Афстила® лиофилизат 500 МЕ

Лиофилизаты бар 1 құтының ішінде: Лиофилизат — 500 ХБ — 1000 ХБ — 2000 ХБ — 3000 ХБ Әсер етуші зат Лоноктоког альфа — 500 ХБ — 1000 ХБ — 2000 ХБ — 3000 ХБ Қосымша заттар L-гистидин — 7,8 мг — 7,8 мг — 15,5 мг — 15,5 мг Сахароза — 15,0 мг — 15,0 мг — 30,0 мг — 30,0 мг Полисорбат 80 — 0,5 мг — 0,5 мг — 1,0 мг — 1,0 мг Кальций хлориді — 0,9 мг — 0,9 мг — 1,9 мг — 1,9 мг Натрий хлориді — 41,0 мг — 41,0 мг — 82,0 мг — 82,0 мг Хлорлы сутек қышқылы — q. s. рН жеткізу үшін Еріткіш Инъекцияға арналған су — 2,5 мл — 2,5 мл — 5,0 мл — 5,0 мл Әрбір құтыда номиналды түрде 500 ХБ рекомбинантты бір тізбекті VIII қан ұю факторы бар (rVIIISingleChain, ХПА = лоноктоког альфа). Инъекцияға арналған 2,5 мл суды сұйылтқаннан кейін ерітіндіде 200 ХБ/мл рекомбинантты бір тізбекті VIII қан ұю факторы болады. Әрбір құтыда номиналды түрде 1000 ХБ рекомбинантты бір тізбекті VIII қан ұю факторы бар (rVIIISingleChain, ХПА = лоноктоког альфа). Инъекцияға арналған 2,5 мл суды сұйылтқаннан кейін ерітіндіде 400 ХБ/мл рекомбинантты бір тізбекті VIII қан ұю факторы болады. Әрбір құтыда 17,5 мг (0,76 Ммоль) натрий бар. Әрбір құтыда номиналды түрде 2000 ХБ рекомбинантты бір тізбекті VIII қан ұю факторы бар (rVIIISingleChain, ХПА = лоноктоког альфа). Инъекцияға арналған 5,0 мл суды сұйылтқаннан кейін ерітіндіде 400 ХБ/мл рекомбинантты бір тізбекті VIII қан ұю факторы болады. Әрбір құтыда номиналды түрде 3000 ХБ рекомбинантты бір тізбекті VIII қан ұю факторы бар (rVIIISingleChain, ХПА = лоноктоког альфа). Инъекцияға арналған 5,0 мл суды сұйылтқаннан кейін ерітіндіде 600 ХБ/мл рекомбинантты бір тізбекті VIII қан ұю факторы болады. Сыртқы түрінің, иісінің, дәмінің сипаттамасы Лиофилизацияланған ұнтақ: ақ немесе сәл сары түсті ұнтақ немесе борпылдақ масса. Қалпына келтірілген ерітінді: мөлдірден сәл бозаңданатынға дейінгі түссіз дерлік сұйықтық. Еріткіш: түссіз мөлдір сұйықтық.

А гемофилиясы бар (туа біткен қан ұюының VIII факторының жеткіліксіздігі) пациенттерде қан кетуді емдеу және профилактикасы. Афстила® препараты барлық жас топтарында қолдануға арналған.

ATХ коды B02BD02 Афстила (ХПА: лоноктоког альфа) гемостаз тиімділігі үшін қажетті VIII қан ұю жеткіліксіз факторын алмастыратын рекомбинантты адам ақуызы болып табылады. Лоноктоког альфа VIII қан ұю факторының ауыр және жеңіл тізбектері арасындағы коваленттік байланысты қамтамасыз ететін қысқартылған В-домені бар полипептидтік тізбек болып табылады. Ол толық өлшемді адамның рекомбинантты VIII қан ұю факторына қарағанда фон Виллебранд факторына жоғары аффинділікке ие. Фон Виллебранд факторы VIII қан ұю факторын тұрақтандырады және оны жойылудан қорғайды. Белсендірілген лоноктоког альфа молекуласында эндогендік FVIII қан ұю факторына ұқсас аминқышқылдарының тізбегі бар. Фармакодинамикасы А гемофилиясы бұл VIII қан ұю факторының төмен деңгейімен байланысты жыныспен біріккен тұқым қуалайтын қан ұюының бұзылуы, бұл өздігінен де, жарақаттар мен операциялық араласулар нәтижесінде де буындарға, бұлшықеттерге және ішкі ағзаларға жаппай қан құйылуларға әкеледі. Орын басу емін жүргізу кезінде плазмадағы VIII қан ұю факторының деңгейі жоғарылайды, нәтижесінде қан плазмасындағы фактор тапшылығы уақытша түзетіледі және қанағыштықтың жоғарылау үрдісі төмендейді. VIII қан ұю факторы / фон Виллебранд факторы кешені әртүрлі физиологиялық функциялары бар екі молекуладан (VIII қан ұю факторы және фон Виллебранд факторы) тұрады. Гемофилиямен ауыратын пациенттерге вена ішіне енгізгенде, VIII қан ұю факторы пациенттің қан айналымы жүйесіндегі эндогендік Виллебранд факторымен байланысады. Белсендірілген қан ұю VIII факторы қан ұю Х факторының белсендірілген қан ұю Х факторына айналуын тездете отырып, белсендірілген қан ұю IX факторы үшін ко-фактор ретінде әсер етеді. Белсендірілген қан ұю X факторы протромбиннің тромбинге өтуіне ықпал етеді. Тромбин өз кезегінде фибриногеннің фибринге өтуіне ықпал етеді, бұл тромб түзілуіне әкеледі. 12 жастан 65 жасқа дейінгі ересектер мен жасөспірімдер Қан кетудің алдын алу, қан кетуді бақылау мақсатында енгізу кезінде гемостаздың тиімділігін бағалау мақсатында және бұрын ем қабылдаған ауыр А гемофилиясы бар 175 пациент арасында периоперациялық кезеңде профилактика режимінде Афстила препаратын қолданудың тиімділігі мен қауіпсіздігіне 14 306 экспозиция күні (ЭК) ішінде 1001 клиникалық зерттеу жүргізілді. Ешбір пациентте тежегіштердің түзілуі немесе анафилаксиялық реакциялардың дамуы байқалмады. Профилактика 146 пациент препаратты аптасына 3 рет профилактика режимінде қабылдады (медиана СГЧК, 1,14 (квартиларалық ауқым: 0,0; 4,2)), 79 (54 %), 47 (32 %) - аптасына 2 рет. Профилактикалық емдеу кезінде аптасына 2 және 3 рет пациенттер инфузияға сәйкесінше 35 және 30 ХБ / кг медианамен доза қабылдады, ал барлық профилактикалық режимдерде жылдық тұтынудың медианасы жылына 4283 ХБ/кг құрады. Қан кетуді емдеу 1001 зерттеуде байқалған 848 қан кету эпизодтарының 93,5% - ы препараттың 1-2 инфузиясымен басылды. Қан кетуді емдеуге арналған орташа доза 34,7 ХБ/кг құрады. Периоперациялық бақылау (хирургиялық профилактика) 1001 клиникалық зерттеу аясында 13 пациентте 16 ауқымды хирургиялық араласу жүргізілді. Хирургиялық профилактикадағы лоноктоког альфа гемостатикалық тиімділігі барлық хирургиялық араласуларда тамаша немесе жақсы деп бағаланды. Периоперациялық бақылаудағы тиімділік 18 жасқа дейінгі балаларда бағаланбаған. 12 жасқа дейінгі балалар Бұрын ем қабылдаған 12 жасқа толмаған 84 пациенттің қатысуымен жүргізілген клиникалық зерттеуде бірде-бір пациентте тежегіштердің түзілуі немесе анафилаксиялық реакциялардың дамуы байқалмады. Жекелеген профилактика Профилактикалық режимде ем қабылдаған 81 пациенттің ішінен (орташа СГЧК 3,69 (квартильаралық ауқым: 0,00; 7,20)), 43 (53 %) олар терапияны аптасына 2 рет және 25 (31 %) - аптасына 3 рет алды. Профилактикалық режимде аптасына 2 және 3 рет ем қабылдаған пациенттер сәйкесінше инфузияға 35 және 32 ХБ/кг медианасы бар дозалар қабылдады және барлық профилактикалық режимдерде жылдық тұтыну медианасы жылына 4109 ХБ/кг құрады. Қан кетуді емдеу 3002 зерттеуде байқалған 347 қан кету эпизодтарының 95,7% - ы 1-2 инфузиямен басылды. Қан кетуді емдеуге арналған доза медианасы 27,6 ХБ/кг құрады. 3001 ұзартылған зерттеуге бұрын ем қабылдаған 222 пациент (12 жасқа дейінгі 67 пациент) енгізілді. Осы зерттеудегі БЕП үшін орташа (SD) ЭК саны 341,9 (135,48) күнді құрады. Барлығы 212 пациентте (95,5%) > 100 ЭК қол жеткізілді. Осы ұзартылған зерттеудің нәтижелері бойынша жаңа сигналдар немесе қауіпсіздік тарапынан мәселелер анықталған жоқ. Тиімділікті бағалау нәтижелері бұрынғы зерттеулерде алынған нәтижелермен салыстырылды. Бұрын ем қабылдамаған пациенттер (БЕҚП) 3001 зерттеуе 1,0 жастағы медианадан бастап барлығы 24 РНП енгізілді (ауқымы: 0-ден 5 жасқа дейін). Зерттеуге қатысушыларда лоноктоког альфа (орташа (SD): 245,5 (161,56) ЭК қолдану кезінде барлығы 5909 ЭК жинақталған. Жеке таңдалған профилактика Зерттеу барысында барлығы 23 БЕП профилактикалық режимді қабылдады (11-і "талап бойынша" емдеу режимінен өтті). Профилактика кезінде ЖҚЖ медианасы 1,84 жағдайды құрады (диапазон: 0,0-ден 23,6 жағдайға дейін), ауыр қан кетудің жылдық жиілігінің медианасы 0,88 жағдайды құрады (диапазон: 0,0-ден 19,7 жағдайға дейін). Қан кетуді емдеу Қан кетудің бақыланған 315 емделген жағдайының (соның ішінде бір ауқымды қан кету) 88,9% - ы 1 немесе 2 инфузия көмегімен тоқтатылды. FVIII тежегіштері туындаған А гемофилиясы бар пациенттерде иммундық төзімділік индукциясы (ИТИ) бойынша деректері жиналды Айта кету керек, жылдық қан кету жиілігі (ЖҚЖ) әртүрлі фактор концентраттары мен әртүрлі клиникалық зерттеулер арасында тікелей сәйкес келмейді.

Тек вена ішіне енгізу үшін! Афстила® препаратымен терапияны гемофилиямен ауыратын пациенттерді емдеу тәжірибесі бар дәрігерлер жүргізуі тиіс. Препарат қоса берілген еріткішпен лиофилизатты қалпына келтіргеннен кейін бірнеше минут ішінде вена ішіне енгізіледі (Вена ішіне енгізу үшін ерітінді дайындау жөніндегі нұсқаулықты қараңыз). Қалпына келтірілген препаратты пациент үшін қолайлы жылдамдықпен 10 мл/мин аспайтын жылдамдықпен баяу енгізу керек. VIII қан ұю факторының қажетті дозасын есептеу дене салмағының әр кг-на VIII қан ұю факторының 1 халықаралық бірлігі (ХБ) осы фактордың қан плазмасындағы белсенділігін 2 ХБ/дл арттыратыны туралы эмпирикалық деректерге негізделген. Қажетті доза келесі формула бойынша есептеледі: Доза (ХБ) = дене салмағы (кг) × қан ұю факторы деңгейінің қажетті жоғарылауы VIII (ХБ/дл немесе нормадан %) × 0,5 (ХБ/кг ХБ/дл-ге) Препараттың дозасы мен жиілігін таңдағанда, әр жекелеген жағдайда әрдайым клиникалық тиімділікке назар аудару керек. Емдеуді бақылау Емдеу барысында енгізілетін дозаны және қайталама инъекция жиілігін түзету үшін VIII қан ұю факторының деңгейін анықтау ұсынылады. Жеке пациенттерде VIII қан ұю факторын енгізуге жауап әр түрлі болуы мүмкін, бұл әр түрлі жартылай шығарылу және қалпына келтіру кезеңдерін көрсетеді. Дене салмағы бойынша есептелген доза дене салмағы жеткіліксіз немесе артық пациенттерде түзетуді қажет етуі мүмкін. Кең ауқымды хирургиялық араласулар жағдайында қанның ұюын талдау арқылы орын басу терапиясын мұқият бақылау (қан плазмасындағы VIII қан ұю факторы белсенділігі) міндетті болып табылады. Пациенттердің қан үлгілеріндегі VIII қан ұю факторының белсенділігін бағалау үшін белсендірілген ішінара тромбопластин уақытының (БІТУ) in vitro бір сатылы анықтамасын пайдаланған кезде плазмадағы VIII қан ұю факторының белсенділігінің нәтижелері әрбір нақты жағдайда қолданылатын реагенттердің БІТУ анықтамасына және референттік стандарттарға айтарлықтай тәуелді болуы мүмкін. Сонымен қатар, БІТУ-реагентті және хромогендік талдауды пайдалана отырып, бір сатылы коагуляциялық белсенділік тестінің нәтижелері арасында айтарлықтай алшақтық болуы мүмкін. Бұл зертхананы ауыстыру және/немесе тест жүргізу кезінде пайдаланылатын реагенттерді ауыстыру кезінде ерекше маңызға ие. Афстила® препаратын қабылдайтын пациенттерде енгізілетін дозаны және қайталама инъекциялардың жиілігін бақылау үшін хромогендік талдауды немесе бір сатылы коагуляциялық белсенділік тестін пайдалана отырып, қан плазмасындағы VIII қан ұю факторының белсенділігін анықтау қажет. Афстила® препаратының мәлімделген белсенділігі хромогендік тест нәтижелеріне негізделген. Емдеу мониторингін жүргізу кезінде хромогендік тестті пайдалану ұсынылады. Осы тесттің көмегімен алынған нәтижелер бір сатылы коагуляциялық белсенділікті талдауды пайдалану кезіндегіге қарағанда жоғары болады (шамамен 45%). Осы сәйкессіздіктерді түзету үшін бір сатылы коагуляциялық тест нәтижелерін 2-ге көбейту керек. Дозалау режимі Афстила® препаратының дозалары мен орын басу емінің ұзақтығы VIII қан ұю факторы тапшылығының ауырлық дәрежесіне, қан кетудің орналасуы мен ауырлығына, сондай-ақ пациенттің клиникалық жағдайына байланысты. VIII қан ұю факторы бірліктерінің енгізілетін саны Халықаралық бірліктермен (ХБ) өлшенеді, бұл Дүниежүзілік Денсаулық сақтау Ұйымының (ДДСҰ) VIII қан ұю факторы бар препараттар үшін қолданыстағы стандартқа сәйкес келеді. Плазмадағы VIII қан ұю факторының белсенділігі пайызбен (адамның қалыпты плазмасына қатысты) немесе ХБ (плазмадағы VIII қан ұю факторы мөлшерінің халықаралық стандартына қатысты) көрсетіледі. VIII қан ұю факторы белсенділігінің бір ХБ адамның қалыпты плазмасындағы 1 мл VIII қан ұю факторының санына тең. Белсенділікті бағалау хромогендік субстратты қолдана отырып талдау арқылы жүзеге асырылады. Қан плазмасындағы VIII қан ұю факторының деңгейін хромогендік субстрат немесе бір сатылы коагуляция белсенділігін талдау арқылы бақылауға болады. Талап бойынша емдеу VIII қан ұю факторының қажетті дозасын есептеу эмпирикалық түрде анықталған заңдылыққа негізделген, соған сәйкес дене салмағының килограммына 1 ХБ VIII қан ұю факторы қандағы осы фактордың белсенділігін 2,0 ХБ/дл арттырады. Қажетті доза келесі формуланы қолдана отырып есептеледі: Доза (ХБ) = дене салмағы (кг) × қан ұю факторының қажетті жоғарылауы VIII (ХБ/дл немесе нормадан %) × 0,5 (ХБ/кг ХБ/дл-ге) Енгізілетін доза мен енгізу жиілігі әрбір жекелеген жағдайда клиникалық тиімділікті ескере отырып есептелуі тиіс. 3-кестеде келтірілген қан кету жағдайларында тиісті уақыт кезеңінде VIII қан ұю факторының белсенділігі кестеде көрсетілген плазмадағы белсенділік деңгейінен төмен болмауы тиіс (қалыпты деңгейден % - бен немесе ХБ/дл). 3-кесте қан кету кезінде және хирургиялық тәжірибеде препараттың дозаларын есептеу үшін пайдаланылуы мүмкін. 3-кесте. Қан кету және хирургиялық араласу кезінде талап бойынша емдеу үшін VIII фактор белсенділігінің талап етілетін деңгейі Қан кетудің ауырлығы / хирургиялық араласу типі — VIII қан ұю факторының қажетті жоғарылауы (% немесе ХБ / дл) — Дозаны енгізу жиілігі (сағат) / емдеу ұзақтығы (күндер) Қан кету Гемартроздың ерте фазасы, бұлшықет ішіне қан кету немесе ауыз қуысында қан кету — 20–40 — Инъекцияны әр 12 24 сағат сайын, қан кету тоқтағанға дейін немесе ауырсыну синдромы басылғанға дейін кем дегенде 1 тәулік бойы қайталау керек. Барынша айқын гемартроз, бұлшықетішілік қан кету немесе гематома — 30–60 — Инъекцияларды әр 12 – 24 сағат сайын 3 4 күн немесе одан да көп уақыт бойы ауырсыну синдромы немесе функцияның жедел бұзылуы жойылғанға дейін қайталау керек. Өмірге қауіп төндіретін қан кету — 60–100 — Өмірге төнген қауіп сейілгенге дейін әр 824 сағат сайын инъекцияларды қайталау керек. Хирургиялық араласу Шағын хирургиялық араласу, соның ішінде асқынбаған тіс жұлу — 30–60 — Жара жазылғанға дейін, кем дегенде 1 тәулік, әр 24 сағат сайын енгізу керек. Ауқымды хирургиялық араласу — 80–100 (операцияға дейін және кейін) — Әр 824 сағат сайын жараның талапқа сай жазылуына дейін инъекцияларды қайталап отыру керек, содан кейін VIII қан ұю факторының белсенділігін 30-60 % (ХБ/дл) деңгейінде ұстап тұру үшін тағы кем дегенде 7 күн. Профилактика Ұсынылған бастапқы режим аптасына 2-3 рет Афстила® препаратының 20-дан 50 ХБ/кг-ға дейінгі дозасын құрайды. Режимді пациенттің клиникалық жауабына қарай түзетуге болады. Балалар 12 жасқа дейінгі балалар Балаларда ұсынылған бастапқы режим (0-ден ˂12 жасқа дейін) аптасына 2-3 рет Афстила® препаратының 30-дан 50 ХБ/кг-ға дейінгі дозасын құрайды. ˂12 жастағы балаларда осы жас тобына тән жоғары клиренсті толтыру мақсатында жиі енгізу немесе барынша жоғары дозалар қажет болуы мүмкін. 12 жастан асқан балалар 12 жастан асқан жасөспірімдер үшін дозалау бойынша нұсқаулар ересек пациенттерге арналған нұсқауларға ұқсас Егде жастағылар Афстила® препаратына клиникалық зерттеулер 65 жастан асқан пациенттерде жүргізілмеген. Вена ішіне енгізу үшін ерітінді дайындау жөніндегі нұсқаулық: Жалпы нұсқаулар • Қалпына келтірілген ерітінді мөлдір немесе сәл бозаңданған, түссіз немесе сарғыш болуы тиіс. Сүзуден/шығарылғаннан кейін (төменде қараңыз) және енгізер алдында препараттың қалпына келтірілген ерітіндісін механикалық қосылыстардың бар-жоғына және түсінің өзгеруіне визуалды тексеру керек. • Қалпына келтірілген ерітіндіні бұлыңғыр немесе түсі өзгерген жағдайда, сондай-ақ егер ерітіндіде механикалық қосылыстар байқалған жағдайда пайдалануға болмайды. • Препараттың қалпына келтірілген ерітіндісін дайындау асептикалық жағдайда жүргізілуі тиіс. • Пайдаланылмаған ерітіндіні немесе қалдықтарды жергілікті талаптарға сәйкес утилизациялау керек. Қалпына келтірілген ерітіндіні дайындау Еріткішті бөлме температурасына дейін жеткізіңіз. Еріткіш пен препараты бар құтылардан «флип-офф» типті қақпақтарының алынып тасталғанына, тығындардың антисептикалық ерітіндімен өңделгеніне және Mix2Vial еріткішін қосуға арналған құрылғы ашылғанға дейін кептірілгеніне көз жеткізіңіз. 1 — 1. Кіріктірілген Mix2Vial сүзгісі бар еріткішті қосуға арналған құрылғының қаптамасынан қақпақты алыңыз. Блистерлік қаптамадан кіріктірілген сүзгісі (Mix2Vial) бар еріткішті қосуға арналған құрылғыны шығармаңыз! 2 — 2. Еріткіші бар құтыны мықтап ұстап, тегіс, таза бетке қойыңыз. Mix2Vial құрылғысын блистерлі қаптамамен бірге алыңыз және құрылғының көк бөлігінің өткір өзегімен тігінен төмен қарай басып тұрып, еріткіші бар құтының тығынын тесіңіз. 3 — 3. Mix2Vial құрылғысының блистерлі қаптамасының шетінен ақырын ұстап тұрып, блистерлік қаптаманы тігінен жоғары қарай алыңыз. Mix2Vial құрылғысының өзін емес, тек блистерлі қаптаманы алып тастағаныңызға көз жеткізіңіз. 4 — 4. Препараты бар құтыны тегіс беткейге қойыңыз және оның үстіне еріткіші бар құтыны оған бекітілген Mix2Vial құрылғысымен бірге аударыңыз, содан кейін еріткішті қосуға арналған құрылғының мөлдір бөлігінің өзегін тігінен төмен қарай басып, препараты бар құтының тығынын тесіңіз. Еріткіш автоматты түрде препараты бар құтыға көшеді. 5 — 5. Бір қолыңызбен Mix2Vial еріткішін қосуға арналған құрылғыны препараты бар құты жағынан, екінші қолыңызбен еріткіші бар құты жағынан ұстаңыз және лиофилизат еріген кезде қатты көбіктенуді болдырмай, құрылғыны екі бөлікке ақырын бұраңыз. Mix2Vial еріткішін қосу үшін бекітілген құрылғының көк бөлігі бар еріткіш болған құтыны утилизациялау керек. 6 — 6. Препарат толығымен ерігенше мөлдір құрылғы қосылған препарат бар құтыны абайлап бұраңыз. Құтыны шайқамаңыз. 7 — 7. Ауаны бос стерильді шприцке алыңыз да, препараты бар құтыны тік ұстап тұрып, шприцті Mix2Vial құрылғысындағы Люэрдің ұштығына бекітіңіз. Препарат бар құтыға ауаны енгізіңіз. Препаратты алу және енгізу 8 — 8. Шприцтің поршенін басып тұрып, құтыны шприцпен бірге аударыңыз. Шприцтің поршенін баяу тартып, оған қалпына келтірілген ерітіндіні алыңыз. 9 — 9. Қалпына келтірілген ерітінді шприцке алынғаннан кейін, шприцтің цилиндрін айналдыра ұстап (шприцті поршенін төмен қаратып ұстаңыз) және Mix2Vial мөлдір құрылғысын шприцтен сағат тіліне қарсы бұрап ажыратыңыз. Афстила® препаратын дайындау және енгізу үшін жиынтықта берілген еріткішті және Mix2Vial еріткішін қосуға арналған құрылғыны ғана пайдалану керек, өйткені кейбір енгізу құрылғыларының ішкі беткейінде VIII қан ұю факторының адсорбциясына байланысты емдеу тиімсіз болуы мүмкін. Инъекция жүргізу кезінде препараты бар шприцке қанның түсуіне жол бермеу керек, себебі бұл шприцте қанның коагуляциясын және пациенттің қан ағымына ұйындылардың түсуін тудыруы мүмкін. Афстила® препаратының қалпына келтірілген ерітіндісі одан әрі сұйылтуға жатпайды. Препараттың қалпына келтірілген ерітіндісін вена ішіне баяу жеке инъекция/инфузия түрінде енгізу керек. Қалпына келтірілген ерітіндіні дайындау тікелей қолданар алдында жүзеге асырылады.

- лоноктоког альфаға немесе препараттың құрамына кіретін компоненттердің кез келгеніне аса жоғары сезімталдық. - аламан ақуыздарына белгілі аллергиялық реакциялар. Сақтықпен: 65 жастан асқан пациенттерде Афстила® препаратының тиімділігі мен қауіпсіздігіне клиникалық зерттеулер жүргізілмеген, сондықтан мұндай пациенттерде Афстила® препаратын қолданған кезде сақ болу ұсынылады.

Қауіпсіздік профиліне қысқаша шолу Аса жоғары сезімталдық немесе аллергиялық реакциялар (бұлар препаратты енгізу орнында ангионевроздық ісінуді, ашыту және қышынуды, қалтырау, қызару, жайылған есекжем, жергілікті есекжем, бас ауыруы, гипотензия, летаргия, жүрек айну, мазасыздық, тахикардия, кеуде қуысының қысылу сезімі, құлақтың шыңылдауы, құсу, ысқырып тыныс алуды қамтуы мүмкін) VIII қан ұю факторы препараттарын қолданған кезде сирек байқалды және кейбір жағдайларда ауыр анафилаксияның дамуымен (анафилаксиялық шокты қоса) үдеуі мүмкін. Бейтараптандыратын антиденелердің (тежегіштердің) түзілуі VIII қан ұю факторын, соның ішінде Афстила® препаратын қабылдайтын А гемофилиясы бар пациенттерде дамуы мүмкін. Емдеу аясында тежегіштер пайда болған кезде ол жеткіліксіз клиникалық жауаптың дамуы түрінде көрінуі мүмкін. Мұндай жағдайларда гемофилияны емдеудің мамандандырылған орталығына жүгіну ұсынылады. Жағымсыз реакциялардың кестелік тізбесі Төмендегі кестеде MedDRA ағзалар мен ағзалар жүйесінің жіктелуіне сәйкес туындау жиілігімен жағымсыз реакциялар келтірілген. Төмендегі кестеде көрсетілген даму жиілігі бұрын ауыр А гемофилиясы кезінде ем қабылдаған пациенттерде аяқталған клиникалық зерттеулерде анықталды. Жиілік келесі санаттар бойынша көрсетілген: өте жиі (≥1/10), жиі (≥1/100-ден <1/10-ға дейін); жиі емес (≥1/1000-нан <1/100-ге дейін); сирек (≥1/10000-нан <1/1000-ға дейін) өте сирек (<1/10000), белгісіз (жиілікті қолда бар мәліметтер негізінде бағалау мүмкін емес). 4-кесте. Жағымсыз реакциялар Ағзалар мен ағзалар жүйесінің зақымдануына сәйкес жағымсыз реакциялардың жіктелуі (MedDRA) — Жағымсыз реакция — Кездесу жиілігі Қан және лимфа жүйесі тарапынан бұзылулар — VIII факторының тежелуі — Жиі емес (бұрын емделген пациенттер үшін)* Өте жиі (бұрын ем қабылдамаған пациенттер үшін)* Жүйке жүйесі тарапынан бұзылулар — Бас айналу, парестезия — Жиі Жалпы бұзылыстар және енгізу орнындағы бұзылулар — Қызба Енгізу орнының ауыруы, қалтырау, ысынуды сезіну — Өте сирек Тері және теріасты шелі аурулары — Бөртпе Эритема, қышыну — Жиі Жиі емес Иммундық жүйе тарапынан бұзылулар — Аса жоғары сезімталдық (аллергиялық реакциялар) — Өте сирек * Жиілік ауыр А гемофилиямен ауыратын пациенттерді қамтитын VIII қан ұю факторының барлық препараттарының клиникалық зерттеулеріне сәйкес келтірілген. БЕП = бұрын емделген пациенттер, БЕП-бұрын ем қабылдамаған пациенттер. Балаларда қолдану Бала пациенттер мен ересек пациенттерде жасына байланысты жағымсыз реакциялардағы айырмашылықтар болған жоқ. Күдікті жағымсыз реакциялар туралы хабарлама Дәрілік препаратты тіркегеннен кейін күдікті жағымсыз реакциялар туралы хабарлау қажет. Бұл дәрілік препаратты қолдану кезінде пайда / қауіп арақатынасын мониторингілеуге мүмкіндік береді. Денсаулық сақтау мамандарынан кез келген күдікті жағымсыз реакциялар туралы хабарлау сұралады. Артық дозалануы: Аяқталған клиникалық зерттеуде Афстила® дозасын тағайындалғаннан екі еседен артық қабылдаған науқаста бас айналу, ысыну сезімі және қышыну пайда болды, бірақ бұл Афстила® препаратын қабылдаумен байланысты емес, бір мезгілде анальгетикті қабылдаумен байланысты болуы мүмкін. Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Нұсқаулықта көрсетілмеген.

Афстила® препаратын дайындау және енгізу үшін жиынтықта берілген еріткіш пен сұйылтуға арналған құрылғыны ғана пайдалану керек. Инъекция жүргізу кезінде препараты бар шприцке қанның түсуіне жол бермеу керек, себебі бұл шприцте қанның коагуляциясын және пациенттің қан ағымына ұйындылардың түсуін тудыруы мүмкін. Аса жоғары сезімталдық Афстила® препаратын қолданған кезде жедел типтегі аса жоғары сезімталдықтың аллергиялық реакциялары дамуы мүмкін. Егер аса жоғары сезімталдық симптомдары пайда болса, препаратты қолдануды дереу тоқтатып, медициналық көмекке жүгіну керек. Пациенттерге жергілікті есекжем, жайылған есекжем, кеуденің қысу сезімі, ысқырып дем алу, гипотония және анафилаксия сияқты аса жоғары сезімталдық реакцияларының ерте симптомдары туралы хабарлау қажет. Аса жоғары сезімталдық реакциялары бар пациенттерде тиісті премедикация жүргізілуі керек. Шок дамыған жағдайда стандартты шокқа қарсы ем жүргізілуі керек. VIII қан ұю факторының тежегіштері Афстила® препаратымен ем қабылдап жүрген пациенттерде зертханалық және клиникалық әдістерді пайдалана отырып, VIII қан ұю факторына бейтараптандыратын антиденелердің (тежегіштердің) түзілуіне мониторинг жүргізу қажет. Әдетте, бұл тежегіштер IgG иммуноглобулиндері болып табылады, олардың әсері VIII қан ұю факторының прокоагулянттық белсенділігіне қарсы бағытталған, олар модификацияланған талдауды қолдана отырып, қан плазмасындағы мл-мен Бетезда (БЕ) бірліктерінде сандық түрде анықталады. Тежегіштердің пайда болу қаупі аурудың ауырлығымен, сондай-ақ VIII қан ұю факторының экспозициясымен байланысты және енгізудің алғашқы 50 күнінде ең жоғары, бірақ бұл қауіп сирек кездесетініне қарамастан өмір бойы сақталады. Тежегіштердің түзілуінің клиникалық маңыздылығы тежегіштің титріне байланысты: төмен титр тежегіштердің жоғары титрімен салыстырғанда клиникалық жауаптың жеткіліксіздігінің төмен қаупімен байланысты. Жалпы, тиісті клиникалық бақылаулар мен зертханалық зерттеулер жүргізу арқылы тежегіштердің түзілуіне қатысты VIII қан ұю факторы препараттарымен ем қабылдайтын барлық пациенттерге қатысты мұқият мониторинг жүргізу қажет. Егер VIII қан ұю факторының күтілетін белсенділік деңгейіне жету мүмкін болмаса немесе препараттың тиісті дозасын енгізгеннен кейін қан кету тоқтамаса, пациентті VIII қан ұю факторы тежегіштерінің бар-жоғына тексеру жүргізу керек. Тежегіштер мөлшері жоғары пациенттерде VIII қан ұю факторы терапиясы тиімсіз болуы мүмкін және мұндай жағдайларда емдеудің басқа нұсқалары қарастырылуы керек. Мұндай пациенттерге емді гемофилия және VIII қан ұю факторының тежегіштері бар пациенттерді емдеу тәжірибесі бар дәрігерлер жүргізуі керек. Зертханалық көрсеткіштерді бақылау Егер пациентте VIII қан ұю факторының белсенділігін анықтау үшін бір сатылы коагуляция сынағы қолданылса, оның нәтижесін қайта есептеу коэффициентіне 2 көбейту керек. Пациенттің VIII қан ұю факторының белсенділігін анықтау үшін хромогендік талдауды қолдану ұсынылады ("Қолдану тәсілі және дозалары" бөлімін қараңыз). Жүрек-қантамыр аурулары Бұрыннан жүрек-қантамыр қауіп факторлары қаупі бар пациенттерде VIII қан ұю факторы препараттарын қолдану жүрек-қантамыр асқынуларының даму қаупін арттыруы мүмкін. Катетерлеуге байланысты асқынулар Орталық вена арқылы енгізу жолы (ОВЕ) қажет болған жағдайда, катетерлеу орнында жергілікті инфекциялар, бактериемия және тромбозды қоса алғанда, ОВЕ-мен байланысты асқынулардың даму қаупін ескеру қажет. Натрий Қалпына келтірілгеннен кейін Афстила® препаратының құрамында 1 құтыда 35 мг-ға дейін натрий бар, бұл Дүниежүзілік Денсаулық сақтау Ұйымы ұсынған ересек адам үшін 2 г натрийге тең ең жоғары тәуліктік дозаның 1,8% - на баламалы. Препаратпен емдеу кезіндегі құжаттама Афстила® препаратын әр қолданған сайын пациент пен дәрілік препараттың пайдаланылған сериясы арасындағы байланысты бақылау мүмкіндігін қамтамасыз ету үшін препарат атауы мен сериясының нөмірін жазу ұсынылады. Бала жасындағы пациенттер Аталған арнайы нұсқаулар мен сақтық шаралары ересектерде де, балаларда да қолданылады.

VIII қан ұю факторының репродуктивті уыттылығына клиникаға дейінгі зерттеулер жүргізілген жоқ. Әйелдерде А типті гемофилия өте сирек кездесетінін ескере отырып, жүктілік кезінде және бала емізу кезінде VIII қан ұю факторы препараттарын қолдану тәжірибесі туралы деректер жоқ. Осыған байланысты Афстила® препаратын жүктілік кезінде немесе бала емізу кезінде қатаң көрсеткіштер болған жағдайда ғана қолдану керек. Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері. Афстила® препараты көлік құралдары мен механизмдерді басқару қабілетіне әсер етпейді. Алайда, препараттың әсеріне байланысты кейбір жағымсыз реакциялар зейін қоюға және психомоторлық реакциялардың жылдамдығына әсер етуі мүмкін ("Жағымсыз әсерлері" бөлімін қараңыз). Мұндай бұзылулары бар пациенттер көлікті, механизмдерді басқарудан бас тартуы керек.

Афстила® препаратының басқа дәрілік заттармен дәрілік өзара әрекеттесуі туралы деректер жоқ. Фармацевтикалық үйлесімсіздік Афстила® препаратын дайындау және енгізу үшін жиынтықта берілген еріткішті және Mix2Vial еріткішін қосуға арналған құрылғыны ғана пайдалану керек. Афстила® препаратын басқа дәрілік заттармен бір шприцте немесе бір инфузиялық жүйеде араластыруға болмайды.

Сақтау мерзімі 3 жыл. Жарамдылық мерзімі өткеннен кейін қолдануға болмайды. Сақтау шарттары Дәрілік препарат 2 °C-ден 8 °C-ге дейінгі температурада сақталады. Мұздатып қатыруға болмайды. Құтының заттаңбасында және картон қаптамасында көрсетілген жарамдылық мерзімі ішінде 25 °С-ден аспайтын бөлме температурасында 3 ай бойы сақтауға рұқсат етіледі (бір рет!). Дәрілік препаратты тоңазытқыштан шығарғаннан кейін тоңазытқышта қайта сақтауға жол берілмейді. Қалпына келтірілген препаратты дереу пайдалану керек. Бөлме температурасында сақтауды бастау үшін тоңазытқыштан дәрілік препаратты шығарған күнді картон қаптамада көрсету керек. Дәрілік препараты бар құты жарықтан қорғалған түпнұсқалық қаптамада сақталады. Балалардың қолы жетпейтін жерде сақтау керек.