Долана тұндырмасы настойка

100 мл препараттың құрамында белсенді зат - 10 г долана жемістері қосымша зат - 70 % этил спирті Сыртқы түрінің, иісінің, дәмінің сипаттамасы Сарыдан қызыл-қоңыр түске дейінгі мөлдір сұйықтық.

Кешенді ем құрамында: • жүрек қызметінің функционалдық бұзылыстары • климакстық синдром • кардиалгия • астено-невроздық жағдай • артериялық гипертензия

Препараттың биологиялық әсері биологиялық белсенді заттар (флавоноидтар, холин, ацетилхолин, иіткіш заттар, фитостериндер, тритерпендік қосылыстар, органикалық қышқылдар және т.б.) кешенінің болуымен байланысты. Тритерпен гликозидтері мен флавоноидтар спазмолитикалық, гипотензиялық әсер етеді. Долана тұндырмасы аритмияға қарсы, ангионевроздық қасиеттерге ие. Миокард тонусын арттырады, жүрек бұлшықетінің жиырылуын біршама күшейтеді, миокард қозғыштығын азайтады. Қантамырлар түйілуін жояды, қан айналымын жақсартады, жүрек гликозидтерінің әсеріне миокард сезімталдығын арттырады.

Дозалау режимі Ішуге арналған Қолданар алдында шайқау керек. Долана тұндырмасын ішке тамаққа дейін қабылдайды. Ересектерге, ¼ стакан суға ерітілген тұндырманы, тұрақты емдік әсерге жеткенге дейін 20-30 тамшыдан күніне 3 рет қабылдау ұсынылады (артериялық қысымды қалыпқа келтіру, жүрек соғуын азайту). Тұндырманы құрамында этанолдың болуына байланысты ұзақ уақыт бойы қолдануға болмайды. Емдеу кезінде құрамында этанол бар басқа заттарды қабылдаудан аулақ болу қажет. Бауыр және/немесе бүйрек функциясы бұзылған пациенттерде қолдану: сақтықпен тағайындау. Егде жастағы пациенттерде қолдану: сақтықпен тағайындау. Емдеу ұзақтығы Емдеу курсының ұзақтығын дәрігер аурудың ерекшеліктерін, дәрілік заттың жағымдылығын және қол жеткізілген әсерді ескере отырып анықтайды. Дәрілік препаратты қолдану тәсілін түсіндіру үшін медициналық қызметкерге кеңес алу үшін жүгіну бойынша ұсынымдар Егер сізге қосымша ақпарат немесе ұсыныстар қажет болса, дәріхана қызметкеріне жүгініңіз.

- әсер етуші затқа немесе кез келген қосымша заттарға аса жоғары сезімталдық - 18 жасқа дейінгі балалар және жасөспірімдер - артериялық қысымның төмендеуі - жүрек ырғағының бұзылуы - жүктілік және лактация кезеңі - алкоголизммен зардап шегетін адамдар - бауыр аурулары - эпилепсия - бассүйек-ми жарақаты

Сирек • брадикардия, гипотензия (үлкен дозада ұзақ қабылдағанда) • аллергиялық реакциялар (терідегі қызару және бөртпе, қышыну) • гипотензия • бас айналу, діріл Болуы мүмкін • жүрек айнуы, құсу, ішек шаншуы, ұйқышылдық (ашқарынға қабылдағанда) Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары - артериялық қысымның төмендеуі, бас айналу, ұйқышылдық, брадикардия. Емі - симптоматикалық ем.

Арнайы сақтандырулар Компоненттерімен өзара әрекеттесуін болдырмас үшін препаратты тамақтану кезінде қабылдау ұсынылмайды. Бауыр аурулары мен бассүйек-ми жарақаттары кезінде абай болу керек. Препараттың көлік құралын және қауіптілігі зор механизмдерді басқару қабілетіне әсер ету ерекшеліктері Препаратты қолдану препарат құрамында этил спиртінің болуына байланысты автокөлікті және қауіптілігі зор механизмдерді басқару қабілетіне әсер етеді.

Препаратты қолдануға болмайды. Алкоголизмге, эпилепсияға шалдыққан адамдарға, бауыр аурулары бар науқастарға препаратты қолдануға болмайды.

Препаратты және жүрек гликозидтерін (строфантин, дигоксин және т. б.) біріктіріп қолданғанда кардиотонустық әсердің күшеюі болады; β-адреноблокаторлармен-гипотензиялық әсердің күшеюі мүмкін. III класты аритмияға қарсы дәрілермен, сондай-ақ цизапридпен бір мезгілде қолдануға болмайды. Жағымсыз кешендер түзілуі мүмкіндігіне байланысты алкалоидтар тұздарымен бірге қабылдау ұсынылмайды.

Сақтау мерзімі 4 жыл. Жарамдылық мерзімі өткеннен кейін қолдануға болмайды! Сақтау шарттары Жарықтан қорғалған жерде, 25оС-ден аспайтын температурада сақтау керек. Балалардың қолы жетпейтін жерде сақтау керек!