Беродуал® раствор

100 мл ерітіндінің құрамында белсенді заттар: ипратропий бромиді моногидраты 26,1 мг (сусыз ипратропий бромидіне баламалы 25.0 мг), фенотерол гидробромиді 50,0 мг, қосымша заттар: бензалконий хлориді, динатрий эдетаты дигидраты, натрий хлориді, концентрацияланған хлорсутек қышқылы, тазартылған су. Сыртқы түрінің, иісінің, дәмінің сипаттамасы Иісі мүлде сезілмейтін, көрінетін механикалық қосылыстары жоқ, мөлдір түссіз немесе түссіз дерлік сұйықтық.

Тыныс жолдарының созылмалы обструкциялық ауруларында тыныстың тарылуын емдеу және профилактикасы үшін: • аллергиялық және аллергиялық емес (эндогендік) бронх демікпесі, дене жүктемесінен болатын бронх демікпесі, эмфиземамен және онсыз созылмалы обструкциялық бронхит Ескертпе: Ұзаққа созылатын дәрі-дәрмекпен ем қажет болса, ол үнемі қабынуға қарсы еммен қатар жүргізілуі тиіс.

Әсер ету механизмі Беродуал H құрамында бронх кеңейтетін әсері бар екі белсенді ингредиент бар: антихолинергиялық әсер ететін ипратропий бромиді және бета-адренергиялық агент болып табылатын фенотерол гидробромиді. Ипратропий бромиді – бұл антихолинергиялық (парасимпатолитикалық) қасиеттері бар аммонийдің төрттік қосылысы. Клиникаға дейінгі зерттеулер көрсеткендей, ол кезбе жүйкеден босап шығатын нейромедиатор - ацетилхолин әсеріне қарсы әрекет ете отырып, кезбе жүйке арқылы рефлекстерді бәсеңдетеді. Антихолинергетиктер бронхтардың тегіс бұлшықеттерінде ацетилхолиннің мускариндік рецепторлармен өзара әрекеттесуінен туындайтын кальцийдің жасушаішілік концентрациясының ұлғаюын бөгейді. Кальций босап шығуы IP3 (инозитол трифосфаты) және ДAГ (диацилглицерин) екеуінен құралатын екіншілік жүйесі арқылы бақыланады. Ипратропий бромидін ішке тартудан кейінгі бронходилатация жүйелі құбылыс емес, көбінесе оқшау, жергілікті әсері болып табылады. Фенотерол гидробромиді – бұл дозалардың емдік диапазонында бета2-рецепторларды селективті көтермелейтін тікелей әсер ететін симпатомиметик. Бета1-адренорецепторлардың көтермеленуі тек жоғары дозаларда жүзеге асады. Бета2-рецепторлармен байланысуы ынталандырушы Gs-ақуызының қатысуымен аденилатциклаза жүйесін белсендіреді. Циклдық АМФ концентрациясының жоғарылауы А протеинкиназаны белсендіреді, одан кейін тегіс бұлшықет жасушаларында нысана-ақуыздарды фосфорлайды. Бұл, өз кезегінде, миозиннің жеңіл тізбектері киназасының фосфорлануына, фосфоинозитидтер гидролизінің тежелісіне және спецификалық кальциймен белсендірілген калий өзекшелерінің ашылуына әкеледі. Фенотерол гидробромиді бронхтар мен тамырлардың тегіс бұлшықеттерін босаңсытады, сондай-ақ гистамин, метахолин, суық ауа және аллергендер сияқты бронх тарылтатын факторлардан қорғануды қамтамасыз етеді (ерте жауап). Препарат енгізуден кейін бронх тарылтатын және қабынуға қарсы медиаторлардың жуан жасушалардан босап шығуын бәсеңдетеді. Бұдан бөлек, фенотерол (0,6 мг) енгізуден кейін мукоцилиарлы клиренстің күшеюі анықталды. Пероральді енгізілуі кезінде жиірек, ал вена ішіне енгізілгенде одан да жиі жету мүмкіндігі бар препараттың қан плазмасындағы жоғары концентрацияларында жатыр жиырылуының бәсеңдеуі болады. Бұдан бөлек, препараттың жоғары дозаларында метаболизмдік әсерлері байқалады: липолиз, гликогенолиз, гипергликемия және гипокалиемия; гипокалиемия көбінесе қаңқа бұлшықеттерінде калий катиондарының (К+) жоғары сіңірілу себебінен болады. Жүрекке бета-адренергиялық әсері, атап айтқанда, жүрек жиырылуы жиілігінің артуы және жүрек бұлшықетінің жиі жиырылуы фенотеролдың тамырларға әсерінің, жүректе бета2-рецепторлар көтермеленуінің, сондай-ақ препаратты бета1-рецепторлардың емдік көтермеленуінен асып кететін дозаларда қабылдаудың салдары болып табылады. Басқа бета-адренергетиктермен ем кезіндегі сияқты QT аралығының ұзаруы болды. Дозалау ингаляторлары қолданылатын фенотеролмен емделу кезінде осындай құбылыстар жекелеген жағдайларда ғана ұсынылуынан асып кететін дозаларда байқалды. Алайда, препарат небулайзер көмегімен (ингаляцияға арналған ерітінді) енгізілгенде оның жүйелі әсері дозалау ингаляторлары үшін ұсынылатын дозаларын пайдалану кезіндегіден күштірек болуы мүмкін. Осы әсерінің клиникалық мәнділігі анықталмады. Бета-агонистермен ем кезінде жиірек тремор байқалады. Бронхтардың тегіс бұлшықеттеріне әсерінен айырмашылығы, бета-агонистердің қаңқа бұлшықеттеріне жүйелі әсеріне төзімділік дамуы мүмкін. Препараттың екі әсер етуші затын бір мезгілде қолданғанда бронх кеңейтетін әсеріне әртүрлі фармакологиялық нысандарға әсер ету есебімен жетуге болады. Осылайша, екі белсенді зат бірін бірі толықтырып, бронх бұлшықеттерінің түйілу әсерін көрсетеді, әрі тыныс жолдарының тарылуымен қатар жүретін бронх-өкпе патологияларын емдеуде препараттың кеңінен қолданылу мүмкіндігін қамтамасыз етеді. Өзара толықтыру әсері қажетті әсерге қол жеткізу үшін бета-адренергиялық компоненттің аз мөлшері талап етілетін сипатта болады, бұл препаратты әркімге жеке дозалауды таңдауға мүмкіндік береді және қолайсыз реакциялар жиілігін жоққа тән азайтуға мүмкіндік береді.

Дозалау режимі Бұл препаратты әрдайым дәрігердің тағайындауы бойынша пайдаланыңыз. Егер сенімді болмасаңыз, дәрігеріңізбен немесе фармацевтпен кеңесіңіз. Тек небулайзерді пайдалану арқылы ингаляциялау үшін Емдеу дәрігердің бақылауымен басталуы және жүргізілуі керек, мысалы, стационар жағдайында. Тәжірибелі дәрігермен кеңескеннен кейін пациенттерге Беродуал® Н, ингаляцияға арналған аэрозоль сияқты бронхты кеңейтетін тез әсер ететін препараттардың төмен дозалары тыныс алуды жеңілдетпеген кезде үйде емдеу ұсынылуы мүмкін. Сондай-ақ, ингаляцияға арналған ерітінді басқа себептермен (мысалы, ингаляцияға арналған аэрозольді пайдалану мүмкін болмаған кезде) небулайзермен емдеуді қажет ететін пациенттерге немесе қажет болған жағдайда жоғары дозаларды қолдануға ұсынылуы мүмкін. Небулайзерге арналған ерітіндімен емдеу әрқашан ұсынылатын ең аз дозадан басталуы керек. Дозаны жекелей таңдау және жедел ұстаманың ауырлығына қарай реттеп отыру керек. Симптомдар жеткілікті түрде төмендегенде препарат енгізуді тоқтату керек. Ерітінді мен ингаляциялық тұман көзге түспейтініне көз жеткізу керек. Бүріккен ерітіндіні мүштек арқылы дем алыңыз. Егер мүштек қолжетімсіз болса және оның орнына бүріккіш маска пайдаланылса, онда масканың тиісті өлшемде болуы өте маңызды. Глаукома ұстамаларына бейім пациенттерге көзді қорғауға ерекше назар аудару керектігі туралы ескерту керек. Беродуал® препаратын қолдану жөніндегі нұсқаулық Небулайзерге арналған ерітінді бүркуге арналған тиісті құрылғыны пайдалану кезіндегі ингаляцияға арналған; ерітіндіні ішке қабылдауға тыйым салынады. Беродуал® препаратының ұсынылған дозасын қолдану үшін ингаляцияға арналған ерітіндіні физиологиялық ерітіндімен (0,9%) 3–4 мл көлемге дейін сұйылту қажет. Сұйылтылған және қолдануға дайын ерітіндімен ингаляцияны симптомдардың жеткілікті жеңілдеуіне қол жеткенге дейін жүргізу керек. Әрбір қолдану алдында жаңа сұйылтылған және (қолдануға дайын) ерітінді дайындау қажет. Сұйылтылған (қолдануға дайын) ерітіндіні дайындағаннан кейін бірден деммен жұту керек. Мүмкіндігінше отырған немесе тұрған кезде дем алыңыз. Ингаляциялық құрылғыны пайдалану жөніндегі нұсқаулықты орындау қажет. Небулайзердегі ерітіндінің қалдықтарын утилизациялаңыз. Ингаляция ұзақтығын сұйылту көлемінің көмегімен бақылауға болады. Ингаляцияға арналған ерітіндіні коммерциялық тұрғыдан қолжетімді әр түрлі небулайзерлер пайдалану арқылы қолдануға болады. Препараттың өкпеге әсері және оның жүйелі әсері пайдаланылатын небулайзерге байланысты және құрылғының тиімділігіне қарай дозаланған аэрозольді пайдалануға қарағанда күштірек болуы мүмкін. Ересектер мен 12 жастан асқан балаларға қолдану үшін келесі ұсыныстар қолданылады: Бронх демікпесінің ұстамаларын шұғыл емдеу үшін жедел ұстаманың ауырлығына байланысты дозалар 1 мл-ден (1 мл = 20 тамшы) 2,5 мл-ге дейін (2,5 мл = 50 тамшы) физиологиялық ерітіндімен 3-4 мл көлемге дейін препарат сұйылтылады. Ерекше, аса ауыр жағдайларда 3-4 мл көлемге дейін физиологиялық ерітіндімен сұйылтыа Беродуал® препаратының 4 мл-ге дейін (4 мл = 80 тамшы) дозаларын қолдану мүмкінділігі бар. Дене жүктемесінен болатын немесе аллергенмен болжамды жанасудан кейінгі бронх демікпесінің арнайы мақсаттағы профилактикасы үшін 0,1 мл-ден (0,1 мл = 2 тамшы) 0,2 мл-ге дейін (0,2 мл = 4 тамшы) физиологиялық 2 - 3 мл ерітіндіде сұйылтылған Беродуал® препаратымен жасау керек. Мүмкіндігінше, мұны көрсетілген оқиғаға дейін 10–15 минут бұрын жасау қажет. 6 жастан 12 жасқа дейінгі балалар үшін келесі ұсыныстар қолданылады: Бронх демікпесінің ұстамаларын шұғыл емдеу үшін жедел ұстаманың ауырлығына байланысты дозалар 0,5 мл-ден (0,5 мл = 10 тамшы) 2 мл-ге дейін (2 мл = 40 тамшы) физиологиялық ерітіндімен 3-4 мл көлемге дейін препарат сұйылтылады. Дене жүктемесінен болатын немесе аллергенмен болжамды жанасудан кейінгі бронх демікпесінің арнайы мақсаттағы профилактикасы үшін 0,1 мл-ден (0,1 мл = 2 тамшы) 0,2 мл-ге дейін (0,2 мл = 4 тамшы) физиологиялық 2 - 3 мл ерітіндіде сұйылтылған Беродуал® препаратымен жасау керек. Мүмкіндігінше, мұны көрсетілген жағдайларға дейін 10–15 минут бұрын жасау қажет. 6 жасқа дейінгі балалар Бұл жас тобында ақпараттар шектеулі болғандықтан, мынадай дозаларды пайдалану ұсынылады, тек дәрігердің бақылауымен: 0,1 мл (0,1 мл = 2 тамшы) кг дене салмағына, бірақ 0,5 мл-ден аспайтын (0,5 мл = 10 тамшы) 3–4 мл көлемге дейінгі физиологиялық ерітіндімен сұйылтылады. Жеке дайындалған ерітінділер дереу қолдануға арналған. Егер Беродуа® әсері тым әлсіз немесе тым күшті деген күдік болса, медицина қызметкерінің кеңесі қажет. Артық дозалану жағдайында қабылдау қажет болатын шаралар Артық дозалану дәрежесіне байланысты, бета2-адреномиметиктерге (Беродуал® препаратының құрамында болатын) тән келесі жағымсыз реакциялар болуы мүмкін: бетке қан тебуін сезіну, жабырқау, бас ауыру, тахикардия, жүрек соғуын сезіну, аритмия, шокқа дейін апаратын артериялық гипотензия, артериялық қысымның көтерілуі, мазасыздық, кеуде қуысының ауыруы, қозу; экстрасистолалар (жүректің жүйесіз екпінмен соғуы) және күшті тремор, әсіресе, саусақтардың және бүкіл дененің дірілі болуы мүмкін. Қандағы қант деңгейінің жоғарылауы байқалады. Беродуал® көп мөлшерде дұрыс жұтпаған кезде, жүрек айнуы мен құсуды қоса, асқазан-ішек бұзылыстары пайда болуы мүмкін. Беродуал® үшін ұсынылған дозасынан асып кететін дозалануында, Беродуал® препаратының екі белсенді затының бірі - фенотерол қолданылғанда қандағы қышқылдықтың жоғарылауын (метаболизмдік ацидоз) және қандағы калий деңгейінің төмендеуін байқауға болады. Ипратропий бромидінің артық дозалану симптомдары (ауыз құрғауы, көрудің бұзылуы сияқты), әдетте, ингаляциялық ипратропий жүйелі биожетімділігінің төмендігімен байланысты әлсіз білінеді. Көзделген дозадан асырып алған жағдайда дереу дәрігерге қаралу керек. Дәрілік препараттың бір немесе бірнеше дозасын өткізіп алу кезіндегі қажетті шаралар Егер Беродуал® препаратын қашан пайдаланғаныңызды ұмытып қалсаңыз: Егер алдында қалай қолданғаныңызды ұмытып қалсаңыз, екі есе дозасын ішке тартпаңыз. Келесі дозаны көрсетілген уақытта ішке тартыңыз. Дозаны тұрақты төмендеткенде ентігудің күшею қауіптілігі бар. Тоқтату симптомдары қаупінің болуына көрсетілім Егер Беродуал® препаратын қолдануды үзіп алсаңыз: Беродуал® препаратымен емдеуді уақытша немесе мерзімінен бұрын тоқтатқанда ауру нашарлап кетуі мүмкін. Сондықтан Беродуал® препаратымен емдеуді өз бетіңізше тоқтатпас бұрын ол жөнінде медицина қызметкерінен кеңес алыңыз. Препаратты қолдану жөнінде қосымша сұрақтар бойынша, емдеуші дәрігерге немесе фармацевтке хабарласыңыз. Дәрілік препаратты қолдану тәсілін түсіндіру үшін медициналық қызметкер кеңесіне жүгіну жөніндегі нұсқаулар Дәрігер Беродуал® препаратын қалай дұрыс қолдану жөнінде нұсқау беруі тиіс. Препараттың көзге түсіп кетпеуін қадағалау керек. Беродуал® препаратының әсері тым әлсіз немесе тым қатты сияқты болып сезілсе, емдеуші дәрігерге жүгіну керек. ДП стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар Барлық дәрілік препараттар сияқты, осы препараттың пациенттердің бәрінде бірдей байқалмайтын жағымсыз реакциялар болуы мүмкін. Жиі (1-ден 10 пациентке дейін): - жөтел Жиі емес (0,1-ден 100 пациентке дейін): - жоғары қозғыштық - бас ауыру, тремор, бас айналу - тахикардия, жүректің жиі соғуы - фарингит, дисфония - құсу, жүрек айну, ауыз құрғауы - қан қысымының көтерілуі (систолалық). Сирек (1-ден 1000 пациентке дейін): - анафилаксиялық реакциялар, аса жоғары сезімталдық - гипокалиемия - мазасыздық, психикалық бұзылыстар - глаукома, көзішілік қысымның көтерілуі, көру аккомодациясының бұзылуы, қарашықтың кеңеюі, анық көрмеу, көздің ауыруы, мөлдір қабықтың (көздің) ісінуі, көздің қызаруы, жарық көздерінің маңында көру өрісінде сәулелі жиектердің пайда болуы - аритмия, жүрекшелер фибрилляциясы, тахикардия (қарыншаүстілік тахикардия), миокард ишемиясы - бронх түйілуі, тамақ пен көмейдің тітіркенуі, ауыз қуысы мен жұтқыншақтың ісінуі, көмейдің түйілуі, ингаляциядан болатын парадокстық бронх түйілуі, тамақтың құрғауы - стоматит, глоссит, асқазан-ішек жолдарының моторикасының бұзылуы диарея, іш қату, ауыз қуысының ісінуі, қыжыл - есекжем, тері бөртпесі, қышыну, Квинке ісінуі, петехия, гипергидроз - бұлшықет әлсіздігі, бұлшықет түйілуі, бұлшықет ауыруы - несептің кідірісі - қан қысымының төмендеуі (диастолалық), тромбоцитопения Өте сирек (1-ден 10 000 пациентке дейін): - қандағы қант деңгейінің жоғарылауы. Белгісіз (қолда бар деректер бойынша жиілігін бағалау мүмкін емес): - аса жоғары белсенділік. Кез келген басқа ингаляцияға қолданылатын дәрілік заттар сияқты, аэрозоль жұтқыншақ аумағында жергілікті тітіркену симптомдарын туындауы мүмкін. Анамнезінде муковисцидоз бар пациенттерде ингаляциялық антихолинергиялық дәрілермен (Беродуал® препаратының құрамында болатын) ем кезінде асқазан-ішек жолы моторикасының бұзылулары болуы мүмкін. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

• фенотерол гидробромидіне және ипратропий бромидіне, атропин тәрізді заттарға немесе қосымша заттардың кез келгеніне аса жоғары сезімталдық • гипертрофиялық обструкциялық кардиомиопатия және тахиаритмия

Нұсқаулықта көрсетілмеген.

Нұсқаулықта көрсетілмеген.

Назар аударыңыз! Егер сізде жылдам күшейетін жедел тұншығу ұстамасы болса, дереу дәрігерге қаралу керек. Өкпе арқылы қабылданатын басқа да препараттар сияқты, Беродуал® өмірге қауіп төндіруі мүмкін парадокстық деп аталатын бронх түйілуін (бронх бұлшықеттерінің түйілуін) туындатуы мүмкін. Парадокстық бронх түйілуі пайда болса, Беродуал® препаратын қолдануды дереу тоқтатыңыз және дәрігерге қаралыңыз. Егер сіз келесі аурулардан зардап шегіп жүрсеңіз, әсіресе, ұсынылуынан жоғары дозаларынан асып кеткен жағдайда Беродуал® препаратын қолдану кезінде ерекше сақтануға кеңес беріледі: • бақылануы жеткіліксіз диабет (қант диабеті) • таяуда өткерген миокард инфарктісі • жүрек бұлшықетінің қабынуы (миокардит) • жүрек немесе қан тамырларының ауыр ағымды органикалық аурулары (атап айтқанда, жүректің жиі соғуы болғанда) • қалқанша без гиперфункциясы (гипертиреоз) • бүйрек үсті бездерінің ми заты ісігі (феохромоцитома) Жүректің күрделі ауруларында (мысалы, жүректің ишемиялық ауруынан, аритмиялар немесе ауыр жүрек жеткіліксіздігінен) және кеуденің ауырсынуы, ентігу немесе жүрек ауруының нашарлауын көрсететін басқа симптомдар кезінде, Беродуал® препаратын қолдану кезінде айрықша сақтану қажет болады. Бұл жағдайларда дәрігерге қаралу керек. Егерде келесі байқалса, Беродуалды® сақтықпен қолдану керек: • глаукоманың алуан түрінің белгілі біреуіне бейімділік (жабық бұрышты глаукома) • несеп шығару жолдарының тарылуы (мысалы, қуық асты безінің ұлғаюы (қуық асты безінің гиперплазиясы) немесе қуық мойнағының тарылуы) • бүйрек дисфункциясы (бүйрек жеткіліксіздігі) • бауыр дисфункциясы (бауыр жеткіліксіздігі) Ингаляциялық ипратропий бромиді немесе бета2-адреномиметикпен біріккен ипратропий бромиді көзге түсіп кеткенде көру мүшесі тарапынан дамыған асқынулар (мысалы, көздің қарашығының кеңеюі, көзішілік қысымның көтерілуі, глаукоманың ерекше түрі (жабық бұрышты глаукома) және көздің ауыруы) туралы жекелеген хабарламалар белгілі. Назар аударыңыз! Дәрігер Беродуал® препаратын қалай дұрыс қолдану керектігі жөнінде нұсқау беруі тиіс. Препараттың көзге түсіп кетпеуін қадағалау керек. Жабық бұрышты глаукоманың белгілері: • көздің ауыруы немесе жайсыздануы • көрудің бұлыңғырлануы • жарық көздерінің маңында сәулелі жиектердің пайда болуы • түс ажырату қабілетінің бұрмалануы • конъюнктива тамырларынаның инъекциясы және мөлдір қабық ісінуінің салдарынан көздің қызаруы Осы симптомдардың кез келгені білінгенде көзге тамызатын дәрілермен (миотикалық) емдеуді бастау үшін офтальмологтың дереу кеңесі керек. Анамнезінде муковисцидозы бар пациенттерде асқазан мен ішек аймағында транзиттің бұзылуы (асқазан-ішек жолдарының моторикасының бұзылуы) ингаляциялық антихолинергиялық дәрілермен (мысалы, Беродуал® препаратының құрамында кездесетін сияқты) емдеу кезінде жиі пайда болуы мүмкін Беродуал® препаратын ұзақ уақыт қолдануға қатысты ұсынымдар • Бронх демікпесі бар пациенттерде Беродуал® тек қажеттілігіне қарай қолданылуы тиіс. • Өкпенің созылмалы обструкциялық ауруының (ӨСОА) жеңіл түрі бар пациенттерде «талап бойынша» симптоматикалық емдеу, препаратты жүйелі қолдануға қарағанда, ұтымды болуы мүмкін. • Бронх демікпесі немесе қабынуға қарсы (кортикостероидты ем) емге жауап беретін ӨСОА кезінде, тыныс жолдарының қабыну үдерісін және аурудың ағымын бақылау үшін қабынуға қарсы ем жүргізу немесе оны күшейту қажеттілігі туралы есте сақтау керек. Бронх демікпесі бар пациенттерде Беродуал® сияқты құрамында бета2- адреномиметиктер бар препараттардың үдемелі дозаларын бронх обструкциясын басу үшін ұдайы пайдалану ауру ағымының нашарлау белгісі болып табылады. Бронх обструкциясы күшейген жағдайда көбіне ұзақ уақыт бойы емдеуде ұсынылатын бета2-адреномиметиктер (оның ішінде, Беродуал® препараты құрамында болатын) дозасын арттыру өзін-өзі ақтамауынан бөлек, қауіпті де болуы мүмкін. Осы жағдайда емдеуші дәрігер пациентті емдеу жоспарын, әсіресе, ауру ағымының өмірге қауіпті болуы мүмкін нашарлауын болдырмас үшін ингаляциялық кортикостероидтармен талапқа сай қабынуға қарсы ем қажеттілігін қайта қарауы тиіс. Талапқа сай қабынуға қарсы ем жүргізілмейтін, ұзақ уақыт кезеңі бойына ингаляциялық бета2-симпатомитетиктердің жоғары және өте жоғары дозаларын қолдану кезінде негізгі аурудың күрделі асқынулары қаупінің артуы, оның ішінде өліммен аяқталуы туралы қайталанған хабарламалар бар. Себеп-салдарлық байланыс нақты анықталмаған. Қабынуға қарсы емнің жеткіліксіз болуы өмірлік маңызды мән иеленуі мүмкін. Бета2-адреномиметиктермен басқа бронходилататорларды Беродуал® препаратымен бір мезгілде тек медициналық бақылаумен тағайындау керек. Бета2-агонистердің (оның ішінде, Беродуал® препаратының құрамында болатын) жоғары дозаларын қолданғанда қанда калий деңгейі қатты төмендеп кетуі (гипокалиемия) мүмкін. Бастапқы деңгейі төмен болса, қандағы калий концентрациясына мониторинг өткізу ұсынылады. Қанда глюкоза деңгейі жоғарылауы мүмкін, осыған байланысты, қант диабеті бар пациенттерде қандағы глюкоза деңгейін бақылап отыру ұсынылады. Беродуал® препаратын қолданудан кейін сирек жағдайларда шұғыл типті аса жоғары сезімталдық реакциялары: есекжем, Квинке ісінуі, бөртпелердің, терінің және шырышты қабықтардың ісінуі, ауыз-жұтқыншақ ісінуі, бөртпе және бронх түйілуі, сондай-ақ басқа аллергиялық реакциялар дамуы мүмкін. Спортшыларға арналған ескертпе: Беродуал® препаратын қолдану допинг-тестке оң нәтижелерге әкелуі мүмкін. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Көлік құралын және механизмдерді басқару қабілетіне әсері зерттелмеді. Алайда, бас айналу, тремор, әртүрлі қашықтыққа бағытталған көру қабілетінің бұзылуы (аккомодация бұзылуы), көздің қарашығының кеңеюі және анық көрмеу сияқты жағымсыз реакциялар байқалуы мүмкін. Сондықтан осындай реакциялар білінгенде автокөлікті немесе механизмдерді басқару сияқты аса қауіпті қызмет түрлерімен шұғылданбау керек. Беродуал® құрамында бензалконий хлориді бар. Бұл препараттың құрамында бензалконий хлориді консерванты бар (0,1 мг/мл, ингаляцияға 0,01 мг сәйкес келеді). Бензалконий хлориді, әсіресе демікпеден зардап шегетін болсаңыз ысқырып тыныс алуды және тыныс алудың қиындауын (бронх түйілуі - тыныс алу жолдарының түйілуден тарылуы) туындатуы мүмкін. Қолдану жөніндегі нұсқау

Егер сіз жүкті болсаңыз немесе бала емізіп жүрсеңіз, егер сіз жүкті екеніңізді болжасаңыз немесе жүктілікті жоспарлап жүрсеңіз, осы препаратты қолданудың басталуына дейін кеңес алу үшін дәрігерге немесе фармацевтке хабарласыңыз. Адамда қолданудың жинақталған тәжірибесімен біріккен клиникаға дейінгі зерттеулерде жүктілік кезіндегі фенотерол немесе ипратропий жағымсыз әсерін айғақтайтын нәтижелер көріністелмеді. Дегенмен де, жүктілік кезінде дәрілік препараттарды қабылдау кезінде алдын ала сақтану шараларын қабылдау керек. Фенотеролдың жатырдың жиырылу қабілетін бәсеңдететін әсер көрсету қабілетін назарға алу қажет. Жүктіліктің соңында немесе жоғары дозаларда бета2-адренорецепторлар агонистерін (мысалы, Беродуал® препаратының құрамында болатын фенотерол) қолдану жаңа туған нәрестелерде қолайсыз зардаптар (тремор, тахикардия, қандағы глюкоза деңгейінің ауытқуы, гипокалиемия) тудыруы мүмкін. Емшек емізу Клиникаға дейінгі зерттеулер фенотеролдың емшек сүтімен бөліну қабілетін көрсетті. Емшек сүтімен ипратропий бромидінің шығарылуын растайтын деректер алынған жоқ, алайда, емшек сүтінде нәрестеге әсер етуге қабілетті концентрацияда ипратропийдің пайда болу ықтималдығы аз, әсіресе ингаляциялық қолданғанда. Емшек емізу кезеңінде әйелдерге Беродуал® препаратын қолданғанда сақ болу керек. Ипратропий бромиді мен фенотерол гидробромиді немесе жеке компоненттері біріктірілімінің фертильділікке әсері туралы клиникалық деректер жоқ. Фертильділік Ипратропий бромидімен және фенотерол гидробромидімен жеке жүргізілген клиникаға дейінгі зерттеулер фертильділікке теріс әсерін көрсеткен жоқ. Егер жүкті болсаңыз немесе жүктімін деп ойласаңыз, әрдайым дәрігерге хабарлау қажет. Дәрігер сізге Беродуал® препаратының қауіптері мен пайдасын мұқият саралаудан соң ғана тағайындайды. Педиатрияда қолдану Беродуал® препаратын балалар дәрігердің нұсқауы бойынша және ересектердің бақылауымен ғана қолдана алады.

Егер басқа препараттарды қабылдап жүрсеңіз, таяуда қабылдасаңыз немесе қабылдау ойыңызда болса, дәрігеріңізді немесе фармацевті хабарландырыңыз. Басқа антихолинергиялық препараттармен бірге ұзақ уақыт Беродуал® препаратын қолдану зерттелмеді, сондықтан да ұсынылмайды. Келесі дәрілік заттарды/немесе дәрілік заттардың топтарын бір мезгілде қолдану Беродуал® препаратының әсеріне ықпалын тигізуі мүмкін: Әсерінің тіпті жағымсыз реакциялар қаупінің артуына дейін күшеюі: • басқа бета-адреномиметикалық дәрілер (кез келген қолдану тәсілі) • басқа антихолинергиялық дәрілер (кез келген қолдану тәсілі) • ксантин туындылары (мысалы, теофиллин) • қабынуға қарсы дәрілер (кортикостероидтар) • кейбір психотропты дәрілер (моноаминоксидаза тежегіштері) • кейбір депрессияға қарсы дәрілер (трициклды антидепрессанттар) • галогенделген көмірсутекті анестетиктер (мысалы, галотан, трихлорэтилен немесе энфлуран). Олар жүрек-қантамыр жүйесіне әсерді күшейтуі мүмкін. Тиімділігінің төмендеуі: • қан қысымын төмендетуге арналған жекелеген препараттар (бета-рецепторлар блокаторлары). Басқа ықтимал өзара әрекеттесулері: • Бета2-адренергиктер (Беродуал® препаратының құрамында да болатын) қолдану себебінен қанда калий деңгейінің төмендеуі (гипокалиемия) ксантин туындыларын (теофиллин сияқты), белгілі бір қабынуға қарсы дәрілерді (кортикостероидтар) және несеп айдайтын заттарды (диуретиктер) бір мезгілде қабылдаумен күшеюі мүмкін. Емдеуші дәрігер осыны, әсіресе, пациент тыныс жолдарының обструкциялық ауруының ауыр түрінен зардап шегіп жүрсе, ескеруі тиіс. • Құрамында дигоксин белсенді заты бар препараттарды (жүрек жеткіліксіздігін емдеуге арналған препарат) бір мезгілде қабылдау қажет болса, қандағы калий деңгейінің төмендеуі (гипокалиемия) жүрек аритмияларының туындау қаупінің артуына әкелуі мүмкін. Егер калий жеткіліксіздігінен тыс, оттегінің жеткіліксіздігі (гипоксия) байқалса, бұл жүрек ырғағына теріс ықпалын тигізуі мүмкін. Осындай жағдайларда қан сарысуында калий деңгейіне дәрігердің мониторинг өткізуі ұсынылады. • Егер ингаляциялық ипратропий бромиді бөлек немесе бета2-адреномиметикпен (Беродуал® препаратының құрамында да болатын) бірге көзге түсіп кетсе, көзішілік қысымның кенеттен көтерілу (глаукома ұстамасы) қауіптілігі артады.

Сақтау мерзімі 3 жыл Ашқаннан кейін 6 ай ішінде қолдану керек. Жарамдылық мерзімі өткеннен кейін қолдануға болмайды! Сақтау шарттары 25С-ден аспайтын температурада сақтау керек. Балалардың қолы жетпейтін жерде сақтау керек!