БАКТОПИК® мазь 2 %

1 г жақпамайдың құрамында белсенді зат – 20 мг мупироцин** қосымша заттар: полиэтиленгликоль 3350, полиэтиленгликоль 400 ** - 22.0 мг - 10 % артығын ескергенде Сыртқы түрінің, иісінің, дәмінің сипаттамасы Түсі ақ немесе ақ дерлік жақпамай.

БАКТОПИК® метициллинге төзімді штаммдарды, басқа стафилококктарды, стрептококктарды қоса, тері инфекцияларының көпшілігіне, мысалы Staphylococcus aureus жауапты организмдерге қатысты белсенді, бактерияларға қарсы жергілікті дәрі болып табылады. Ол сондай-ақ Escherichia coli және Haemophilus influenzae сияқты грамтеріс организмдерге қарсы белсенді. БАКТОПИК® жақпамайы мысалы, импетиго, фолликулит, фурункулез сияқты тері инфекцияларында пайдаланылады.

ATХ коды D06AX09 Әсер ету механизмі Мупироцин – Pseudomonas fluorescens бактерияларының ферментациясы жолымен алынатын жаңа буындағы антибиотик. Мупироцин ақуыз синтезін және изолейцил-трансфер-РНҚ-синтетазасын тежеу жолымен бактериялардың РНҚ бәсеңдетеді. Препаратты ең аз тежегіш концентрациясында қолданған кезде мупироцин бактериостатикалық әсер етеді; концентрацияның жоғарылауы кезінде - бактерицидтік әсер етеді. Резистенттілік дамуының механизмдері Стафилококтарға резистенттіліктің төмен деңгейі нысаналы изолейцил-тРНК-синтетаза ферменті үшін кәдімгі стафилококкты хромосомалық гендегі (ileS) нүктелік мутациялардың нәтижесі деп саналады. Стафилококкқа резистенттіліктің жоғары деңгейі плазмидпен жеке кодталған изолейцил-тРНК-синтетаза ферментімен шартталғаны көрсетілген. Enterobacteriaceae сияқты грамтеріс организмдердің ішкі резистенттілігі грамтеріс бактериялардың жасуша қабырғасының сыртқы жарғақшасының нашар өткізгіштігімен байланысты болуы мүмкін. Арнайы әсер ету механизмі мен бірегей химиялық құрылымына байланысты мупироцин басқа клиникалық қол жетімді антибиотиктермен айқаспалы бәсекелестік көрсетпейді. Келесі микроорганизмдер мупироцинге сезімтал: Жүре пайда болған резистенттіліктің таралуы географиялық жағынан және уақыт өте келе жекелеген түрлер үшін өзгеруі мүмкін және әсіресе ауыр инфекцияларды емдеу кезінде, резистенттілік туралы жергілікті ақпарат болғаны дұрыс. Қажет болған жағдайда, егер резистенттіліктің жергілікті таралуы осы агенттің пайдасы, кем дегенде, инфекцияның кейбір түрлерінде күмән тудыратын болса, маманнан кеңес алу керек. Әдеттегі сезімтал түрлер Алтын түсті стафилококк * Streptococcus pyogenes * Streptococcus spp . (β-гемолитикалық, S. pyogenes ерекшелігі бар) Жүре пайда болған төзімділігі проблема болуы мүмкін түрлер Staphylococcus spp., Коагулаза теріс Басынан тұрақты организмдер Corynebacterium spp. Micrococcus spp. * Белсенділік клиникалық зерттеулерде қанағаттанарлық түрде көрсетілді

Дозалау режимі Ересектер / 1 жас және одан үлкен балалар Препарат күніне 3 рет жағылады. Емдеу ұзақтығы - жүргізілетін емге клиникалық жауапқа байланысты - 10 күнге дейін. Егер клиникалық жауапқа 3-5 күн ішінде қол жетпесе, емдеуді қайта қарау керек. Емдеудің ең көп ұзақтығы 10 күн. Пациенттердің ерекше топтары Балалар Дозаны түзету қажет емес. Егде жастағы пациенттер Дозаны түзету қажет емес. Бүйрек функциясы бұзылуы бар пациенттер Егде жастағы пациенттер: жүргізілетін терапия бүйрек жеткіліксіздігінің орташа немесе ауыр түрлерінің бұрыннан бар белгілері аясында полиэтиленгликольдің сіңуіне әкелуі мүмкін жағдайларды қоспағанда, дозаны түзету талап етілмейді. Бауыр функциясы бұзылуы бар пациенттер Дозаны түзету қажет емес. Енгізу әдісі және жолы Сыртқа қолдануға арналған. БАКТОПИК® жақпамайының аздаған мөлшерін зақымданған аймақты жаба отырып, жағу керек. Емдеу аймағын таңғышпен жабуға болады. Ем аяқталғаннан кейін препараттың пайдаланылмаған кез келген қалдықтары жойылуы тиіс. Басқа препараттармен араластырмаңыз, өйткені еріп кету қаупі бар, бұл бактерияға қарсы белсенділігінің азаюына және жақпамайдағы мупироцин тұрақтылығының потенциалды төмендеуіне әкелуі мүмкін. Дәрілік препаратты қолдану тәсілін түсіндіру үшін медицина қызметкерінің кеңесіне жүгіну жөніндегі ұсыныстар Сізде осы дәрілік препаратты қолдану туралы қандай да бір қосымша сұрақтар туындаған жағдайда, дәрігеріңізге жүгініңіз.

- әсер етуші затқа немесе қосымша заттардың кез келгеніне аса жоғары сезімталдық - интраназальді және интраокулярлық қолдану

Жағымсыз реакциялар ағзалар класы мен жиілігі жүйесімен төменде келтірілген. Жағымсыз құбылыстардың жиілігін анықтау келесі критерийлерге сәйкес жүргізіледі: өте жиі (≥ 1/10), жиі (≥ 1/100-ден < 1/10-ға дейін), жиі емес (≥ 1/1000-нан < 1/100-ге дейін), сирек (≥ 1/10000-нан < 1/1000-ға дейін), өте сирек (< 1/10000), белгісіз (қолда бар деректер негізінде бағалау мүмкін емес. Жиілік санаттары 1573 пациентте препараттың 12 клиникалық зерттеулері және постмаркетингтік деректер негізінде жасалды. Өте сирек кездесетін жағымсыз реакциялар, ең алдымен, тіркеуден кейінгі тәжірибе деректері негізінде анықталды, және сондықтан шынайы жиілікке емес, хабарламалардан алынған жиілігіне қатысты. Иммундық жүйе бұзылыстары: Өте сирек - жүйелі аллергиялық реакциялар, оның ішінде анафилаксия, жайылған бөртпе, есекжем және ангионевроздық ісіну. Тері және тері асты тіндері тарапынан бұзылулар: Жиі - препарат қолданған жердегі ашыту сезімі Жиі емес - қышу, эритема, препарат қолданған жердегі жергілікті ашыту және құрғақтық. Мупироцинге немесе жақпамай негізіне сенсибилизациялық тері рекциялары. Жағымсыз дәрілік реакциялар туындағанда медицина қызметкеріне, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары Мупироциннің артық дозалануы туралы деректер тым аз. Емі Мупироцинмен артық дозаланғанда қандай да бір арнайы емдеу әдісі жоқ. Артық дозаланған жағдайда пациентті тиісті бақылау арқылы қосымша заттармен емдеу керек. Кейіннен бақылауды клиникалық көрсеткіштерге сәйкес немесе егер бар болса, улы заттардың ұлттық орталығының ұсынымдарына сәйкес жүргізген жөн.

БАКТОПИК® жақпамайын пайдаланғанда, жағылған орында аллергиялық реакциялар немесе тітіркену пайда болуы мүмкін, мұндай жағдайларда емдеуді тоқтатып, препаратты мұқият жуып тастау және емдеу бойынша қажетті шаралар жүргізу керек. Бактерияға қарсы басқа препараттарды қолданғандағыдай, ұзақ уақыт қолдану сезімтал емес организмдердің шамадан тыс өсуіне әкелуі мүмкін. Антибиотиктермен емдеу кезінде ауырлық дәрежесі орташа ауырлықтан өмірге қауіптіге дейін болуы мүмкін жалған жарғақшалы колиттің пайда болуы туралы деректер бар. Осы себепті, әсіресе антибиотикті қолдану кезінде немесе одан кейін диареямен ауыратын пациенттерге уақытылы диагноз қоюдың маңыздылығын атап өткен жөн. Мупироцинді сыртқа жаққанда бұл әсерлердің ықтималдығы аз, диарея ұзаққа созылғанда немесе пациенттердің ішінде шаншу пайда болғанда емдеуді дереу тоқтатып, пациентті одан әрі бақылау керек. Бүйрек функциясының бұзылуы Полиэтиленгликоль ашық жарақаттан және зақымданған теріден сіңіріледі және бүйрек арқылы шығарылады. Полиэтиленгликоль негізіндегі басқа жақпамайларды пайдаланған кезде, егер Полиэтиленгликольдің жоғары мөлшерінің сіңірілу ықтималдығы болса, әсіресе бүйрек функциясының орташадан ауыр дәрежеге дейінгі бұзылулары болған жағдайларда мупироцин жақпамайын қолдануға болмайды. БАКТОПИК® жақпамайы келесілерде жарамсыз: • Офтальмологиялық қолдануға • Интраназальді қолдануға • Катетермен үйлесімде қолдануға және • Орталық веналық катетер бөлігінде. Көзге тигізуден аулақ болыңыз. Тиген жағдайда, жақпамай қалдықтары толық жойылғанша сумен мұқият жуу қажет. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Автокөлікті немесе басқа механизмдерді басқару қабілетіне әсер етуі анықталған жоқ.

БАКТОПИК® препаратын жүкті әйелдерде қолдану бойынша деректер жоқ, осыған байланысты препарат әлеуетті пайдасының ықтимал қаупінен асып кеткен жағдайда ғана қолданылады. Лактация Препараттың емшек сүтіне өтуі туралы деректер жоқ. Егер БАКТОПИК® емшек ұшының жарылуларын емдеу үшін қолданылса, баланы емізу алдында жақпамай қалдықтарын кетіру үшін омырауды мұқият жуу қажет. Фертильділік Мупироциннің адамның фертильділігіне әсері туралы ешқандай деректер жоқ. Егеуқұйрықтарды зерттеу фертильділігіне әсерін көрсетпеді.

Басқа препараттармен өзара әрекеттесуі анықталған жоқ.

Сақтау мерзімі 3 жыл. Жарамдылық мерзімі өткеннен кейін қолдануға болмайды. Сақтау шарттары Түпнұсқалық қаптамасында 25ºС-ден аспайтын температурада сақтау керек. Мұздатып қатыруға болмайды! Балалардың қолы жетпейтін жерде сақтау керек!