Бетадин® суппозитории 200 мг

Бір суппозиторийдің құрамында белсенді зат - повидон-йод, 200 мг, (17-24 мг белсенді йодқа баламалы). қосымша заттар: макрогол 1000 Сыртқы түрінің, иісінің, дәмінің сипаттамасы Иод иісі бар, қара-қоңыр түсті, торпеда тәрізді гомогенді суппозиторийлер.

• Қынаптың этиологиясы әртүрлі жедел және созылмалы инфекцияларында (вагинит) : • аралас инфекцияларда • спецификалық емес инфекцияларда (Gardenerella vaginalis туындатқан бактериялық вагиноз) • зеңдік инфекцияларда • трихомоназда (Trichomonas vaginalis) • Антибиотиктермен немесе стероидты препараттармен емдеуден кейінгі қынаптың инфекциясында • Қынапқа хирургиялық операция және диагностикалық емшаралар жасағанда профилактика мақсатында.

Фармакокинетикалық тобы: Гинекологиялық инфекцияға қарсы және антисептикалық препараттар. Инфекцияға қарсы және антисептикалық препараттар, кортикостероидтармен біріктірілімдерін қоспағанда. Инфекцияға қарсы және антисептикалық басқа препараттар. Повидон-йод. АТХ коды: G01AX11. Әсер ету механизмі Повидон-йод кешеннен (ПВП/поливнилпирролидон/ меншікті бактерияға қарсы белсенділігі жоқ) йодтың тұрақты босап шығуы үшін депо қызметін атқаратын поливинилпирролидонның және қарапайым йодтың (I 2, белсенді құрамдас бөлігі) синтетикалық полимер кешені болып табылады, сондай-ақ йодтың жасушалық жарғақшалармен жеңіл жанасуына ықпал етеді. Повидон-йод теріге және шырышты қабықтарға тигенде, йод повидон-йод полимерлік кешенінен бөлінеді. Бұл еркін йод, оның тез гермицидтік әсері бар, ал йод полимермен бірге йод депосы ретінде қызмет етеді. Йодтың бұл біртіндеп босап шығуы қарапайым йодтың болуымен байланысты кемшіліктердің орнын толтырады және оның жоғары тиімді микробиоцидтік тиімділігін демейді. Еркін йод микроорганизмдерге тез еніп, ақуыздардың, аминқышқылдарының, нуклеотидтердің және қанықпаған май қышқылдарының негізгі топтарына шабуыл жасайды. Микроорганизмдердің ферменттері мен құрылымдық ақуыздарындағы аминқышқылдарының сульфгидрилді (-SH) және гидроксилді (-ОН) топтарымен әрекеттесіп, оларды тотықтырады. Фармакодинамикалық әсерлері Повидон-йодтың тез бактерияға қарсы (грамоң және грамтеріс бактерияларды қоса), зеңге қарсы және вируцидтік әсері (қабығы бар және қабығы жоқ вирустар) бар. Повидон-йодқа төзімділік ауруханаларда, стоматологиялық және медициналық практикада 60 жылдан астам қарқынды пайдалану кезінде байқалмады. Сонымен қатар, антибиотиктерге төзімділік повидон-йодқа сезімталдыққа әсер етпейді.

Дозалау режимі Ересектер Аса ауыр емес инфекцияларда күніне бір рет - 7 күн ішінде 1 суппозиторийден енгізу ұсынылады. Аса ауыр инфекциялар немесе емдеуге қанағаттанарлықсыз жауап болған жағдайда, келесі 7 күн бойы күніне бір рет. Ағымы ұзақ болатын тұрақты инфекцияларда емдеу ұзаққа созылуы мүмкін, ал суппозиторийлерді күніне 2 рет қолдануға болады. Балалар және жасөспірімдер Бетадин суппозиторийлерін қолдану пубертаттық жастағы қыздарға қолдануға болмайды. Енгізу әдісі мен жолы Тек қынаптық қолдануға арналған. Суппозиторийді кешке, ұйықтар алдында, сумен ылғалдандырып, қынапқа терең енгізу керек. Қолданар алдында белсенді заттың барынша босап шығуын қамтамасыз ету және жергілікті тітіркенудің дамуын болдырмау үшін Бетадин суппозиторийін сумен ылғалдандыру керек. Егер қынаптық суппозиторийді қолдану кезінде етеккір басталса, емдеуді тоқтатпай, белгіленген уақыт кезеңінде жалғастыра беру керек. Сондай-ақ, емдеу барысында гигиеналық төсемелерді пайдалану ұсынылады. Дәрілік препаратты қолдану тәсілін түсіндіру үшін медициналық қызметкер кеңесіне жүгіну жөніндегі кеңестер Егер Сізде осы препаратты пайдалану туралы қосымша сұрақтарыңыз туындаса, дәрігеріңізге қаралыңыз.

• әсер етуші затқа немесе қосымша заттардың кез келгеніне аса жоғары сезімталдық (йодқа белгілі немесе күдікті жоғары сезімталдық) • қалқаншабез функциясының бұзылуы • радиойод енгізуге дейін, енгізу кезінде және одан кейін • Дюринг герпес тәрізді дерматиті • препубертат жасындағы қыздар • жүктілік және бала емізу кезеңі • теріні зақымдауы мүмкін заттардың түзілуі салдарынан құрамында сынап бар препараттармен бірге қолдану

Сирек - аса жоғары сезімталдық - жанаспалы дерматит (эритема, кішкентай везикулалар және қышу сияқты симптомдармен байқалатын) Өте сирек - анафилаксиялық реакция - гипертиреоз (кейде тахикардия немесе мазасыздық сияқты белгілермен байқалатын)* - ангионевроздық ісіну Белгісіз - гипотиреоз*** - электролиттік теңгерімсіздік**, метаболизмдік ацидоз** - тері түсінің өзгеруі - бүйрек функциясының жедел жеткіліксіздігі**, қанның аномалиялық осмолярлығы** * қалқаншабез ауруы бар пациенттерде йодты едәуір мөлшерде қолданғаннан кейін байқалуы мүмкін ** повидон-йодты айтарлықтай мөлшерде пайдаланғаннан кейін байқалуы мүмкін (мысалы, күйіктерді емдеу кезінде) *** гипотиреоз үлкен беткейлерді өңдеу арқылы ұзақ уақыт пайдаланғанда дамуы мүмкін. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Жедел йодтық интоксикация симптомдары: - асқазан толып кеткендей сезіну, диарея - бүйрек функциясының бұзылуы, анурия - қантамыр жеткіліксіздігі - өкпе ісінуі - метаболизмдік ацидоз Жүйелік уыттылық бүйрек функциясының жеткіліксіздігіне (анурияны қоса), тахикардияға, гипотензияға, қантамыр жеткіліксіздігіне, асфиксияны, өкпе ісінуін, құрысуларды, қызбаны және метаболизмдік ацидозды туындататын дауыс шымылдығы саңылауының ісінуіне әкелуі мүмкін. Гипертиреоз немесе гипотиреоз дамуы мүмкін. Қалқаншабез функциясы бұзылған жағдайда повидон-йодпен емдеуді тоқтату керек. Емі Емі симптоматикалық және демеуші. Ауыр гипотензия кезінде сұйықтықты вена ішіне енгізу керек; қажет болған жағдайда вазопрессорларды қосу керек. Егер жоғарғы тыныс жолдарының коррозиялық зақымдануы айтарлықтай ісіну мен ісінуге әкелсе, эндотрахеальдық интубация қажет болуы мүмкін. Құстыртпау керек. Пациент тыныс жолдары ашық және аспирациядан қорғалған күйде болуы керек (құсу жағдайында). Егер пациен құспаса және ауыз арқылы тамақ іше алса, крахмалды тағамдарды қабылдау (мысалы, картоп, ұн, крахмал, нан) йодты аз уытты йодидке айналдыруға көмектеседі. Егер ішек перфорациясының белгілері болмаса, назогастральдық сүңгі арқылы крахмал ерітіндісімен асқазанды шаюды қолдануға болады (асқазаннан аққан зат қара-көк-күлгін түсті болады және бұл түсті шаюды қашан тоқтатуға болатындығын анықтауда нұсқаулық ретінде қолдануға болады). Гемодиализ йодтан тиімді тазартады, оны йодтан уланудың ауыр жағдайларында, әсіресе бүйрек функциясының жеткіліксіздігінде қолданған жөн. Үздіксіз вена-веналық гемофильтрация гемодиализге қарағанда тиімділігі аздау.

Препаратты қолдануды тітіркену, жанаспалы дерматит, аса жоғары сезімталдық пайда болған кезде тоқтату керек. Қолданар алдында суппозиторийді жылытуға болмайды. Повидон-йод препараттың түсіне байланысты қолдану орнында тері түсінің уақытша өзгеруін тудыруы мүмкін. Бүйрек функциясының бұзылуы бар пациенттерде препаратты үнемі қолданғанда сақ болу керек. Арнайы сақтандырулар Балалар және жасөспірімдер Жасөспірімдік жасқа жетпеген қыздарға Бетадин қынаптық суппозиторийлерін қолдануға болмайды. Препараттың көлік құралын және қауіптілігі зор механизмдерді басқару қабілетіне әсер ету ерекшеліктері Бетадин суппозиторийлері дәрілік препараты көлік құралдарын басқару және механизмдермен жұмыс істеу қабілетіне әсер етпейді.

Жүктілік Повидон-йоды плацента арқылы өтіп, емшек сүтіне бөлінуі мүмкін. Бетадин суппозиторийлерін жүкті әйелдерге қолдануға болмайды, өйткені повидон-йод плацента арқылы өтеді. Лактация Бетадин суппозиторийлері препаратын бала емізетін әйелдерге қолдануға болмайды, өйткені сіңірілген йод түрінде адамның емшек сүтімен бірге шығады. Фертильділік Бетадин суппозиторийлерінің спермицидтік әсері бар, сондықтан оларды жүктілікті жоспарлап жүрген пациенттерге қолдану ұсынылмайды.

Повидон-йод кешенінің рН 2,0-7,0 диапазонында микробқа қарсы белсенділігі бар. Кешен ақуыздармен және басқа қанықпаған органикалық заттармен әрекеттесуге қабілетті, бұл оның тиімділігінің төмендеуіне әкелуі мүмкін. Жараларды өңдеу үшін ПВП-йод пен ферментті препараттарды бірге қолдану олардың тиімділігінің өзара төмендеуіне әкеледі. Құрамында сынап, күміс, сутегі асқын тотығы, сондай-ақ антисептиктер мен жараларды емдеуге арналған препараттар, тауролидин бар препараттар повидон-йодпен өзара әрекеттесуі мүмкін, бұл олардың тиімділігінің өзара төмендеуіне әкелуі мүмкін. Повидон-йодты құрамында октенидин бар антисептикалық дәрілермен бірге немесе жүйелі қолдану осы дәрілер қолданылған тері бетін уақытша қарайтуы мүмкін Повидон-йодтың тотығу әсеріне байланысты әртүрлі диагностикалық агенттер жалған оң зертханалық нәтижелер бере алады (мысалы, несептегі гемоглобинді және нәжісті немесе несептегі глюкозаны анықтауға арналған тестілер). Повидон-йодтан йодтың сіңуі қалқаншабездің йодты сіңуін төмендетуі мүмкін. Бұл әртүрлі зерттеулерге кедергі келтіруі мүмкін (мысалы, қалқаншабез сцинтиграфиясы, PBI (йод ақуыздарымен байланысты) анықтау, радийбелсенді йодты анықтау) немесе қалқаншабезді йодпен жоспарлы емдеуге кедергі келтіруі мүмкін (радиойодтерапия). Емдеу аяқталғаннан кейін жаңа сцинтиграмма жүргізілгенге дейін тиісті уақыт аралығын (кемінде 4 апта) сақтау керек. Бетадин суппозиторийлері препаратын тұрақты қолдану құрамында литий бар препараттарды қабылдайтын пациенттерде ұсынылмайды.

Сақтау мерзімі 3 жыл. Жарамдылық мерзімі өткеннен кейін қолдануға болмайды. Сақтау шарттары 2 °C-ден 8 °C-ге дейінгі температурада тоңазытқышта сақтау керек. Балалардың қолы жетпейтін жерде сақтау керек!