Ацетилцистеин Вива Фарм порошок 200 мг

Бір пакеттің ішінде (3 г ұнтақ) белсенді зат - ацетилцистеин 200 мг немесе 600 мг, қосымша заттар: сахароза, аскорбин қышқылы, сукралоза, «Апельсин» хош иістендіргіші. Сыртқы түрінің, иісінің, дәмінің сипаттамасы Апельсинге тән иісі бар ақ немесе ақ дерлік түсті ұнтақ. Қалпына келтірілген ерітінді – бозаңданатын түссіз ерітінді.

• қақырық түзілуінің және шығуының бұзылуымен қатар жүретін тыныс алу жолдарының (бронх және өкпе) жедел және созылмалы аурулары кезіндегі секретолитикалық ем

Ацетилцистеин шырышты және шырышты-іріңді секретке қарқынды муколитикалық әсер етеді, ол қақырық пен басқа да секреттердің шыны тәрізді және іріңді құрамына тұтқырлық беретін мукопротеиндік кешендерді және нуклеин қышқылдарын деполимеризациялайды. Тотықтырғыш радикалдардың электрофильді топтарымен тікелей әрекеттесуге қабілетті бос тиольді (-SH) нуклеофильді топтың болуымен байланысты антиоксидантты әсерге ие. Альфа1-антитрипсинді (эластаза тежегіші) белсенді фагоциттердің миелопероксидазасы өндіретін тотықтырғыш – хлорлы қышқылдың (HOCl) белсенділікті жоятын әсерінен сақтайды. Ацетилцистеин жасуша ішіне жеңіл өтеді, L-цистеинге дейін деацетилденеді, одан жасушаішілік глютатион (GSH) синтезделеді. Глютатион – жоғары реактивті трипептид, эндогенді және экзогенді тотықтырғыш радикалдардың, сондай-ақ көптеген цитоуытты заттардың әсеріне қарсы жасушаішілік қорғаныс механизмі болып табылады. Ацетилцистеиннің бұл әсерлері өзіне тән қою, тұтқыр шырышты және шырышты-іріңді секреті бар тыныс алу жолдарының жедел және созылмалы ауруларын емдеу үшін қолданылуымен негізделеді.

Дозалау режимі Ацетилцистеин Вива Фарм препараты ішке қабылдау үшін ерітінді дайындауға арналған ұнтақ болып табылады. 2-ден 6 жасқа дейінгі балалар: 1 пакет ұнтақтан (200 мг) тәулігіне 1 рет (тәулігіне 200 мг ацетилцистеинге сәйкес келеді). 6-дан 18 жасқа дейінгі балалар: 1 пакет ұнтақтан (200 мг) тәулігіне 2 рет (тәулігіне 400 мг ацетилцистеинге сәйкес келеді). Ересектер: 1 пакет ұнтақтан (200 мг) тәулігіне 3 рет немесе 1 пакет ұнтақтан (600 мг) тәулігіне 1 рет (тәулігіне 600 мг ацетилцистеинге сәйкес келеді). Қолдану тәсілі Ерітіндіні дайындау: Ішке қабылдауға арналған ерітінді дайындау үшін 1 пакеттің ішіндегісін 200 мл жылы суда ерітеді. Препаратты тамақтануға байланыссыз қабылдайды. Жедел аурулар кезіндегі емдеу курсының ұзақтығы 5 күннен 10 күнге дейін, созылмалы ауруларды емдегенде – бірнеше айға дейін (дәрігердің ұсынымы бойынша).

• ацетилцистеинге немесе препараттың басқа қосымша заттарына аса жоғары сезімталдық • асқазан мен он екі елі ішектің өршу сатысындағы ойық жара ауруы • тұқым қуалайтын фруктоза жақпаушылығы, глюкоза-галактоза мальабсорбциясы • жүктілік және лактация кезеңі • 2 жасқа дейінгі балалар (200 мг доза үшін) • 18 жасқа дейінгі балалар (600 мг доза үшін) Сақтықпен тағайындайды: асқазан мен он екі елі ішектің ойық жара ауруы, өңеш веналарының варикозды кеңеюі, қан түкіру, өкпеден қан кету, фенилкетонурия, бронх демікпесі, бүйрек үсті безі аурулары, бауыр және/немесе бүйрек жеткіліксіздігі, артериялық гипертензия.

Иммундық жүйе тарапынан бұзылулар Жиі: аса жоғары сезімталдық реакциялары Өте сирек: анафилаксиялық шок, анафилаксиялық /анафилактоидты реакциялар Жүйке жүйесі тарапынан бұзылулар Жиі: бас ауыруы Есту мүшесі тарапынан бұзылулар Жиі: құлақтың шуылдауы Жүрек тарапынан бұзылулар Жиі: тахикардия Тамырлар тарапынан бұзылулар Өте сирек: қан кету Тыныс алу жүйесі, кеуде қуысы ағзалары және көкірек ортасы тарапынан бұзылулар Сирек: бронх түйілуі, диспноэ Асқазан-ішек жолдары тарапынан бұзылулар Жиі: құсу, диарея, стоматит, іштің ауыруы, жүрек айнуы Сирек: диспепсия Тері және шелмайы тарапынан бұзылулар* Жиі: есекжем, бөртпе, Квинке ісінуі, қышыну, экзантема Жалпы бұзылулар және енгізу орнындағы реакциялар Жиі: қызба Белгісіз: беттің ісінуі Зертханалық және аспаптық деректер Жиі: гипотензия *Ацетилцистеинді қабылдаумен байланысты Стивенс-Джонсон синдромы және уытты эпидермалық некролиз (Лайелл синдромы) сияқты ауыр тері реакциялары туралы өте сирек хабарланды. Көпшілік жағдайларда ацетилцистеинмен бір мезгілде тері - шырышты қабық көріністерінің күшеюіне себеп болуы мүмкін кем дегенде бір басқа препарат бір мезгілде қабылданған. Егер теріде немесе шырышты қабықта жаңа өзгерістер пайда болса, дереу медициналық көмекке жүгініңіз және ацетилцистеинді қабылдауды тоқтатыңыз. Сонымен қатар, ацетилцистеинді қолданумен байланысты қан кету өте сирек, кейде аса жоғары сезімталдық реакцияларының нәтижесінде кездеседі. Ацетилцистеин болған кезде тромбоциттердің агрегациясының төмендеуі әртүрлі зерттеулерде расталды. Бұл әсердің клиникалық маңызы әлі анықталған жоқ. Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: артық дозалану жүрек айнуы, құсу және диарея сияқты асқазан-ішек жолдарының симптомдарына алып келуі мүмкін. Нәрестелерде гиперсекреция қаупі бар. Емі: симптоматикалық. Дәрілік препаратты қолдану тәсілі бойынша медициналық қызметкерден кеңес алу ұсыныстар Егер дәрілік препараттың қолдану тәсілі түсініксіз болса, медициналық қызметкерден кеңес алыңыз.

Ацетилцистеинді қолдану кезінде бронх демікпесі бар пациенттерге мұқият мониторинг жүргізу қажет. Бронх түйілуі туындағанда ацетилцистеин қабылдауды тоқтату қажет. Ацетилцистеинді бронх демікпесі, анамнезінде асқазан мен он екі елі ішектің ойықжарасы бар пациенттерде, әсіресе асқазанға жағымсыз әсерлері белгілі препараттарды бір уақытта қабылдайтын пациенттерде қолданғанда сақтық таныту керек. Бауыр және бүйрек аурулары бар пациенттерде сақтықпен тағайындау керек. Ацетилцистеинді қолданған кезде өте сирек жағдайларда терінің ауыр аллергиялық реакциялары (Стивенс-Джонсон синдромы, Лайелл синдромы) туындауы байқалған. Терінің аллергиялық реакциялары туындаған жағдайда ацетилцистеинді қабылдауды дереу тоқтатып, дәрігерге қаралу керек. Гистамин жақпаушылығы бар пациенттер ацетилцистеинді қысқа курстармен қабылдауы керек, өйткені гистаминнің өзінің метаболизміне ықпал етумен жақпаушылық симптомдары (мысалы, бас ауыру, мұрынның бітелуі, қышыну) туындауы мүмкін. Болуы мүмкін күкірт тәрізді иіс Ацетилцистеин Вива Фарм препаратының өзгеруін көрсетпейді, ол оның құрамында белсенді зат ацетилцистеиннің болуымен байланысты. Ацетилцистеин қолдану, әсіресе емдеудің басында бронхта қақырықтың сұйылуына және бір мезгілде оның көлемінің ұлғаюына әкелуі мүмкін. Егер пациент қақырықты шығара алмайтын болса, қақырық іркілуін болдырмас үшін постуральді дренаж немесе аспирация қолданылады. Арнайы ескертулер Қант диабеті бар пациенттерге арналған нұсқау: 1 пакетте 2 г -ден көп сахароза бар. Ацетилцистеиннің секретолитикалық әсері жеткілікті сұйықтық қабылдаумен сақталып тұрады. Тұқым қуалайтын фруктоза жақпаушылығы, глюкоза-галактоза мальабсорбциясы бар пациенттерге сахароза болуына байланысты Ацетилцистеин Вива Фарм препаратын қабылдауға болмайды. Емдеу курсының ұзақтығы жедел аурулар кезінде 5-тен 10 күнге дейінді, созылмалы ауруларды емдеуде – бірнеше айға дейінді құрайды (дәрігердің ұсынымы бойынша).

Ацетилцистеинді жүктілік кезінде және лактация кезеңінде қолдануға болмайды. Дәрілік заттың автокөлікті және қауіптілігі зор механизмдерді басқару қабілетіне әсер ету ерекшеліктері Әсер етпейді.

Ацетилцистеинді және жөтелге қарсы дәрілерді бір мезгілде қолдану, жөтел рефлексінің азаюы салдарынан, қауіпті секреторлы іркілуді тудыруы мүмкін. Сондықтан бұл препаратты біріктірілген емде қолданбаған жөн. Антибиотиктер мен ацетилцистеин арасындағы өзара әрекеттесу туралы ақпарат бар, бұл осы препараттарды қолданғанда антибиотиктер тиімділігінің төмендеуі байқалған in vitro сынақтарына қатысты. Алайда, сақтық шарасы ретінде пероральді антибиотиктерді ацетилцистеин қолданғаннан кейін кемінде екі сағаттан соң қабылдау ұсынылады. Белсендірілген көмірдің жоғары дозалары Улану кезінде белсендірілген көмірді бір мезгілде қолдану ацетилцистеиннің әсерін төмендетуі мүмкін. Нитроглицерин мен ацетилцистеинді бір уақытта қолдану күрделі гипотензияны туындатады және бас ауыруы ықтималдығымен самай артериясының уақытша дилатациясына әкеледі. Егер нитроглицерин мен ацетилцистеинді бір уақытта қолдану қажет деп есептелсе, онда пациентте күрделі болуы мүмкін және бас ауыруы түрінде байқалатын гипотензияның даму мүмкіндігін мониторингілеу керек. Құрысуға қарсы дәрілер Ацетилцистеин мен карбамазепинді бір мезгілде қолдану карбамазепин концентрациясының субтерапиялық деңгейге дейін төмендеуіне әкелуі мүмкін. Басқа препараттарды Ацетилцистеин Вива Фарм препаратының ерітіндісінде ерітпеу ұсынылады. Ацетилцистеин салицилаттарды анықтаудың колориметриялық мөлшерлік талдауына әсер етуі мүмкін. Ацетилцистеин несеп талдауы кезінде кетон денелері талдауының нәтижелеріне әсер етуі ықтимал.

Сақтау мерзімі 3 жыл. Жарамдылық мерзімі өткеннен кейін қолдануға болмайды. Сақтау шарттары 25оС-ден аспайтын температурада сақтау керек. Балалардың қолы жетпейтін жерде сақтау керек!