Ацетилсалицил қышқылы таблетки 500 мг

Бір таблетканың құрамында: белсенді зат: ацетилсалицил қышқылы –500 мг, қосымша заттар: лимон қышқылы моногидраты, картоп крахмалы, тальк, натрий карбоксиметилкрахмалы (натрий крахмал гликоляты). Сыртқы түрінің, иісінің, дәмінің сипаттамасы Аздап мәрмәрлі, иіссіз немесе өзіне тән әлсіз ғана иісімен, сызығы және ойығы бар жалпақ цилиндр пішінді, ақ түсті таблеткалар.

- орташа немесе әлсіз білінетін ауыру синдромын симптоматикалық емдеуде; - суық тию және басқа инфекциялық-қабыну аурулары кезінде дене температурасының жоғарылауы.

Ацетилсалицил қышқылы қабынуға қарсы, ыстықты түсіретін, сондай-ақ ауырсынуды басатын әсерге иеленген. Ацетилсалицил қышқылының қабынуға қарсы әсері қабыну ошағында жүретін үдерістерге әсер етеді: капиллярлардың өткізгіштігін азайтады, гиалуронидаза белсенділігін төмендетеді, АӨФ түзілуін тежеу арқылы қабыну үдерісін энергетикалық қамтамасыз етуді шектейді және т.б. Ыстықты түсіретін әсері терморегуляцияның гипоталамустық орталықтарына әсер етуімен байланысты. Анальгетикалық әсері ауыру сезімталдығы орталығына әсер етуімен және салицилаттардың брадикининнің альгогенді әсерін азайту қабілеттілігімен байланысты. Ацетилсалицил қышқылының негізгі әсер ету механизмдерінің бірі циклооксигеназа ферментінің (простагландиндер синтезіне қатысатын фермент) белсенділігін жою (белсенділігін бәсеңдету) болып табылады, соның нәтижесінде простагландиндер синтезі бұзылады. Простагландиндер синтезінің бұзылуы шеткері жүйке талшықтарының кининдерге және басқа да қабыну және ауырсыну медиаторларына (тасымалдаушылар) сезімталдығын жоғалтуға әкеледі. Простагландиндер синтезінің бұзылуы салдарынан қабынудың айқындылығы және олардың терморегуляция орталығына пирогенді (дене температурасын жоғарылататын) әсері азаяды. Сонымен қатар, простагландиндердің ауырсыну медиаторларына сезімталдығын төмендетуге әкелетін сезімтал жүйке талшықтарына әсері азаяды. Ацетилсалицил қышқылы тромбоциттерде тромбоксан А2 синтезін бөгеу арқылы тромбоциттер агрегациясын бәсеңдетеді және антиагрегантты әсер етеді.

Дозалау режимі 12 жастан үлкен балаларға: бір реттік доза 500 мг (1 таблетка), ең жоғары тәуліктік доза 1500 мг көп емес (3 таблеткадан аспайды) құрайды. Жасөспірімдер мен ересектер: бір реттік доза – 500-1000 мг (1-2 таблетка), ең жоғары бір реттік доза – 1000 мг (500 мг-ден 2 таблетка), ең жоғары тәуліктік доза – 1500-3000 мг ацетилсалицил қышқылы (3-6 таблетка). Қажет болған жағдайда бір реттік дозаны 4-8 сағат аралықпен тәулігіне 3 реттен артық емес бір таблеткадан қабылдауға болады. Ең жоғары тәуліктік дозадан асып кетуге жол берілмейді. Дәрігердің кеңесінсіз ацетилсалицил қышқылын қабылдау ұзақтығы 4 күннен аспауы керек. Енгізу әдісі және жолы Ішке қабылдауға арналған. Препаратты тамақтан кейін, сумен ішу керек. Дәрілік препаратты қолдану тәсілін түсіну үшін медицина қызметкерінен кеңес алуға бару жөнінде нұсқаулар Препаратты қолдану туралы сұрақтар туындаған жағдайда емдеуші дәрігерге немесе дәріхана қызметкеріне хабарласыңыз.

- ацетилсалицил қышқылына, басқа да салицилатқа немесе препараттың қосымша заттарының біріне аса жоғары сезімталдық; - асқазан-ішек жолының эрозиялық-ойық жаралы зақымдануы (өршу сатысында); - геморрагиялық диатездер, геморрагияларға бейімділік, жоғары қанағыштық, қан ұюының бұзылуы (телеангиоэктазия, тромбоцитопениялық пурпура, гемофилия, Виллебранд ауруы, гипопротромбинемия, К дәрумені тапшылығы, тромбоцитопения); - «аспириндік триада»: бронх демікпесі, мұрын мен мұрын маңы қойнауларының қайталанған полипозы және ацетилсалицил қышқылының жақпаушылығының бірігуі; - жүректің жедел жеткіліксіздігі; - бүйрек және бауыр жеткіліксіздігі; - метотрексатты аптасына 15 мг және одан көп дозада қабылдау; - жүктіліктің соңғы триместрі; - бала емізу кезеңі; - глюкозо-6-фосфатдегидрогеназа тапшылығы; - қызбада және жедел вирустық инфекцияларда 12 жасқа дейінгі балаларға қолдануға болмайды

Жиі • АІЖ тарапынан шағымдар, мысалы, қыжыл, жүрек айну, құсу және іштің ауыруы. Жиі емес • Жоғары сезімталдық реакциялары, мысалы, тері реакциялары. Сирек • Тыныс алу жолдарының, асқазан-ішек жолдарының және жүрек-қантамыр жүйесінің жоғары сезімталдық реакциялары, әсіресе демікпеден зардап шегетін науқастарда. Симптомдары келесідей болуы мүмкін: қан қысымының төмендеуі, тұншығу ұстамалары, ринит, мұрын бітелуі, анафилаксиялық шок немесе Квинке ісінуі. • Өте сирек тесілуге әкелуі мүмкін АІЖ ойық жаралары. • Өте сирек жағдайларда темір тапшылығы анемиясына әкелуі мүмкін асқазан-ішектен қан кетулер. • Асқазан-ішек қабынуы. • Жоғары сезімталдық реакциялары, мысалы, терінің ауыр реакциялары (көп формалы экссудативті эритемаға дейін). Өте сирек • Бауыр функциясы көрсеткіштерінің артуы. Түзетілмеген жоғары артериялық қысымы бар пациенттерде және/немесе антикоагулянттармен бір мезгілде емделетін пациенттерде жекелей жағдайларда өмірге қауіп төндіруі мүмкін, мысалы церебральды қан кету сияқты ауыр қан кетулер туралы сирек немесе өте сирек хабарланды. Жедел глюкоза-6-фосфат-дегидрогеназа тапшылығы бар пациенттерде гемолиз және гемолиздік анемия туралы хабарланды. Мысалы, мұрыннан қан кетулер, қызыл иектен қан кету, теріден қан кетулер немесе урогенитальды жолдан қан кету сияқты қан кету уақытының ұлғаюымен қан кетулер. Бұл әсерді қабылдағаннан кейін 4-8 күн ішінде байқауға болады. Белгісіз (қолда бар деректер негізінде бағалау мүмкін емес) • Қан кету және қан кетуге бейімділік (мұрыннан қан кету, қызыл иектің қанталауы, теріге қан құйылуы және т.б.), сондай-ақ олардың ұзақтығының артуы. Қан кету қаупі ацетилсалицил қышқылын қабылдауды тоқтатқаннан кейін 4-8 күн өткен соң да сақталуы мүмкін. Сондықтан, хирургиялық араласу кезінде қан кету қаупі жоғарылауы мүмкін. Сонымен қатар, бассүйекішілік қан құйылу және асқазан-ішектен қан кету туындауы мүмкін. • Бас ауыруы, бас айналуы, есту қабілетінің жоғалуы, құлақтағы шуыл (тиннитус) және сананың шатасуы артық дозалану белгілері болып табылады. • Ішектің шырышты қабығында бұрын болған зақымданулар болған кезде ішектің саңылауында көптеген жарғақшалар пайда болуы мүмкін, кейіннен тарылуы мүмкін (әсіресе ұзақ емдегенде). • Бүйрек функциясының бұзылуы, жедел бүйрек жеткіліксіздігі. • Рейе синдромы. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Артық дозалану қаупіне егде жастағы пациенттер және әсіресе кішкентай балалар бейімдеу (емдеу кезінде артық дозалануы немесе жиі кездесетін кездейсоқ улану) келеді. Көрсетілген популяцияларда артық дозалануы өлімге әкеп соқтыруы мүмкін. Симптомдары Орташа ауыр улану: Бұл симптомдар, мысалы, құлақтағы шуыл, есту қабілетінің жоғалуы, бас ауыруы және бас айналуы артық дозалануын көрсетеді және дозаны төмендеткен кезде қайтымды болып келеді. Ауыр улану: Симптомдары: қызба, гипервентиляция, кетоз, респираторлық алкалоз, метаболизмдік ацидоз, кома, қан айналым коллапсы, тыныс алу жеткіліксіздігі, ауыр гипогликемия. Балаларда тіпті 100 мг/кг бір реттік дозаны қабылдау өлімге әкеп соқтыратын артық дозалануға әкелуі мүмкін. Емі: • Аурухананың арнайы бөлімшесіне жатқызу. • Асқазан-ішек жолдарын шаю және белсендірілген көмірді қолдану. • Қышқыл – сілтілік теңгерімді түзету. • Несепті сілтелендіру және несептің pH деңгейін мониторингілеу. • Қатты уланғанда гемодиализ. • Симптоматикалық емдеу.

- Басқа анальгетиктерге/қабынуға қарсы/ревматизмге қарсы дәрілерге немесе басқа аллергендерге жоғары сезімталдық кезінде. - Артық дозалануды болдырмау үшін, басқа дәрілік заттармен бір мезгілде қабылдаған кезде олардың құрамында ацетилсалицил қышқылы жоқ екеніне көз жеткізу қажет. - Аллергия (мысалы, тері реакциясы, қышу, есекжем түрінде), демікпе, пішен қызбасы, мұрын шырышты қабығының ісінуі (мұрын полиптері) немесе созылмалы респираторлық аурулары болған кезде. - Бүйрек функциясы төмендеген немесе жүрек-қантамырлық қан ағымы әлсіз пациенттерде (мысалы, бүйрек тамырларының ауруы, іркілісті жүрек жеткіліксіздігі, көлемнің жоғалуы, ауқымды операциялық араласулар, сепсис немесе ауқымды қан кетулер): ацетилсалицил қышқылы бүйрек функциясының бұзылу және бүйректің жедел жеткіліксіздігі қаупін одан әрі арттыруы мүмкін. - Бауыр функциясының бұзылуы кезінде. - Вирустық инфекция белгілері бар балаларда (атап айтқанда, желшешек және тұмау инфекциясы), олардың кейбіреулері (бірақ барлығы емес) ацетилсалицил қышқылын қабылдаған, өмірге қауіп төндіретін өте сирек ауру болып табылатын Рей синдромы байқалған. Осы себепті мұндай балаларда ацетилсалицил қышқылын басқа шаралар қажетті нәтижелерге әкелмесе, дәрігердің нұсқауы бойынша ғана қолдануға болады. Құсу, сананың шатасуы немесе мінез-құлықтың бұзылуы сақталған кезде ацетилсалицил қышқылын қабылдауды тоқтату керек. - Ауырсынуды басатын дәрілерді ұзақ уақыт қолданған кезде бас ауыруы пайда болуы мүмкін, бұл қайта қолдануға әкеледі және осылайша ұзаққа созылатын бас ауыруын тудыруы мүмкін. - Ауырсынуды басатын дәрілерді үнемі қолдану, атап айтқанда, бірнеше ауырсынуды басатын дәрілермен біріктірілген терапия бүйрек функциясының тұрақты бұзылуының дамуына әкелуі мүмкін. Бүйрек жеткіліксіздігі қаупі бар. - Глюкоза-6-фосфатдегидрогеназа тапшылығының ауыр түрлері кезінде ацетилсалицил қышқылын жоғары дозада қабылдау гемолиздің дамуына себепші болуы мүмкін. Глюкоза-6-фосфатдегидрогеназа тапшылығы бар пациенттерде ацетилсалицил қышқылын тек дәрігердің нұсқауы бойынша қабылдаған жөн. Пациенттердің келесі топтарында организмнің функцияларына күшейтілген мониторинг жүргізу жағдайында емдеу жүргізу қажет: - Асқазан немесе он екі елі ішектің ойық жарасы, асқазан-ішектен қан кету немесе анамнезінде гастрит бар пациенттер. - Бүйрек жеткіліксіздігі бар пациенттер. - Бауыр жеткіліксіздігі бар пациенттер. - Демікпесі бар пациенттер: кейбір пациенттерде демікпе ұстамасы қабынуға қарсы стероидты емес препараттарға немесе ацетилсалицил қышқылына аллергиядан туындауы мүмкін. Бұл жағдайда осы дәрілік затты қабылдауға болмайды. - Метроррагиясы немесе меноррагиясы бар пациенттер (етеккір циклінің күшеюі мен ұзаруы қаупі) - Асқазан-ішектен қан кету немесе ойық жаралар/тесілулер емдеу кезеңінің кез келген уақытында алдыңғы симптомдар немесе анамнезінде асқазан-ішек жолдарының ауыр аурулары болған кезде де, болмаса да туындауы мүмкін. Көрсетілген жағдайлардың салыстырмалы даму қаупі егде жастағы пациенттерде, дене салмағы төмен пациенттерде, сондай-ақ тромбоциттер агрегациясының антикоагулянттары немесе тежегіштерін қабылдайтын пациенттерде байқалады. Асқазан-ішек қан кетулері дамыған жағдайда емдеуді дереу тоқтату керек. - Ацетилсалицил қышқылының тіпті төмен дозаларда байқалатын және бірнеше күн бойы сақталатын тромбоциттер агрегациясына тежейтін әсерін ескере отырып, пациенттер хирургиялық араласулар жағдайында, тіпті елеусіз (мысалы, тісті алып тастау) болса да, қан кету қаупінің жоғарылайтынынан хабардар болуы тиіс. - Ауыруды басатын немесе ыстықты төмендететін дозаларда ацетилсалицил қышқылы несеп қышқылының бөлінуін басады, ал ревматологияда (қабынуға қарсы дозаларда) қолданылатын дозаларында оның әсері урикозуриялық ретінде сипатталады. Арнайы сақтандырулар Педиатрияда қолданылуы Таблеткалар қызба түріндегі жай күйдегі 12 жасқа дейінгі балаларға, дәрігердің табанды ұсынысы мен басқа емдеу әдістерінің тиімсіздігі жағдайларын қоспағанда, қолдануға арналмаған. Бауыр функциясының бұзылуы бар пациенттер Ацетилсалицил қышқылын бауыр функциясы бұзылған пациенттерге сақтықпен қолдану керек. Бүйрек функциясы бұзылған пациенттер Ацетилсалицил қышқылын бауыр функциясының бұзылулары бар пациенттерге сақтықпен қолдану керек. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Ацетилсалицил қышқылы препараты көлік құралдарын басқару немесе механизмдермен жұмыс істеу қабілетіне әсер етпейді.

Жүктілік Простагландиндер синтезінің тежелуі жүктілікке және/немесе эмбрионның/ұрықтың дамуына жағымсыз әсер етуі мүмкін. Эпидемиологиялық зерттеулер деректеріне сәйкес, жүктіліктің ерте кезеңінде простагландин синтезінің тежегіштерін қолдану кезінде түсік тастау және даму ақауларының пайда болу қаупінің жоғарылауына қатысты алаңдаушылық бар. Бұл қауіп дозаның жоғарылауымен және қолдану ұзақтығымен жоғарылайды деп болжануда. Ацетилсалицил қышқылы бойынша қолда бар эпидемиологиялық деректер гастрошизистің даму қаупінің жоғарылағанын көрсетеді. Жануарларға жүргізілген зерттеулер репродуктивті уыттылықты анықтады. Жүктіліктің 20-шы аптасынан бастап Ацетилсалицил қышқылы препаратын қолдану ұрықтың бүйрек функциясының бұзылуына байланысты су аздығын тудыруы мүмкін. Ол емдеуді бастағаннан кейін көп ұзамай пайда болуы мүмкін және әдетте емдеуді тоқтатқаннан кейін қайтымды болады. Сонымен қатар, жүктіліктің екінші триместрінде емдеуден кейін артериялық түтіктің тарылу жағдайлары туралы хабарланды, көп жағдайда бұл тарылу емдеуді тоқтатқаннан кейін регрессияға ұшырады. Сондықтан жүктіліктің бірінші және екінші триместрінде ацетилсалицил қышқылын қабылдауға болмайды, егер бұл өте қажет болмаса. Жүкті болуға тырысатын немесе жүктіліктің бірінші немесе екінші триместріндегі әйелде ацетилсалицил қышқылын қолданған кезде емдеудің дозасы мен ұзақтығы мүмкіндігінше аз болуы керек. Ацетилсалицил қышқылын жүктіліктің 20-шы аптасынан бастап бірнеше күн бойы қабылдағаннан кейін, судың аздығына және артериялық түтіктің тарылуына пренатальды мониторинг жүргізу туралы мәселені қарастыру керек. Қағанақ суының аздығы немесе артериялық түтіктің тарылуы анықталған жағдайда ацетилсалицил қышқылын қолдануды тоқтату керек. Жүктіліктің үшінші триместрінде простагландин синтезінің барлық тежегіштері ұрықты келесі қауіптерге ұшыратуы мүмкін: • жүрек-өкпе уыттылығы (артериялық түтіктің мезгілінен ерте тарылуы/жабылуы және өкпе гипертензиясы); • бүйрек функциясының бұзылуы (жоғарыдан қараңыз). Жүктіліктің соңында ана мен шаранада келесі бұзылулар болуы мүмкін: • қан кету уақытының ұзаруы-тромбоциттер агрегациясының тежелуінің әсері, тіпті препаратты өте төмен дозада қолданғанда да болуы мүмкін; • жатырдың жиырылуын тежеу, бұл ұзақ босануға немесе босану процесінің ұзаруына әкелуі мүмкін. Сондықтан ацетилсалицил қышқылы препаратын жүктіліктің үшінші триместрінде қолдануға болмайды. Лактация кезеңі Ацетилсалицил қышқылы емшек сүтіне енеді, сондықтан оны бала емізу кезінде қолдану ұсынылмайды.

Бұдан әрі мәтін бойынша келесі анықтамалар пайдаланылады: Ацетилсалицил қышқылының қабынуға қарсы дозалары төмендегідей анықталады: ≥1 г бір реттік доза түрінде және (немесе) тәулігіне ≥3 г. Ацетилсалицил қышқылының анальгетикалық немесе ыстықты түсіретін дозалары төмендегідей анықталады: бір реттік доза түрінде ≥500 мг және (немесе) тәулігіне < 3 г. Тромбоциттер агрегациясын тежейтін әсеріне байланысты төменде көрсетілген заттар арасында өзара әрекеттесулер байқалады: абциксимаб, ацетилсалицил қышқылы, цилостазол, клопидогрел, эпопростенол, эптифибатид, илопрост, илопрост трометамолы, прасугрел, тиклопидин, тирофибан, тикагрелор. Тромбоциттер агрегациясының бірнеше тежегіштерін қабылдау қан кету қаупін арттырады. Осы сияқты тромбоциттер мен гепарин агрегациясы тежегіштерінің немесе оған ұқсас заттардың, пероральді антикоагулянттар және басқа тромболитикалық препараттардың біріктірілімдеріне де қатысы бар. Бұл фактіні клиникалық мониторингті ұдайы жүргізу арқылы ескеру қажет. Келесі біріктірілімдерді қолдануға болмайды: • Аптасына бір рет метотрексат > 15 мг дозада және ацетилсалицил қышқылын қабынуға қарсы, сондай-ақ анальгетикалық және ыстықты түсіретін дозаларда: метотрексаттың жоғары уыттылығы, атап айтқанда, гематологиялық уыттылығы артады (ацетилсалицил қышқылы әсерінен метотрексаттың бүйрек клиренсі төмендеуі салдарынан). • Пероральді антикоагулянттар мен ацетилсалицил қышқылын қабынуға қарсы, сондай-ақ анальгетикалық және ыстықты түсіретін дозаларда және анамнезінде гастродуоденальді жарасы бар пациенттерде: қан кету қаупі жоғарлайды. Келесі біріктірілімдер ұсынылмайды: • Пероральді антикоагулянттар мен ацетилсалицил қышқылын қабынуға қарсы, сондай-ақ анальгетикалық және ыстықты түсіретін дозаларда және анамнезінде гастродуоденальді жарасы жоқ пациенттерде: қан кету қаупі жоғарлайды. • Қабынуға қарсы стероидты емес басқа препараттар (ҚҚСП) мен ацетилсалицил қышқылын қабынуға қарсы, сондай-ақ анальгетикалық және ыстықты түсіретін дозаларда: асқазан-ішек ойықжаралары және қан кетулердің даму қаупі жоғарлайды. • Гепарин дозасына байланыссыз төмен молекулалы гепарин (және ұқсас заттар) және емдік дозаларда не егде жастағы (≥ 65 жас) пациенттерде фракцияланбаған гепарин және ацетилсалицил қышқылын қабынуға қарсы, сондай-ақ анальгетикалық және ыстықты түсіретін дозаларда: қан кету қаупінің жоғарылауы (тромбоциттер агрегациясының бәсеңдеуі және ацетилсалицил қышқылының әсерінен асқазан және он екі елі ішектің шырышты қабықтарының зақымдануы). Басқа қабынуға қарсы препараттарды немесе басқа анальгетикалық немесе ыстықты түсіретін дәрілерді қолдану ұсынылады. • Клопидогрел (жедел коронарлық синдромы бар пациенттерде осы біріктірілім үшін бекітілген айғақтарсыз): қан кету қаупінің жоғарылауы. Егер препараттарды бір мезгілде қолдану қажет болса, онда мұқият клиникалық мониторинг жүргізу ұсынылады. • Тиклопидин: қан кету қаупінің жоғарылауы. Егер препараттарды бір мезгілде қолдану қажет болса, онда мұқият клиникалық мониторинг жүргізу ұсынылады. • Урикозуриялық дәрілер (бензбромарон, пробенецид): бүйрек өзекшелерінен шығарылған кезде несеп қышқылын бәсекелес ығыстыру салдарынан урикозуриялық әсердің төмендеуі. • Глюкокортикоидтар (гидрокортизонмен орын алмастыру емін қоспағанда) және ацетилсалицил қышқылы қабынуға қарсы дозаларда: қан кету қаупінің жоғарылауы. • Пеметрексед бүйрек функциясының ауырлығы жеңіл немесе орташа дәрежедегі бұзылулары бар пациенттерде (креатинин клиренсі 45-тен 80 мл/мин дейін): ацетилсалицил қышқылымен қабынуға қарсы дозаларда біріктіргенде пеметрексед уыттылығы қаупінің жоғарылауы (ацетилсалицил қышқылы әсерінен пеметрекседтің бүйрек клиренсі төмендеуі салдарынан). • Анагрелид: қан кету қаупінің жоғарылауы және тромбозға қарсы әсердің төмендеуі. Егер препараттарды бір мезгілде қолдану қажет болса, онда мұқият клиникалық мониторинг жүргізу ұсынылады. Келесі дәрілік заттарды бір мезгілде қолданған кезде сақтандыру шараларын ұстану қажет: • Диуретиктер, ангиотензин өзгертуші ферменттер (АӨФ) және ангиотензин II рецепторларының антагонистері. Бұл қабынуға қарсы, сондай-ақ анальгетикалық және ыстықты түсіретін дозаларда қолданылатын ацетилсалицил қышқылына қатысты: сусыздануы бар пациенттерде бүйрек простагландиндерінің синтезінің төмендеуі нәтижесінде шумақтық сүзілу жылдамдығының төмендеуінен бүйрек функциясының жедел жеткіліксіздігі дамуы мүмкін. Сонымен қатар, біріктірілім гипотензиялық әсердің төмендеуіне алып келуі мүмкін. Емдеудің басында пациенттер организмінің жеткілікті гидратациялануын қамтамасыз етуге және бүйрек функциясын бақылауға назар аудару қажет. • Метотрексат аптасына бір рет ≤ 15 мг дозада. Бұл қабынуға қарсы, сондай-ақ анальгетикалық және ыстықты түсіретін дозаларда қолданылатын ацетилсалицил қышқылына қатысты: метотрексат уыттылығының жоғарлауы, атап айтқанда, гематологиялық уыттылық (ацетилсалицил қышқылы әсерінен метотрексаттың бүйрек клиренсі төмендеуі салдарынан). Біріктірілген емнің бастапқы апталарында аптасына бір рет жалпы қан талдауын жүргізу қажет. Бүйрек функциясы бұзылған (ауырлығы жеңіл дәрежедегі) пациенттерде, сондай-ақ егде жастағы пациенттерде мұқият мониторинг жүргізу талап етіледі. • Клопидогрел (жедел коронарлық синдромы бар пациенттерде осы біріктірілім үшін бекітілген көрсетілімдер бойынша): қан кету қаупінің жоғарылауы. Мұқият клиникалық мониторинг жүргізу ұсынылады. • АІЖ ауруларын жергілікті емдеуге арналған дәрілік заттар, антацидтер және белсенділенген көмір: сілтілену салдарынан ацетилсалицил қышқылының несеппен шығарылуының артуы. АІЖ ауруларын жергілікті емдеуге арналған дәрілік заттарды немесе антацидтерді және ацетилсалицил қышқылын қабылдау арасында екі сағат аралықты сақтау ұсынылады. • Пеметрексед бүйрек функциясы қалыпты пациенттерде: ацетилсалицил қышқылымен қабынуға қарсы дозаларда біріктіргенде пеметрексед уыттылығы қаупінің жоғарылауы (ацетилсалицил қышқылы әсерінен пеметрекседтің бүйрек клиренсі төмендеуі салдарынан). Бүйрек функциясын қадағалау қажет. Назарға алынуы керек біріктірілімдер: • Глюкокортикоидтар (гидрокортизонмен орын алмастыру емін қоспағанда) анальгетикалық және ыстықты түсіретін дозаларда ацетилсалицил қышқылымен біріктіріп: қан кету қаупінің жоғарылауы. • Деферазироксты қабынуға қарсы, сондай-ақ анальгетикалық және ыстықты түсіретін дозаларда ацетилсалицил қышқылымен біріктіріп: асқазан-ішек ойықжаралары және қан кетулердің даму қаупінің жоғарлауы. • Төмен молекулалы гепарин (және ұқсас заттар) және профилактикалық дозаларда 65 жастан кіші жастағы пациенттерде фракцияланбаған гепарин: бір уақытта қолдану әртүрлі деңгейлерде гемостазға әсер етеді және қан кету қаупін арттырады. Бұл фактіні профилактика аясында гепаринді (немесе ұқсас заттарды) және ацетилсалицил қышқылын кез келген дозада бір мезгілде қабылдайтын 65 жасқа толмаған пациенттерге ұзақ клиникалық мониторинг жүргізу жолымен, қажет болған жағдайда зертханалық көрсеткіштерді кеңейтілген бақылау арқылы ескеру қажет. • Тромболитикалық препараттар: қан кету қаупінің жоғарылауы. • Серотонинді кері қармаудың селективті тежегіштері (циталопрам, эсциталопрам, флуоксетин, флувоксамин, пароксетин, сертралин): синергиялық әсерлерге байланысты асқазан-ішектен қан кету қаупінің жоғарылауы. Келесі дәрілік заттармен бір мезгілде қолданған кезде жанама әсерлердің пайда болуының жоғары қаупіне дейін әсер етудің күшеюі: • Алкоголь: АІЖ аймағында ойық жара және қан кету қаупінің жоғарылауы; • Дигоксин: плазмадағы концентрацияның жоғарылауы; • Диабетке қарсы дәрілер: қандағы қант деңгейі төмендеуі мүмкін; ‐Вальпрой қышқылы: плазма ақуыздары бар қосылыстардан салицилаттармен ығыстыру, нәтижесінде оның уыттылығы артады.

Сақтау мерзімі 4 жыл. Жарамдылық мерзімі өткеннен кейін қолдануға болмайды! Сақтау шарттары Құрғақ, жарықтан қорғалған жерде, 250С-ден аспайтын температурада сақтау керек. Балалардың қолы жетпейтін жерде сақтау керек!