Аторис® таблетки 10 мг

Бір таблетканың құрамында белсенді зат - 10,36 мг немесе 20,72 мг кальций аторвастатині (сәйкесінше 10 мг немесе 20 мг аторвастатинге баламалы) қосымша заттар: повидон, натрий лаурилсульфаты, кальций карбонаты, микрокристалды целлюлоза, лактоза моногидраты, натрий кроскармеллозасы, магний стеараты қабығы: Опадрай II HP 85F28751 ақ (құрамы: поливинил спирті, титанның қостотығы (Е 171), макрогол 3000, тальк) Сыртқы түрінің, иісінің, дәмінің сипаттамасы Дөңгелек пішінді, сәл дөңес, ақ түсті үлбірлі қабықпен қапталған таблеткалар. Көлденең қимасында ақ түсті ядро көрінеді.

Гиперхолестеринемия Аторис® препараты отбасылық гиперхолестеринемияны (гетерозиготалы түрі) немесе біріктірілген (аралас) гиперлипидемияны (Фредриксон жіктеуі бойынша IIa және IIb типіне сәйкес келетін) қоса, алғашқы гиперхолестеринемиясы бар пациенттерде, диетаның және фармакологиялық емес басқа да әдістердің тиімділігі жеткіліксіз болып шыққанда, жалпы холестериннің (жалпы-ХC), тығыздығы төмен липопротеиндер ТТЛП (ХС-ТТЛП) холестериннің, В аполипопротеиннің және триглицеридтердің мөлшерін төмендету үшін диетаға қосымша ретінде ересектерде, жасөспірімдерде және 10 жастағы және одан үлкен жастағы балаларға көрсетілген. Аторис® препараты гомозиготалы отбасылық гиперхолестеринемиясы бар ересектерде гиполипидемиялық емнің басқа да түрлеріне қосымша ретінде (мысалы, ТТЛП аферезі), немесе егер емнің басқа түрлері мүмкін болмаған жағдайда жалпы ХС және ХС-ТТЛП мөлшерін төмендету үшін көрсетілген. Жүрек-қантамыр аурулары профилактикасы Бастапқы жүрек-қантамыр ауруларының дамуының жоғары қаупі бар ересек пациенттердегі жүрек-қантамыр аурулары профилактикасында қауіптің басқа факторларын түзетуге қосымша ретінде.

Әсер ету механизмі Аторвастатин - ГМГ-КоА-редуктазаның селективті бәсекелес тежегіші, 3-гидрокси-3-метил-глутарил-коэнзим А холестеринді қоса, мевалонат- стероидтардың ізашарына айналуына жауапты жылдамдығын лимиттеуші фермент. Бауырдағы триглицеридтер мен холестерин тығыздығы өте төмен липопротеиндер (ӨТТЛП) құрамына қосылады, қан плазмасына түседі және шеткері тіндерге тасымалданады. ӨТТЛП-дан тығыздығы төмен липопротеидтер (ТТЛП) түзіледі, олар көбінесе жоғарыаффинді ТТЛП рецептормен (ТТЛП рецепторы) өзара әрекеттесу арқылы катаболизденеді. Фармакодинамикалық тиімділігі Аторвастатин ГМГ-КоА-редуктазаны тежеу және бауырдағы холестериннің бұдан әрі биосинтезі арқылы қан сарысуындағы липопротеиндер мен плазмадағы холестерин концентрациясын төмендетеді, сондай-ақ Хс-ТТЛП қармауын және катаболизмін күшейте отырып, жасушалардың бетіндегі ТТЛП бауыр рецепторларының санын арттырады. Аторвастатин ТТЛП бөлшектерінің концентрациясы мен санын төмендетеді. Аторвастатин ТТЛП айналымдағы бөліктерінің сапасының жағымды өзгерістері болатын үйлесіммен ТТЛП-рецепторлардың белсенділігінің айқын және тұрақты жоғарылауын тудырады. Аторвастатин әдетте гиполипидемиялық дәрілік заттарға жауап бермейтін гомозиготалы отбасылық гиперхолестеринемиясы бар пациенттерде ХС-ТТЛП деңгейін тиімді төмендетеді. Доза-әсер арақатынасын зерттеу бір мезгілде XС-ЖТЛП және аполипопротеин А деңгейінің сол немесе өзге дәрежеде артуын туындата отырып, аторвастатиннің жалпы ХС (30-46%-ға), ХС - ТТЛП (41-61%-ға), аполипопротеин В (34-50%-ға) және триглицеридтер (14-33%-ға) деңгейін төмендететінін көрсетті. Бұл нәтижелер инсулинге тәуелді қант диабеті бар пациенттерді қоса, гетерозиготалы отбасылық гиперхолестеринемиясы, гиперхолестеринемияның тұқым қуаламайтын түрі және аралас гиперлипидемиясы бар пациенттерде ұқсас болды. Жалпы ХС, ХС-ТТЛП және аполипопротеин В деңгейінің төмендеуі жүрек-қан тамырлары ауруларының даму қаупін және тиісінше өліммен аяқталу қаупін төмендететіні расталды. Клиникалық тиімділігі және қауіпсіздігі Гомозиготалы отбасылық гиперхолестеринемия Көп орталықты 8 апталық ашық зерттеуде ауыспалы ұзындықтың факультативтік кеңею фазасы бар жаңа тіркелмеген препаратты қайырымдылық-сынау мақсатында қолдана отырып, 335 пациент қосылды, оның 89-ында гомозиготалы отбасылық гиперхолестеринемия болды. Осы 89 пациенттің ішінде ХС-ТТЛП төмендеуінің орташа пайызы шамамен 20%-ды құрады. Аторвастатинді тәулігіне 80 мг дозада қабылдаған. Атеросклероз REVERSAL (Reversing Atherosclerosis with Aggressive Lipid-Lowering Study) зерттеуінде, жүректің ишемиялық ауруы бар пациенттерде 80 мг аторвастатинмен қарқынды гиполипидемиялық емнің және 40 мг правастатинмен стандартты гиполипидемиялық емнің коронарлық атеросклероз динамикасына әсерін тамырішілік ультрадыбыстық зерттеу (ТІУДЗ) және ангиография көмегімен бағалады. Бұл рандомизацияланған, салыстырмалы жасырын, көп орталықты, бақыланатын клиникалық зерттеулерде ТІУДЗ-дегі 502 пациентте зерттеу басында және 18 айдан кейін жүргізілді. Аторвастатин (n = 253) тобында атеросклероздың үдеуі байқалмады. Бастапқы көрсеткішпен салыстырғанда орташа пайыздың өзгеруі аторвастатин тобындағы атероманың (бастапқы зерттеу критерийлері) жалпы көлемінде -0.4% (р = 0,98) және правастатин (N = 249) тобында 2,7% (р = 0,001) құрады. Правастатинмен салыстырғанда, аторвастатиннің әсері статистикалық маңызды болды (р = 0,02). Жүрек-қантамыр жүйесінің соңғы нүктелеріне липидтердің қарқынды төмендеуінің әсері (мысалы, реваскуляризация қажеттілігі, фатальді емес миокард инфарктісі, коронарлық аурудан өлім) бұл зерттеуде зерттелмеген. Аторвастатинді қабылдау тобында ТТЛП ХС деңгейі бастапқы 3,89 ммол/л ± 0,7 (150 мг/дл ± 28) орташа 2,04 ммол/л ± 0,8 (78,9 мг/дл ± 30) дейін төмендетілді және правастатинді қабылдау тобында ТТЛП ХС деңгейі бастапқы 3,89 ммол/л ± 0,7 (150 мг/дл ± 26) (р <0,000 1) орташа 2,85 ммол/л ± 0,7 (110 мг/дл ± 26) дейін төмендетілді. Аторвастатин сондай - ақ ОХ орташа деңгейін 34,1% (правастатин: -18,4%, р <0,0001), ТГ орташа деңгейін 20% (правастатин: -6,8%, р <0,0009), аполипопротеин B орташа деңгейін 39,1% (правастатин: - 22,0%, р <0,0001) айтарлықтай төмендетті. Аторвастатин ТТЛП ХС орташа деңгейін 2,9% - ға көтерді (правастатин: +5.6%, p = NS). Правастатинді қабылдау тобымен салыстырғанда - 5,2% (р <0,0001) аторвастатинді қабылдау тобында СРА (С-реактивті ақуыз) деңгейінің орташа төмендеуі 36,4% құрады. Правастатинді қабылдау тобындағымен - 5,2% (р <0,0001) салыстырғанда аторвастатинді қабылдау тобында СРА (С-реактивті ақуыз) деңгейінің орташа төмендеуі 36,4% құрады. Зерттеу нәтижелері 80 мг дозада алынды. Сондықтан олардың төменірек дозаға болжауының мүмкіндігі жоқ. Екі емдеу тобындағы қауіпсіздік және көтерімділік бейіндері салыстырмалы болды. Бұл зерттеуде жүрек-қантамыр жүйесінің негізгі соңғы нүктелерінде липидтердің қарқынды төмендеуі әсері зерттелмеген. Сондықтан, жүрек-қан тамырлары асқынуларының бастапқы және қайталама профилактикасына қатысты визуализация нәтижелерінің клиникалық маңыздылығы белгісіз. Жедел коронарлық синдромы MIRACL зерттеулерінде 80 мг аторвастатиннің тиімділігі жедел коронарлық синдромы бар (Q-түзбейтін миокард инфарктісі немесе тұрақсыз стенокардия) 3086 пациентте бағаланды (аторвастатин n = 1538: плацебо n = 1548). Емдеу ауруханаға жатқызылғаннан кейін жедел фаза кезінде басталып, 16 апта бойы жалғасты. Тәулігіне 80 мг аторвастатинмен емдеу кез келген себеп бойынша өлім түрінде анықталатын біріктірілген бастапқы соңғы нүкте, миокард фатальді емес инфарктісі, реанимацияланған жүректің тоқтауы немесе емдеуге жатқызуды қажет ететін миокардиальді ишемия белгілері бар стенокардия пайда болу уақытын арттырды, бұл қауіптің 16% төмендегенін көрсетеді (р = 0,048). Бұл негізінен миокардиальді ишемия (р = 0,018) белгілері бар стенокардия нәтижесінде қайта емдеуге жатқызудың 26% - ға төмендеуі есебінен болды. Басқа екінші соңғы нүктелері статистикалық маңыздылыққа өз бетінше жеткен жоқ (барлығы: плацебо 22,2%, аторвастатин 22,4%). MIRACL зерттеуіндегі аторвастатиннің қауіпсіздік бейіні 4.8-бөлімде сипатталғандай болды. Жүрек-қан тамырлары ауруларының профилактикасы Аторвастатиннің жүректің фатальді және фатальді емес ишемиялық ауруына әсері рандомизацияланған, салыстырмалы жасырын, плацебо-бақыланатын ASCOT-LLA (Anglo-Scandinavian Cardiac Оutcomes Trial Lipid Lowering Arm) зерттеуінде бағаланды. Пациенттер артериялық гипертензиясы бар, 40-79 жастағы, алдында миокард инфаркті болмаған немесе стенокардияның емінсіз, ОХ ≤6.5 ммол/л (251 мг/дл) деңгейімен болған. Барлық пациенттерде 3-тен кем емес алдын ала анықталған жүрек-қантамыр қауіп факторлары болды: ер жынысты, жасы ≥ 55 жас, темекі шегу, қант диабеті, жақын туысының анамнезінде ЖИА, ОХ: СС ЖТЛП> 6 деңгейі, шеткері қан тамырларының аурулары, сол жақ қарыншаның гипертрофиясы, ерте цереброваскулярлық бұзылулар, ЭКГ спецификалық ауытқулары, протеинурия/альбуминурия. Зерттеуге енгізілген барлық пациенттерде бастапқы жүрек-қантамыр асқынуының дамуының жоғары қаупі байқалмады. Пациенттер антигипертензиялық емді (амлодипинмен немесе атенололмен) немесе тәулігіне 10 мг аторвастатинмен (n = 5168) немесе плацебо (n = 5137) ем алды. Аторвастатинмен абсолютті және салыстырмалы қауіптің келесі төмендеуі болды: Оқиғалар — Салыстыр-малы қауіптің төмендеуі (%) — Оқиғалар саны (аторвастатин плацебоға қарсы) — Абсолюттік қауіптің төмендеуі1 (%) — р-мәні Фатальді ЖИА плюс фатальді емес МИ — 36 — 100 қарсы 154 — 1.1 — 0.0005 Барлық жүрек-қан тамыр ауруларының оқиғалары және реваскуляризация емшаралары — 20 — 389 қарсы 483 — 1.9 — 0.0008 Барлық коронарлық оқиғалар — 29 — 178 қарсы 247 — 1.4 — 0.0006 1Бақылау медианасында 3,3 жыл жүретін оқиғалардың шамамен жиілігінің айырмасы негізінде. ЖИА = жүректің ишемиялық ауруы; МИ = миокард инфарктісі Жүрек-қан тамырлары ауруларының нәтижесінде жалпы өлім-жітім мен өлім азайған (185 қарсы 212 оқиға, р = 0.17 және 74 қарсы 82 оқиға, р = 0,51). Қосалқы топтар талдауында жыныстарға қатысты (81% ер адамдар, 19% әйел адамдар) аторвастатиннің оң әсері ерлерде байқалды, бірақ әйелдерде аторвастатиннің оң әсері анықталмаған, бұл әйелдердің қосалқы тобындағы оқиғалардың төмен жиілігіне байланысты болуы мүмкін. Жүрек-қантамырлары ауруларының нәтижесінде жалпы өлім-жітім мен өлім әйелдерде сан жағынан жоғары болды (38 -30-ға қарсы және 17- 12-ге қарсы), бірақ бұл статистикалық маңызды емес. Антигипертензиялық препараттармен емдеудің айтарлықтай өзара әрекеттесуі байқалды. Бастапқы соңғы нүкте (фатальді ЖИА плюс фатальді емес МИ) амлодипин (СҚ 0,47 (0.32-0.69), р = 0,00008) алған пациенттерде аторвастатинмен едәуір төмендеген, бірақ атенололмен емделген пациенттерде емес (СҚ 0,83 (0.59-1.17), р = 0,287). Аторвастатиннің фатальды және фатальді емес жүрек-қантамыр ауруларына әсері сондай-ақ рандомизирленген, салыстырмалы жасырын, көп орталықты, плацебо-бақыланатын CARDS зерттеулерінде (диабет кезінде аторвастатинді бірлескен зерттеу) 2 типті қант диабеті бар пациенттерде, жасы 40-75 жас, анамнезінде жүрек-қантамырлары ауруларынсыз және ХС-ТТЛП ≤4.14 ммол/л (160 мг/дл) және ТГ 6,78 ммол/л (600 мг/дл) деңгейінде бағалады. Барлық пациенттерде келесі қауіп факторларының ең болмағанда бірі болды: артериялық гипертензия, темекі шегу, ретинопатия, микроальбуминурия немесе макроальбуминурия. Пациенттер тәулігіне 10 мг дозада аторвастатинді (N = 1428), немесе 3,9 жастағы бақылау медианында плацебо (N = 1410) алды. Аторвастатинмен абсолютті және салыстырмалы қауіптің төмендеуі келесідей болды: Оқиғалар — Салыс-тырмалы қауіптің төмендеуі (%) — Оқиғалар саны (аторвастатин қарсы плацебо) — Абсолюттік қауіптің төмендеуі1 (%) — p-мәні Негізгі жүрек-қантамыр аурулары (фатальді және фатальді емес ЖМИ, жасырын МИ, жедел ЖИА болатын өлім, тұрақсыз стенокардия, АКШ, ТАТКA, реваскуляризация, инсульт) — 37 — 83 қарсы 127 — 3.2 — 0.0010 МИ (фатальді және фатальді емес ЖМИ, жасырын МИ) — 42 — 38 қарсы 64 — 1.9 — 0.0070 Инсульт (фатальді және фатальді емес) — 48 — 21 қарсы 39 — 1.3 — 0.0163 1Бақылау медианасы 3,9 жыл жүретін оқиғалардың шамамен жиілігінің айырмасы негізінде. ЖМИ = жедел миокард инфарктісі; АКШ = аортокоронарлық шунттау; ЖИА = жүректің ишемиялық ауруы; МИ = миокард инфарктісі; ТАТКА = тері арқылы транслюминалды коронарлық ангиопластика. Пациенттің жынысы, жасы немесе СЖ-ТТЛП бастапқы деңгейі бойынша емдеу әсерінің айырмашылығын растайтын мәліметтер жоқ. Қолайлы үрдіс өлім жиілігіне қатысты байқалды (плацебо қабылдау тобындағы 82 өлім жағдайына қарсы аторвастатинді қабылдау тобындағы 61 өлім жағдайы, р = 0,0592). Қайталанған инсульт SPARCL зерттеуінде (холестерин деңгейін агрессиялы төмендету арқылы инсультті профилактикалау), тәулігіне 80 мг аторвастатиннің немесе инсультқа плацебо әсер етуін инсульт немесе 6 ай ішінде транзиторлық ишемиялық шабуыл (ТИШ) және анамнезінде жүректің ишемиялық ауруынсыз (ЖИА) бастан өткерген 4731 пациентте бағалады. Пациенттер 21-92 жастағы ерлердің 60% - ы (орташа жасы 63 жасты құрады) ТТЛП орташа бастапқы деңгейі 133 мг/дл (3,4 ммол/л) болды. Аторвастатинмен емдеу кезінде ХС-ТТЛП орташа деңгейі 73 мг/дл (1,9 ммол/л) және плацебомен емдеу кезінде 129 мг/дл (3,3 ммол/л) құрады. Орташа бақылау кезеңі 4,9 жылды құрады. 80 мг дозадағы аторвастатин плацебомен салыстырғанда фатальді және фатальді емес инсульттің бастапқы соңғы нүктесінің қаупін 15%-ға (СҚ 0,85, 95% СА, 0.72-1.00, р = 0,05 немесе 0,84, 95% СА, 0.71-0.99, р = 0,03 бастапқы факторларды түзетуден кейін) төмендетті. Жалпы өлім плацебо тобындағы 8,9% (211/2366) салыстырғанда аторвастатин қабылдау тобында 9,1% (216/2365) құрады. Ретроспективті талдауда 80 мг дозада аторвастатин ишемиялық инсульттің даму жиілігін төмендетті (274/2366, 11,6%, р = 0,01 қарсы 218/2365, 9.2%) және плацебомен салыстырғанда геморрагиялық инсульттің (33/2366, 1,4%, р = 0,02 қарсы 55/2365, 2,3%,) даму жағдайларының санын арттырды. - Геморрагиялық инсульт қаупі зерттеуге қосылғанға дейін геморрагиялық инсульт бастан кешкен пациенттерде (плацебо тобындағы 2/48-мен салыстырғанда аторвастатин тобында 7/45; СҚ 4,06, 95% СА, 0,84-19.57) жоғарылаған, ал екі топта ишемиялық инсульт қаупі бірдей болды (плацебо тобындағы 2/48-мен салыстырғанда аторвастатин тобында 3/45; СҚ 1,64, 95% СА, 0.27-9.82). - Геморрагиялық инсульт қаупі зерттеуге қосылғанға дейін лакунарлық инфаркті бастан кешкен пациенттерде жоғарлады (плацебо тобындағы 4/701-мен салыстырғанда аторвастатин тобында 20/708; СҚ 4,99, 95% СА, 1.71-14.61) бірақ осы науқастарда ишемиялық инсульт қаупі төмендеді (плацебо тобындағы 102/701-мен салыстырғанда аторвастатин тобында 79/708; СҚ 0,76, 95%СА, 0.57-1.02). Инсульттің таза қаупі лакунарлық инфарктпен ауырған, аторвастатинді тәулігіне 80 мг дозасында алған пациенттерде артуы мүмкін. Геморрагиялық инсультпен ауырған пациенттердің қосалқы тобындағы жалпы өлім плацебо қабылдау тобында 10,4% (5/48) салыстырғанда аторвастатинді қабылдау тобында 15,6% (7/45) құрады. Лакунарлық инфарктпен ауырған пациенттердің қосалқы тобында плацебо қабылдау тобындағы 9,1% (64/701) салыстырғанда аторвастатинді қабылдау тобында жалпы өлім 10,9% (77/708) құрады. Балалар 6-17 жас арасындағы балалардағы гетерозиготалы отбасылық гиперхолестеринемия 8 апталық, фармакокинетиканы, фармакодинамиканы, аторвастатиннің қауіпсіздігі мен көтерімділігін бағалаудың ашық зерттеуі генетикалық расталған гетерозиготты отбасылық гиперхолестеринемиясы және ХС-ТТЛП ≥ 4 ммол/л бастапқы деңгейі бар балалар мен жасөспірімдерде жүргізілді. Зерттеуге 6-17 жас аралығындағы 39 бала мен жасөспірімдер қатыстырылған. А когортасы Таннер 1 сатысындағы 6 жастан 12 жасқа дейінгі15 баланы қамтыды. B когортасы 10-17 жас аралығындағы, Таннер ≥ 2 сатысындағы 24 баланы қамтыды. Аторвастатиннің шайнайтын таблеткасының бастапқы дозасы А когортасында тәулігіне 5 мг және В когортада тәулігіне 10 мг құрады. Егер пациентте 4-аптада ХС - ТТЛП <3,35 ммол/л нысаналы деңгейіне жетпесе және егер аторвастатин жағымдылығы жақсы болса аторвастатин дозасын екі есе ұлғайтуға болады. Барлық пациенттерде ХС - ТТЛП, ОХ, ХС - ТӨТЛП және Аро В деңгейінің орташа мәндері 2-аптада төмендеді. Дозаны ұлғайтқаннан кейін алғашқы бағалау кезінде қос дозасы бар пациенттерде қосымша төмендеу 2 аптадан кейін байқалды. Екі топта липидті параметрлердің орташа төмендеу пайызы пациенттердің бастапқы дозаны қабылдағанына немесе оны екі еселегеніне қарамастан бірдей болды. 8-ші аптада ХС - ЛПНП және ОХ бастапқы деңгейімен салыстырғанда орташа пайыздық өзгеріс тиісінше 40% және 30% - ды құрады. Гетерозиготалық отбасылық гиперхолестеринемиямен (HeFH) 6 жастан 15 жасқа дейінгі 271 ұлдар мен қыздардың қатысуымен екінші ашық, салыстырылмайтын клиникалық зерттеулерге ұзақтығы үш жылға дейінгі аторвастатинмен емдеу курсы енгізілді. Зерттеуге қосу үшін HeFH мен LDL-C ≥ 4 ммоль / л (шамамен 152 мг / дл) бастапқы деңгейін растауды талап етті. Зерттеуге 1 Таннер даму сатысының бағалауына сәйкес 139 бала (әдетте 6-дан 10 жасқа дейін) енгізілді. Аторвастатинді (күніне бір рет) қолдану 10 жасқа толмаған балаларда 5 мг дозада (шайнайтын таблеткалар) басталды. 10 және одан жоғары жастағы балаларға аторвастатинді 10 мг-нан (күніне бір рет) енгізді. Барлық балалар ТТЛП <3,35 ммоль / л нысанасына жету үшін неғұрлым жоғары дозаға дейін түзетілуге тиіс. 6 жастан 9 жасқа дейінгі балалар үшін орташа өлшемді доза 19,6 мг құрады, ал 10 және одан жоғары жастағы балалар үшін орташа өлшемді доза 23,9 мг құрады. LDL-C бастапқы орташа (+/- SD) мәні 6,12 (1,26) ммоль / л болды, бұл шамамен 233 (48) мг / дл болды. Төмендегі 3 кестеде соңғы нәтижелерді қараңыз. Алынған деректер клиникалық зерттеу барысында 3 жыл бойы аторвастатинмен ем қабылдаған, HeFH бар балалар мен жасөспірімдерде бойы өсуі мен дамудың бірде-бір параметріне (яғни өсуі, салмағы, ДСИ, Таннер сатысы, зерттеушінің жалпы жетілуі мен дамуын бағалауы) дәрілік әсер етпеуіне сәйкес. Зерттеушінің қаралу барысында бой өсуі, салмақ, ДСИ көрсеткіштерін бағалауында жасына немесе жынысына сәйкес қандай да бір әсер анықталмады. 3-кесте Гетерозиготалы отбасылық гиперхолестеринемиясы бар жасөспірім жастағы ұлдар мен қыздардағы аторвастатиннің липид төмендететін әсері (ммоль / л) Уақыт-тың сәті — N — TC (S.D.) — LDL-C (S.D.) — HDL-C (S.D.) — TG (S.D.) — Apo B (S.D.)# Бастап-қы дерек-тер — 271 — 7.86(1.30) — 6.12(1.26) — 1.314(0.2663) — 0.93(0.47) — 1.42(0.28)** Month 30 — 206 — 4.95(0.77)* — 3.25(0.67) — 1.327(0.2796) — 0.79(0.38)* — 0.90(0.17)* Month 36/ET — 240 — 5.12(0.86) — 3.45(0.81) — 1.308(0.2739) — 0.78(0.41) TC= жалпы холестерин; LDL-C = тығыздығы төмен липопротеинді холестерин; HDL-C = тығыздығы жоғары липопротеинді холестерин; TG = tтриглицеридтер; ApoB = аполипопротеин В; Month 36 / ET = 36 айға жоспарланған мерзімге дейін қатысуды үзген субъектілер үшін соңғы бару туралы деректерді, сондай-ақ 36 айлық зерттеуге қатысуды аяқтаған субъектілер үшін 36 айға толық деректерді қосты; “*”= Month 30 N осы параметр үшін 207 құрады; “**”=Осы параметр үшін бастапқы көрсеткіш деректері 270 құрады; “***” = Month 36/ETN осы параметр үшін 243 құрады; for Apo B үшін “#”= г/л. 10-17 жастағы балалардағы гетерозиготалы отбасылық гиперхолестеринемия Аторвастатинді (n = 140) немесе плацебо (n = 47) қабылдау тобына кейінгі ашық фазасы бар салыстырмалы жасырын плацебо-бақыланатын зерттеуде 26 апта ішінде гетерозиготты отбасылық гиперхолестеринемиясы (СГ) немесе гиперхолестеринемияның ауыр түрі бар 10-17 жастағы (орташа жасы 14,1 жасты құрады) 187 ер балалар мен етеккірі болған қыздар рандомизацияланған, содан кейін олардың барлығы 26 апта ішінде аторвастатинді қабылдаған. Аторвастатиннің дозасы (тәулігіне бір рет) алғашқы 4 апта ішінде 10 мг құрады, егер СС-ТТЛП деңгейі > 3,36 ммол/л болса, онда оны 20 мг дейін арттырды. 26 апталық жасырын салыстырмалы фазаның барысында аторвастатин қан плазмасындағы жалпы ХС, ХС-ТТЛП, триглицеридтер мен аполипопротеиннің деңгейін айтарлықтай төмендетті. 26 апталық жасырын салыстырмалы фаза барысында аторвастатинді қабылдау тобында ХС-ТТЛП орташа мәні 3,38 ммол/л-ге жетті (диапазон: 1.81-6.26 ммол/л), плацебо қабылдау тобында 5,91 ммол/л-ге (диапазон: 3.93-9.96 ммол/л) салыстырғанда. 10-18 жастағы гиперхолестеринемиясы бар балалардағы колестиполмен салыстырғанда аторвастатинді қосымша зерттеу аторвастатин (n = 25) колестиполмен (n = 31) салыстырғанда 26-ші аптада (р <0,05) ХС-ТТЛП деңгейін айтарлықтай төмендегенін көрсетті. Ауыр гиперхолестеринемиясы бар науқастарда (гомозиготикалық гиперхолестеринемияны қоса алғанда) қайырымдылық-сынау мақсатында жаңа тіркелмеген препаратты қолдана отырып зерттеуге жауапты реакцияға сәйкес дозаны титрлеу арқылы аторвастатинді алған 46 бала қатысты (кейбір пациенттер тәулігіне 80 мг аторвастатинді алды). Зерттеу 3 жыл жалғасты: ХС-ТТЛП 36% төмендеді. Ересек жастағы аурушаңдық пен өлімді төмендететін балалық жастағы аторвастатинмен ұзақ мерзімді емдеу тиімділігі анықталмаған. Дәрілік заттар жөніндегі Еуропалық агенттік 0-6 жастағы балалардағы аторвастатинді гетерозиготалы гиперхолестеринемияны емдеуде және 0-18 жастағы балалардағы гомозиготалы отбасылық гиперхолестеринемияны, аралас (аралас) гиперхолестеринемияны, бастапқы гиперхолестеринемияны емдеуде және жүрек - қантамырлары ауруларының профилактикасында зерттеу нәтижелерін беруден бас тартты (препаратты балаларда қолдану туралы ақпаратты 4.2 - бөлімде қараңыз).

Дозалау режимі Препаратты қолданғанда өз емдеуші дәрігеріңіздің немесе фармацевтің нұсқауларын әркез дәл орындалуын сақтаңыз. Егер сізде препаратты дұрыс қолдану туралы күмән туындаса, өз емдеуші дәрігеріңізбен немесе фармацевтпен ақылдасу керек. Емдеуді бастар алдында сіздің дәрігеріңіз сізге Аториспен емдеу кезінде де сақталу керек гипохолестерин диетасын тағайындайды. Ересектерде және 10 және одан жоғары жастағы балаларда Атористің ұсынылған бастапқы дозасы тәулігіне бір рет 10 мг құрайды. Қажет болған жағдайда, сіздің дәрігер дозаны сізге қажетті мөлшерге дейін арттыра алады. Сіздің дәрігеріңіз дозаны ұзақтығы 4 апта немесе оған жақын уақыт аралығында қайта қарайды. Атористің ең жоғары дозасы тәулігіне бір рет 80 мг құрайды. Енгізу әдісі және жолы Аторис® таблеткаларын тұтас жұтып, сумен ішу керек, тамақты ішуге қарамастан, күннің кез келген уақытында қабылдауға болады. Дегенмен, таблетканы күн сайын бір уақытта қабылдауға ұмтылыңыз. Емдеу ұзақтығы Аториспен емдеу ұзақтығын сіздің дәрігеріңіз анықтайды. Дәрілік препараттың бір немесе бірнеше дозасын өткізу кезінде қажетті шаралар Егер сіз өз дозаңызды қабылдауды ұмытып кетсеңіз, келесісін жоспарланған кесте бойынша қабылдаңыз. Сізге өткізіп алған препараттың орнына қосарлы дозаны қабылдауға болмайды.

• белсенді затқа немесе препараттың қосымша затының кез келгеніне аса жоғары сезімталдық • белсенді бауыр ауруы немесе генезі белгісіз сарысулық трансаминазалар белсенділігі жоғарылауы (қалыптың жоғарғы шегімен салыстырғанда 3 еседен астам) • жүктілік және бала емізетін әйелдер, контрацепцияның сенімді әдістерін қолданбайтын бала туатын жастағы әйелдер • егер сіз С гепатитін емдеу үшін глекапревир/пибрентасвир біріктірілімін қолдансаңыз • тұқым қуалайтын лактоза жақпаушылығы, LAPP-лактаза ферменті тапшылығы, глюкоза-галактоза мальабсорбциясы бар пациенттер

Барлық дәрілік заттар сияқты, бұл препарат та барлық пациенттерде байқалмайтын жағымсыз әсерлерді тудыруы мүмкін Келесі күрделі жағымсыз әсерлердің немесе симптомдардың қандай да біреуі пайда болған жағдайда таблеткаларды қабылдауды тоқтатып, бұл туралы дереу өз дәрігеріне хабарлау немесе жақын маңдағы шұғыл көмек бөліміне бару керек. Сирек: тыныс алу кезінде айқын қиындықтар тудыруы мүмкін бет, тіл және тамақтың ісінуімен бірге жүретін ауыр аллергиялық реакциялар терінің қатты қабыршақтануы мен ісінуімен, теріде, ауыз қуысында, көз аумағында, жыныс ағзаларында және дене температурасының көтерілуімен қатар жүретін ауыр жай-күй. Қызғылт-қызыл дақтары бар, әсіресе алақан немесе табанда пайда болуы мүмкін тері бөртпелері, олар күлдіреуіктермен жабылуы мүмкін. бұлшықеттің әлсіздігі, бұлшықеттің ауырсынуы, бұлшықеттің ауыруы, бұлшықеттің жыртылуы немесе несептің түсі қызыл-қоңыр түске өзгеруі, әсіресе көңіл-күйдің нашарлауымен немесе сіздегі дене температурасының жоғарылауымен бірге жүретін, бұлшықеттің қалыптан тыс бұзылуынан (рабдомиолиз) туындауы мүмкін. Қалыптан тыс бұлшықет некрозы аторвастатин қабылдауды тоқтатқан жағдайда да үнемі басылмауы мүмкін және бұл жағдай өмірге қауіпті болуы және бүйрек кінәраттарларына әкелуі мүмкін. Өте сирек егер сізде күтпеген немесе әдеттен тыс қан кету немесе соғылулар болуы бұл бауырдың кінәраттарларын көрсетуі мүмкін. Дереу дәрігермен кеңесу керек. - жегіге ұқсас синдром (бөртпелерді, буын ауруларын және қан жасушаларына әсерін қоса алғанда) Аторис® қолданған кезде басқа ықтимал жағымсыз әсерлер: Жиі • мұрын қуысының қабынуы, тамақтың ауыруы, мұрыннан қан кету • аллергиялық реакциялар • қандағы қант деңгейінің жоғарылауы (диабет болған жағдайда қандағы қант деңгейін мұқият қадағалап отыруды жалғастыруыңыз керек), қандағы креатинкиназа деңгейінің жоғарылауы • бас ауыруы • жүрек айнуы, іш қатуы, метеоризм, ас қорыту бұзылыстары, диарея • буындардың ауыруы, бұлшықеттің ауыруы және арқаның ауыруы • бауыр функциясы бұзылуын айғақтайтын қан талдауының нәтижелері Жиі емес • анорексия (тәбеттің жоғалуы), салмақ жинау, қандағы қант мөлшерінің төмендеуі (диабет болған жағдайда қандағы қант мөлшерін мұқият қадағалауды жалғастыруыңыз керек) • түнгі шым-шытырықтар, ұйқысыздық • бас айналу, қол саусақтарымен аяқ башпайларының ұюы немесе шаншуы, ауырсыну тітіркендіргіштеріне немесе жанасу сезгіштігінің азаюы, дәм сезгіштігінің өзгеруі, жадының жоғалуы • анық көрмеу • құлақтағы шуыл және/немесе баста шу болуы • құсу, кекіру, іштің жоғарғы және төменгі бөлігіндегі ауырсыну, панкреатит (іштің ауырсынуын тудыратын ұйқы безінің қабынуы) • гепатит (бауырдың қабынуы) • бөртпе, тері бөртпесі және қышыну, есекжем, шаш түсуі • мойынның ауыруы, бұлшықет әлсіздігі • шаршау, дімкәстік, әлсіздік, кеуденің ауыруы, ісінулер, әсіресе тобық аймағында, дене температурасының жоғарылауы • несепте лейкоциттердің болуы Сирек • көрудің бұзылуы • күтпеген қан кету немесе көгеру • холестаз (тері және көздің ақ бөлігінің сарғаюы) • сіңірдің зақымдануы • теріде пайда болуы мүмкін бөртпе немесе ауыздағы ойық жаралар (лихеноидты дәрілік реакция) • терінің пурпуралық зақымдануы (қан тамырларының қабыну, васкулит белгілері) Өте сирек • аллергиялық реакция - симптомдар кенеттен ысқырып тыныс алудың пайда болуы және кеуде ауырсынуы немесе сіресу, қабақтың, беттің, еріннің, ауыз қуысының, тілдің немесе тамақтың ісінуі, тыныс алудың қиындауы және естен тану болуы мүмкін • естімей қалу • гинекомастия (ерлерде сүт бездерінің ұлғаюы) Белгісіз - бұлшықеттің үнемі әлсіздігі - миастения (кейбір жағдайларда тыныс алу кезінде пайдаланылатын бұлшықеттерді қоса, жалпы бұлшықет әлсіздігін тудыратын ауру) - көз миастениясы (көз бұлшықеттерінің әлсіздігін тудыратын ауру). Егер сізде белсенділік кезеңдерінен кейін күшейетін қолдарыңызда немесе аяқтарыңызда әлсіздік пайда болса, қосарлы көру немесе қабақтың түсуі, жұтынудың қиындауы немесе ентігу болса, дәрігеріңізбен кеңесіңіз. Тек сирек/ жеке-дара жағдайларда және т. б. • сексуалдық сипаттағы қиындықтар • депрессия • тұрақты жөтел және/немесе тыныс алу қиындығын қоса, тыныс алу қиындықтары немесе ысыну • қант диабеті. Қандағы қант пен майдың жоғары мөлшерімен, артық салмақпен және жоғары артериалық қысыммен даму ықтималдығы артады. Емдеуші дәрігер осы дәрілік затты қабылдау кезінде жай-күйіңізді бақылайды. Жағымсыз дәрілік реакциялар туындаған жағдайда медицина қызметкеріне, фармацевтика қызметкеріне немесе тікелей, дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) жөніндегі ақпараттық мәліметтер базасына хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттарды, медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: жағымсыз әсерлердің күшеюі. Емі: Аторис® препаратын артық дозалауды емдеу үшін арнайы антидот жоқ. Артық дозаланғанда қажеттілігіне қарай симптоматикалық ем жүргізу керек (дәрігердің тағайындауы бойынша). Препарат қан плазмасының ақуыздарымен белсенді байланысатын болғандықтан, гемодиализ кезінде Аторис® препаратының клиренсінің елеулі ұлғаю ықтималдығы аз.

Бұдан әрі Аторис® сізге сәйкес келмеуі мүмкін себептер тізіледі: - соңғы 7 күн ішінде фузидий қышқылы (бактериялық инфекцияларды емдеуде қолданылады) деп аталатын препаратты пероральді немесе инъекция түрінде қолданып жүрсеңіз немесе қолданған болсаңыз. Фузидий қышқылы мен Атористің біріктірлімі бұлшықеттердің (рабдомиолиз) күрделі кінәраттарларына әкелуі мүмкін - бұрын миға қан құйылуы болған инсультті өткергені немесе сізде мида алдыңғы инсульттерден кейін пайда болған бос сұйықтық бар қуыстар байқалса - бүйрек аурулары - қалқанша безінің белсенділігі төмен болуы (гипотиреоз) - бұлшықетте бірнеше рет немесе түсініксіз жағымсыз, немесе ауырсыну сезімдері болуы, егер сізде немесе жақын туысқандарыңызда бұлшықет кінәраттары болуы - бұрын липидтердің мөлшерін азайтуға бағытталған басқа дәрілік заттармен емдеу кезінде бұлшықет кінәраттары пайда болса (мысалы. басқа «- статиндер» немесе «- фибраттар») - үнемі алкогольді көп мөлшерде қолдансаңыз - анамнезіңізде бауыр аурулары болса -70 жастан үлкен жас - ауыр тыныс алу жеткіліксіздігі - егер сізде миастения (кейбір жағдайларда тыныс алуға қатысатын бұлшықеттерді қоса, жалпы бұлшықет әлсіздігімен қатар жүретін ауру) немесе көз миастениясы (көз бұлшықеттерінің әлсіздігін тудыратын ауру) бар немесе бұрын болған болса, өйткені статиндер кейде жағдайды нашарлатуы немесе миастенияның пайда болуына әкелуі мүмкін. Егер осылардың кез келгені сізге қатысты болса, бұлшықетке байланысты жағымсыз әсерлердің қаупін болжау үшін дәрігерге Аториспен емдеу алдында және мүмкін ем кезінде қан талдауын жүргізу қажет болады. Белгілі бір препараттармен бір мезгілде қабылдағанда рабдомиолиздің даму қаупі артатыны белгілі («Басқа дәрілік препараттармен өзара әрекеттесуі» бөлімін қараңыз). Егер сізде үнемі бұлшықет әлсіздігі болса оны дәрігерге немесе фармацевтке хабарлау керек. Диагностика және емдеу үшін қосымша талдаулар мен препараттар қажет болуы мүмкін. Қант диабеті немесе осы препаратты қолдану кезінде оның даму қаупі болған жағдайда, дәрігер сіздегі жалпы жағдайды мұқият қадағалайды. Егер сізде қандағы қант пен майдың жоғары деңгейі, артық салмақ пен жоғары артериялық қысым бақыланса қант диабетінің даму қаупі артады. Препараттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері Әдетте, бұл препарат сіздің машинаны басқару қабілетіңізге әсер етпейді. Егер препарат сіздің көлік құралын немесе қауіптілігі зор механизмдерді басқару қабілетіңізге әсер етсе, қызметтің осындай түрінен аулақ болу керек. Қосымша заттар туралы ақпарат Аторис® құрамында лактоза бар. Сирек тұқым қуалайтын галактозаның жағымсыздығы, лактазаның жалпы тапшылығы немесе глюкоза-галактозаның сіңуі бұзылуы бар пациенттер бұл препаратты қабылдамауы тиіс. Препарат дозасында натрий 1 ммоль (23 мг) аз, яғни, құрамында натрий жоқ дерлік.

Егер сіз жүкті болсаңыз немесе жүкті болуды жоспарласаңыз, Аторис® қабылдамаңыз. Егер сіз сенімді контрацепция шараларын қолданбасаңыз, жүкті бола алсаңыз, Аторис® қабылдамаңыз. Егер сіз бала емізіп жүрсеңіз, Аторис® қабылдамаңыз. Аторис® препаратын жүктілік және бала емізу кезінде қолдану қауіпсіздігі дәлелденбеген. Препаратты қолданар алдында емдеуші дәрігерден немесе фармацевтен кеңес алу керек.

• Егер сіз басқа дәрілік препаратты қабылдап жүрсеңіз, жақында қабылдасаңыз немесе қабылдау мүмкіндігі болса дәрігерге немесе фармацевтке хабарлауыңыз керек. Кейбір препараттар Аторис® әсерін өзгертуі мүмкін немесе Аторис® олардың әсерлеріне ықпал етуі мүмкін. Өзара әрекеттесудің бұл түрі бір немесе екі препараттың тиімділігін төмендетуі мүмкін. Сондай-ақ, бұл «ДП стандартты қолданғанда пайда болатын жағымсыз реакциялардың сипаттамасы және бұл жағдайда қабылдануы тиіс шаралар» бөлімінде сипатталған рабдомиолиз деп аталатын бұлшықет әлсіздігінің ауыр жағдайын қоса алғанда, жағымсыз әсерлердің қаупін немесе айқындылығын арттыруы мүмкін: - сіздің ммундық жүйеңізге әсер ететін препараттар, мысалы, циклоспорин- кейбір бактерияға қарсы немесе зеңге қарсы препараттар, мысалы, эритромицин, кларитромицин, телитромицин, кетоконазол, итраконазол, вориконазол, флуконазол, позаконазол, рифампин, фузидий қышқылы - липидтер деңгейін реттеуге арналған басқа препараттар, мысалы, гемфиброзил, басқа фибраттар, колестипол - стенокардияда немесе артериялық гипертензияда қолданылатын кальций өзекшелерінің кейбір блокаторлары, мысалы, амлодипин, дилтиазем,- сіздің жүрек ырғағын реттеуге арналған препараттар, мысалы, дигоксин, верапамил, амиодарон - летермовир, цитомегаловирусты инфекцияның профилактикасы үшін қолданылатын - АИТВ-ны емдеуде қолданылатын препараттар, мысалы, ритонавир, лопинавир, атазанавир, индинавир, дарунавир, типранавир/ритонавир біріктірілімі және т. б. - С гепатитін емдеуде қолданылатын кейбір препараттар, мысалы, телапревир, боцепревир және эльбасвир/гразопревир, ледипасвир/софосбувир біріктірілімі, симепревир - эзетимиб (холестерин деңгейін төмендетеді), варфарин (қанның ұюын төмендетеді), оральді контрацептивтер, стирипентол (эпилепсия кезіндегі құрысуға қарсы дәрі), циметидин (қыжылда және ойық жара ауруы кезінде пайдаланылады), феназон (ауырсынуды басатын), колхицин (подаграны емдеу үшін пайдаланылады) және антацидтерді (құрамында алюминий немесе магний бар асқазан аурулары кезіндегі дәрілер) қоса, Аториспен өзара әрекеттесетіні белгілі басқа да дәрілік заттар - рецептісіз берілетін препараттар: шайқурай - бактериялық инфекцияны емдеу үшін фузидий қышқылын пероральді қолдану қажет болған жағдайда, сізге осы препаратты қолдануды уақытша тоқтату қажет. Сіздің дәрігеріңіз Аторис® қабылдауды қауіпсіз жалғастыру уақытын анықтайды. Атористі фузидий қышқылымен бір мезгілде қолдану сирек жағдайларда бұлшықет әлсіздігіне, ауырсынуына немесе бұлшықет ауырсынуына (рабдомиолиз) әкелуі мүмкін. – даптомицин (терінің және оның құрылымының күрделі инфекцияларын, сондай-ақ қандағы бактерияларды емдеу үшін пайдаланылатын дәрі) Аторис® препаратын тағаммен, сусындармен және алкогольмен қолдану Грейпфрут шырыны Грейпфрут шырынын күніне бір немесе екі шағын стақаннан артық қабылдамаңыз, өйткені шырынның көп мөлшері Атористің әсерін өзгертуі мүмкін. Алкоголь Осы препаратты қабылдауда алкогольдің көп мөлшерін қабылдаудан аулақ болу керек.

Сақтау мерзімі • 2 жыл. • Жарамдылық мерзімі өткеннен кейін қолдануға болмайды! Сақтау шарттары Түпнұсқалық қаптамасында, 25 С-ден аспайтын температурада сақтау керек. Балалардың қолы жетпейтін жерде сақтау керек!