Ацетилсалицил қышқылы таблетки 0.5 г

Бір таблетканың құрамында белсенді зат – 0,5 г ацетилсалицил қышқылы, қосымша заттар: картоп крахмалы; тальк; лимон қышқылы, моногидрат Сыртқы түрінің, иісінің, дәмінің сипаттамасы Беткейі тегіс, ойығы мен сызығы бар ақ түсті таблеткалар. Таблетка беткейінде мәрмәрлікке жол беріледі.

- этиологиясы, генезі әртүрлі (оның ішінде қабыну) әлсіз және орташа қарқындылықтағы ауыру синдромында - тұмау, суық тию (ЖРВИ) және басқа инфекциялық-қабыну аурулары кезіндегі жоғары температурада (қызба) Қолданар алдында дәрігермен кеңесу керек!

АТX коды N02BА01 Әсер ету механизмі Препарат қызуды басатын, ауыруды басатын және қабынуға қарсы әсер етеді, сондай-ақ тромбоциттердің бірігуін азайтады. Ацетилсалицил қышқылының негізгі әсер ету механизмі циклооксигеназа ферментінің белсенділігін жою болып табылады, соның нәтижесінде простагландиндер, простациклиндер және тромбоксанның синтезі бұзылады. Простагландиндер өнімінің азаю салдарынан олардың жылуды реттеу орталықтарына пирогенді әсерін әлсіретеді. Сондай-ақ простагландиндердің сезімтал жүйке ұштарына сенсибилизациялық әсері азаяды, бұл олардың ауыру медиаторларына сезімталдығын азайтады. Тромбоксан А2 тромбоциттердегі синтезінің қайтымсыз бұзылулары препараттың агрегацияға қарсы әсерімен байланысты. Ацетилсалицил қышқылы сонымен қатар агрегацияға қарсы әсерге ие простациклин синтезделетін эндотелиальды жасушалардың циклооксигеназын бөгейді. Эндотелиалды жасушалардың циклооксигеназалары ацетилсалицил қышқылының әсеріне сезімталдығы аздау және тромбоциттердің ұқсас ферменттерінен айырмашылығы, қайтымды бөгеледі.

Дозалау режимі Ересектер мен 16 жастан асқан балалар үшін бір реттік доза – 1 - 2 таблетка (0,5 – 1 г), қабылдау арасындағы аралық 4 сағаттан кем болмауы керек. Енгізу әдісі және жолы Ацетилсалицил қышқылын тамақтан кейін көп мөлшерде сумен ішіп, ішке қабылдайды.

- әсер етуші затқа немесе қосымша заттардың кез келгеніне аса жоғары сезімталдық - салицилаттар немесе ұқсас әсері бар заттарды, атап айтқанда қабынуға қарсы стероидты емес препараттар қабылдаудан туындаған аса жоғары сезімталдық реакциялары жағдайы (мысалы, бронх демікпесі, ринит, есекжем) - асқазан және он екі елі ішектің пептидтік ойық жарасы - қан кетуге жоғары бейімділік - бүйрек аурулары, бүйрек және/немесе бауыр функциясының бұзылуы - бауырдың ауыр жеткіліксіздігі - бүйректің ауыр жеткіліксіздігі - жүректің ауыр жеткіліксіздігі - антикоагулянттармен бір мезгілде емдеу (қанның ұюын жиі әрі мұқият бақылау жағдайында төмен дозадағы гепаринмен емдеуден басқа) - глюкозо-6-фосфатдегидрогеназаның тапшылығы - созылмалы немесе қайталанатын диспепсиялық құбылыстар - анамнезде асқазан-ішек жолының жоғарғы бөлімдерінің эрозиялы-ойық жаралы зақымдануы - асқазан-ішектен қан кету - «аспириндік» бронх демікпесі және «аспириндік» триада - К дәрумені тапшылығы, гипопротромбинемия - геморрагиялық диатез - қолқаның қатпарлы аневризмасы - жүктіліктің 6 айлығынан кейін және лактация кезеңінде қолдану - портальді гипертензия - метотрексатты аптасына 20 мг дозада және одан да көп қабылдау - 16 жасқа дейінгі балалар және жасөспірімдер

Жиілік санаты: Клиникалық зерттеулер деректерінің негізінде тіркелген жиілікке сәйкес жағымсыз реакцияның әрбір түрі үшін айқындалады: Өте жиі (≥ 1/10), Жиі (≥ 1/100-ден < 1/10 дейін), Жиі емес (≥ 1/1000-нан < 1/100 дейін), Сирек (≥ 1/10000-нан < 1/1000 дейін), Өте сирек (< 1/10000), Жиілігі белгісіз (қолда бар деректер негізінде жағымсыз реакциялар кездесуінің жиілігін бағалау мүмкін емес) Қан және лимфа жүйесі тарапынан бұзылулар: Жиілігі белгісіз: Қан кету және қан кетуге бейімділік (мұрыннан қан кету, қызылиектің қанағыштығы, терінің қанталап кетуі және т.б.), сондай-ақ олардың ұзақтығының артуы. Қан кету қаупі ацетилсалицил қышқылын қабылдауды тоқтатқаннан кейін 4-8 күн өткен соң да сақталуы мүмкін. Осылайша, хирургиялық араласу кезінде қан кету қаупі артуы мүмкін. Сонымен қатар, бассүйек ішілік қан құйылуы және асқазан-ішектен қан кетуі мүмкін. Иммун жүйесі тарапынан бұзылулар: Жиілігі белгісіз: Аса жоғары сезімталдық реакциялары, анафилаксиялық реакциялар, демікпе, Квинке ісіну. Жүйке жүйесі тарапынан бұзылулар: Жиілігі белгісіз: Бас ауыруы, бас айналу, есту қабілетінің жоғалуы, құлақтағы шуыл. Әдетте, бұл бұзылулар артық дозаланудың белгілері болып табылады. Бассүйек ішілік қан құйылу. Асқазан-ішек жолы тарапынан бұзылулар: Жиілігі белгісіз: Іш маңының ауыруы. Темір тапшылығы анемиясына әкелетін жасырын немесе айқын асқазан-ішектен қан кету (қан құсу, нәжістегі қан және т.б.). Қан кету қаупі дозаның мөлшеріне байланысты болады. Асқазанның ойық жарасы мен тесілуі. Бауыр және өт шығару жолдары тарапынан бұзылулар Жиілігі белгісіз: Бауыр ферменттері деңгейінің жоғарылауы (көп жағдайда ем тоқтатылғаннан кейін қайтымды), бауырдың зақымдануы, негізінен гепатоцеллюлярлық. Тері және тері асты шелі тарапынан бұзылулар: Есекжем, тері реакциялары. Бүйрек және несеп шығару жолдары тарапынан бұзылулар Бүйрек функциясы бұзылуы және жедел бүйрек жеткіліксіздігі туралы хабарланды. Жалпы бұзылулар және енгізу орнындағы реакциялар Жиілігі белгісіз: Рей синдромы. Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз: Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттарды және медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: жеңіл дәрежеде уланған жағдайда, жүрек айнуы, құсу, эпигастральді аумақтың ауыруы, сондай-ақ (әсіресе, балалар мен егде жастағы науқастарда) құлақта шудың сезілуі, бас айналуы, көздің өткірлігі мен естудің төмендеуі мүмкін. Едәуір артық дозаланғанда ойлаудың бұзылуы, сананың шатасуы, ұйқышылдық, коллапс, тремор, ентігу, тұншығу, сусыздану, гипертермия, кома, несептің сілтілі реакциясы, метаболизмдік ацидоз, тыныс алу алкалозы, көміртегі алмасуының бұзылуы. Ацетилсалицил қышқылының өлімге әкелетін дозасы ересектер үшін 10 г, балалар үшін 3 г-ден жоғары. Емдеу: құстыру немесе асқазанды шаю, белсендірілген көмірді, іш жүргізетін дәрілерді тағайындау керек. Емдеуді арнайы мамандандырылған бөлімдер жағдайында жүргізу керек.

Ацетилсалицил қышқылын тамақтан кейін көп мөлшерде сумен ішіп, ішке қабылдайды. Арнайы ескертулер Ацетилсалицил қышқылын мынадай жағдайларда айрықша сақтықпен пайдаланған жөн: - анальгетиктерге/ қабынуға қарсы дәрілерге / ревматизмге қарсы дәрілерге аса жоғары сезімталдық және басқа аллергиялық реакциялар болғанда - антикоагулянттармен бір мезгілде емдеу (басқа дәрілік заттармен өзара әрекеттесулерін қараңыз) - бүйрек функциясы бұзылған пациенттерге немесе жүрек-қантамыр жүйесі бұзылған пациенттерге (мысалы, бүйректің қантамыр аурулары, іркілісті жүрек жеткіліксіздігі, сусыздану, ауқымды операция, сепсис немесе негізігі геморрагиялық асқынулар), өйткені ацетилсалицил қышқылы бұған қоса бүйрек жеткіліксіздігі қаупін арттыруы мүмкін - бауыр функциясының бұзылуы Ацетилсалицил қышқылы бронх түйілуіне түрткі болуы және бронх демікпесі ұстамалары немесе аса жоғары сезімталдықтың басқа реакцияларын үдетуі мүмкін. Қауіп факторлары бұрын анықталған анамнездегі бронх демікпесі, пішен қызбасы, мұрын поллинозы немесе созылмалы респираторлық аурулар болып табылады. Сондай-ақ басқа заттарға аллергиялық реакциялар көріністері бар пациенттер (мысалы, тері реакциялары, қышыну, есекжем). Тромбоциттер агрегациясына, енгізгеннен кейін бірнеше күнге дейін сақталатын оның тежегіш әсеріне байланысты ацетилсалицил қышқылы хирургиялық операциялар кезінде және одан кейін (елеусіз операцияларды қоса, мысалы (тіс жұлу) қан кетуге жоғары бейімділікке әкелуі мүмкін. Ацетилсалицил қышқылы төменгі дозаларда несеп қышқылының бөлінуін төмендетеді. Бұл бейім пациенттерде подагра ұстамаларына әкелуі мүмкін. Педиатрияда қолдану Препаратты балаларға тағайындау Рей синдромының туындауына ықпал етуі ықтимал. Рей синдромы – ми мен бауырды зақымдайтын өте сирек ауру және фатальді болуы да мүмкін. Осы себептен дәрігер тағайындайтын өте сирек айрықша жағдайларда (мысалы, Кавасаки ауруы) болмаса, аспиринді 16 жасқа дейінгі балаларға бермеген жөн. Ауыр глюкоза-6-фосфатдегидрогеназа (G6PD) тапшылығымен пациенттерде ацетилсалицил қышқылы гемолиз немесе гемолиздік анемияны туындатуы мүмкін. Гемолиз қаупін арттыратын факторлары жоғары доза, қызба немесе жедел инфекциялар болып табылады. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Автомобильді немесе басқа механизмдерді басқару қабілетіне әсері байқалмады.

Жүктілік Простагландин синтезінің тежелуі жүктілікке және эмбрионның немесе ұрықтың дамуына теріс әсер етуі мүмкін. Эпидемиологиялық зерттеулердің нәтижелері жүктіліктің ерте кезеңінде простагландин синтезінің тежегіштерін қолданғанда даму ақауларының және гастрошизистің қаупі жоғарылығы туралы айғақтайды. Жүрек-қан тамырлары ақауларының абсолютті қаупі 1 % - дан аздан бастап шамамен 1,5% - ға дейін өсті. Қаупі дозаның жоғарылауымен және емдеу ұзақтығымен артады. Жануарларға жүргізілген зерттеулер простагландин синтезінің тежелуі имплантацияға дейінгі және кейінгі шығындардың жоғарылауына және эмбриондық / ұрық өлімінің артуына әкелетінін дәлелдеді. Сондай-ақ, әртүрлі ақаулар дамуының саны көбеюі байқалды. Жүктіліктің алғашқы 6 айында құрамында ацетилсалицил қышқылы бар препараттарды аса қажет жағдайдан басқада тағайындауға болмайды. Егер ацетилсалицил қышқылы бар препараттарды әйелдер жүктіліктің алғашқы 6 айы ішінде қолданса, олардың дозалары мүмкіндігінше аса төмен, ал емдеу курсы мүмкіндігінше қысқа болуы керек. Жүктіліктің 6 айынан кейін простагландин синтезінің барлық тежегіштері ұрыққа келесідей әсер етуі мүмкін: - жүрек-өкпе уыттылығы (артериялық түтіктің мерзімінен бұрын жабылуы және өкпе гипертензиясы); - олигогидрамнионы бар бүйрек жеткіліксіздігінің одан әрі дамуы мүмкін бүйрек функциясының бұзылуы. Әйелге және шаранаға жүктіліктің соңында простагландин синтезінің тежегіштері келесі түрде әсер етуі мүмкін: - қан кету уақытының ұзару мүмкіндігі, антиагрегаттық әсер, ол тіпті өте төмен дозалардан кейін де туындауы мүмкін; - жатыр жиырылуының бөгелісі, бұл босану уақытының іркілісіне немесе ұзаруына әкелуі мүмкін. Осыған байланысты, ацетилсалицил қышқылын жүктіліктің 6 айынан кейін қолдануға болмайды. Лактация Салицилаттар емшек сүтіне аз мөлшерде өтетіндіктен, дәрілік затты лактация кезінде қолдануға болмайды. Фертильділік Простагландин синтезін тежейтін препараттар овуляцияға әсер ететіндіктен әйелдердің ұрпақ өрбіту функциясын бұзуы мүмкін екендігі туралы белгілі бір дәлелдер бар. Бұл құбылыс қайтымды сипатта және емдеуді тоқтатқаннан кейін жойылады.

Ацетилсалицил қышқылының дозалары келесідей анықталады: - қабынуға қарсы дозалануы: бір реттік доза ≥ 1 г, тәуліктік доза ≥ 3 г; - анальгезиялық немесе ыстық түсіретін дозасы: бір реттік доза ≥ 500 мг, тәуліктік доза < 3 г. Тромбоциттер агрегациясының тежелуіне байланысты қауіптер Тромбоциттер агрегациясының тежелуін күшейтетін препараттармен, мысалы, абциксимаб, цилостазол, клопидогрел, эпопростенол, эптифибатид, илопрост, илопрост трометамол, прасугрел, тиклопидин, тирофибан, тикагрелормен бір мезгілде қолдану қан кету болуы қаупінің жоғарылауына әкеледі. Гепаринмен және онымен тектес препараттармен, пероральді антикоагулянттармен және тромболитиқалық дәрілермен бір мезгілде қолданғанда клиникалық мониторингті ескеру және жүргізу қажет. Қолдануға болмайтын біріктірілімдер - Ацетилсалицил қышқылының қабынуға қарсы, анальгезиялық немесе ыстық түсіретін дозаларымен аптасына 20 мг немесе одан да көп дозада метотрексат: метотрексаттың гематологиялық уыттылығы жоғарылайды, метотрексаттың бүйрек клиренсі төмендейді, метотрексат салицилаттармен қан плазмасы ақуыздарымен байланысынан ығыстырылуы орын алады. - Ацетилсалицил қышқылының қабынуға қарсы, анальгезиялық немесе ыстық түсіретін дозаларымен пероральді антикоагулянттар және анамнезінде асқазан-ішек жолдарының ойық жарасы болған жағдайда: асқазан-ішек жолында қан кету, ойық жаралы зақымдану және қан кету даму қаупінің жоғарылауы. Ұсынылмайтын біріктірілімдер - Ацетилсалицил қышқылының анальгезиялық немесе ыстық түсіретін дозаларымен пероральді антикоагулянттар, анамнезінде асқазан-ішек жолдарының ойық жарасы болмаған жағдайда: қан кету даму қаупінің жоғарылауы. - Ацетилсалицил қышқылының қабынуға қарсы, анальгезиялық немесе ыстық түсіретін дозаларымен басқа қабынуға қарсы стероидты емес препараттар (ҚҚСП): асқазан-ішек жолында қан кету, ойық жаралы зақымдану және қан кету даму қаупінің жоғарылауы. - Ацетилсалицил қышқылының анальгезиялық немесе ыстық түсіретін дозаларымен емдік дозалардағы төмен молекулалы және фракцияланбаған гепариндер және/немесе егде жастағы пациенттер (≥ 65 жас): қан кетуінің жоғары қаупі (тромбоциттер функциясының тежелуі) және ацетилсалицил қышқылының асқазан мен он екі елі ішектің шырышты қабатына теріс әсері. Басқа қабынуға қарсы, анальгезиялық немесе ыстық түсіретін дәрілік заттар қолдану ұсынылады. - Клопидогрел (коронарлық синдромның жедел фазасында осы біріктірілім үшін қолдануға расталған көрсеткіштерден басқа): қан кету даму қаупінің жоғарылауы. Егер бір мезгілде қолданбау мүмкін болмаса, мұқият клиникалық мониторинг керек. - Тиклопидин: қан кету даму қаупінің жоғарылауы. Егер бір мезгілде қолданбау мүмкін болмаса, мұқият клиникалық мониторинг керек. - Урикозуриялық дәрілер (бензбромарон, пробенецид): бүйрек өзекшелерінен элиминациялануда несеп қышқылының бәсекелес ығыстырылуы салдарынан урикозуриялық әсердің төмендеуі. - Глюкокортикоидтар (орын басу еміндегі гидрокортизонды қоспағанда) ацетилсалицил қышқылының қабынуға қарсы дозаларымен: қан кету қаупінің жоғарылауы. - Жеңіл және орташа бүйрек жеткіліксіздігі (креатинин клиренсі 45-тен 80 мл/мин дейінгі) бар пациенттердегі ацетилсалицил қышқылының қабынуға қарсы дозасымен пеметрексед: пеметрексед уыттылығының қаупі артуы. - Анагрелид: қан кету қаупінің жоғарылауы. Егер бір мезгілде қолданбау мүмкін болмаса, мұқият клиникалық мониторинг керек. Қолданғанда сақтық шаралары талап етілетін біріктірілімдер - Диуретиктер, ангиотензин өзгертуші фермент (АӨФ) тежегіштері және ангиотензин II рецепторларының блокаторлары ацетилсалицил қышқылының қабынуға қарсы, анальгезиялық немесе ыстық түсіретін дозаларымен: бүйрек простагландиндерінің синтезінің төмендеуі салдарынан шумақтық сүзіліс жылдамдығының төмендеуіне байланысты сусызданған пациенттердегі жедел бүйрек жеткіліксіздігі. Одан басқа, гипотензиялық әсерінің төмендеуі. Пациентке ішу режимін сақтау және бүйрек функциясын бақылау қажет. - Метотрексат аптасына 20 мг дейінгі дозаларында ацетилсалицил қышқылының қабынуға қарсы, анальгезиялық немесе ыстық түсіретін дозаларымен: организмнен метотрексат шығарылуының азаюы және ақуыздармен байланысынан салицилаттармен ығыстырылуы және метотрексаттың гематологиялық уыттылығы артуы. Біріктірілген емдеу кезінде қан көрсеткіштерін апта сайын тексеру керек. Бүйрек функциясы бұзылған пациенттерде (тіпті жеңіл түрінде де) және егде жастағы пациенттерде аса мұқият мониторинг қажет. - Клопидогрел (коронарлық синдромның жедел фазасында қолдануға расталған көрсеткіштер кезінде): қан кету даму қаупінің жоғарылауы. Мұқият клиникалық мониторинг ұсынылады. Асқазан-ішек жолдарының ауруларында қолдануға арналған дәрілік заттар, антацидтер мен сорбенттер: несептің сілтіленуіне байланысты ацетилсалицил қышқылының бүйрекпен шығарылуының жоғарылауы, ацетилсалицил қышқылының сіңуінің төмендеуі. Ацетилсалицил қышқылын және осы препараттарды қолдану кезінде кемінде 2 сағат аралықты сақтау ұсынылады. - Ацетилсалицил қышқылының қабынуға қарсы дозаларымен пеметрексед, бүйрек функциясы қалыпты пациенттерде: пеметрекседтің уыттылығының жоғары қаупі. Бүйрек функциясына мониторинг ұсынылады. Назар аударылуы керек біріктірілімдер - Глюкокортикоидтар (орын басу еміндегі гидрокортизонды қоспағанда) ацетилсалицил қышқылының анальгезиялық немесе ыстық түсіретін дозаларымен: қан кету қаупінің жоғарылауы. - Ацетилсалицил қышқылының қабынуға қарсы, анальгезиялық немесе ыстық түсіретін дозаларымен деферазирокс: асқазан-ішек жолында қан кетудің, ойық жаралы зақымданудың және қан кетудің даму қаупінің жоғарылауы. - Ацетилсалицил қышқылының қабынуға қарсы, анальгезиялық немесе ыстық түсіретін дозаларымен профилактикалық дозалардағы төмен молекулалы және фракцияланбаған гепариндер: қан кету қаупінің жоғарылауы. Сондықтан, 65 жасқа дейінгі пациенттерде дозасына қарамастан, ацетилсалицил қышқылымен профилактикалық дозаларда гепариннің біріктіріліміне назар аудару керек. Клиникалық бақылау қажет. - Тромболитиктер: қан кету даму қаупінің жоғарылауы. - Серотонинді кері қармаудың селективті тежегіштері (циталопрам, эсциталопрам, флуоксетин, флувоксамин, пароксетин, сертралин): асқазан-ішек жолында қан кетудің, ойық жаралы зақымданудың және қан кетудің даму қаупінің жоғарылауы.

Сақтау мерзімі 4 жыл Жарамдылық мерзімі өткеннен кейін қолдануға болмайды! Сақтау шарттары Құрғақ, жарықтан қорғалған жерде, 25 0С-ден аспайтын температурада сақтау керек. Балалардың қолы жетпейтін жерде сақтау керек!