Бензилбензоат Гриндекс мазь 200 мг/г

1 г жақпамай құрамында белсенді зат – 200 мг бензилбензоат, қосымша заттар: полисорбат-80, карбомер, натрий гидроксиді, метилпарагидроксибензоат, пропилпарагидроксибензоат, бронопол, тазартылған су. Сыртқы түрінің, иісінің, дәмінің сипаттамасы Өзіне тән иісі бар, ақ немесе ақ дерлік түсі жақпамай.

Қышыма.

Сыртқа қолдануға арналған паразитке қарсы препарат. Қышыма кенесіне (Acarus scabiei) және биттің барлық түріне (биттер 2-5 сағаттан кейін, кенелер - 7-32 мин кейін қырыла бастайды) қатысты уытты әсері көрсетеді. Препараттың белсенді заты – бензилбензоат - бензой қышқылының бензил эфирі болып табылады, қышыма кенесінің хитин жабындысы арқылы өтіп, олардың организмінде уыттылық концентрациясында жиналып қалады, сонысымен жүйке жүйесіне әсер ету арқылы ересек дарақтары мен балаңқұрттардың қырылуын туғызады. Препарат қышыма кенесінің жұмыртқасына әсер етпейді. Бензилбензоат әлсіз жансыздандыратын әсерге де ие.

Дозалау режимі Қышыманы емдеу кезінде жақпамайды тәулігіне 1 рет жуынғаннан кейін бет пен бастың шашты бөлігін қоспағанда, тері жабынына түнге қарай жағады. Жақпамай қолмен жағылады, қолды таңға дейін жумайды (қолды жуған жағдайда жақпамаймен қайта өңдеу керек). 4-ші күні жақпамайды қайталап жағады. 5-ші күні жуыну, іш киімді және төсек-орынды ауыстыру тағайындалады. Бір жағуға 30-40 г жақпамай, емдеу курсына – 60-80 г жақпамай кетеді. Енгізу әдісі мен жолы Сыртқа қолдануға арналған. Дәрілік препаратты қолдану тәсілін түсіндіру үшін медицина қызметкеріне кеңес алу үшін жүгіну бойынша ұсынымдар Дәрілік препаратты қолдану бойынша сұрақтар болған кезде емдеуші дәрігермен немесе фармацевтика қызметкерімен кеңесіңіз.

-әсер етуші затқа немесе қандай да бір қосымша затқа аса жоғары сезімталдық - жүктілік, лактация кезеңі - 18 жасқа дейінгі жасөспірімдер және балалар

Белгісіз (қолда бар деректер негізінде бағалау мүмкін емес) - аллергиялық реакциялар (терінің тітіркенуі, күйдіру сезімі) - жанаспалы дерматит Жақпамайды теріге жаққанда бірнеше минуттан кейін басылатын шымылдату сезімін тудыруы мүмкін. Егер оның беткейі зақымданған болса немесе жақпамай гениталий аймағына тиіп кетсе, тері сезімталдығы күшейе түседі. Егер шымылдату сезімі басылмаса, терідегі жақпамайды сүртіп тастау керек. Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әрекеттер) бойынша тікелей ақпараттық дерекқорға жүгіну Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: жақпамайды кездейсоқ жұтып немесе оны өте көп мөлшерде жағып қойған кезде орталық жүйке жүйесінің стимуляциясы (құрысулар) және несеп шығару кідірісі болуы мүмкін. Емі – симптоматикалық. Теріні жақпамайдан тазарту керек, оны жұтып қойған жағдайда белсендірілген көмірді пайдалана отырып, асқазанды шаю қажет. Қажет болған жағдайда құрысуға қарсы дәрілер қолданылады.

Емді бастамас бұрын науқасқа терінің беткейінен кенелерді механикалық алып тастау үшін, сондай-ақ эпидермистің беткі қабатын жұмсарту үшін (препараттың енуін жеңілдету үшін) ыстық душ қабылдаған дұрыс. Әр мәжбүрлі қол жуудан кейін қайта өңдеу қажет. Бір ошақта анықталған науқастарды, сондай-ақ қайта жұқтыруды болдырмау үшін байланыста болған адамдарды емдеу бір мезгілде жүргізілуі тиіс. Емдеуден кейін қышынудың сақталуы арнайы емнің қосымша курсын тағайындау үшін көрсетілім болып табылмайды. Қышыну бұл қырылған кене мен ағзаның тіршілік әрекеті өнімдеріне дененің реакциясы болып табылады және антигистамин препараттары мен глюкокортикостероидтары бар жақпамайды тағайындау кезінде жоғалады. Емнен кейін 2 апта бойы дәрігерлік бақылау қажет, ал асқынулар бар болса және ұзақ уақыт. Зақымданған терімен түйіскен барлық заттар мұқият өңдеуге ұшырауы тиіс. Төсек-орын жабдығы, іш киім, сүлгілер жуатын ұнтақ ерітіндісінде 5-10 минут бойы қайнатылады. Сырт киімді екі жағынан ыстық үтікпен үтіктейді. Термиялық өңдеуге жатпайтын заттарды ашық ауаға 3 күнге іліп қояды. Аяқ киім, ойыншықтар және өзге де заттар 5 күн бойы пайдаланудан шығарылады және целлофан пакетке салынады. Матрастар, жастықтар, көрпелер де 5 күнге пайдаланудан шығарылады немесе камералық дезинфекцияға ұшырайды. Жұмсақ жиһазды дезинсекциялауға арналған препараттармен өңдеуге болады. Пәтерде тазалау, жуу құралдарымен немесе дезинфекциялық заттарды қоса отырып едендерді жуу қажет. Жақпамайдың көзге, мұрынға, ауыз қуысына түсуіне жол бермеу керек. Препарат түскен кезде: - ауыз қуысына: ауыз қуысын мол сумен немесе натрий гидрокарбонатының 2% жылы ерітіндісімен (ас содасы) шайыңыз; - асқазанға: асқазанды натрий гидрокарбонатының 1-2% ерітіндісімен, күйдірілген магнезия және белсендірілген көмірдің су қоспасымен жуады(бір стакан суға 1-2 ас қасық); - мұрынға: жеткілікті сумен шайыңыз; - көзге: сумен немесе натрий гидрокарбонатының ерітіндісімен жақсылап шайыңыз. Арнайы ескертулер Жақпамай құрамында бронопол, метилпарагидроксибензоат және пропилпарагидроксибензоат бар. Бронопол терінің жергілікті реакциясын тудыруы мүмкін (мысалы, жанаспалы дерматит). Метилпарагидроксибензоат және пропилпарагидроксибензоат аллергиялық реакциялар (сонымен қатар баяулаған типті) тудыруы мүмкін. Дәрілік препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Препарат көлік құралын немесе қауіптілігі зор механизмдерді басқару қабілетіне әсер етпейді.

Жүктілік және бала емізу кезінде жақпамайды қолдануға болмайды.

Басқа препараттармен фармакологиялық өзара әрекеттесуі анықталған жоқ, алайда барлық паразитке қарсы дәрілер сияқты бензилбензоатты басқа сыртқа қолдануға арналған дәрілермен бір мезгілде қолдану ұсынылмайды.

Сақтау мерзімі 2,5 жыл Жарамдылық мерзімі өткеннен кейін қолдануға болмайды! Сақтау шарттары 25 С-ден аспайтын температурада сақтау керек. Мұздатып қатыруға болмайды! Балалардың қолы жетпейтін жерде сақтау керек!