Беклазон Эко Лёгкое Дыхание аэрозоль 100 мкг/доза

Бір дозаның құрамында белсенді зат: - 100 мкг, 250 мкг сусыз беклометазон дипропионаты қосымша заттар: норфлуран (гидрофторалкан 134а), сусыз этанол 99.5 % Сыртқы түрінің, иісінің, дәмінің сипаттамасы Алюминий баллонда қысыммен тұрған ингаляцияға арналған аэрозоль. Сыртқы бүлінген жерлері, сызаттары, коррозиясы немесе ағып тұруы болмауы тиіс. Баллон ішіндегі зат шыныға бүріккенде ақ түсті дақ қалдырады. Баллон қысымда болады, тіпті ол бос болғанның өзінде жағуға, тесуге немесе сындыруға тыйым салынған.

Бронх демікпесінің жеңіл, орташа және ауыр түрлерін профилактикалық емдеу: -Беклазон Эко Легкое Дыхание ингаляторы 100 мкг/ доза - ересектерде және 7-ден 12 жасқа дейінгі балаларда -Беклазон Эко Легкое Дыхание 250 мкг/доза ингаляторы бронходилататорлардың ең жоғары демеуші дозаларында және беклометазонның аз дозаларында демікпенің бақылануы жеткіліксіз болған жағдайларда беклометазонның жоғарырақ дозалары қажет болатын демікпесі бар ересек пациенттерге арналған.

Әсер ету механизмі Беклометазон дипропионаты ингаляция түрінде өкпеде глюкокортикоидті қабынуға қарсы әсерге ие. Қабынуға қарсы әсердің нақты механизмі белгісіз. Ингаляциялық қолдануға арналған глюкокортикоид. Астмаға қарсы дәрі. Беклометазон дипропионаты (БДП) глюкокортикоидты рецепторларға әлсіз аффиндігі бар ізашар препарат болып табылады. Эстеразалардың әсерінен ол белсенді метаболит — беклометазон-17-монопропионат (Б-17-МП) гидролизденеді, ол айқын жергілікті қабынуға қарсы белсенділікке ие. Ингаляциялық беклометазон дипропионаты негізінен бронхтың шырышты қабығына жергілікті қабынуға қарсы әсер етеді. Ересектерде оның гипофизарлы-бүйрек үсті бездерінің жүйесіне бәсеңдететін әсері тәулігіне 2000 мкг және одан жоғары дозада ғана көрінеді.

Дозалау режимі Осы препарат тек ингаляциялық енгізуге арналған. Тиімді емделу үшін препаратты жүйелі қолдану керек. Беклометазон дипропионатының бастапқы дозасы аурудың түрін және ауырлығын ескерумен таңдалады. 100 мкг/доза үшін: Демікпе симптомдарын бақылау сақталатын ең төмен дозаны таңдау керек. Ересектер:Аурудың ауырлығына қарай, препарат дозасы күніне екі рет 100 мкг-ден күніне екі рет 500 мкг дейін (ең жоғары тәуліктік доза – 1000 мкг) болады. Демеуші доза, әдетте, күніне бірнеше қабылдауға 200- 400 мкг құрайды. Қажет болса, бірнеше қабылдауларға бөлінген күніне 1000 мкг дейін аса жоғары дозаларын қолдануға болады. Балалар (7-12 жас) Аурудың ауырлығына қарай, препарат дозасы күніне екі рет 100 мкг дейін (ең жоғары тәуліктік доза – 200 мкг) құрайды. 7 жасқа толмаған балаларға Беклазон Эко Легкое дыхание 100 мкг қолдануға болмайды, өйткені препаратты қолдану қауіпсіздігі мен тиімділігі туралы жеткілікті деректер жоқ. Егер демікпе симптомдары тиісті бақыланатын күйде қалса, дозаны бақылауды қолдау мақсатында ең төмен тиімді дозасына дейін біртіндеп азайтуға болады. Емдеуден болатын емдік әсері бірнеше күн өткенде басталып, 2-3 аптадан соң жоғары шегіне жетеді. Пациентті басқа ингалятордан Беклазон Эко Легкое дыхание препаратына ауыстырғанда бұрынғы дозалануын сақтау немесе, қажет болса, препаратты жеке талаптарға сәйкес титрлеу керек. Осы ингаляторды оңтайландырғышпен немесе онсыз қолдануға болады. 250 мкг/доза үшін: Демікпе симптомдарының бақылануы сақталатын ең төмен дозасын таңдау керек. ЕресектерПациентте демікпенің ауырлығына қарай, препарат дозасы күніне екі рет 250 мкг-ден күніне екі рет 500 мкг дейін (ең жоғары тәуліктік доза – 1000 мкг) құрауы мүмкін. Демеуші доза, әдетте, күніне бірнеше қабылдауға 200- 400 мкг құрайды. Қажет болса, бірнеше қабылдауларға бөлінген күніне 1000 мкг дейін аса жоғары дозаларын қолдануға болады. Егер демікпе симптомдары тиісті бақыланатын күйде қалса, симптомдарды бақылау мақсатында ең төмен тиімді дозасына дейін біртіндеп азайтуға болады. Емдеуден болатын емдік әсері бірнеше күн өткенде басталып, 2-3 аптадан соң ең жоғары шегіне жетеді. Пациентті басқа ингалятордан Беклазон Эко Легкое дыхание препаратына ауыстырғанда бұрынғы дозалануын сақтау және, қажет болса, препаратты жеке талаптарға сәйкес титрлеу керек. Осы ингаляторды оңтайландырғышпен немесе онсыз қолдануға болады. Балаларда қолдану Балаларға Беклазон Эко Легкое дыхание 250 мкг/ доза қолдануға болмайды, өйткені қолдану қауіпсіздігі мен тиімділігі туралы жеткілікті деректер жоқ. Енгізу әдісі мен жолы Ингаляциялық Дәрілік препараттың қолдану тәсілін түсіндіру үшін медициналық қызметкерге кеңес алуға жүгіну жөніндегі ұсынымдар Пациенттерге препарат өкпеде мақсатты аймақтарға жетуі үшін ингаляторды дұрыс пайдалану туралы дәрігердің нұсқауынан өтуі тиіс. Аэрозольді бүрку дем алумен синхрондалуы керек. Демікпе симптомдары болмаса да, оңтайлы әсер ету үшін Беклазон Эко Легкое Дыхание ингаляторын үнемі пайдалану қажет. Егер Сізде Беклазон Эко Легкое Дыхание препаратын қолдану бойынша қандай да бір сұрақтар туындаған жағдайда өзіңіздің емдеуші дәрігеріңізбен кеңесіңіз.

- әсер етуші затқа немесе 6.1 бөлімде келтірілген қосымша заттардың кез келгеніне аса жоғары сезімталдық - 7 жасқа дейінгі балалар (100 мкг/ доза) - 18 жасқа дейінгі балалар (250 мкг/ доза) - препарат жақпаушылығы (ингаляциядан кейін жөтел немесе бронх түйілуінің пайда болуы). Бұл жағдайда аталған терапияны тоқтатып, басқа дәрілік заттарды немесе енгізудің басқа түрлерін тағайындау керек.

Жағымсыз әсерлердің жиілігін анықтау келесі критерийлерге сәйкес жүргізіледі: өте жиі (≥1/10), жиі (≥1/100-ден <1/10-ға дейін), жиі емес (≥1/1000-нан < 1/100-ге дейін), сирек (≥1/10000-нан <1/1000-ға дейін), өте сирек (<1/10000), белгісіз (қолда бар деректер негізінде бағалау мүмкін емес) Өте жиі - Ауыз қуысы мен жұтқыншақтың кандидозы - Орофарингеальді кандидоз, ол көбінесе өздігінен немесе тиісті терапия аясында өтеді. Ерекше жағдайларда ингаляциялық кортикостероидты терапияны тоқтату қажет. Оның пайда болу қаупі дозаның жоғарылауымен және қабылдау жиілігімен артады. Профилактика ингаляциядан кейін ауызды сумен шаю арқылы мүмкін болады. Жиі - дауыстың қарлығуы Жиі емес - тері бөртпесі, есекжем, қышыну, эритема Өте сирек - ангионевроздық ісіну, респираторлық симптомдар (ентігу және/немесе бронх түйілуі) және анафилактоидты / анафилаксияллық реакциялар - парадоксальді бронх түйілуі - Кушинг синдромы, кушингоидты симптомдар кешені, бүйрек үсті бездері функциясының бәсеңдеуі, балалар мен ересектердегі өсу кідірісі, сүйек тіні минералды тығыздығының төмендеуі, катаракта және глаукома Жүйелік әсерлер жоғары дозаларды ұзақ уақыт қолданғанда пайда болуы мүмкін. Ингаляциялық кортикостероидты терапияны жүргізу кезінде терінің жұқаруы, тері астындағы гематомалар, бүйрек үсті бездері функциясының бәсеңдеу (қан плазмасындағы кортизол деңгейінің төмендеуі және несептегі кортизолдың тәуліктік мөлшері) жағдайлары сипатталды. Әсіресе балалар мен егде жастағы тұлғаларда жоғары дозаларды ұзақ уақыт қолдану медициналық бақылауды қажет етуі мүмкін. - үрей, ұйқының бұзылуы, мінез-құлықтың өзгеруі, соның ішінде психомоторлық аса жоғары белсенділік және ашушаңдық (негізінен балаларда). Белгісіз (қолда бар деректер негізінде бағалау мүмкін емес) - анық көрмеу - депрессия, озбырлық (негізінен балаларда). Демікпені бақылаудың жеткіліксіздігі қаупі әрқашан жүйелік әсерлердің даму қаупімен сәйкес келуі керек екенін ескере отырып, әрқашан ең төменгі тиімді дозаны қолдану керек. Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Егер сіз кездейсоқ препаратты тағайындалғаннан көп дозада қолданған болсаңыз, арнайы уқайтарғы қажет емес. Емдеу пациенттің жағдайы бойынша, дәрігердің бақылауымен жүргізіледі. Егер сіз препаратты үнемі өте жоғары дозада қолдансаңыз, бұл демікпе немесе басқа тыныс алу ауруы нашарлағанын білдіруі мүмкін. Бұл жағдайда емдеуді қайта қарау үшін мүмкіндігінше тезірек дәрігерге бару керек. Тым жоғары дозаны бір рет немесе қысқа мерзімде қолдану бүйрек үсті безінің гормондары өндірілуінің уақытша төмендеуіне әкелуі мүмкін. Әдетте бұл жағдай бірнеше күн ішінде өздігінен жойылады және шұғыл шараларды қажет етпейді. Жоғары дозаларды ұзақ уақыт қолданған кезде бүйрек үсті бездерінің жұмысы айқын бұзылуы мүмкін. Мұндай жағдайларда дәрігер қосымша тексерулерді тағайындай алады. Артық дозаланғанына күдік болса да, емдеу әдетте жалғасады, бірақ симптомдарды бақылау үшін қажет және пациент үшін қауіпсіз дозада. Препараттың дозасын өз бетіңізше арттырмаңыз. Егер жағдай нашарласа, міндетті түрде дәрігерге қаралыңыз Ингаляторды пайдалану жөнінде пациентке арналған нұсқаулық Ингалятордың қақпағын ашып, тік қалпында ұстаңыз. Терең дем алыңыз. Мүштекті еріндеріңізбен тығыз көмкеріңіз. Өз қолыңыздың ингалятордың жоғарғы жағындағы желдеткіш саңылауын бітемейтініне және Сіздің ингаляторды тік қалыпта ұстап тұрғанына көз жеткізіңіз. Мүштек арқылы барынша баяу дем алыңыз. Дем алуды 10 секунд немесе Сізге қанша ыңғайлы болса, сонша уақыт кідіртіңіз. Сосын ауыз қуысынан ингаляторды алып, баяу дем шығарыңыз. Қолданудан кейін ингаляторды тік қалыпта ұстауды жалғастырыңыз. Қақпағын жабыңыз. Егер Сізге бір ингаляциядан көп жасау керек болса, қақпақты жауып, кем дегенде, бір минут күте тұрыңыз, ал артынан ингаляция үдерісін қайталаңыз. Ингаляторды тазалау Ингалятордың жоғарғы бөлігін бұрап босатыңыз. Металл баллонды шығарып алыңыз. Ингалятордың төменгі бөлігін жылы суда шайып, кептіріңіз. Баллонды орнына қойыңыз. Қақпағын жауып, ингалятордың жоғарғы бөлігін оның корпусына бұрап бекітіңіз. Ингалятордың жоғарғы бөлігін жумаңыз. Егер ингалятор дұрыс жұмыс істемесе, оның жоғарғы бөлігін бұрап босатыңыз да, баллонды қолмен қысыңыз.

Сақтықпен: - стероидқа тәуелді синдромы бар пациенттерге - қандағы Сandida преципитиндерінің деңгейі жоғары пациенттерге, барлық пациенттерге ингаляторды қолданғаннан кейін ауыз қуысын сумен шаюы керек. - туберкулезбен ауыратын немесе анамнезінде туберкулез бар пациенттерге, науқастарға - иммуносупрессиясы бар пациенттерге - көздің, ауыздың немесе тыныс алу жолдарының вирустық, бактериялық және зеңдік инфекциясы бар пациенттерге Беклазон Эко Легкое Дыхание ингаляторы Сондай-ақ симптомдар тіпті болмаса да, оңтайлы әсер ету үшін үнемі қолданылуы керек. Беклазон Эко Легкое Дыхание ингаляторы жедел демікпе ұстамаларын басуға арналмаған. Айрықша нұсқаулар Бұл препарат басталған демікпе ұстамасын жеңілдетуге арналмаған. Ол ұзақ емдеу және демікпені бақылау үшін қолданылады. Препаратты үнемі, күн сайын, дәрігер тағайындаған дозада қатаң түрде, тіпті егер өзіңізді жақсы сезінсеңіз де қолдану керек. Хал-ахуалдың жақсаруы бірден пайда болмайды — әсер емдеу басталғаннан бірнеше күн немесе аптадан кейін пайда болуы мүмкін. Егер сіз бірнеше күн ішінде «жедел жәрдем» ингаляторын (жылдам әсер ететін бета₂-агонистері) жиі қолдануға тура келетінін байқасаңыз, бұл демікпе ағымының нашарлауының белгісі болуы мүмкін. Назар аудару өте маңызды, егер бұл ретте: пикфлоуметрия көрсеткіштері төмендесе, көрсеткіштер тұрақсыз болады. Мұндай жағдайда шұғыл түрде дәрігерге қаралу керек, өйткені емдеуді өзгерту қажет болуы мүмкін. Демікпені бақылаудың кенеттен немесе біртіндеп нашарлауы өмірге қауіп төндіруі мүмкін. Бұл жағдайда дәрігер кортикостероидтардың дозасын арттыру туралы шешім қабылдауы мүмкін. Қауіп тобындағы пациенттерге дәрігер күн сайын пикфлоуметрияны (ПСВ) өлшеуді ұсынуы мүмкін. Егер сіз жақсаруды сезінсеңіз де, емдеуді, әсіресе ингаляциялық кортикостероидтарды өз бетіңізше тоқтатуға немесе өзгертуге болмайды. Терапия сызбасындағы кез-келген өзгерістер дәрігермен кеңескеннен кейін ғана жасалуы керек. Егер сіз спортпен шұғылданатын болсаңыз, мыналарға назар аударыңыз: препараттың құрамында допинг-бақылау кезінде оң нәтижеге әкелуі мүмкін зат бар. Беклазон Эко Легкое Дыхание препаратының құрамында аз мөлшерде этанол бар. Қолдану кезіндегі сақтандыру шаралары Егер сізде тыныс алу жолдарының инфекциясы (мысалы, бронхит) болса немесе қақырық көп бөлінсе, тиісті ем алу қажет. Бұл препарат тыныс алу жолдарына тиімді еніп, дұрыс жұмыс істеуі үшін қажет. Егер демікпе нашарласа немесе ұстамалар нашар бақыланса, тіпті ингаляциялық препараттың ең жоғары дозаларында да, дәрігер таблеткагі немесе егу түрінде гормоналды препараттардың қысқа курсын тағайындай алады. Бұл жағдайда ингаляциялық емдеуді тоқтатудың қажеті жоқ, оны бір мезгілде қолдануды жалғастырады. Ингаляциялық гормоналды препараттардың жоғары дозаларын ұзақ қолданған кезде бүкіл организмде жағымсыз әсерлердің дамуы мүмкін. Алайда, ингаляция кезінде мұндай әсерлердің пайда болу қаупі гормондарды ішу кезіндегіге қарағанда әлдеқайда төмен екенін түсіну маңызды. Ықтимал жағымсыз әсерлерге мыналар жатады: • Кушинг синдромына ұқсас симптомдардың пайда болуы, • терінің жұқаруы, көгерген жердің жайлап көрінуі, • бүйрек үсті бездері жұмысының бұзылуы, • балалар мен жасөспірімдерде бой өсуінің баяулауы, • сүйек беріктігінің төмендеуі, • көз аурулары (катаракта, глаукома), • сирек — мінез-құлықтың өзгеруі: белсенділіктің жоғарылауы, ұйқымең проблемалар, үрейлену, жабырқау көңіл-күй немесе озбырлық (әсіресе балаларда). Сондықтан демікпені бақылауда ұстауға мүмкіндік беретін ең аз тиімді доза әрқашан қолданылады. Гормоналды препараттармен емдеу аясында көру қабілетінің бұзылуы мүмкін. Егер сіз байқасаңыз: • анық көрмеу, • көру қабілетінің нашарлауы, • көз тарапынан кез келген басқа өзгерістер, дәрігерге барып, офтальмологтың қарап тексеруінен өту керек. Ингаляциялық гормоналды препараттарды ұзақ қабылдайтын балаларға бой өсуін үнемі бақылау ұсынылады. Егер пациент бұрын гормоналды препараттарды ұзақ уақыт ішке қабылдаған болса, ингаляциялық терапияға ауысу таблеткаларды күрт тоқтатуға болады дегенді білдірмейді. Дозаны төмендету біртіндеп және тек дәрігердің бақылауымен жүргізіледі, өйткені бүйрек үсті бездері жұмысының бұзылуы мүмкін. Таблеткаларды толығымен тоқтатқаннан кейін дәрігердің бақылауы қажет. Таблеткадан ингаляциялық препаратқа ауысқан кезде аллергиялық аурулар пайда болуы мүмкін, олар (тұмаурату, тері бөртпелері, экзема) бұрын гормондармен «басылып» тұрған. Бұл жағдайда дәрігер аллергияға қарсы препараттарды немесе жергілікті әсер ететін препараттарды тағайындай алады. Өкпе туберкулезімен ауыратын пациенттер (белсенді және бұрын бастан өткерген) ерекше сақтықты қажет етеді. Басқа ингаляциялық препараттар кезіндегідей, кейде парадоксальді бронх түйілуі пайда болуы мүмкін — ингаляциядан кейін бірден ентігу мен сырылдың кенеттен күшеюі. Бұл жағдайда мыналар қажет: • спазмды жеңілдету үшін тез әсер ететін ингаляторды дереу қолдану, • осы препаратты қолдануды тоқтату, • жағдайды бағалау және басқа емдеуді таңдау үшін дереу дәрігерге қаралу керек.

Жүктілік Препараттың құрамында беклометазон — гормоналды қабынуға қарсы дәрі бар. Жануарларға жүргізілген зерттеулерде кортикостероидтарды қолдану кезінде тұқымның дамуына негативті әсер байқалды. Адамдарда, оның ішінде жүктіліктің бірінші триместрінде қолданғанда мұндай қауіп анықталмады. Жүктілік бойы ұзақ емдеуді қажет ететін ауруларда тұқымның өсуі аздап баяулауы мүмкін. Бұл сирек кездеседі. Өте сирек жағдайларда, гормондардың жоғары дозаларын ішке қабылдау немесе егу кезінде, жаңа туған нәрестелерде бүйрек үсті бездері жұмысының уақытша бұзылуы байқалды. Сондықтан, бала туғаннан кейін дәрігер оның жағдайын бақылауды ұсынуы мүмкін. Препараттың құрамында сондай-ақ аэрозоль жасайтын зат (норфлуран, HFA 134a) бар. Жануарларға жүргізілген зерттеулерде жүктілікке зиянды әсер анықталған жоқ. Адамдарда деректер әлі жеткіліксіз, бірақ шарана үшін қауіп аз болады деп күтілуде. Егер жүктілік туралы білсеңіз, емдеуді ө бетіңізбен тоқтатпаңыз — әрі қарай емдеуді дәрігермен міндетті түрде талқылаңыз. Бала емізу Бұл препараттың құрамында беклометазон бар. Оның емшек сүтіне енуіне арнайы зерттеулер жүргізілген жоқ. Алайда, ингаляцияға арналған әдеттегі ұсынылған дозаларды қолданған кезде, препараттың өте аз мөлшері емшек сүтіне түседі деп күтілуде. Бала емізу кезінде препаратты қолдану, егер анасы үшін пайда нәресте үшін мүмкін болатын қауіптен асып кетсе, дәрігердің тағайындауы бойынша ғана мүмкін болады. Препараттың құрамында сондай-ақ аэрозоль түзетін зат (норфлуран, HFA 134a) бар. Оның емшек сүтіне енуі туралы деректер бүгінгі күні жоқ. Егер сіз бала емізетін болсаңыз немесе бала емізуді жоспарласаңыз, бұл туралы дәрігерге міндетті түрде хабарлаңыз. Маманның кеңесінсіз емдеуді өз бетіңізше тоқтатпаңыз. Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері Беклазон Эко Легкое дыхание препараты автокөлікті басқару және механизмдермен жұмыс істеу қабілетіне әсер етпейді немесе болымсыз әсер етеді.

Препараттың әсер етуші заты әдетте басқа дәрілермен әлсіз өзара әрекеттеседі, сондықтан жағымсыз өзара әрекеттесу қаупі төмен. Алайда, егер сіз бір мезгілде кейбір күшті вирусқа қарсы препараттарды (мысалы, ритонавир немесе кобицистат) қабылдасаңыз, препараттың организмге гормоналды әсерінің жоғарылауын толығымен жоққа шығаруға болмайды. Мұндай жағдайларда ықтимал жағымсыз әсерлерді уақытында байқау үшін дәрігердің сақтығы мен бақылауы қажет. Дәрігерге үнемі немесе мезгіл-мезгіл қабылдайтын барлық дәрілер туралы міндетті түрде хабарлаңыз. Беклазон Эко Легкое Дыхание препаратының құрамында аз мөлшерде этанол (алкоголь) бар. Сирек жағдайларда, егер бір мезгілде келесі дәрілер қолданылса, ерекше сезімтал пациенттерде өзара әрекеттесу мүмкін: • дисульфирам, • метронидазол. Егер сіз осы препараттарды қабылдап жүрсеңіз, емдеуді бастар алдында дәрігерге міндетті түрде ескертіңіз.

Сақтау мерзімі 3 жыл Жарамдылық мерзімі өткеннен кейін қолдануға болмайды. Сақтау шарттары 25°С-ден аспайтын температурада. Мұздатып қатыруға болмайды. Балалардың қолы жетпейтін жерде сақтау керек!