БОЛИOFF капсулы 200 мг

Бір капсуланың құрамында белсенді зат - 200 мг ибупрофен, қосымша заттар: макрогол 600, тазартылған су*, калий гидроксиді** * – құрамына 50% калий гидроксиді ерітіндісі кіреді. ** – 50% калий гидроксиді ерітіндісі ретінде қолданылады. Дайын өнімнің құрамында болмайды, ибупрофен калий тұзының түзілуімен реакцияға түседі. Капсула қабығының құрамы: желатин, кристалданбайтын сорбитол ерітіндісі, тазартылған су, керемет қызыл (Е-129). Сыртқы түрінің, иісінің, дәмінің сипаттамасы Жұмсақ желатинді сопақша пішінді, мөлдір, қызыл түсті капсулалар. Капсула ішінде – түссізден ашық қызғылт түске дейінгі тұтқыр мөлдір сұйықтық.

Келесі жағдайларда симптоматикалық ем үшін: • бас ауыруы • бас сақинасы • тіс ауыруы • ауырсынумен жүретін етеккір • невралгия • арқаның ауыруы • бұлшықеттегі және ревматизмдік ауырулар • тұмау мен суық тию ауруларындағы қызба жай-күйінде

Нұсқаулықта көрсетілмеген.

Дозалау режимі Препарат тек қысқа мерзімді қолдануға және ересектер мен 12 жастан асқан балаларға қолдануға арналған. Бастапқы доза-1-2 капсуланы (200-400 мг ибупрофен) құрайды. Қажет болса, препаратты 1-2 капсула (200-400 мг ибупрофен) дозасында қайта қабылдауға болады. Дозалау аралығы симптомдардың айқындығына және ұсынылатын ең жоғары тәуліктік дозаға байланысты. Қабылдау аралығы 400 мг дозада кемінде 6 сағат және 200 мг дозада кемінде 4 сағат болуы керек. Ең жоғары тәуліктік доза 1200 мг ибупрофеннен аспауы тиіс. Жасы — Капсуладағы бір реттік доза — Капсуладағы ең жоғары тәуліктік доза 12 жастан асқан балалар, ересектер мен егде жастағы пациенттер — 1 немесе 2 капсула (200 немесе 400 мг ибупрофен) — 6 капсула (1200 мг ибупрофен) Пациенттердің ерекше топтары Балалар Балаларда қолдану бойынша қосымша ақпаратты жоғарыда көрсетілген кестеден қараңыз. Егде жастағы пациенттер Дозаны қандай да бір арнаулы түрде түзету қажет емес. Жағымсыз әсердің даму ықтималдығына байланысты егде жастағы пациенттерді мұқият бақылау ұсынылады. Бүйрек жеткіліксіздігі бар пациенттер Бүйрек функциясының жеңіл және орташа бұзылу дәрежесі бар пациенттер үшін дозаны түзету талап етілмейді (бүйректің ауыр жеткіліксіздігі бар пациенттер үшін препаратты қолдануға болмайды). Бауыр жеткіліксіздігі бар пациенттер Бауыр функциясының жеңіл және орташа бұзылу дәрежесі бар пациенттер үшін дозаны түзету талап етілмейді (бауырдың ауыр жеткіліксіздігі бар пациенттер үшін препаратты қолдануға болмайды). Енгізу әдісі және жолы Ішке қабылдауға арналған. Капсулаларды шайнамай тұтас күйде қабылдау керек. Қабылдау уақыты көрсетілген қолдану жиілігі Жағымсыз реакциялардың даму қаупін азайту үшін ибупрофенді ең аз тиімді дозада және клиникалық әсерге жету үшін қажетті ең қысқа мерзімде қабылдау керек. Асқазаны сезімтал пациенттерге Болиоff тамақтану кезінде қабылдау ұсынылады. Тамақтанғаннан кейін бірден Болиоff қабылдаған кезде препараттың әсер етуі кешіктірілуі мүмкін. Бұл жағдайда препараттың дозасын ұсынылған дозадан артық ұлғайтуға болмайды. Емдеу ұзақтығы Препарат тек қысқа мерзімді қолдануға арналған. Егер балаларда симптомдар 3 күннен артық сақталса немесе препаратты қабылдағаннан кейін 3 күннен соң жағдайдың нашарлауы байқалса, онда дәрігер кеңесіне жүгіну керек. Егер ересектерге бұл дәрілік препаратты қызба кезінде 3 күннен артық немесе ауырсынуды емдеу үшін, сондай-ақ симптомдар өршігенде 4 күннен артық қабылдау қажет болса дәрігер кеңесіне жүгіну керек.

• ибупрофенге немесе қосымша заттарының кез келгеніне аса жоғары сезімталдық • анамнезде ацетилсалицил қышқылын (салицилаттар) немесе басқа да ҚҚСП қолданумен байланысты аса жоғары сезімталдық реакцияларының болуы (бронх демікпесі, бронх түйілуі, ринит, риносинусит, мұрын немесе мұрын маңы қойнауларының қайталанатын полипозы, Квинке ісінуі, есекжем) • белсенді фазадағы немесе анамнездегі АІЖ мүшелерінің эрозиялы-ойық жаралы аурулары (соның ішінде асқазан мен он екі елі ішектің ойық жара ауруы, Крон ауруы, ойық жаралы колит) немесе ойық жарадан қан кету (ойық жаралы аурудың немесе ойық жарадан қан кетудің екі және одан көп расталған көрінісі) • ҚҚСП қолдану түрткі болған анамнездегі қан кету немесе АІЖ ойық жарасының тесілуі • бауырдың ауыр жеткіліксіздігі немесе белсенді фазадағы бауыр ауруы • бүйректің ауыр жеткіліксіздігі (креатинин клиренсі <30 мл/мин), расталған гиперкалиемия • жүректің ауыр жеткіліксіздігі (Нью-Йорк Кардиологтар қауымдастығының жіктеуі, IV класс), аортокоронарлық шунттау жүргізуден кейінгі кезең • цереброваскулярлық немесе басқа белсенді қан кету болған пациенттерге. • гемофилия және қан ұюының басқа бұзылулары (соның ішінде гипокоагуляция), геморрагиялық диатездер • айқын сусыздану (құсу, диарея немесе сұйықтықты жеткіліксіз ішу салдарынан) • фруктоза жақпаушылығы • жүктілік (III триместр) • 12 жасқа дейінгі балаларға

Жағымсыз реакциялардың жиілігін анықтау мынадай критерийлер негізінде жүргізіледі: өте жиі (≥ 1/10), жиі (≥1/100 -< 1/10 дейін), жиі емес (≥1/1000 - < 1/100 дейін), сирек (≥1/10000 - < 1/1000 дейін), өте сирек (< 1/10000), белгісіз (қолда бар деректердің негізінде бағалау мүмкін емес). Жиі • асқазан-ішек жолдары тарапынан бұзылулар, мысалы, іш аумағының ауыруы, жүрек айнуы және ас қорыту бұзылыстары, диарея, метеоризм, іш қату, қыжыл және сирек жағдайларда анемияға әкелуі мүмкін жеңіл асқазан-ішектен қан кетуі Жиі емес • аса жоғары сезімталдық реакциялары1 • есекжем және қышыну • орталық жүйке жүйесінің тарапынан бұзылулар, соның ішінде бас ауруы, бас айналу, ұйқышылдық, қозу, ашуланшақтық немесе шаршау • көрудің бұзылулары • АІЖ ойық жарасы, қан кету және перфорациямен, ойық жаралы стоматит, колиттің өршуі және Крон ауруымен болуы ықтимал, гастрит • тері бөртпелерінің әртүрлі типтері Сирек • құлақтағы шуыл • сирек жағдайларда бүйрек тінінің зақымдануы (бүйрек емізікшесінің некрозы) және қандағы мочевина концентрациясының жоғарылауы; қандағы несеп қышқылының концентрациясының жоғарылауы • гемоглобин деңгейінің төмендеуі Өте сирек • инфекциямен байланысты қабынудың өршуі (мысалы, некроздаушы фасциттің дамуы), сирек жағдайларда терінің ауыр инфекциясы және жұмсақ тіндердің асқынуы желшешек кезінде болуы мүмкін • гемопоэздің бұзылуы (анемия, лейкопения, тромбоцитопения, панцитопения және агранулоцитоз). Алғашқы белгілер-қызба, тамақ ауруы, ауыз қуысының үстірт ойық жаралары, тұмауға ұқсас симптомдар, қатты жүдеу, мұрыннан қан кету және теріден қан кету, қан кету және қанталаулар. Мұндай жағдайларда пациент осы дәрілік препаратты қабылдауды тоқтату, анальгетиктермен және ыстық түсіретін дәрілермен өзін-өзі емдеуден бас тарту және дәрігермен кеңесу туралы ұсыныстар алуы керек • ауыр жайылған аса жоғары сезімталдық реакциялары. Симптомдарға беттің, тілдің және тамақтың ісінуі, ентігу, тахикардия және гипотензия кіруі мүмкін (анафилаксия, ангионевроздық ісіну немесе ауыр шок) • демікпенің өршуі • психоздық реакция, депрессия • асептикалық менингит2 • жүрек жеткіліксіздігі, жүрек соғысы жиілеуі және ісіну, миокард инфарктісі • артериялық гипертензия, васкулит • эзофагит, панкреатит және ішектің жарғақшалық стриктурасы түзілуі. • бауыр дисфункциясы, бауырдың зақымдануы, әсіресе ұзақ уақыт қабылдаған кезде, бауыр жеткіліксіздігі, жедел гепатит • Стивенс-Джонсон синдромы, полиморфты эритема және уытты эпидермальді некролиз, алопецияны қоса, буллезді реакциялар сияқты ауыр тері реакциялары • ісінулер, әсіресе артериялық гипертензиямен немесе бүйрек жеткіліксіздігімен ауыратын пациенттерде, нефроздық синдром, ішек нефриті, олар жедел бүйрек жеткіліксіздігімен бірге жүруі мүмкін Белгісіз • тыныс алу жолдарының аса реактивтілігі, оның ішінде демікпе, бронх түйілуі немесе ентігу • эозинофилиямен және жүйелік симптомдармен (DRESS синдромы) бірге жүретін препаратқа реакция, жедел жайылған экзантематозды пустулез (AGEP), фотосезімталдық реакциялары • Кунис синдромы деп аталатын потенциалды ауыр аллергиялық реакцияның белгісі болуы мүмкін кеудедегі ауырсыну. Жеке - дара жағымсыз реакциялар сипаттамасы 1 Ибупрофенмен емдеу кезінде аса жоғары сезімталдық реакциялары тіркелді. Олар (a) спецификалық емес аллергиялық реакциялар және анафилаксиялық реакция, (b) тыныс алу жолдарының гиперреактивтілігі, оның ішінде демікпе, өршіген демікпе, бронхоспазм, ентігу немесе (c) әртүрлі тері реакциялары, оның ішінде әртүрлі типтегі бөртпе, қышу, есекжем, пурпура, ангионевроздық ісіну және сирек эксфолиативті және буллезді дерматозды (оның ішінде уытты эпидермалды некролиз, Стивенс-Джонсон синдромы және полиморфты эритема) қамтуы мүмкін 2 Препаратты қабылдаудан туындаған асептикалық менингиттің дамуының патогенетикалық механизмі әлі толық зерттелмеген. Алайда, ҚҚСП қабылдау аясындағы асептикалық менингит жағдайлары туралы қолда бар деректер иммундық реакцияны көрсетеді (препаратты қабылдау уақыты мен препаратты тоқтатқаннан кейін симптомдардың жоғалуы арасындағы байланыс байқалады). Асептикалық менингит симптомдарының жекелеген жағдайлары болуы (мысалы, мойын бұлшықеттерінің қарысуы, бас ауруы, жүрек айнуы, құсу, қызба немесе бағдарлаудың бұзылуы) бұрыннан аутоиммунды аурулары бар ибупрофен алған (мысалы, жүйелі қызыл жегі, дәнекер тінінің аралас ауруы) пациенттерді емдеу кезінде байқалғанын ескере кету керек. Жағымсыз реакциялар туындаған жағдайда медицина қызметкеріне, фармацевтика қызметкеріне немесе тікелей, дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) жөніндегі ақпараттық мәліметтер базасына хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттарды және медициналық бұйымдарды сараптау ұлттық орталығы» ШЖҚ РМК. http://www.ndda.kz

Балаларда симптомдар 400 мг/кг-дан астам дозаны ішке қабылдаған кезде пайда болуы мүмкін. Ересектерде дозаға тәуелді әсер онша айқын емес. Симптомдары Жүрек айну, құсу, іштің ауыруы және сирек диарея болады. Бұлыңғыр көру, құлақтың шуылы, бас ауруы және асқазан-ішектен қан кету де мүмкін. Неғұрлым ауыр улану жағдайында орталық жүйке жүйесінің уыттылығы байқалады, ол кеңістікте бағдар жоғалту, бас айналу, ұйқышылдық, мезгіл-мезгіл қозу және дезориентация, сананың жоғалуы немесе кома түрінде көрінеді. Кейде пациенттерде құрысулар болады. Ауыр улану кезінде метаболизмдік ацидоз пайда болуы мүмкін. Гипотермия мен гиперкалиемия дамуы мүмкін және протромбин уақытының/халықаралық қалыптасқан қатынастың (ХҚҚ) жоғарылауы, бұл айналымдағы қан ұюының факторларымен интерференциясына байланысты болуы мүмкін. Сондай-ақ жедел бүйрек жеткіліксіздігі, бауырдың зақымдануы, гипотензия, тыныс алу бәсеңдеуі және цианоз дамуы мүмкін. Демікпенің өршуі мүмкін. Емі Емдеу симптоматикалық және демеуші болуы тиіс және тыныс алу жолдарының өткізгіштігін қамтамасыз етуді және тұрақтанғанға дейін жүрек қызметі мен басқа да өмірлік функциялардың көрсеткіштерін бақылауды қамтуы керек. Егер пациент препараттың ықтимал улы мөлшерін 1 сағаттан аз уақыт бұрын қабылдаған болса, белсендірілген көмірді ішке қабылдау немесе асқазанды шаю нұсқасын қарастырған жөн. Егер ибупрофен сіңіп кеткен болса, онда сілтілі заттарды енгізу ибупрофеннің қышқыл түрінің несеппен шығарылуын ынталандыруы мүмкін. Егер құрысулар байқалса, әсіресе бірнеше және ұзақ болса, пациентке диазепам немесе лоразепам вена ішіне енгізілуі керек. Бронх демікпесі күшейген кезде бронходилататорларды қолдану ұсынылады. Медициналық көмек алу үшін жергілікті улануды бақылау орталығына хабарласыңыз. Дәрілік препаратты қолдану тәсілін айқындау үшін медицина қызметкерінен кеңес алу үшін ұсынымдар Болиoff препаратын қолданар алдында емдеуші дәрігермен кеңесіңіз. Емдеуші дәрігерге сіз нені қабылдағаныңыз, жақында нені қабылдағаныңыз немесе қайсыбір басқа препараттарды қабылдауға кірісуіңіз мүмкін екендігі туралы хабарлаңыз.

Ең аз тиімді дозаны симптомдарды жеңілдету үшін қажет ең қысқа уақыт ішінде қолдану керек. Егер сізде инфекция болса, қызба мен ауырсыну сияқты симптомдар сақталса немесе нашарласа, дереу дәрігерге жүгініңіз ("Арнаулы ескертулер" бөліміндегі "Инфекцияларды" қараңыз). Ибупрофен қабылдаған кезде бұл дәріге аллергиялық реакцияның белгілері, соның ішінде тыныс алу проблемалары, бет пен мойын аймағының ісінуі (ангионевроздық ісіну), кеудедегі ауырсыну туралы хабарланды. Болиоff қабылдауды дереу тоқтатыңыз және егер сіз осы белгілердің кез келгенін байқасаңыз, дереу дәрігерге немесе жедел медициналық көмекке жүгініңіз. Арнайы ескертулер Ауру барысында келесілер нашарлауы мүмкін белгілі бір аурулары бар пациенттерде сақ болыңыз: • жүйелі қызыл жегі, сондай-ақ дәнекер тіндердің аралас аурулары - асептикалық менингит даму қаупінің артуына байланысты; • туа біткен порфирин метаболизмінің бұзылуы (мысалы, жедел алма-кезек порфирия); • асқазан-ішек жолдарының тарапынан бұзылулар және созылмалы қабыну ішек аурулары (ойық жаралы колит, Крон ауруы); • анамнезінде гипертензия және / немесе жүрек жеткіліксіздігі болуы, өйткені ҚҚСП қабылдаған пациенттерде сұйықтықтың іркілуі және ісіну диагнозы қойылған; • бүйрек жеткіліксіздігі, өйткені бүйрек функциясының төмендеуі жалғасуы мүмкін; • бауыр дисфункциясы; • ауқымды хирургиялық араласымнан кейін; • мұндай пациенттерде Болиоff препаратына аса жоғары сезімталдық реакцияларының даму қаупінің жоғарылауына байланысты басқа заттарға аллергиялық реакциядан зардап шегетіндер; • аллергиялық реакцияның даму қаупінің жоғарылауына байланысты пішен қызбасымен, мұрын қуысының полиптерімен немесе тыныс алу жүйесі тарапынан созылмалы обструктивті бұзылыстарымен ауыратындар; демікпе ұстамалары (анальгезиялық демікпе деп аталады), Квинке ісінуі немесе есекжем дамуы мүмкін. Басқа ҚҚСП қолдану Арнаулы циклооксигеназа-2 тежегіштерін қоса, ҚҚСП қатар қолдану жағымсыз реакциялардың даму қаупін арттырады және оны болдырмау керек. Асқазан-ішек жолдары (АІЖ): Емдеудің кез келген кезеңінде ҚҚСП қабылдау асқазан-ішектен қан кетуге, ойық жаралануына немесе перфорацияға әкелуі мүмкін, кейде ескерту симптомдарының немесе анамнезінде асқазан-ішек жолдарының тарапынан ауыр жағымсыз құбылыстарының болуына қарамастан өлімге әкеледі. Егер ибупрофен қабылдаған пациенттерде асқазан-ішектен қан кету немесе ойық жара пайда болса, емдеуді тоқтату керек. Анамнезінде ойық жарасы бар пациенттерде, әсіресе қан кетумен немесе перфорациямен асқынған ойық жарамен және егде жастағы пациенттерде ҚҚСП дозасы жоғарылаған кезде асқазан-ішектен қан кету, ойық жара немесе перфорация даму қаупі артады. Мұндай пациенттер препаратты ең аз дозадан бастауы керек. Мұндай пациенттерде препаратты ацетилсалицил қышқылының төмен дозаларымен немесе асқазан-ішек жолдарының тарапынан асқыну даму қаупін арттыруға қабілетті басқа дәрілік заттармен бірге қабылдайтын пациенттер сияқты қорғаныс дәрілерін (мысалы, мизопростол немесе протон сорғысының тежегіштері) пайдалана отырып, кешенді емдеу нұсқасын қарастыру керек. Анамнезінде АІЖ аурулары бар пациенттер емдеудің бастапқы кезеңдерінде жиі дамитын іш аумағының қайта пайда болған кез келген симптомдары (әсіресе асқазан-ішектен қан кету) туралы мәлімдеуі керек. Пероральді кортикостероидтар, варфарин сияқты антикоагулянттар, серотонинді кері қармайтын селективті тежегіштері немесе тромбоциттерге қарсы препараттар (мысалы, аспирин) сияқты ойық жара немесе қан кету қаупін арттыруы мүмкін дәрілік препараттарды қабылдайтын пациенттерге препаратты сақтықпен ұсыну керек. Асқазан-ішек жолдарының аурулары бар пациенттерге (ойық жаралы колит, Крон ауруы) аталған аурулардың өршуі болуына байланысты ҚҚСП-ны сақтықпен тағайындау керек. Тері және шырышты қабықтар Кейбір жағдайларда өлімге әкелетін ауыр тері реакциялары, соның ішінде эксфолиативті дерматит, Стивенс-Джонсон синдромы және уытты эпидермальды некролиз, ҚҚСП қолдану аясында өте сирек жағдайларда ғана диагноз қойылды. Пациенттер терапияның ең басында осы реакциялардың дамуына ең сезімтал деп есептеледі; реакцияның басталуы жағдайлардың басым көпшілік жағдайларында емдеудің бірінші айында болады. Құрамында ибупрофен бар препараттарды қабылдау аясында жедел жайылған экзантематозды пустулоздың (AGEP) дамуы туралы хабарланды. Тері бөртпесі, шырышты қабықтың зақымдануы немесе аса жоғары сезімталдықтың кез келген басқа көріністері сияқты ауыр тері реакцияларының дамуының алғашқы белгілерінде препаратты қабылдауды дереу тоқтату керек. Желшешекпен ауыратын пациенттерде ҚҚСП қолдану терінің және тері астындағы шелмайдың жұқпалы қабыну ауруларының (мысалы, некроздайтын фасциит) ауыр іріңді асқынуларының даму қаупінің жоғарылауымен байланысты болуы мүмкін. Осыған байланысты препаратты желшешекте қолдануды болдырмау ұсынылады. Жүрек-қан тамырлары және цереброваскулярлық әсері Ибупрофенді, әсіресе жоғары дозаларда (тәулігіне 2400 мг) қолдану артериялық тромбоздық құбылыстардың (мысалы, миокард инфарктісі немесе инсульт) даму қаупінің шамалы жоғарылауымен байланысты болуы ықтимал. Ибупрофеннің төмен дозаларын қабылдау (тәулігіне 1200 мг) артериялық тромбоз құбылыстарының даму қаупінің жоғарылауын тудырмайды. Бақыланбайтын гипертензиясы, іркілісті жүрек жеткіліксіздігі (NYHA жіктеуі бойынша II-III класы, жүректің ишемиялық ауруы, шеткері артериялық ауру және/немесе цереброваскулярлық ауруы расталған) бар пациенттерге ибупрофенді аса сақтықпен тағайындау керек және жоғары дозалардан (тәулігіне 2400 мг) аулақ болу керек. Сондай-ақ, жүрек-қан тамырлары асқынуларының қауіп факторлары бар пациенттерге (мысалы, гипертензия, гиперлипидемия, қант диабеті, шылым шегушілер) ұзақ мерзімді терапияны тағайындағанда, әсіресе ибупрофеннің жоғары дозаларын (тәулігіне 2400 мг) қабылдау қажет болған кезде ерекше сақ болу керек. Бүйрек функциясының бұзылуы Ауырсынуды басатын препараттарды, әсіресе бірнеше ауырсынуды басатын әсер етуші заттардың біріктірілімін үнемі қабылдау бүйрек жеткіліксіздігінің (анальгезиялық нефропатия) даму қаупі бар бүйректің қайтымсыз зақымдалуына әкелуі мүмкін. Бұл қауіп тұзды жоғалтуға және организмнің сусыздануына байланысты дене жүктемелерінде жоғарылауы мүмкін. Осыған байланысты ауырсынуды басатын препараттарды үнемі қабылдаудан аулақ болу керек. Аса жоғары сезімталдық реакциялары Ауыр жедел аса жоғары сезімталдық реакциялары (мысалы, анафилаксиялық шок) өте сирек бақыланады. Болиоff препаратын қабылдағаннан кейін аса жоғары сезімталдық реакциясының алғашқы белгілерінде емдеуді тоқтату керек. Медицина қызметкері симптомдарды ескере отырып, қажетті шараларды қабылдауы тиіс. Инфекциялар Ибупрофен ысыну мен ауырсыну сияқты инфекциялардың белгілерін бүркемелуі мүмкін. Сондықтан Болиоff препараты инфекцияны тиісті емдеуді кешіктіруі мүмкін, бұл асқыну қаупінің жоғарылауына әкелуі ықтимал. Бұл бактериялар тудырған пневмонияда және желшешекпен байланысты бактериялық тері инфекцияларында байқалды. Егер сіз бұл дәріні инфекция кезінде қабылдасаңыз және инфекция симптомдары сақталса немесе нашарласа, дереу дәрігерге жүгініңіз. Басқа деректер Ибупрофен тромбоциттік функциясын (тромбоциттер агрегациясы) уақытша тежей алады. Сондықтан қан ұюының бұзылыстары бар пациенттерді мұқият бақылау ұсынылады. 12 жастан асқан балаларда Болиоff препаратын ұзақ уақыт қолданған кезде бауыр, бүйрек функциясының көрсеткіштерін үнемі тексеріп отыру, сондай-ақ жалпы қан талдауын жүргізу қажет. Кез-келген бас ауруын басатын дәріні ұзақ уақыт қолдану оның өршуіне әкелуі мүмкін. Бұл жағдайда немесе жағдайдың осындай дамуына күдік болған кезде медициналық кеңес алу және емдеуді тоқтату қажет Алкогольді қатарлас қолданған кезде ҚҚСП әсер етуші заттарынан, әсіресе асқазан-ішек жолынан немесе орталық жүйке жүйесі тарапынан туындаған жағымсыз әсерлердің күшеюі мүмкін. Егде жастағы пациенттер ҚҚСП қабылдағаннан кейін жағымсыз реакциялардың даму жиілігі егде жастағы пациенттерде, әсіресе өліммен аяқталуы мүмкін қан кету немесе асқазан-ішек жолдарының ойық жарасының тесілуі сияқты реакцияларда жоғарылайды. Егде жастағыларда жағымсыз реакциялардың даму салдарының қаупі жоғарырақ болатыны анықталды. Педиатрияда қолдану Дегидратациясы бар балалар мен жасөспірімдерде (12 жастан бастап 18 жасқа дейін) бүйрек функциясының бұзылуының қаупі бар. Қосымша заттар туралы қосалқы ақпарат Бұл дәрілік препарат құрамында сорбитол бар. Бұл дәрілік препаратты фруктоза жақпаушылығына байланысты сирек кездесетін тұқым қуалайтын бұзылулары бар пациенттерге қабылдауға болмайды. Бұл дәрілік препараттың құрамында бір капсулада 25.6 мг калий бар. Бұны қандағы калий деңгейін бақылау қажеттілігі бар пациенттер үшін ескеру керек. Бұл дәрілік препараттың әр капсуласында 0.22 мг "Керемет қызыл" (Е-129) бояғышы бар және аса жоғары сезімталдықта аллергиялық реакция тудыруы мүмкін. Препараттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері Ибупрофен қабылдаған кезде бас айналуды, ұйқышылдықты, мәңгіруді немесе көру қабілетінің бұзылуын байқайтын пациенттер автокөлік жүргізуден немесе қозғалатын механизмдерді басқарудан аулақ болуы керек.

Жүктілік Простагландин синтезінің тежелуі жүктілік ағымына және/немесе эмбрионның/ұрықтың дамуына жағымсыз әсер етуі мүмкін. Жүктіліктің бірінші және екінші триместрінде ибупрофенді өте қажет болған жағдайда ғана тағайындау керек. Егер ибупрофенді жүктілікті жоспарлаған әйел немесе жүктіліктің бірінші және екінші триместрінде қабылдаса препараттың дозасы мен терапияның ұзақтығы ең аз болуы керек. Жүктіліктің үшінші триместрінде простагландин синтезінің кез келген тежегіштерін қолдану келесі жағымсыз салдарларға әкелуі мүмкін Ұрық үшін: • кардиопульмональді уыттылық (артериялық түтіктің мерзімінен бұрын жабылуымен және өкпе гипертензиясының дамуымен); • бүйрек жеткіліксіздігіне дейін үдейтін бүйрек дисфункциясы және олигогидрамнион. • Жүктіліктің соңында анасы және жаңа туған нәресте үшін: • қан кету уақытының ұлғаюы мүмкіндігі, өте төмен дозаларды қабылдаған кезде тіпті агрегацияға қарсы әсер; • жатыр бұлшықеттерінің жиырылуын тежеу, бұл босану басталуының кешігуіне және босану ұзақтығының ұзаруына әкеледі. Осыған байланысты жүктіліктің үшінші триместрінде ибупрофенді қабылдау қарсы көрсетілімді. Лактация Ибупрофен және оның метаболиттері емшек сүтіне төмен концентрацияда өте алады. Қазіргі уақытта еметін нәрестелерге зиянды әсер ету туралы деректер жоқ, сондықтан ауырсыну мен қызбаны жеңілдету үшін ұсынылған дозаларды қысқа мерзімді қабылдауда баланы емізуді тоқтатудың қажеті жоқ.

Ибупрофенді келесі дәрілік препараттармен бір мезгілде қолданудан аулақ болу керек: Басқа ҚҚСП, соның ішінде селективті ЦОГ-2 тежегіштері ҚҚСП тобынан екі немесе одан да көп препараттарды бір уақытта қабылдаудан аулақ болу керек, себебі бұл жағымсыз әсерлердің қаупін арттыруы мүмкін. Ацетилсалицил қышқылы (аспирин) Эксперименттік деректер оларды бірге қолданған жағдайда ибупрофеннің аспириннің төмен дозаларының тромбоциттер агрегациясына әсерін тежеуі мүмкін екенін көрсетеді. Бұл деректерді клиникалық тәжірибеге экстраполяциялауға қатысты белгісіздік болса да, ибупрофенді үнемі, ұзақ уақыт қолдану ацетилсалицил қышқылының төмен дозаларының кардиопротекторлық әсерін төмендетуі мүмкін екенін жоққа шығаруға болмайды. Ибупрофенді сирек қолданғанда бірде-бір тиісті клиникалық әсер болуы мүмкін деп танылмады. Ибупрофенді (басқа ҚҚСП сияқты) келесі препараттармен бірге қолданғанда абай болу керек: Дигоксин сияқты жүрек гликозидтері ҚҚСП жүрек жеткіліксіздігін нашарлатуы, шумақтық сүзілу жылдамдығын төмендетуі және гликозидтердің плазмалық концентрациясын жоғарылатуы мүмкін. Ибупрофенді дигоксин препараттарымен бірге қабылдау қан сарысуындағы дигоксин деңгейін жоғарылатуы мүмкін. Дұрыс қолданған кезде (4 күннен аспайды) қан сарысуындағы дигоксин деңгейін тексеру қажет емес. Кортикостероидтар Жағымсыз реакциялардың, әсіресе асқазан-ішек жолдары тарапынан пайда болу қаупін арттыруы мүмкін (асқазан-ішек жолдары; ойық жараның пайда болуы немесе қан кету) Антитромбоциттік препараттар және кейбір серотонинді кері қармаудың селективті тежегіштері (СКҚСТ) Асқазан-ішектен қан кету дамуының қаупі артады. Антикоагулянттар ҚҚСП антикоагулянттардың, мысалы варфариннің әсерін күшейтуі мүмкін. Фенитоин Болиoff препаратын фенитоин препараттарымен бірге қабылдау қан сарысуындағы фенитоин деңгейін жоғарылатуы мүмкін. Дұрыс қолданған кезде қан сарысуындағы фенитоин деңгейін тексеру қажет емес (4 күннен аспайды). Литий препараттары Болиoff препаратын литий препараттарымен бірге қабылдау қан сарысуындағы литий деңгейін жоғарылатуы мүмкін. Дұрыс қолданған кезде қан сарысуындағы литий деңгейін тексеру қажет емес (4 күннен астам емес). Пробенецид және сульфинпиразон Құрамында пробенецид немесе сульфинпиразон бар дәрілік препараттар ибупрофеннің шығарылуын кейінге қалдыруы мүмкін. Гипертензияға қарсы препараттар (АӨФ тежегіштері, бетарецепторлар және ангиотензин II антагонистерінің блокаторлары) және диуретиктер ҚҚСП диуретиктер мен басқа гипертензияға қарсы дәрілік препараттардың әсерін төмендетуі мүмкін. Бүйрек функциясы бұзылған кейбір пациенттерде (мысалы, сусызданған пациенттер немесе бүйрек функциясы бұзылған егде жастағы пациенттер) препаратты AӨФ тежегіштерімен немесе ангиотензин II антагонистерімен және циклооксигеназаны тежейтін дәрілік заттармен бірге қабылдау бүйрек функциясының одан әрі нашарлауына, соның ішінде әдетте қайтымды болатын жедел бүйрек жеткіліксіздігіне әкелуі мүмкін. Сондықтан препараттардың біріктірілімін сақтықпен қабылдау керек; бұл әсіресе егде жастағы пациенттерге қатысты. Пациенттер оңтайлы су теңгерімінің сақталуын қадағалап, қатарлас терапия басталғаннан кейін және одан әрі мезгіл-мезгіл бүйрек функциясын тексеруі керек. Диуретиктер ҚҚСП нефроуыттылық қаупін арттыруы мүмкін. Калий жинақтаушы диуретиктер Калий жинақтаушы диуретиктермен Болиoff препаратын бірге қабылдау гиперкалиемияға әкелуі мүмкін (қан сарысуындағы калий деңгейін тексеру ұсынылады. Метотрексат Метотрексаттың плазмалық концентрациясының ықтимал жоғарылауы туралы деректер бар. Метотрексатты қабылдағанға дейін немесе қабылдағаннан кейін 24 сағат ішінде ибупрофен қабылдау метотрексат концентрациясының жоғарылауына және оның уытты әсерінің жоғарылауына әкелуі мүмкін Циклоспорин Нефроуыттылығы артуының қаупі. Такролимус Екі препаратты бір мезгілде қолданғанда нефроуыттылық дамуы қаупі артады. Зидовудин Зидовудин мен ибупрофенді бір мезгілде алатын, гемофилиямен ауыратын АИТВ-оң пациенттерде гемартроз және гематома қаупінің жоғарылауы туралы деректер бар. Сульфонилмочевина препараттары Клиникалық зерттеулер қабынуға қарсы стероидты емес дәрілер мен диабетке қарсы дәрілердің (сульфонилмочевина препараттары) өзара әрекеттесуін көрсетті. Қазіргі уақытта ибупрофен мен сульфонилмочевина препараттарының өзара әрекеттесу жағдайлары сипатталмағанымен, бірге қабылдаған кезде сақтық шарасы ретінде қандағы глюкоза деңгейін тексеру ұсынылады. Хинолонды антибиотиктер ҚҚСП және хинолонды қатардың антибиотиктерімен бірлескен ем қабылдайтын пациенттерде құрысулар болу қаупінің жоғарылауы мүмкін. CYP2C9 тежегіштері Ибупрофенді CYP2C9 тежегіштерімен бірге тағайындау ибупрофеннің әсерінің артуына әкелуі мүмкін (CYP2C9 субстраты). Вориконазол мен флуконазолды (CYP2C9 тежегіштері) қолданған зерттеуде S(+)-ибупрофеннің әсерінің шамамен 80-100% жоғарылауы байқалды. Ибупрофеннің дозасын түзету туралы шешім онымен бірге әсері күшті CYP2C9 тежегіштері қолданылған жағдайларда, әсіресе ибупрофенді жоғары дозада вориконазолмен және флуконазолмен бір мезгілде бірге қолданған жағдайларда қабылдануы керек.

Сақтау мерзімі 2 жыл Жарамдылық мерзімі өткеннен кейін қолдануға болмайды! Сақтау шарттары Құрғақ, жарықтан қорғалған жерде, 25 °С-ден аспайтын температурада сақтау керек. Балалардың қолы жетпейтін жерде сақтау керек!