Бартизар® лиофилизат 3.5 мг

Бір құтының ішінде: белсенді зат – үш өлшемді бороксин түріндегі бортезомиб 3.336 мг (мономер түріндегі 3.5 мг бортезомибке шаққанда) қосымша зат – маннитол. Сыртқы түрінің, иісінің дәмінің сипаттамасы Ақ немесе ақ дерлік түсті лиофилизацияланған масса немесе ұнтақ.

• үдемелі көптеген миеломасы бар, кемінде 1 емдеу курсын қабылдаған және бұрын гемопоэздік дің жасушаларының трансплантациясы жүргізілген немесе ондай трансплантацияға жарамсыз ересек пациенттерді емдеу үшін, монотерапия ретінде немесе пегилденген липосомалық доксорубицинмен немесе дексаметазонмен біріктіріп • көптеген миеломасы бар, бұрын ем қабылдамаған және гемопоэздік дің жасушаларын трансплантациялаумен бірге жоғары дозалы химиятерапияны қабылдай алмайтын ересек пациенттерді емдеу үшін мелфаланмен және преднизонмен біріктіріп • көптеген миеломасы бар, бұрын ем қабылдамаған, қан түзетін дің жасушаларын трансплантациялаумен жоғары дозалы химиятерапияны қабылдай алатын ересек пациенттерге индукциялық ем үшін дексаметазонмен біріктіріп • мантий жасушалы лимфомасы бар, бұрын ем қабылдамаған, гемопоэздік дің жасушаларының трансплантациясы көрсетілмеген ересек пациенттерді емдеу үшін ритуксимабпен, циклофосфамидпен, доксорубицинмен және преднизолонмен біріктіріп қолданылады

Антинеопластикалық препараттар. Антинеопластикалық басқа препараттар. Бортезомиб АТХ коды L01ХХ32. Бортезомиб протеасомаларды тежегіш болып табылады. Ол сүтқоректілер жасушаларындағы 26S протеасомасының химотрипсин тәрізді белсенділігін тежегіш ретінде арнайы әзірленген. 26S протеасомасы убиквитинделген ақуыздарды ыдырататын ірі ақуыздық кешен болып табылады. Убиквитин-протеасома жолы спецификалық ақуыздар алмасуының реттелуінде, сол арқылы жасушалардағы гомеостазды демеп тұруда маңызды рөл атқарады. 26S-протеасоманың тежелуі осы протеолизге кедергі келтіреді және жасушадағы көптеген сигналдық каскадтарға ықпал етіп, ақырында ісік жасушаларының өлуіне алып келеді. Бортезомибтің протеасомаға қатысты іріктелгіштік әсері жоғары. 10 мкМ концентрацияда бортезомиб зерттелген рецепторлар мен протеазалардың ауқымды спектрінің ішінен бірде-біреуін тежемейді және осы көрсеткіш бойынша келесі ферментке қатыстылығына қарағанда, протеасомаға қатысты 1500 еседен артық селективті. Протеасома тежелуінің кинетикасы in vitro бағаланды, және бортезомибтің протеасомадан T1/2 20 минутта ажырайтыны, яғни бортезомибтің протеасоманы тежеуі қайтымды екендігі анықталды.

Бартизар препаратымен емдеуді ісікке қарсы химиотерапияны қолдану тәжірибесі бар дәрігердің бақылауымен ғана жүргізу керек. Дозалану режимі Үдемелі көптеген миелома кезінде дозалану режимі (осының алдында кемінде 1 рет ем қабылдаған пациенттер) Монотерапия Бартизар® препараты вена ішіне (в/і) 3-5 секунд бойы сорғалатып немесе тері астына (т/а) енгізіледі. Бартизар®, инъекция үшін ерітінді дайындауға арналған лиофилизат, 3.5 мг препаратының ұсынылатын дозасы дене беткейінің ауданына 1.3 мг/м2 құрайды, ол 2 апта бойы аптасына екі рет, 21 күндік емдеу циклындағы 1, 4, 8 және 11 күндері венаішілік немесе теріастылық инъекция жолымен енгізіледі. Аталған 3 апталық кезең емдеу циклы болып есептеледі. Толық клиникалық жауапқа қол жеткізілгеннен кейін Бартизар® препаратымен емдеудің 2 циклын жүргізу ұсынылады. Клиникалық жауапқа қол жеткізген, бірақ ремиссияға жете алмаған пациенттерге Бартизар® препаратымен емдеудің жалпы саны 8 циклына дейін жүргізу ұсынылады. Бартизар® препаратының дозаларын бірінен соң бірін енгізудің арасында кемінде 72 сағат өтуі тиіс. Бартизар® препаратымен монотерапияда емдеу және емдеуді қайта бастау кезінде дозасын түзету 3-інші дәрежелі кез келген гематологиялық емес уытты әсер, немесе нейропатияны қоспағанда, 4-інші дәрежелі гематологиялық әсер дамыған жағдайда, Бартизар® препаратымен емдеуді тоқтата тұру керек. Уыттылық симптомдары жойылғаннан кейін препаратпен емдеуді 25 %-ға төмендетілен дозада қайта бастауға болады (1.3 мг/м2 дозасын 1.0 мг/м2 дейін төмендетеді; 1.0 мг/м2 дозасын 0.7 мг/м2 дейін төмендетеді). Егер уыттылық симптомдары жойылмаса немесе төмен дозасында қайтадан пайда болса, онда егер Бартизар® препаратын қолданудың пайдасы ықтимал қаупінен едәуір асып түспесе, оны тоқтату мүмкінігін қарастыру керек. Нейропатиялық ауыру және/немесе шеткері нейропатия Бартизар® препаратын қолданумен байланысты нейропатиялық ауыру және/немесе шеткері сенсорлық нейропатия пайда болған жағдайда препараттың дозасын 1 кестеге сәйкес өзгертеді. Анамнезінде ауыр нейропатия болған пациенттерде Бартизар® препаратын тек қауіп/пайда арақатынасын мұқият бағалағаннан кейін ғана қолдануға болады. 1 кесте. Бартизар® препаратынан туындаған нейропатиялық ауыру және/немесе шеткері сенсорлық немесе қимыл-қозғалыс нейропатиясы дамыған жағдайда дозасының ұсынылған өзгертілуі Шеткері нейропатияның ауырлығы* — Дозасы мен енгізу жиілігінің өзгертілуі 1-інші дәрежесі (симптомсыз, терең сіңір рефлексінің жоғалтылуы немесе парестезия) ауырусыз немесе функцияның жоғалтылуынсыз — Дозасы мен енгізу жиілігін түзету қажет емес Ауырсынумен жүретін 1-інші дәрежесі немесе 2-нші дәрежесі (айқындығы орташа симптомдар, күнделікті өмірдегі қимыл-қозғалыс белсенділігі шкаласы бойынша төмендеуі)** — Дозасын 1.0 мг/м2 дейін төмендету немесе Бартизар® препаратын енгізу режимін аптасына 1 рет 1.3 мг/м2 етіп өзгерту керек Ауырсынумен жүретін 2-нші дәрежесі немесе 3-інші дәрежесі (ауыр симптомдар, өз-өзіне қызмет көрсетудегі қарапайым әрекеттердің шектелулері)*** — Бартизар® препаратын қолдануды уыттылық симптомдары жойылғанға дейін тоқтата тұру керек. Содан кейін, препараттың дозасын 0.7 мг/м2 дейін төмендете отырып және енгізу жиілігін аптасына бір ретке дейін азайтып, емдеуді қайта бастауға болады 4-інші дәрежесі (өмірге қауіп төндіретін салдарлары; шұғыл араласым үшін көрсетілімдер) және/немесе ауыр вегетативтік нейропатия — Бартизар® препаратын қолдануды тоқтату керек * - Жіктеме NCI (Ұлттық Обыр институтының) уыттылықтың жалпы критерийлеріне СТСАЕ v.4 (Жағымсыз құбылыстарды белгілеу терминологиясының жалпы критерийлеріне) негізделген. ** Күнделікті өмірдегі қимыл-қозғалыс белсенділігі: тамақ әзірлеуге, азық-түлік пен киім сатып алуға, телефонды пайдалануға, ақша жұмсауға және т.б.қабілеттілік; *** Күнделікті өз-өзіне қызмет көрсету белсенділігі: өздігінен шомылуға, киім киюге және шешуге, ас ішуге, дәретханаға баруға, дәрілік препараттарды қабылдауға және төсек тартып жатпауға қабілеттілік. Пегилденген липосомалық доксорубицинмен біріктірілген ем Бартизар® препаратының ұсынылатын дозасы дене беткейіне 1.3 мг/м2 құрайды, ол 2 апта бойы аптасына екі рет, 21 күндік емдеу циклындағы 1, 4, 8 және 11 күндері в/і немесе т/а инъекция жолымен енгізіледі. Бұл 3 апталық мерзім емдеу циклы болып есептеледі. Бартизар® препаратының дозаларын бірінен соң бірін енгізудің арасында кемінде 72 сағат өтуі тиіс. Пегилденген липосомалық доксорубициннің дозасы 30 мг/м2 құрайды, ол Бартизар® препаратымен 21 күндік емдеу циклының 4 күні Бартизар® препаратының инъекциясынан кейін енгізілетін 1 сағаттық в/і инфузия түрінде енгізіледі. Егер пациентте аурудың үдеуі байқалмаса, және оған емнің жағымдылығы жақсы болса, біріктірілген емнің 8 циклына дейін жүргізуге болады. Толық емдік жауапқа қол жеткізген пациенттер емделуді жалғастыруына және толық жауап алғаш расталғаннан кейін, тіпті егер бұл 8 емдеу циклынан артықты қажет етсе де, кемінде тағы 2 емдеу циклын қабылдауына болады. 8 циклдан кейін парапротеин деңгейлерінің төмендеуі жалғаса берген пациенттер де, ем әзірге пациентке жағымды және клиникалық жауап байқалатын кезде емделуді жалғастыра беруіне болады. Пегилденген липосомалық доксорубицинге қатысты қосымша ақпарат алу үшін, осы препаратты медициналық қолдану жөніндегі нұсқаулықты қарау керек. Дексаметазонмен біріктірілген ем Бартизар® препаратының ұсынылатын дозасы дене беткейіне 1.3 мг/м2 құрайды, 2 апта бойы аптасына екі рет, 21 күндік емдеу циклындағы 1, 4, 8 және 11 күндері в/і немесе т/а инъекция жолымен енгізіледі. Аталған 3 апталық кезең емдеу циклы болып есептеледі. Бартизар® препаратының дозаларын бірінен соң бірін енгізудің арасында кемінде 72 сағат өтуі тиіс. Дексаметазонның дозасы 20 мг құрайды, ол Бартизар® препаратымен 21 күндік емдеу циклындағы 1, 2, 4, 5, 8, 9, 11 және 12 күндері пероральді қабылданады. Аталған біріктірілген емнің 4 циклынан кейін жауапқа немесе аурудың тұрақтануына қол жеткізген пациенттер дәл осындай біріктірілімді ең көбі 4 қосымша цикл бойына жалғастыруына болады. Дексаметазонды қолдануға қатысты қосымша ақпарат алу үшін, осы препаратты медициналық қолдану жөніндегі нұсқаулықты қарау керек. Үдемелі көптеген миеломасы бар пациенттерде біріктірілген ем кезінде дозасын түзету Біріктірілген ем кезінде дозаларын түзету үшін, жоғарыда сипатталғанға сәйкес, монотерапия үшін дозаларын түзету жөніндегі нұсқаулықты басшылыққа алу қажет. Бұрын ем қабылдамаған, және дің жасушаларының трансплантациясын жүргізуге үміткер бола алмайтын пациенттер үшін дозалау режимі. Мелфаланмен және преднизонмен біріктірілімде ұсынылатын дозасы Бартизар® препаратын ішке қабылданатын мелфаланмен және преднизонмен біріктіріп 3-5 секунд бойы в/і сорғалатып немесе т/а енгізеді. 6 апталық цикл жүргізіледі, 1-4 циклдарда Бартизар® препаратын аптасына 2 рет (1, 4, 8, 11, 22, 25, 29 және 32 күндері), ал 5-9 циклдарда – аптасына 1 рет (1, 8, 22 және 29 күндері) қолданады, 2 кесте. Бартизар® препаратының дозаларын бірінен соң бірін енгізудің арасында кемінде 72 сағат өтуі тиіс. Мелфалан мен преднизон Бартизар® препаратымен емдеудің әрбір циклының бірінші аптасының 1, 2, 3 және 4 күндері пероральді қабылдануы тиіс. Бұл біріктірілген емнің тоғыз циклы қолданылады. 2 кесте. Бұрын емделмеген көптеген миеломасы бар, дің жасушаларының трансплантациясын жүргізу ұсынылмаған пациенттерде мелфаланмен және преднизонмен біріктіріп қолданылатын Бартизар® препаратын дозалаудың ұсынылған сызбасы. Бартизар® аптасына 2 рет (1-4 циклдар) Апта — 1 — 2 — 3 — 4 — 5 — 6 Бартизар® 1.3 мг/м2 — 1 күн — - — - — 4 күн — 8 күн — 11 күн — тынығу кезеңі — 22 күн — 25 күн — күн 29 — күн 32 — тынығу кезеңі мелфалан 9 мг/м2 + преднизон 60 мг/м2 — 1 күн — 2 күн — 3 күн — 4 күн — тынығу кезеңі Бартизар® аптасына 1 рет (5-9 циклдар) Апта — 1 — 2 — 3 — 4 — 5 — 6 Бартизар® 1.3 мг/м2 — 1 күн — - — - — - — 8 күн — тынығу кезеңі — күн 22 — күн 29 — тынығу кезеңі мелфалан 9 мг/м2 + преднизон 60 мг/м2 — 1 күн — 2 күн — 3 күн — 4 күн — тынығу кезеңі Мелфаланмен және преднизонмен біріктіріп емдеуді қайта бастау кезінде және бастар алдында дозасын түзету жөніндегі ұсынымдар Емдеудің жаңа циклын бастар алдында: - тромбоциттер мөлшері ≥ 70 х 109/л болуы тиіс, - нейтрофилдердің абсолюттік мөлшері (НАМ) ≥ 1,0 х 109/л, - гематологиялық емес уыттылығы 1 дәрежеге дейін немесе бастапқы деңгейіне дейін төмендетілуі тиіс. 3 кесте. Мелфаланмен және преднизонмен біріктіліген Бартизар® препаратымен емдеудің келесі циклдарында дозасын түзету Уыттылығы — Дозасын түзету немесе кейінге шегеру Алдыңғы цикл барысындағы гематологиялық уыттылық: - алдыңғы циклдағы ұзаққа созылған нейтропения немесе 4 дәрежелі тромбоцитопения, не болмаса қан кетумен жүретін тромбоцитопения — Келесі циклда мелфаланның дозасын 25 %-ға азайту керек - Бартизар® препараты енгізілетін күні (1 күнен басқа) тромбоциттер мөлшері ≤ 30000/мкл немесе НАМ ≤ 750/мкл — Бартизар® препаратын енгізуді кейінге қалдыру керек - Бартизар® препаратын енгізуді бір циклда бірнеше рет (аптасына 2 рет енгізгенде ≥ 3 рет немесе аптасына 1 рет енгізгенде ≥ 2 рет) кейінге қалдыру — Бартизар® препаратының дозасын 1 сатыға (1.3 мг/м2 - 1.0 мг/м2 дейін; 1.0 мг/м2 - 0.7 мг/м2 дейін) төмендетеді ≥ 3 дәрежелі гематологиялық емес уыттылық — Бартизар® препаратын қолдану гематологиялық емес уыттылық 1 дәрежеге дейін немесе бастапқы деңгейіне дейін төмендегенше кейінге қалдырылады. Содан кейін препаратпен емдеуді 1 сатыға (1.3 мг/м2 - 1.0 мг/м2 дейін; 1.0 мг/м2 - 0.7 мг/м2 дейін) төмендетілген дозада қайта бастауға болады. Бартизар® препаратын қолданумен байланысты нейропатиялық ауыру және/немесе шеткері нейропатия дамыған жағдайда, кезекті дозасын енгізуді кейінге қалдырады және/немесе дозасын 1 кестеде сипатталғандай түзетеді. Мелфалан мен преднизон жөніндегі қосымша ақпарат аталған препараттарды медициналық қолдану жөніндегі нұсқаулықтарда келтірілген. Дің жасушаларын трансплантациялау мүмкіндігі бар, бұрын емделмеген көптеген миеломасы бар пациенттер үшін Бартизар® препаратын дозалаудың ұсынылған сызбасы (индукциялық ем) Дексаметазонмен біріктірілген ем Бартизар® препаратының ұсынылатын дозасы дене беткейіне 1.3 мг/м2 құрайды, ол аптасына екі рет, 21 күндік емдеу циклындағы 1, 4, 8 және 11 күндері в/і немесе т/а инъекция жолымен енгізіледі. Бұл 3 апталық кезең емдеу циклы болып есептеледі. Бартизар® препаратының дозаларын бірінен соң бірін енгізудің арасында кемінде 72 сағат өтуі тиіс. Дексаметазонның дозасы 40 мг құрайды, ол Бартизар® препаратымен емдеу циклының 1, 2, 3, 4, 8, 9, 10 және 11 күндері пероральді қабылданады. Аталған біріктірілген емнің 4 циклы жүргізіледі. 4 кесте. Бұрын емделмеген көптеген миеломасы бар, және қан түзетін дің жасушаларының трансплантациясы үшін жарамды пациенттерде Бартизар® препаратымен біріктірілген ем кезінде дозалану режимі 1-4 циклдар Апта — 1 — 2 — 3 Бартизар® 1.3 мг/м2 — 1, 4 күн — 8, 11 күн — тынығу кезеңі Дексаметазон 40 мг — 1, 2, 3, 4 күн — 8, 9, 10, 11 күн — - Трансплантациялау мүмкіндігі бар пациенттер үшін дозасын түзету Дің жасушаларының трансплантациясын жүргізу көрсетілген пациенттерде дозасын түзетуді 1 кестеде сипатталған ұсынымдарға сәйкес жүргізу қажет. Басқа химиотерапиялық дәрілік препараттармен біріктірілген Бартизар® препаратымен емдеу кезінде уытты реакциялар дамыған жағдайда, аталған препараттар үшін медициналық қолдану жөніндегі нұсқаулықтағы ұсынымдарға сәйкес, дозасын тиісінше төмендетуді қарастыру керек. Бұрын емделмеген мантий жасушалы лимфомасы бар пациенттер үшін Бартизар препаратын дозалаудың ұсынылған сызбасы Ритуксимабпен, циклофосфамидпен, доксорубицинмен және преднизонмен біріктірілімін қолдану кезінде ұсынылатын дозасы Бартизар® препаратының ұсынылған дозасы дене беткейінің ауданына 1.3 мг/м2, ол 2 апта бойы аптасына екі рет, 1, 4, 8 және 11 күндері в/і инъекция жолымен енгізіліп, артынан 12-інші күннен 21-інші күнге дейін 10 күндік тынығу кезеңі жүреді. Аталған 3 апталық кезең емдеу циклы болып есептеледі. Бартизар препаратымен емдеудің алты циклын жүргізу ұсынылады, ал 6 циклда клиникалық жауап алғаш алынған пациенттер үшін, Бартизар® препаратымен емдеудің екі қосымша циклын тағайындауға болады. Бартизар® препаратының дозаларын бірінен соң бірін енгізудің арасында кемінде 72 сағат өтуі тиіс. Келесі дәрілік заттарды Бартизар® препаратымен емдеудің әрбір 3 апталық цикының 1-інші күні в/і инфузиялар жолымен: ритуксимабты 375 мг/м2, циклофосфамидті 750 мг/м2 және доксорубицинді 50 мг/м2 дозада енгізеді. Преднизонды Бартизар® препаратымен емдеудің әрбір циклының 1, 2, 3, 4 және 5 күні 100 мг/м2 дозада пероральді тағайындайды. Бұрын емделмеген мантий жасушалы лимфоманы емдеу кезінде дозасын түзету Емдеудің жаңа циклын бастар алдында: • тромбоциттер мөлшері ≥ 100000/мкл және нейтрофилдердің абсолюттік мөлшері (НАС) ≥ 1500/мкл болуы тиіс • сүйек кемігінің инфильтрациясымен немесе көкбауыр секвестрацисымен пациенттерде тромбоциттер мөлшері ≥ 75000 жасуша/мкл құрауы тиіс • гемоглобиннің концентрациясы ≥ 8 г/дл (≥ 4.96 ммоль/л) болуы тиіс • гематологиялық емес уыттылық 1 дәрежеге дейін немесе бастапқы деңгейіне дейін төмендеуі тиіс 3-інші дәрежелі гематологиялық уыттылық немесе нейропатиядан өзге кез келген 3-інші дәрежелі гематологиялық емес уытты әсері дамыған жағдайда, Бартизар® препаратымен емдеуді тоқтата тұру керек. Дозасын түзету жөніндегі нұсқаулар 5 кестеде келтірілген. Гематологиялық уыттылықты емдеу үшін, қолданыстағы стандартты тәжірибеге сәйкес, гранулоциттік колониестимуляциялайтын факторды енгізуге болады. Емдеу циклдарының жүргізілуі бірнеше рет кідіртілген жағдайда, профилактикалық мақсатта гранулоциттік колониестимуляциялайтын факторды қолдануды қарастыру керек. Тромбоцитопенияны емдеу үшін, клиникалық көрсетілімдерге сәйкес, тромбоциттерді құю қажеттілігін қарастыру керек. 5 кесте. Бұрын емделмеген мантий жасушалы лимфомасы бар пациенттердегі ем кезінде дозасын түзету Уыттылық — Дозасын түзету немесе кейінге қалдыру Гематологиялық уыттылық - қызбамен жүретін ≥ 3 дәрежелі нейтропения немесе 7 күннен артыққа созылған 4 дәрежелі нейтропения, тромбоциттер ≤ 10000/мкл — Бартизар® препаратымен емдеу 2 аптаға дейінгі мерзімге, пациентте келесі: НАМ ≥ 750/мкл, тромбоциттер мөлшерінің ≥ 25000/мкл көрсеткіштері байқалған сәтке дейін тоқтатыла тұруы тиіс - егер емдеуді тоқтата тұрғаннан кейін уыттылық жоғарыда көрсетілген көрсеткіштерге дейін басылмаса, онда емдеуді толықтай тоқтату қажет - егер уыттылық келесі: НАМ ≥ 750/мкл, тромбоциттер мөлшері ≥ 25000/мкл дейін басылса, онда Бартизар® препаратының дозасы 1 сатыға төмендетілуі тиіс (1.3 мг/м2 - 1.0 мг/м2 дейін; немесе 1.0 мг/м2 - 0.7 мг/м2 дейін) - Бартизар® препараты енгізілген (1 күннен басқа) күні тромбоциттер мөлшері < 25000/мкл немесе НАМ < 750/мкл — Бартизар® препаратын енгізуді кейінге қалдыру керек ≥ 3 дәрежелі гематологиялық емес уыттылық — Бартизар® препаратын қолдану гематологиялық емес уыттылық 2 немесе одан төмен дәрежеге дейін төмендегенше кейінге қалдырылады. Содан кейін препаратпен емдеуді 1 сатыға (с 1.3 мг/м2 - 1.0 мг/м2 дейін; немесе 1.0 мг/м2 - 0.7 мг/м2 дейін) төмендетілген дозада қайта бастауға болады. Бартизар® препаратын қолданумен байланысты нейропатиялық ауыру және/немесе шеткері нейропатия дамыған жағдайда, кезекті дозасын енгізуді кейінге қалдырады және/немесе дозасын 1 кестеде сипатталғандай түзетеді. Бұдан өзге, егер Бартизар® препараты басқа химиотерапиялық дәрілік заттармен біріктіріп қолданылса, уыттылық пайда болған жағдайда, дәрілік затты медициналық қолдану жөніндегі нұсқаулықтардағы ұсынымдарға сәйкес, аталған дәрілік заттардың дозасын тиісінше төмендетуді қарастыру қажет. Пациенттердің ерекше топтары Егде жастағы пациенттер 65 жастан асқан пациенттер үшін дозасын түзету қажеттілігі бар екендігіне дәлелдер жоқ. Бартизар® препаратының егде жастағы, бұрын көптеген миеломаның емін қабылдамаған және қан түзетін дің жасушаларын трансплантациялаумен жоғары дозалы химиотерапияға жарамды пациенттерде пайдаланылуы бойынша зерттеулер жүргізілмеді. Соған байланысты, пациенттердің аталған тобы үшін дозалануы жөнінде нұсқаулар жоқ. Мантий аймағының жасушаларынан лимфомасы бар бұрын емделмеген пациенттерде жүргізілген зерттеуде бортезомибпен емделген пациенттердің 42.9% және 10.4% тиісінше 65-74 және ≥75 жаста болған. ≥75 жастағы пациенттерде екі емдеу режимі VCR-CAP және R-CHOP екеуі де нашар болды. Бүйрек функциясының бұзылулары бар пациенттер Бүйрек функциясы бұзылуының дәрежесі Бартизар® препаратының фармакокинетикасына әсер етпейді. Бүйрек жеткіліксіздігі бар пациенттер үшін дозасын түзету қажет емес. Диализ қандағы бортезомиб концентрациясын төмендетуі мүмкін, сондықтан Бартизар® препаратын диализ емшарасы жүргізілгеннен кейін енгізу керек. Бауыр жеткіліксіздігі бар пациенттер Бауыр функциясының жеңіл дәрежелі бұзылулары бар пациенттерде бастапқы дозасын өзгерту қажет емес. Ұсынылған дозасын тағайындау керек. Бауыр функциясының орташа және ауыр дәрежелі бұзылулары бар пациенттерге Бартизар® препаратын азайтылған дозада тағайындау керек (6 кесте). 6 кесте. Бауыр функциясының бұзылулары бар пациенттерде Бартизар® препаратының бастапқы дозасының ұсынылған өзгертілулері Бауыр функциясы бзылуларының ауырлық дәрежесі — Билирубин концентрациясы — ACT белсенділігі * — Бастапқы дозасын өзгерту Жеңіл — ≤ 1.0х ҚЖШ ** — > ҚЖШ — Қажет емес > 1.0-1.5х ҚЖШ — Кез келген — Қажет емес Орташа — > 1.5-3х ҚЖШ — Кез келген — Бартизар® препаратын алғашқы цикл бойына азайтылған 0.7 мг/м2 дозада тағайындау қажет. Келесі циклдарда, пациентке жағымдылығына байланысты, Бартизар® препаратының дозасын 1.0 мг/м2 дейін арттыруға немесе 0.5 мг/м2 дейін азайтуға болады *ACT = аспартатаминотрансфераза **ҚЖШ = қалыптың жоғарғы шегі Бартизар® препаратының ерітіндісін дайындау және енгізу тәсілі Бартизар® препаратын дайындау мен енгізуді цитоуытты препараттармен қауіпсіз жұмыс істеу ережелерін үйренген медицина қызметкері жүзеге асыруы тиіс. Препаратпен тікелей жанасуға жол бермеу үшін дербес қорғаныс құралдарын (халат, қолғап, бетперде және т.б.) пайдалану қажет. Препаратты 0.9 % натрий хлориді ерітіндісінен басқа дәрілік заттармен араластыруға болмайды. Бартизар® препаратының ерітіндісі мөлдір және түссіз болуы тиіс. Механикалық қосылыстар немесе түсінің өзгергені анықталса, дайындалған ерітіндіні пайдалануға болмайды. Вена ішіне енгізу үшін Бартизар® құтысының ішіндегісін (құтыда 3.5 мг бортезомиб) 3.5 мл 0.9 % натрий хлориді ерітіндісінде ерітеді. В/і енгізу үшін дайындалған ерітіндінің концентрациясы – 1.0 мг/мл. Алынған ерітіндіні 3-5 секундтық в/і инъекция жолымен, шеткері немесе орталықтық веналық катетер арқылы енгізеді, содан соң оны инъекцияға арналған 0.9 % натрий хлориді ерітіндісімен жуып-шаяды. Тері астына енгізу үшін Бартизар® құтысының ішіндегісін (құтыда 3.5 мг бортезомиб) 1.4 мл 0.9 % натрий хлориді ерітіндісінде ерітеді. Т/а енгізу үшін дайындалған ерітіндінің концентрациясы – 2.5 мг/мл. Алынған ерітіндіні т/а жамбас аумағына (оң жақ немесе сол жақ) немесе іш аумағына (оң жағына немесе сол жағына) енгізеді. Препаратты енгізу орнын үнемі ауыстырып отыру қажет. Әрбір келесі инъекциясы алдыңғы инъекция орнынан кемінде 2.5 см қашықтықта енгізілуі тиіс. Препаратты сезімтал аймақтарға, зақымданған аумақтарға (қызарулар, көгерулер), сондай-ақ, ине шаншу қиын аумақтарға енгізуге болмайды. Бартизар® препаратын т/а енгізген аумақта жергілікті реакциялар туындаған жағдайда, т/а енгізуге арналған, концентрациясы аздау ерітіндіні пайдалануға (2.5 мг/мл орнына 1.0 мг/мл) немесе препаратты в/і енгізуге көшуге болады. Енгізу әдісі және жолы 3.5 мг дозадағы Бартизар® препараты вена ішіне енгізуге және тері астына енгізуге арналған. Интратекальді енгізгенде өлім жағдайлары тіркелген . Вена ішіне енгізгенде ерітіндінің концентрациясы 1 мг/мл құрауы тиіс. Тері астына енгізгенде ерітіндінің концентрациясы 2.5 мг/мл құрауы тиіс. Вена ішіне енгізуге арналған ерітінді мен тері астына енгізуге арналған ерітінділердің концентрацияларының айырмашылықтарына байланысты, ерітіндінің концентрациясы аса мұқият есептеп шығарылуы тиіс. Дәрілік препаратты қолдану тәсілін түсіну үшін медицина қызметкерінен кеңес алуға бару жөнінде нұсқаулар Бұл препаратты әрдайым өзіңіздің емдеуші дәрігеріңіздің нұсқауларына дәл сәйкестікпен қолданыңыз. Кез келген күмән туындаған жағдайда емдеуші дәрігеріңізге хабарласыңыз. Дәрілік препаратты ДП стандартты қолдану кезінде көрініс беретін жағымсыз реакциялардың сипаттамасы және осы жағдайда қабылдау керек шаралар Бортезомибпен емдеу кезінде «жиі емес» санатындағы: жүрек жеткіліксіздігін, ісік лизисі синдромын, өкпе гипертензиясын, қайтымды артқы энцефалопатия синдромын, өкпенің жедел диффуздық инфильтрациялық ауруларын қамтыған; және «сирек» санатындағы – вегетативтік нейропатияны қамтыған ауыр жағымсыз реакциялар байқалды. Бортезомибпен емдеу кезінде анағұрлым жиі білінген жағымсыз реакциялар: жүрек айнуы, диарея, іш қату, құсу, шаршау, қызба, тромбоцитопения, анемия, нейтропения, шеткері нейропатия (соның ішінде сенсорлық), бас ауыруы, парестезиялар, тәбеттің төмендеуі, ентігу, бөртпе, белдемелік теміреткі және миалгия болды. Бартизар® препаратын қолданғанда туындауы мүмкін жағымсыз реакциялардың тізбесі Көптеген миеломасы бар, бортезомибпен монотерапияда немесе басқа дәрілік препараттармен біріктіріп ем қабылдаған пациенттердегі жағымсыз әсерлер Төменде кешенді деректерге негізделген және бортезомибті қолданумен кемінде себеп-салдарлық байланыстылығы болуы мүмкін немесе ықтимал жағымсыз реакциялар атап келтірілген: Өте жиі • тромбоцитопения*, нейтропения*, анемия*; • тәбет төмендеуі; • нейропатия*, шеткері сенсорлық нейропатия, дизестезия*, невралгия*; • жүрек айнуы және құсу*, диарея*, іш қату; • қаңқа-бұлшықет ауыруы*; • гипертермия*, шаршау, астения; Жиі • белдемелі герпес (жайылған және офтальмологиялық түрін қоса), пневмония*, қарапайым герпес*, зеңдік аурулар; • лейкопения*, лимфопения*; • сусыздану, гипокалиемия*, гипонатриемия*, қандағы глюкоза концентрациясының бұзылуы *, гипокальциемия*, ферменттердің аномалиялары; • көңіл-күй бұзылыстары және бұзылулары*, үрейлі бұзылыстар, ұйқы бұзылыстары және бұзылулары*; • қимыл-қозғалыс нейропатиясы*, есін жоғалту (естен тануды қоса), бас айналуы*, дәм сезудің бұзылуы*, летаргия, бас ауыруы; • көздің ісінуі*, көрудің бұзылуы*, конъюнктивит*; • вертиго*; • гипотензия*, ортостаздық гипотензия, гипертензия*; • ентігу*, мұрыннан қан кету,жоғарғы/төменгі тыныс жолдарының инфекциясы* , жөтел*; • асқазан-шектен қан кетулер (шырышты қабықтардан қан кетулерді қоса)*, диспепсия, стоматит*, іш кебуі, орофарингеальді ауыру*, іш ауыруы (асқазан-ішек және көкбауыр аймағының ауыруын қоса)*, ауыз қуысындағы бұзылулар*, метеоризм; • бауыр ферменттері тарапынан бұзылулар*; • бөртпе*, қышыну*, эритема, терінің құрғауы; • бұлшықеттердің түйілуі*, аяқ-қолдардың ауыруы, бұлшықет әлсіздігі; • бүйрек тарапынан бұзылулар*; • ісінулер (шеткері ісінуді қоса), қалтырау, ауыру*, дімкәстану*; • салмақ төмендеуі; Жиі емес • инфекциялар*, бактериялық инфекциялар*, вирустық инфекциялар*, сепсис (сепсистік шокты қоса)*, бронхопневмония, герпес вирусы инфекциясы*, герпестік менингоэнцефалит#, бактериемия (стафилококтық түрін қоса), теріскен, тұмау, целлюлит, бұйыммен байланысты инфекциялар, тері инфекциялары*, құлақ инфекциялары*, стафилококк инфекциялары, тістердің инфекциялары*; • панцитопения*, фебрильді нейтропения, коагулопатия*, лейкоцитоз*, лимфаденопатия, гемолиздік анемия#; • ангионевроздық ісіну# (Квинке ісінуі), аса жоғары сезімталдық*; • Кушинг синдромы*, гипертиреоидизм*, антидиурездік гормонның қалыпсыз өндірілуі; • ісік лизисі синдромы, физикалық дамудың тежелуі*, гипомагниемия*, гипофосфатемия*, гиперкалиемия*, гиперкальциемия *, гипернатриемия*, несеп қышқылы концентрациясының бұзылуы*, қант диабеті*, несеп іркілуі; • ментальді бұзылыстар*, елестеулер*, психикалық бұзылыс*, абыржу*, мазасыздық; • тремор, шеткері сенсомоторлық нейропатия, дискинезия*, мишықтық қимыл-қозғалыс үйлесімі мен тепе-теңдіктің бұзылуы*, жадын жоғалту (деменцияны қоспағанда)*, энцефалопатия*, қайтымды артқы энцефалопатия синдромы #, нейроуыттылық, құрысулар*, герпестен кейінгі невралгия, сөйлеу бұзылыстары *, мазасыз аяқтар синдромы, бас сақинасы, ишиас, зейін қоюдың бұзылуы, аномальді рефлекстер*, паросмия; • көзге қан құйылу*, қабақ инфекциясы*, халязион#, блефарит#, көздің қабынуы*, диплопия, көздің құрғауы*, көздің тітіркенуі*, көз ауыруы, көзден жас парлауы, көзден бөліністер; • дизакузия (құлақтағы шуылды қоса)*, естудің бұзылуы (кереңдікті қоса), құлақтағы жайсыздық*; • жүрек тампонадасы#, тыныс алу мен жүрек қызметінің тоқтауы*, жыпылықтағыш аритмия (жүрекшелердің аритмиясын қоса), жүрек жеткіліксіздігі (сол жақ және оң жақ жүрекшелерді қоса)*, аритмиялар*, тахикардия*, жүрек қағуын сезіну, стенокардия, перикардит (перикардиальді экссудатты қоса)*, кардиомиопатия*, қарынша дисфункциясы*, брадикардия; • ми қанайналымының жедел бұзылуы#, терең веналардың тромбозы*, қан құйылу*, тромбофлебит (беткейлік түрін қоса), қантамырлық коллапс (гиповолемиялық шокты қоса), флебит, терінің қызаруы*, гематома (периренальді түрін қоса), шеткері қанайналым жеткіліксіздігі*, васкулит, гиперемия (көздегі түрін қоса)*; • өкпе артериясының эмболиясы, плевра жалқығы, өкпенің ісінуі (жедел түрін қоса), альвеолярлық қан құйылу#, бронх түйілуі, өкпенің созылмалы обструкциялық ауруы*, гипоксемия*, тыныс жолдарының бітелуі*, гипоксия, плеврит*, ықылық, ринорея, дисфония, бронх-өкпе обструкциясы; • панкреатит (созылмалы түрін қоса)*, қан аралас құсу, еріннің ісінуі*, асқазан-ішек обструкциясы (ішек бітелісін қоса)*, іштегі жайсыздық, ауыз қуысының ойық жаралары*, энтерит*, гастрит*, қызыл иектен қан кету, гастроэзофагеальді рефлюкс ауруы*, колит (Сlostridium difficile туындаған колитті қоса)*, ишемиялық колит#, асқазан-ішек жолының қабынуы*, дисфагия, тоқ ішектің тітіркенуі синдромы, асқазан-ішек бұзылыстары (ҚНЗ), тілдің өңездену синдромы, асқазан-ішек жолы моторикасының бұзылуы*, сілекей бездері функциясының бұзылуы; • гепатоуыттылық (бауыр функциясының бұзылуларын қоса), гепатит*, холестаз; • көп формалы эритема, есекжем, жедел фебрильді нейтрофильді дерматоз, тернің уытты бөртпесі, уытты эпидермалық некролиз#, Стивенс-Джонсон синдромы#, дерматит*, шаш тарапынан бұзылулар*, петехиялар, экхимоз, терінің зақымдануы, геморрагиялық бөртпе, терінің жаңа түзілімдері*, псориаз, гипергидроз, түнде тершеңдік, тесілулер#, акне*, күлбіреуіктердің түзілуі*, пигментация бұзылуы • бұлшықеттердің құрысулары, буынның ісінуі, артрит*, буындардың сіресуі, миопатиялар*, ауырлық сезімі; • бүйректің жедел жеткіліксіздігі, бүйректің созылмалы жеткіліксіздігі*, несеп шығару жолдарының инфекциялары*, несеп шығару жолдары белгілер мен симптомдар*, гематурия*, несеп іркілуі, несеп шығарудың бұзылысы*, протеинурия, азотемия, олигурия*, поллакиурия; • қынаптан қан кетулер, гениталийдің ауыруы*, эректильді дисфункция; • физикалық саулықтың жалпы нашарлауы*, беттің ісінуі*, инъекция орнындағы реакция*, шырышты қабық тарапынан бұзылулар*, кеуденің ауыруы, жүріс-тұрыстың бұзылуы, мұздау сезімі, экстравазация*, катетермен байланысты асқыну*, шөлдеу сезіміндегі өзгерістер*, кеуде қуысындағы жайсыздық, дене температурасының өзгергенін сезіну*, инъекция орнының ауыруы*; • гипербилирубинемия*, ақуыз талдауының нормаға сай келмеуі*, салмақ жоғарылауы, қан талдауының нормаға сай келмеуі*, С-реактивті ақуыздың артуы; • құлап қалу, контузия; Сирек • менингит (бактериялық түрін қоса), Эпштейна-Барр вирустық инфекциясы, гениталий герпесі, тонзиллит, мастоидит, пвирустан кейінгі шаршау синдромы; • қатерлі жаңа түзілім, плазма жасушалы лейкемия, бүйрек жасушалы карцинома, жаңа түзілім, микоз, қатерсіз жаңа түзілім; • диссеминацияланған тамырішілік ұю, тромбоцитоз*, тұтқырлығының жоғарылау синдромы, тромбоциттер тарапынан бұзылулар (ҚНЗ), тромбоцитопениялық пурпура, қан ауруы (ҚНЗ), геморрагиялық диатез, лимфоциттік инфильтрация; • анафилаксиялық шок, амилоидоз, иммундық кешен түрткі болған III типті реакция • гипотиреоз; • гипермагниемия*, ацидоз, электролиттік теңгерімсіздік*, гиперволемия, гипохлоремия*, гиповолемия, гиперхлоремия*, гиперфосфатемия *, зат алмасудың бұзылуы, В тобы дәрумендерінің тапшылығы, B12 дәруменінің тапшылығы, подагра, тәбеттің артуы, алкоголь жақпаушылығы; • суицидтік ойлар*, бейімделудің бұзылуы, еліру, либидо төмендеуі; • Гийен-Барре синдромы, демиелинизациялайтын полинейропатия, миға қан құйылу*, басүйекішілік қан кету (субарахноидальді түрін қоса)*, ми ісінуі, транзиторлық ишемиялық шабуыл, кома, вегетативтік жүйке жүйесінің теңгерімсіздігі, вегетативтік нейропатия, бассүйек жүйкелерінің салдануы*, салдану*, парез*, естен тану алдындағы жағдай, ми діңінің зақымдануы синдромы, ми қанайналымының бұзылуы, жүйке түбіршектерінің зақымдануы, психомоторлық гиперактивтілік, жұлын компрессиясы, когнитивтік бұзылыс (ҚНЗ), қимыл-қозғалыс дисфункциясы, жүйке жүйесінің бұзылыстары (ҚНЗ), радикулит, сілекей ағуы, гипотония; • мөлдір қабықтың зақымдануы*, экзофтальм, ретинит, скотома, көз функциясының бұзылуы (қабақтың бұзылуларын қоса) (ҚНЗ), көз жасы безінің жүре пайда болған қабынуы, көздің қарығуы, фотопсия, оптикалық нейропатия#, көрудің түрлі дәрежелі (соқырлыққа дейінгі) бұзылулары*; • құлақтан қан кетулер, вестибулярлық нейронит, есту мүшесі тарапынан бұзылулар (ҚНЗ); • жүрекшеледің жыбырлауы, миокард инфарктісі*, атриовентрикулярлық блокада*, жүрек-қантамырлық бұзылулар (кардиогендік шокты қоса), пируэт типті қарыншалық аритмиялар, тұрақсыз стенокардия, жүрек клапандарының зақымданулары*, коронарлық жеткіліксіздік, синустық түйін қызметінің тоқтауы; • шеткері эмболия, лимфалық ісіну, бозару, эритромелалагия, қантамырлардың кеңеюі, веналар түсінің өзгеруі, вена жеткіліксіздігі; • тыныс алу жеткіліксіздігі, жедел респираторлық дистресс-синдром, апноэ, пневмоторакс, өкпе ателектазы, өкпе гипертензиясы, қан түкіру, гипервентиляция, ортопноэ, пневмонит, респираторлық алкалоз, тахипноэ, өкпе фиброзы, бронх бұзылулары*, гипокапния *, өкпенің интерстициальді ауруы, өкпе инфильтрациясы, тамақта қысылу сезімі, тамақтың құрғауы, жоғарғы тыныс жолдарында секреция жоғарылауы, тамақтың тітіркенуі, жоғарғы тыныс жолдарындағы жөтел синдромы; • жедел панкреатит, перитонит*, тілдің ісінуі*, асцит, эзофагит, хейлит, үлкен дәреттің ұстамауы, анальді сфинктердің атониясы, фекалома*, асқазан-ішек жолының ойық жаралары және перфорациясы*, қызыл иектердің гипертрофиясы, мегаколон, тік ішектен бөліністер, ауызжұтқыншақ аймағында күлбіреуіктердің түзілуі*, еріннің ауыруы, периодонтит, анальді өтістің сызаты, дефекация ырғағының өзгеруі, прокталгия, аномальді үлкен дәрет; • бауыр жеткіліксіздігі, гепатомегалия, Бадда-Киари синдромы, цитомегаловирустық гепатит, бауырдан қан кету, өттас ауруы; • тері реакциясы, Джесснер лимфоциттік инфильтрациясы, алақан-табан эритродизестезиясы, терінің қанталауы, торлы мәрмәр тері, терінің тығыздануы, папулалар, жарыққа сезімталдық реакциялары, себорея, суық тер, тері зақымданулары (ҚНЗ) эритродермия, терінің ойық жаралануы, тырнақтардың зақымданулары; • рабдомиолиз, самай-астыңғы жақсүйек синдромы, жыланкөздер, буын жалқығы, жақсүйектің ауыруы, сүйектердің бұзылулары, қаңқа-бұлшықет жүйесі мен дәнекер тіндердің инфекциялары және қабынуы*, синовиальді киста; • қуықтың тітіркенуі; • тестикулярлық бұзылулар*, простатит, әйелдерде сүт бездері тарапынан бұзылулар, аталық без қосалқысының ауыруы, аталық без қосалқысының қабынуы, жамбастың ауыруы, вульваның ойық жаралануы; • аплазия, асқазан-ішек жолы дамуының ақауы, ихтиоз; • өлім (кенеттен болған өлімді қоса), көпағзалық жеткіліксіздік, инъекция орнынан қан кету*, жарық (өңеш тесігінің жарығын қоса)*, жараның жазылмауы*, қабыну, инъекция орнындағы флебит*, ауырсыну, ойық жара, тітіркену, кеуденің кардиологиялық емес ауыруы, катетер енгізілген орынның ауыруы, бөгде денені сезіну; • нормаға сәйкес емес қандағы газдар*, электрокардиограммадағы ауытқулар (QT аралығының ұзаруын қоса)*, халықаралық қалыптастырылған қатынастың ауытқулары*, асқазандағы рН төмендеуі, тромбоциттер агрегациясының жоғарылауы, тропонин I артуы, вирусты идентификациялау және серология*, несеп талдауындағы ауытқулар; • құю реакциялары, сынулар*, сіресу*, беттің жарақаттары, буын зақымданулары*, күюлер, ашық жаралар, енгізу емшарасымен байланысты ауыру, радиациялық зақымдану; • макрофагтардың белсенуі (хирургиялық және медициналық емшараларды жүргізумен байланысты); ҚНЗ = қосымша нақтылауларсыз * MedDRA қолайлы терминінің біреуден артық топтастырылуы # маркетингтен кейінгі деректерден алынған жағымсыз реакция Мантий жасушалы лимфомасы бар пациенттер Аталған пациенттердегі бортезомиб препараты қауіпіздігінің көрсеткіштері көптеген миеломасы бар пациенттердегі тиісінше көрсеткіштермен ұқсас. Пациенттердің екі емдеу тобы арасындағы елеулі айырмашылықтар, мантий жасушалы лимфомасы бар пациенттермен салыстырғанда, көптеген миеломасы бар пациенттерде тромбоцитопения, нейтропения, анемия, жүрек айнуы, құсу және температура жоғарылауы, ал мантий жасушалы лимфомасы бар пациенттерде – шеткері нейропатия, бөртпе және қышыну жиірек байқалғаны болып табылады. Мантий жасушалы лимфомасы бар, ритуксимабпен, циклофосфамидпен, доксорубицинмен және преднизонмен біріктірілген емді қабылдаған пациенттердегі жағымсыз реакциялар: Өте жиі • пневмония*; • тромбоцитопения*, фебрильді нейтропения, нейтропения*, лейкопения*, анемия, лимфопения*; • тәбет төмендеуі; • шеткері сенсорлық нейропатия, дизестезия*, невралгия*; • ентігу*, жөтел*, ықылық; • жүрек айнуы және құсу симптомдары*, диарея*, стоматит*, іш қату; • шаш өсудің аурулары*; • гипертермия*, шаршау, астения; Жиі • сепсис (сепсистік шокты қоса)*, белдемелі герпес (диссеминацияланған және офтальмологиялық түрлерін қоса), герпес вирусты инфекция*, бактериялық инфекциялар*, жоғарғы/төменгі тыныс жолдарының инфекциялары*, зеңдік инфекция*, қарапайым герпес*; • жоғары сезімталдық*; • гипокалиемия*, глюкоза деңгейінің бұзылуы*, гипонатриемия*, қант диабеті*, сұйықтық іркілуі; • ұйқы бұзылыстары және бұзылулары*; • нейропатиялар*, қимыл-қозғалыс нейропатиясы*, есін жоғалту (естен тануды қоса), энцефалопатия*, шеткері сенсорлық қимыл-қозғалыс нейропатиясы, бас айналуы*, дәм сезудің бұрмалануы*, вегетативті нейропатия; • көрудің бұзылулары*; • дизакузия (құлақтағы шуылды қоса)*; • жүрек фибрилляциясы (жүрекше фибрилляциясын қоса), аритмия*, жүрек жеткіліксіздігі (сол жақ және оң жақ қарыншаның жеткіліксіздігін қоса)*, миокард ишемиясы, қарыншалық дисфункция *; • гипертензия*, гипотензия*, ортостаздық гипотензия; • асқазан-ішектен қан кетулер (шырышты қабықтардан қан кетулерді қоса)*, іш кебуі, диспепсия, ларингофарингеальді ауыру*, гастрит*, ауыз қуысының ойық жаралары*, іштегі жайсыздық, дисфагия, асқазан-ішек жолының қабынуы*, іш ауыруы (соның ішінде, асқазан-ішек пен көкбауырдың ауыруы)*, ауыз қуысындағы бұзылыстар*; • гепатоуыттылық (бауыр тарапынан бұзылуларды қоса); • қышыну*, дерматит*, бөртпе*; • бұлшықет түйілулері*, қаңқа-бұлшықет ауырулары*, аяқ-қолдардың ауырулары; • несеп шығару жолдарының инфекциясы*; • ісінулер (шеткері ісінуді қоса), қалтырау, препаратты енгізген орындағы реакция*, дімкәстану*; • гипербилирубинемия*, ақуыздар атипиялық талдауы*, салмақ төмендеуі, салмақ жоғарылауы; Жиі емес • В гепатиті инфекциясы*, бронхопневмония; • панцитопения*; • анафилаксиялық реакциялар; • ісік лизисі синдромы; • вегетативтік жүйке жүйесінің теңгерімсіздігі; • вертиго*, естудің бұзылуы (кереңдікке дейін); • жүрек-қантамырлық бұзылулар (кардиогендік шокты қоса); • жедел респираторлық дистресс-синдром, өкпе артериясының эмболиясы, пневмонит, өкпе артериясының гипертензиясы, өкпенің ісінуі (жедел ісінуін қоса); • колит (clostridium difficile қоса)*; • бауыр жеткіліксіздігі; * MedDRA қолайлы терминінің біреуден артық топтастырылуы. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

• бортезомибке, борға және маннитолға жоғары сезімталдық • өкпенің жедел диффуздық инфильтрациялық аурулары • перикард зақымдануы • жүктілік және бала емізу кезеңі • балалар мен 18 жасқа дейінгі жасөспірімдерге (қолдану тәжірибесі жоқ)

Нұсқаулықта көрсетілмеген.

Симптомдары Ұсынылған дозасынан 2 еседен жоғары артық дозалануы, науқастарда артериялық қысымның жедел төмендеуімен және өлімге соқтыратын тромбоцитопениямен қатар жүрген. Емі Пациенттің өмірлік маңызы бар функцияларының көрсеткіштері мен дене температурасын бақылау, артериялық қысымды демеп отыру үшін тиісінше ем жүргізу (инфузиялық ем, тамырды тарылтатын және/немесе инотроптық препараттар) керек. Арнайы антидоты белгісіз.

Бартизар® препаратымен емдеуді тек, ісікке қарсы химиотерапияны қолдануда тәжірибесі бар дәрігердің қадағалауымен жүргізу керек. Интратекальді енгізу БОРТЕЗОМИБ БАЙҚАУСЫЗДА ИНТРАТЕКАЛЬДІ ЕНГІЗІЛГЕН ЖАҒДАЙДА ӨЛІМ ЖАҒДАЙЛАРЫ БОЛҒАН. Бартизар®, вена ішіне және тері астына енгізу үшін ерітінді дайындауға арналған лиофилизат, 3.5 мг тек вена ішіне және тері астына енгізуге арналған. Интратекальді енгізуге болмайды. Асқазан-ішек жолы тарапынан уыттылық Бортезомибпен емдеу аясында жүрек айнуы, диарея, құсу мен іш қатулар өте жиі байқалады. Сирек жағдайларда ішек бітелісі дамығаны туралы хабарланды. Ішек бітелісі дамуы мүмкіндігіне байланысты, іш қату жағдайы бар пациенттерге динамикалық қадағалау жүргізу қажет. Гематологиялық уыттылығы Бортезомибпен емдеу өте жиі жағдайда гематологиялық уыттылық құбылыстарымен (тромбоцитопения, нейтропения және анемия) қатар жүреді. Көптеген миеломаның қайталануымен, бортезомибпен ем қабылдаған пациенттердегі, және мантий жасушалы лимфомасы бар, бұрын бортезомибті ритуксимабпен, циклофосфамидпен, доксорубицинмен және преднизолонмен біріктіріп қабылдамаған пациенттердегі зерттеуде, гематологиялық уыттылығының анғұрлым жиі құбылыстарының бірі өтпелі тромбоцитопения болды. Тромбоциттер деңгейі бортезомибпен емдеудің әрбір циклының 11-інші күні ең төмен болған және әдетте, келесі циклдың басында бастапқы мәніне қайтып келген. Жинақталған тромбоцитопения белгілелері болмаған. Тромбоциттер деңгейінің орташа өлшенген ең жоғары төмендеуі көптеген миеломаның монотерапиясы кезінде бастапқы деңгейден шамамен 40% - ды және МАЖЛ кезінде 50% - ды құрады. Үдемелі миеломасы бар пациенттерде тромбоцитопенияның ауырлығы емдеу басталғанға дейін тромбоциттер санына байланысты болды: тромбоциттердің бастапқы саны <75 000/мкл болғанда, 21 пациенттің 90% - ында зерттеу кезінде тромбоциттер саны ≤25 000/мкл құрады, оның ішінде 14% - да зерттеу кезінде тромбоциттер саны <10 000/мкл құрады; керісінше, тромбоциттердің бастапқы саны >75 000/мкл кезінде 309 пациенттің тек 14% - ында зерттеу кезінде тромбоциттер саны ≤25 000/мкл құрады. МАЖЛ бар пациенттерде бортезомибсіз емдеу тобымен (ритуксимаб, циклофосфамид, доксорубицин, винкристин және преднизон [R-CHOP]) салыстырғанда тромбоцитопенияның ≥ 3 дәрежелі жоғары жиілігі (56.7% қарсы 5.8%) бортезомибпен емдеу тобында (VcR-CAP) байқалды. Емдеудің екі тобы да барлық ауырлық дәрежесіндегі қан кету жағдайларының жалпы жиілігіне (VcR-CAP тобында 6.3% және R-CHOP тобында 5.0%), сондай-ақ 3 дәрежелі және одан жоғары қан кетулерге қатысты ұқсас болды (VcR-CAP: 4 пациент [1.7%]; R-CHOP: 3 пациент [1.2%]). VсR-CAP тобында тромбоциттерді құюды R-CHOP тобындағы пациенттердің 2.9% салыстырғанда пациенттердің 22.5% алды. Жинақталған тромбоцитопения белгілері болмады. Тромбоциттер мөлшері < 25000/мкл төмендеген немесе мелфаланмен және преднизолонмен бір мезгілде қолданылған, тромбоциттер мөлшері ≤ 30000/мкл кезде, Бартизар препаратымен емдеуді тоқтата тұру керек. Тромбоциттер мөлшері қалпына келген кезде емдеудің ықтимал пайдасы мен қаупін мұқият салыстыра отырып, емді азайтылған дозаларында жалғастыру керек. Гематологиялық уыттылықты емдеу үшін колониестимуляциялайтын факторларды, тромбоциттер мен эритроцитартер массасын құюды қолдануға болады. Әрбір емдеу циклын бастағанға дейін және емдеу кезінде лейкоциттер формуласын және тромбоциттер мөлшерін есептеумен толық қан талдауын жүргізу қажет. Өткінші нейтропения МАЖЛ бар пациенттерде циклдер арасында өткіншіі нейтропения байқалды, ол кумуляциялық нейтропения белгілерінсіз қайтымды болды. Нейтрофилдердің ең төменгі деңгейі бортезомибпен емдеудің әрбір циклінің 11-күнінде байқалды және әдетте келесі циклдің басында бастапқы деңгейге дейін қалпына келді. Зерттеуде колониястимуляциялаушы факторды енгізу VcR-CAP тобындағы пациенттердің 78%-ына және R-CHOP тобындағы пациенттердің 61% - ына қажет болды. Нейтропениямен ауыратын пациенттерде инфекция қаупі жоғары болғандықтан, ондай пациенттерде инфекцияның белгілері мен симптомдарының пайда болуын бақылап, уақтылы емдеу керек. Қолданылатын стандартты практикаға сәйкес гематологиялық уыттылықты емдеу үшін гранулоциттік колониястимуляциялаушы факторларды енгізуге жол беріледі. Циклді жүргізуде бірнеше рет кідірістер болған жағдайда гранулоциттік колониястимуляциялаушы факторларды профилактикалық қолдану қажеттілігін қарастыру керек. Herpes zoster вирусының реактивациясы Емдеуші дәрігерлер Бартизар препаратымен ем қабылдап жүрген пациенттерде вирусқа қарсы профилактика жүргізу мүмкіндігін қарастыруы керек. Бортезомибпен, мелфаланмен және преднизонмен ем қабылдап жүрген пациенттерде, Herpes zoster вирусы реактивациясының жиілігі мелфаланмен және преднизонмен ем қабылдап жүрген пациенттермен салыстырғанда көбірек болды (сәйкесінше 14 % және 4 %). Вирусқа қарсы профилактика жүргізу Herpes zoster вирусының реактивациясы жиілігін айқын төмендетеді. B гепатиті вирусының (ВГВ) реактивациясы және ВГВ туындаған инфекция Ритуксимаб бортезомибпен біріктіріп қолданылған кезде, ВГВ инфекциясының қаупі бар пациенттерде емдеуді бастар алдында үнемі ВГВ скрининг жүргізу қажет. В гепатиті вирусын тасымалдаушыларды және анамнезінде В гепатиті болған пациенттерді ритуксимабпен біріктірілген бортезомибпен біріктіріп емдеу кезінде және емдеуден кейін ВГВ тудырған белсенді инфекцияның клиникалық және зертханалық белгілеріне қатысты мұқият қадағалау керек. Вирусқа қарсы профилактика мүмкіндігін қарастыру керек. Қосымша ақпарат алу үшін Ритуксимабты медициналық қолдану жөніндегі нұсқаулықты қараңыз. Үдемелі мультифокальді лейкоэнцефалопатия (ҮМЛ) Бортезомибті қабылдаған пациенттерде Джон Каннингем (JC) вирусынан туындаған, ҮМЛ мен өлімге алып келетін, себеп-салдарлық байланыстылығы анықталмаған вирустық инфекцияның өте сирек жағдайлары тіркелді. ҮМЛ диагнозы қойылған пациенттер бұрын немесе бір мезгілде иммуносупрессиялық ем қабылдаған. Көпшілік жағдайларда ҮМЛ диагнозы бортезомибтің алғашқы дозасы енгізілген сәттен бастап 12 ай ішінде қойылған. Пациенттерді ОЖЖ тарапынан дифференциалдық диагностика аясында ҮМЛ дамығанын білдіруі мүмкін жаңа неврологиялық симптомдардың немесе белгілердің пайда болуына немесе бұрыннан барларының нашарлауына қатысты жүйелі түрде тексеріп отыру керек. ҮМЛ диагнозына күдіктенген жағдайда, пациенттер ҮМЛ емдейтін маманға жолдануы тиіс, олар ҮМЛ анықтау үшін тиісінше диагностикалық шараларды жүргізуді бастауы керек. ҮМЛ диагнозы расталған жағдайда, бортезомибті тоқтату қажет. Шеткері нейропатия Бортезомибпен емдеу өте жиі жағдайда шеткері нейропатияның дамуымен байланыстырылады, ол көбінесе сенсорлық болып табылады. Алайда, сенсорлық шеткері нейропатиямен немесе онсыз ауыр моторлық нейропатия жағдайлары туралы хабарланған. Шеткері нейропатияяның даму жиілігі емдеудің басында жоғарылайды және 5 цикл кезінде ең жоғарғысына жетеді. Пациенттерде ашыту, гиперестезия, парестезия, гипестезия, жайсыздық, нейропатиялық ауырулар немесе бұлшықеттердің әлсіздігі сияқты нейропатия симптомдарының бар-жоқтығын мұқият тексеру ұсынылады. Шеткері нейропатия құбылыстары жаңадан пайда болған немесе бұрыннан барлары нашарлаған жағдайда, неврологиялық тексеруден өту қажет, бортезомибтің дозасын немесе енгізу кестесін өзгерту, енгізу жолын теріастылық инъекцияға өзгерту немесе емдеуді тоқтату қажет болуы мүмкін. Нейропатия демеуші еммен немесе басқа әдістермен емделеді. Нейропатия туындауына ықпал ететін басқа препараттармен бірге бортезомибпен ем қабылдап (соның ішінде, талидомидті бір мезгілде қабылдау) жүрген пациенттердің жай-күйін тұрақты түрде бақылап отыру қажет. Жағымсыз реакциялардың (постуральді гипотензия және ішек бітелуімен жүретін ауыр іш қатуы) дамуында шеткері невропатияға қосымша, вегетативтік нейропатия рөл атқаруы мүмкін. Вегетативтік нейропатия және оның аталған жағымсыз әсерлердің дамуындағы үлесі туралы ақпарат шектеулі. Құрысулар Анамнезінде құрысулар немесе эпилепсия болмаған пациенттерде құрысулар дамыған сирек жағдайлар сипатталған. Құрысулар дамуының қандай-да бір қауіп факторлары бар пациенттерді емдеуде ерекше сақтық қажет. Гипотензия Бортезомибпен емдеу көбіне ортостаздық/постуральді гипотензиямен байланысты. Жағымсыз реакциялардың көпшілігінің ауырлығы жеңілден орташа дәрежеге дейін болған және барлық емдеу кезеңі бойына байқалған. Бортезомибпен (вена ішіне енгізілген) емдеу аясында ортостаздық гипотензия дамыған пациенттерде, бортезомибпен емдеу басталғанға дейін ортостаздық гипотензия белгілері болмаған. Ортостаздық гипотензиясы бар пациенттердің көпшілігіне ем қажет болған. Ортостаздық гипотензиясы бар пациенттердің аздаған бөлігінде естен тану құбылыстары білінген. Ортостаздық/постуральді гипотензия бортезомибті сорғалатып енгізумен тікелей байланысты болмаған. Бұл құбылыстың механизмі белгісіз, әйтсе де оның дамуының компоненттері вегетативтік нейропатиямен байланысты болуы мүмкін. Вегетативтік нейропатия бортезомибпен байланысты болуы мүмкін, немесе бортезомиб диабеттік немесе амилоидты нейропатия сияқты бұрыннан бар жағдайды ушықтыруы мүмкін. Анамнезінде естен танулар болған, гипотензия тудыратын дәрілік заттарды қабылдап жүрген пациенттерді; сондай-ақ, қайталанған диареяның немесе құсудың себебінен сусыздануы бар пациенттерді емдеуде сақтық таныту керек. Ортостаздық/постуральді гипотензияны емдеу гипотензиялық препараттардың дозасын түзетуді, регидратацияны немесе минералокортикоидтарды және/немесе симпатомиметиктерді енгізуді қамтуы мүмкін. Пациенттер бас айналуы, естен тану алдындағы жағдай симптомдары немесе естен тану дамыған жағдайда дәрігерге жүгіну қажеттілігінен хабардар болуы тиіс. Қайтымды артқы энцефалопатия синдромы (PRES) Бортезомибті қабылдап жүрген пациенттерде қайтымды артқы энцефалопатия синдромы дамығаны туралы хабарланған. Қайтымды артқы энцефалопатия синдромы сирек, көбіне қайтымды, жылдам өрбитін неврологиялық жағдай болып табылады, ол құрысулар, гипертензия, бас ауыруы, енжарлық, сананың шатасуы, соқырлық және көрудің басқа бұзылыстары және неврологиялық бұзылулар сияқты көрініс беруі мүмкін. Диагнозды растау үшін миды көріністеу әдістері, дұрысы магнитті-резонанстық томография (МРТ) пайдаланылады. Қайтымды артқы энцефалопатия синдромы дамыған пациенттерде бортезомибті тоқтату керек. Жүрек қызметінің бұзылуы Бортезомибпен емдеу кезінде жүректің іркілісті жеткіліксіздігінің жедел дамығаны немесе өршігені және/немесе сол жақ қарыншаның лықсыту фракциясының алғаш дамыған төмендеуі байқалған. Сұйықтық іркілуі жүрек жеткіліксіздігінің белгілері мен симптомдары дамуының болжамды факторы болуы мүмкін. Жүрек ауруларының қауіп факторлары бар немесе анамнезінде болған пациенттерді мұқият қадағалау қажет. Электрокардиограмма зерттеулері Клиникалық зерттеулерде QT аралығы ұзаруының жекелеген жағдайлары байқалды; себептік байланысы анықталмады. Өкпе функциясының бұзылулары Сирек жағдайларда бортезомибті қолданғанда өкпенің шығу тегі белгісіз пневмонит, интерстициальді пневмония, өкпе инфильтрациясы және тыныс алудың жедел жеткіліксіздігі синдромы сияқты жедел диффуздық инфильтрациялық аурулары байқалған. Бұл жағдайлардың кейбіреулері өлімге соқтырған. Емдеуді бастағанға дейін емдеуден кейін туындаған, өкпенің ықтимал өзгерістерін емдеуде негіз ретінде пайдалану үшін кеуде қуысының рентгенографиясын ұсынылады. Өкпе тарапынан жаңа симптомдар дамыған немесе бұрыннан бар симптомдар (мысалы, жөтел, ентігу) нашарлаған жағдайда, пациенттерге дереу диагностикалық тексеру жүргізу және тиісінше ем тағайындау керек. Бортезомибпен емдеуді жалғастыру үшін пайдасы/қаупінің арақатынасын бағалау керек. Цитарабиннің жоғары (күніне 2 г/м2) дозалары 24 сағат бойғы үздіксіз инфузия жолымен бір мезгілде қолданылатын бортезомибпен емдеу кестесі ұсынылмайды (өлімге соқтыруы мүмкін). Бүйрек жеткіліксіздігі Көптеге миеломасы бар пациенттерде бүйрек тарапынан асқынулар жиі байқалады. Бүйрек жеткіліксіздігі бар пациенттерді мұқият бақылау керек. Бауыр жеткіліксіздігі Бортезомиб «бауыр» ферменттері арқылы метаболизденетіндіктен және бауыр функциясының орташа және ауыр дәрежелі бұзылуы кезінде оның концентрациясы артуы мүмкін болғандықтан, бауыр функциясы бұзылуының симптомдары бар пациенттерге препаратты төменірек бастапқы дозаларда тағайындау, және уыттылығының туындауына қатысты мониторинг жүргізу керек. Бауыр тарапынан реакциялар Бортезомибпен емделу аясында қатарлас ем ретінде басқа препараттарды бір мезгілде қабылдаған пациенттерде бауырдың жедел жеткіліксіздігі туындаған жағдайлар сипатталды. «Бауыр» ферменттері белсенділігінің жоғарылауы, гипербилирубинемия немесе гепатит сияқты бауыр функциясы бұзылуының белгілері әдетте, бортезомибті тоқтатқан кезде басылған. Ісік лизисі синдромы Бортезомиб цитоуытты препарат болып табылатындықтан және қатерлі плазмалық жасушалар мен мантий-жасушалы лимфомасының жасушаларын жылдам өлтіре алатындықтан, пациентте ісік лизисі синдромы сияқты асқыну туындауы мүмкін. Ісік лизисі синдромы дамуының жоғары қаупі емдеуге дейін ісік жүктемесі жоғары болған пациенттерде байқалады. Мұндай пациенттер тиісінше сақтандыру шараларын сақтай отырып, мұқият қадағалануы тиіс. Қатарлас дәрі-дәрмектік ем Бортезомиб CYP3A4 күшті тежегіштерімен біріктіріп қолданылған кезде пациенттер қатаң қадағалауда болуы тиіс. Бортезомиб CYP3A4 немесе CYP2C19 субстраттарымен біріктіріп қолданылған кезде сақтық таныту керек. Қандағы глюкоза деңгейін төмендететін пероральді препараттарды қабылдап жүрген пациенттерде, бауыр тарапынан ауытқулардың жоқтығына көз жеткізу керек, емдеу сақтықпен жүргізілуі тиіс. Иммундық кешен түрткі болуы ықтимал реакциялар Сирек жағдайларда иммундық кешен түрткі болуы ықтимал, сарысу құю ауруы типтес реакция, бөртпемен жүретін полиартрит және пролиферативтік гломерулонефрит сияқты реакциялардың дамығаны туралы хабарланды. Ауыр реакциялар дамыған жағдайда бортезомиб тоқтатылуы тиіс. Арнайы сақтандырулар Педиатрияда қолдану Бартизар® препаратын 18 жасқа толмаған пациенттерде қолданудың тиімділігі мен қауіпсіздігі анықталмаған. Ерлер мен әйелдердегі контрацепция Ұрпақ өрбіту жасындағы ерлер мен әйел пациенттер емделу кезінде және емдеу аяқталғаннан кейін 3 ай бойы контрацепцияның тиімді тәсілдерін пайдалануы тиіс. Жүктілік Бортезомибтің жүктілік кезінде қолданылғаны туралы клиникалық деректер жоқ. Бортезомибтің тератогенділік ықтималдылығы түбегейлі зерттелмеген. Бортезомибті жүктілік кезінде, әйелдің клиникалық жай-күйі бортезомибпен емдеуді қажет ететін жағдайлардан басқасында қолданбаған дұрыс. Егер бортезомиб жүктілік кезінде қолданылса немесе егер осы дәрілік препаратпен емдеу кезінде жүктілік басталса, пациент әйелді шарана үшін қауіпті болуы мүмкіндігінен хабардар ету керек. Бала емізу Бортезомибтің ана сүтіне бөлініп шығатыны турелы деректер жоқ. Бортезомибпен емдеу кезінде емшектегі балаларда ауыр жағымсыз реакциялардың дамуы мүмкіндігіне байланысты, бала емізуді тоқтату керек. Фертильділік Бортезомибтің фертильділікке ықпалы жөнінде клиникалық деректер жоқ. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Бортезомибпен емдеу кезінде бас айналуы, естен тану, көру бұзылыстары және басқа жағымсыз құбылыстар пайда болуы мүмкін, олар көлік құралдарын басқару және механизмдермен жұмыс істеу қабілетіне теріс ықпалын тигізуі мүмкін. Сипатталған жағымсыз құбылыстар пайда болған жағдайда аталған қызмет түрлерін атқарудан бас тарту керек.

Нұсқаулықта көрсетілмеген.

Бортезомиб Р450 цитохромының 1А2, 2C9, 2C19, 2D6 және 3А4 изоферменттерінің әлсіз тежегіші қасиеттерін танытады. CYP2D6 изоферментінің бортезомиб метаболизміне қосатын үлесі елеусіз (7 %) болғандықтан, бұл изоферменттің белсенділігінің төмен адамдарда препараттың жалпы таралуының өзгерістері күтілмейді. CYP3A4 изоферментінің күшті тежегіші кетоконазолмен өзара дәрілік әрекеттесуінің бортезомиб фармакокинетикасына ықпалын зерттеу, бортезомибтің AUC («концентрация-уақыт» қисығы астындағы ауданы) орташа мәндерінің орташа алғанда 35 %-ға артқанын көрсетті. Сондықтан бортезомибті және CYP3A4 изоферментінің күшті тежегішін (кетоконазол, ритонавир) бір мезгілде қолданып жүрген пациенттерді мұқият қадағалау керек. CYP2C19 изоферментінің күшті тежегіші омепразолмен өзара дәрілік әрекеттесуінің бортезомиб фармакокинетикасына ықпалын зерттеуден бортезомиб фармакокинетикасының айтарлыықтай өзгергені анықталған жоқ. CYP3A4 изоферментінің күшті индукторы – рифампицинмен өзара дәрілік әрекеттесуінің – бортезомиб фармакокинетикасына ықпалын зерттеу, бортезомиб үшін AUC орташа мәндерінің орташа алғанда 45 %-ға төмендегенін көрсетті. Сондықтан, Бартизар® препаратын CYP3A4 күшті индукторларыымен бірге қолдану ұсынылмайды, өйткені емнің тиімділігі төмендеуі мүмкін. CYP3A4 индукторларына рифампицин, карбамазепин, фенитоин, фенобарбитал және шілтерленген шайқурай жатады. Осы зерттеуде CYP3A4 әлсіздеу индукторы - дексаметазонның әсері бағаланды. Зерттеу нәтижелерінен бортезомиб фармакокинетикасының (вена ішіне енгізілгенде) елеулі өзгергені анықталмады. Мелфалан-преднизон біріктірілімімен өзара дәрілік әрекеттесуін зерттеу, бортезомиб AUC орташа мәндерінің 17 %-ға артқанын көрсетті. Бұл өзгеріс клиникалық тұрғыдан елеусіз болып есептеледі. Қант диабеті бар, пероральді гипогликемиялық препараттарды қабылдаған пациенттерде гипогликемия және гипергликемия жағдайлары тіркелген. Пероральді гипогликемиялық препараттарды бір мезгілде қабылдап жүрген пациенттерде Бартизар® препаратын қолданғанда, қандағы глюкоза деңгейін мұқият бақылау және қажет болған жағдайда, гипогликемиялық препараттардың дозасына түзету жүргізу керек.

3 жыл. Жарамдылық мерзімі өткеннен кейін қолдануға болмайды. Сақтау шарттары Жарықтан қорғалған жерде, 25 оС-ден аспайтын температурада сақтау керек. 0.9 % натрий хлориді ерітіндісімен сұйылтқаннан кейін құтыда немесе шприцте 25 оС-ден аспайтын температурада 8 сағаттан асырмай сақтауға жол беріледі. Балалардың қолы жетпейтін жерде сақтау керек.