Ацетилсалицил қышқылы таблетки 500 мг

Бір таблетканың құрамында белсенді зат – ацетилсалицил қышқылы 500 мг, қосымша заттар: картоп крахмалы, повидон, карбоксиметилцеллюлозаның натрий тұзы, кальций стеараты, лимон қышқылы моногидраты, тальк. Сыртқы түрінің, иісінің, дәмінің сипаттамасы Дөңгелек жалпақ, ақ түсті (мәрмәрлікке жол беріледі), иіссіз немесе өзіне тән иісі бар, ойығы және сызығы бар таблеткалар.

- жеңіл және орташа ауырсыну синдромы; - қызба кезінде.

Ацетилсалицил қышқылының қабынуға қарсы, анальгезиялық, қызуды түсіретін және антиагрегациялық әсері бар. Әсер ету механизмі қабыну, ауырсыну және қызба патогенезінде басты рөл атқаратын простагландиндердің ізашары болып табылатын арахидон қышқылы метаболизмінің негізгі ферменті – циклооксигеназа (ЦОГ) белсенділігінің қайтымсыз тежелуімен байланысты. Ацетилсалицил қышқылы қабыну ошағында гиперемияны, экссудацияны және капиллярлардың өткізгіштігін төмендетеді. Гиалуронидазаның белсенділігін тежейді, АТФ өндірілуін тежейді, қабыну процесінің энергиямен қамтамасыз етілуін шектейді. Ацетилсалицил қышқылының қабынуға қарсы әсері оның қабыну ошағында жүретін процестерге тигізетін әсерімен түсіндіріледі: капиллярлар өткізгіштігінің төмендеуімен, гиалуронидаза белсенділігінің төмендеуімен, АТФ түзілуін тежеу арқылы қабыну процесін энергиямен қамтамасыз етуді шектеумен және т. б. Ацетилсалицил қышқылының қабынуға қарсы әсері тұрақты қабылдаудың 1-2 күнінен кейін дамиды (тіндерде 150-200 мкг/мл құрайтын салицилаттардың тұрақты емдік деңгейі жасалғаннан кейін) және салицилат деңгейінде 200-300 мкг/мл ең жоғарысына жетеді. Қызуды басатын әсері жылу реттелуінің гипоталамустық орталықтарына әсер етумен байланысты. Ацетилсалицил қышқылының ауырсынуды басатын әсері бар, таламустың ауырсыну орталықтарының қозғыштық шегін арттырады. Әдетте соматикалық сипаты бар әлсіз және орташа қарқындылықтағы ауырсынуды жояды: бұлшықет, буын, сіңір, жүйке діңгектері, бас және тіс ауырулары. Висцеральдық ауырсыну кезінде (ішкі ағзалардың қабынуы, бүйрек және бауыр шаншуы) апиынды анальгетиктерден әсері төмен. Ацетилсалицил қышқылы тромбоциттердегі А2 тромбоксан синтезін бөгеу арқылы тромбоциттер агрегациясын тежейді және антиагрегантты әсер етеді. Ацетилсалицил қышқылы дене температурасының жоғарылауын төмендетеді, бірақ қалыпты дене температурасына әсер етпейді. Бұл оның гипоталамустың жылу анықтайтын орталығының белсенділігін төмендету, оған эндогендік пирогендердің әсерін азайту және жылу беруді арттыру қабілетіне байланысты.

Дозалау режимі Ересектерге қажет болған жағдайда 1-2 таблеткадан (500-1000 мг) 4-8 сағат аралықпен күніне 3 ретке дейін тағайындайды. Ең жоғары бір реттік доза – 2 таблетка (1000 мг), ең жоғары тәуліктік доза – 3-6 таблетка (1500-3000 мг). Жалпы тәуліктік дозадан аспау керек. Пациенттердің ерекше топтары 12 жастан асқан балаларға қажет болған жағдайда 1 таблеткадан (500 мг) тәулігіне 3 рет. Ең жоғары бір реттік доза – 1 таблетка, ең жоғары тәуліктік доза – 3 таблетка (1500 мг). Жалпы тәуліктік дозадан аспау керек. Бауыр жеткіліксіздігі бар науқастар: Ацетилсалицил қышқылын бауыр жеткіліксіздігі бар науқастарды емдеу үшін сақтықпен қабылдау керек. Бүйрек жеткіліксіздігі бар науқастар: Ацетилсалицил қышқылын бүйрек жеткіліксіздігі бар науқастарды емдеу үшін сақтықпен қабылдау керек. Енгізу әдісі мен жолы Препарат тамақтанғаннан кейін көп мөлшердегі сумен бірге, ішке қабылдауға (пероральді) арналған. Жұту қиындықтары бар науқастар таблеткаларды қасықтағы суда ерітуге болады. Препаратты аш қарынға қабылдауға болмайды. Ацетилсалицил қышқылын дәрігердің кеңесінсіз 4 күннен артық қолдануға болмайды. Дәрілік препаратты қолдану тәсілін түсіндіру үшін медициналық қызметкер кеңесіне жүгіну жөніндегі кеңестер Бүкіл қосымша парақты мұқият оқып шығыңыз. Егер Сізге дәрілік препаратты қолдану тәсілі түсініксіз болған жағдайда, кеңес алу үшін медицина қызметкеріне жүгінуді ұсынамыз.

- ацетилсалицил қышқылына басқа салицилаттарға немесе қосымша заттардың кез келгеніне аса жоғары сезімталдық; - асқазан-ішек жолының ойық жаралы ауруының жедел кезеңі; - геморрагиялық диатез, гемофилия, қан ұюдың бұзылуы; - бауырдың және бүйректің ауыр жеткіліксіздігі; - жүректің ауыр жеткіліксіздігі; - анамнездегі салицилаттарды немесе әсері соған ұқсас заттарды қабылдаудан, әсіресе қабынуға қарсы стероидты емес препараттардан индукцияланған бронх демікпесі - аптасына 15 мг немесе одан көп дозада метотрексатпен біріктірілімде; - жүктіліктің соңғы триместрінде; - 12 жасқа дейінгі балаларда дене қызуы көтерілгенде және вирустық инфекция кезінде қолдануға болмайды.

Ас қорыту жүйесінің тарапынан бұзылуы: Жиі: жүрек айну, құсу, іш тұсының ауыруы, қыжыл. Сирек: асқазан-ішек жолының қабынуы, асқазан-ішектен қан кету, асқазан-ішек жолының ойық жарасының тесілуі. Белгісіз: егер ішектің шырышты қабығында бұрыннан бар зақым болса, ішек өзегінде көптеген жарғақшалар түзілуі мүмкін, кейіннен стенозға әкелуі ықтимал (әсіресе ұзақ мерзімді емдеу кезінде). Қан және лимфа жүйесі тарапынан бұзылулар: Сирек және өте сирек: церебральді қан кету сияқты ауыр қан кетулердің сирек және өте сирек жағдайлары, әсіресе бақыланбайтын гипертензиясы бар пациенттерде және/немесе антикоагулянттық препараттармен қатар ем жүргізген кезде, жекелеген жағдайларда өмірге әлеуетті қауіп төндіретін жағдайлар байқалған. Белгісіз: глюкоза-6-фосфатдегидрогеназа (Г6ФД) жеткіліксіздігінің ауыр түрлері бар пациенттердегі гемолиз және гемолиздік анемия жағдайлары байқалды. Қан кетулер, мысалы, мұрыннан, қызыл иектен, теріден немесе несеп-жыныс жолынан, қан кету уақытының ұзару мүмкіндігімен. Бұл әсер препаратты тоқтатқаннан кейін 4-8 күн бойы жалғасуы мүмкін. Иммундық жүйе тарапынан бұзылулар: Сирек: тыныс жолдары, асқазан-ішек жолы және жүрек-қантамыр жүйесі тарапынан аса жоғары сезімталдық реакциялары, әсіресе бронх демікпесі бар пациенттерде. Симптомдар мыналарды қамтуы мүмкін: артериялық гипотензия, ентігу ұстамалары, ринит, мұрынның бітелуі, анафилаксиялық шок немесе Квинке ісінуі. Бауыр және өт жолдарының тарапынан бұзылулар: Өте сирек: бауыр функциясы көрсеткіштері деңгейінің жоғарылауы. Бүйрек және несеп жолдарының тарапынан бұзылулар: Белгісіз: бүйрек жеткіліксіздігі және бүйректің жедел жеткіліксіздігі. Жүйке жүйесінің тарапынан бұзылулар: Сирек: бас айналу, бас ауыру, есту қабілетінің бұзылуы, құлақтың шуылдауы және сананың шатасуы препараттың артық дозалану белгілері болуы мүмкін. Тері және тері жабыны тарапынан бұзылулар: Сирек: тері реакциялары түріндегі аллергиялық реакциялар (тері бөртпесі, есекжем, қышу). Сондай-ақ көп формалы экссудативті эритемаға дейінгі терінің ауыр реакциялары. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz немесе «Эйкос-Фарм» ЖШС, Қазақстан Республикасы, Алматы қ., Нүсіпбеков көш., 32 Тел: + 7 (727) 329 66 07 Электрондық поштасы: pharm@eikos.kz

Салицилаттармен жеңіл және орташа интоксикация жүрек айну, құсу, тахипноэ, гипервентиляция, респираторлық алкалоз және терлеу түрінде білінеді. Салицилаттармен созылмалы интоксикация: естен тану алдындағы күй, құлақтың шуылдауы, бас айналу, есту қабілетінің бұзылуы, тершеңдік, бас ауруы, жүрек айну, құсу, сананың шатасуы. Созылмалы интоксикация дозаны төмендету арқылы бақыланады. Салицилаттармен жедел интоксикация: жасына және улану дәрежесіне байланысты өзгеретін қышқыл-негіз балансының айқын бұзылуы. Балада жедел уланудың ең көп тараған белгісі-метаболизмдік ацидоз. Уланудың ауырлығын тек плазмадағы концентрациясы негізінде бағалау мүмкін емес. Ацетилсалицил қышқылының сіңуі асқазан босатылуының төмендеуіне, асқазанда тастардың пайда болуына немесе ішекте еритін қабықпен жабылған препараттарды қабылдау нәтижесінде баяулауы мүмкін. Құлақтың шуылдауы қан плазмасындағы концентрация 150-ден 300 мкг/мл-ге дейін болған кезде пайда болуы мүмкін. Басқа ауыр жанама әсерлер 300 мкг/мл-ден жоғары концентрацияда пайда болуы мүмкін. Салицилаттармен ауыр интоксикация мыналарды қамтиды: компенсаторлық метаболизмдік ацидозбен респираторлық алкалоз, гиперпирексия, глюкоза алмасуының бұзылуы және кетоз, құлақтың шуылдауы, саңырау, асқазан-ішектен қан кету, тыныс алудың бұзылуы (гипервентиляциядан тыныс алу тоқтағанға дейін), жүрек-қан тамырлары бұзылыстары (аритмиядан жүрек-қан тамырлық шокқа дейін), сұйықтықтар мен электролиттер теңгерімінің бұзылуы (сусызданудан бүйрек жеткіліксіздігіне дейін), гематологиялық бұзылулар (тромбоциттер функциясының басылуынан коагулопатияға дейін), уытты энцефалопатия және ОЖЖ бәсеңдеуі (летаргиядан кома және құрысуларға дейін). Ацетилсалицил қышқылымен улануды емдеу стандартталған улану процедураларына сәйкес айқындылығына, ауырлығына және клиникалық белгілеріне байланысты. Алғашқы шұғыл шаралар препаратты жедел шығару және электролиттік және қышқыл-негіз теңгерімін қалпына келтіру керек.

Арнайы сақтандырулар Келесі жағдайларда ацетилсалицил қышқылын қолданғанда айрықша сақтық шаралары қажет: • анальгетиктерге, қабынуға қарсы, ревматизмге қарсы препараттарға немесе басқа аллергенді заттарға аса жоғары сезімталдықта. • анамнезде созылмалы немесе қайталанатын асқазан-ішек жолының ойық жаралы зақымдануы немесе асқазан-ішектен қан кетулер болғанда • антикоагулянттармен бірге қолданғанда. • бүйрек функциясының немесе қан айналымының бұзылуында (мысалы, бүйрек тамырларының зақымдануында, іркілген жүрек жеткіліксіздігінде, айналымдағы қан көлемі азайғанда, ауқымды хирургиялық араласуларда, сепсисте немесе ауқымды қан кетулерде), себебі ацетилсалицил қышқылы бүйрек дисфункциясының немесе жедел бүйрек жеткіліксіздігінің даму қаупін қосымша жоғарылатуы мүмкін. • бауыр функциясының бұзылуында. • басқа аллергиялық жай-күйлерде: тері реакциялары, қышыну, есекжем, бронх демікпесі, шырышты қабықтың ісінуі (мұрын полиптері), пішен қызбасы, тыныс жолдарының созылмалы аурулары • хирургиялық араласулар (соның ішінде шағын хирургиялық араласулар, мысалы, тіс экстракциясы): қан кету ықтималдығы артуы мүмкін. • төмен дозаларда ацетилсалицил қышқылы организмнен несеп қышқылының шығарылуын азайтады, бұл бейім пациенттерде подаграның жедел ұстамасын туындатуы мүмкін. • глюкоза-6-фосфат дегидрогеназа жеткіліксіздігінің ауыр түрінде; ацетилсалицил қышқылы гемолизді немесе гемолиздік анемияны индукциялауы мүмкін. Гемолиз қаупін арттыруы мүмкін факторларға, мысалы, препараттың жоғары дозалары, қызба немесе жедел инфекциялар жатады. • ацетилсалицил қышқылының антитромбоцитарлық әсерін әлсіретуі мүмкін ибупрофен немесе напроксен сияқты кейбір қабынуға қарсы стероидты емес препараттармен (ҚҚСП) бір мезгілде қабылдауда. Егер пациенттер ацетилсалицил қышқылын қабылдап жүрсе немесе кез келген ҚҚСП қабылдауды бастауға дайындалса, емдеуші дәрігеріне хабарласуды ұсыну керек. • егер ауырсынуды басатын дәрілер үнемі қабылданса, бас ауруы пайда болуы мүмкін, бұл қайта қабылдауға әкелуі мүмкін және осылайша бас ауруының жалғасуына әкеледі. • ауырсынуды басатын дәрілерді үнемі қолдану бүйрек жеткіліксіздігі (анальгетикалық нефропатия) даму қаупі бар қайтымсыз бүйрек зақымдануына әкелуі мүмкін. Бұл қауіп әсіресе әртүрлі ауырсынуды басатын дәрілерді біріктіріп қабылдаған кезде жоғары болады. Балаларда қолдану Таблеткаларды емдеудің басқа әдістері тиімсіз болған немесе дәрігер табанды түрде ұсынған жағдайларды қоспағанда, қызбасы бар 12 жасқа дейінгі балаларға қолдануға арналмаған. Ацетилсалицил қышқылын вирустық инфекциямен немесе ЖРА-мен бірге байқалатын гипертермияға (қызбаға) қолданғанда Рейе синдромының даму қаупі жоғары (ми мен бауырдың зақымдануы). Құрамында ацетилсалицил қышқылы бар препараттарды дәрігердің кеңесіңсіз ұзақ уақыт бойы немесе жоғары дозаларда қабылдамау керек. Жүктілік Простагландиндер синтезінің тежелуі жүктіліктің ағымына және/немесе эмбрионның немесе шарананың дамуына теріс әсерін тигізуі мүмкін. Эпидемиологиялық зерттеулердің деректері жүктіліктің ерте кезеңдерінде простагландиндер синтезінің тежегіштерін қолдану кезінде дамудағы ақаулар мен түсік тастаудың жоғары даму қаупін айғақтайды. Дозаны арттырғанда және емдеу ұзаққа созылғанда қауіп жоғарылайды деп саналады. Ацетилсалицил қышқылы бойынша қолда бар эпидемиологиялық деректер гастрошизистің даму қаупінің жоғарылағанын көрсетеді. Жүктіліктің 20-шы аптасынан бастап ацетилсалицил қышқылын қолдану ұрықтың бүйрек функциясының бұзылуына байланысты олигогидрамнион тудыруы мүмкін. Бұл емдеуді бастағаннан кейін көп ұзамай пайда болуы мүмкін және әдетте емдеуді тоқтатқаннан кейін қайтымды болады. Сонымен қатар, жүктіліктің екінші триместрінде емдеуден кейін артериялық түтіктің тарылуы орын алған жағдайлар туралы хабарланды, дегенмен ол емдеуді тоқтатқаннан кейін көп жағдайда регрессияға ұшырады. Осылайша, ацетилсалицил қышқылын жүктіліктің бірінші және екінші триместрінде өте қажет болмаса қолдануға болмайды. Егер ацетилсалицил қышқылы жүкті болуға тырысатын немесе жүктіліктің бірінші және екінші триместрінде болатын әйелді емдеу үшін қолданылса, мүмкіндігінше төмен дозаны қолдану керек және емдеу ұзақтығы мүмкіндігінше қысқа болуы керек. Жүктіліктің 20-шы аптасынан бастап бірнеше күн бойы препаратты қабылдағаннан кейін, олигогидрамнионға және артериялық түтіктің тарылуына пренатальды бақылауды қарастырған жөн. Олигогидрамнион немесе артериялық түтіктің тарылуы анықталған кезде ацетилсалицил қышқылын қабылдауды тоқтату керек. Препаратты жүктіліктің үшінші триместрінде қолданғанда простагландиндер синтезінің барлық тежегіштері ұрықта келесі жағдайды туындатуы мүмкін: - жүрек-өкпе уыттылығы (артериялық түтіктің мерзімінен бұрын жабылуымен және өкпе гипертензиясымен байқалатын). - жүктілік соңында анада және ұрықта су аздық болған кезде бүйрек функциясының жеткіліксіздігіне дейін үдеуі мүмкін бүйрек функциясының бұзылуы. Препаратты жүктіліктің үшінші триместрінде қолданғанда простагландиндер синтезінің тежегіштері анаға да ұрықта да келесі жағдайды туындатуы мүмкін: - қан кету уақытының артуы, тіпті аз дозаларда да туындайтын антиагреганттық әсер. - жатырдың жиырылу белсенділігін бәсеңдетуі, бұл асқынуды немесе ұзақ босануды туындатуы мүмкін. Лактация Ацетилсалицил қышқылының және оның метаболиттерінің аздаған мөлшері емшек сүтіне өтеді. Қазіргі сәтте балаға зиянды әсерлері туралы хабарланған жоқ, сондықтан аз дозада препаратты қолданғанда, емшек емізуді тоқтату талап етілмейді. Препаратты үнемі жоғары дозаларын қабылдаған кезде емшек емізуді тоқтату керек. Фертильділік Циклооксигеназа/простагландин синтезін тежейтін препараттар овуляцияға әсер ету арқылы әйелдің фертильділігінің бұзылуына әкелуі мүмкін екендігі туралы көрсеткіштер бар. Бұл әсер емдеуді тоқтатқаннан кейін қайтымды болады. Препараттың көлік құралын және қауіптілігі зор механизмдерді басқару қабілетіне әсер ету ерекшеліктері Ацетилсалицил қышқылы көлік құралдарын немесе қауіптілігі зор механизмдерді басқару қабілетіне әсер етпейді.

Нұсқаулықта көрсетілмеген.

• метотрексат: аптасына 15 мг немесе одан көп дозада метотрексатпен біріктірілімде ацетилсалицил қышқылын қолданғанда метотрексаттың гемотологиялық уыттылығы жоғарылайды (қабынуға қарсы препараттар метотрексаттың бүйрек клиренсін төмендетеді, ал салицилаттар плазма ақуыздарымен байланысу арқылы метотрексаттың орнын басады). • антикоагулянттар / тромболитиктер: препаратты тікелей емес антикоагулянттармен, тромбоциттер агрегациясының тежегіштерімен, тромболитикалық дәрілермен бірге қолдану қан кетудің даму қаупін арттырады. • серотонинді кері қармаудың іріктелген тежегіштері: әсер етуінің синергизмі салдарынан асқазан-ішектен қан кету қаупі жоғарылайды. • дигоксин: қан плазмасындағы дигоксин деңгейінің жоғарылауы бүйрекпен сыртқа шығарылуы төмендеумен байланысты. • инсулин сияқты диабетке қарсы дәрілер және сульфонилмочевина препараттары жоғары дозададағы ацетилсалицил қышқылымен бріріктірілімде: қандағы глюкоза деңгейінің төмендеуі мүмкін. • антитромбоцитарлық препараттар: тиклопидин, клопидогрель: қан кету уақытының ұзаруы мүмкін. • жүйелі глюкокортикостероидтар, Аддисон ауруының орын басу еміне арналған гидрокортизонды қоспағанда: глюкокортикостероидтармен бір мезгілде қолданғанда асқазан-ішектен қан кету қаупі артады. • алкоголь: асқазан-ішек жолы тарапынан жаралар пайда болу және қан кету қаупі артады. • вальпрой қышқылы: салицилаттардың плазма ақуыздарымен байланысудан ығыстыруы. • құрамында салицилаттар бар қабынуға қарсы стероидты емес препараттар және ревматизмге қарсы дәрілер: асқазан-ішек жолының ойық жаралы зақымдануының немесе асқазан-ішектен қан кетудің қаупі жоғарылайды • препарат келесі заттардың әсерін әлсіретеді: • диуретиктер (тәулігіне 3 г және одан жоғары дозада ацетилсалицил қышқылы). • урикозуриялық препараттар (мысалы, пробенецид, бензбромарон). • АӨФ тежегіштері (тәулігіне 3 г және одан жоғары дозада ацетилсалицил қышқылы).

Сақтау мерзімі 2 жыл Жарамдылық мерзімі өткеннен кейін қолдануға болмайды! Сақтау шарттары Құрғақ, жарықтан қорғалған жерде, 25˚С-ден аспайтын температурада сақтау керек. Балалардың қолы жетпейтін жерде сақтау керек!