АТОРВАСТАТИН-САНТО® таблетки 40 мг

Бір таблетканың құрамында белсенді зат - кальций аторвастатині 10.84 мг 21.68 мг 43.36 мг (аторвастатинге шаққанда) (10.000) (20.000) (40.000) қосымша заттар: микрокристалды целлюлоза, сусыз лактоза, натрий кроскармеллозасы, натрий лаурилсульфаты, магний стеараты қабықтың құрамы: Опадрай® ақ (гипромеллоза, титанның қостотығы (E171), полиэтиленгликоль/макрогол) Сыртқы түрінің, иісінің, дәмінің сипаттамасы Ақ немесе ақ дерлік түсті қабықпен қапталған, екі беті дөңес сопақша пішінді таблеткалар (10 мг доза үшін). Ақ немесе ақ дерлік түсті қабықпен қапталған, екі беті дөңес дөңгелек пішінді, бір жағында сызығы бар таблеткалар (20 мг доза үшін). Ақ немесе ақ дерлік түсті қабықпен қапталған, екі беті дөңес сопақша пішінді, бір жағында сызығы бар таблеткалар (40 мг доза үшін).

• бастапқы гиперхолестеринемиясы бар, оның ішінде тұқым қуалайтын (гетерозиготалық) гиперхолестеринемиясы немесе біріктірілген (аралас) гиперлипидемиясы (Фредриксон жіктемесі бойынша IIa және IIb түрлеріне сәйкес келеді) бар, ересектердегі, жасөспірімдер мен 10 жастан асқан балалардағы жалпы холестерин (ЖХс), тығыздығы төмен липопротеидтер холестерині (Хс-ТТЛП), В аполипопротеині мен триглицеридтердің жоғары деңгейін төмендету үшін диетаға қосымша, диета және басқа да дәрі-дәрмектік емес шаралар жеткілікті әсер етпеген кезде. • емдеудің басқа әдістеріне қосымша ретінде (мысалы, ТТЛП аферезі), немесе басқа әдістерді қолдану мүмкін болмаған жағдайларда гомозиготалық тұқым қуалайтын гиперхолестеринемиясы бар ересектерде жалпы холестерин (ЖХс) және ТТЛП холестерин (Хс-ТТЛП) деңгейін төмендету үшін. Жүрек-қантамырлық бұзылулардың профилактикасы Бастапқы жүрек-қантамыр оқиғасының жоғары қаупі бар ересек пациенттерде жүрек-қантамырлық бұзылулардың профилактикасы, басқа қауіп факторларын түзету аясында қосымша шара ретінде.

АТОРВАСТАТИН-САНТО- ГМГ-КоА-редуктазаның – 3-гидрокси-3-метилглутарил-КоА-ны мевалон қышқылына – холестеринді қоса, стероидтардың ізашарына айналдыратын негізгі ферменттің селективті бәсекелес тежегіші. Триглицеридтер мен бауыр холестерині тығыздығы өте төмен липопротеидтердің (ТӨТЛП) құрамына кіреді, қан плазмасына түседі және шеткері тіндерге тасымалданады. ТӨТЛП-дан тығыздығы төмен липопротеидтер (ТТЛП) түзіледі, олар ТТЛП-ға жоғары аффинитеті бар рецепторлармен өзара әрекеттескен кезде катаболизденеді. АТОРВАСТАТИН-САНТО ГМГ-КоА-редуктазаны және одан әрі бауырдағы холестерин биосинтезін тежеу арқылы плазмадағы холестерин мен қан сарысуындағы липопротеиндердің деңгейін төмендетеді, сондай-ақ Хс-ТТЛП-ның қармалуы мен катаболизмін күшейте отырып, жасушалар бетіндегі ТТЛП бауыр рецепторларының санын арттырады. АТОРВАСТАТИН-САНТО ТТЛП бөлшектерінің концентрациясы мен мөлшерін төмендетеді. АТОРВАСТАТИН-САНТО ТТЛП айналымдағы бөлшектер сапасының жағымды өзгерістерімен үйлесімде ТТЛП рецепторлары белсенділігінің айқын және тұрақты жоғарылауын тудырады. АТОРВАСТАТИН-САНТО басқа гиполипидемиялық дәрілермен емдеуге төзімді гомозиготалық тұқым қуалайтын гиперхолестеринемиясы бар науқастардың Хс-ТТЛП деңгейін тиімді (20%-ға дейін) төмендетеді. АТОРВАСТАТИН-САНТО гетерозиготалы және гомозиготалы отбасылық гиперхолестеринемиясы бар, гиперхолестеринемияның тұқым қуаламайтын түрлері, аралас гиперлипидемиясы бар пациенттерде, сондай-ақ инсулинге тәуелді емес қант диабеті бар пациенттерде жалпы холестерин концентрациясын 30-46%-ға, ТТЛП холестеринін 41-61% - ға, аполлипопротеин В 34-50%-ға, триглицеридтерді 14-33%-ға және ТӨТЛП төмендетеді. Жалпы холестерин, ТТЛП холестерин және аполлипопротеин В деңгейінің төмендеуі жүрек-қантамыр ауруларының даму қаупін және өліммен аяқталу қаупін төмендетеді. Гомозиготалы отбасылық гиперхолестеринемия Ауыспалы ұзақтықтың ықтимал қосымша фазасы болуы мүмкін "жанашырлық танытып емдеу» (compassionate use) емшарасын пайдалана отырып жүргізілген көп орталықты, 8 апталық ашық зерттеу 335 пациентті қамтыды, оның ішінде 89 пациент гомозиготалы отбасылық гиперхолестеринемиясы бар топқа жатқызылды. 89 пациентте ТТЛП холестерин деңгейінің орташа пайыздық төмендеуі шамамен 20% құрады. Аторвастатинді тәулігіне 80 мг дейінгі дозада енгізді. Атеросклероз REVERSAL зерттеуінде (ағылш.Reversing Atherosclerosis with Aggressive Lipid-Lowering Study) 40 мг дозадағы правастатинмен стандартты гиполипидемиялық емдеумен салыстырғанда 80 мг дозадағы аторвастатинмен қарқынды гиполипидемиялық емдеудің коронарлық атеросклероз динамикасына тигізетін әсері ангиография жүргізу кезінде коронарлық ауруы бар пациенттерде тамырішілік УДЗ көмегімен бағаланды. Бұл көпорталықты рандомизацияланған салыстырмалы жасырын плацебо-бақыланатын клиникалық зерттеуде тамырішілік УДЗ бастапқыда және 18 ай емдеуден кейін 502 пациентте жасалды. Аторвастатинмен (n=253) емделген топта атеросклероздық зақымданудың үдеуі байқалған жоқ. Атерома көлемінің пайыздық өзгерісінің медианасы бастапқы мәнге қатысты (зерттеудің негізгі соңғы нүктесі) аторвастатинмен емделген топта 0,4% (p=0,98) және правастатинді (n=249) қолдану барысында 2,7% (p=0,001) құрады. Аторвастатиннің тиімділігі правастатиннің әсерімен салыстырылғанда, айырмашылық статистикалық маңызды болып шықты (p=0,02). Бұл зерттеуде қарқынды гиполипидемиялық емдеудің соңғы нүктелерге (реваскуляризация жүргізу, өлімге әкелмейтін миокард инфарктісі, кенеттен коронарлық өлім сияқты) әсері талданбаған. Аторвастатинмен емделген топта ТТЛП холестерин концентрациясы орта есеппен 3,89 ± 0,7 ммоль/л (150 ± 28 мг/дл) құрайтын бастапқы мәннен 2,04 ± 0,8 ммоль/л (78,9 ± 30 мг/дл) орташа мәнге дейін, ал правастатинмен емделген топта – 3,89 ± 0,7 ммоль/л (150 ± 26 мг/дл) құрайтын бастапқы мәннен 0,7 ммоль/л (110 ± 26 мг/дл) (p<0,0001) орташа мәнге дейін төмендеді. Аторвастатин жалпы холестерин концентрациясының статистикалық мәнінің 34,1%-ға (правастатин 18,4% - ға, р<0,0001), триглицеридтердің орташа концентрациясының 20% - ға (правастатин 6,8% - ға, р<0,0009) және аполлипопротеин В-ның орташа концентрациясының 39,1% - ға (правастатин 22,0% - ға, p<0,0001) төмендеуіне әкелді. Аторвастатинді қабылдау аясында ТЖЛП холестеринінің орташа деңгейі 2,9% - ға артты (правастатин 5,6% - ға арттырды, айырмашылықтардың сенімділігі төмен болды). Аторвастатинмен емделген топта С-реактивті ақуыз деңгейінің 36,4% - ға төмендегені байқалды, ал правастатинді қабылдау аясында азаю орта есеппен 5,2% (p<0,0001) болды. Сипатталған нәтижелер 80 мг дозамен емделгеннен кейін алынғандықтан, оларды аз дозаға экстраполяциялауға болмайды. Екі препараттың қауіпсіздік және төзімділік бейіні салыстырмалы болды. Бұл зерттеуде бастапқы ақырғы нүктелерге қарқынды гиполипидемиялық емдеудің әсері талданбады. Сондықтан жүрек-қантамыр жағдайларының біріншілік және екіншілік профилактикасын ескере отырып, осы нәтижелердің клиникалық маңызы белгісіз. Жедел коронарлық синдром MIRACL зерттеуінде жедел коронарлық синдромы бар (Q тісшесінсіз миокард инфарктісі, тұрақсыз стенокардия) 3086 пациентте (аторвастатин: n=1538; плацебо: n=1548) 80 мг дозадағы аторвастатиннің тиімділігі зерттелді. Емдеу ауруханаға қабылдағаннан кейін жедел фазада басталды және пациенттерді 16 апта бойы бақылады. Тәулігіне 80 мг дозада аторвастатинді енгізу жиынтық соңғы нүктеге (өлім (себептерге қарамастан), өлімге әкелмейтін миокард инфарктісі, табысты реанимациялық іс-шаралармен жүректің тоқтауы немесе ауруханаға жатқызуды талап ететін миокард ишемиясымен бірге байқалатын стенокардия) қол жеткізу уақытын ұзартқан, бұл қатердің 16% - ға (р=0,048) азаюын көрсетті. Бұл әсерге миокард ишемиясымен (p=0,018) қатар жүретін стенокардияға байланысты қайта емдеуге жатқызу жиілігінің 26% - ға төмендегені ықпал етті. Барлық екіншілік ақырғы нүктелер жағдайында статистикалық маңызды деңгейге қол жеткізілмеген (барлығы – плацебо: 22,2%, аторвастатин : 22,4%). MIRACL зерттеуінде аторвастатинді қолданудың қауіпсіздік бейіні 4.8 бөлімінде сипатталғанға ұқсас болды. Жүрек-қантамырлық бұзылулардың профилактикасы Аторвастатиннің өлімге әкелетін және өліммен аяқталмайтын инсультқа әсері ASCOT-LLA (ағылш. Anglo-Scandinavian Cardiac Outcomes Trial Lipid Lowering Arm) салыстырмалы жасырын сынамамен жүргізілетін рандомизацияланған плацебо-бақыланатын зерттеуде бағаланды. Зерттеуге артериялық гипертониясы бар 40-79 жастағы және жалпы холестерин концентрациясы ≤ 6,5 ммоль/л (251 мг/дл) құрайтын анамнезінде миокард инфарктісі жоқ және стенокардиясы емделмеген пациенттер қатысты. Барлық пациенттерде кем дегенде жүрек-қантамырдың 3 қауіп факторы байқалды: ер жынысты, жасы 55 және одан үлкен, темекі шегеді, отбасылық анамнезінде туыстары бірінші дәрежелі коронарлық аурулармен ауырады, жалпы ХС ТЖЛП-ға қатынасы > 6, шеткері артериялардың аурулары, сол жақ қарыншаның гипертрофиясы, анамнездегі инсульт, ЭКГ-дағы өзіне тән өзгерістер, протеинурия немесе микроальбуминурия. Зерттеуге кірген пациенттердің барлығында бірінші жүрек-қантамыр оқиғасының қаупі жоғары деп бағаланбады. Пациенттер гипертензияға қарсы препараттарды (амлодипинге немесе атенололға негізделген сызба бойынша) және аторвастатинді тәулігіне 10 мг дозада (n=5168) немесе плацебо (n=5137) қабылдады. 3 кесте. Аторвастатинді қолдану аясында абсолюттік және салыстырмалы қауіптің төмендеу дәрежесі былайша ұсынылған: Оқиға — Салыстырмалы қауіптің азаюы — Оқиғалар саны (аторвастатин плацебоға қарсы) — Абсолюттік қауіптің азаюы 1 — р мәні Өліммен аяқталатын ЖИА және өліммен аяқталмайтын МИ — 36% — 100 vs 154 — 1,1% — 0,0005 Барлық жүрек-қантамыр оқиғалары және реваскуляризация бойынша араласу — 20% — 389 vs 483 — 1,9% — 0,0008 Барлық коронарлық нәтижелер — 29% — 178 vs 247 — 1,4% — 0,0006 1 Бақылау кезеңіндегі оқиғалар жиілігінің айырмашылығын негізге ала отырып, оның уақыт медианасы 3,3 жыл құрады. ЖИА-жүректің ишемиялық ауруы, МИ-миокард инфарктісі Жалпы өлім-жітім және жүрек-қантамырлық өлім-жітім айтарлықтай азайған жоқ (жалпы өлім-жітім: аторвастатинмен емделген топтағы 185 өлім және плацебо тобындағы 212 өлім, p=0,17; жүрек-қантамырлық өлім: аторвастатинмен емделген топтағы 74 өлім және плацебо тобындағы 82 өлім, p=0,51). Жынысына байланысты кіші топтарда (ерлердің 81%-ы, әйелдердің 19%-ы) ерлерде аторвастатиннің оң әсері байқалды, бірақ әйелдерде емес – әйелдер кіші топтарындағы жағдайлардың төмен жиілігіне байланысты болуы мүмкін. Жалпы өлім-жітім мен жүрек-қантамырлық өлім-жітім сандық деректер бойынша әйелдерде жоғары болғанымен (жалпы өлім-жітім: аторвастатинмен емделген топта 38 және плацебо тобында 30 өлім; жүрек-қантамырлық өлім-жітім: аторвастатинмен емделген топта 17 өлім және плацебо тобында 12 өлім) айырмашылықтар статистикалық маңызды болған жоқ. Емдеу тиімділігі мен қолданылатын гипертензияға қарсы препараттың айтарлықтай тәуелділігі байқалды. Бастапқы ақырғы нүкте қаупінің төмендеуі (өліммен аяқталатын ЖИА және өліммен аяқталмайтын МИ) амлодипинмен [HR 0,47 (0,32-0,69), p=0,00008] ем қабылдаған пациенттерге аторвастатинді қолдану нәтижесінде туындады, бұл атенолололмен [HR 0,83 (0,59-1,17), p=0,287] емделген пациенттерде байқалған жоқ. Аторвастатиннің өліммен аяқталатын және өліммен аяқталмайтын жүрек-қантамыр ауруларына әсері CARDS (ағылш.Collaborative Atorvastatin Diabetes Study) зерттеуінде де зерделенді, ол 2-типтегі қант диабеті бар, 40-75 жастағы, анамнезінде жүрек-қантамыр ауруларымен ауырмаған және ТТЛП холестерин деңгейі ≤ 4,14 ммоль/л (≤ 160 мг/дл) және триглицерид концентрациясы ≤ 6,78 ммоль/л (≤ 600 мг/дл) құрайтын пациенттерге жасырын салыстырмалы сынаманы қолдана отырып, рандомизацияланған көп орталықты, плацебо-бақыланатын зерттеу болды. Барлық пациенттерде кем дегенде бір қауіп факторы болды: артериялық гипертония, темекі шегу, ретинопатия, микроальбуминурия немесе макроальбуминурия. Пациенттер аторвастатинді тәулігіне 10 мг дозадан (n=1428) немесе бақылау кезеңі ішінде плацебо (n=1410) қабылдады, оның уақыт медианасы 3,9 жылды құрады. 4 кесте. Аторвастатинді қолдану аясында абсолюттік және салыстырмалы қауіптің төмендеу дәрежесі былайша ұсынылған: Оқиға — Салыстырмалы қауіптің азаюы — Оқиғалар саны (аторвастатин плацебоға қарсы) — Абсолюттік қауіптің азаюы 1 — р мәні Жүрек-қантамыр оқиғасы (миокардтың өліммен аяқталатын немесе өліммен аяқталмайтын миокард инфарктісі, симптомсыз миокард инфарктісі, коронарлық өлім, тұрақсыз стенокардия, СABG, PTCA, реваскуляризация, инсульт) — 37% — 83 vs 127 — 3,2% — 0,0010 Миокард инфарктісі (өліммен аяқталатын немесе өліммен аяқталмайтын, симптомсыз ИМ) — 42% — 38 vs 64 — 1,9% — 0,0070 Инсульт (өліммен аяқталатын немесе өліммен аяқталмайтын) — 48% — 21 vs 39 — 1,3% — 0,0163 1 Бақылау кезеңіндегі жағдайлар жиілігінің айырмашылығын негізге ала отырып, оның уақыт медианасы 3,9 жыл құрады. CABG = аорта-коронарлық шунттау, PTCA = тері арқылы транслюминалдық коронарлық ангиопластика. Жынысына, жасына және ТТЛП ХС бастапқы деңгейіне байланысты емдеу тиімділігінің айырмашылықтары байқалмады. Өлім-жітім көрсеткішін есепке алу кезінде оң үрдіс байқалды (плацебо тобындағы 82 өліммен аяқталу және аторвастатинмен емделген топтағы 61 өліммен аяқталу, p=0,0592). Қайталанған инсульт Stroke Prevention by Aggressive Reduction in Cholesterol Levels (SPARCL) зерттеуінде аторвастатиннің тәулігіне 80 мг дозадағы немесе плацебоның алдыңғы 6 айда инсульт немесе транзиторлық ишемиялық шабуылды (TIA) жақында өткерген және ЖИА-ға шалдықпаған 4731 пациентте инсульттің дамуына тигізген әсерін бағалады. Пациенттердің 60% - ы 21-92 жастағы ер адамдар болды, (орташа жасы: 63 жас). ТТЛП-ның орташа бастапқы деңгейі 133 мг/дл (3,4 ммоль/л) құрады. Аторвастатинмен емдеу аясында ХС ТТЛП орташа деңгейі 73 мг/дл (1,9 ммоль/л) және плацебо қолдану кезеңінде 129 мг/дл (3,3 ммоль/л) құрады. Бақылау кезеңінің медианасы 4,9 жылды құрады. 80 мг дозада аторвастатинді қабылдау плацебомен салыстырғанда негізгі ақырғы нүкте (өліммен аяқталатын немесе өліммен аяқталмайтын инсульт) қаупінің 15%-ға (бастапқы факторларды ескере отырып, түзетуден кейін HR 0,85; 95% CI, 0,72-1,00; p=0,05 немесе 0,84; 95% CI, 0,71-0,99; p=0,03) төмендеуіне әкелді. Плацебо тобындағы 8,9% (211/2366) салыстырғанда аторвастатинмен емдеу аясында өлім-жітім (барлық себептер бойынша) 9,1% (216/2365) құрады. Post hoc талдауы аторвастатинді 80 мг дозада қолдану ишемиялық инсульт жиілігінің (218/2365, 9,2% салыстырмалы 274/2366, 11,6%, p=0,01) азайғанын және плацебомен салыстырғанда геморрагиялық инсульт жиілігінің (55/2365, 2,3% салыстырмалы 33/2366, 1,4%, p=0,02) артқанын көрсетті. • Зерттеуге қосу сәтінде инсульті бар пациенттер арасында геморрагиялық инсульт қаупінің жоғарылағаны байқалды (плацебо тобындағы 2/48-ге қатысты аторвастатинмен емдеу аясында 7/45; HR 4,06; 95% CI, 0,84-19,57), бұл ретте екі топта да ишемиялық инсульт қаупі байқалды (плацебо тобы үшін 2/48 салыстырғанда аторвастатин тобы үшін 3/45; HR 1,64; 95% CI, 95% CI, 0,279,82). • Зерттеуге қосу сәтінде инсульті бар пациенттер арасында геморрагиялық инсульт қаупінің жоғарылағаны байқалды (плацебо тобында 4/701-ге қатысты аторвастатинмен емдеу аясында 20/708; HR 4,99; 95% CI, 1,71-14,61), сондай-ақ бұл адамдарда ишемиялық инсульт қаупінің төмендегені байқалды (плацебо тобы үшін 102/701 салыстырғанда аторвастатин тобы үшін 79/708; HR 0,76; HR 0,76; HR 0,76; HR 0,76; 95% ci, 0,57 -1,02). Лакунарлық инсульті бар пациенттерге тәулігіне 80 мг дозада аторвастатинді қолдану фонында "нетто" инсульт қаупінің артуы байқалуы мүмкін. Геморрагиялық инсультті бастан өткерген пациенттердің қосалқы тобында плацебо тобындағы 10,4% (5/48) салыстырғанда аторвастатинмен емделген топта жалпы өлім-жітім 15,6% (7/45) құрады. Лактунарлық инсультке шалдыққан пациенттердің қосалқы тобында барлық себептер бойынша өлім-жітім плацебо тобындағы 9,1% (64/701) салыстырғанда аторвастатинмен емдлген топта 10,9% (77/708) құрады. Балалар 6 жастан 17 жасқа дейінгі пациенттердегі гетерозиготалы отбасылық гиперхолестеринемия (ГеОГХС) Аторвастатиннің фармакокинетикалық және фармакодинамикалық қасиеттерін, сондай-ақ қауіпсіздігі мен төзімділігін ашық 8 апталық зерттеу генетикалық расталған гетерозиготалы отбасылық гиперхолестеринемиясы және бастапқы деңгейде Хс-ТТЛП концентрациясы ≥ 4 ммоль/л құрайтын балалар мен жасөспірімдердің қатысуымен жүргізілді. Жалпы алғанда зерттеуге 6-дан 17 жасқа дейінгі 39 бала мен жасөспірім қатысты. А тобына 6 жастан 12 жасқа дейінгі 15 бала кірді (Таннер бойынша 1 кезең). В тобы 10-нан 17 жасқа дейінгі 24 баладан құралған (Таннер бойынша ≥ 2 кезең). А тобында аторвастатиннің шайнайтын таблетка түріндегі бастапқы тәуліктік дозасы 5 мг, ал В тобында - 10 мг (таблетка түрінде) құрады. Егер «4 апта» уақыт белгісінде Хс-ТТЛП < 3,35 ммоль/л деңгейінің мақсатты көрсеткішіне қол жеткізілмеген болса, зерттеу шарттарымен аторвастатинді жақсы көтеру жағдайында дозаны екі есе арттыруға рұқсат берілді. «2 апта» уақыт белгісінде барлық зерттеу субъектілерінде Хс-ТТЛП, жалпы Хс және аполлипопротеин В орташа көрсеткіштерінің төмендегені байқалды. Екі еселенген дозаны қабылдаған пациенттерде қосымша төмендеу дозаны арттырғаннан кейін бастапқы бағалауды жүргізу кезінде 2 аптадан кейін байқалды. Липидтер көрсеткіштерінің пайыздық орташа төмендеуі бастапқы дозаны қабылдауды жалғастырғанына немесе екі еселенген дозаны қабылдағанына қарамастан екі топта да ұқсас болды. 8 Апта уақыт белгісінде бастапқы мәндерден Хс-ТТЛП және жалпы Хс деңгейлерінің өзгеруі дозаға қарамастан, тиісінше 40% және 30% құрады. Екінші ашық зерттеуге үш жыл бойы аторвастатин қабылдаған 6 мен 15 жас аралығындағы ГеОГХС бар екі жыныстағы 271 бала қатысты. Зерттеуге қатыстыру үшін расталған ГеОГХС диагнозы және ТТЛП-Хс бастапқы деңгейі≥ 4 ммоль/л (шамамен 152 мг/дл) қажет болды. Зерттеуге Таннер бойынша 1 даму сатысындағы 139 бала (әдетте 6 жастан 10 жасқа дейін) қатысты. Аторвастатиннің дозасы (күніне бір рет) 10 жасқа дейінгі балаларға 5 мг (шайнайтын таблетка) басталды. 10 жастан асқан балаларға аторвастатинмен емдеу 10 мг дозада басталды (күніне бір рет). Барлық балаларға ТТЛП-Хс <3,35 ммоль/л мақсатты деңгейіне жеткенше дозаны арттыруға болатын болды. 6 мен 9 жас аралығындағы балалар үшін орташа өлшенген доза 19,6 мг, ал 10 және одан жоғары жастағы балалар үшін орташа өлшенген доза 23,9 мг құрады. ТТЛП-Хс орташа бастапқы деңгейі 6,12 (1,26) ммоль/л құрады, бұл шамамен 233 (48) мг/дл-ге тең. Соңғы нәтижелер үшін төмендегі 5-кестені қараңыз. Осы үш жылдық зерттеуде алынған деректер гетерозиготалы отбасылық гиперхолестеринемиясы бар балалар мен жасөспірімдерде аторвастатиннің өсу және даму көрсеткіштеріне (бойы, дене салмағы, ДСИ, Таннер бойынша сатылары, аудитор дәрігерінің жалпы жетілу мен дамуға қатысты бағалауы) әсерінің жоқтығын көрсетеді. Зерттеу барысында аудитор дәрігер препараттың жасына немесе жынысына байланысты өсуіне, дене салмағына, ДСИ әсер ету жағдайларын атап өткен жоқ. 5 кесте. Гетерозиготалы отбасылық гиперхолестеринемиямен (ммоль/л) жасөспірім ұлдар мен қыздарда аторвастатиннің гиполипидемиялық әсері. Уақыт — Пациенттер саны — Жалпы ХС — ТТЛП ХС — ЖТЛП ХС — ТГ — ApoB, г/л Бастапқы көрсеткіш — 271 — 7,86 (1,30) — 6,12 (1,26) — 1,314 (0,2663) — 0,93 (0,47) — 1,42 (0,28)# Емнің 30 –шы айы — 206 — 4,95 (0,77)^ — 3,25 (0,67) — 1,327 (0,2796) — 0,79 (0,38)* — 0,90 (0,17)^ Емнің 36 –шы айы /емнің аяқталуы* — 240 — 5,12 (0,86) — 3,45 (0,81) — 1,308 (0,2739) — 0,78 (0,41) — 0,93 (0,20)& * Нәтижелер зерттеуге қатысуды жоспарланған аяқталу мерзіміне дейін тоқтатқан пациенттердің деректерін (толық 36 ай емес) және зерттеуге қатысуды аяқтаған пациенттердің деректерін (толық 36 ай) қамтиды. ^ Осы параметрді есептеу кезінде деректері ескерілген пациенттер саны 207 құрады. # Осы параметрді есептеу кезінде деректері ескерілген пациенттер саны 270 құрады. & Осы параметрді есептеу кезінде деректері ескерілген пациенттер саны 243 құрады. 10 жастан 17 жасқа дейінгі пациенттердегі гетерозиготалы отбасылық гиперхолестеринемия Салыстырмалы жасырын, плацебо-бақыланатын зерттеу келесі ашық фазамен (орташа жасы 14,1 жас) гетерозиготалы отбасылық гиперхолестеринемиямен (ОГ) немесе ауыр гиперхолестеринемиямен ауыратын 10-нан 17 жасқа дейінгі 187 баланың (ұлдар мен бірінші етеккірі келген қыздар) қатысуымен жүргізілді. Рандомизациялағаннан кейін 140 зерттеу субъектісі аторвастатинді, ал 47-сі плацебоны 26 апта бойы қабылдады, одан кейін келесі 26 апта ішінде барлық зерттеу субъектілері аторвастатинді қабылдады. Аторвастатиннің тәуліктік дозасы (бір қабылдау үшін) бастапқы 4 апта ішінде 10 мг құрады. Осыдан кейін, егер Хс-ТТЛП деңгейі 3,36 ммоль/л асып кетсе, доза 20 мг дейін титрленген. Аторвастатинді қолданған кезде зерттеудің 26 апталық салыстырмалы жасырын фазасы ішінде плазмадағы жалпы Хс, Хс-ТТЛП, триглицеридтер мен аполлипопротеин деңгейінің едәуір төмендегені байқалды. Хс-ТТЛП орташа деңгейі аторвастатин тобында 3,38 ммоль/л (диапазоны: 1,81 - 6,26 ммоль/л) және плацебо тобында 26 апталық салыстырмалы жасырын фаза ішінде 5,91 ммоль/л (диапазоны: 3,93 - 9,96 ммоль/л) құрады. Гиперхолестеринемиясы бар балалар жасындағы (10-18 жас) пациенттердің қатысуымен жүргізілген қосымша зерттеуде аторвастатинмен жүргізілетін ем колестиполмен жүргізілетін еммен салыстырылды. «26 апта» уақыт белгісінде аторвастатин (N = 25) тобында колестипол тобында (N - 31) алынған нәтижелермен салыстырғанда Хс - ТТЛП (р < 0,05 мәні) концентрациясының едәуір төмендегені байқалды. Аторвастатинді қолдануды зерттеу сондай-ақ ауыр гиперхолестеринемиясы бар (гомозиготалы гиперхолестеринемияны қоса алғанда) балалар жасындағы пациенттердің қатысуымен жүргізілді, 46 бала дозасы емге берілген жауапқа сәйкес титрленген аторвастатин қабылдады (кейбір сыналушылар күніне 80 мг аторвастатин қабылдады). Зерттеу 3 жыл бойы жүргізілді: Хс-ТТЛП деңгейі 36% - ға төмендеді. Балалық шақта аторвастатинмен жүргізілген емнің ересек жастағы аурушаңдық пен өлім-жітімді төмендету тұрғысынан ұзақ мерзімді тиімділігі айқындалмаған. Еуропалық дәрілік заттар агенттігі 0-ден < 6 жасқа дейінгі балалардағы гетерозиготалы гиперхолестеринемияны емдеуде және гомозиготалы отбасылық гиперхолестеринемияны, біріктірілген (аралас) гиперхолестеринемияны, бастапқы гиперхолестеринемияны емдеу үшін және 0-ден < 18 жасқа дейінгі балалардағы жүрек-қантамыр ауруларының алдын алу үшін аторвастатинді қолдануды зерттеу нәтижелерін ұсынуды талап етпейді.

Дозалау режимі АТОРВАСТАТИН-САНТО® препаратын қолдануды бастамас бұрын пациентке стандартты гипохолестеринемиялық диета тағайындалуы керек, оны емдеу кезінде сақтауды жалғастыру керек. Препараттың дозасын Хс-ТЖЛП бастапқы деңгейін, емдеу мақсатын және пациенттің жүргізілетін емге реакция беруін ескере отырып, жекелей таңдау қажет. Стандартты бастапқы доза тәулігіне бір рет 10 мг құрайды. Дозаны түзету 4 апта немесе одан да көп аралықпен жасалуы керек. Препараттың ең жоғары дозасы тәулігіне бір рет 80 мг құрайды. Бастапқы гиперхолестеринемия және біріктірілген (аралас) гиперлипидемия Көптеген пациенттерге АТОРВАСТАТИН-САНТО® препаратын тәулігіне бір рет 10 мг дозада қолданған кезде жағдайды бақылауға қол жеткізуге болады. Емдік әсері 2 апта ішінде пайда болады және әдетте төрт аптадан кейін ең жоғарысына жетеді. Қол жеткізілген әсер ұзақ емдеу кезінде сақталады. Гетерозиготалы тұқым қуалайтын гиперхолестеринемия АТОРВАСТАТИН-САНТО® препаратының бастапқы дозасы тәулігіне бір рет 10 мг құрайды. Препарат дозасы жекелей таңдалуы керек. Дозаны түзетуді тәулігіне 40 мг дозаға жеткенге дейін әрбір 4 апта сайын жүргізу қажет. Содан кейін препараттың дозасын ең жоғары дозаға - 80 мг дейін арттыруға немесе өт қышқылдарының секвестранттарымен және аторвастатинмен тәулігіне бір рет 40 мг дозада біріктіріп ем тағайындауға болады. Гомозиготалы тұқым қуалайтын гиперхолестеринемия Қолдану жөніндегі деректер шектеулі. Гомозиготалы тұқым қуалайтын гиперхолестеринемиясы бар пациенттердегі аторвастатиннің дозасы тәулігіне 10-нан 80 мг-ге дейін құрайды. Бұл пациенттерге аторвастатинді басқа гиполипидемиялық емдеу әдістерімен (мысалы, ТТЛП-аферезі) біріктіріп немесе осы әдістерді қолдану мүмкін болмаған кезде қосымша дәрі ретінде қолдану керек. Жүрек-қантамырлық бұзылулардың профилактикасы Профилактика жөніндегі негізгі зерттеулерде препараттың тәулігіне 10 мг дозасы қолданылды. Қазіргі нұсқаулардың талаптарына жауап беретін холестерин деңгейіне (ТТЛП) қол жеткізу үшін препараттың жоғарырақ дозаларын қолдану қажет болуы мүмкін. Пациенттердің ерекше топтары Бүйрек функциясы бұзылған пациенттер Препараттың дозасын түзету қажет емес. Бауыр функциясы бұзылған пациенттер Бауыр функциясы бұзылған пациенттерге АТОРВАСТАТИН-САНТО® препаратын сақтықпен қолдану керек. Бауырдың белсенді фазадағы аурулары бар пациенттерге АТОРВАСТАТИН-САНТО® препаратын қолдануға болмайды. Басқа дәрілік заттармен бір мезгілде қолдану Аторвастатинмен бір мезгілде цитомегаловирустық инфекцияның профилактикасы үшін С гепатитіне қарсы элбасвир/гразопревир немесе летермовир вирусқа қарсы препараттарын қабылдайтын пациенттерде аторвастатин дозасы тәулігіне 20 мг аспауы тиіс. Летермовирді циклоспоринмен бір мезгілде қабылдайтын пациенттерге аторвастатинді қолдану ұсынылмайды Егде жастағы пациенттер Препаратты ұсынылатын дозаларда қабылдаған кезде 70 жастан асқан пациенттерде оның тиімділігі мен қауіпсіздігінің жалпы популяциядағы осындайлардан айырмашылығы жоқ. Балалар Гиперхолестеринемия: Емдеуді балалардағы гиперлипидемияны емдеу тәжірибесі бар дәрігер жүргізуі тиіс. Әсерге қол жеткізу үшін емделу кезіндегі жақсаруды бағалау үшін пациенттерді жүйелі түрде қайта бағалау қажет. 10 жастағы және одан үлкен пациенттер үшін аторвастатиннің ұсынылатын бастапқы дозасы тәулігіне 10 мг құрайды. Дозаны емдеуге жеке реакцияны және жағымдылығын ескере отырып, күн сайын 80 мг-ге дейін арттыруға болады. Дозалар емнің ұсынылған мақсатына сәйкес жеке-дара болуы тиіс. Дозаны түзету 4 апта немесе одан да көп аралықпен жасалуы керек. Дозаны күн сайын 80 мг дейін титрлеу ересек пациенттердің қатысуымен жүргізілген зерттеулердің деректерімен және гетерозиготалы отбасылық гиперхолестеринемиясы бар балалардың қатысуымен жүргізілген зерттеулердің шектеулі клиникалық деректерімен негізделеді. 6-10 жас аралығындағы гетерозиготалы отбасылық гиперхолестиринемиясы бар балаларға жүргізілген ашық зерттеулер барысында анықталған тиімділігі мен қауіпсіздігі туралы шектеулі деректер бар. Аторвастатинмен 10 жастан кіші пациенттерді емдеуге болмайды. Осы санаттағы пациенттерге басқа дәрілік түрлерді/дозаларды қолдану неғұрлым дұрыс болуы мүмкін. Енгізу әдісі және жолы Ішке қабылдауға арналған АТОРВАСТАТИН-САНТО® препаратының бүкіл тәуліктік дозасын тамақтануға қарамастан, күннің кез келген уақытында бір рет қабылдау керек. Дәрілік препараттың бір немесе бірнеше дозасын өткізіп алу кезіндегі қажетті шаралар Ұмытылған дозаның орнын толтыру үшін қосарлы дозаны қабылдамаңыз. Тоқтату симптомдарының қаупі бар екенін көрсету Қатысты емес Дәрілік препаратты қолдану тәсілін түсіндіру үшін медицина қызметкерінен кеңес алуға жүгіну жөнінде нұсқаулар Дәрілік препаратты қолданбас бұрын дәрігер кеңесіне жүгініңіз.

• әсер етуші затқа немесе қосымша заттардың кез келгеніне аса жоғары сезімталдық • бауырдың белсенді ауруы немесе сарысу трансаминазалары белсенділігінің шығу тегі белгісіз жоғарылауы (қалыптың жоғарғы шегімен салыстырғанда 3 еседен астам) • жүктілік және лактация кезеңі, сондай-ақ контрацепцияның талапқа сай әдістерін пайдаланбайтын ұрпақ өрбіту жасындағы әйелдер. • С гепатитін глекапревир/пибрентасвир вирусқа қарсы препараттарымен емдеу

Жиі: • назофарингит • аллергиялық реакциялар • гипергликемия • бас ауыруы • жұтқыншақтың және көмейдің ауыруы, эпистаксис • іш қату, метеоризм, диспепсия, жүрек айнуы, диарея • миалгия, артралгия, аяқ-қолдың ауыруы, бұлшықет түйілулері, буындардың ісінуі, арқаның ауыруы • бауырдың функционалдық сынамаларының бұзылуы, қандағы креатинкиназа деңгейінің жоғарылауы Жиі емес: • гипогликемия, дене салмағының артуы, анорексия • түнгі қорқынышты түстер, ұйқысыздық • бас айналуы, парестезия, гипестезия, дисгевзия, амнезия • көрудің бұлыңғырлануы • құлақтағы шуыл • құсу, іштің жоғарғы және төменгі бөлігінің ауырсынуы, кекіру, панкреатит • гепатит • есекжем, тері бөртпесі, қышыну, алопеция • мойынның ауыруы, бұлшықеттік қажу • дімкәстік, астения, кеуденің ауыруы, шеткері ісінулер, қажығыштық, пирексия • лейкоциттердің несептегі тесті оң болуы Сирек: • тромбоцитопения • шеткері нейропатия • көру қабілетінің бұзылуы • холестаз • ангионевроздық ісіну, буллезді дерматит, көп пішінді эритеманы, Стивенс-Джонсон синдромын және уытты эпидермалық некролизді қоса • миопатия, миозит, рабдомиолиз, бұлшықеттердің жыртылуы, тендинопатия, кейде үзілумен асқынған • васкулит • лихеноидты дәрілік реакция Өте сирек: • анафилаксия • естімей қалу • бауыр жеткіліксіздігі • жегіге ұқсас синдром • гинекомастия Белгісіз: • иммунитетке байланысты некрозданған миопатия («Қолдану кезіндегі қажетті сақтандыру шаралары» бөлімін қараңыз) • миастения гравис (жалпы бұлшықеттің, кейбір жағдайларда тыныс алу бұлшықеттерінің әлсіздігін тудыратын ауру).* • миастенияның көздегі түрі (көз бұлшықеттерінің әлсіздігін тудыратын ауру).* Педиатриялық популяция Қолда бар мәліметтер бойынша, балалардағы жағымсыз реакциялардың жиілігі, түрі және ауырлығы ересектердегіге ұқсас. Кейбір статиндерді қолданған кезде келесі жағымсыз реакциялар мәлімделді: • Сексуалдық дисфункция • Депрессия • Өкпенің интерстициялық ауруларының жекелеген жағдайлары, әсіресе ұзақ мерзімді ем кезінде («Қолдану кезіндегі қажетті сақтандыру шаралары» бөлімін қараңыз) • Қант диабеті: Жиілігі қауіп факторларының барына немесе жоқтығына байланысты болады (ашқарындағы қандағы глюкоза деңгейі ≥5,6 ммоль/л, ДСИ> 30 кг/м2, триглицеридтер деңгейінің жоғарылауы, анамнезіндегі гипертония) * Егер сіз белсенділік кезеңінен кейін күшейетін қолыңыздағы немесе аяғыңыздағы әлсіздікті, көзге қос көрінуі немесе қабақтың түсуін, жұтынудың қиындықтарын немесе ентігуді сезінсеңіз, дәрігерге жүгінуіңіз керек. Жағымсыз дәрілік реакциялар туындағанда медицина қызметкеріне, фармацевтикалық қызметкерге немесе дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: Жағымсыз әсерлердің күшеюі. Емі: Арнайы антидоты жоқ. Егер АТОРВАСТАТИН-САНТО® препаратымен артық дозалану болса, пациентті емдеу симптоматикалық болуы тиіс, сондай-ақ бауырдың функционалдық тесттерін жүргізу және сарысудағы КК деңгейлерін бақылау керек. Аторвастатин қан плазмасының ақуыздарымен байланысатындықтан, гемодиализдің тиімділігі аз.

Бауырға әсер етуі Емдеу басталғанға дейін және емдеу кезінде бауыр функциясының көрсеткіштерін мезгіл-мезгіл бақылау қажет. Пациенттерде бауыр функциясының бұзылуын көрсететін кез келген көріністер немесе симптомдар дамыған кезде оларда қанның биохимиялық көрсеткіштерін анықтау керек. Трансаминазалардың белсенділігі жоғарылаған кезде олардың деңгейін қалыпқа келтіруге дейін бақылау керек. Егер трансаминазалардың белсенділігі қалыптың жоғарғы шегінен (ҚЖШ) үш еседен артық болып, сақталып тұрса, дозаны азайту немесе АТОРВАСТАТИН-САНТО® қабылдауды тоқтату ұсынылады. АТОРВАСТАТИН-САНТО® препаратын алкогольді шамадан тыс пайдаланатын және/немесе анамнезінде бауыр ауруы бар пациенттерге сақтықпен қолданған жөн. Холестерин деңгейін агрессиялық төмендету арқылы инсульттің профилактикасы (Stroke Prevention by Agressive Reduction in Cholesterol Levels – SPARCL). Геморрагиялық инсультпен немесе лакунарлық инфарктпен бұрын ауырған пациенттер үшін 80 мг дозадағы аторвастатиннің қаупі мен пайдасының арақатынасы белгісіз, сондықтан емдеуді бастар алдында геморрагиялық инсульт туындауының ықтимал қаупін мұқият талдау қажет. Қаңқа бұлшықетіне әсері ГМГ-КоА - редуктазаның басқа тежегіштері сияқты, аторвастатин сирек жағдайларда қаңқа бұлшықеттеріне әсер етуі және креатининкиназа (КК) деңгейінің айқын жоғарылауымен (ҚЖШ-дан > 10 есе жоғары), миоглобинемиямен және миоглобинуриямен сипатталатын рабдомиолизге (өмірге ықтимал қауіпті жағдай) дейін үдеуі мүмкін миалгияның, миозиттің және миопатияның дамуын туындатуы мүмкін, бұлар бүйрек жеткіліксіздігінің дамуына әкеліп соғуы мүмкін. Кейбір статиндермен емдегенде немесе емдегеннен кейін иммунитетке байланысты некрозданған миопатия (ИБНМ) туралы өте сирек хабарламалар бар. ИБНМ клиникалық түрде орталыққа жақын жатқан бұлшықеттердің тұрақты әлсіздігімен және сарысудағы креатинкиназаның жоғары деңгейімен сипатталады, олар статиндермен емдеудің тоқтатылуына қарамастан сақталады. Егер сізде миастения немесе анамнездегі миастения (жалпы бұлшықет әлсіздігі, кейбір жағдайларда тыныс алу бұлшықеттері аурулары) немесе көз миастениясы (көз бұлшықеттерінің әлсіздігі) болса, статиндерді қабылдау кейде жай-күйді нашарлатуы немесе миастения туындауына әкелуі мүмкін ( «Жағымсыз реакциялардың сипаттамасы» бөлімін қараңыз). Емдеу басталғанға дейін АТОРВАСТАТИН-САНТО® қабылдауды бастамас бұрын өз дәрігеріңізбен ақылдасыңыз. АТОРВАСТАТИН-САНТО® рабдомиолиздің дамуына бейім факторлары бар пациенттерге сақтықпен тағайындалғаны жөн. Креатинфосфокиназа (КФК) деңгейін келесі жағдайларда статиндермен емдеуді бастағанға дейін өлшеу керек: • бүйрек функциясының бұзылуы • гипотиреоз • жеке немесе отбасылық анамнезінде бұлшықеттің тұқым қуалайтын бұзылулары • анамнезінде статин немесе фибрат туындатқан бұлшықеттің уыттылық жағдайы • анамнезіндегі бауыр аурулары және/немесе алкогольді сусындарды елеулі мөлшерде ішу • егде жастағы (70 жастан асқан) пациенттерде осы өлшемдердің қажеттілігін рабдомиолиз дамуының басқа бейімділік факторларының бар-жоғын ескере отырып қарастыру керек, КК деңгейін анықтау қажеттілігі туралы мәселені қарастыру керек • қан плазмасының осы немесе басқа заттарының деңгейі артуы мүмкін жағдайлар, мысалы, дәрілік заттар өзара әрекеттескенде, сондай-ақ тұқым қуалайтын аурулармен ауыратын адамдарды қоса алғанда, пациенттердің ерекше топтарында Мұндай жағдайларда емдеу қаупін ықтимал пайдаға қатысты қарастырған жөн, және клиникалық мониторинг жүргізу ұсынылады. Егер бастапқы сатысында КК деңгейі айтарлықтай жоғарыласа (ҚЖШ-дан>5 есе жоғары), препаратпен емдеуді бастауға болмайды. Креатинкиназа деңгейін анықтау Креатинкиназа (КК) деңгейін қарқынды дене жүктемесінен кейін немесе КК жоғарылауының ықтимал баламалы себебі болған кезде өлшеуге болмайды, өйткені бұл мәндерді интерпретациялауды қиындатады. Егер КК деңгейлері бастапқы деңгейден едәуір асып кетсе (ҚЖШ-дан 5 еседен астам жоғары), нәтижені растау үшін 5-7 күннен кейін КК деңгейлерін қайта анықтау керек. Емдеу кезінде • Пациенттерге бұлшықет ауыруының, құрысулардың немесе әлсіздіктің пайда болғаны туралы, әсіресе егер олар дімкәстікпен немесе қызбамен бірге байқалса, дереу хабарлау қажеттігі туралы ескерту керек. • Егер мұндай симптомдар пациентті аторвастатинмен емдеу кезеңінде пайда болса, КК деңгейін анықтау керек. Егер ол айтарлықтай жоғары (ҚЖШ >5 есе жоғары) болып шықса, емдеуді тоқтату керек. • Егер бұлшықет тіні тарапынан симптомдар ауыр сипатта болса және күнделікті жайсыздық туындатса, КК деңгейі ҚЖШ-дан < 5 есе жоғары болса да, емдеуді тоқтату туралы мәселені қарастырған жөн. • Егер симптомдар жойылып кетсе және КК деңгейі қалпына келсе, онда мұқият мониторинг жүргізе отырып аторвастатинді немесе осы топтағы басқа препаратты ең төмен дозада қайта қолдану туралы мәселені қарастыруға болады. • Аторвастатинді қабылдау, егер КК деңгейінің клиникалық едәуір жоғарылағаны анықталса (ҚЖШ-дан 10 есе жоғары) немесе егер рабдомиолиз диагнозы қойылса немесе осы ауруға күдіктенгенде, тоқтатылуы тиіс. Арнайы сақтандырулар Қосымша заттар АТОРВАСТАТИН-САНТО® құрамында лактоза бар. Сирек кездесетін тұқым қуалайтын галактоза жақпаушылығы, лопар лактаза тапшылығы немесе глюкоза-галактоза мальабсорбциясы бар пациенттерге бұл препаратты қабылдауға болмайды. Бала туу жасындағы әйелдер Бала туу жасындағы әйелдер АТОРВАСТАТИН-САНТО® препаратымен емдеу кезінде тиісті контрацепция шараларын қолдануы тиіс Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Препараттың жағымсыз әсерлерін ескере отырып, автокөлікті және басқа қауіптілігі зор механизмдерді басқарғанда сақ болу керек.

Жүктілік кезінде АТОРВАСТАТИН-САНТО® қолдануға болмайды. Анасын аторвастатинмен емдеу шаранада холестерин биосинтезінің ізашары болып табылатын мевалонат концентрациясын азайтуы мүмкін. Атеросклероз созылмалы үдеріс болғандықтан, жүктілік кезеңінде гиполипидемиялық емді тоқтату бастапқы гиперхолестеринемиямен байланысты ұзақ мерзімді қауіп-қатерлерге шамалы әсер етеді. Сондықтан АТОРВАСТАТИН-САНТО® жүкті әйелдерге, жүктілікті жоспарлап жүрген немесе жүкті екеніне күдіктенген әйелдерге қабылдауға болмайды. АТОРВАСТАТИН-САНТО® препаратымен емдеуді жүктілік кезінде немесе әйелдің жүкті болмағаны нақты анықталғанға дейін тоқтату қажет. Аторвастатиннің адам сүтімен бірге шығатыны туралы деректер жоқ. Бала емізу кезеңінде АТОРВАСТАТИН-САНТО® қолдануға болмайды.

Рабдомиолиздің даму қаупі аторвастатинді қан плазмасындағы аторвастатиннің концентрациясын арттыруы мүмкін кейбір дәрілік заттармен, мысалы, CYP3A4 күшті тежегіштерімен немесе тасымалдаушы ақуыздармен (мысалы, циклоспорин, телитромицин, кларитромицин, делавирдин, стрипентол, кетоконазол, вориконазол, итраконазол, позаконазол және АИТВ-протеаза тежегіштері, оның ішінде ритонавир, лопинавир, атазанавир, индинавир, дарунавир,саквинавир, фосампренавир т.б. сияқты) бір мезгілде қабылдағанда артады. Сонымен қатар, гемфиброзилді және фиброй қышқылының басқа туындыларын, С гепатитін (ВГС) емдеуге арналған вирусқа қарсы препараттарды (мысалы, боцепревир, телапревир, элбасвир/гразопревир, ледипасвир/софосбувир), эритромицинді, ниацинді немесе эзетимибті бір мезгілде қолданғанда миопатия қаупі артуы мүмкін. Осы препараттардың орнына мүмкіндігінше балама (өзара әрекеттеспейтін) дәрілік заттарды тағайындау мүмкіндігін қарастыру керек. Егер осы препараттарды аторвастатинмен бірге қабылдау қажет болса, қатарлас емдеудің пайдасы мен қауіптерін мұқият зерттеу керек. Егер пациенттер плазмадағы аторвастатиннің концентрациясын арттыратын дәрілік заттарды қабылдаса, аторвастатиннің ең жоғары дозасының төменірегін тағайындау ұсынылады. CYP3A4 күшті тежегіштерін қолданған жағдайда аторвастатиннің төменірек бастапқы дозасын тағайындау қажет, сондай-ақ осы пациенттерге тиісті клиникалық мониторинг жүргізу ұсынылады. Миопатияның және/немесе рабдомиолиздің даму қаупі ГМГ-КоА-редуктаза тежегіштерін (мысалы, аторвастатин) және даптомицинді бір мезгілде қолдану арқылы жоғарылауы мүмкін (Жағымсых реакциялар сипаттамасы бөлімін қараңыз). Даптомицин қабылдайтын пациенттерде АТОРВАСТАТИН-САНТО қабылдауды бір мезгілде қолданудың пайдасы қауіптен асатын жағдайларды қоспағанда, уақытша тоқтата тұру мүмкіндігін қарастыру қажет. Егер препаратты бір мезгілде қолданудан аулақ болу мүмкін болмаса, КФК деңгейін аптасына 2-3 рет өлшеп, миопатияны көрсетуі мүмкін кез келген белгілер мен симптомдарға қатысты пациенттерді мұқият бақылау керек. Егер осы препараттарды аторвастатинмен бірге қабылдау қажет болса, қатар жүретін терапияның пайдасы мен қауіптерін мұқият зерделеу керек. Егер пациенттер плазмадағы аторвастатин концентрациясын жоғарылататын дәрілік заттарды қабылдаса, аторвастатиннің ең төменгі дозасын тағайындау ұсынылады. CYP3A4 күшті тежегіштерін қолданған жағдайда аторвастатиннің ең төменгі бастапқы дозасын тағайындау қажет, сондай-ақ осы пациенттердің деректеріне тиісті клиникалық мониторинг жүргізу ұсынылады. АТОРВАСТАТИН-САНТО® препаратын фузид қышқылының жүйелі дәрілік түрлерімен бірге немесе фузид қышқылымен емдеуді тоқтатқаннан кейін 7 күн шегінде тағайындауға болмайды. Фузид қышқылының жүйелі препаратын қолдану қажет деп танылған пациенттерде статинмен емдеу фузид қышқылымен емдеу кезеңінде тоқтатылуы тиіс. Фузид қышқылымен және статиндермен біріктірілген ем қабылдап жатқан пациенттерде рабдомиолиздің (оның ішінде өліммен аяқталған бірнеше жағдай) дамығаны туралы хабарламалар бар. Пациентке бұлшықет әлсіздігі, ауыруы немесе ауырсынуының кез келген симптомдары туындаған кезде дереу дәрігерге хабарласуды ұсыну керек. Статинмен емдеуді фузид қышқылының соңғы дозасынан жеті күн өткеннен кейін жалғастыруға болады. Фузид қышқылын ұзақ жүйелі қолдану талап етілетін айрықша жағдайларда, мысалы - ауыр инфекцияларды емдеу үшін АТОРВАСТАТИН-САНТО® препаратын және фузид қышқылын бірге қолдану қажеттілігін тек жеке негізде және мұқият медициналық бақылау арқылы бағалау қажет. Балаларға қолданылуы Жалпы жетілу мен дамуды бағалау, Таннер шкаласы бойынша бағалау және бой мен дене салмағын өлшеу негізінде үш жылдық зерттеу барысында өсу мен жыныстық жетілуге тигізетін клиникалық маңызды әсері байқалған жоқ. Өкпенің интерстициялық ауруы Кейбір статиндерді әсіресе ұзақ қабылдағанда өкпенің интерстициялық ауруының аса сирек жағдайлары тіркелді. Келесі симптомдар байқалды: ентігу, қақырықсыз жөтел және жалпы денсаулық жағдайының нашарлауы (шаршау, салмақ жоғалту және қызба жағдайы). Егер пациентте өкпенің интерстициялық ауруы бар деген күдік болса, статиндермен емдеуді тоқтату қажет. Қант диабеті Кейбір деректер статиндер препараттар класы ретінде қандағы глюкоза деңгейін арттыратындығын көрсетті, ал диабеттің даму қаупі жоғары кейбір пациенттерде гипергликемия диабетті формальді емдеуді тағайындау дұрыс болатын дәрежеге жетуі мүмкін. Алайда, бұл қауіп статиндердің көмегімен қантамыр аурулары дамуы қаупінің төмендеуімен жойылады, демек, ол статиндермен емдеуді тоқтатуға себеп болмауы тиіс. Қауіп тобына жататын (ашқарындағы глюкоза деңгейі 5,6-6,9 ммоль/л, ДСИ>30 кг/м, триглицеридтер деңгейі жоғары, гипертониясы бар) пациенттерді мониторингілеу ұлттық ұсынымдарға сәйкес бақылаудың клиникалық, сондай-ақ биохимиялық әдістерімен жүргізілуі тиіс. Миастения гравис Кейбір жағдайларда статиндерді қолдану немесе бұрыннан бар гравис миастениясының немесе миастенияның көздік түрінің өршуінен туындаған миастения гравис дебюті туралы хабарланды. Симптомдар нашарлаған жағдайда АТОРВАСТАТИН-САНТО® препаратын қолдануды тоқтату керек. Сол немесе басқа статинді қайта тағайындаған кезде миастения гравистің қайталануы туындағаны хабарланды. Басқа дәрілік препараттармен өзара әрекеттесуі Бір мезгілде қабылданатын дәрілік заттардың аторвастатинге әсері Аторвастатин P450 3A4 (CYP3A4) цитохромымен метаболизденеді және тасымалдаушы ақуыздарға, мысалы, тасымалдаушы фермент 1B1 (OATP1B1) және 1B3 (OATP1B3) субстрат болып табылады. Аторвастатин метаболиттері ОАТР1В1 субстраттары болып табылады. Аторвастатин сонымен қатар аторвастатиннің ішектегі абсорбциясын және өт клиренсін шектей алатын P-гликопротеин (P-gp) және сүт безі қатерлі ісігіне төзімділік ақуызының (BCRP) ағынды тасымалдаушыларының субстраты ретінде анықталады. CYP3A4 тежегіштері немесе тасымалдау ақуыздары болып табылатын дәрілік заттарды бір мезгілде қолдану плазмадағы аторвастатин концентрациясының жоғарылауына және миопатияның даму қаупінің артуына әкелуі мүмкін. Аторвастатинді фиброй қышқылының туындылары мен эзетимиб сияқты миопатияны тудыруы мүмкін басқа дәрілік заттармен бір мезгілде қолданғанда да қауіп артуы мүмкін. CYP3A4 тежегіштері CYP3A4 күшті тежегіштерін қолдану аторвастатин концентрациясының айтарлықтай жоғарылауына әкеледі (1-кестені және төмендегі ақпаратты қараңыз). Мүмкін болса, CYP3A4 күшті тежегіштерін (мысалы, циклоспорин, телитромицин, кларитромицин, делавирдин, стирипентол, кетоконазол, вориконазол, итраконазол, позаконазол, С вирусты гепатитін емдеуде қолданылатын кейбір вирусқа қарсы препараттарды (мысалы, элбасвир/гразопревир) және АИТВ - протеаза тежегіштерін, соның ішінде ритонавир, лопинавир, атазанавир, индинавир, дарунавир және т.б.) бір мезгілде қолданудан аулақ болу керек. Осы препараттар мен аторвастатинді бірге қолдану сөзсіз болатын жағдайларда аторвастатиннің ең төменгі бастапқы және ең төмен аз дозаларын қолдану ұсынылады және пациенттің тиісті клиникалық мониторингі ұсынылады. CYP3A4 орташа тежегіштерін (мысалы, эритромицин, дилтиазем, верапамил және флуконазол) плазмадағы аторвастатин концентрациясын жоғарылатуы мүмкін (1-кестені қараңыз). Миопатияның даму қаупінің жоғарылауы эритромицин мен статиндерді бірге қолданғанда байқалды. Зерттеулер амиодаронның немесе верапамилдің аторвастатинге өзара әрекеттесуі жүргізілмеген. Амиодарон мен верапамил CYP3A4 тежегіштері болып табылады, сондықтан аторвастатинмен бір мезгілде қолдану аторвастатиннің әсерінің күшеюіне әкелуі мүмкін. Сондықтан CYP3A4 орташа тежегіштерімен бір мезгілде қолданғанда аторвастатиннің ең төменгі аз дозасын қолдану керек және пациенттің тиісті клиникалық мониторингін ұсыну керек. Тежегіштерді қолданып бастағаннан кейін немесе дозасын түзеткенде тиісті клиникалық мониторинг жүргізу ұсынылады. CYP3A4 индукторлары Аторвастатинді Р450 3А цитохром индукторларымен бір мезгілде қолдану (мысалы, эфавиренц, рифампицин, шайқурай) плазмадағы аторвастатин концентрациясының ауытқымалы төмендеуіне әкелуі мүмкін. Рифампиннің өзара әрекеттесуінің қосарлы механизміне байланысты (P450 3A цитохромының индукциясы және OATP1B1 гепатоциттерін қармау тасымалдаушысының тежелуі) аторвастатинді рифампинмен бір мезгілде қолдану ұсынылады, өйткені рифампинді қабылдағаннан кейін аторвастатинді кешеуілдетіп енгізу плазмадағы аторвастатин концентрациясының айтарлықтай төмендеуімен байланысты. Алайда, рифампициннің гепатоциттердегі аторвастатин концентрациясына әсері белгісіз және егер бір мезгілде қолданудан аулақ болу мүмкін болмаса, пациенттерді тиімділікке қатысты мұқият бақылау керек. Тасымалдаушы ақуыздардың тежегіштері Тасымалдаушы ақуыз тежегіштері аторвастатиннің жүйелік әсерін арттыруы мүмкін. Циклоспорин мен летермовир аторвастатинді утилизациялауға қатысатын тасымалдаушылардың тежегіштері болып табылады, яғни OATP1B1/1B3, P-gp және BCRP, бұл аторвастатиннің жүйелік әсерінің жоғарылауына әкеледі (1-кестені қараңыз). Бауырды қармайтын тасымалдаушының тежелуі аторвастатиннің гепатоциттерге әсеріне ықпалы белгісіз. Егер бір мезгілде қолдануды болдырмау мүмкін болмаса, дозаны азайту және тиімділіктің клиникалық мониторингі ұсынылады (1-кестені қараңыз). Летермовирді циклоспоринмен бір мезгілде қабылдайтын пациенттерде аторвастатинді қолдану ұсынылмайды. Гемфиброзил/фиброй қышқылы Фибраттармен монотерапия кезінде бұлшықет бұзылуларының сирек жағдайлары, соның ішінде рабдомиолиз байқалады. Бұл құбылыстардың қаупі фиброй қышқылы туындылары мен аторвастатинді бір мезгілде қолданғанда артуы мүмкін. Егер бір мезгілде қолдануды болдырмау мүмкін болмаса, онда емдік әсерге қол жеткізу үшін аторвастатиннің ең аз дозасын қолдану және пациенттерге тиісті бақылау жүргізу қажет. Эзетимиб Эзетимиб монотерапиясында бұлшықет бұзылуларының сирек жағдайлары, соның ішінде рабдомиолиз байқалады. Осылайша, эзетимиб пен аторвастатинді бір мезгілде қолданғанда осы аурулардың даму қаупі артуы мүмкін. Мұндай пациенттерде тиісті клиникалық бақылау ұсынылады. Колестипол Колестиполмен бірге қолданған кезде плазмадағы аторвастатин мен оның белсенді метаболиттерінің концентрациясының төмендеуі байқалды (аторвастатин концентрациясының қатынасы: 0,74). Алайда, липидтік әсер аторвастатин мен колестиполды бір мезгілде қолданғанда, препараттардың әрқайсысын жеке қолданғаннан гөрі айқынырақ болды. Фузид қышқылы Миопатияның, соның ішінде рабдомиолиздің даму қаупі статиндермен жүйелі қолдану үшін фузид қышқылы препараттарын бір мезгілде қолданғанда артуы мүмкін. Бұл өзара әрекеттесу механизмі (фармакодинамикалық немесе фармакокинетикалық немесе екі түрі де) әлі белгісіз. Осы препараттарды бірге қабылдаған пациенттерде рабдомиолиз (соның ішінде өліммен аяқталатын) туралы хабарламалар болды. Егер фузид қышқылы препараттарын қолдану қажет болса, фузид қышқылымен емдеу кезінде аторвастатинмен емдеуді тоқтату керек. Колхицин Аторвастатин мен колхициннің өзара әрекеттесуі туралы зерттеулер жүргізілмегенімен, аторвастатинді колхицинмен бір мезгілде қолданғанда миопатия жағдайлары туралы хабарланды, сондықтан аторвастатинді колхицинмен тағайындағанда абай болу керек. Даптомицин Миопатия және/немесе рабдомиолиз жағдайлары ГМГ-КоА редуктаза тежегіштерін (мысалы, аторвастатин) даптомицинмен бір мезгілде қолданғанда хабарланды. Егер бір мезгілде қолданудан аулақ болу мүмкін болмаса, тиісті клиникалық мониторинг ұсынылады. Аторвастатиннің бір мезгілде қабылданатын дәрілік заттарға әсері Дигоксин Дигоксин мен аторвастатинді 10 мг дозада бірге қолданған кезде дигоксин концентрациясының шамалы жоғарылауы байқалды. Дигоксин қабылдайтын пациенттер тиісті бақылауда болуы тиіс. Оральды контрацептивтер Аторвастатин препаратын оральды контрацептивтермен бірге қолданған кезде қан плазмасындағы норэтиндрон мен этинилэстрадиол концентрациясының жоғарылауы байқалды. Варфарин Ұзақ мерзімді варфарин терапиясынан алған пациенттердің қатысуымен жүргізілген клиникалық зерттеуде аторвастатинді күніне 80 мг дозада варфаринмен бірге қабылдаудың бастапқы 4 күнінде протромбин уақытының шамалы төмендеуі байқалды (шамамен 1,7 секундқа), ол аторвастатинмен емдеудің 15 күнінде қалыпты жағдайға оралды. Клиникалық тұрғыдан маңызды антикоагулянттық жағдайлар өте сирек байқалды. Дегенмен, протромбин уақытын кумариндік антикоагулянттарды қабылдайтын пациенттерде аторвастатинді қабылдауды бастамас бұрын және осы көрсеткіште елеулі өзгерістердің жоқтығын растау мақсатында терапияның ерте кезеңінде жеткілікті жиі анықтау керек. Протромбин уақытының тұрақтануы расталғаннан кейін оны кумариндік антикоагулянттармен емдеуде қабылданған аралықтармен басқаруға болады. Егер аторвастатин дозасы өзгерсе немесе тоқтатылса, сол ем шараны қайталау керек. Антикоагулянттар қабылдамайтын пациенттерде аторвастатинмен ем жүргізу кезінде қан кету немесе протромбин уақытының өзгеру жағдайлары байқалмады. Балалар Дәрілік өзара әрекеттесуін зерттеу тек ересектерде жүргізілді. Педиатриялық популяциядағы өзара әрекеттесу дәрежесі белгісіз. Ересектерге арналған жоғарыда аталған өзара әрекеттесулерді педиатриялық популяцияға қатысты ескеру қажет. 1 кесте. Бір мезгілде қабылданатын дәрілік заттардың аторвастатин фармакокинетикасына әсері Аторвастатин Бір мезгілде қабылданатын дәрілік зат және дозалау режимі — Доза (мг) — AUC& арақатынасы — Клиникалық ұсынымдар Глекапревир 400 мг күніне 1 рет /Пибрентасвир 120 мг күніне 1 рет, 7 күн — 10 мг күніне 1 рет 7 күн бойы — 8.3 — Құрамында глекапревир немесе пибрентасвир бар препараттармен бірге қолдануға болмайды. Типранавир 500 мг күніне екі рет/ритонавир 200 мг күніне екі рет, 8 күн (14-21) — 40 мг күніне 1 рет, 10 мг 20 күн бойы — 9.4 — Аторвастатинмен бір мезгілде қабылдау қажет болған жағдайларда күніне 10 мг аторвастатиннен асырмаңыз. Мұндай пациенттерді клиникалық бақылау ұсынылады. Телапревир 750 мг әр 8 ​​сағат сайын, 10 күн — 20 мг, бір рет — 7.9 Циклоспорин күніне 5,2 мг/кг, тұрақты доза — 10 мг күніне 1 рет 28 күн бойы — 8.7 Лопинавир 400 мг күніне екі рет/ритонавир 100 мг күніне екі рет, 14 днкүней — 20 мг күніне 1 рет 4 күн бойы — 5.9 — Аторвастатинмен бір мезгілде қолдану қажет болған жағдайда аторвастатиннің ең төмен демеуші дозалары ұсынылады. 20 мг асатын аторвастатин дозаларында мұндай пациенттерді клиникалық бақылау ұсынылады. Кларитромицин 500 мг күніне екі рет, 9 күн — 80 мг күніне 1 рет 8 күн бойы — 4.5 Саквинавир 400 мг күніне екі рет /ритонавир (300 мг күніне екі рет 5-ші күннен бастап 7-ші күніне дейін, 8-ші күні 400 мг күніне екі рет дейін арттыра отырып), 4–18 күндері, аторвастатинді қабылдағаннан кейін 30 минуттан соң — 40 мг күніне 1 рет 4 күн — 3.9 — Аторвастатинмен бір мезгілде қолдану қажет болған жағдайда аторвастатиннің ең төмен демеуші дозалары ұсынылады. 40 мг асатын аторвастатин дозаларында мұндай пациенттерді клиникалық бақылау ұсынылады. Дарунавир 300 мг күніне екі рет/ритонавир 100 мг күніне екі рет, 9 күн — 10 мг күніне 1 рет 4 күн — 3.4 Итраконазол 200 мг күніне 1 рет 4 күн — 40 мг, бір рет — 3.3 Фосампренавир 700 мг күніне екі рет/ритонавир 100 мг күніне екі рет, 14 күн — 10 мг күніне 1 рет 4 күн бойы — 2.5 Фосампренавир 1400 мг күніне екі рет, 14 күн — 10 мг күніне 1 рет 4 күн бойы — 2.3 Элбасвир 50 мг күніне 1 рет /гразопревир 200 мг күніне бір рет, 13 күн — 10 мг, бір рет — 1.95 — Құрамында элбасвир немесе гразопревир бар препараттармен бір мезгілде қолданғанда аторвастатиннің дозасы 20 мг тәуліктік дозадан аспауы тиіс. Летермовир 480 мг күніне 1 рет, 10 күн — 20 мг, бір рет — 3.29 — Аторвастатин дозасы құрамында летермовир бар препараттармен бір мезгілде қолданғанда 20 мг тәуліктік дозадан аспауы тиіс. Нелфинавир 1250 мг күніне екі рет, 14 күн — 10 мг күніне 1 рет, 28 күн бойы — 1.74 — Арнайы ұсынымдар жоқ Грейпфрут шырыны, 240 мл күніне бір рет* — 40 мг, бір рет — 1,37 — Грейпфрут шырынының көп мөлшері мен аторвастатинді бір мезгілде қабылдау ұсынылмайды. Дилтиазем 240 мг күніне 1 рет, 28 күн — 40 мг, бір рет — 1,51 — Емдеуді бастағаннан кейін немесе дилтиазем дозасын түзеткеннен кейін осы пациенттерге тиісті клиникалық бақылау ұсынылады. Эритромицин 500 мг күніне төрт рет, 7 күн — 10 мг, бір рет — 1.33 — Ең жоғары дозаны азайту және мұндай пациенттерге клиникалық бақылау жүргізу ұсынылады. Амлодипин 10 мг, бір реттік доза — 80 мг, бір рет — 1.18 — Арнайы ұсынымдар жоқ Циметидин 300 мг күніне төрт рет, 2 апта — 10 мг күніне 1 рет 2 апта бойы — 1.00 — Арнайы ұсынымдар жоқ Колестипол 10 г күніне екі рет, 24 апта — 40 мг күніне 1 рет 8 апта бойы — 0.74** — Арнайы ұсынымдар жоқ Магний гидроксиді және алюминийдің антацидті суспензиясы, 30 мл күніне 4 рет, 17 күн — 10 мг күніне 1 рет 15 күн бойы — 0.66 — Арнайы ұсынымдар жоқ Эфавиренз 600 мг күніне 1 рет, 14 күн — 10 мг 3 күн бойы — 0.59 — Арнайы ұсынымдар жоқ Рифампин 600 мг күніне 1 рет, 7 күн (бірге қолданған кезде) — 40 мг, бір рет — 1.12 — Егер бір мезгілде қолданудан аулақ болу мүмкін болмаса, аторвастатинді рифампицинмен бір мезгілде клиникалық бақылауда қабылдау ұсынылады. Рифампин 600 мг күніне 1 рет, 5 күн (дозалар бөлінген) — 40 мг, бір рет — 0.20 Гемфиброзил 600 мг күніне екі рет, 7 күн — 40 мг, бір рет — 1.35 — Мұндай пациенттерге төмендеу бастапқы доза және клиникалық бақылау ұсынылады. Фенофибрат 160 мг күніне 1 рет, 7 күн — 40 мг, бір рет — 1.03 — Мұндай пациенттерге төмендеу бастапқы доза және клиникалық бақылау ұсынылады. Боцепревир 800 мг күніне үш рет, 7 күн — 40 мг, бір рет — 2.3 — Мұндай пациенттерге төмендеу бастапқы доза және клиникалық бақылау ұсынылады. Аторвастатин дозасы Боцепревирмен бір мезгілде қолданған кезде 20 мг тәуліктік дозадан аспауы тиіс. & Емдеу курстарының арақатынасын білдіреді (препаратты аторвастатинмен бірге қолдану және аторвастатинмен монотерапия). # Клиникалық маңыздылығын «Қолдану кезіндегі қажетті сақтық шаралары» және «Басқа дәрілік препараттармен өзара әрекеттесу» бөлімдерін қараңыз. * Құрамында CYP3A4 тежейтін және CYP3A4 метаболизденетін дәрілік заттардың плазмадағы концентрациясын арттыруы мүмкін бір немесе бірнеше компоненттер бар. Бір стақан 240 мл көлемдегі грейпфрут шырынын қабылдау сонымен қатар белсенді ортогидрокси-метаболиті үшін AUC 20,4% төмендеуіне әкелді. Грейпфрут шырынының көп мөлшері / (5 күн ішінде күніне 1,2 л-ден астам) аторвастатиннің AUC 2,5 есе және ГМГ-КоА редуктаза тежегіштерінің AUC (аторвастатин мен метаболиттер) 1,3 есе арттырды. ** Арақатынас дозадан кейін 8-16 сағаттан кейін алынған бір сынамаға негізделген. КБР = күніне бір рет; SD = бір реттік доза; BID = күніне екі рет; TID = күніне үш рет; QID = күніне төрт рет. 2 кесте. Аторвастатиннің бір мезгілде қабылданатын дәрілік заттардың фармакокинетикасына әсері Бір мезгілде қабылданатын дәрілік зат Аторвастатин және дозалау режимі — Дәрілік зат/Доза (мг) — AUC& арақатынасы — Клиникалық ұсынымдар# 80 мг күніне 1 рет 10 күн бойы — Дигоксин 0,25 мг күніне 1 рет, 20 күн — 1.15 — Дигоксин қабылдаған пациенттер тиісті бақылауда болуы керек. 40 мг күніне 1 рет 22 күн бойы — Оральды контрацептив тәулігіне 1 рет, 2 ай - норэтиндрон 1 мг -этинилэстрадиол 35 мкг — 1.28 1.19 — Арнайы ұсынымдар жоқ 80 мг күніне 1 рет 15 күн бойы — *Феназон, 600 мг бір рет — 1.03 — Арнайы ұсынымдар жоқ 10 мг, бір рет — Типранавир 500 мг күніне екі рет/ритонавир 200 мг күніне екі рет, 7 күн — 1.08 — Арнайы ұсынымдар жоқ 10 мг, күніне 1 рет 4 күн бойы — Фосампренавир 1400 мг күніне екі рет, 14 күн — 0.73 — Арнайы ұсынымдар жоқ 10 мг, күніне 1 рет 4 күн бойы — Фосампренавир 700 мг күніне екі рет /ритонавир 100 мг күніне екі рет, 14 күн — 0.99 — Арнайы ұсынымдар жоқ & Емдеу курстарының арақатынасын білдіреді (препаратты аторвастатинмен бірге қолдану және аторвастатинмен монотерапия). * Аторвастатин мен феназонның бірнеше дозаларын бірге қолдану феназон клиренсіне шамалы әсер етті немесе әсер етпеді.

Сақтау мерзімі 3 жыл Жарамдылық мерзімі өткеннен кейін қолдануға болмайды! Сақтау шарттары Түпнұсқалық қаптамасында, құрғақ жерде, 25°С-ден аспайтын температурада сақтау керек. Балалардың қолы жетпейтін жерде сақтау керек!