың шуылдауы - құсу, іштің жоғарғы және төменгі бөлігіндегі ауырсыну, кекіру, панкреатит - гепатит - есекжем, тері бөртпесі, қышыну, алопеция - мойынның ауыруы, бұлшықет қажығыштығы - дімкәстік, астения, кеуденің ауырсынуы, шеткері ісіну, қатты қажу, қызба - несепте лейкоциттердің пайда болуы Сирек (1000 адамның көп дегенде 1-де туындауы мүмкін): - тромбоцитопения - шеткері нейропатия - көрудің бұзылысы - холестаз - ангионевроздық ісіну, көп пішінді эритеманы қоса, буллезді дерматит, Стивенс-Джонсон синдромы және уытты эпидермалық некролиз; - миопатия, миозит, рабдомиолиз, тендинопатия, кейде сіңірдің үзілуімен асқынған Өте сирек (10000 адамның көп дегенде 1-де туындауы мүмкін): - анафилаксия - есту қабілетінің жоғалуы - бауыр жеткіліксіздігі - жегі тәрізді синдром - гинекомастия Жиілігі белгісіз (қолда бар деректер негізінде бағалау мүмкін емес): - иммунитетпен байланысты некроздайтын миопатия - миастения гравис (кейбір жағдайларда тыныс алу кезінде қолданылатын бұлшықеттерді қоса, жалпы бұлшықет әлсіздігін тудыратын ауру); - көз миастениясы (көз бұлшықеттерінің әлсіздігін тудыратын ауру). Егер сіз белсенділік кезеңдерінен кейін күшейетін аяқ немесе қолдың әлсіздігін, қос көруді немесе қабақтың түсуін, жұтынудың қиындауын немесе ентігуді сезінетін болсаңыз, емдеуші дәрігермен кеңесіңіз. Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әсерлер) бойынша ақпараттық дерекқорға тікелей жүгіну Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Артық дозаланған жағдайда, қажет болған жағдайда симптоматикалық және демеуші ем жүргізу керек. Бауыр функциясының көрсеткіштерін, сондай-ақ сарысудағы КК деңгейін бақылау керек. Препараттың плазма ақуыздарымен белсенді байланысуын ескере отырып, гемодиализ аторвастатин клиренсін айтарлықтай жеделдетуі екіталай.

Алкогольді шамадан тыс пайдаланатын және/немесе бауыр ауруынан (анамнезінде) зардап шегетін пациенттерде сақтықпен қолдану керек. Арнайы ескертулер Бауыр функциясының бұзылуы Емдеу басталғанға дейін және ол аяқталғаннан кейін мезгіл-мезгілімен бауыр функциясына зерттеулер жүргізілуі тиіс. Пациенттерде бауыр зақымдануының кез-келген көріністеулері немесе симптомдары дамыған кезде оның функциясының биохимиялық көрсеткіштерін анықтау керек. Трансаминазалардың белсенділігі жоғарылаған кезде олардың деңгейін симптомдар жойылғанға дейін бақылау керек. Егер трансаминазалардың белсенділігі қалыптың жоғарғы шегінен (ҚЖШ) 3 есе артық болса, дозаны төмендету немесе Аторвастатин препаратын қабылдауды тоқтату ұсынылады. Аторвастатинді алкогольді шамадан тыс пайдаланатын және/немесе анамнезінде бауыр ауруы бар пациенттерде сақтықпен қолдану керек. Холестерин деңгейін қарқынды төмендету арқылы инсультті алдын алу (SPARCL зерттеуі) Жақында инсульт немесе өтпелі ишемиялық шабуыл (ӨИА) болған жүректің ишемиялық ауруы (ЖИА) жоқ пациенттерде инсульттің қосалқы түрлерін post-hoc талдау деректері бойынша геморрагиялық инсульт жиілігі плацебомен салыстырғанда бастапқыда 80 мг аторвастатин қабылдаған пациенттерде жоғары болды. Қауіптің жоғарылауы әсіресе зерттеуге енгізілген кезде геморрагиялық инсульт немесе лакунарлық инфаркт алған пациенттерде жиі байқалды. Геморрагиялық инсульт немесе лакунарлық инфаркт алған пациенттер үшін 80 мг дозадағы аторвастатин пайдасы мен қауіп арақатынасы белгісіз, сондықтан емдеуді бастамас бұрын геморрагиялық инсульттің туындауының ықтимал қаупін мұқият талдау қажет. Қаңқа бұлшықеттеріне әсер ету Аторвастатин, басқа ГМГ-КоА-редуктаза тежегіштері сияқты, сирек жағдайларда қаңқа бұлшықеттеріне әсер етіп, креатинкиназа (КК) деңгейінің айқын жоғарылауымен сипатталатын өмірге ықтимал қауіп төндіретін жағдайдың рабдомиолизіне ауысуы мүмкін (ҚЖШ-нен 10 есе жоғары) миалгия, миозит, миопатияны, бүйрек жеткіліксіздігінің дамуына әкелуі мүмкін миоглобинемияны және миоглобинурияны тудыруы мүмкін. Өте сирек жағдайларда кейбір статиндермен емдеу кезінде немесе одан кейін иммундық байланысты некроздық миопатия (ИБНМ) туралы хабарланды. ИБНМ клиникалық түрде проксималды бұлшықеттердің тұрақты әлсіздігімен және статиндермен емдеуді тоқтатқанына қарамастан, ГМГ-КоА-редуктазаға антиденелердің болуымен және иммунодепрессанттарды қабылдау аясында жағдайдың жақсаруымен сақталатын қан сарысуындағы креатинкиназа деңгейінің жоғарылауымен сипатталады. Емдеу басталғанға дейін Аторвастатинді рабдомиолиз дамуының бейімділік факторлары бар пациенттерге сақтықпен тағайындау керек. КК деңгейін келесі жағдайларда статинмен емдеу басталғанға дейін өлшеу керек: - бүйрек функциясының бұзылуы; - гипотиреоз; - жеке немесе отбасылық анамнезінде бұлшықет тінінің тұқым қуалайтын аурулары болған кезде; - статиндерді немесе фибраттарды қабылдауға байланысты анамнезінде бұлшықет уыттылығы болған кезде; - анемнездегі бауыр ауруы және/немесе алкогольдік ішімдіктерді едәуір мөлшерде қолдану; - егде жастағы пациенттерде (>70 жаста) мұндай өлшеудің қажеттілігі рабдомиолиздің басқа бейімділік факторлары болған кезде ескерілуі керек; - плазмадағы аторвастатин деңгейінің жоғарылауына әкелуі мүмкін жағдайларда, мысалы, дәрілік өзара әрекеттесу жағдайында және генетикалық субпопуляцияларды қоса, пациенттердің ерекше топтарында қолданған кезде. Мұндай жағдайларда ықтимал пайдамен салыстырғанда емдеу қаупін ескеру қажет және клиникалық мониторингті жүргізу ұсынылады. Егер бастапқы кезеңде КК айтарлықтай жоғарыласа (ҚЖШ-нен 5 есе жоғары), препаратпен емдеуді бастамау керек. Креатинкиназа деңгейін өлшеу Қарқынды физикалық жүктемесінен кейін немесе КК жоғарылауының ықтимал балама себебі болған кезде КК деңгейін өлшеуге болмайды, себебі бұл мәндерді түсіндіруді қиындатады. Егер КК деңгейі бастапқы деңгейден едәуір асып кетсе (ҚЖШ-нен 5 есе жоғары), нәтижені растау үшін зерттеуді 5-7 күннен кейін қайталау керек. Емдеу кезінде - пациенттерге әсіресе олар жалпы дімкәстікпен немесе қызбамен қатар жүретін болса, бұлшықеттің ауыруы, құрысулар немесе бұлшықет әлсіздігінің дамуы туралы дереу хабарлау керектігін ескерту керек; - егер мұндай симптомдар аторвастатинмен емдеу кезінде пайда болса, КК деңгейін анықтау керек. Егер деңгей айтарлықтай жоғары болса (ҚЖШ-нен 5 есе көп), емдеуді тоқтату керек; - КК деңгейі айтарлықтай жоғары болмаса да (ҚЖШ-нен ≤5 есе жоғары) күнделікті жайсыздықты тудыратын бұлшықет тінінің ауыр симптомдары болған жағдайда емдеуді тоқтату туралы сұрақты қарастыру керек; - егер симптомдар жойылып, КК деңгейі қалыпқа келсе, онда аторвастатинді немесе осы топтағы басқа препаратты ең төменгі дозада және мұқият бақылаумен қайта қабылдау туралы сұрақты қарастыруға болады; - егер сарысудағы КК деңгейінің клиникалық маңызды жоғарылауы (ҚЖШ-нен 10 есе жоғары) байқалса немесе рабдомиолиз диагнозы қойылса немесе оған күдік болса, аторвастатинді қабылдауды тоқтату қажет. Препараттың көлік құралын немесе әлеуетті қауіпті механизмдерді басқару қабілетіне әсер ету ерекшеліктері Аторвастатин көлік құралдарын басқару және механизмдермен жұмыс істеу қабілетіне болмашы әсер етеді.

Жүктілік Бала туу жасындағы әйелдер аторвастатинмен емдеу кезінде тиісті контрацепция шараларын қолдануы тиіс. Аторвастатин жүктілік кезінде қарсы көрсетілімді. Жүктілік кезінде препаратты қолдану қауіпсіздігі анықталмаған. Жүкті әйелдерде аторвастатинді қолдану бойынша бақыланатын клиникалық зерттеулер жүргізілген жоқ. ГМГ-КоА-редуктаза тежегіштерінің құрсақ ішіне әсерінен кейін туа біткен ауытқулар туралы сирек хабарламалар алынды. Жануарларға жүргізілген зерттеулер репродуктивті уыттылықты көрсетті. Анасын аторвастатинмен емдеу холестерин биосинтезінің ізашары болып табылатын шаранадағы мевалонат деңгейін төмендетуі мүмкін. Атеросклероз созылмалы процесс болып табылады және әдетте жүктілік кезінде гиполипидемиялық дәрілік препараттарды тоқтату бастапқы гиперхолестеринемияға байланысты ұзақ мерзімді қауіпге айтарлықтай әсер етпейді. Осылайша, Аторвастатинді жүкті әйелдерге, жүктілікті жоспарлаған әйелдерге немесе жүктілікке күдік болғанда қабылдауға болмайды. Аторвастатин препаратын қабылдауды жүктілік кезінде немесе әйелдің жүкті болмауы анықталмағанға дейін тоқтата тұру керек. Лактация кезеңі Аторвастатин немесе оның метаболиттері адамның емшек сүтімен бөлініп шығып-шықпауы белгісіз. Егеуқұйрықтарда аторвастатин концентрациясы және оның плазмада өлшенген белсенді метаболиттері сүттегі мөлшерге ұқсас. Ауыр жағымсыз реакциялардың даму мүмкіндігіне байланысты Аторвастатин қабылдаған әйелдер емізуді тоқтатуы керек. Аторвастатин лактация кезінде қарсы көрсетілімді.

Бір мезгілде қабылданатын дәрілік препараттардың аторвастатинге әсері Аторвастатин P4503А4 (CYP3A4) цитохромымен метаболизденеді және бауыр ферменттерінің тасымалдаушылары, 1В1 (ОАТР1В1) және 1ВЗ (ОАТР1ВЗ) органикалық аниондарының тасымалдау полипептиді үшін субстрат болып табылады. Аторвастатин метаболиттері ОАТР1В1 үшін субстраттар болып табылады. Аторвастатин сонымен қатар аторвастатиннің ішек сіңуін және билиарлы клиренсін шектей алатын (Р-гликопротеин мен сүт безі обырына резистенттілік ақуызының (СБОРА) субстраты ретінде анықталады. CYP3A4 тежегіштері немесе тасымалдау ақуыздары болып табылатын дәрілік препараттарды бір мезгілде қолдану қан плазмасындағы аторвастатин концентрациясы деңгейінің жоғарылауына және миопатияның даму қаупінің артуына әкелуі мүмкін. Аторвастатинді фиброй қышқылының туындылары мен эзетимиб сияқты миопатияның дамуын тудыруы мүмкін басқа дәрілік препараттармен бір мезгілде қолданғанда да қауіп артуы мүмкін. CYP3A4 тежегіштері Күшті CYP3A4 тежегіштері аторвастатин концентрациясының айтарлықтай жоғарылауына әкелетіні көрсетілген (төмендегі 1 кестені және арнайы ақпаратты қараңыз). Күшті CYP3A4 тежегіштерін (мысалы, циклоспорин, телитромицин, кларитромицин, делавирдин, стирипентол, кетоконазол, вориконазол, итраконазол, позаконазол, HCV емдеуде қолданылатын кейбір вирусқа қарсы препараттарды (мысалы, элбасвир/гразопревир) және ритонавирді, лопинавир, атазанавир, индинавир, дарунавирді және т. б. қоса АИТВ протеаза тежегіштерін бір мезгілде қолдануды мүмкіндігінше болдырмау керек. Осы дәрілік препараттарды аторвастатинмен бір мезгілде қабылдау міндетті болған жағдайда, аторвастатиннің бастапқы және ең жоғары дозасын азайту керек, сондай-ақ, пациенттерге тиісті клиникалық мониторинг жүргізу ұсынылады (1 кестені қараңыз). Орташа CYP3A4 тежегіштері (мысалы, эритромицин, дилтиазем, верапамил және флуконазол) қан плазмасындағы аторвастатин концентрациясын жоғарылатуы мүмкін (1 кестені қараңыз). Миопатияның даму қаупінің жоғарылауы эритромицинді статиндермен бірге қолданғанда байқалды. Амиодаронның немесе верапамилдің аторвастатинге әсерін бағалаумен өзара әрекеттесу бойынша зерттеулер жүргізілген жоқ. Амиодарон мен верапамил CYP3A4 белсенділігін тежейтіні белгілі және оларды аторвастатинмен бір мезгілде қолдану аторвастатин әсерінің жоғарылауына әкелуі мүмкін. Сондықтан аторвастатиннің ең жоғары дозасын төмендету мүмкіндігін қарастырған жөн және орташа CYP3A4 тежегіштерімен бір мезгілде қолданғанда пациенттің тиісті клиникалық мониторингтеу ұсынылады. Емдеу басталғаннан кейін немесе тежегіштің дозасын түзеткеннен кейін тиісті клиникалық мониторинг жүргізу көрсетілген. CYP3A4 индукторлары Аторвастатинді цитохром Р4503А индукторларымен бір мезгілде қабылдау (мысалы, эфавирензбен, рифампицинмен, шайқураймен) плазмадағы аторвастатин концентрациясының өзгермелі төмендеуіне әкелуі мүмкін. Рифампициннің өзара әрекеттесуінің қосарлы механизміне байланысты (Р450 3А цитохромының индукциясы және гепатоциттердің қармауын қамтамасыз ететін ОАТР1В1 тасымалдаушы ақуызының тежелуі) аторвастатин мен рифампицинді бір мезгілде қолдану ұсынылады, себебі, рифампицин қабылдағаннан кейін аторвастатинді кейіннен қабылдау қан плазмасындағы аторвастатин концентрациясының айтарлықтай төмендеуімен байланысты болды. Алайда, рифампициннің гепатоциттердегі аторвастатин концентрациясына әсері анықталмаған, сондықтан бірге қабылдау міндетті түрде болса, емдеудің тиімділігін анықтау үшін пациенттерді мұқият бақылау қажет. Тасымалдаушылар тежегіштері Тасымалдау ақуыздарының тежегіштерін қолданған кезде аторвастатиннің жүйелік әсерінің жоғарылауы байқалуы мүмкін. Циклоспорин мен летермовир-аторвастатиннің жүйелік экспозициясының жоғарылауына әкелетін ОАТР1В1/1ВЗ, Р-гликопротеин тежегіштері және СБОРА сияқты аторвастатиннің шығарылуына қатысатын тасымалдаушылар тежегіштері болып табылады (1 кестені қараңыз). Бауыр қармауына қатысатын тасымалдаушылардың тежелу процесінің бауыр жасушаларындағы аторвастатин экспозициясына әсері белгісіз. Егер бір мезгілде қолдану міндетті түрде болса, тиімділікті бағалау мақсатында клиникалық бақылауды ұйымдастыру керек (1 кестені қараңыз). Летермовирді циклоспоринмен бірге қабылдайтын пациенттерде аторвастатинді қолдану ұсынылмайды. Гемфиброзил / фиброй қышқылының туындылары Фибраттармен монотерапия кезінде рабдомиолизді қоса бұлшықет бұзылыстарының сирек жағдайлары байқалады. Бұл құбылыстардың даму қаупі фиброй қышқылы туындылары мен аторвастатинді бір мезгілде қолданғанда артуы мүмкін. Егер қатар қабылдау міндетті түрде болса, емдік мақсатқа жету үшін аторвастатиннің ең төмен дозаларын тағайындау және пациенттерді тиісті түрде бақылау қажет. Эзетимиб Эзетимибпен монотерапияда рабдомиолизді қоса бұлшықет бұзылыстарының даму жағдайлары байқалады. Сондықтан эзетимиб пен аторвастатинді бір мезгілде қолданғанда бұл құбылыстардың даму қаупі артуы мүмкін. Мұндай пациенттерде тиісті клиникалық мониторинг жүргізу көрсетілген. Колестипол Аторвастатин мен оның плазмадағы белсенді метаболиттерінің концентрациясы колестипол мен аторвастатинді бір мезгілде қолданғанда төмен болды (аторвастатин концентрациясының қатынасы: 0,74). Алайда, аторвастатин мен колестипол препараттарының осы препараттармен монотерапия кезінде олардың деңгейімен салыстырғанда бір мезгілде қабылдағанда липидтер деңгейіне әсері жоғары болды. Фузид қышқылы Фузид қышқылы мен статиндерді жүйелі қолдану кезінде миопатияның, соның ішінде рабдомиолиздің даму қаупі жоғарылауы мүмкін. Бұл өзара әрекеттесудің механизмі (фармакодинамикалық, фармакокинетикалық немесе екі түрі болып-болмағанына қарамастан) әлі де белгісіз. Препараттарды бірге қабылдайтын пациенттерде рабдомиолиз (бірнеше өлім жағдайларын қоса) туралы хабарланды. Егер фузид қышқылымен емдеу қажет болса, фузид қышқылымен емдеудің барлық кезінде аторвастатинмен емдеу тоқтатылуы тиіс. Колхицин Аторвастатин мен колхициннің өзара әрекеттесуіне зерттеу жүргізілмегеніне қарамастан, аторвастатин мен колхицинді бір мезгілде қолданғанда миопатияның даму жағдайлары тіркелді. Аторвастатинді колхицинмен бірге тағайындағанда абай болу керек. Аторвастатиннің басқа дәрілік препараттарға әсері Дигоксин 10 мг дозада дигоксин мен аторвастатиннің бірнеше дозаларын бірге қолданған кезде дигоксиннің тепе-теңдік концентрациясы шамалы өсті. Дигоксин қабылдаған пациенттер тиісті бақылауда болуы тиіс. Пероральді контрацептивтер Аторвастатин мен пероральді контрацептивтерді бірге қолдану плазмадағы норэтиндрон мен этинилэстрадиол концентрациясының жоғарылауына әкеледі. Варфарин Ұзақ мерзімді варфарин емінен өткен пациенттердің қатысуымен жүргізілген клиникалық зерттеуде аторвастатинді варфаринмен тәулігіне 80 мг дозада бір мезгілде қабылдағанда аторвастатинмен 15 күн бойы қалыпты жағдайға оралған емдеудің алғашқы 4 күнінде протромбин уақытының шамалы төмендеуі байқалды (шамамен 1,7 секундқа). Клиникалық тұрғыдан маңызды антикоагулянттық өзара әрекеттесу жағдайлары өте сирек байқалғанына қарамастан, протромбин уақытын анықтау кумариндік антикоагулянттарды қабылдайтын пациенттерде аторвастатинді қолдануды бастамас бұрын жүргізілуі керек және осы көрсеткіштің елеулі өзгерісінің жоқтығын растау мақсатында емдеудің ерте сатысында жиі қайталануы керек. Протромбин уақытының құжатталған тұрақтануынан кейін оны кумариндік антикоагулянттармен емдеуде қабылданған аралықтармен бақылауды жалғастыруға болады. Аторвастатин дозасы өзгерген немесе оны қолдану тоқтаған болса, онда осы емшараны қайта жүргізу керек. Антикоагулянттарды қабылдамайтын пациенттерде аторвастатинмен ем жүргізу кезінде қан кету немесе протромбин уақытының өзгеру жағдайлары байқалмады. Балалар Дәрілік өзара әрекеттесуді зерттеу тек ересек пациенттердің қатысуымен жүргізілді. Бала пациенттердегі дәрілік өзара әрекеттесу дәрежесі белгісіз. Дәрілік өзара әрекеттесу туралы жоғарыда келтірілген мәліметтерді, сондай-ақ арнайы ескертулерді балалар жасындағы пациенттерде де ескеру қажет. Дәрілік өзара әрекеттесу 1 кесте. Бір мезгілде қолданылатын дәрілік препараттардың аторвастатин фармакокинетикасына әсері Бірге қабылданатын дәрілік препараттар және дозалау режимі — Аторвастатин Доза (мг) — AUC& өзгеру — Клиникалық ұсынымдар Глекапревир 400 мг тәулігіне 1 рет / пибрентасвир 120 мг тәулігіне 1 рет, 7 күн — 10 мг, тәулігіне 1 рет, 7 күн бойы — 8,3 — Құрамында глекапревир немесе пибрентасвир бар препараттармен бір мезгілде қолдануға болмайды. Типранавир 500 мг тәулігіне 2 рет /ритонавир 200 мг тәулігіне 2 рет, 8 күн (14-21 күндері) — 40 мг 1-ші күні, 10 мг 20-шы күні — 9,4 — Аторвастатинді қабылдаумен бір мезгілде емдеу қажет болған жағдайларда аторвастатиннің тәуліктік дозасы 10 мг аспауы тиіс. Бұл пациенттерде клиникалық мониторинг жүргізу ұсынылады Телапревир 750 мг әр 8 сағатта, 10 күн — 20 мг, бір реттік доза — 7,9 Циклоспорин 5,2 мг/кг/тәул., тұрақты доза — 10 мг тәулігіне 1 рет 28 күн бойы — 8,7 Лопинавир 400 мг тәулігіне 2 рет /ритонавир 100 мг тәулігіне 2 рет, 14 күн — 20 мг тәулігіне 1 рет 4 күн бойы — 5,9 — Аторвастатинді қабылдаумен бір мезгілде емдеуді жүргізу қажет болған жағдайларда аторвастатиннің демеуші дозаларын төмендету ұсынылады. Аторвастатинді 20 мг-ден асатын дозада қолданған кезде клиникалық мониторинг жүргізу көрсетілген. Кларитромицин 500 мг тәулігіне 2 рет, 9 күн — 80 мг тәулігіне 1 рет 8 күн бойы — 4,5 Саквинавир 400 мг тәулігіне 2 рет /ритонавир (300 мг 5-7-ші күнге дейін тәулігіне 2 рет, 8-ші күні 400 мг дейін көбейту тәулігіне 2 рет), 4-18 күндері аторвастатинді қабылдағаннан кейін 30 минут өткен соң — 40 мг тәулігіне 1 рет 4 күн бойы — 3,9 — Аторвастатинді қабылдаумен бір мезгілде емдеу қажет болған жағдайларда аторвастатиннің демеуші дозаларын төмендету ұсынылады. Аторвастатинді 40 мг-ден асатын дозада қолданған кезде клиникалық мониторинг жүргізу көрсетілген Дарунавир 300 мг тәулігіне 2 рет /ритонавир 100 мг тәулігіне 2 рет, 9 күн — 10 мг тәулігіне 1 рет 4 күн бойы — 3,4 Итраконазол 200 мг тәулігіне 1 рет, 4 күн — 40 мг, бір рет — 3,3 Фосампренавир 700 мг тәулігіне 2 рет /ритонавир 100 мг тәулігіне 2 рет, 14 күн — 10 мг тәулігіне 1 рет 4 күн бойы — 2,5 Фосампренавир 1400 мг тәулігіне 2 рет, 14 күн — 10 мг тәулігіне 1 рет 4 күн бойы — 2,3 Элбасвир 50 мг тәулігіне 1 рет / гразопревир 200 мг тәулігіне 1 рет, 13 күн — 10 мг, бір рет — 1,95 — Құрамында элбасвир немесе гразопревир бар препараттармен бір мезгілде қолдану кезеңінде аторвастатиннің дозасы тәуліктік дозадан 20 мг аспауға тиіс Летермовир 480 мг тәулігіне 1 рет, 10 күн — 20 мг, бір рет — 3,29 — Аторвастатин дозасы құрамында летермовир бар препараттармен бір мезгілде қолдану кезеңінде тәуліктік дозадан 20 мг аспауға тиіс Нельфинавир 1250 мг тәулігіне 2 рет, 14 күн — 10 мг тәулігіне 1 рет 28 күн бойы — 1,74 — Ерекше ұсынымдар жоқ Грейпфрут шырыны, 240 мл тәулігіне 1 рет * — 40 мг, бір рет — 1,37 — Аторвастатинді қабылдау аясында грейпфрут шырынын көп мөлшерде ішу ұсынылмайды Дилтиазем 240 мг тәулігіне 1 рет, 28 күн — 40 мг, бір рет — 1,51 — Дилтиазем қабылдау басталғаннан кейін немесе оның дозасын түзеткеннен кейін тиісті клиникалық мониторинг жүргізу көрсетілген. Эритромицин 500 мг тәулігіне 4 рет, 7 күн — 10 мг, бір рет — 1,33 — Бұл пациенттерде ең төменгі доза, сондай-ақ клиникалық мониторинг жүргізу ұсынылады Амлодипин 10 мг, бір рет — 80 мг, бір рет — 1,18 — Ерекше ұсынымдар жоқ Циметидин 300 мг тәулігіне 4 рет, 2 апта — 10 мг тәулігіне 1 рет 2 апта бойы — 1,0 — Ерекше ұсынымдар жоқ Колестипол 10 г тәулігіне 2 рет, 24 апта — 40 мг тәулігіне 1 рет 8 апта бойы — 0,74** — Ерекше ұсынымдар жоқ Магний және алюминий гидроксидтері бар суспензия түріндегі антацидтік препарат, 30 мл тәулігіне 4 рет, 17 күн — 10 мг тәулігіне 1 рет 15 күн бойы — 0,66 — Ерекше ұсынымдар жоқ Эфавиренц 600 мг тәулігіне 1 рет, 14 күн — 10 мг 3 күн бойы — 0,59 — Ерекше ұсынымдар жоқ Рифампин 600 мг тәулігіне 1 рет, 7 күн (қатар жүретін емдеу) — 40 мг, бір рет — 1,12 — Егер бір мезгілде қолдану міндетті түрде болса, аторвастатин мен рифампинді бір мезгілде қолдану және пациенттің жағдайына клиникалық мониторинг жүргізу ұсынылады Рифампин 600 мг тәулігіне 1 рет, 5 күн (қатар жүретін емдеу) — 40 мг, бір рет — 0,20 Гемфиброзил 600 мг тәулігіне 2 рет, 7 күн — 40 мг, бір рет — 1,35 — Бұл пациенттерде бастапқы дозаны төмендету және клиникалық мониторинг жүргізу ұсынылады Фенофибрат 160 мг тәулігіне 1 рет, 7 күн — 40 мг, бір рет — 1,03 — Бұл пациенттерде бастапқы дозаны төмендету және клиникалық мониторинг жүргізу ұсынылады Боцепревир 800 мг тәулігіне 3 рет, 7 күн — 40 мг, бір рет — 2,3 — Бұл пациенттерде бастапқы дозаны төмендету және клиникалық мониторинг жүргізу көрсетілген. Боцепревирмен бір мезгілде қолданғанда аторвастатиннің тәуліктік дозасы 20 мг аспауы тиіс & & Емдеу түрлерінің арақатынасын білдіреді (тек аторвастатинді қабылдаумен салыстырғанда препарат пен аторвастатинді бірге қолдану). # Клиникалық маңыздылығы туралы ақпарат. * Құрамында осы ферменттің әсерінен метаболизмдік өзгерістерге ұшырайтын дәрілік препараттардың қан плазмасындағы концентрациясын арттыруы мүмкін CYP3A4 белсенділігін тежейтін бір немесе бірнеше компоненттер бар. Бір стақан грейпфрут шырынын (240 мл) ішу сонымен қатар орто-гидроксилденген белсенді метаболиттің AUC 20,4% төмендеуіне әкелді. Грейпфрут шырынын едәуір мөлшерде ішу (5 күн ішінде күніне 1,2 л-ден астам) аторвастатиннің AUC 2,5 есе және белсенді қосылыстардың (аторвастатин және оның метаболиттері) AUC 1,3 есе жоғарылауына әкелді. ** Қатынас мәні дозаны қабылдағаннан кейін 8-16 сағаттан кейін алынған бір үлгіні талдау кезінде алынған деректерге негізделген. 2 кесте. Аторвастатиннің бір мезгілде қабылданатын дәрілік препараттардың фармакокинетикасына әсері Аторвастатин және дозалау режимі — Бірге қабылданатын дәрілік препарат Дәрілік препарат/доза (мг) — AUC& өзгеру — Клиникалық ұсынымдар 80 мг тәулігіне 1 рет 10 күн бойы — Дигоксин 0,25 мг тәулігіне 1 рет, 20 күн — 1,15 — Дигоксинді қабылдайтын пациенттерге тиісті мониторинг жүргізілуі тиіс 40 мг тәулігіне 1 рет 22 күн бойы — Пероральді контрацептивтер тәулігіне 1 рет, 2 ай - норэтиндрон 1 мг - этинилэстрадиол 35 мкг — 1,28 1,19 — Ерекше ұсынымдар жоқ 80 мг тәулігіне 1 рет 15 күн бойы — *Феназон, 600 мг тәулігіне 1 рет — 1,03 — Ерекше ұсынымдар жоқ 10 мг, бір рет — Типранавир 500 мг тәулігіне 2 рет / ритонавир 200 мг тәулігіне 2 рет, 7 күн — 1,08 — Ерекше ұсынымдар жоқ 10 мг, тәулігіне 1 рет 4 күн бойы — Фосампренавир 1400 мг тәулігіне 2 рет, 14 күн — 0,73 — Ерекше ұсынымдар жоқ 10 мг, тәулігіне 1 рет 4 күн бойы — Фосампренавир 700 мг тәулігіне 2 рет / ритонавир 100 мг тәулігіне 2 рет, 14 күн — 0,99 — Ерекше ұсынымдар жоқ & Емдеу түрлерінің арақатынасын білдіреді (тек аторвастатинмен салыстырғанда препарат пен аторвастатинді бірге қолдану). * Аторвастатин мен феназонды бір мезгілде бірнеше рет қолдану іс жүзінде феназон клиренсіне әсер етпеді немесе аз әсер етті. Басқа дәрілік препараттармен қатар емдеу Рабдомиолиз қаупі аторвастатинді қан плазмасындағы аторвастатин концентрациясын жоғарылатуы мүмкін кейбір дәрілік препараттармен мысалы, күшті CYP3A4 тежегіштері немесе тасымалдау ақуыздарымен (мысалы, циклоспорин, телитромицин, кларитромицин, делавирдин, стирипентол, кетоконазол, вориконазол, итраконазол, позаконазол, летермовир және АИТВ протеаза тежегіштері, соның ішінде ритонавир, лопинавир, атазанавир, индинавир, дарунавир, типранавир/ритонавир және т. б.) бір мезгілде қабылдағанда жоғарылайды. Миопатия қаупі гемфиброзилмен және фиброй қышқылының басқа туындыларымен, С гепатитін (HCV) емдеу үшін қолданылатын вирусқа қарсы препараттармен (мысалы, боцепревир, телапревир, элбасвир/гразопревир, ледипасвир/софосбувир), эритромицинмен, никотин қышқылымен немесе эзетимибпен бір мезгілде қолданғанда да артуы мүмкін. Мүмкіндігінше, осы дәрілік препараттардың орнына дәрілік өзара әрекеттеспейтін балама препараттарды тағайындау ұсынылады. Аторвастатинді жоғарыда аталған препараттармен бір мезгілде қолдану қажет болған жағдайда, бір мезгілде қолдану кезінде пайда мен қауіптің арақатынасын мұқият бағалау қажет. Егер пациенттер қан плазмасындағы аторвастатин концентрациясын жоғарылататын дәрілік препараттарды қабылдайтын болса, аторвастатиннің ең төменгі дозасын қолдану ұсынылады. Күшті CYP3A4 тежегіштерін қолданған жағдайда аторвастатиннің бастапқы дозасын аз қолдану және осы пациенттерде тиісті клиникалық мониторингі жүргізу туралы сұрақты қарастыру керек. Аторвастатинді жүйелі әсер ететін фузид қышқылы препараттарымен бір мезгілде немесе фузид қышқылымен емдеуді тоқтатқаннан кейін 7 күн ішінде қолдануға болмайды. Фузид қышқылын жүйелі қолдану міндетті болып табылатын пациенттерде статинмен емдеуді фузид қышқылымен емдеудің барлық кезеңінде тоқтату керек. Фузид қышқылы мен статиндерді бірге қабылдаған пациенттерде рабдомиолиздің дамуы (соның ішінде өліммен аяқталатын) туралы хабарланды. Пациенттерге бұлшықет әлсіздігінің симптомдарын, тиген кезде ауыруды немесе ауырсынуды сезінетін болса, дереу медициналық көмекке жүгіну қажеттілігі туралы хабарлау керек. Статиндермен емдеуді фузид қышқылының соңғы дозасын қабылдағаннан кейін 7 күннен кейін қайта бастауға болады. Фузид қышқылын мысалы, ауыр инфекцияларды емдеу үшін, ұзақ уақыт жүйелі түрде енгізу қажет болған ерекше жағдайларда, аторвастатин мен фузид қышқылын бірлесіп қабылдау қажеттілігі әр нақты жағдайда және мұқият медициналық бақылауда қарастырылуы керек. Өкпенің интерстициялық ауруы Кейбір статиндерді қолданғанда, әсіресе ұзақ мерзімді емдеуде өкпенің интерстициялық ауруының дамуының оқшауланған жағдайлары туралы хабарланды. Симптомдарға ентігу, қақырықсыз жөтел және жалпы дімкәстік (шаршау, дене салмағының төмендеуі және қызба) кіруі мүмкін. Пациентте өкпенің интерстициялық ауруының дамуына күдік болса, статинмен емдеуді тоқтату керек. Қант диабеті Кейбір деректер статиндердің препараттар класы ретінде қандағы глюкоза деңгейін жоғарылатуы мүмкін екенін көрсетеді, ал диабеттің даму қаупі жоғары кейбір пациенттерде гипергликемия диабет емін тағайындау орынды болатын дәрежеге дейін жетуі мүмкін. Алайда, бұл қауіп статиндерді қабылдау кезінде қан тамырлары ауруларының даму қаупінің төмендеуімен теңестіріледі, сондықтан ол статиндермен емді тоқтатуға себеп болмауы тиіс. Қауіп тобына жататын пациенттерді мониторингтеу (аш қарынға глюкоза деңгейі 5,6-6,9 ммоль / л, ДСИ>30 кг / м, триглицерид деңгейінің жоғарылауы, артериялық гипертензия) ұлттық ұсыныстарға сәйкес бақылаудың клиникалық және биохимиялық әдістерімен жүргізілуі тиіс. Миастения гравис Аторвастатин препаратын қолданар алдында, сізде миастения болса немесе болған болса (кейбір жағдайларда тыныс алуға қатысатын бұлшықеттерді қоса, жалпы бұлшықет әлсіздігімен болатын ауру) немесе көз миастениясы (көз бұлшықеттерінің әлсіздігін тудыратын ауру) болса, емдеуші дәрігермен немесе дәріхана қызметкерімен кеңесіңіз, себебі, статиндер кейде жағдайды нашарлатуы немесе миастенияға әкелуі мүмкін («ДП стандартты қолдану кезінде пайда болатын жағымсыз реакциялардың сипаттамасы және бұл жағдайда қабылданатын шаралар» бөлімін қараңыз). Қосымша заттар Аторвастатин құрамында лактоза моногидраты бар. Сирек кездесетін тұқым қуалайтын галактоза жақпаушылығы, лопар лактаза тапшылығы немесе глюкоза-галактоза мальабсорбциясы бар пациенттерге бұл препаратты қабылдамау керек. Бұл дәрілік препараттың құрамында 1 ммольден аз натрий (23 мг) бар, яғни құрамында натрий жоқ дерлік. Пациенттердің арнайы топтары Педиатрияда қолдану Аторвастатин 10 жасқа толмаған пациенттерді емдеу үшін көрсетілмеген.

Сақтау мерзімі 2 жыл. Жарамдылық мерзімі өткеннен кейін қолдануға болмайды. Сақтау шарттары Ылғалдан және жарықтан қорғалған жерде, 25°С-ден аспайтын температурада сақтау керек. Балалардың қолы жетпейтін жерде сақтау керек.