Биоселак капсулы

Сыртқы түрінің, иісінің, дәмінің сипаттамасы Ақ түсті капсулалар. Капсуланың ішіндегісі: Сарғыш-крем түсті біртекті ұнтақ.

Биоселак бактерияға қарсы, трихомонацидті және зеңге қарсы дәрілік заттармен спецификалық және спецификалық емес қынаптық инфекцияларды емдегеннен кейін 16 жастан асқан әйел жынысты пациенттерде қынаптың қалыпты микрофлорасын қалпына келтіру және демеу үшін қолданылады. Қолдану басталғанға дейін қажетті мәліметтер тізбесі

Несеп-жыныс жүйесі және жыныстық гормондар. Гинекологиялық ауруларды емдеуге арналған басқа препараттар. АТХ коды G02CX. Әсер ету механизмі Биоселак дәрілік препаратының белсенді заты Lactobacillus rhamnosus 573 тірі таяқшалары болып табылады, ол натрий глутаматы қосылған сүт-сахароза тасымалдағышында лиофилизацияланған. Қышқылды ашыту процесінде Lactobacillus rhamnosus 573 көміртек көзі болып табылатын және қынаптық ортада болатын заттарды сүт қышқылына дейін метаболиздейді, осылайша қынаптағы рН қолайлы деңгейін сақтап тұрады. Қынаптың рН (4,0-4,7) қышқылдық мәні патогендік бактериялардың өсуін тежейді. Фармакодинамикалық әсерлері Қынаптың қалыпты бактериялық флорасында Lactobacillus түрінің грамоң таяқшалары басым, олар бүкіл флораның шамамен 96% құрайды. Қынаптың микробиологиялық теңгерімнің бұзылуы бактериялық вагиноз, вагиномикоз немесе ас қорыту жолының бактерияларын жұқтыру сияқты әртүрлі патологиялық жағдайларды тудыруы мүмкін. Антибиотикпен емдеу, химиотерапия, рентген және гормональді өзгерістер, стресс немесе гигиена және сексуалды әдеттер қынап микрофлорасы құрамының өзгеруіне әсер ететін факторлар болып табылады. Қынаптық микрофлораның бұзылуы Lactobacillus тірі таяқшалары бар препараттарды қолдану көрсетілімі болып табылады. Lactobacillus rhamnosus 573 таяқшалары несеп-жыныс жүйесінің инфекциясын тудыратын көптеген бактерияларға қатысты антагонистік әсерін көрсетеді. In vitro зерттеулер Lactobacillus rhamnosus 573 таяқшаларының ко-тримоксазолға және метронидазолға түріне тән резистенттілігін растады, сондықтан осы препараттармен емдеу кезінде Биоселакты қолдануға болады. Клиникалық тиімділік және қауіпсіздік Клиникалық зерттеулер қынаптың қабыну ауруларын бактерияға қарсы, трихомонацидті және зеңге қарсы препараттармен емдегеннен кейін Биоселак дәрілік препаратын қолдану патогенді микроорганизмдер мөлшерін азайтатынын, қынаптың табиғи микробиологиялық теңгерімін қалпына келтіретінін және қынап секрециясын қалыпқа түсіретінін көрсетті.

Дозалау режимі Егер дәрігер басқаша тағайындамаса, Биоселакты тәулігіне 1-2 капсуладан (біреуін таңертең және біреуін кешке ұйықтар алдында) 7 күн бойы пайдаланады. Қажет болса, емдеу курсын қайталау керек. Енгізу әдісі мен жолы Жергілікті қолдану үшін (интравагинальді). Капсуланы жеке гигиенаның барлық ережелерін сақтай отырып, қынапқа терең енгізу керек. Дәрілік препаратты қолдану тәсілін түсіндіру үшін медицина қызметкерінен кеңес алу бойынша ұсынымдар Препаратты қолданар алдында қосымша парақты мұқият оқып шығыңыз. Егер сізде қосымша сұрақтар туындаса, емдеуші дәрігерге қаралыңыз.

- әсер етуші затқа немесе қосымша заттардың кез келгеніне аса жоғары сезімталдық

Өте сирек - жергілікті жағымсыз реакциялар (қышыну, күйдіру сезімі, қынап секрециясының ұлғаюы). Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға күтілетін реакциялар (әсерлер) бойынша тікелей ақпараттық дерекқорға жүгіну керек Қазақстан Республикасы Денсаулық сақтау министрлігінің Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Препараттың артық дозалану жағдайлары туралы хабарланған жоқ. Артық дозаланған жағдайда қабылдануы тиіс шаралар Препараттың артық дозалануы туралы деректер жоқ.

Иммундық жүйенің елеулі бұзылуы жағдайында Биоселак препаратын сақтықпен қолдану қажет. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Биоселак көлік құралдарын басқару және механизмдерді пайдалану қабілетіне әсер етпейді немесе елеусіз ғана әсер етеді.

Жүктілік және лактация кезеңінде препарат емдеуші дәрігердің нұсқауы бойынша тағайындалуы мүмкін. Фертильділік Препараттың фертильділікке әсері бағаланбаған.

Биоселакты пациенттер бактерияға қарсы, трихомонацидтік немесе зеңге қарсы дәрілік заттармен (метронидазол мен ко-тримоксазолды қоспағанда) бір мезгілде пайдаланбауы тиіс, өйткені бұл дәрілер Lactobacillus rhamnosus 573 таяқшаларын жоюы немесе олардың өсуін тежеуі мүмкін.

Сақтау мерзімі 3 жыл Жарамдылық мерзімі өткеннен кейін қолдануға болмайды. Сақтау шарттары 2 ºC-ден 8ºС-ге дейінгі температурада (тоңазытқышта) сақтау керек. 25ºC-ден аспайтын сақтау температурасында препараттың жарамдылық мерзімі 4 аптаны құрайды. Балалардың қолы жетпейтін жерде сақтау керек!