Белифрин капли 25 мг/мл

5 мл ерітіндінің құрамында белсенді зат – фенилэфрин гидрохлориді 125.0 мг, қосымша заттар: бензалконий хлориді, динатрий эдетаты, натрий метабисульфиті, бор қышқылы, хлорсутек қышқылы (0.36%), натрий гидроксиді (0.4% ерітінді), инъекцияға арналған су Сыртқы түрінің иісінің, дәмінің сипаттамасы Түссізден әлсіз-қоңыр түске дейінгі мөлдір сұйықтық.

Фенилэфрин көзге жергілікті қолданғаннан кейін мидриазға әкелетін тікелей әсер ететін симпатомиметик болып табылады. Тамыр тарылтатын және іркіліске қарсы әсері бар. Препарат диагностикалық және/немесе емдік емшараларда қарашықты кеңейту үшін қолданылады: - увеит кезінде – артқы синехияның жарылуы немесе олардың туындауын болдырмау мақсатында -хирургиялық араласулар кезінде -циклоплегиясыз рефракцияны зерттеу үшін көз түбін тексеру және басқа диагностикалық емшаралар кезінде.

Әсер ету механизмі Фенилэфрин альфа-адренергиялық рецепторларды ынталандыратын тікелей әсер ететін симпатомиметик болып табылады. Фармакодинамикалық әсерлері Көзге/көздерге қолданғанда мидриазға әкеледі, әрі әдетте циклоплегиялық әсер туғызбайды. Толық мидриаздың басталу уақыты әдетте 15 – 60 минутты құрайды. Туындаған мидриаздың ең жоғары ұзақтығы 60-90 минутты құрайды. Толық қалпына келтіру қолданғаннан кейін 3-7 сағат ішінде пайда болады. Тимоксамин мидриаздық әсерге қарсы әсер етеді.

Дозалау режимі Ересектер -Қан тамырларының тарылуы және қарашықтың кеңеюі Ауырған көзге/көздерге ерітіндінің 1 тамшысын тамызады. Қажет болғанда, дозаны тек бір рет, алғашқы тамызғаннан кейін бір сағаттан соң қайталауға болады. Жергілікті тітіркендіргіш әсерді болдырмау және көз жасы сұйықтығын кейіннен сұйылту үшін Белифрин препаратын қолданар алдында бірнеше минут бұрын жергілікті ауырсынуды басатын дәріні алдын-ала тамызу ұсынылады. Қажет болғанда, Белифрин көздің беткейлік қан тамырларындағы іркілісті, қарашықтың тез және күшті кеңеюін жою үшін қолданылады. -Көздің тамырлы қабықшасының қабынуы және артқы қабысулар Қабысулардың түзілуін болдырмау үшін және олар болған кезде қолданылады. Қабысулардың түзілуін Белифрин, атропин немесе басқа ұқсас препараттармен туындаған қарашықтың қатты кеңеюі кезінде болдырмауға болады. Ауырған көзге күніне 1-2 рет 1 тамшы ерітінді тамызады. Ең жоғары доза күніне 3 тамшыдан аспауы тиіс. Қажет болса, келесі күні емдеуді қайталауға болады. Егер оң нәтиже болса, емге жылы компресстер мен атропинді қосуға болады. -Көзішілік қысымның жоғарылауы (глаукома) Көзішілік қысымы жоғары (ашық бұрышты глаукома) пациенттерде Белифрин препаратын қарашықты тарылтатын препараттармен бір мезгілде қолдануға болады. Ауырған көзге/көздерге 1 тамшы ерітінді тамызады. -Хирургиялық араласулар Препаратты қолдану қарашықтың қысқа мерзімді және күшті кеңеюі қажет болған жағдайда көрсетілген. Операцияға дейін 30-60 минут бұрын ауырған көзге/көздерге 1 тамшыдан тамызады. -Көру жітілігін анықтау Белифрин препараты хоматропин, циклопентолат, тропикамид, атропин сияқты препараттардың қарашықты кеңейтетін әсерін күшейтеді. Ауырған көзге/көздерге ерітіндінің 1 тамшысын тамызады. -Көз түбін тексеру 1 тамшы ерітіндіні тамызу 15-30 минуттан кейін қарашықтың кеңеюіне ықпал етеді, әсердің ұзақтығы 1-3 сағатты құрайды. -Көзішілік қысымның жоғарылауы (жабық бұрышты глаукома) кезіндегі түрткі болатын тест Осы ауруды диагностикалау үшін қолдануға болады. Ол үшін көзішілік қысымды өлшейді және Белифрин препаратынан туындаған қарашықтың кеңеюіне дейін және одан кейін көздің алдыңғы камерасын тексереді. Көзішілік қысымның алдыңғы камераның тар бұрышымен (АКБ) біріктірілімде едәуір жоғарылауы жабық бұрышты глаукоманың бар екеніне күдіктенуге негіз береді. -Көруді түзету үшін қажетті линзалардың күшін анықтау (ретиноскопия) Дәрілік заттардың көмегімен көздің кірпік бұлшықетін босаңсытпай қарашықты кеңейту қажет болған жағдайларда қолданылады. Жоғарыда сипатталған емшаралардың кез келгенінде көздің айқын пигментациясы бар нұрлы қабығы Белифрин препаратының неғұрлым жоғары дозаларын қолдануды талап етеді. -Көздің шырышты қабығының қабынуын диагностикалау үшін 1-2 тамшы ерітінді қызарған көзге тамызылады. Егер 5 минуттан кейін көз алмасының тамырларының тарылуы байқалса, онда бұл оның терең құрылымдарының қабынуынан гөрі көздің шырышты қабығының беткейлік қабынуына тән. Балалар Қарашықтың талапқа сай кеңеюі үшін Белифрин препаратын осындай, бірақ жылдам әсер ететін препараттармен біріктіруге болады. Егде жастағы адамдар (65 жастан асқан) Пациенттердің осы тобы үшін дозаны өзгерту қажет емес. Әдетте қайта қолдану қажет емес. Енгізу әдісі мен жолы Белифрин көзге тамызатын дәрісін қолданар алдында артериялық қысымды өлшеу керек. Тамшыны астыңғы қабақты тартқан кезде түзілетін (қабақ пен көз алмасы арасындағы) қалтаға тамызады. Препараттың мұрынның шырышты қабығы арқылы сіңуіне жол бермеу және жергілікті әсерді күшейту үшін, әсіресе балалар мен қарт адамдарда, мұрын-көз жасы арнасын саусақпен 2-3 минут басу керек немесе тамызғаннан кейін көзді 3 минутқа жұму керек. Белифрин препаратын қолданар алдында қолыңызды жуыңыз. Кішкентай қалта жасау үшін басыңызды сәл артқа шалқайтып, қабағыңыздың астыңғы жағын төмен қарай тартыңыз. Тамшылатқыштың ұшын төмен қаратып көздің үстінен ұстаңыз. Жоғары қараңыз және пипеткадан алысырақ (бір жаққа) қараңыз, тамшыны қысып шығарыңыз, содан кейін көзді/көздеріңізді 2-3 минутқа жұмыңыз, басынызды шалқайтып, жыпылықтамаңыз немесе көзіңізді сығырайтпаңыз. Сұйықтық көз жасы арнасына ағып кетпес үшін саусағыңызбен көздің ішкі бұрышына 2-3 минут ақырын басыңыз. Дәрігер тағайындаған тамшылардың санын немесе дәрілік препараттың заттаңбасында көрсетілген тамшылардың санын ғана қолданыңыз. Егер 2-ден астам препарат қолданылса, онда тамызулар арасында 5 минуттық үзіліс жасау керек. Ауру көзге/көздерге тамшыны тамызар алдында, ерітіндінің ластануын алдын-алуы үшін тамшылатқыштың ұшын қабақ терісіне, көз айналасының терісіне немесе басқа да беткейлерге тигізбеу қажеттілігін ескеру қажет, себебі ластанған тамшылатқыш сіздің көзіңізге инфекция жұқтыруы мүмкін, бұл көру қабілетінің күрделі проблемаларына әкелуі мүмкін. Егер бір мезгілде көзге жергілікті қолдануға арналған басқа дәрілік препараттар тағайындалса, оларды кемінде 10 минут аралықпен қолдану қажет. Егер бір уақытта көз жақпамайы қолданылса, онда ол соңғы кезекте қолданылады. Егер сұйықтықтың түсі өзгерсе немесе онда бөлшектер болса, көзге тамызатын дәріні қолданбаңыз (жаңа препарат алу үшін фармацевтке қоңырау шалыңыз). Дәрілік препараттың бір немесе бірнеше дозасын жіберіп алған кезде қажетті шаралар Егер сіз Белифрин препаратының тамшыларының дозасын жіберіп алсаңыз, оны мүмкіндігінше тезірек қолданыңыз. Егер келесі дозаның уақыты келсе, өткізіп алған дозаны тамызбай-ақ, әдеттегі дозалау кестесіне оралыңыз. Өткізіп алған дозаның орнын толтыру үшін бір мезгілде 2 дозаны қолданбаңыз.

• фенилэфринге немесе қандай да бір қосымша затқа аса жоғары сезімталдық • жүрек аурулары (ауыр жүрек-қантамыр жеткіліксіздігі, жүрек ырғағы мен өткізгіштігінің бұзылуы, тұрақсыз стенокардия, жедел және жеделге жуық миокард инфарктісі және т. б.) • артериялық гипертензия • тахикардия • аневризма (қарыншаның аневризмасы, қолқа аневризмасы, ми тамырларының аневризмасы және т. б.) • тиреотоксикоз • ұзаққа созылған инсулинге тәуелді қант диабеті • моноаминоксидаза тежегіштерін, үшциклді антидепрессанттарды және гипотензиялық дәрілерді қабылдау (бета блокаторларды қоса алғанда) • жабық бұрышты глаукома (алдын ала иридэктомия жағдайларын қоспағанда) және мидриатикалық заттарды қолдану кезінде глаукоманың дамуына бейімділігі жоғары тар бұрышты глаукомасы бар пациенттер • мөлдір қабықтың эпителий бөгетінің бұзылуымен хирургиялық араласулар • 8 жасқа дейінгі балалар • көз жарақаттары немесе жақында жасалған көз операциялары • көз инфекциялары

Көру мүшесі тарапынан бұзылулар Шала туған нәрестелерде периорбитальді бозару жағдайлары туралы хабарламалар болды. Белгісіз - тамызған кезде көздің ауыруы мен ашытуы, тітіркену, көздің уақытша бұлыңғырлануы және басқа да көру қабілетінің бұзылулары, фотофобия, конъюнктиваның жоғары сезімталдығы, аллергиялық конъюнктивит, көздің гиперемиясы, реактивті гиперемия, транзиторлы нүктелі кератит, көзден жас ағу, мөлдір қабықтың ісінуі, көздің пигментті бұлдырауы, рикошетті конъюнктивалық вазоконстрикция, рикошетті миоз, периорбитальді бозару - аллергиялық блефароконъюнктивит жағдайлары туралы хабарламалар бар - реакция әдетте препаратты қолданғаннан кейін 3-4 сағаттан кейін басталады және шамамен 12 сағатқа созылуы мүмкін, жақсару біртіндеп 72 сағат ішінде басталады Жүрек-қантамыр жүйесі тарапынан бұзылулар Жүрек-қантамыр жүйесінің күрделі жағымсыз реакциялары, соның ішінде қарыншалық аритмия және миокард инфарктісі туралы хабарланды. Өлім туралы мәліметтер бар. Ұсынылған дозаларда 10% фенилэфрин ерітіндісін қолданғаннан кейін артериялық қысымның айтарлықтай жоғарылауы байқалды. Белгісіз - қарыншалық аритмия, артериялық гипертензия, естен тану, тахикардия - жүрек аритмиясы, пальпитация (жүректің соғуы), экстрасистолия, рефлекторлы брадикардия - коронарлық артериялардың түйілуі және миокард инфарктісі сияқты күрделі жүрек бұзылулары. Бұл жағымсыз реакциялар, кейде өлімге әкелуі мүмкін және әдетте жүрек-қантамыр жүйесі аурулары бар пациенттерде және егде жаста (мысалы, субарахноидальді қан құйылуында) байқалады. - идиопатиялық ортостаздық гипотониясы бар ересектерде артериялық қысымның күрт жоғарылауы туралы хабарламалар бар Тері және теріасты шелі тарапынан бұзылулар Белгісіз - терінің аллергиялық реакциясы, жанаспалы дерматит - терінің бозаруы, қатты терлеу Тыныс алу жүйесі, кеуде қуысы ағзалары және көкірек ортасы тарапынан бұзылулар Белгісіз - ентігу, өкпенің ісінуі Орталық және шеткері жүйке жүйесі тарапынан бұзылулар Белгісіз - бас айналу, айқын бас ауыруы, субарахноидальді қан құйылу, аневризмалар, тремор, бастағы жеңілдік сезімі, құлақтың шыңылдауы, мазасыздық, жақсүйекке немесе иыққа берілумен кеуденің қысып ауыруы Иммундық жүйе тарапынан бұзылулар Белгісіз - аса жоғары сезімталдық - аллергиялық реакцияның белгілері: есекжем, беттің, еріннің, тілдің немесе тамақтың ісінуі, тыныс алудың қиындауы. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Препаратты жергілікті қолданғанда артық дозалану ықтималдығы аз. Фенилэфриннің артық дозалануында ауыр уытты реакциялар тез көрініс береді және тез өтеді. Симптомдары: тахикардиямен және кейіннен рефлекторлық брадикардиямен артериялық гипертензия, өкпенің ісінуі және жүректің тоқтауы. Емі: фентоламин (2-5 мг в/і) сияқты жылдам әсер ететін альфа-адреноблокаторларды вена ішіне тез енгізу көрсетілген.

Белифрин препаратын бір мезгілде немесе антидепрессанттарды (моноаминоксидаза тежегіштері) қабылдағаннан кейін 21 күн ішінде қолданған кезде дозаларды мұқият бақылау және түзету қажет, өйткені жағымсыз жанама әсерлер дамуы мүмкін. Егер сіз моноаминоксидаза тежегіштерін 21 күн бойы қабылдаған болсаңыз, емдеуші дәрігерге хабарлауыңыз керек. МАО тежегіштері изокарбоксазид, линезолид, метиленді көк инъекциялары, фенелзин, разагилин, селегилин, транилципромин және басқаларын қамтиды. Пропранололды қолдану кезінде елеулі жанама әсерлер жиі байқалды. Атропинмен бір мезгілде қабылдау кейбір науқастарда, әсіресе 2 жасқа дейінгі балаларда жүрек соғуының жиілеуі тудыруы мүмкін. Комбиганмен бір мезгілде өте сақтықпен қолдану керек, өйткені фенилэфринді мысалы, офтальмологиялық тимололмен бірге қолдану артериялық қысымның жоғарылауына әкелуі мүмкін. Кейбір бета-блокаторлар фенилэфриннің әсерін күшейтуі мүмкін, бұл қан тамырларының тарылуына және артериялық қысымның жоғарылауына әкелуі мүмкін. Егер жалпы жай-күй өзгерсе, дәрігерге хабарласу керек. Екі препаратты да қауіпсіз пайдалану үшін сізге дозаны түзету немесе артериялық қысымды жиі бақылау қажет болуы мүмкін. Белифрин препаратын 3 күннен артық қолдану ұсынылмайды. Фенилэфрин гидрохлоридін ұзақ уақыт қолдану көздің қан тамырларына (веналар мен артерияларға) зақым келтіруі мүмкін. Кейбір жағымсыз әсерлер пайда болуы мүмкін, олар әдетте медициналық көмекті қажет етпейді. Бұл жағымсыз әсерлер емдеу кезінде жоғалып кетуі мүмкін, өйткені сіздің денеңіз дәрі-дәрмекке бейімделеді. Сонымен қатар, Сіздің емдеуші дәрігеріңіз сізге осы жағымсыз әсерлердің алдын-алу немесе азайту жолдары туралы айта алады. Егер Белифрин препаратын қолданған кезде сіздің жағдайыңыз өзгеріссіз қалса немесе нашарласа, емдеуші дәрігерге хабарлаңыз немесе медициналық көмекке жүгініңіз. Сіз қазіргі уақытта қабылдап жүрген немесе емдеу жалғастырылған немесе тоқтатылған барлық дәрілік препараттар туралы емдеуші дәрігеріңізге хабарлауыңыз керек. Арнайы ескертулер Белифрин көзге тамызатын дәрісін қолданар алдында артериялық қысымды өлшеу керек. Препарат көзге тек жергілікті қолдануға арналған. Ерітіндіні көздің шырышты қабығының астына немесе көздің алдыңғы камерасына енгізуге болмайды. Белифрин препаратын қолданар алдында ауырсынудың алдын алу үшін жергілікті анестетик қолданылуы мүмкін. Басқа жағдайлар Әдетте, қарашықты кеңейтетін кез келген препаратты, Белифрин препаратын қоса, көзішілік қысымы жоғары пациенттерге қолдануға болмайды, өйткені кейде ол оны арттыруы мүмкін. Алайда, қарашықтың қысқа мерзімді кеңеюі қабысуды кетіруге көмектеседі және бұл оң әсер қарашықтың бір уақытта кеңеюі қаупінен асып кетуі мүмкін. Препаратты қолданғаннан кейін 40-45 минуттан кейін, қарашықты кеңейтетін бұлшықетке күшті әсер ететіндіктен, егде жастағы адамдарда көздің алдыңғы бөлігіндегі микроскопиялық қан құйылуға ұқсас пигменттің уақытша бұлыңғырлануы дамуы мүмкін. Егде жастағы адамдарда жүрек-қантамыр ауруларында қан қысымын бақылау қажет. Артериялық гипертензиясы, жүрек аурулары, жүректің ишемиялық ауруы, бронх демікпесі немесе анамнезінде сульфиттерге аллергиялық реакциясы бар пациенттерге Белифрин препаратын қолданар алдында емдеуші дәрігермен немесе фармацевтпен кеңесу қажет. Препаратты ұзақ уақыт бойы диабетпен ауыратын, мидың атеросклерозы және ұзақ уақыт бұрын болған бронх демікпесі бар пациенттерде, сондай-ақ балалар мен егде жастағы адамдарда сақтықпен қолдану керек. Көзішілік қысымы жоғары пациенттерге ұстаманың кенеттен даму қаупін азайту үшін алдын ала тексеру жүргізу қажет. Препаратты егде жастағы адамдарда қолданғанда, кейбір жағдайларда қарашықтың рефлекторлық тарылуы байқалды, ал препаратты қосымша тамызу күтілгенге қарағанда қарашықтың азғана кеңеюіне әкелді. Егде жастағы адамдарда бұл әсер катаракта немесе торқабықтың ажырауы бойынша операция жасауды қиындатуы мүмкін. Көздің шырышты қабығының қабынуы Белифрин препаратының сіңуін арттырады. Ұсынылған дозадан асыру, операциядан кейін Белифрин препаратын қолдану, көз жарақатында, көз жасы сұйықтығы секрециясының төмендеуінде немесе наркоз кезінде оның сіңуін күшейтуі және тамырлардың түйілуіне байланысты жағымсыз әсерлердің дамуын туындатуы мүмкін. Көздің алдыңғы мөлдір қабығы (мөлдір қабық) зақымданған пациенттерде фенилэфриннің (10%) аса жоғары концентрациясын қолданғанда көз бұлдырауы мүмкін. Препарат құрамында қосымша зат - бензалконий хлориді бар, ол көздің тітіркенуін тудыруы мүмкін. Бензалконий хлориді жанаспалы линзаларды түссіздендіретіні белгілі. Препараттың жұмсақ жанаспалы линзалармен жанасуынан аулақ болу керек. Оларды препаратты қолданар алдында алып тастау және Белифрин препаратын тамызғаннан кейін кемінде 15 минуттан соң салу қажет. Егер сұйықтықтың түсі өзгерсе немесе оның құрамында бөлшектер болса, көз тамшыларын қолданбаңыз (жаңа дәрі алу үшін фармацевтке қоңырау шалыңыз). Белифрин препаратының құрамында натрий бисульфиті, сульфит бар, олар кейде өмірге қауіпті аллергиялық реакцияларды немесе кейбір сезімтал пациенттерде демікпенің ауыр ұстамаларын тудыруы мүмкін. Жиірек сульфиттерге демікпемен науқастар реакция береді. Педиатрияда қолдану Балаларда қауіпсіздігі мен тиімділігі анықталмаған. Жүрек аурулары бар балаларда препаратты аса сақтықпен қолдану қажет. Препаратты диабеті, мидың атеросклерозы және үлкен бронх демікпесі бар пациенттерде, сондай-ақ балалар мен егде жастағы адамдарда сақтықпен қолдану керек. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Белифрин тамшыларын тамызғаннан кейін, уақытша көрудің бұлдырауы немесе көрудің басқа да бұзылулары болуы мүмкін, олар көлік құралын басқару және қауіпті механизмдермен жұмыс істеу қабілетіне әсер етуі мүмкін. Көру қабілеті бұзылған кезде, рульге отырмас бұрын немесе техникамен жұмыс жасамас бұрын, көру айқындалғанша күту керек.

Фенилэфриннің жүктілік және бала емізу кезеңінде қауіпсіздігі анықталмаған, сондықтан жүктілік кезінде және лактация кезеңінде Белифрин препаратын дәрігердің нұсқауынсыз қолдану ұсынылмайды. Препараттың жүйелі сіңуін азайту үшін, көзге тамызатын дәріні қолданғаннан кейін, көздің ішкі бұрышындағы көз жасы арнасын 1 минут немесе одан да көбірек басыңыз, содан кейін артық ерітіндіні сіңіргіш матамен алып тастаңыз. Ішке қабылдаған кезде фенилэфриннің биожетімділігі шамамен 40% құрайды, сондықтан оның емшек сүтіне көп мөлшерде ену ықтималдығы аз. Алайда, ішке қабылдағанда және вена ішіне енгізгенде, фенилэфрин сүт өндірісін басуы мүмкін. Препараттың жүйелі сіңуін болдырмау бойынша сақтық шараларын сақтаған кезде, офтальмологиялық дәрілердің сүт өндіруге әсерінің ықтималдығы аз болады. Бала емізу кезінде фенилэфринді ішке қабылдау туралы мәліметтер болмағандықтан, жаңа туған нәрестені немесе шала туған нәрестені тамақтандыру кезінде балама препаратты қолданған жөн. Мұрын спрейлері немесе офтальмологиялық тамшылар түріндегі фенилэфрин емшек сүтінің өндірісін басуға әкелу ықтималдығы аз. Егер сіз балаңызды емізетін болсаңыз, дәрігеріңізге хабарласыңыз.

Қан қысымын төмендетуге арналған препараттар: қарсы әсер - қан қысымының жоғарылауы дамуы мүмкін, ол кейбір жағдайларда өлімге әкелуі мүмкін. Антидепрессанттар (МАО тежегіштері): фенилэфринмен көзге тамызатын дәріні қолданудан 3 апта бұрын антидепрессанттарды қабылдағанда немесе оларды бір мезгілде қолданғанда жағымсыз әсерлердің даму қаупі жоғары. Үшциклді антидепрессанттар: антидепрессанттарды қабылдайтын пациенттерде немесе оларды қолдануды тоқтатқаннан кейін жүрек ырғағының бұзылу қаупі жоғарылауы мүмкін. Пропранолол: жағымсыз әсерлер дамуы мүмкін. Галотан: жүрек қызметінің өте ауыр бұзылуларының даму қаупі артады, бұл наркоз кезінде пациент үшін қауіпті болуы мүмкін. Жүрек гликозидтері немесе хинидин: аритмияның даму қаупі жоғары. Атропин: кейбір пациенттерде, мысалы, балаларда жүрек соғуының жиілеуі дамуы мүмкін. Комбиган: фенилэфринмен бір мезгілде өте сақтықпен қолдану керек, өйткені офтальмологиялық фенилэфринді бета-блокаторлармен, мысалы, офтальмологиялық тимололмен бірге қолдану артериялық қысымның жоғарылауына әкелуі мүмкін. Кейбір бета-блокаторлар фенилэфриннің әсерін күшейтуі мүмкін, бұл қан тамырларының тарылуына және артериялық қысымның жоғарылауына әкелуі мүмкін. Егер жалпы жай-күй өзгерсе, дәрігерге хабарласу керек. Екі препаратты да қауіпсіз пайдалану үшін сізге дозаны түзету немесе артериялық қысымды жиі бақылау қажет болуы мүмкін. Жаңа ақпарат пайда болғанға дейін фенилэфринді бета-блокаторлармен, соның ішінде офтальмологиялық препараттармен біріктіріп қолданған кезде абай болу керек, өйткені олар жүйелі сіңірілуге ұшырап, төмен және анықталмайтын дозаларда да айқын жүйелік әсерлер тудыруы мүмкін. Фенилэфринді вена ішіне немесе көзге тамызатын тамшы ретінде тағайындау кезінде қан қысымын бақылау қажет. Кардиоселективті бета-блокаторлармен өзара әрекеттесу ықтималдығы төмен болғанына қарамастан, кардиоселективтілік абсолютті емес және жоғары дозаларда жоғалған кезде препараттың жоғары дозаларын қабылдау кезінде сақ болу керек. Фенилэфринді қабылдаудан туындаған аритмияны емдеуге арналған пропранолол бета-блокаторын қолдануға болады. ДП әсеріне әсер етуі мүмкін ДП-мен өзара әрекеттесу түрлері (алкогольмен, темекімен, тамақпен): басқа препараттар офтальмологиялық фенилэфринмен, соның ішінде рецепт арқылы және рецептісіз босатылатын дәрілермен, дәрумендермен және өсімдік тектес өнімдермен өзара әрекеттесуі мүмкін. Тағам өнімдерімен/алкогольмен өзара әрекеттесу анықталған жоқ. Алайда, бұл міндетті түрде өзара әрекеттесудің жоқтығын білдірмейді. Әрқашан өзіңіздің емдеуші дәрігеріңізбен кеңесіңіз.

Сақтау мерзімі 2 жыл Құтыны алғаш ашқаннан кейін сақтау мерзімі 25ºС-ден аспайтын температурада 28 күн. Жарамдылық мерзімі өткеннен кейін қолдануға болмайды. Сақтау шарттары Түпнұсқалық қаптамада 25ºС-ден аспайтын температурада сақтау керек. Мұздатып қатыруға болмайды! Балалардың қолы жетпейтін жерде сақтау керек!