Белацеф порошок 1000 мг

Бір құтының ішінде белсенді зат - цефтриаксон 1000 мг (натрий цефтриаксоны түрінде). Сыртқы түрінің, иісінің, дәмінің сипаттамасы Ақ немесе сарғыш түсті кристалды ұнтақ.

Цефтриаксонға сезімтал қоздырғыштардан туындаған инфекцияларда: • тыныс алу жолдарының инфекциялары, әсіресе пневмония, сондай-ақ ЛОР-ағзалардың инфекциялары • абдоминальді инфекциялар (перитонит, өт жолдарының, сондай-ақ асқазан-ішек жолының инфекциялары) • бүйрек және несеп шығару жолдарының инфекциялары • созды қоса, жыныс ағзаларының инфекциялары • сепсис • сүйектердің, буындардың, жұмсақ тіндердің, терінің инфекциялары, сондай-ақ жарақат инфекциялары • иммунитеті әлсіреген пациенттердегі инфекциялар • менингит • диссеминацияланған Лайм ауруы (II және III сатылары) Асқазан-ішек жолындағы, өт жолдарындағы, урогенитальді және гинекологиялық аймақтардағы инфекциялардың периоперациялық профилактикасы, бірақ әлеуетті немесе дәлелденген контаминация жағдайларында ғана. Антибиотиктерді тиісті түрде пайдалану жөніндегі ресми нұсқауларға, әсіресе антибиотиктерге резистенттіліктің жоғарылауының алдын алу үшін қолдану жөніндегі нұсқауларға назар аудару қажет.

Нұсқаулықта көрсетілмеген.

Дозалау режимі Ересектер мен 12 жастан асқан балалар Тәулігіне бір рет 1-2 г (әр 24 сағат сайын). Ауыр инфекциялар немесе сезімталдығы орташа микроорганизмдерден туындаған инфекциялар кезінде, тәуліктік бір реттік дозасын 4 г дейін арттыруға болады. Жаңа туған нәрестелер, сәбилер және 12 жасқа дейінгі балалар Келесі тәуліктік бір реттік дозалары ұсынылады: Жаңа туған (14 күндікке дейінгі) нәрестелер Дене салмағына тәулігіне бір рет 20-50 мг/кг; тәуліктік дозасы 50 мг/кг аспауы тиіс. Жаңа туған нәрестелер, сәбилер мен балалар (15 күннен бастап 12 жасқа дейін) Дене салмағына тәулігіне бір рет 20-80 мг/кг. Дене салмағы 50 кг және одан жоғары балаларға әдеттегі ересектер дозасын пайдалануға болады. Нәрестелер мен 12 жасқа дейінгі балаларда дене салмағына 50 мг/кг және одан жоғары венаішілік дозалары кемінде 30 минут бойы баяу инфузия түрінде енгізілуі тиіс. Жаңа туған нәрестелерге билирубиндік энцефалопатияның ықтимал қаупін азайту үшін венаішілік дозалары 60 минут ішінде енгізілуі тиіс. Бактериялық менингит Бактериялық менингит кезінде сәбилер мен балаларда препаратпен емдеуді тәулігіне бір рет 100 мг/кг дозасынан бастайды (4 г-ден аспайды). Диссеминацияланған Лайм ауруы Балалар мен ересектер үшін ұсынылатын дозасы 14 күн бойы тәулігіне бір рет 50 мг/кг құрайды (2 г-ден аспайды). Соз Созды (пенициллиназа түзетін және түзбейтін штаммдардан туындаған) емдеу үшін 250 мг дозадағы препаратты бұлшықет ішіне бір рет енгізу ұсынылады. Периоперациялық профилактика Контаминацияланатын немесе контаминациялануы ықтимал араласулар кезінде операциядан кейінгі инфекциялардың профилактикасы мақсатында, инфекцияның қауіптілік дәрежесіне байланысты, 1-2 г дозадағы Белацеф препаратын операция басталғанға дейін 30-90 минут бұрын бір рет енгізу ұсынылады. Пациенттердің ерекше топтары Бүйрек функциясы бұзылған пациенттер Бүйректің претерминалды жеткіліксіздігі (креатинин клиренсі (КК) <10 мл/мин) жағдайларында Белацеф препаратының тәуліктік дозасы 2 г-ден аспауы тиіс. Диализ жүргізілетін пациенттерде препараттың тәуліктік дозасы 2 г-ден аспауы тиіс. Бауыр функциясы бұзылған пациенттер Бауыр функциясының бұзылуы болмаған жағдайда, Белацеф препаратының дозасын түзету қажет емес. Енгізу әдісі және жолы Бұлшықетішілік инъекция 1 г Белацеф препаратын инъекцияға арналған 3,5 мл 1% лидокаинде еріту қажет. Ерітіндіні ірі бұлшықеттерге терең бұлшықетішілік инъекция арқылы енгізу керек. Бір бұлшықетке 1 г-ден аспайтын препаратты енгізуге болады. Вена ішіне инъекция Вена ішіне енгізу үшін 1 г. Белацеф препаратын 10 мл инъекцияға арналған суда ерітеді және 2 - 4 минут бойы вена ішіне енгізеді. Вена ішіне инфузия Инфузия кем дегенде 30 минутқа созылуы тиіс. Вена ішіне инфузия үшін 2 г Белацеф құрамында кальций жоқ келесі 40 мл инфузиялық ерітінділердің біреуінде ерітеді: натрий хлориді 0,9 %, натрий хлориді 0,45 % + глюкоза 2,5 %, глюкоза 5 %, глюкоза 10 %, 5 % глюкозадағы декстран 6 %, инъекцияға арналған су. Үйлесімсіз болуы мүмкін болғандықтан Белацеф бар ерітінділерді құрамында басқа антибиотиктер бар ерітінділермен араластыруға, немесе олармен біріктіруге болмайды. Сондай-ақ оларды жоғарыда көрсетілгендерден басқа инфузиялық ерітінділерге қосуға болмайды. Алайда, 2 г цефтриаксон және 1 г орнидазол натрий хлоридінің немесе глюкозаның 250 мл физиологиялық ерітіндісінде физикалық және химиялық тұрғыда үйлесімді. Дене салмағына байланысты дозалануы Натрий цефтриаксонның 1 г ұнтағын инъекцияға арналған суда және 1% лидокаин гидрохлориді ерітіндісінде ығыстыру көлемі шамамен 0,71 мл құрайды. Егер жалпы ерітіндінің бір бөлігі ғана өлшенетін және енгізілетін болса, бұл дене салмағына байланысты (әсіресе 12 жасқа дейінгі балаларда) дозалауды қамтамасыз ету үшін еріткіштің көлемін түзетуді қажет етеді. Көрсетілген концентрациямен соңғы ерітіндіні дайындау үшін төмендегі 1-кестені қараңыз. 1-кесте: Қалпына келтіру үшін қажет болатын концентрацияларды дайындау үшін қажетті көлемдердің жиынтық кестесі Бұлшықет ішіне енгізуге арналған ерітінді Белацеф өнімі (номиналды мөлшері) — 1 % лидокаин ерітіндісі көлемін қосу: — Алынған инъекцияға арналған ерітінді Шамамен алғанда көлемі — концентрациясы 1 г — 2,9 мл — 3,6 мл — 285 мг/мл Вена ішіне енгізуге арналған ерітінді Белацеф өнімі (номиналды мөлшері) — Инъекцияға арналған су көлемі: — Алынған инъекцияға арналған ерітінді Шамамен алғанда көлемі — концентрациясы 1 г — 9.4 мл — 10.1 мл — 100 мг/мл Вена ішіне инфузияға арналған ерітінділер Белацеф өнімі (номиналды мөлшері) — Кальцийсіз инфузиялық ерітінді көлемін қосу: — Алынған инфузияға арналған ерітінді Шамамен алғанда көлемі — концентрациясы 2 г — 39 мл — 40,4 мл — 50 мг/мл Дәрілік препаратты қолдану тәсілін түсіну үшін медицина қызметкерінен кеңес алуға бару жөнінде нұсқаулар Препаратты дәрігердің тағайындауы бойынша ғана қолдану қажет.

• цефтриаксонға, цефалоспориндерге немесе кез-келген қосымша заттарға аса жоғары сезімталдық • анамнезде бактерияға қарсы басқа бета-лактамды препараттарға (пенициллиндер, монобактамдар және карбапенемдер) аса жоғары сезімталдықтың ауыр реакциялары (мысалы, анафилаксиялық реакциялар) • еріткішке – лидокаинге аса жоғары сезімталдық. Лидокаинді пайдаланып цефтриаксонның бұлшықет ішіне инъекциясын жүргізер алдында лидокаинге қарсы көрсетілімдердің бар-жоқтығын анықтау қажет. Лидокаинді қолдануға болмайтын жағдайлар лидокаинді медициналық қолдану жөніндегі нұсқаулықта келтірілген. Құрамында лидокаин бар цефтриаксон ерітінділерін вена ішіне енгізуге болмайды • жүрек өткізгіштігінің бұзылулары • жедел декомпенсацияланған жүрек жеткіліксіздігі • 41 аптаны қоса алғанға дейінгі (гестациялық және постнаталдық жастың қосындысы) мерзімі жетпей жаңа туылған нәрестелер • гипербилирубинемиясы бар жаңа туған нәрестелер, цефтриаксонның ықпалымен билирубиннің сарысулық альбуминмен байланысудан ығыстырылуы себебінен билирубиндік энцефалопатияның даму қаупіне орай • жаңа туған нәрестелер және құрамында кальций бар ерітінділер: Белацеф препаратын, құрамында кальций бар ерітінділерді вена ішіне енгізу қажет немесе қажет болуы мүмкін жаңа туған нәрестелерге (жасы 28 күнге дейінгі) құрамында кальций бар препараттардың ұзаққа созылатын инфузияларын қоса, мысалы, парентералдық тамақтандыру кезінде, өкпеде және бүйректе өлімге әкеліп соғатын цефтриаксонның кальций тұздары преципитаттарының түзілу қаупіне орай, қолдануға болмайды. Белацеф және құрамында кальций бар ерітінділерді алған жаңа туған нәрестелерде өліммен аяқталған бірнеше оқиғалар тіркелді, бұл ретте өкпеде және бүйректе аутопсия кезінде преципитаттар анықталды. Осы жағдайлардың кейбіреуінде Белацеф препаратын және құрамында кальций бар ерітінділерді енгізу үшін бір ғана инфузиялық желі пайдаланылды, басқа жағдайларда инфузиялық желіде тұнба анықталды. Белацеф және құрамында кальций бар ерітінділер әртүрлі уақытта және әртүрлі инфузиялық желілер арқылы енгізілген кезде кем дегенде бір неонаталдық өлім оқиғасы туралы хабарланды; аутопсия кезінде преципитаттар анықталмады. Жаңа туған нәрестелерден басқа пациенттердің жас санаттарына қатысты осындай хабарламалар келіп түскен жоқ.

ЖР туындаған жағдайлардың жиілігін сипаттау үшін келесі санаттар пайдаланылады: өте жиі (≥1/10), жиі (≥1/100 - <1/10 дейін), жиі емес (≥1/1000 - <1/100 дейін), сирек (≥1/10 000 -<1/1000 дейін), өте сирек (<1/10 000) және белгісіз (қолда бар деректердің негізінде жиілігін есептеп шығару мүмкін емес). Лидокаинсіз/лидокаинмен цефтриаксон Өте жиі • өт қалтасында цефтриаксон-кальций преципитаттарының симптоматикалық түзілуі, балалардағы қайтымды өт-тас ауруы Жиі • эозинофилия, лейкопения, тромбоцитопения, протромбин уақытының ұзаруы • диарея, сұйық нәжіс • бауыр ферменттері белсенділігінің жоғарылауы (АЛТ, АСТ, сілтілі фосфатаза) • бөртпе, ісіну Жиі емес • жыныстық мүшелердің микоздары • гранулоцитопения, анемия, коагулопатия, қан сарысуындағы креатинин деңгейінің жоғарылауы • бас ауыруы, бас айналуы • жүрек айнуы, құсу • прурит • флебит, енгізген жердегі реакциялар (мысалы, енгізген жердегі ауырсыну, эритема, ашыту, қызару, флебит, ісіну, бөртпе, қышыну, қабыну, қатаю, гематома, инфекция, абсцесс), дене температурасының жоғарылауы Сирек • жалған жарғақшалы колит • энцефалопатия • бронх түйілуі • ядролық сарғаю • есекжем • олигурия, гематурия, глюкозурия • ісіну, қалтырау, анафилаксиялық немесе анафилактоидтық реакция Өте сирек • жалған жарғақшалы энтероколит Белгісіз • панкреатит, стоматит, глоссит • сезімтал емес қоздырғыштармен суперинфекция • құрысулар • терінің ауыр жағымсыз реакциялары (SCAR): Стивенс Джонсон синдромы, уытты эпидермалық некролиз, жүйелі симптомдармен дәріге байланысты эозинофилия (DRESS-синдром), мультиформалы эритема және жедел жайылған экзантематозды пустулез (AGEP) • Яриш-Герксхаймер реакциясы • Кунис синдромы • агранулоцитоз (<500/мм³), көпшілік жағдайлары 20 г және одан көп жиынтық дозаларын тағайындағаннан кейін дамыған. Протромбин уақытының елеусіз ұзарғаны туралы хабарланды. Еріткіштің құрамындағы лидокаин Жиі • күйгелектік, үрейлену, эйфория, сананың шатасуы • бас айналуы, парестезия, ұйқышылдық, тактильді сезімталдық, тремор, дизартрия, құрысулар, сананы жоғалту • көрудің нашарлауы, диплопия • құлақтың шыңылдауы • брадикардия, артериялық гипотензия, артериялық гипертензия • тыныстың тарылуы, тыныс алудың тоқтауы • жүрек айнуы, құсу • бұлшықеттердің тартылуы • ісіну, мұздау және/немесе ысыну сезімі Жиі емес • гиперакузия Сирек • анафилаксиялық реакциялар • нейропатия • жүрек аритмиясы, кардиоваскулярлық коллапс, жүректің тоқтап қалуы Белгісіз • тері зақымданулары, есекжем. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек (жағымсыз реакциялар жөніндегі ақпараттық дерекқорды көрсету) Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: жүрек айнуы, құсу және диарея. Емі: симптоматикалық. Артық дозалану кезінде гемодиализ және перитонеалдық диализ тиімсіз. Спецификалық антидоты жоқ.

Лидокаинді 15 жасқа толмаған балаларға Белацеф препараты ұнтағының еріткіші ретінде қолдануға тыйым салынады. 15 жасқа дейінгі балаларда Белацеф препаратының ұнтағына еріткіш ретінде кейіннен бұлшықет ішіне енгізу үшін инъекцияға арналған суды пайдалану керек. Бұлшықет ішіне енгізуді ірі бұлшықеттерге орындау керек, бір бұлшықетке 1 г-ден артық енгізбейді. Лидокаинді еріткіш ретінде пайдаланған кезде цефтриаксонның алынған ерітіндісін вена ішіне енгізуге болмайды! 15 жастан асқан пациенттерде лидокаинді еріткіш ретінде пайдаланған кезде лидокаинге тері ішілік аллергиялық сынама жүргізу ұсынылады. Лидокаинді еріткіш ретінде пайдаланған кезде ерітіндіні енгізер алдында пациентте лидокаинді қолдануға қарсы көрсетілімдердің бар-жоғын анықтау, сондай-ақ анамнездегі лидокаинге аллергиялық реакцияларға назар аудару керек. Аса жоғары сезімталдық Басқа бета-лактамды антибиотиктерді қолданғандағы сияқты, аса жоғары сезімталдықтың ауыр, соның ішінде өліммен аяқталған реакциялары тіркелген. Аса жоғары сезімталдық реакциялары сондай-ақ Кунис синдромына - күрделі аллергиялық реакцияға дейін үдеуі мүмкін, ол миокард инфарктіне әкеліп соғуы мүмкін. Мұндай реакциялардың алғашқы симптомдарына бета-лактамды антибиотиктерге аллергиялық реакциямен байланысты кеуденің ауыруы жатуы мүмкін. Аса жоғары сезімталдық реакциялары (анафилаксиялық шокқа дейін) еріткіштің құрамында бар лидокаинді қолданудан туындауы мүмкін. Бета-лактамды антибиотиктерді, соның ішінде Белацеф препаратын немесе цефтриаксонды қабылдаған пациенттерде Стивенс-Джонсон синдромы, уытты эпидермалық некролиз, жүйелі симптомдармен дәріге байланысты эозинофилия (DRESS-синдром), мультиформалы эритема және жедел жайылған экзантематоздық пустулез (AGEP, Acute Generalized Exanthematous Pustulosis) сияқты терінің ауыр реакциялары (SCAR, Severe Cutaneous Adverse Reactions) тіркелген. Протромбин уақытының ұзаруы Цефтриаксон протромбин уақытын ұзартуы мүмкін. Гемолиздік анемия Иммунитетке байланысты гемолиздік анемия жағдайлары Белацеф препаратын қоса, цефалоспориндер класындағы бактерияға қарсы дәрілерді қабылдаған пациенттерде байқалды. Цефтриаксонмен емдеу кезеңінде ересектерде, балаларда да ауыр, соның ішінде өліммен аяқталған гемолиздік анемия жағдайлары тіркелген. Clostridium difficile-астасқан диарея (CDAD, Clostridium Difficile-Associated Diarrhea) Белацеф препаратын қоса, бактерияға қарсы дәрілердің барлығын дерлік қолданумен астасқан CDAD, даму жағдайлары тіркелген; CDAD жағдайлары жеңіл диареядан өліммен аяқталған колитке дейін ауытқуы мүмкін. Ішек перистальтикасын бәсеңдететін препараттарды қолдануға болмайды. Суперинфекциялар Белацеф препаратын ұзақ уақыт қолданғанда сезімтал емес қоздырғыштардың саны артуы мүмкін. Яриш-Герксгеймер реакциясы (JНR, Jarisch–Herxheimer reaction) Цефтриаксонмен емдеу басталғаннан кейін көп ұзамай спирохеталық инфекциялары бар кейбір пациенттерде Яриш-Герксхаймер реакциясы (JHR) туындауы мүмкін. Бұл реакция ағымы әдетте өздігінен шектеледі немесе симптоматикалық емдеу арқылы басылады. Осындай реакция туындаған жағдайда бактерияға қарсы емді тоқтатпау керек. Цефтриаксон-кальций преципитаттары Цефтриаксонды, әсіресе тәулігіне 1 г және одан көп дозаларда қабылдаған пациенттердің өт қалтасын ультрадыбыстық зерттеу кезінде цефтриаксон-кальций преципитаттары анықталды. Аталған преципитаттардың түзілу ықтималдығы бала жастағы пациенттерде анағұрлым жоғары. Панкреатит Белацеф препаратын қабылдаған пациенттерде сирек жағдайларда өт шығару жолдарының обструкциясы салдарынан болуы мүмкін панкреатиттің даму жағдайлары тіркелген. Пациенттердің көпшілігінде тексеру кезінде өт іркілуінің және билиарлық сладждың қауіп факторлары анықталды, мысалы, алдында болған ауқымды ем, ауыр аурулар және толық парентералдық тамақтану. Энцефалопатия Цефтриаксонды қолдану кезінде, атап айтқанда бүйректің ауыр жеткіліксіздігі немесе орталық жүйке жүйесі тарапынан бұзылулары бар егде жастағы пациенттерде энцефалопатияның дамығаны туралы хабарланды. Цефтриаксонды қолданумен астасқан энцефалопатияға күдік туған кезде (симптомдары мыналарды қамтуы мүмкін: сананың бұзылуы, психикалық жай-күйдің өзгеруі, миоклонус, құрысулар) цефтриаксонды тоқтату мүмкіндігін қарастыру керек. Қан талдауының мониторингі Ұзақ уақыт емдегенде қанның кеңейтілген талдауын жүйелі түрде жүргізіп отыру керек. Серологиялық зерттеулердің нәтижелеріне ықпалы Белацеф препаратымен емдеу кезінде Кумбс сынамасының, галактоземия сынамасының, несептегі глюкозаны анықтауға арналған ферменттік емес әдістердің жалған оң нәтижелері байқалуы мүмкін. Бүйрек функциясының бұзылуы Бүйрек функциясының бұзылуы бар, аминогликозидтер мен диуретиктерді бір мезгілде қабылдап жүрген пациенттерде цефтриаксонды қолданғанда сақтық таныту керек. Жаңа туған нәрестелер, балалар мен жасөспірімдер Цефтриаксонды құрамында кальций бар ерітінділермен, тіпті егер ерітінділер әртүрлі инфузиялық желілердің көмегімен енгізілсе де, араластыруға немесе бір мезгілде енгізуге болмайды. Тіпті әртүрлі инфузиялық желілерді пайдаланғанның және цефтриаксон мен құрамында кальций бар ерітінділерді әртүрлі уақытта енгізгеннің өзінде, жаңа туған нәрестелердің өкпесі мен бүйрегінде цефтриаксон-кальций преципитаттарының түзілуінің нәтижесінде өліммен аяқталған жағдайлар сипатталған. Сондықтан, құрамында кальций бар венаішілік кальций ерітінділерін жаңа туған нәрестелерге, Белацеф препаратын соңғы рет енгізгеннен кейін кем дегенде 48 сағаттың ішінде енгізуге болмайды. Әртүрлі жас топтарындағы пациенттерде цефтриаксонды және құрамында кальций бар венаішілік ерітінділерді бір мезгілде қолданудан кейін цефтриаксон-кальций преципитаттарының түзілу жағдайлары белгісіз. Дегенмен, оларды барлық пациенттерде бір мезгілде қолданудан аулақ болу керек. Еріткіштің құрамында бар лидокаинға қатысты сақтандыру шаралары Лидокаин сияқты жергілікті анестетиктерді қолданған кезде күрделі жағымсыз реакциялардың даму қаупі мыналарда ұлғаяды: • егде жастағы пациенттерде • жалпы денсаулық жағдайы нашар пациенттерде • атриовентрикулярлық блокада болғанда (өйткені жергілікті анестетиктер атриовентрикулярлық өткізгіштікті бәсеңдетуі мүмкін) • бауырдың ауыр ауруы бар болғанда • бүйректің ауыр жеткіліксіздігі бар болған жағдайда. Аталған жағдайларда Белацеф препаратының бұлшықетішілік инъекциясын сақтықпен жүргізу керек. Аддитивті әсердің болуы мүмкін болғандықтан, аритмияға қарсы III класс препараттарын (мысалы, амиодарон) қабылдап жүрген пациенттерді мұқият бақылау қажет, ЭКГ-мониторинг жүргізу мүмкіндігін қарастырған жөн. Құрамында лидокаин бар ерітінділердің бас және мойын аймағына салынған инъекциялары байқаусызда артерияға түсіп кетіп, церебральді симптоматика дамуына алып келуі мүмкін (тіпті, төмен дозаларында да). Натрий Препараттың құрамында 1 грамм цефтриаксонға 83 мг натрий бар, бұл ересек адам үшін ДДҰ ұсынған ең жоғары тәуліктік 2 г натрий дозасының 4,2%-на баламалы. Арнайы сақтандырулар Егде жастағы пациенттер ≥65 жастағы пациенттерде бүйректің және бауырдың ауыр жеткіліксіздігі болмаған жағдайда, Белацеф препаратының дозасын түзету қажет емес. Бүйрек функциясы бұзылған пациенттер Бүйрек функциясының бұзылуы болмаған жағдайда, Белацеф препаратының дозасын түзету қажет емес. Цефтриаксон гемодиализ немесе перитонеалдық диализ кезінде шығарылмайды. Диализ жүргізілетін пациенттерге, диализ аяқталғаннан кейін препараттың қосымша дозасын енгізу қажет емес. Бауыр функциясы бұзылған пациенттер Бауыр функциясының бұзылуы болмаған жағдайда, Белацеф препаратының дозасын түзету қажет емес. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Цефтриаксонмен емдеу кезінде жағымсыз реакциялар (мысалы, бас айналуы) туындауы мүмкін, олар көлік құралдарын басқару және механизмдермен жұмыс істеу қабілетіне ықпал етуі мүмкін. Пациенттер көлік құралдарын басқарғанда немесе механизмдермен жұмыс істегенде сақтық танытуы керек.

Жүктілік кезінде, әсіресе бірінші триместрінде, Белацеф препаратын тек қатаң көрсетілімдері бойынша ғана тағайындау керек. Белацеф препаратын қолдану аса қажет болған жағдайда оны лидокаинсіз тағайындау керек. Босану кезінде лидокаин сияқты жергілікті анестетиктерді қолдану, анасында және/немесе шаранада жағымсыз реакция (мысалы, брадикардия) туғызуы мүмкін. Препаратты бала емізу кезінде қолданбаған дұрыс. Емдеу аса қажет болған жағдайда бала емізуді тоқтату керек.

Белацеф препаратын еріту үшін немесе вена ішіне тамшылатып енгізуге арналған құтының ішіндегісін қосымша сұйылту үшін Рингер ерітіндісі немесе Хартман ерітіндісі сияқты құрамында кальций бар еріткіштер пайдаланылмауы тиіс, өйткені мұндай жағдайларда тұнба түзілуі мүмкін. Егер Белацеф препараты вена ішіне енгізуге арналған құрамында кальций бар ерітінділермен араласса, цефтриаксон-кальций тұнбасы түзілуі мүмкін. Белацефті вена ішіне енгізуге арналған құрамында кальций бар ерітінділермен (мысалы, парентералдық қоректендіруге арналған ерітінділер), У – тәрізді түтіктер арқылы бір мезгілде енгізуге болмайды, алайда, жекелеген жағдайларда (жаңа туған нәрестелерді қоспағанда), егер инфузиялар арасында вена ішіне енгізуге арналған жүйені инфузияға арналған үйлесімді ерітіндімен мұқият жуса, цефтриаксон және құрамында кальций бар ерітінділерді бірінен соң бірін енгізуге болады. Жаңа туған нәрестелерде цефтриаксон-кальцийдің тұнба түзілу қаупі жоғары. Қанның ұюын төмендететін пероральді препараттармен бір мезгілде қабылдау қан кету қаупін арттыруы мүмкін, бұл препараттардың әсері К дәруменінің әсеріне қарама-қайшы. Қанның ұю көрсеткіштерін жиі бақылау және қажет болған жағдайда Белацеф препаратымен емдеу кезеңінде және емдеу аяқталғаннан кейін қанның ұюын төмендететін препараттардың дозасын түзету ұсынылады. Цефалоспориндермен бір мезгілде қолданғанда аминогликозидтер тобының антибиотиктерінің бүйрекке уытты әсері жоғарылауы мүмкін, сондықтан бүйрек функциясын және қандағы аминогликозидтердің концентрациясын бақылау қажет. Хлорамфеникол мен цефтриаксонның қарама-қайшы әсері анықталды, бұл антагонизмнің клиникалық маңызы белгісіз. Цефтриаксон мен құрамында кальций бар пероральді препараттардың өзара әрекеттесуі немесе бұлшықет ішіне енгізуге арналған Белацеф және құрамында кальций бар препараттардың өзара әрекеттесуі туралы (вена ішіне немесе пероральді қолдану үшін) хабарламалар түскен жоқ. Белацеф препаратының және несеп айдайтын препараттардың (мысалы, фуросемид) үлкен дозаларын бір мезгілде қолданғанда бүйрек функциясының бұзылуы байқалмады. Цефтриаксон қабылдаған пациенттерде қанның үйлесімділігіне Кумбс тесті жалған оң нәтиже беруі мүмкін. Белацеф, басқа антибиотиктер сияқты, галактоземияға жалған оң нәтижеге әкелуі мүмкін. Сонымен қатар, несептегі глюкозаны анықтаудың ферментативті емес әдістері жалған оң нәтиже беруі мүмкін, сондықтан Белацеф препаратымен емдеу кезінде несептегі глюкоза деңгейін анықтауды ферментативті әдістерді қолдана отырып жүргізу қажет. Пробенецидті бір мезгілде қолдану цефтриаксонның шығарылуын азайтпайды.

Сақтау мерзімі 3 жыл Жарамдылық мерзімі өткеннен кейін қолдануға болмайды. Сақтау шарттары Құрғақ, жарықтан қорғалған жерде, 25 С -ден аспайтын температурада сақтау керек. Балалардың қолы жетпейтін жерде сақтау керек!