Ацикловир мазь 5 %

1 грамм препараттың құрамы белсенді зат: ацикловир – 0,05 г. қосымша заттар: жоғары молекулалық полиэтиленгликоль (ПЭГ 1500), төмен молекулалық полиэтиленгликоль (ПЭГ 400). Сыртқы түрінің, иісінің, дәмінің сипаттамасы Ақ немесе сары реңді ақ түсті жақпамай.

Препарат: - еріннің және бет терісінің (еріннің қайталанатын герпесі) Herpes simplex вирусынан туындаған вирустық инфекцияларын емдеуге арналған

Фармакодинамикалық әсерлері Ацикловир - вирусқа қарсы препарат, тимидин нуклеозидінің синтетикалық аналогы; 1 және 2 типті қарапайым герпес вирусына (Herpes simplex) қатысты белсенділігі жоғары. Негізгі сүтқоректі иесінің жасушаларына уыттылығы төмен. Ацикловир герпес вирусын жұқтырған жасушаларға енгеннен кейін ацикловир трифосфатының белсенді қосылысына дейін фосфорланады. Бұл процестің бірінші кезеңі вирустық тимидин киназасының болуына байланысты. Ацикловир трифосфаты қалыпты жасушалық процестерге әсер етпей, вирустық ДНҚ-ның одан әрі синтезіне кедергі келтіретін полимеразаның герпес-спецификалық ДНҚ тежегіші және субстраты ретінде әсер етеді.

Дозалау режимі Ересектер Препаратты күніне 5 рет, шамамен 4 сағат сайын, түнгі уақытты қоспағанда, терінің зақымдалған және онымен шектесетін тері аймақтарына жағу ұсынылады. Емдеуді мүмкіндігінше ертерек, алғашқы белгілер мен симптомдары пайда болған кезде бастау маңызды (продромальді кезеңде немесе қызарған кезде). Емдеу сондай-ақ, кешігерек сатыларында да басталуы мүмкін (папула немесе күлдіреуік). Жағдайдың нашарлауына жол бермеу үшін және инфекцияның таралуының алдын алу үшін препаратты жаққанға дейін және одан кейін қолды жуу керек, ысқыламау керек және терінің зақымдалған аймақтарына сүлгіні тигізбеу керек. Балалар Препарат балаларда ересектердегідей қолданылады. Егде жастағы пациенттер. Егде жаста қолдануға шектеулер жоқ. Енгізу әдісі мен жолы Сыртқа қолдануға арналған Емдеу ұзақтығы Емдеу ұзақтығы 4 күннен кем емес. Жазылу болмаған жағдайда емдеуді 10 күнге дейін ұзартуға болады. Аурудың симптомдары 10 күннен артық сақталған жағдайда, дәрігерге жүгіну керек. Дәрілік препараттың қолдану тәсілін түсіндіру үшін медициналық қызметкерге кеңес алуға жүгіну жөніндегі ұсынымдар Қолдану тәсілі бойынша сұрақ туындаған жағдайда медицина қызметкеріне хабарласыңыз.

- ацикловирге, валацикловирге немесе қосымша заттардың кез келгеніне аса жоғары сезімталдық

Ацикловир 5% жақпамайын қолдануды тоқтатыңыз және аллергиялық реакцияның келесі белгілерінің кез келгені пайда болса, дереу медициналық көмекке жүгініңіз: Өте сирек (10 000 адамнан 1-ге дейін әсер етуі мүмкін): • беттің (еріннің, қабақтың, беттің) және ауыз қуысының шырышты қабығының ісінуі көмейге таралып, тыныс алудың қиындауына, дауыстың қарлығуына және қарлықпа жөтелге (ангионевроздық ісінуге) әкелуі мүмкін. • жедел типті жоғары сезімталдық реакциялары, соның ішінде бөртпе, күлбіреуіктер мен күлдіреуіктер пайда болуымен терінің қызаруы ( есекжем). Ацикловир жақпамайы 5% препаратын қолданғанда байқалуы мүмкін басқа да ықтимал жағымсыз реакциялар. Жиі емес (100 адамның көп дегенде 1-де туындауы мүмкін): • қысқа мерзімді күйдіру, препарат қолданылған аймақтарда шаншу, аздап құрғауы және қабыршақтану, қышу Сирек (1000 адамның көп дегенде 1-де туындауы мүмкін): • терінің қызаруы және препаратты қолданған жердегі тіндердің ісінуі, терінің қышуы, жаққаннан кейін сұйықтыққа тола күлдіреуіктер түріндегі бөртулер (жанаспалы дерматит), ацикловирге қарағанда, көбінесе қосымша заттарға реакциямен байланысты. Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК. http://www.ndda.kz

Препаратты қолдану жөніндегі нұсқаулыққа сәйкес қолданғанда артық дозалануы екіталай. Кездейсоқ ішке қабылдаған кезде келесі симптомдар болуы мүмкін: бас ауыруы, неврологиялық бұзылулар, ентігу, жүрек айну, құсу, диарея, бүйрек функциясының бұзылуы. Емі: өмірлік маңызды функцияларды демеу, гемодиализ.

Препарат тек еріндер мен бет терісінің герпесінде қолданылуы керек. Ауыз қуысының, көздің және қынаптың шырышты қабаттарына қолдану ұсынылмайды. Гениталий герпесін емдеу мақсатында қолдануға болмайды. Жақпамайдың көзге түсуінен аулақ болу керек. Қайталанатын герпестің айқын көріністерінде дәрігермен кеңесу ұсынылады. Еріннің герпесі бар пациенттерге вирустың берілуінен аулақ болу керек, әсіресе белсенді зақымданулар болған кезде. Иммунитет тапшылығы жағдайы бар пациенттерге препаратты қолдану ұсынылмайды. Мұндай пациенттер кез келген инфекциялық ауруларды емдеу кезінде дәрігердің ұсынымдарын ұстануға тиіс. Арнайы ескертулер Бүйрек және бауыр жеткіліксіздігі бар пациенттер: Негізінен ацикловир бүйрекпен шығарылатынына қарамастан, сыртқа қолданғаннан кейін ацикловирдің жүйелі сіңуі маңызды емес. Тиісінше, бүйрек немесе бауыр аурулары бар пациенттерге дозаны өзгерту қажет емес. Педиатрияда қолдану Препарат балаларда ересектердегідей қолданылады. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Көлік құралдарын басқару және механизмдермен жұмыс істеу қабілетіне қолайсыз әсер туралы ақпарат тіркелмеген. Қолдану бойынша ұсыныстар

Болжамды пайда әлеуетті және белгісіз қауіптен асып кеткен жағдайларда ғана қолдану мүмкін болады, алайда жақпамайды жергілікті қолданған кезде жүйелік экспозиция өте төмен болады. Ацикловирді қолданудың тіркеуден кейінгі тәжірибесінің нәтижесінде әйелдердегі жүктілік нәтижелері бойынша ақпаратты қамтитын деректер алынды. Деректер жалпы популяциямен салыстырғанда ацикловирмен ем қабылдаған пациенттер арасында туа біткен даму кемістіктері санының артуын көрсетпейді және бірегей болып табылатын немесе жалпы себебін көрсететін белгілердің тұрақты жиынтығымен сипатталатын туа біткен кемістіктер тіркелген жоқ. Қолданар алдында, егер сіз жүкті болсаңыз немесе жүкті болуыңыз мүмкін деп ойласаңыз немесе жүктілікті жоспарласаңыз, бала емізу кезеңінде дәрігермен кеңесу керек. Бала емізу Шектеулі деректер тұрақты қолданған кезде препарат емшек сүтіне енетінін көрсетеді. Алайда, емшек сүтімен қоректенетін нәрестенің алатын дозасы елеусіз болады.

Сыртқа қолданған кезде басқа дәрілік заттармен өзара әрекеттесуі анықталған жоқ.

Сақтау мерзімі 2 жыл. Жарамдылық мерзімі өткеннен кейін қолдануға болмайды. Сақтау шарттары Жарықтан қорғалған жерде, 25°С-ден аспайтын температурада сақтау керек. Балалардың қолы жетпейтін жерде сақтау керек.