Долана тұндырмасы настойка

100 мл препараттың құрамында белсенді зат: долана жемісі 10г қосымша зат: этил спирті 70% 100 мл-ге дейін Сыртқы түрінің, иісінің, дәмінің сипаттамасы Сарыдан қызыл-қоңыр түске дейінгі мөлдір сұйықтық.

Кешенді ем құрамында - жүрек қызметінің функционалдық бұзылысы - гипертониялық ауру - стенокардия - жыпылықтағыш аритмия - жүйке қозғыштығының жоғарылауы - климактериялық невроз - пароксизмальді тахикардия - ангионевроз

Препараттың биологиялық әсері биологиялық белсенді заттың кешеніне (флавоноидтар, холин, ацетилхолин, иіткіш зат, фитостериндер, тритерпенді біріктірілімдер, органикалық қышқыл және т.б.) байланысты. Тритерпенді гликозидтер мен флавоноидтар спазмолитикалық, гипотензиялық әсер көрсетеді. Долана тұндырмасы аритмияға қарсы, ангионевроздық қасиеттерге ие. Миокард тонусын жоғарылатады, жүрек бұлшықетінің жиырылуын біршама күшейтеді, миокардтың қозғыштығын төмендетеді. Қантамырлық түйілуді жояды, кронарлық қан айналымын жақсартады, миокардтың жүрек гликозидтерінің әсеріне сезімталдығын арттырады.

Дозалау режимі Долана тұндырмасын тамақтануға дейін ішке қабылдайды. Ересектерге тамақтануға дейін 20 тамшыдан күніне 3 рет. Емдеу курсы 20-30 күн. Енгізу әдісі мен жолы Ішуге арналған. Дәрілік препаратты қолдану тәсілін түсіндіру үшін медицина қызметкеріне кеңес алу үшін жүгіну бойынша ұсынымдар Препаратты дәрігердің кеңесінсіз ұзақ уақыт қолдануға болмайды.

- препарат компоненттеріне жеке жоғары сезімталдық - артериялық қысымды төмендету - жүрек ырғағының бұзылуы - жүктілік және лактация кезеңі - 18 жасқа дейінгі жасөспірімдер және балалар

- ұйқышылдық - жүрек ырғағының айтарлықтай баяулауы - аллергиялық реакциялар (терінің қызаруы және бөртпе, қышыну) - гипотония Сирек - бас айналу, тремор Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әрекеттер) бойынша тікелей ақпараттық дерекқорға жүгіну Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: ұйқышылдық, брадикардия Емі: симптоматикалық ем.

Ересектерге арналған препараттың ең жоғары бір реттік дозасындағы абсолютті спирттің мөлшері 0.45 г құрайды, ересектерге арналған препараттың ең жоғары тәуліктік дозасында 1.8 г абсолютті спирт бар. Құрамына этанол болуына байланысты тұндырманы ұзақ уақыт қабылдау ұсынылмайды. Арнайы ескертулер Препаратты тамақтану кезінде, оның компоненттерімен өзара әрекеттесуін болдырмау үшін қабылдауға болмайды. Бауыр аурулары, эпилепсия, бас сүйек-ми жарақаттары кезінде сақтықпен. Созылмалы алкоголизмнен зардап шегетін адамдарға препаратты қолдану ұсынылмайды. Препараттың көлік құралын және қауіптілігі зор механизмдерді басқару қабілетіне әсер ету ерекшеліктері Препаратты қолдану препараттағы этил спиртінің болуына байланысты автокөлікті және қауіптілігі зор механизмдерді басқару қабілетіне әсер етеді.

Жүктілік немесе бала емізу кезеңінде қолдануға рұқсат етілмейді.

Препаратты және жүрек гликозидтерін (строфантин, дигоксин және т. б.) біріктірілімде қолданған кезде кардиотонустық әсердің күшейгені байқалады; β-адреноблокаторлармен – гипотензивтік әсері күшеюі мүмкін.

Сақтау мерзімі 2 жыл Жарамдылық мерзімі өткеннен кейін қолдануға болмайды. Сақтау шарттары Жарықтан қорғалған жерде, 25о С-ден аспайтын температурада сақтау керек. Балалардың қолы жетпейтін жерде сақтау керек!