Бонабласт концентрат 6 мг/6 мл

Бір құтының ішінде: белсенді зат – 6.000 мг ибандрон қышқылы (6.750 мг натрий ибандронаты моногидратына баламалы) қосымша заттар: натрий хлориді, мұзды сірке қышқылы, натрий ацетаты тригидраты, инъекцияға арналған су Сыртқы түрінің, иісінің, дәмінің сипаттамасы Түссіз мөлдір ерітінді.

Бонабласт ересек пациенттерге көрсетілген: – сүт безінің обыры және сүйек тінінің метастаздық зақымдануы бар науқастарда қаңқа зақымдарының (патологиялық сынулар, сәулемен емді немесе хирургиялық емдеуді талап ететін сүйек тінінің зақымдануы) профилактикасында. – метастаздармен немесе метастаздарсыз қатерлі жаңа түзілімдер кезіндегі гиперкальциемияны емдеуде.

Сүйек ауруларын емдеуге арналған препараттар. Сүйек құрылымына және минералдануына ықпал ететін препараттар. Бисфосфонаттар. Ибандрон қышқылы АТХ коды М05ВА06 Ибадрон қышқылы сүйек тініне таңдамалы әсер ететін бисфосфонаттар тобына жатады. Олардың сүйек тініне таңдамалы әсері бисфосфонаттардың сүйек минералына жоғары тектестігіне негізделген. Бисфосфонаттар, нақты механизмі әлі күнге дейін белгісіз болса да, остеокластар белсенділігін тежеу ​​арқылы әсер етеді. In vivo ибандрон қышқылы тәжірибе жүзіндегі жыныс бездерінің индукцияланған бөгелісінен, ретиноидтардан, ісіктерден және ісік сығындыларынан болагын сүйек деструкциясының алдын алады. 45Ca кинетикалық зерттеулерінде сүйек тініне алдын ала енгізілген радиобелсенді тетрациклинді босатып шығару арқылы сүйектің эндогенді резорбциясының бәсеңдеуі құжатталды. Ибандрон қышқылы фармакологиялық тиімді дозалардан едәуір асып кететін дозаларын қолдану жағдайында сүйектердің минералдануына ықпал етпейді. Қатерлі ауру салдарынан болған сүйек тінінің резорбциясы сүйек тінінің тиісінше түзілуімен теңгерілмеген сүйек тінінің шамадан тыс резорбциясымен сипатталады. Ибандрон қышқылы остеокластар белсенділігін селективті тежеп, сүйектің резорбциясын төмендетеді және осылайша қатерлі аурудың сүйектік асқынуларын азайтады. Ісікпен индукцияланған гиперкальциемияны емдеу жөніндегі клиникалық зерттеулер Қатерлі түзілімдер гиперкальциемиясы кезіндегі клиникалық зерттеулер ибандрон қышқылының ісікпен индукцияланған остеолизді, әсіресе, ісікпен индукцияланған гиперкальциемияны тежеу әсері сарысудағы кальций деңгейінің және несеппен кальций экскрециясының төмендеуімен сипатталады. Емдеуге ұсынылатын дозалар диапазонында талапқа сай регидратациядан кейін қан сарысуындағы кальцийді сарысудағы альбуминнің ≥ 3,0 ммоль/л түзетуімен пациенттерге арналған клиникалық зерттеулерде тиісті сенім аралықтарымен реакция көрсеткіштері көрсетілді. Ибандрон қышқылы, доза — жауап берген пациенттер %-ы — 90% сенім аралығы 2 мг — 54 — 44 63 4 мг — 76 — 62 86 6 мг — 78 — 64 88 Осы пациенттер мен дозалар үшін нормакальциемияға жетудің орташа уақыты 4-7 күнге созылады. Қайталанудың орташа уақыты (альбуминмен түзетілген қан сарысуындағы кальцийдің 3,0 ммоль/л мөлшерінен жоғары қайтарылуы) 18-ден 26 күнге дейін созылады. Сүт безінің обыры және сүйек метастаздары бар науқастарда қаңқа зақымдарының профилактикасы бойынша клиникалық зерттеулер Сүт безінің обыры және сүйек метастаздары бар пациенттерде жүргізілген клиникалық зерттеулер сүйектердің резорбциялану маркерлерімен өрнектелген сүйек остеолизіне дозаға тәуелді тежеу әсерінің және қаңқа зақымдануына дозаға тәуелді әсер болатынын көрсетті. Вена ішіне 6 мг ибандрон қышқылын енгізу көмегімен сүт безінің обыры және сүйек метастаздары бар пациенттерде қаңқа зақымдарының профилактикасы 96 аптаға созылатын III фазадағы рандомизацияланған плацебо-бақыланатын бір зерттеуде бағаланды. Сүт безінің обыры және рентгенологиялық расталған сүйек метастаздары бар пациент әйелдер плацебо (158 пациент) немесе 6 мг ибандрон қышқылын (154 пациент) қабылдау үшін рандомизацияланды. Бұл сынақтың нәтижелері төменде мәліметтелген. Тиімділіктің бастапқы соңғы нүктелері Зерттеудің бастапқы соңғы нүктесі қаңқаның ауруға шалдығу кезеңі (SMPR) болды. Бұл құрамында қосалқы компоненттер ретінде қаңқамен байланысты келесі оқиғаларды (SRE) қамтитын құрамдас соңғы нүкте болды: - сынықтарды/келешек сынықтарды емдеу үшін сүйектерді сәулемен емдеу; – сынықтарды емдеу үшін сүйекке жасалатын операция; - омыртқа бағандарының сынуы; - омыртқаның сынуы. SMPR талдауы уақытына қарай түзетілді және бір 12 апталық кезеңде орын алған бір немесе бірнеше оқиға ықтималды байланысты болуы мүмкін деп есептелді. Сондықтан талдау мақсатында көптеген оқиғалар тек бір рет есептелді. Осы зерттеу деректері уақыты түзетілген SMPR арқылы өлшенген SRE төмендеуіне қатысты, плацебомен салыстырғанда, 6 мг дозадағы ибандрон қышқылын вена ішіне енгізудің айтарлықтай артықшылығын көріністеді (p = 0,004). SRE саны 6 мг ибандрон қышқылын қолдану кезінде де едәуір төмендеді, ал SRE қаупі, плацебомен салыстырғанда, 40% төмендеді (салыстырмалы қауіп 0,6, p = 0,003). Тиімділік нәтижелері 2 кестеде берілді. 2 кесте. Тиімділік нәтижелері (сүйектің метастаздық зақымдануымен сүт безінің обыры бар пациенттер) Қаңқамен байланысты барлық оқиғалар (SRE) Плацебо n = 158 — Ибандрон қышқылы 6 мг n = 154 — Р мәні SMPR (жылына бір пациентке) — 1,48 — 1.19 — р=0,004 Оқиғалар саны (бір пациентке) — 3,64 — 2,65 — р=0,025 SRE салыстырмалы қаупі — - — 0,60 — р=0,003 Тиімділіктің екінші соңғы нүктелері Вена ішіне 6 мг ибандрон қышқылын енгізу кезінде, плацебомен салыстырғанда, сүйектердің ауыруын бағалаудың статистикалық мәнді жақсаруы көрсетілді. Ауырудың азаюы бүкіл зерттеу барысында тұрақты түрде бастапқысынан төмен болды және анальгетиктерді пайдаланудың едәуір қысқаруымен қатар жүрді. Ибандрон қышқылын қабылдаған пациенттерде, плацебомен салыстырғанда, өмір сапасының нашарлауы айтарлықтай аз болды. Осы тиімділігінің салдарлы нәтижелерінің кестелік мәліметі 3 кестеде берілген. 3 кесте. Тиімділігінің екінші нәтижелері (сүйектердің метастаздық зақымдануымен сүт безінің обыры бар пациенттер) Плацебо n = 158 — Ибандрон қышқылы 6 мг n = 154 — Р мәні Сүйектердің ауыруы * — 0,21 — -0,28 — Р < 0,001 Анальгетиктерді пайдалану * — 0,90 — 0,51 — Р = 0,083 Өмір сапасы * — -45,4 — -10,3 — Р = 0,004 * Бастапқы деңгейден соңғы бағалауға дейінгі орташа өзгеріс. Инбандрон қышқылын қабылдаған пациенттерде, плацебомен салыстырғанда, статистикалық мәнді болған несептегі сүйектің резорбциялану маркерлерінің (пиридинолин және дезоксипиридинолин) айқын төмендеуі байқалды. Метастаздық сүт безі обыры бар 130 пациентті зерттеуде 1 сағат немесе 15 минут ішінде енгізілген ибандрон қышқылының қауіпсіздігі салыстырылды. Бүйрек функциясының көрсеткіштерінде айырмашылықтар байқалмады. 15 минуттық инфузиядан кейінгі ибандрон қышқылының жағымсыз әсерлерінің жалпы бейіні инфузияның ұзағырақ созылатын уақыты бойына белгілі қауіпсіздік бейініне сәйкес болды және 15 минуттық инфузия кезінде пайдалану бойынша қауіпсіздігінің ешқандай жаңа мәселелері анықталмады. Креатинин клиренсі < 50 мл/мин болатын обырмен науқастарда 15 минуттық инфузия уақыты зерттелмеген. Педиатриялық қауым (4.2 және 5.2 бөлімдерін қараңыз) Балалар және 18 жасқа толмаған жасөспірімдерде ибандрон қышқылының қауіпсіздігі мен тиімділігі анықталмаған. Деректер жоқ.

Бонабласт препаратымен емдеуді тек қатерлі жаңа түзілімдерді емдеу тәжірибесі бар дәрігер ғана тағайындауы тиіс. Дозалау режимі Сүт безінің обыры және сүйек тінінің метастаздық зақымдануы бар науқастарда қаңқа зақымдарының профилактикасы Сүйектегі метастаздарымен сүт безінің обыры бар пациенттерде қаңқа зақымдарының бұзылу профилактикасында ұсынылатын доза әр 3-4 апта сайын вена ішіне 6 мг құрайды. Дозаны, кем дегенде, 15 минут ішінде енгізу керек. Өте қысқа (яғни, 15 мин) инфузия уақытын тек бүйрек функциясы қалыпты пациенттерде немесе бүйрек жеткіліксіздігі жеңіл пациенттерде ғана пайдалану керек. Креатинин клиренсі 50 мл/мин. аз пациенттерге инфузияның қысқалау ұзақтығын қолдану деректері жоқ. Бонабласт тағайындайтын дәрігерлер пациенттердің осы тобы үшін дозалау және енгізу бойынша ұсынымдар алу үшін «Бүйрек жеткіліксіздігі бар пациенттер» бөлімін қарау керек. Қатерлі жаңа түзілімдер кезінде гиперкальциемияны емдеу Бонабластпен ем натрий хлоридінің (9 мг/мл) 0,9% ерітіндісімен талапқа сай гидратациялаудан кейін ғана басталу керек. Дәрілік заттың дозасы гиперкальциемияның және ісіктің ауырлық дәрежесіне байланысты. Жалпы, гиперкальциемияның гуморальді типіндегі пациенттерге қарағанда, сүйектегі остеолизистік метастаздары бар пациенттерге төменірек дозалар қажет болады. Ауыр гиперкальциемия бар пациенттердің көпшілігі үшін (қан сарысуындағы альбуминмен түзетілген кальций* ≥ 3 ммоль/л немесе ≥ 12 мг/дл) бір реттік жеткілікті доза – 4 мг. Бірқалыпты гиперкальциемия бар пациенттерге (қан сарысуындағы альбуминмен түзетілген кальций < 3 ммоль/л немесе < 12 мг/дл) 2 мг тиімді доза болып табылады. Клиникалық зерттеулерде қолданылған ең жоғары доза 6 мг болды, алайда бұл дозаны қолдану тиімділік тұрғысынан қосымша артықшылықтар бермейді. *Қан сарысуындағы альбуминмен түзетілген кальций концентрациясы мына формула бойынша есептеледі: альбумин түзетілген кальций = қан сарысуындағы кальций (ммоль/л) – қан сарысуында (ммоль/л) – [0,02 × альбумин (г/л)] + 0,8 немесе альбуминмен түзетілген кальций = қан сарысуындағы кальций (мг/дл) + қан сарысуында (мг/дл) + 0,8 × [4 – альбумин (г/дл)]. Қан сарысуындағы ммоль/л түрінде өрнектелген альбуминмен түзетілген кальций мәнін мг/дл-ге айналдыру үшін 4-ке көбейту қажет. Көпшілік жағдайларда қан сарысуындағы жоғары кальций деңгейі 7 күн ішінде қалыпты деңгейге дейін төмендейді. Қайталануға дейінгі орташа уақыт (қан сарысуындағы альбуминмен түзетілген кальций концентрациясының 3 ммоль/л-ден артық деңгейге дейін қайта жоғарылауы) 2 және 4 мг дозаларда 18-19 күн құрады. 6 мг дәрілік затты енгізу кезіндегі қайталануға дейінгі орташа уақыт 26 күн құрады. Пациенттердің шектеулі саны (50 пациент) гиперкальциемия салдарынан екінші инфузияны алды. Гиперкальциемия қайталануында немесе тиімділігі жеткіліксіз болса, дәрілік затты қайталап енгізуге болады. Бонабласт дәрілік затын 2 сағат бойы вена ішіне инфузия түрінде енгізу керек. Пациенттердің ерекше топтары Бауыр жеткіліксіздігі бар пациенттер Дозаны түзету қажет емес. Бүйрек жеткіліксіздігі бар пациенттер Бүйректің жеңіл жеткіліксіздігі бар пациенттерде (креатинин клиренсі (CLcr) ≥ 50 және < 80 мл/мин) дозаны түзету қажет емес. Сүт безінің обыры мен сүйектің метастаздық зақымдануы және бүйректің орташа жеткіліксіздігі (CLcr ≥ 30 және < 50 мл/мин) немесе бүйректің ауыр жеткіліксіздігі (CLcr < 30 мл/мин) бар пациенттерде қаңқа зақымдануының профилактикасы мақсатында дозалау жөніндегі келесі нұсқауларды ұстану қажет: Креатинин клиренсі (мл/мин) — Доза — Инфузия көлемі1 және енгізу ұзақтығы 2 ≥ 50 CLcr < 80 — 6 мг (6 мл инфузия үшін ерітіндіге арналған концентрат) — 100 мл 15 минут ішінде ≥ 30 CLcr < 50 — 4 мг (4 мл инфузия үшін ерітіндіге арналған концентрат) — 500 мл 1 сағат ішінде < 30 — 2 мг (2 мл инфузия үшін ерітіндіге арналған концентрат) — 500 мл 1 сағат ішінде 1 натрий хлоридінің 0,9% ерітіндісі немесе 5% глюкоза ерітіндісі. 2 3-4 аптада 1 рет енгізу. CLCr < 50 мл/мин болатын қатерлі ісіктері бар пациенттерде дәрілік затты 15 минут ішінде енгізу ұзақтығы зерттелмеген. Егде жастағы пациенттер (> 65 жас шамасы) Дозаны түзету қажет емес. Балалар Бонабласт дәрілік затын қолданудың қауіпсіздігі мен тиімділігі балалар мен 18 жасқа дейінгі жасөспірімдерде анықталмаған. Деректер жоқ. Енгізу әдісі және жолы Вена ішіне енгізу үшін. Құтының ішіндегісін келесі үлгіде пайдалану керек: • Қаңқа тарапынан бұзылулар профилактикасы – Бонабласт дәрілік затын натрий хлоридінің 100 мл изотониялық ерітіндісінде немесе 100 мл 5% глюкоза ерітіндісінде алдын ала сұйылту қажет. Вена ішіне, кем дегенде, 15 минут бойы тамшылатып енгізу керек. Бүйрек жеткіліксіздігі бар пациенттер үшін жоғарыдағы бөлімде көрсетілген дозаны сақтау қажет. • Ісік тудырған гиперкальциемияны емдеу – Бонабласт дәрілік затын натрий хлоридінің 500 мл изотониялық ерітіндісінде немесе 500 мл 5% глюкоза ерітіндісінде алдын ала сұйылту қажет. Вена ішіне инфузия түрінде 2 сағат ішінде енгізіледі. Инфузия үшін ерітіндіге арналған концентрат бір рет қолданылады. Тек бөлшектерсіз мөлдір ерітінділерді пайдалану керек. Бонабласт тек вена ішіне инфузия түрінде енгізілу керек. Сақтық шарасын қадағалау және Бонабласт дәрілік затын артерия ішіне немесе вена маңы кеңістігіне енгізіп қоймау керек, себебі бұл тіндерді зақымдауға әкелуі мүмкін. Қабылдау уақытының көрсетілуімен қолдану жиілігі 3-4 аптада бір рет. Емдеу ұзақтығы Емдеу курсын дәрігер белгілейді. Дәрілік препараттың бір немесе бірнеше дозасын өткізіп алу кезіндегі қажетті шаралар Осы дәрілік затқа қатысты емес. Тоқтату симптомдары қаупінің болуына көрсетілім Осы дәрілік затқа қатысты емес. Дәрілік препаратты қолдану тәсілін түсініп алу үшін медициналық қызметкер кеңесіне жүгіну жөніндегі нұсқаулар Препаратты үнемі қосымша парақпен немесе емдеуші дәрігер нұсқауларымен толық сәйкестікте қолданыңыз.

- Әсер етуші затқа немесе «Құрамы» бөлімінде тізбеленген қосымша заттардың кез келгеніне жоғары сезімталдық. - Гипокальциемия.

Қауіпсіздік бейін түйіндемесі Тіркелген ең көп күрделі жағымсыз реакциялар анафилаксиялық реакция/шок, ортан жілік сүйегінің атипті сынуы, жақсүйек остеонекрозы және көздің қабынуы болып табылады. Жаңа түзілімдер тудырған гиперкальциемияны емдеу дене температурасының көтерілуімен жиірек астасты. Қан сарысуында кальций деңгейінің қалып шегіндегі деңгейден төмендеуі (гипокальциемия) сирек мәлімделді. Көпшілік жағдайларда спецификалық емдеу қажет болмады, ал симптомдар бірнеше сағат/күн өткен соң басылды. Сүт безінің обыры және сүйек метастаздары бар пациенттерде қаңқа зақымдарының профилактикасы мақсатында қолданғанда емдеу астениямен, одан кейін дене температурасының көтерілуімен және бас ауыруымен жиірек астасты. Жағымсыз реакциялардың кестелік тізімі 1 кестеде негізгі зерттеулердің III фазасында (Ісік тудырған гиперкальциемияны емдеу: 2 мг немесе 4 мг ибандрон қышқылын қабылдаған 311 пациент; Сүт безінің обыры және сүйек метастаздары бар пациенттерде қаңқа зақымдарының профилактикасы: ибандрон қышқылын 6 мг дозада қабылдаған 152 пациент) және маркетингтен кейін тіркелген жағымсыз реакциялар тізбеленді. Жағымсыз реакциялар MedDRA ағзалар жүйесінің класына және жиілік санатына сәйкес тізбеленген. Жиілік санаттары келесі үлгіде белгіленеді: өте жиі (> 1/10), жиі (≥ 1/100-ден < 1/10 дейін), жиі емес (≥ 1/1000-нан < 1/100 дейін), сирек (≥ 1/10 000-нан < 1/1000 дейін), өте сирек (<1/10000), жиілігі белгісіз (қолда бар деректер негізінде бағалауға болмайды). Әр жиілік тобында жағымсыз реакциялар күрделілігінің кему ретімен берілген. 1 кесте. Ибандрон қышқылын вена ішіне енгізу кезіндегі жағымсыз реакциялар Ағзалар жүйесі класы — Жиі — Жиі емес — Сирек — Өте сирек — Жиілігі белгісіз Инфекциялар және инвазиялар — Инфекциялар — Цистит, вагинит, ауыз қуысының кандидозы Қатерсіз, қатерлі және нақты анықталмаған жаңа түзілімдер (кисталар мен полиптерді қоса) — Терінің қатерсіз жаңа түзілімі Қан жүйесі және лимфа жүйесі тарапынан — Анемия, қанның патологиялық өзгерісі Иммундық жүйе тарапынан — Аса жоғары сезімталдық†, бронх түйілуі†, ангионевроздық ісіну†, анафилаксиялық реакция/ шок †** — Демікпе өршуі Эндокриндік жүйе тарапынан — Қалқанша маңы безі тарапынанбұзылыстар Зат алмасу және тағамдық бұзылулар — Гипокальциемия** — Гипофосфатемия Психика тарапынан — Ұйқы бұзылыстары, үрейлену, аффектілі құбылу Жүйке жүйесі тарапынан — Бас ауыру, бас айналу, дисгевзия (дәм сезудің бұрмалануы) — Цереброваскулярлық бұзылулар, жүйке түбіршектерінің зақымдануы, амнезия, бас сақинасы, невралгия, гипертония, гиперестезия, периоральді парестезия, паросмия Көру мүшелері тарапынан — Катаракта — Көз қабынуы†** Есту мүшелері және вестибулярлық аппарат тарапынан — Кереңдік Жүрек тарапынан — Қарыншааралық блокада — Миокард ишемиясы, жүрек-қантамыр бұзылыстары, жүректің жиі соғуы Тыныс алу жүйесі, кеуде қуысы және көкірек ортасы тарапынан — Фарингит — Өкпе ісінуі, стридор Асқазан-ішек жолы тарапынан — Диарея, құсу, диспепсия, асқазан-ішек ауыруы, тіс тарапынанбұзылыстар — Гастроэнтерит, гастрит, ауыз қуысының ойық жарасы, дисфагия, хейлит Гепатобилиарлық жүйе тарапынан — Холелитиаз Тері және тері асты тіндері тарапынан — Тері аурулары, экхимоз — Бөртпе, аллопеция — Стивенс-Джонсон синдромы†, полиморфты эритема †, буллезді дерматит † Тірек-қимыл аппараты және дәнекер тін тарапынан — Остеоартроз, миалгия, артралгия, буынның зақымдануы, сүйектің ауыруы — Ортан жілік сүйегінің атипті ұршық астындағы және диафиздік сынуы† — Жақ сүйектері остеонекрозы†**, сыртқы есту жолының остеонекрозы †** Бүйрек және несеп шығару жүйесі тарапынан — Несеп іркілісі, бүйрек кисталары Ұрпақ өрбіту жүйесі және сүт бездері тарапынан — Жамбас аумағының ауыруы Жалпы бұзылулар және енгізген жердегі реакциялар — Пирексия, тұмау тәрізді синдром**, шеткері ісінулер, астения, шөлдеу — Гипотермия Зертханалық сипаттамалар — Гамма-глутамилтрансфераза деңгейінің жоғарылауы, креатинин деңгейінің жоғарылауы — Сілтілік фосфатаза деңгейінің жоғарылауы, дене салмағының төмендеуі Зақымдану (жарақаттар, жаралар), улану — Жарақат, инъекция орнының ауыруы** **Толығырақ ақпаратты төменнен қараңыз. † Маркетингтен кейінгі қолдану кезінде анықталды. Жекелеген жағымсыз реакциялар сипаттамасы Гипокальциемия Кальцийдің бүйрекпен экскрециясының төмендеуі қан сарысуында фосфат деңгейінің төмендеуімен қатар жүруі мүмкін, бұл емдік шараларды талап етпейді. Қан сарысуындағы кальций деңгейі гипокальциемияға дейін азаюы мүмкін. Тұмау тәрізді ауру Тұмау тәрізді синдром қызба, қалтырау, сүйек және/немесе бұлшықет ауыруы сияқты симптомдарды қамтиды. Көпшілік жағдайларда спецификалық емдеу қажет болмады және симптомдар бірнеше сағат/күн өткен соң басылды. Жақ сүйектерінің остеонекрозы Жақсүйек остеонекрозының жағдайлары көбінесе ибандрон қышқылы сияқты сүйектің резорбциясын бәсеңдететін дәрілік препараттармен емделген онкологиялық науқастарда хабарланды. Ибандрон қышқылын маркетингтен кейін қолдану кезеңінде ЖОН жағдайлары тіркелді. Көз қабынуы Ибандрон қышқылын қолданғанда увеит, эписклерит және склерит сияқты көз тарапынан қабыну аурулары туралы хабарланды. Кейбір жағдайларда осы қабыну бұзылулары қышқылды тоқтатудан кейін ғана басылды. Анафилаксиялық реакция/шок Вена ішіне ибандрон қышқылымен ем алған пациенттерде анафилаксиялық реакция/шок, оның ішінде, өліммен аяқталған оқиғалар байқалды. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе дәрілік препараттар тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық дерекқорға тікелей хабарласу керек ДП «пайда-қауіп» арақатынасын үздіксіз мониторингтеуді қамтамасыз ету мақсатында препаратты тіркеуден кейін жағымсыз дәрілік реакциялар туралы хабарлау маңызды. Медициналық қызметкерлерге ҚР жағымсыз реакциялар туралы ұлттық хабарландыру жүйесі арқылы дәрілік препараттың кез келген күмәнді жағымсыз реакциялары туралы мәлімдеуге кеңес беріледі: Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Дәрілік заттың жедел артық дозалануы туралы деректер жоқ. Жоғары дозаларда қолданғанда бауыр мен бүйрекке уытты әсер етуі мүмкін болғандықтан, клиникаға дейінгі зерттеулерде анықталған осы ағзалардың функциясын бақылап отыру қажет. Гипокальциемия дамыған жағдайда кальций глюконатын вена ішіне енгізумен емдеу жүргізген жөн.

Сақтық шарасын қадағалау және Бонабласт дәрілік затын артерия ішіне немесе вена маңы кеңістігіне енгізіп қоймау керек, себебі бұл тіндерді зақымдауға әкелуі мүмкін. Арнайы сақтандырулар Сүйектік және минералдық метаболизм бұзылулары бар пациенттер Сүйектердің метастаздық зақымдануында Бонабластпен емнің басталуына дейін гипокальциемияны, әрі сүйектік және минералдық метаболизмнің басқа бұзылуларын тиімді емдеу керек. Пациенттер кальций мен D дәруменін жеткілікті мөлшерде тұтыну керек. Егер пациент тамақпен кальций және/немесе D дәруменін жеткіліксіз алатын болса, оларды қосымша қабылдау қажет. Анафилаксиялық реакция/шок Ибандрон қышқылымен вена ішіне ем қабылдаған пациенттерде, өліммен аяқталған жағдайларды қоса, анафилаксиялық реакция/шок жағдайлары хабарланды. Дәрілік зат енгізілген уақытта тиісті медициналық көмек заттары және бақылау жылдам қолжетімді болуы тиіс. Анафилаксиялық немесе аса жоғары сезімталдықтың басқа ауыр реакциясы/аллергиялық реакция туындағанда инъекцияны дереу тоқтату және тиісті емдеуді бастау керек. Жақсүйек остеонекрозы Онкологиялық көрсетілімдер бойынша ибандрон қышқылын алған пациенттерде маркетингтен кейін қолдану кезінде жақсүйек остеонекрозы (ЖОН) туралы өте сирек хабарланды. Ауыз қуысының жұмсақ тіндерінің жазылмайтын ашық зақымдары бар пациенттерде емдеудің немесе жаңа емдеу курсының басталуын кейінге қалдыру керек. Бонабласт дәрілік затымен емдеуді бастар алдында қатарлас қауіп факторлары бар пациенттерге тиісті профилактикалық араласумен және пайда/қауіп арақатынасын жеке бағалаумен стоматологиялық тексеруден өту ұсынылады. Пациенттерде жақ сүйектері остеонекрозының туындау қаупін бағалай отырып, келесі қауіп факторларына көңіл бөлу керек: - Сүйектік резорбцияны тежейтін дәрілік зат белсенділігі (күшті әсер ететін қосылыстарды қолдану кезінде қауіп жоғары), енгізу тәсілі (парентеральді енгізу кезіндегі қауіп жоғары) және сүйектік-резорбциялық емнің жинақталған дозасы. - Қатерлі жаңа түзілімдер, қатар жүретін патологиялық жай-күйлер (оның ішінде анемия, коагулопатия, инфекция), шылым шегу. - Қатарлас емдеу: кортикостероидтар, химиялық ем, ангиогенез тежегіштері, бас және мойын бөлігін сәулемен емдеу. - Ауыз қуысы гигиенасының талапқа сай болмауы, периодонт аурулары, нашар таңдалған тіс протездері, анамнездегі тіс аурулары, инвазиялық стоматологиялық араласулар, мысалы, тіс жұлу. Емделу кезеңінде пациенттердің бәріне ауыз қуысының тиісті гигиенасын қадағалауға, стоматологтың жүйелі тексеруінен өтуге кеңес беру және ауыз қуысы тарапынан тістердің босап кетуі, ауыруы немесе ісінуі, жазылмайтын ойық жаралары немесе бөліністері сияқты кез келген симптомдары туралы дереу хабарлау керек. Емдеу кезінде инвазиялық стоматологиялық емшаралардан аулақ болу, сондай-ақ осындай емшараларды емге дейін аз уақыт бұрын жай-күйді мұқият бағалаудан кейін ғана жүргізу керек. Жақ сүйектерінің остеонекрозы дамыған пациенттерді жүргізу жоспары емдеуші дәрігер мен осындай пациенттерді жүргізу тәжірибесі бар стоматолог немесе жақсүйек-бет хирургімен тығыз ынтымақтастық ахуалдарында жасалуы тиіс. Мүмкін болғанда симптомдар басылғанша және қауіп факторлары жойылғанша Бонабласт препаратымен емді уақытша тоқтату қажеттілігін қарастыру керек. Сыртқы есту жолының остеонекрозы Бисфосфонаттарды қолданғанда, ең алдымен, ұзаққа созылатын ем кезінде сыртқы есту жолының остеонекрозы білінді. Сыртқы есту жолы остеонекрозының болжамды қауіп факторларына стероидтар мен химиялық емді қолдану және/немесе инфекция немесе жарақаттар сияқты бұрыннан бар жергілікті қауіп факторлары жатады. Құлақтың созылмалы инфекцияларын қоса, құлақ ауруларының симптомдарымен бисфосфонаттар қабылдап жүрген тұлғаларда сыртқы есту жолы остеонекрозының даму мүмкіндігін қарастыру керек. Ортан жіліктің атипті сынуы Бисфосфонаттарды қолдану кезіндe, бірінші кезекте, ұзақ уақыт остеопороз емінен өтіп жүрген пациенттерде ортан жіліктің атипті ұршық астындағы және диафиздік сынуы тіркелді. Бұл көлденең немесе қысқа қиғаш сынықтар ортан жіліктің кез келген жерінде, кіші ұршықтың сәл төмен тұсынан бастап, айдаршық үстіндегі өсіндіден сәл жоғары деңгейге дейін болуы мүмкін. Бұл сынықтар ең әлсіз жарақаттан кейін немесе ол болмағанда да пайда болады, осы орайда кейбір пациенттер ортан жіліктің толық сынуының дамуына дейін бір аптадан бірнеше айға дейінгі кезеңде стрестік сынуға тән сан немесе шап ауыруын сезінеді. Сынықтар көбіне екі жақты болады, сондықтан бисфосфонаттармен емделу аясында ортан жілік сынуына ұшыраған пациенттерде екінші аяқтың ортан жілігін тексеруден өткізу қажет. Бұл сынықтардың баяу жазылуы туралы хабарламалар бар. Ортан жіліктің атипті сынуына күмән бар пациенттерде пайда/қауіп арақатынасын жеке бағалау негізінде бисфосфонаттармен емді тоқтату қажеттілігін қарастыру керек. Бисфосфонаттармен емделу кезінде пациенттерге жамбас, ұршық буыны аумағындағы ауыру немесе шап ауруы туралы мәлімдеуге кеңес беру керек; осындай симптомдары бар пациенттердің бәрі ортан жіліктің толық емес сынуы тұрғысынан тексеруден өтуі тиіс. Бүйрек жеткіліксіздігі Клиникалық зерттеулерде ибандрон қышқылымен ұзаққа созылатын ем кезінде бүйрек функциясының бұзылу белгілері анықталмады. Алайда, ибандрон қышқылымен емдеу кезінде, әр пациенттің клиникалық бағасына сай, бүйрек функциясын, қан сарысуындағы кальций, фосфор және магний мөлшерін бақылап отыруға кеңес беріледі. Бауыр жеткіліксіздігі Клиникалық деректердің болмауына байланысты, бауыр жеткіліксіздігі ауыр пациенттерге дозалау жөнінде нұсқаулар ұсыну мүмкін болмайды. Жүрек жеткіліксіздігі Жүрек жеткіліксіздігінің даму қаупі бар пациенттерге шамадан тыс гидратация жасамау керек. Басқа бисфосфонаттарға аса жоғары сезімталдығы бар пациенттер Басқа бисфосфонаттарға аса жоғары сезімталдығы бар пациенттерге қатысты сақтық таныту керек. Қосымша заттар туралы ақпарат. Дәрілік заттың бір құтысында 1 ммоль мөлшерінен аз (23 мг) натрий бар, яғни шын мәнінде құрамында натрий жоқ. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Фармакодинамикалық және фармакокинетикалық бейіні мен жағымсыз реакциялар туралы хабарламалар негізінде ибандрон қышқылы автокөлік пен қозғалмалы механизмдерді басқару қабілетіне әсер етпейді немесе мардымсыз әсер етеді деп күтіледі.

Жүктілік Жүкті әйелдерге ибандрон қышқылын қолдану жөнінде тиісті деректер жоқ. Егеуқұйрықтарға жүргізілген зерттеулер тұқым өрбіту қабілетіне уыттылығын көрсетті. Адам үшін ықтималды қаупі белгісіз. Бонабласт дәрілік затын жүктілік кезінде қолдануға болмайды. Бала емізу Ибандрон қышқылының емшек сүтіне өту-өтпеуі белгісіз. Зерттеулер вена ішіне енгізуден кейін лактация кезеңіндегі егеуқұйрықтардың сүтінде ибандрон қышқылының төмен деңгейде болатынын көріністеді. Бонабласт дәрілік затын бала емізу кезінде қолдануға болмайды. Фертильділік Ибандрон қышқылының адам фертильділігіне ықпал ету деректері жоқ. Егеуқұйрықтардың тұқым өрбіту функциясына әсер ету зерттеулерінде ибандрон қышқылын пероральді қабылдау, фертильділігін төмендетті. Егеуқұйрықтарға ибандрон қышқылын вена ішіне енгізумен жүргізілген зерттеулерде жоғары тәуліктік дозаларында фертильділік төмендеуі білінді.

Метаболизмдік өзара әрекеттесу ықтималдығы аз, өйткені ибандрон қышқылы адамда бауырдың негізгі Р450 изоферменттерін тежемейді және егеуқұйрық бауырында Р450 цитохромының бауырлық жүйесін индукцияламайды. Ибандрон қышқылы бүйрек экскрециясы арқылы шығарылады және биотрансформацияға ұшырамайды. Дәрілік затты аминогликозидтермен абайлап қолдануға кеңес беріледі, өйткені екі субстанция ұзақ уақыт бойы қан сарысуындағы кальций деңгейін төмендетуі мүмкін. Осы дәрілік заттарды бір мезгілде қолдану кезінде гипомагниемияға да назар аудару керек.

Сақтау мерзімі 5 жыл Жарамдылық мерзімі өткеннен кейін қолдануға болмайды! Сақтау шарттары 25° С-ден аспайтын температурада. Балалардың қолы жетпейтін жерде сақтау керек! Қалпына келтірілген ерітіндіні тоңазытқышта 2 ºC-ден 8 ºC-ге дейінгі температурада 24 сағаттан асырмай сақтау немесе дереу пайдалану керек.