Золотая звезда бальзамы бальзам

100 мл препараттың құрамында белсенді заттар: кристалды ментол, 28.00 г, камфора, 8.88 г, жалбыз майы, 22.9 г, эвкалипт майы, 0.10 г, қалампыр майы, 0.46 г, даршын майы, 0.38 г. қосымша заттар - вазелин майы. Сыртқы түрінің, иісінің, дәмінің сипаттамасы Эфир майларына тән иісі бар, бөгде қоспалары жоқ қоңыр-қызыл түсті мөлдір сұйықтық.

Кешенді емдеудің симптоматикалық емінде: - тұмауратуда - суық тию аурулары мен тұмауда - бас ауыруында - жәндіктер шаққанда

Фармакодинамикалық әсерлер Препарат жергілікті тітіркендіргіш, алаңдататын және антисептикалық әсерге ие. Ментол және камфора мұрын қуысы мен жоғарғы тыныс алу жолдары жүйке ұштарының тітіркенуін туындатады, жеңіл күйдіру мен шаншу сезімін туындата отырып, жеңіл жергілікті ауырғанды басатын әсер береді, сондай-ақ антисептикалық қасиеттері бар. Қалампыр майы антисептикалық әсер береді және инфекциядан қорғайды. Даршын майының жоғарғы тыныс алу жолдары ауруларын емдегенде антисептикалық әсері бар. Жалбыз майының сергітуші, антисептикалық және ауыруды басатын қасиеттері бар. Суық тию және тұмау, тыныс алу жолдарының қабынуы, жөтел, бронхит, мұрынның бітелуі және тыныс алу жолдарының тітіркенуі кезінде, сондай-ақ терінің қабыну жағдайлары мен оның тітіркенулерінде күшті антисептик ретінде қолданылады. Бас ауыруын бәсеңдетеді және көптеген жәндіктерді жақындатпайды. Организмнің қарсыластығын жоғарылатады. Эвкалипт майы антисептикалық қасиетін танытады. Ең алдымен бактерияларға және вирустарға қарсы әсер етеді. Тыныс алу жолдарының инфекцияларын, жөтелді, бронхитті, қуыстар қабынуларын, мұрын бітелуін емдеуде пайдаланылады. Қабынуға қарсы және ауыруды басатын әсер береді.

Дозалау режимі Препаратты ауырған тері аймақтарына жұқа етіп ысқылап жағады (бас ауырған кезде - самайға, шүйдеге; суық тию аурулары кезінде арқа мен кеуде аймақтарын уқалайды, тұмаурату кезінде – мұрын жақтауларына). Жәндіктер шаққанда бальзамды шаққан орынға жағады. Енгізу әдісі және жолы Препарат сыртқа қолданылады. Қабылдау уақыты көрсетілген қолдану жиілігі Деректер жоқ. Емдеу ұзақтығы Деректер жоқ. Дәрілік препараттың бір немесе бірнеше дозасын өткізіп алған кездегі қажетті шаралар Деректер жоқ. Тоқтату симптомдары қаупінің болуына көрсетілім Деректер жоқ.

• әсер етуші заттарға немесе кез келген қосымша заттарға аса жоғары сезімталдық • 2 жасқа дейінгі балалар • тері аурулары және препарат жағылған жердегі тері жабыны бүтіндігінің бұзылуы • жүктілік және лактация кезеңі

Сирек: • аллергиялық реакциялар Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз: Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттарды және медициналық бұйымдарды сараптау ұлттық орталығы» ШЖҚ РМК http://www.ndda.kz

Жиі пайдаланғанда тері тарапынан қышыну, қызару түрінде жергілікті тітіркену белгілері болуы мүмкін.

Деректер жоқ. Арнайы ескертулер Тек сыртқа қолдануға арналған! Препаратты көзге, мұрын мен ауыз қуысы шырышты қабығына тигізбеуге тырысу керек. Дәрігердің кеңесінсіз препаратты балаларға қолдануға болмайды. Педиатрияда қолдану 2 жасқа толмаған балаларға препаратты қолдануға болмайды. Препараттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері Әсер етпейді.

Клиникалық деректердің болмауына байланысты дәрілік затты жүктілік және лактация кезеңінде қолдануға болмайды.

Сипатталмаған.

Сақтау мерзімі 5 жыл Жарамдылық мерзімі өткеннен кейін қолдануға болмайды. Сақтау шарттары Құрғақ, жарықтан қорғалған жерде, 15°С-ден 25°С-ге дейінгі температурада сақтау керек. Балалардың қолы жетпейтін жерде сақтау керек!