Бисакодил суппозитории 10 мг

Бір суппозиторийдің құрамында белсенді зат - бисакодил 10 мг, қосымша зат - қатты май. Сыртқы түрінің, иісінің, дәмінің сипаттамасы • Цилиндр конус пішінді, ақ немесе сарғыш реңді ақ түсті суппозиторийлер.

- ересектер мен 12 жастан асқан балалардағы іш қатуды симптоматикалық емдеуде.

Әсер ету механизмі Бисакодил – дифенилметан туындылары тобына жататын, жергілікті әсер ететін жанаспалы іш жүргізетін дәрі. Суды шығаруға ықпал ететін («гидрагогиялық» әсер) және оның реабсорбциясына кедергі келтіретін (резорбцияға қарсы әсер) әсері сипатталған жанаспалы іш жүргізетін дәрі ретінде бисакодил гидролиз арқылы метаболизмдік белсендіруден кейін тоқ ішек пен тік ішектің шырышты қабығын стимуляциялайды, тоқ ішек деңгейінде перистальтиканың күшеюін тудырады және тоқ ішек саңылауында судың және демек электролиттердің жиналуына ықпал етеді. Сонымен бірге тік ішектің стимуляциясы моториканың күшеюін және тік ішіктің толуын сезінуді тудырады. Фармакодинамикалық әсерлері Бисакодил дефекацияны стимуляциялайды, транзит уақытын қысқартады және нәжісті жұмсартады. Тоқ ішек пен тік ішекке әсер ететін іш жүргізетін дәрі ретінде бисакодил, әсіресе асқазан-ішек жолдарының төменгі жағында табиғи эвакуация процесін стимуляциялайды. Осылайша, бисакодил аш ішектегі калориялардың немесе қажетті қоректік заттардың қорытылуына немесе сіңуіне әсер етпейді.

Дозалау режимі Ересектер мен 12 жастан асқан балалар: тәулігіне 1 суппозиторийден (10 мг). Ең жоғары тәуліктік дозадан асыруға болмайды. Үлкен дәреттің реттелуін қалпына келтіргеннен кейін іш қатуды емдеу кезінде дозаны азайту керек және оны әдетте тоқтатуға болады. Енгізу әдісі және жолы Ректальді. Суппозиторийді пішінді ұяшықты қаптамадан босатып, тікішекке сүйір ұшын алға қаратып енгізу керек. Суппозиторийдің әсері әдетте шамамен 20 минуттан кейін басталады (10-нан 30 минутқа дейін). Іш жүргізетін әсерінің қолданғаннан кейін 45 минуттан соң болғаны сирек хабарланды. Ұсынылған дозадан асырмау керек. Емдеу ұзақтығы Іш жүргізетін дәріні мүмкіндігінше сирек және жеті күннен асырмай қолдану керек. Ұзақ уақыт бойы пайдалану жеке жағдайды талапқа сай бағалағаннан кейінгі дәрігердің тағайындауын талап етеді. Дәрілік препараттың бір немесе бірнеше дозасын өткізіп алу кезіндегі қажетті шаралар Қабылданбай қалған дозаның орнын толтыру үшін екі есе дозаны қабылдамаңыз. Дәрілік препаратты қолдану тәсілін түсіндіру үшін медицина қызметкерінен кеңес алуға жүгіну бойынша ұсынымдар Препаратты қолдану туралы сұрақтар туындаған жағдайда, емдеуші дәрігерге немесе фармацевтке жүгініңіз Дәрілік препарат стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар Жиі – іштің түйілуі, іштің ауыруы, диарея, жүрек айнуы. Жиі емес – бас айналуы • гематохезия (нәжістегі қан), құсу, іш аумағының жайсыздануы, аноректальді жайсыздық. Сирек – аса жоғары сезімталдық реакциялары, анафилаксиялық реакциялар, ангионевроздық ісіну – сусыздану. – естен тану • колит, ишемиялық колитті қоса. Бас айналу және естен тану вазовагальді реакциямен байланысты болуы болжанады (мысалы, абдоминальдік түйілу немесе іш босату кезіндегі ауырсынулардан). Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек: Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

• бисакодилге немесе қосымша заттарының кез келгеніне аса жоғары сезімталдық • ішек бітелісі (салдануы) • ішектің обструкциясы (стеноз) • аппендицитті қоса, жедел абдоминальдік жай-күй • жүрек айнуы мен құсумен байланысты іштің қатты ауыруы, бұл жоғарыда аталған ауыр патологиялық жағдайларды көрсетуі мүмкін • асқазан-ішек жолдарының жедел қабыну аурулары • шығу тегі белгісіз ректальді қан кетулер • организмнің ауыр сусыздануы • шырышты қабықтың зақымдалуы болатын анустың сызаты немесе ойық жаралы проктит • 12 жасқа дейінгі балалар.

Нұсқаулықта көрсетілмеген.

Симптомдары Бисакодилдің шамадан тыс дозаларын қолдану диареяны, іштің ауырсынуын/түйілуін және сұйықтықтың, калийдің және басқа электролиттердің клиникалық елеулі жойылуын тудыруы мүмкін. Бисакодил препаратының басқа іш жүргізетін дәрілер сияқты созылмалы артық дозалануы, созылмалы диареяға, іштің ауырсынуына, гипокалиемияға, салдарлы гиперальдостеронизмге және несеп-тас ауруына әкелуі мүмкін. Сондай-ақ, іш жүргізетін дәрілерді үнемі шамадан тыс пайдалануға байланысты бүйрек түтікшелерінің зақымдануы, метаболизмдік алкалоз және гипокалиемияға қатысты салдарлы болатын бұлшықет әлсіздігі жағдайлары сипатталған. Емі: симптоматикалық. Су және электролит теңгерімсіздігін қалпына келтіру қажет болуы мүмкін, бұл әсіресе егде жастағы пациенттер мен балалар үшін маңызды. Спазмолитиктерді тағайындау тиімді болуы мүмкін.

Басқа іш жүргізетін препараттар сияқты, Бисакодилді іш қатудың себебін анықтамай, күнделікті немесе ұзақ уақыт бойы үздіксіз қолдануға болмайды. Келесілердің даму қаупі артуын ескеру қажет: • іш жүргізетін дәрілерді шамадан тыс (жиі немесе ұзақ уақыт немесе шамадан тыс дозаларда қолдану) пайдалану кезінде кейіннен судың, минералды тұздардың (әсіресе калий) және басқа да қажетті қоректік факторлардың жоғалуы болатын тұрақты диареяда. • ауырлау жағдайларда, жүрек немесе жүйке-бұлшықет дисфункциясының дамуына ықпал ететін сусыздану немесе гипокалиемия, әсіресе жүрек гликозидтерімен, диуретиктермен немесе кортикостероидтармен бір мезгілде емдегенде. • ішектен сұйықтық жоғалтқандағы сусыздану. Симптомдарына шөлдеу және олигурия жатады. Сусыздану қауіпті болуы мүмкін пациенттерде (бүйрек жеткіліксіздігі бар пациенттер, егде жастағы пациенттер) Бисакодил препаратын қолдануды тоқтату керек және қолдануды тек дәрігер бақылауымен ғана қайта жаңғыртуға болады. - үйренісу (және, демек, дозаны біртіндеп жоғарылату қажеттілігінің мүмкіндігі), созылмалы іш қату және ішектің қалыпты функциясының бұзылуы (ішек атониясы) іш жүргізетін дәрілерді, әсіресе жанаспалыларды (стимуляциялаушы іш жүргізетін дәрілерді) шамадан тыс пайдалану кезінде. Қант диабеті Қант диабетінде тек дәрігермен кеңескеннен кейін ғана қолданыңыз. Басқа жай-күйлер Гипертонияда немесе жүрек аурулары кезінде дәрігермен кеңескеннен кейін ғана қолданыңыз. Пациенттерде гематохезия (нәжістегі қан), бақылануы мүмкін, ол әдетте жеңіл болады және өздігінен өтеді. Бисакодилді қолданғаннан кейін бас айналу және/немесе естен тану жағдайлары туралы хабарланды. Бұл жағдайлар үшін қол жетімді деректер осы құбылыстардың бисакодилді қолданумен байланыстылығы міндетті еместігін болжауға мүмкіндік береді, оларды "дефекациялық есте тану" көрінісі (дефекация әрекетінің күшеюімен шартталған) немесе іш қатудың өзіне байланысты іштің ауырсынуына вазовагальді реакция ретінде түсіндіруге болады. Суппозиторийлерді қолдану, атап айтқанда анус сызаттары мн ойық жаралы проктиті бар пациенттерде аноректальді аумақта ауырсыну сезімдеріне және жергілікті тітіркенуге әкелуі мүмкін. Стимуляциялайтын іш жүргізетін препараттар, оның ішінде Бисакодил салмақ төмендетуге ықпал етпейді. Созылмалы немесе қайталанатын іш қатуды емдеу әрдайым диагноз қою, препараттарды тағайындау және емдеу курсы барысын бақылау үшін дәрігердің араласуын талап етеді. Егер іш жүргізетін дәрінің қажеттілігі екі аптадан астам уақытқа созылған бұрынғы үлкен дәрет әдеттерінің (дефекацияның жиілігі мен сипаттамалары) кенеттен өзгеруіне байланысты болса немесе іш жүргізетін дәріні қолдану әсер етпесе, дәрігермен кеңесу керек. Сондай ақ, егде жастағы адамға немесе денсаулығы нашар адамға дәріні қолданар алдында дәрігерден кеңес алу дұрыс болады. Арнайы сақтандырулар Педиатрияда қолдану Препарат 12 жасқа дейінгі балалар мен жасөспірімдерде қолдану үшін қарсы көрсетілімде. Егде жастағы пациенттер Бұл жас тобына қатысты арнаулы ұсыныстар жоқ. Клиникалық зерттеулерге 65 жастан асқан пациенттер қамтылды және осы жас тобына тән жағымсыз реакциялар туралы хабарланған жоқ. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Дәрілік препараттың көлік құралын немесе қауіптілігі зор механизмдерді басқару қабілетіне әсерін зерттеу жүргізілген жоқ. Дегенмен, пациенттер вазовагальді реакцияға байланысты (мысалы, абдоминальді түйілу нәтижесінде) бас айналу және/немесе естен тану туындау болуының мүмкіндігінен хабардар болуы тиіс. Абдоминальді түйілулер пайда болған жағдайда пациенттер автокөлікті басқаруды немесе механизмдермен жұмыс істеуді қоса, қауіптілігі зор қызмет түрлерінен аулақ болуы керек.

Жүкті әйелдерде препаратты қолдану бойынша талапқа сай және қатаң бақыланатын зерттеулер жүргізілген жоқ. Осылайша, жүктілік кезінде қолданғанда қандай да бір жағымсыз немесе уытты әсерлер туралы ешқашан хабарланбағанына қарамастан, Бисакодилді, барлық басқа дәрілік заттар сияқты, тек қажет болған жағдайда ғана дәрігердің тікелей бақылауымен, ана үшін күтілетін пайдасы мен шарана үшін болуы мүмкін қауіптің арақатынасын бағалағаннан кейін қолдану керек. Клиникалық деректерге сәйкес, бисакодилдің белсенді метаболиті де бис-(п-гидроксифенил) пиридил-2-метан (БГПМ) де, оның глюкурон туындылары да ана сүтіне бөлінбейді, алайда Бисакодилді бала емізу кезінде қажет болған жағдайда ғана, дәрігердің тікелей бақылауымен, анасы үшін күтілетін пайдасы мен сәби үшін болжамды қауіптің күтілетін арақатынасын бағалағаннан кейін ғана қолдану керек.

Диуретиктермен немесе адренокортикостероидтармен бірге қолдану бисакодилдің шамадан тыс дозаларын қолдану кезінде электролиттік теңгерімсіздік қаупін арттыруы мүмкін. Электролиттік теңгерімсіздік жүрек гликозидтеріне жоғары сезімталдыққа әкелуі мүмкін. Басқа іш жүргізетін дәрілермен бір мезгілде қолдану Бисакодил препаратының асқазан-ішек жолы тарапынан жағымсыз әсерлерін күшейтуі мүмкін. Антацидтер мен сүт өнімдерін бір мезгілде қолдану таблетка қабығының төзімділігін төмендетіп, диспепсия мен асқазанның тітіркенуін тудыруы мүмкін.

Сақтау мерзімі 3 жыл Жарамдылық мерзімі өткеннен кейін қолдануға болмайды! Сақтау шарттары 25˚C төмен температурада сақтау керек. Балалардың қолы жетпейтін жерде сақтау керек!