БИЦИЛЛИН-3 порошок 600000 Единица действия

Бір құтының ішінде белсенді заттар:бензатин бензилпенициллині – 200000 ӘБ, бензилпенициллин натрий тұзы – 200000 ӘБ, бензилпенициллин новокаин тұзы – 200000 ӘБ. қосымша заттар: препарат құрамында қосымша заттар жоқ. Сыртқы түрінің, иісінің, дәмінің сипаттамасы Ақ немесе сәл сарғыш реңді ақ түсті, кесектелуге бейім, су қосқанда тұрақты суспензия түзетін ұнтақ.

Дәрілік препарат (ДП) ересектерде қолданылады. Емдеу үшін: – тілме қабынуы – мерез, ерте сатысындағы мерез (бастапқы және салдарлы); – жасырын мерез (нейромерезді және ликвор талдауында патологиялық деректер болуын қоспағанда); – фрамбезия – пинта. Профилактика үшін: – ревматизмдік қызба (хорея, ревматизмдік кардит) – стрептококктан кейінгі гломерулонефрит – тілме қабынуы.

ATХ коды J01CE30 Әсер ету механизмі 3 бензилпенициллин тұзы біріктірілген бактерицидті препарат: әсері ұзақ дибензил- этилендиамин, прокаин, натрий немесе калий. Микроорганизмдердің жасушалық жақтауының синтезін бәсеңдетеді. Бензатин бензилпенициллиннің әсер ету механизмі пенициллин байланыстырушы ақуыз (бұдан әрі мәтін бойынша ПБА), мысалы, транспептидаза блокадасы арқылы бактериялық жасушалық жақтауының синтезін тежеуге негізделген (өсу фазасында). Бұл бактерицидтік әрекетке әкеледі. Фармакодинамикалық әсерлері Бензатин бензилпенициллинге резистенттілік келесі механизмдерге байланысты болуы мүмкін: - бета-лактамазалармен белсенділігін жою: бензатин бензилпенициллин бета-лактамазаға резистентті емесжәне сондықтан бета-лактамаза-өндіруші бактерияларға (мысалы, стафилокококктар немесе гонококктар) әсер етпейді. - ПБА бензатин бензилпенициллинге тектестігінің аздығы: мутация нәтижесінде бұрыннан бар ПБА модификацияларына байланысты бензатин бензилпенициллинге пневмококктардың және кейбір басқа стрептокктардың жүре пайда болған резистенттілігі. Алайда, бензатин бензилпенициллинге тектестігі аз қосымша ПБА түзілуі метициллин (оксациллин)-резистентті стафилококктерде резистенттілігі үшін жауапты. - грамтеріс бактерияларында сыртқы жасуша қабырғасы арқылы бензатин бензилпенидің жеткіліксіз енуі - ПБА-дың жеткіліксіз тежелуіне әкелуі мүмкін. - бензатин бензилпенициллин эффлюкс-сорғылардың көмегімен жасушадан белсенді тасымалдануы мүмкін. Бензатин бензилпенициллин ішінара немесе толық басқа пенициллиндер мен цефалоспориндерге айқаспалы төзімді. ШЕКАРАЛЫҚ МӘНДЕР Бензилпенициллиннің шекаралық мәнін тестілеу сұйылтудың стандартты сериясын пайдалана отырып жүргізіледі. Нәтижелер бензилпенициллин үшін шекаралық мәндер негізінде бағаланады. Сезімтал және резистентті қоздырғыштар үшін мынадай ең аз бәсеңдеткіш концентрациялары (бұдан әрі ЕАБК) анықталды. EUCAST бойынша шекаралық мәндер (микробқа қарсы препараттарға сезімталдықты тестілеу бойынша Еуропалық комитет) Қоздырғыштар — Сезімтал — Резистентті Staphylococcus spp. — ≤ — > 0.12 мг/л Streptococcus spp. (Groups A, B, C, G) — ≤ — > 0.25 мг/л Streptococcus pneumoniae # — ≤ — > 2 мг/л Streptococci of the “Viridans” group — ≤ — > 2 мг/л Neisseria meningitidis — ≤ — > 0.25 мг/л Neisseria gonorrhoeae — ≤ — > 1 мг/л Gram-negative anaerobes — ≤ — > 0.5 мг/л Gram-positive anaerobes — ≤ — > 0.5 мг/л Non-species-specific breakpoints* — ≤ — > 2 мг/л * Негізінен қан сарысуының фармакокинетикасына негізделген # менингиттен ерекшеленетін инфекциялар Жүре пайда болған резистенттіліктің таралуы Жеке түрлердегі жүре пайда болған резистенттіліктің таралуы географиялық және уақыт бойынша ауытқуы мүмкін. Осылайша, резистенттілік жағдайы туралы, әсіресе ауыр инфекцияларды талапқа сай емдеу үшін жергілікті ақпарат қажет. Егер жергілікті резистенттілік жағдайына байланысты бензилпенициллиннің тиімділігі күмәнді болса, білікті емдік кеңес алу керек. Әсіресе ауыр инфекция немесе сәтсіз ем жағдайларында қоздырғышты және оның бензилпенициллинге сезімталдығын анықтай отырып, микробиологиялық диагностиканы іздеу керек. Әдетте сезімтал түрлері: Аэробты Грам-оң қоздырғыш түрлері Streptococcus pyogenes Streptococcus dysgalactiae subsp. equisimilis ° (Стрептококктың C және G топтары ) “Viridans” ° ^ тобының стрептококктары Басқа қоздырғыштар Treponema pallidum ° ° ақпарат жарияланған әдебиеттен, клиникалық тәжірибелерден және емдік ұсыныстардан алынған. ^ стрептококк түрлерінің гетерогенді тобының жиынтық атауы. Резистенттілік деңгейі стрептокококктардың құрамдағы түрлеріне байланысты ауытқуы мүмкін.

• Қолдану басталғанға дейін қажетті мәліметтер тізбесі • Дозалау бойынша ұсынымдар инфекцияның ауырлығына және түріне, жасына, пациенттегі бауыр мен бүйректің функциясының жағдайына байланысты. Халықаралық ұсынымдарды кейбір нақты көрсетілімдер бойынша ұлттық немесе жергілікті ұсынымдарға қосымша ретінде (мысалы, мерез, ревматизмнің профилактикасы) қарастырған жөн. Дозалау режимі • БИЦИЛЛИН-3 келесі үлгіде қолданылады: бөксе бұлшықетінің үстіңгі сыртқы квадрантына 300 мың ӘБ дозасында бұлшықет ішіне терең енгізеді. 2 инъекция қажет болған жағдайда, оларды екі бөксеге салады. Келесі инъекцияларды алдыңғы инъекциясынан кейін 4 тәуліктен соң жүргізеді. 600 мың ӘБ дозасында 6 күнде 1 рет енгізеді. Енгізу әдісі және жолы • Препарат бұлшықет ішіне енгізуге арналған. • Суспензия дайындау • Суспензия дайындау үшін инъекцияға арналған стерильді суды, натрий хлоридінің изотониялық ерітіндісін немесе 0.25-0.5 % новокаин ерітіндісін (5-6 мл) пайдаланады, ех tеmроге дайындайды. • Еріткішті құтыға баяу, 20-25 секундта 5 мл жылдамдықпен енгізеді. • Қоспасы бар құтыны ұзына бойғы осі бағытында сақтықпен, гомогенді суспензия (немесе жүзінді) түзілгенше сілкиді. • Құты қабырғасында суспензияның бетінде көпіршіктер болуына жол беріледі. • Суспензияны дереу бөксенің жоғарғы сырт жақ квадрантына терең енгізеді. Инъекциядан кейін бөксені ысқылау ұсынылмайды. Сумен немесе жоғарыда аталған ерітінділермен ұзақ уақыт байланыста болғанда, препараттың физикалық және коллоидтық қасиеттері өзгереді, осының нәтижесінде суспензия біркелкі болмайды және шприцтің инесінен нашар өтеді. • БИЦИЛЛИН-3 ересектерде ғана қолданылады (балаларда қолдану тиімділігі және қауіпсіздігі зерттелмеген). Емдеу ұзақтығы • Бастапқы және салдарлы мерезді емдеуде препараттың бір реттік дозасы 1.8 млн. ӘБ құрайды. Емдеу курсы 7 инъекциядан тұрады. Алғашқы инъекция 300 мың ӘБ дозасында жүргізіледі, екінші инъекцияны- 1 тәуліктен соң толық дозада, келесі инъекцияларды аптасына 2 рет толық бір реттік дозада жүргізеді. • Қайталанған салдарлы және жасырын ерте мерезді емдеуде алғашқы инъекция үшін 300 мың ӘБ, келесі инъекциялар үшін - 1.8 млн. ӘБ дозасы пайдаланылады. Инъекцияларды аптасына 2 рет жүргізеді. Емдеу курсы - 14 инъекция. Тоқтату симптомдары қаупінің болуына көрсетілім Препаратты жеткіліксіз дозаларда қолдану немесе емдеуді тым ерте тоқтатудың көп жағдайда қоздырғыштардың резистентті штамдарының пайда болуына әкеп соқтыратынын ескеру керек.

- бензатин бензилпенициллинге, сояға, арахиске аса жоғары сезімталдық - анамнезінде басқа бета-лактамды антибиотиктерге (мысалы, цефалоспориндерге, карбапенемдерге немесе монобактамдарға), новокаинге аса жоғары сезімталдықтың ауыр реакциясының болуы (анафилаксиялық реакция) - бала емізу кезеңі - балалар мен 18 жасқа дейінгі жасөспірімдер.

Жиі – кандидоз – диарея – жүрек айнуы – Кумбс жалған оң түзу тесті – тұндыру әдістерін қолдану кезінде несептегі ақуызды анықтаудың жалған оң нәтижесі (Фолин-Чокалтеу-Лоури әдісі, биурет әдісі) – несептегі аминқышқылдарын жалған оң анықтау (нингидрин әдісі) – альбуминді анықтау үшін электрофорез әдістерін пайдалану кезінде жалған оң жалған бисальбуминемия – несепте глюкозаны және уробилиногенді жалған оң ферментті емес анықтау – несепте 17-кетостероидтарды анықтау кезінде жоғары деңгейлері (Циммерман реакциясын қолдану кезінде). Жиі емес – стоматит – глоссит – құсу. Сирек аллергиялық реакциялар: есекжем, ангионевроздық ісіну, мультиформалы эритема, эксфолиативті дерматит – дене температурасының жоғарылауы – артралгия – коллапспен және анафилактоидты реакцияларымен (демікпе, пурпура, асқазан-ішек симптомдары) анафилаксиялық шок – нефропатия – интерстициальді нефрит. Өте сирек – гемолиздік анемия – лейкопения – тромбоцитопения – агранулоцитоз. Белгісіз (қолда бар деректер негізінде бағалау мүмкін емес) – сарысу құю ауруы – мерезді емдеу кезінде бактериолиз нәтижесінде температурамен, қалтыраумен, жалпы және ошақтық симптомдармен сипатталатын Яриш-Герксгеймер реакциясы пайда болуы мүмкін – дерматомикозы бар пациенттерде пара-аллергиялық реакциялар туындауы мүмкін, өйткені пенициллиндер мен дерматофиттердің метаболиттері арасында жалпы антигенділік болуы мүмкін – жалған жарғақшалы колит – гепатит – холестаз – инъекция орнының ауыруы – инъекция орнындағы инфильтрат – Хойн және Николау синдромы. Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасынатікелей хабарласыңыз: Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

• Симптомдары: жүйке-бұлшықеттік қозғыштықтың жоғарылауы, құрысулар. • Емі: симптоматикалық. Бензилпенициллинді гемодиализ арқылы шығаруға болады

БИЦИЛЛИН-3 перфузиясы төмен тіндерде қолдануға болмайды. БИЦИЛЛИН-3 емін бастамас бұрын пенициллиндерге, цефалоспориндерге немесе басқа бета-лактамды препараттарға бұрынғы аса жоғары сезімталдық реакцияларын мұқият зерттеу керек. Емдеуді бастамас бұрын мүмкіндігінше аса жоғары сезімталдыққа тест жүргізу керек. Пациент аллергиялық симптомдардың пайда болуы және олар туралы хабарлау қажеттігі туралы хабардар болуы тиіс. Пенициллинмен ем қабылдаған пациенттерде аса жоғары сезімталдықтың ауыр және кейде өлімге жеткізетін реакциялары туралы хабарланды. Бұл реакциялар анамнезінде пенициллинге аса жоғары сезімталдығы бар адамдарда және атопиялық аурулармен ауыратын адамдарда жиі кездеседі. Аллергиялық реакция туындаған кезде БИЦИЛЛИН-3 тоқтату керек және тиісті ем тағайындау қажет. Сирек жағдайларда анафилаксиялық шоктың дамуы мүмкін. Анафилаксиялық шоктың алғашқы белгілері пайда болса, науқасты бұл жағдайдан алып шығу үшін шұғыл: норэпинефринді, глюкокортикостероидтарды енгізу, қажет болған жағдайда өкпені жасанды желдету жүргізу шаралары қабылдануы тиіс. Келесі жағдайлары бар пациенттерде сақ болу керек: - жүктілік, лактация кезеңі, бүйрек жеткіліксіздігі, бауыр функциясының бұзылуы кезіндегі аллергиялық аурулар, бронх демікпесін қоса алғанда, поллиноз (оның ішінде анамнезінде), жалған жарғақшалы колит. Жалпы қағидатқа сүйене отырып, атап айтқанда, әсеріне ұшыраған кейбір пациенттерде медициналық бақылау, егер бұл мүмкін болса, осы антибиотикті енгізгеннен кейін кемінде жарты сағат ішінде қамтамасыз етілуі тиіс, өйткені ауыр дереу аллергиялық реакциялар тіпті бірінші енгізгеннен кейін де туындауы мүмкін. Мерезді емдегенде Яриш-Герксгеймер реакциясы пенициллиннің патогенді микроорганизмдерге бактерицидтік әсері нәтижесінде пайда болуы мүмкін. Препаратты қабылдағаннан кейін 2-12 сағаттан кейін бас ауруы, дене температурасының көтерілуі, тершеңдік, қалтырау, миалгия, артралгия, жүрек айнуы, тахикардия, кейіннен болатын гипотензиямен артериялық қысымның жоғарылауы мүмкін. Бұл симптомдар 10-12 сағаттан кейін жоғалады. Пациенттер антибиотик емінің осындай әдеттегі, өтпелі салдары туралы хабардар етілуі тиіс. Яриш-Герксгеймер реакциясын басу немесе баялату үшін тиісті ем тағайындау керек. Венерологиялық ауруларды емдеуде, егер мерезге күдіктенсе, емдеуді бастар алдында және одан кейін 4 ай бойы микроскопиялық және серологиялық зерттеулер жүргізу керек. Ұзақ емдеу кезінде (5 күннен астам) қан талдауын бақылау және бүйрек функциясын талдау ұсынылады. Тұрақты микробтардың шамадан тыс өсуін бақылау бойынша мұқият тексеру қажет. Қайталама инфекциялар пайда болған жағдайда тиісті шаралар қабылдау керек. Ауыр және тұрақты диарея жағдайында өмірге қауіп төндіруі мүмкін антибиотикпен астасқан жалған жарғақшалы колитті (қан және шырыш аралас нәжіс, іштің су тәрізді өтуі, сыздап, шаншуға дейін болатын іштегі диффузды ауырсынулар, дене температурасының жоғарылауы, кейде тенезмдер) ескеру керек. Сондықтан бұл жағдайларда БИЦИЛЛИН-3 дереу тоқтатылып, патогенді анықтау нәтижелеріне негізделген емді бастау керек. Перистальтикаға қарсы дәрілер қолдануға болмайды. Егер туа біткен мерезі бар пациенттерде неврологиялық зақымдануды жоққа шығару мүмкін болмаса, жұлын сұйықтығында жоғары деңгейге жететін пенициллин түрлерін пайдалану керек. Қан сарысуындағы пенициллиннің тым жоғары деңгейін талап ететін ауыр пневмония, эмпиема, сепсис, менингит немесе перитонит сияқты аурулар кезінде суда еритін бензилпенициллиннің сілтілік тұзы сияқты баламалы емдеуді қарастыру керек. Тері астына, вена ішіне, эндолюмбальді, сондай-ақ дене қуыстарына енгізуге болмайды. Кездейсоқ қантамыр ішіне енгізілсе, өткінші жабырқау сезімі, үрей мен көрудің бұзылуы (Уанье синдромы) білінуі мүмкін. Препараттың қантамыр ішіне кетіп қалуын болдырмау үшін, бұлшықетішілік инъекция жүргізер алдында, иненің тамырға түсу мүмкіндігін анықтау мақсатында, аспирация жүргізу ұсынылады. Артерия немесе жүйке маңына енгізбеңіз. Жүйкеге немесе жүйке маңына инъекция қайтымсыз неврологиялық зақымдануларға әкелуі мүмкін. Кездейсоқ қантамыр ішіне енгізу, оның ішінде кездейсоқ тікелей артерия ішіне инъекция немесе тура артерияға жақын инъекция ауыр жүйке-қантамырлық зақымдануларға, оның ішінде тұрақты салданумен көлденең миелитке, қол-аяқтың проксимальді бөліктерінің ампутациясын талап ететін гангренаға, некрозға және инъекция орнын қоршаған тіндердің ажырауына әкеледі. Осындай ауыр салдарлар бөксеге, жамбас және дельта тәрізді аумаққа инъекция кезінде байқалды. Қантамыр ішіне енгізгенде тіркелген басқа күрделі асқынуларға бозару, дақтану немесе қол-аяқтың төменгі бөлігінде алдыңғы және/немесе артқы фасциотомияны қажет ететін кейіннен ауыр ісінулер, күлдіреуік түзілуімен, инъекция орнынан дистальді және проксимальді бөлімдердегі қол-аяқтың цианозы кіреді. Вена ішіне енгізуге немесе басқа венаішілік ерітінділермен араластыруға болмайды. Жүректің және тыныс алудың тоқтауымен және өліммен байланысты болған бициллинді байқаусызда венаішілік енгізу туралы хабарламалар бар. Жамбастың алдыңғы латеральді бөлігіне пенициллин препараттарының бірнеше рет бұлшықетішілік инъекциясынан кейін фиброз және жамбастың төрт басты бұлшықетінің атрофиясы тіркелген. Зеңдік зақымданулардың дамуы мүмкін болғандықтан, В тобының дәрумендері мен аскорбин қышқылын тағайындаған дұрыс, ал қажет болғанда – нистатин мен леворинді, инфекцияның жайылу белгілерінде – флуконазолды тағайындайды. Арнайы ескертулер • Пациенттердің ерекше топтары Егде жастағы пациенттер Егде жастағы пациентке доза таңдау сақтықпен орындалуы тиіс, әдетте бауыр, бүйрек функциясының немесе жүрек функциясының төмендеуінің үлкен жиілігін, қатарлас ауруларды немесе басқа дәрілік емді ескере отырып ең төменгі тиімді дозадан бастау керек; препаратты бүйрек функциясын бақылаумен қолдану керек. Бүйрек жеткіліксіздігі бар пациенттер БИЦИЛЛИН-3 бүйрек арқылы шығарылады, препаратқа уытты реакциялар қаупі бүйрек функциясы бұзылған науқастарда байқалады. Бүйрек жеткіліксіздігінде дозалар креатинин клиренсіне (КК) сәйкес төмендейді: КК минутына 10-нан 50 мл дейін болғанда препараттың тәуліктік дозасының 75%, КК минутына 10 мл кем болғанда препараттың тәуліктік дозасының 25-50% енгізеді. Препаратты бүйрек жеткіліксіздігі кезінде сақтықпен тағайындау керек. Педиатрияда қолдану БИЦИЛЛИН-3 препаратын 18 жасқа дейінгі балаларда қолдануға болмайды. Препараттың көлік құралдарын және қауіптілігі зор механизмдерді басқару қабілетіне әсер ету ерекшеліктері Ықтимал күрделі жағымсыз реакциялардың туындауына байланысты (мысалы, коллапспен және анафилактоидты реакциялармен анафилаксиялық шок), БИЦИЛЛИН-3 көлік құралдарын басқару және қауіптілігі зор механизмдерді пайдалану қабілетіне елеулі әсер етуі мүмкін

Жүктілік Бензатин бензилпенициллин плацента арқылы өтеді. Жануарларға жүргізілген зерттеулер ұрпақ өрбітуге уыттылыққа қатысты тікелей немесе жанама зиянды әсерді көрсетпейді. БИЦИЛЛИН-3 жүктілік кезінде көрсетілім тиісті түрде болғанда және артықшылықтар мен қауіпті бағалау дұрыс жүргізілген кезде пайдаланылуы мүмкін. Препаратты жүктілік кезінде тек ана үшін болжамды пайдасы шарана үшін ықтимал қауіптен артық болған жағдайда ғана қолдануға болады. Лактация Бензатин бензилпенициллин адам сүтімен аз мөлшерде бөлінеді. Ана сүтінде концентрациясы ананың қан сарысуындағы концентрациясының 2-ден 15% - ға дейінге жетуі мүмкін. Осы уақытқа дейін емшек сүтімен қоректенетін нәрестелерде қандай да бір жағымсыз әсерлер туралы хабарланбаған болса да, сенсибилизация немесе ішек флорасына араласу мүмкіндігін ескеру қажет. Балада диарея, кандидоз немесе бөртпе пайда болған жағдайда емшек емізуді тоқтату керек. Сондай-ақ, балалар тағамымен қоректенетін нәрестелерде, аналары бензатинбензилпенициллинмен емдеу кезінде емшек сүтін сауып тастауы керек. Емшек сүтін беру емдеуді тоқтатқаннан кейін 24 сағаттан кейін қайта басталуы мүмкін. Препаратты лактация кезінде қолдану қажет болған жағдайда емізуді тоқтату туралы мәселені шешу керек. Емшек емізу кезінде БИЦИЛЛИН-3 препараты қарсы көрсетілімде.

Бактериостатикалық әсері бар бактерияға қарсы препараттар Бензатин бензилпенициллинді бір мезгілде қолдану ұсынылмайды: жалпы қағидатты негізге ала отырып, бактерицидті және бактериостатикалық антибиотиктерді біріктіруге, БИЦИЛЛИН-3 препаратын бактериостатикалық әсер ететін бактерияға қарсы препараттармен біріктіру ұсынылмайды. Пробенецид: Пробенецидпен бір мезгілде қолданғанда сақ болу керек: пробенецидті енгізу бензилпенициллиннің өзекшелік секрециясын тежеуге алып келеді, бұл қан сарысуындағы концентрацияның ұлғаюына және жартылай шығарылу кезеңінің ұлғаюына алып келеді. Одан бөлек, пробенецид пенициллиннің жұлын сұйықтығынан тасымалдануын тежейді, пробеницид бір мезгілде енгізген кезде бензил пенициллиннің ми тініне енуі азаяды. Метотрексат: Бензатин бензилпенициллинмен бір мезгілде қабылдағанда метотрексат экскрециясы төмендейді. Бұл метотрексаттың уыттылығы артуына әкелуі мүмкін. Метотрексатпен біріктіру ұсынылмайды. Антикоагулянттар: Пероральді антикоагулянттармен бір мезгілде қолдану К дәруменіне қарсы әсерін және қан кету қаупін арттыруы мүмкін. Халықаралық қалыптасқан қатынасты (ХҚҚ) БИЦИЛЛИН-3 емдеу кезінде де, одан кейін де жиі бақылау және тиісті түрде дәруменге қарсы препараттың дозасын тиісінше түзету ұсынылады. Қабынуға қарсы стероидты емес дәрілер, диуретиктер Диуретиктер, индометацин, фенилбутазон, салицилаттар, аллопуринол, пробенецид пенициллиндердің өзекшелік секрециясын төмендетіп, концентрациясын арттырады. Ангиотензин-өзгертуші ферменттің (АӨФ) тежегіштері БИЦИЛЛИН-3 АӨФ тежегіштерімен бір мезгілде қолданғанда гиперкалиемия болуы мүмкін. Жергілікті-ауыруды басатын эфир тәрізді дәрілер. БИЦИЛЛИН-3 пайдаланғанда басқа эфир тәрізді жергілікті-анестезиялайтын дәрілерге айқаспалы жоғары сезімталдық байқалуы мүмкін. Құрамында эстроген бар контрацептивтер БИЦИЛЛИН-3 құрамында эстроген бар пероральді контрацептивтер мен метаболизм үдерісінде пара-аминобензой қышқылы түзілетін дәрілік заттардың тиімділігін төмендетеді. БИЦИЛЛИН-3 этинилэстрадиолмен бір мезгілде қолданғанда лақылдап қан кетудің даму қаупі артады. Аллопуринол Аллопуринол аллергиялық реакциялардың (тері бөртпесінің) даму қаупін арттырады.

Сақтау мерзімі 3 жыл. Жарамдылық мерзімі өткеннен кейін қолдануға болмайды! Сақтау шарттары 8 С-ден 25 С-ге дейінгі температурада сақтау керек. Балалардың қолы жетпейтін жерде сақтау керек!