Ацетил-Ц порошок 600 мг

1 пакет ішінде 3 г ұнтақ бар белсенді зат - 200.00 мг ацетилцистеин қосымша заттар: сахароза, аскорбин қышқылы, натрий сахарині, «Апельсин» хош иістендіргіші. Сыртқы түрінің, иісінің, дәмінің сипаттамасы Апельсин иісі бар, ішінара бөлшектер агломерациясымен ақтан сарғыштау түске дейінгі ұнтақ.

Тыныс алу жолдарының (бронхтар мен өкпе) жедел және созылмалы аурулары кезіндегі секретолитикалық ем, қақырықтың пайда болуы мен шығарылуының бұзылуымен қатар жүреді. Дәрілік препаратты қолданудың басталуына дейінгі қажетті мәліметтер тізбесі

Әсер ету механизмі Ацетилцистеин шырышты және шырышты-іріңді секретке қарқынды муколитикалық әсер етеді, қақырықтың және басқа да секреттің шыны тәрізді және іріңді ішіндегісіне тұтқырлық беретін мукопротеинді кешендерін және нуклеин қышқылдарын деполимеризациялайды, осылайша қақырықтың мукоцилиарлы тасымалын (сұйылту және шығарылу) жақсартады, бронхтарды тазартуға және жөтелді жеңілдетуге әкеледі. Тотығу радикалдарының электрофильді топтарымен тікелей әрекеттесуге қабілетті бос тиольді (-SH) нуклеофильді топтың болуына байланысты антиоксидантты әсерге ие. Альфа1-антитрипсинді (эластаза тежегішін) белсенді фагоциттердің миелопероксидазасы шығаратын тотықтырғыш - хлорлы қышқылдың (HOCl) белсенділікті жоятын әсерінен қорғайды. Ацетилцистеин жасуша ішіне оңай еніп, жасушаішілік глутатион (GSH) синтезделетін L-цистеинге дейін деацетилденеді. Глутатион - эндогендік және экзогендік тотығу радикалдарының, сондай-ақ көптеген цитоуытты заттардың әсеріне қарсы жасушаішілік қорғаныш механизмі болып табылатын жоғары реактивті трипептид. Ацетилцистеиннің бұл әсері оның тыныс алу жолдарының қалың, тұтқыр шырышты және шырышты-іріңді секретімен жедел және созылмалы ауруларын емі үшін қолданылуын анықтайды. Ацетилцистеинді профилактикалық қолдану кезіндегі қорғаныш әсері созылмалы бронхит және муковисцидозы бар пациенттерде бактериялық инфекциялардың өршу жиілігі мен ауырлығының төмендеуінде байқалады.

Дозалану режимі Ацетил-Ц препараты ішке қабылдау үшін ерітінді дайындауға арналған ұнтақ болып табылады. Ересектер: 1 пакет ұнтақтан (200 мг) тәулігіне 3 рет (тәулігіне 600 мг ацетилцистеинге сәйкес келеді). 6 жастан 18 жасқа дейінгі балалар: 1 пакет ұнтақтан (200 мг) тәулігіне 2 рет (тәулігіне 400 мг ацетилцистеинге сәйкес келеді). 2 жастан 6 жасқа дейінгі балалар: 1 пакет ұнтақтан (200 мг) тәулігіне 1 рет (тәулігіне 200 мг ацетилцистеинге сәйкес келеді). Жедел аурулар кезінде емдеу курсының ұзақтығы 5 – тен 10 күнге дейін, созылмалы ауруларды емдеу кезінде бірнеше айға дейін (дәрігердің ұсынымы бойынша) созылады. Ерітінді дайындау: 1 пакет ұнтақты (200 мг) бір стақан ыстық суда ерітіп, араластырып, ыстық күйінде тамақ ішкеннен кейін ішке қабылдау керек.

- ацетилцистеинге немесе қосымша заттардың кез келгеніне аса жоғары сезімталдық - өршу фазасы кезіндегі асқазанның және он екі елі ішектің ойық жарасы - фенилкетонурия - тұқым қуалайтын фруктоза жақпаушылғы - глюкоза-галактоза мальабсорбциясы - жүктілік және бала емізу кезеңі - 2 жасқа дейінгі балалар Сақтықпен: асқазан мен он екі елі ішектің ойық жарасы, өңештің веналардың варикозды кеңеюі, қан қақыру, өкпеден қан кету, фенилкетонурия, бронх демікпесі, бүйрекүсті безінің аурулары, бауыр және/немесе бүйрек жеткіліксіздігі, артериялық гипертензия кезінде тағайындалады.

Жиі емес - аллергиялық реакциялар (қышыну, есекжем, тері бөртпесі, Квинке ісінуі, ангионевроздық ісіну, экзантема) - тахикардия - артериялық гипотензия - бас ауыруы - құлақтағы шуыл - қызба - стоматит, іштің ауыруы, диарея, құсу, қыжыл, жүрек айнуы Сирек - ентігу, бронх түйілуі (көбінесе бронх демікпесімен байланысты бронх жүйесінің реактивтілігі жоғары пациенттерде) - диспепсия Өте сирек - жоғары сезімталдық реакцияларымен ішінара байланысты қан кетулер мен қан құйылулар - анафилаксиялық шокқа дейінгі анафилаксиялық реакциялар - Стивенс-Джонсон синдромы, Лайелл синдромы Белгісіз - бронх обструкциясы - беттің ісінуі Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: жүрек айнуы, құсу, диарея, балаларда гиперсекреция қаупі бар. Емі: симптоматикалық. Спецификалық антидот жоқ.

Ацетилцистеинді қолдану кезінде бронх демікпесі бар пациенттерге мұқият мониторинг жүргізу қажет. Бронх түйілуі туындаған кезде, ацетилцистеин қабылдауды тоқтату керек. Ацетилцистеинді бронх демікпесі бар, анамнезінде асқазанның немесе он екі елі ішектің ойық жарасы бар пациенттерде, әсіресе асқазанның жағымсыз әсерлері белгілі препараттарды бір мезгілде қабылдайтын пациенттерде қолданған кезде сақтық таныту керек. Бауыр және бүйрек аурулары бар пациенттерге сақтықпен тағайындау керек. Ацетилцистеинді қолдану кезінде өте сирек жағдайларда терінің ауыр аллергиялық реакцияларының (Стивенс-Джонсон синдромы, Лайелл синдромы) пайда болуы байқалды. Терінің аллергиялық реакциялары туындаған жағдайда пациент ацетилцистеин қабылдауды дереу тоқтатып, дәрігерге қаралу керек. Гистамин жақпаушылығы бар пациенттер ацетилцистеинді қысқа курстарда қабылдауы керек, өйткені гистаминнің метаболизміне жақпаушылық симптомдары пайда болуы мүмкін (мысалы, бас ауыруы, тұмаурату, қышыну). Құрамында күкірт бар иістің болуы Ацетил-Ц препаратының өзгеруіне нұсқамайды, бірақ ондағы ацетилцистеиннің белсенді затының құрамымен байланысты. Ацетилцистеинді қолдану, әсіресе емдеудің басында, бронхтағы қақырықты сұйылтуға және сонымен бірге оның көлемінің ұлғаюына әкелуі мүмкін. Егер пациент қақырықты түсіре алмаса, онда қақырықтың жинақталуын болдырмау үшін постуральді дренаж және аспирация қолданылады. Қант диабетіне шалдыққан пациенттерге арналған нұсқау: 1 пакеттің ішінде 2.7 г сахароза бар. Ацетилцистеиннің секретолитикалық әсері сұйықтықты жеткілікті қабылдау арқылы сақталады. Тұқым қуалайтын фруктоза жақпаушылығы, глюкоза-галактоза мальабсорбциясы бар пациенттерге сахароза болуына байланысты Ацетил-Ц препаратын қабылдауға болмайды. Жедел аурулар кезінде емдеу курсының ұзақтығы 5 – тен 10 күнге дейін, созылмалы ауруларды емдеу кезінде бірнеше айға дейін (дәрігердің ұсынымы бойынша) созылады. Ацетил-Ц қабылдау тісті зақымдауы мүмкін (тісжегіге әкелуі мүмкін). Арнайы сақтандырулар Педиатрияда қолдану Муколитикалық дәрілер 2 жасқа дейінгі балаларда тыныс алудың қиындауына әкелуі мүмкін. Осы жастағы балалардағы тыныс алу жүйесінің физиологиялық ерекшеліктеріне байланысты тыныс алу жолдарының секрециядан тазарту мүмкіндігі шектеулі, сондықтан муколитикалық препараттарды 2 жасқа дейінгі балаларда қолдануға болмайды.

Ацетилцистеинді жүктілік кезінде және лактация кезінде қолдануға болмайды. Фертильділік Жануарларға жүргізілген зерттеулерде емдік дозаларда фертильділікке жағымсыз әсер байқалған жоқ. Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері Әсер етпейді.

Ацетилцистеин мен жөтелге қарсы дәрілерді бір уақытта қолдану жөтел рефлексінің төмендеуіне байланысты қауіпті секреторлық іркілісті туындатуы мүмкін. Сондықтан бұл нұсқаны біріктірілген емде қолдануға болмайды. Белсендірілген көмір Уыттануды емдеу кезінде ацетилцистеин мен белсендірілген көмірді бір мезгілде қабылдау пероральді қабылданған ацетилцистеиннің тиімділігін төмендетуі мүмкін. Антибиотиктер Ацетилцистеинмен бірге қолданғанда антибиотиктердің тиімділігін төмендету туралы деректер осы препараттар бірге қолданылған in vitro зерттеулерімен шектелген. Алайда, сақтық шарасы ретінде ацетилцистеинді қолданғаннан кейін кем дегенде екі сағаттан кейін пероральді антибиотиктерді қабылдау ұсынылады. Нитроглицерин Нитроглицерин мен ацетилцистеинді бір мезгілде қолдану ауыр гипотензияны туындатады және бас ауыруының дамуы мүмкін самай артерисының уақытша дилатациясына әкеледі. Егер нитроглицерин мен ацетилцистеинді бір мезгілде қолдану қажет деп саналса, онда пациентте ауыр болуы мүмкін және бас ауыруы түрінде көрінуі мүмкін гипотензияның даму мүмкіндігін мониторингтеу керек. Карбамазепин Ацетилцистеин мен карбамазепинді бір мезгілде қолдану карбамазепиннің субтерапиялық концентрациясының туындауына әкелуі мүмкін. Басқа препараттарды Ацетил-Ц препаратының ерітіндісінде еріту ұсынылмайды. Ацетилцистеин салицилаттарды анықтаудың колориметриялық сандық талдауына әсер етуі мүмкін. Ацетилцистеин несеп талдау кезінде кетон денелерін талдау нәтижелеріне әсер етуі мүмкін.

Сақтау мерзімі 3 жыл. Жарамдылық мерзімі өткеннен кейін қолдануға болмайды! Сақтау шарттары 25 °С-ден аспайтын температурада сақтау керек. Балалардың қолы жетпейтін жерде сақтау керек!