Бефунгин® раствор

100 мл препарат құрамында: белсенді зат – 100 г қайың саңырауқұлағы (чага), қосымша заттар: кобальт хлориді гексагидраты (6-сулы хлорлы кобальт), этанол (этил спирті) 95 %, тазартылған су. Сыртқы түрінің, иісінің, дәмінің сипаттамасы Қою-қоңыр түсті сұйықтық. Сақтау барысында шөгіндінің түзілуіне жол беріледі.

Препарат кешенді терапияның бөлігі ретінде 18 жастан асқан қолдануға арналған: - созылмалы гастрит кезінде; - атония құбылыстарымен асқазан-ішек жолының дискинезиясы; - асқынусыз асқазанның ойық жара ауруы кезінде; - асқазан-ішек жолының онкологиялық аурулары кезінде (ас қорыту үдерісін жақсарту үшін).

ATХ коды А16АХ Әсер ету механизмі Фармакодинамикалық әсерлері Препарат әсері оның құрамына кіретін биологиялық белсенді заттардың (полисахаридтер, гуминге ұқсас чага қышқылы, органикалық қышқыл, микроэлементтер, оның ішінде марганец және кобальт, стероидты және басқа қосылыстар) әсерімен анықталады. Препарат метаболикалық үдерістерді реттейді, организмнің жалпы төзімділігінің жоғарылауына ықпал етеді, тер бөлінісін азайтады, ішек функциясын қалыпқа түсіреді, диспепсиялық құбылыстарды жояды, жалпы сергіткіш әсері бар.

Препарат тамақтанудан 30 минут бұрын сұйылтылған ерітінді түрінде ішке қолданылады. Препарат ерітіндісін дайындау үшін құтының ішіндегісі шайқалады, 1 шай қасық (5 мл) препарат 50 мл жылы қайнаған суға сұйылтылады. Алынған ерітіндіні 1 ас қасықтан (15 мл) 3-5 ай ішінде күніне 3 рет қабылдайды. Қажет болса 7-10 күн үзіліспен қайталама курстар өткізіледі. Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша нұсқаулар Егер емдеуден кейін жақсару болмаса немесе симптомдар нашарласа немесе жаңа симптомдар пайда болса, дәрігермен кеңесу керек. Препаратты медициналық қолдану жөніндегі нұсқаулықта көрсетілген көрсетілімдерге, қолдану тәсіліне және дозаларға сәйкес ғана қолданыңыз.

- әсер етуші затқа немесе қосымша заттардың кез келгеніне аса жоғары сезімталдық; - жүктілік және лактация кезеңі; - 18 жасқа дейінгі балалар; - пенициллинді бірге қолдану; - декстрозаны вена ішіне енгізу.

Аллергиялық реакциялар болуы мүмкін. Препаратты ұзақ қабылдаған кезде диспепсиялық құбылыс болуы мүмкін. Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Осы уақытқа дейін артық дозалану жағдайлары тіркелген жоқ.

Арнайы ескертулер Бауыр аурулары, алкоголизм, бассүйек-ми жарақаты, ми аурулары, эпилепсия кезінде сақтық таныту керек. Препаратпен емдеу кезінде консервіленген өнімдерді, ащы дәмдеуіштерді, жануар майларын қоспағанда, сүт-өсімдік диетасы тағайындалады. Педиатрияда қолдану Препаратты 18 жасқа дейінгі балаларға қолдануға болмайды. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Препарат құрамында кемінде 9 % этанол бар. Препараттың ең жоғары тәуліктік дозасында этанолдың мөлшері 0,4 г дейін, препараттың ең жоғары бір реттік дозасында 0,13 г дейін құрайды, оны көлік құралдарын басқару және қозғалмалы механизмдермен жұмыс істеу қажет болғанда ескеру қажет.

• Препаратты жүктілік кезінде және лактация кезеңінде қолдануға болмайды.

Пенициллинді бірге қолдану, декстрозаны вена ішіне енгізу (ықтимал антагонизмге байланысты) қарсы көрсетілген.

Сақтау мерзімі 3 жыл. Қаптаманы алғаш ашқаннан кейін 4 аптадан асырмай сақтау керек. Жарамдылық мерзімі өткеннен кейін қолдануға болмайды! Сақтау шарттары Жарықтан қорғалған жерде, 20 оС-ден аспайтын температурада сақтау керек. Балалардың қолы жетпейтін жерде сақтау керек!