Блемарен таблетки

Бір таблетканың құрамында белсенді заттар: 1197.0 мг сусыз лимон қышқылы, 967.5 мг калий гидрокарбонаты, 835.5 мг сусыз натрий цитраты қосымша заттар: лактоза моногидраты, маннитол, натрий сахаринаты, адипин қышқылы, макрогол 6000, лимон хош иістендіргіші. Сыртқы түрінің, иісінің, дәмінің сипаттамасы Дөңгелек пішінді, жалпақ цилиндрлі ақ немесе ақ дерлік түсті таблеткалар.

• кальцийленген тастары қатар болатын немесе онсыз несепқышқылды тастардан зардап шегіп жүрген пациенттерде несепті сілтілендіру үшін • кальций тастарының метафилактикасында (қайталанудың профилактикасы және /немесе қалдық фрагменттер өсуінің профилактикасы)

Әсер ету механизмі Несептің рН мәнін 6,6-6,8 дейін сілтілендіру арқылы, несепқышқылды тастарды ерітеді және түзілуіне жол бермейді (несептің рН 6,6-6,8 шамасында несеп қышқылы тұздарының еруі едәуір жоғарылайды және кальцийдің шығарылуы артады). Бұдан басқа, Блемарен препараты кальцийдің шығарылуын төмендетеді, несепте кальций оксалатының ерігіштігін жақсартады, кристалдардың түзілуін тежейді және, демек, кальций-оксалатты тастардың түзілуіне кедергі жасайды.

Дозалау режимі Несепқышқылды тастардан зардап шегіп жүрген пациенттерде несепті сілтілендіру үшін Дозаны жекелей белгілейді. Демеуші ем үшін несептің рН 6.2-6.8 шегі шамасында болуы тиіс. Орташа тәуліктік доза жекелей ерекшеліктеріне байланысты өзгеріп отырады және көпіршитін 3 таблетканы құрауы мүмкін. Тәуліктік дозаны күні бойы 3 қабылдауға тең етіп (мысалы, 8, 14 және 20 сағат) бөледі және тамақтан кейін қабылдайды. Егер несептің pH шамасы 6,2-ден төмен болса, препараттың дозасын арттырады. Бұл кешкі дозамен (2 таблетка), ерекше жағдайларда 3 таблеткамен түзетілуі тиіс. Егер несептің рН шамасы 6.8-ден жоғары болса, онда препарат дозасын азайтады. Уратты тастардың хемолитолизі үшін несептің рН 7.0-7.2 құрауы тиіс. Кальций тастарымен қатар, несеп қышқылының тастарынан зардап шегіп жүрген пациенттерде кальций тұздарының метафилактикасында және несепті сілтілендіруде несептің pH 6,8-7,4 шегінде болуы тиіс. Дозаны осы рН диапазонына жеткізу үшін жекелей белгілейді: бұл, әдетте көпіршитін 3 таблетка. Егер қажет болса, доза арттырылуы мүмкін, бірақ көп жағдайда, жоғарыда аталған рН диапазоны шегіндегі нәтижеге қол жеткізу үшін 5 таблетка жеткілікті. 3 таблетка тәуліктік дозасын бір рет кешке қабылдануы немесе күні бойы қабылданатын бірдей 3 дозаға бөлінуі мүмкін. Препарат дозасын арттырған кезде таңертең бір таблетка, біреуін түсте, 2-3 таблетканы кешке қабылдау керек. Блемарен препараты таблеткаларының дозасы, несептің рН оңтайлы диапазон шегінде болуы үшін, жекелей белгіленуі тиіс. Енгізу әдісі мен жолы Көпіршитін таблеткаларды 200 мл суда еріткеннен кейін ішке бірден қабылдаған жөн. Ұзақ араластырмаған жөн, сұйықтық аздап лайланып, бетінде ерімеген бөлшектер болуы мүмкін Емдеу ұзақтығы Емдеу ұзақтығы 4 аптадан 6 айға дейін өзгеріп отырады. Препаратты қолдану тиімділігін бақылауды, әрбір бір реттік дозаны қабылдар алдында несептің рН-ын индикатор қағаздың көмегімен анықтау арқылы күніне 3 рет жүргізеді. Қағазда алынған түсті 2 минут ішінде шкаламен салыстырады және алынған шаманы бақылау күнтізбесіне енгізеді. Дәрілік препаратты қолдану тәсілін түсіндіру үшін медициналық қызметкер кеңесіне жүгіну жөніндегі кеңестер Блемарен препаратын қолданар алдында осы дәрілік препаратты қолдану тәсілін түсіндіру үшін медицина қызметкеріне кеңес алу үшін жүгіну ұсынылады.

• әсер етуші затқа (заттарға) немесе қосымша заттардың кез келгеніне аса жоғары сезімталдық • бүйрек функциясының жедел немесе созылмалы жеткіліксіздігі • қышқыл-сілтілік тепе-теңдіктің бұзылуы (метаболизмдік алкалоз) • мочевинаны ыдырататын микроорганизмдерден туындаған несеп шығару жолдарының инфекциялық аурулары • несептің рН 7,0-ден жоғары • тұзсыз диетаны қатаң сақтау (мысалы, артериялық гипертензияның ауыр түрлерінде) • тұқым қуалайтын эпизодтық адинамия • қанайналым жеткіліксіздігі • 12 жасқа дейінгі балалар

Сирек • жүрек айну • құсу • аллергиялық реакциялар • ісінулер (натрийдің іркілуі) • метаболизмдік алкалоз • метеоризм • іштің ауыруы • диарея • диспепсия Өте сирек • кекіру • қыжыл Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: бүйрек функциясы қалыпты болғанда метаболизмдік параметрлерге жағымсыз әсері ұсынылған дозадан тіпті көп артық дозаларда қабылдағаннан кейін де болмайды (негіздердің бүйректер арқылы шығарылуы салдарынан организмде ҚНЖ демеуші табиғи реттеуші механизм іске қосылады). Несептегі рН ұсынылған диапазоннан астамға жоғарылауы бірнеше күннен аспауы тиіс, өйткені рН жоғары деңгейде болғанда фосфаттардың кристалдану қаупі жоғарылайды және метаболизмдік алкалоз жағдайы пайда болуы мүмкін, ол кез келген жағдайда жағымды емес. Емі: артық дозалануды дозаны төмендету арқылы басады; қажет болғанда метаболизмдік алкалозды түзетеді.

Қолданар алдында қан плазмасындағы электролиттер деңгейін анықтау және бүйрек функциясын тексеру қажет. Бүйрек өзекшелерінің ацидозына күдіктенген жағдайда қышқыл-негізді жағдайды (ҚНЖ) тексерген жөн. Несепқышқылды тастарды еріткенде емдік дозаны арттырмаған жөн, өйткені несептің сілтілік реакциясында (pH 7,0-ден жоғары) несепқышқылды тастардағы фосфатты тұздар шөгеді, бұл олардың әрі қарай еруіне кедергі жасайды. Арнайы сақтандырулар Жүрек функциясының жеткіліксіздігі бар науқастарға тағайындаған кезде Блемарен препаратының бір таблеткасында 9,7 ммоль-ге жуық (380 мг) калий бар екендігін ескеру қажет. Блемарен препаратын ас тұзы шектелген диетадағы пациенттерге, мысалы, артериялық гипертензияда, жүрек пен бүйрек ауруларында препараттың бір таблеткасында 9,7 ммольге жуық (220 мг) натрий бар екендігін ескеру қажет. Бүйрек функциясының жеткіліксіздігі бар пациенттер Блемарен препаратын бауыр функциясының ауыр бұзылулары бар науқастарға қолданғанда сақ болу қажет. Организмде калийдің іркілуімен қатарласа жүрмейтін, бүйрек функциясының компенсацияланған түрдегі жеткіліксіздігі бар науқастарда дозалау режимін түзетудің қажеті жоқ. Қант диабеті Блемарен препаратының құрамында көмірсулардың жоқ болуына байланысты, оны қант диабеті бар науқастарға тағайындауға болады (көпіршитін 1 таблеткада 0,02 НБ бар). Блемарен препаратымен емдеу кезінде құрамы ақуыздарға және пуринді негіздерге бай өнімдерді шектеген жөн, сондай-ақ пайдаланылатын сұйықтықтың мол мөлшерін (жүрек пен бүйрек функциясының жағдайын ескере отырып, кем дегенде 2-3 л) қамтамасыз ету керек. Педиатрияда қолданылуы 12 жастан асқан балаларға препаратты ересектерге арналған дозада тағайындайды. Лактоза Препараттың құрамына лактоза моногидраты кіреді. Осыған байланысты тұқым қуалайтын галактоза жақпаушылығы, Лапп лактаза тапшылығы, глюкоза галактоза мальабсорбциясы бар науқастарға тағайындауға болмайды.

Жүктілік және лактация кезеңінде Блемарен препаратын қолданудың қауіпсіздігі жөнінде деректер жоқ, осыған байланысты препаратты осы кезеңде қолдану ұсынылмайды. Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері Әсер етпейді.

Блемарен препаратын және құрамында цитраттар және алюминий бар препараттарды бір мезгілде қолданғанда алюминийдің сіңуі артуы мүмкін, сондықтан мұндай препараттарды Блемарен препаратын қабылдағанға дейін және қабылдағаннан кейін кем дегенде 2 сағат аралықпен қабылдаған жөн. Жасушадан тыс калий концентрациясын кез келген шамада арттыру жүрек гликозидтерінің әсерін бәсеңдетуі, ал керісінше сол кезде кез келген төмендету – жүрек гликозидтерінің аритмогендік әсерін күшейтуі мүмкін. Гипертензияға қарсы кейбір дәрілік заттар (мысалы, альдостерон антагонистері, калий жинақтаушы диуретиктер, ангиотензин өзгертуші фермент (АӨФ) тежегіштері), сартандар, қабынуға қарсы стероидты емес дәрілер және анальгетиктер-антипиретиктер калийдің организмнен шығарылуын төмендетуі мүмкін.

Сақтау мерзімі 4 жыл Жарамдылық мерзімі өткеннен кейін қолдануға болмайды! Сақтау шарттары • Құрғақ, жарықтан қорғалған жерде, 25˚С-ден аспайтын температурада сақтау керек. • Препаратты балалардың қолы жетпейтін жерде сақтау керек! Түбекті нығыздап жабу керек.