Брилинта™ таблетки 90 мг

Бір таблетканың құрамында белсенді зат - 90 мг тикагрелор, қосымша заттар: маннитол, кальций гидрофосфаты, натрий крахмалгликоляты, гидроксипропилцеллюлоза, магний стеараты, қабық құрамы: гипромеллоза 2910 (гидроксипропилметилцеллюлоза), титанның қостотығы (E171), тальк, полиэтиленгликоль 400, темірдің сары тотығы (E172). Сыртқы түрінің, иісінің, дәмінің сипаттамасы Дөңгелек, екі беті дөңес, бір жағында «» өрнегі бар және екінші жағы тегіс сары түсті үлбірлі қабықпен қапталған таблеткалар.

Брилинта™ препараты мына ересек пациенттерде атеротромбоздық оқиғалар профилактикасы үшін ацетилсалицил қышқылымен бірге қолдануға көрсетілген: • жедел коронарлық синдроммен • анамнездегі миокард инфарктісімен, сондай-ақ атеротромбоздық асқынудың жоғары даму қаупімен

ATX коды B01AC24 Әсер ету механизмі Брилинта препаратының өз құрамында АДФ арқылы P2Y12 тәуелденетін тромбоциттер белсенділенуі мен агрегациясына жол бермейтін P2Y12 рецепторының пероральді, тікелей әсер ететін, іріктелген және қайтымды байланысатын антагонисі болып табылатын циклопентилтриазолопиримидиндер (ЦПТП) химиялық класының өкілі – тикагрелор болады. Тикагрелор АДФ байланысуын болдырмайды, бірақ ол P2Y12 рецепторымен өзара әрекеттескенде АДФ туындататын дабылдар трансдукциясына жол бермейді. Тромбоциттер атеросклероз ауруының тромбоздық асқынуларына түрткі болып және/немесе дамуына қатысатындықтан, тромбоциттер функциясының тежелісі өлім, миокард инфарктісі және инсульт сияқты жүрек-қантамыр оқиғалары қаупінің төмендеуін көрсетті. Тикагрелор 1 қосалқы типті тең салмақты нуклеозид тасымалдаушысын (ENT-1) тежеу арқылы аденозиннің жергілікті эндоген деңгейлерін де арттырады. Тикагрелордың дені сау қатысушыларда және КАШ жасалған пациенттерде келесі аденозин индукциялаған әсерлерін арттырады: қан тамырларының кеңеюі (дені сау еріктілер мен КАШ жасалған пациенттерде коронарлық қан ағымын ұлғайту арқылы өлшенеді; бас ауыру), тромбоциттер функциясының тежелісі (тірі организмнен тыс адамның жаңа алынған қанында) және ентігу. Алайда, аденозиннің байқалатын ұлғаюы мен клиникалық нәтижелер (мысалы, ауруға шалдығу – өлімге ұшырау) арасындағы байланыс нақты анықталмаған. Фармакодинамикалық әсерлері Әсерінің басталуы Ацетилсалицил қышқылын қолдану аясында ЖИА ағымы тұрақты пациенттерде тикагрелор фармакологиялық әсерінің тез басталуын көріністейді, бұл тикагрелорға тән тромбоциттер агрегациясы тежелісінің (ТАТ) орташа мәнін анықтау нәтижелерімен расталады: 180 мг жүктеме дозасын қабылдаудан кейін 0.5 сағаттан соң ТАТ орташа мәні шамамен 41% құрайды, ең жоғары 89% ТАТ мәніне препарат қабылдаудан кейін 2-4 сағаттан соң жетеді және 2-8 сағат бойы сақталады. Пациенттердің 90%-да препаратты қабылдаудан кейін 2 сағаттан соң ТАТ >70% түпкілікті мәніне жетеді. Әсерінің аяқталуы Егер КАШ шарасы жоспарланса, тикагрелор қабылдау салдарынан болатын қан кету қаупі, егер оны қабылдау емшараға дейін 96 сағаттан аз уақыт бұрын тоқтатылса, клопидогрелмен салыстырғанда, артады. Бір препараттан басқасына ауысу деректері 75 мл клопидогрелден күніне екі рет 90 мг тикагрелорға ауысу ТАТ абсолютті мәнінің 26.4% арттуына алып келеді, ал емді тикагрелордан клопидогрелге өзгерту ТАТ абсолютті мәнінің 24.5% төмендеуіне әкеледі. Емді тромбозға қарсы әсерін үзбей-ақ клопидогрелден тикагрелорға өзгертуге болады. Клиникалық тиімділігі және қауіпсіздігі Тикагрелордың тиімділігі мен қауіпсіздігі туралы клиникалық деректер 3 фазаның екі зерттеуінен алынды: • PLATO зерттеуі (Тромбоциттерді тежеу және пациенттерден алынған нәтижелер) - тикагрелорды клопидогрелмен; тикагрелор мен клопидогрелді АСҚ-мен біріктірілімде және басқ стандартты еммен салыстыру. • PEGASUS TIMI-54 зерттеуі (тикагрелор көмегімен жедел коронарлық синдром қаупі жоғары пациенттерде салдарлы тромбоз оқиғаларының профилактикасы) - АСҚ-мен біріктірілген және АСҚ монотерапиясымен тикагрелорды салыстыру. PLATO зерттеуі (жедел коронарлық синдромдар) PLATO зерттеуіне тұрақсыз стенокардия (UA), ST сегменті көтерілмеген миокард инфарктісі (NSTEMI) немесе ST сегменті көтерілген миокард инфарктісі (STEMI) симптомдары пайда болған сәттен бастап 24 сағат ішінде медициналық көмек көрсетілген 18 624 пациент және тері арқылы коронарлық араласу (ТКА) немесе коронарлық артерияны шунттау (КАШ) жасалған пациенттер қатысты. Клиникалық тиімділігі АСҚ күнделікті қабылдау аясында күніне екі рет 90 мг дозадағы тикагрелор жүрек-қантамыр ауруларынан, миокард инфарктісінен немесе инсульттен болатын өліммен аяқталу оқиғаларының профилактикасы мақсатында 75 мг дозадағы клопидогрелден артықшылығын көрсетті. Пациенттер клопидогрелдің 300 мг жүктемелік дозасын (ТКА жасалғанда 600 мг болуы мүмкін) немесе 180 мг тикагрелор қабылдады. Нәтижесі бүкіл 12 айлық кезең ішіндегі тұрақты әсерімен, жылына 1.9% ҚАТ және 16% ҚСТ көрсеткіштерімен ерте көрініс берді (30 күн өткен соң қауіптің абсолютті төмендеуі [ҚАТ] 0.6% және қауіптің салыстырмалы төмендеуі [ҚСТ] 12%). Аталған нәтижелер 12 ай бойы күніне екі рет 90 мг дозада тикагрелормен пациенттерді емдеудің мақсатқа сай екенін көрсетеді. ЖКС бар 54 пациентті клопидогрел орнына тикагрелормен емдеу 1 атеротромбоздық жағдайдың алдын алады; 91 пациентті емдеу жүрек-қантамыр ауруларынан болатын 1 өліммен аяқталуға жол бермейді (1 сурет және 4 кестені қараңыз). Клопидогрелмен салыстырғанда, тикагрелормен емдеу әсері салыстырмалы және салмағына, жыныстық тегіне, қант диабетінің болуына, транзиторлы ишемиялық шабуылға немесе анамнездегі геморрагиялық емес инсультке, реваскуляризацияға және гепариндерді, GpIIb/IIIa тежегіштерін және протонды помпа тежегіштерін қоса, қатарлас емге, сондай-ақ оқиғаның соңғы индексін диагностикалауға (STEMI, NSTEMI немесе UA) және емдеу жолына (инвазиялық немесе медициналық) тәуелді емес. Маңызсыз емдік өзара әрекеттесу бастапқы біріктірілген соңғы нүкте үшін қауіптер қатынасы (ҚҚ), әлемдегі басқа аймақтармен салыстырғанда, тикагрелорға қолайлы болатын географиялық аймақта байқалды, бірақ жалпы зерттелген қауымның шамамен 10% құрайтын Солтүстік Америкада клопидогрелге қолайлы болды (p-шама мәні = 0,045). Осы зерттеулер АСҚ дозасымен болжамды байланысы жорамалданады, өйткені АСҚ дозасы арттырылғанда тикагрелор тиімділігінің төмендеуі байқалды. Тикагрелормен біріктірілімде АСҚ тұрақты тәуліктік дозасы 75-150 мг құрауы тиіс. 1 суретте тиімділігінің біріктірілген соңғы нүктесінде кез келген оқиғаның алғаш рет даму қаупін бағалау ұсынылды. 1 сурет – Жүрек-қантамыр ауруларынан болатын өлім, миокард инфарктісі және инсульт - бастапқы клиникалық біріктірілген соңғы нүктесін талдау (PLATO) Каплан – Мейер әдісі бойынша пайызы (%)Каплан – Мейер әдісі бойынша пайызы (%)Қауіп бар пациенттер саныҚауіп бар пациенттер саныРандомизация сәтінен бастап күндер саныРандомизация сәтінен бастап күндер саныT қарсы CҚҚ95% САр-мәні0.84)0.77, 0.92<0.001T қарсы CҚҚ95% САр-мәні0.84)0.77, 0.92<0.001Тикагрелор (T)Клопидогрел (C))Тикагрелор (T)Клопидогрел (C)) Тикагрелор UA/NSTEMI және STEMI қауымдарында, клопидогрелмен салыстырғанда, бастапқы біріктірілген соңғы нүктенің пайда болу жиілігін төмендетті (4 кесте). Осылайша, күніне екі рет 90 мг дозадағы Брилинта препаратын АСҚ төмен дозаларымен біріктірілімде медициналық көмек көрсетілген пациенттерді және тері арқылы коронарлық араласу (ТКА) немесе коронарлық артерияны шунттау (КАШ) жасалған пациенттерді қоса, ЖКС бар пациенттерде (тұрақсыз стенокардия, ST [NSTEMI] сегменті көтерілмейтін миокард инфарктісі немесе ST [STEMI] көтерілуімен миокард инфарктісі) пайдалануға болады. 4 кесте. Тиімділігінің бастапқы және салдарлы соңғы нүктелерін талдау (PLATO) Тикагрелор 90 мг тәулігіне 2 рет (оқиға болған пациенттер %-ы) N = 9333 — Клопидогрел 75 мг тәулігіне 1 рет (оқиға болған пациенттер %-ы) N = 9291 — ARRa (%/год) — RRRa (%)(95% СА) — pмәні Жүрек-қантамыр ауруларынан болатын өлім, миокард инфарктісі (тыныш миокард инфарктісін қоспағанда) немесе инсульт — 9.3 — 10.9 — 1.9 — 16 (8, 23) — 0.0003 Инвазиялық араласу — 8.5 — 10.0 — 1.7 — 16 (6, 25) — 0.0025 Медициналық араласу — 11.3 — 13.2 — 2.3 — 15 (0.3, 27) — 0.0444d Жүрек-қантамыр ауруларынан болатын өлім — 3.8 — 4.8 — 1.1 — 21 (9, 31) — 0.0013 Миокард инфарктісі (тыныш миокард инфарктісін қоспағанда)b — 5.4 — 6.4 — 1.1 — 16 (5, 25) — 0.0045 Инсульт — 1.3 — 1.1 — 0.2 — 17 (52, 9) — 0.2249 Барлық себептен, миокард инфарктісінен (тыныш миокард инфарктісін қоспағанда) немесе инсульттен болатын өлім — 9.7 — 11.5 — 2.1 — 16 (8, 23) — 0.0001 Жүрек-қантамыр ауруларынан болатын өлім, ауқымды миокард инфарктісі, тыныш миокард инфарктісі, ЖҚЖ кезіндегі емге берілген жауап индексі, реографиялық индекс, микроинсульт және басқа артериялық тромбоэмболия оқиғаларыc — 13.8 — 15.7 — 2.1 — 12 (5, 19) — 0.0006 Барлық себептен өлімге ұшырау — 4.3 — 5.4 — 1.4 — 22 (11, 31) — 0.0003d Белгілі бір стент тромбозы — 1.2 — 1.7 — 0.6 — 32 (8, 49) — 0.0123d a ARR = абсолютті қауіп төмендеуі; RRR = салыстырмалы қауіп төмендеуі = (1 Қауіптер қатынасы) x 100%. Салыстырмалы теріс қауіп төмендеуі салыстырмалы қауіп артуын көрсетеді. b тыныш миокард инфарктісі жағдайларын қоспағанда. c SRI = күрделі қайталамалы ишемия; RI = қайталамалы ишемия; TIA = транзиторлы ишемиялық шабуыл; ATE = артериялық тромбоз оқиғасы. Миокард инфарктісі жағдайларының жалпы саны өзінде тыныш миокард инфарктісі жағдайларын қамтиды, осы орайда оқиға күні оның анықталған күні болып саналады. d Номиналды маңыздылық мәні; қалғандарының бәрі алдын ала белгіленген иерархиялық тестілеу бойынша бейресми статистикалық тұрғыда маңызды. PLATO-дағы генетикалық қосалқы талдау PLATO зерттеуінде 10 285 пациентте CYP2C19 және ABCB1 генотиптеу осы зерттеу нәтижелерімен генотиптер топтарының байланысын көрсетті. Негізгі жүрек-қантамыр оқиғаларының санын төмендетуде тикагрелордың клопидогрелден артықшылығының пациентте CYP2C19 немесе ABCB1 генотиптерінің болуымен айтарлықтай маңызы болмады. Жалпы PLATO зерттеуіндегі сияқты, елеулі қан кету жиілігі, CYP2C19 немесе ABCB1 генотипінің болуына қарамастан, тикагрелор мен клопидогрел арасында ерекшеленбеді. КАШ жасалмаған PLATO зерттеуінде бір немесе бірнеше CYP2C19 функционалдық аллельдері жоғалған пациенттерде, клопидогрелмен салыстырғанда, тикагрелорды қолдану кезінде күрделі қан кету жиілігі көп болды, бірақ аллель жоғалмаған пациенттерде клопидогрелге ұқсас болды. Жалпы тиімділігі және қауіпсіздігі Жалпы тиімділігі және қауіпсіздігі (жүрек-қантамырлық өлімге ұшырау, миокард инфарктісі, инсульт немесе PLATO бойынша «Жалпы Елеулі» болып белгіленген қан кету), клопидогрелмен салыстырғанда, тикагрелор тиімділігінің артықшылығы ЖКС-дан кейін 12 айдан соң елеулі қан кету жиілігімен өтелмейтінін көрсетеді (ҚАТ 1.4%, ҚСТ 8%, ҚҚ 0.92; р = 0,0257). Клиникалық қауіпсіздігі Холтер мониторингтеуін қосалқы талдау PLATO зерттеуі кезінде қарыншалық асистолия және басқа аритмия көріністерінің туындауын зерттеу үшін 3000 дерлік пациентте холтер мониторингтеуі орындалды, оның 2000-да жедел фазада да, бір айдан кейін де ЖКС тіркелді. Негізгі мақсат ≥ 3 секунд қарыншалық асистолияның пайда болуын мониторингтеу болды. Пациенттердің басым бөлігінде жедел фазада, клопидогрелмен (3.5%) салыстырғанда, тикагрелорды (6.0%) қолдану кезінде қарыншалық асистолия болды; ал, 1 ай өткен соң, тиісінше, 2.2% және 1.6%. ЖКС жедел фазасындағы қарыншалық асистолия көріністері жиілігінің артуы тикагрелор қабылдаған және анамнезінде ЖСЖ (жүректің созылмалы жеткіліксіздігі) бар пациенттерде айқындау болды (анамнезінде ЖСЖ жоқ пациенттерде 5.4% қарсы 9.2%; клопидогрел қабылдаған және ЖСЖ бар пациенттерде 4.0% және анамнезінде ЖСЖ жоқ пациенттерде 3.6%). Бұл теңгерімсіздік анамнезінде ЖСЖ-мен және онсыз тикагрелор қабылдаған пациенттердің 2.1%-на қарсы 2.0%-да және клопидогрел қабылдаған пациенттердің 1.4%-на қарсы 3.8%-да бір ай ішінде байқалмады. Пациенттердің бұл тобында осы теңгерімсіздікпен (кардиостимулятор орнатуды қоса) байланысты ешқандай қолайсыз клиникалық зардаптары болмады. PEGASUS зерттеуі (Анамнезіндегі миокард инфарктісі) PEGASUS TIMI-54 зерттеуіне 21 162 пациент қатысты, бұл - анамнезінде МИ және атеротромбозды дамытатын қосымша қауіп факторлары бар пациенттерде, АСҚ монотерапиясымен салыстырғанда, АСҚ төмен дозасымен біріктіріп 2 дозада (күніне екі рет 90 мг немесе күніне екі рет 60 мг) тикагрелор қолданылған атеротромбоз құбылыстарының профилактикасын бағалауға арналған қатар топтармен оқиғалық басқарылатын, рандомизацияланған, салыстырмалы жасырын, плацебо-бақыланатын, халықаралық көп орталықтық зерттеу. Зерттеуге, кем дегенде, атеротромбозды дамытатын келесі қауіп факторларының біреуі болған анамнезінде МИ бар 50 жастағы және одан асқан (1-ден 3 жасқа дейін рандомизациялауға дейін) пациенттер қатыса алады: ≥ 65 жас кезеңі, дәрі-дәрмекпен емдеуді талап ететін қант диабеті, алдында болған екінші миокард инфарктісі, расталған көп тамырлық ЖИА немесе бүйрек функциясының созылмалы терминалдық емес сатысы. Зерттеуге келесі факторлары бар пациенттер қосылмады: бүкіл зерттеу кезеңі бойына қан ұюының бұзылуы, ишемиялық инсульт немесе анамнездегі бассүйек ішіндегі қан кету, орталық жүйке жүйесінің ісіктері немесе бассүйек ішіндегі тамыр аномалиясы; алдыңғы 6 ай ішінде асқазан-ішектен қан кету немесе алдыңғы 30 күн ішінде ауыр хирургиялық араласу кезінде P2Y12 рецепторларының антагонистерін, дипиридамол, цилостазол немесе антикоагулянттық емді жоспарлы тағайындау. Клиникалық тиімділігі 2 сурет. Жүрек-қантамыр ауруларынан, миокард инфарктісі және инсульттен болатын өлім, бастапқы клиникалық біріктірілген соңғы нүктесін талдау (PEGASUS) Тикагрелор 60 мг ПлацебоТикагрелор 60 мг ПлацебоҚауіп бар пациенттер саныҚауіп бар пациенттер саныРандомизация сәтінен бастап күндер саныРандомизация сәтінен бастап күндер саныЖинақтық %Жинақтық %NКМ оқиғасы бар пациенттер %-ы 36 айда ҚҚ (95% СА)р-мәніNКМ оқиғасы бар пациенттер %-ы 36 айда ҚҚ (95% СА)р-мәніПлацебоПлацебоТикагрелор 60 мг тәулігіне 2 ретТикагрелор 60 мг тәулігіне 2 рет 5 кесте. Тиімділігінің бастапқы және салдарлы соңғы нүктелерін талдау (PEGASUS) Тикагрелор 60 мг тәулігіне 2 рет +АСҚN = 7045 — Тек АСҚN = 7067 — pмәндері Сипаттамалары — Оқиғасы болған пациенттер — KM% — ҚҚ(95% СА) — Оқиғасы болған пациенттер — KM% Бастапқы соңғы нүкте Біріктірілген: жүрек-қантамыр ауруларынан болатын өлім/ миокард инфарктісі/ инсульт — 487 (6.9%) — 7.8% — 0.84 (0.74, 0.95) — 578 (8.2%) — 9.0% — 0.0043 (s) Жүрек-қантамыр ауруларынан болатын өлім — 174 (2.5%) — 2.9% — 0.83 (0.68, 1.01) — 210 (3.0%) — 3.4% — 0.0676 Миокард инфарктісі — 285 (4.0%) — 4.5% — 0.84 (0.72, 0.98) — 338 (4.8%) — 5.2% — 0.0314 Инсульт — 91 (1.3%) — 1.5% — 0.75 (0.57, 0.98) — 122 (1.7%) — 1.9% — 0.0337 Салдарлы соңғы нүкте Жүрек-қантамыр ауруларынан болатын өлім — 174 (2.5%) — 2.9% — 0.83 (0.68, 1.01) — 210 (3.0%) — 3.4% Барлық себептен болатын өлім — 289 (4.1%) — 4.7% — 0.89 (0.76, 1.04) — 326 (4.6%) — 5.2% Қауіптер қатынасы және р-мәні емдеу тобы бірден бір түсіндірілетін ауыспалы мән болып табылатын Кокс пропорционалды қауіптер моделі пайдаланылатын тикагрелормен және тек АСҚ-мен емге бөлек есептеледі. Каплан – Мейер әдісі бойынша пайызы 36 айға есептелген. Ескертпе: компоненттер үшін алғашқы оқиғалар саны: жүрек-қантамыр ауруларынан болатын өлім, миокард инфарктісі және инсульт әр компонент үшін алғашқы оқиғалардың нақты саны түрінде болады және біріктірілген соңғы нүктедегі оқиғалар санына қосылмайды. (s) Статистикалық маңыздылығын көрсетеді. СА = сенім аралығы; ҚҚ = қауіптер қатынасы; KM = Каплан-Майер әдісі; N = пациенттер саны. Күніне екі рет 60 мг, сондай-ақ күніне екі рет 90 мг тикагрелорды АСҚ-мен біріктірілімде қолданудың екі сызбасы зерттеудің бүкіл кезеңі ішінде тұрақты емдік әсері бар атеротромбоз құбылыстарының (біріктірілген соңғы нүкте: жүрек-қантамыр ауруларынан болған өліммен аяқталу, миокард инфарктісі және инсульт) профилактикасы ретінде, АСҚ монотерапиясымен салыстырғанда, артықшылығын көрсетті, 60 мг тикагрелор үшін ҚСТ 16% және ҚАТ 1.27% және 90 мг тикагрелор үшін ҚСТ 15% және ҚАТ 1.19%. 90 мг және 60 мг тиімділік бейіндері ұқсас болса да, төменірек дозаның қан кету және ентігудің даму қаупіне қатысты жақсы жағымдылығы мен қауіпсіздік бейіні бар екені туралы деректер бар. Қолда бар деректерге байланысты, анамнезінде МИ бар және атеротромбоз құбылыстарының даму қаупі жоғары пациенттерде атеротромбоз құбылыстарының (жүрек-қантамыр ауруларынан, миокард инфарктісінен және инсульттен болатын өліммен аяқталу оқиғасы) профилактикасы үшін АСҚ-мен біріктірілімде күніне екі рет 60 мг дозадағы Брилинта ғана ұсынылады. АСҚ монотерапиясымен салыстырғанда, тикагрелорды күніне екі рет 60 мг дозада қабылдау ЖҚА, миокард инфарктісі және инсульттен болатын өлімге ұшырау құбылыстарының бастапқы біріктірілген соңғы нүктесін едәуір төмендетеді. Компоненттерінің әрқайсысы бастапқы құрамдас соңғы нүктенің төмендеуіне ықпал етеді (ҚСТ 17% ЖҚА, ҚСТ 16% МИ және ҚСТ 25% инсульт). 1-ден 360 күнге дейінгі (17% ҚСТ) және 361 күннен бастап және одан әрі (16% ҚСТ) бастапқы біріктірілген соңғы нүкте үшін ҚСТ бірдей болды. Тикагрелордың тиімділігі мен қауіпсіздігі туралы 3 жылдан астам ұзақ емдеудің шектеулі деректері бар. МИ алудан кейін 2 жылдан астам немесе АДФ тежегішімен алдыңғы емдеуді тоқтатудан кейін бір жылдан көп уақыт ішінде клиникалық тұрақты пациенттерде тикагрелорды күніне екі рет 60 мг дозада қабылдау кезіндегі пайдасы туралы ешқандай дәлелдер жоқ (ЖҚА, миокард инфарктісі және инсульттен болатын өліммен аяқталу оқиғаларының бастапқы біріктірілген соңғы нүктесінің төмендеуі болмады, бірақ ауқымды қан кету жиілігінің артуы байқалды). Клиникалық қауіпсіздігі Қан кету мен ентігудің дамуына байланысты 60 мг дозада тикагрелор қабылдауды тоқтату жиілігі 75 жастан асқан пациенттерде (42%), олардан жас пациенттерге қарағанда, жоғары болды (диапазон: 23-31%), 75 жастан асқан пациенттерде, плацебомен салыстырғанда, айырмасы 10%-дан артық (29% қарсы 42%) болды. Балалар Қатар топтарда жүргізілген III фазадағы рандомизацияланған салыстырмалы жасырын зерттеу (HESTIA 3) барысында орақ пішіндес-жасушалы анемиясы бар 193 бала (2-ден 18 жасқа дейінгі аралықта) плацебо немесе тәулігіне екі рет (дене салмағына қарай) 15-45 мг дозаларда тикагрелор қолдану тобына рандомизацияланған. Тикагрелормен ем кезінде тромбоциттердің тежелу дәрежесі дозаны қабылдауға дейін 35%, ал тепе-тең жағдайда одан кейінгі екі сағаттан соң 56% құрады. Вазоокклюзиялық криздердің жиілігін төмендетуде плацебо алдындағы тикагрелор артықшылығы анықталмады. Еуропалық дәрілік заттар агенттігі анамнезінде жедел коронарлық синдромдары (ЖКС) және миокард инфарктісі (МИ) болған балалар қауымының барлық қосалқы топтарында Брилинта препаратымен зерттеулердің нәтижелерін ұсыну міндеттемесінен бас тартты (педиатрияда қолдану туралы ақпарат алу үшін 4.2 бөлімін қараңыз).

Дозалау режимі Брилинта™ препаратын қабылдап жүрген пациенттер, егер спецификалық қарсы көрсетілімдері болмаса, ацетилсалицил қышқылының (АСҚ) 75-150 мг демеуші дозасын күнделікті қабылдауы тиіс. Жедел коронарлық синдром Брилинта™ препаратын қолдануды бір реттік 180 мг жүктеме дозасынан (90 мг екі таблетка) бастап, артынан тәулігіне екі рет 90 мг қабылдауды жалғастырған жөн. Жедел коронарлық синдром бар пациенттерге, препаратты мерзіміне дейін тоқтатудың клиникалық қажеттілігі болған жағдайлардан басқа, 12 ай бойы тәулігіне екі рет 90 мг Брилинта™ препаратымен ем жүргізу ұсынылады. Тері арқылы коронарлық араласу (ТКА) жасалған және қан кетудің даму қаупі жоғарылаған жедел коронарлық синдром бар пациенттерде АСҚ тоқтатуды 3 ай өткен соң қарастыруға болады. Бұл жағдайда 9 ай бойы тикагрелорды антитромбоцитарлық монотерапия ретінде қабылдауды жалғастырған жөн. Анамнездегі миокард инфарктісі Брилинта™ препаратының тәулігіне екі рет 60 мг дозасы анамнезінде ең болмаса бір жыл ішінде алған миокард инфарктісі бар пациенттерді, сондай-ақ атеротромбоздық асқынулар туындауының қауіп тобында болатын пациенттерді ұзақ уақыт емдеу қажеттілігі туындаған жағдайда ұсынылатын доза болып табылады. Емдеуді атеротромбоздық асқынулардың жоғары туындау қаупіне ұшыраған ЖКС бар пациенттерде 90 мг Брилинта™ препаратымен бастапқы бір жылдық емдеуден немесе аденозиндифосфат (АДФ) рецепторларының басқа тежегішімен емдеуден кейінгі емнің жалғасы ретінде үзіліссіз бастауға болады. Емдеуді миокард инфарктісін өткеруден кейін 2 жыл ішінде немесе осының алдында АДФ рецепторы тежегішімен емдеу аяқталған соң бір жыл ішінде бастауға да болады. 3 жыл ұзақ уақыт емдеуден кейін Брилинта™ препаратының тиімділігі мен қауіпсіздігі туралы деректер шектеулі. Егер дозаларын өзгерту қажет болса, Брилинта™ препаратының алғашқы дозасын антитромбоцитарлық препараттың соңғы дозасын қабылдаудан кейін 24 сағат ішінде қабылдау керек. Пациенттердің ерекше топтары Егде жастағы пациенттер Дозаны түзету қажет емес. Бүйрек жеткіліксіздігі бар пациенттер Бүйрек жеткіліксіздігі бар пациенттерге дозаны түзету қажет емес. Бауыр жеткіліксіздігі бар пациенттер Бауыр жеткіліксіздігінің ауыр дәрежесіндегі пациенттерде Брилинта™ препаратын пайдалану қарсы көрсетілімді. Бауыр жеткіліксіздігі орташа пациенттерге дозаны түзету қажет емес, алайда тикагрелорды қолдану сақтықпен жүзеге асуы тиіс. Бауыр жеткіліксіздігінің жеңіл дәрежесіндегі пациенттерге дозаны түзету қажет емес. Енгізу әдісі және жолы Пероральді қолдануға арналған. Брилинта™ препаратын ас ішуге байланыссыз қолдануға болады. Таблетканы тұтастай жұта алмайтын пациенттер үшін дереу қабылдау шартымен таблеткаларды ұсақ ұнтақтап уатуға және жарты стақан сумен араластыруға болады. Стақанды тағы бір жарты стақан сумен шайып, ішіндегісін ішіп қою керек. Қоспаны назогастральді зонд (СН8 немесе көбірек) арқылы да қабылдауға болады. Қоспаны қабылдаудан кейін назогастральді зондты сумен жуып-шаю маңызды. Тоқтату симптомдары қаупінің болуына көрсетілім Брилинта™ препаратымен емдеуді қоса, кез келген антиагрегантты емді мерзімінен бұрын тоқтату пациенттің негізгі ауруы салдарынан жүрек-қантамыр ауруынан, миокард инфарктісінен немесе инсульттен болатын жоғары өлім қаупіне әкелуі мүмкін. Сондықтан емдеуді мерзімінен бұрын тоқтатпаған дұрыс. Дәрілік препаратты қолдану тәсілін түсіндіру үшін медициналық қызметкер кеңесіне жүгіну жөніндегі кеңестер Препаратты қолдану жөнінде сұрақтар болса, емдеуші дәрігерге хабарласыңыз.

• әсер етуші затқа немесе кез келген қосымша затқа аса жоғары сезімталдық • патологиялық қан кетудің болуы • анамнездегі бассүйек ішіне қан құйылу • бауыр жеткіліксіздігінің ауыр дәрежесі • тикагрелорды CYP3A4 қуатты тежегіштерімен бірге қолдану (мысалы, кетоконазол, кларитромицин, нефазодон, ритонавир және атазанавир), себебі бірге қолдану тикагрелор әсерінің едәуір артуына алып келуі мүмкін • жүктілік және лактация кезеңі

Өте жиі • қан аурулары кезінде қан кету • гиперурикемия • ентігу Жиі • подагра, подагралық артрит • бас айналу, естен тану, бас ауыру • бас айналу • гипотензия • тыныс алу ағзаларынан қан кету • асқазан-ішек жолынан қан кету, диарея, жүрек айну, диспепсия, іш қату • тері астының немесе терінің қанталауы, бөртпе, қышыну • несеп шығару жолдарынан қан кету • қандағы креатинин деңгейінің жоғарылауы • операциядан кейін қан кету, жарақаттан қан кету Жиі емес • ісіктен қан кету • жоғары сезімталдық, оның ішінде ангионевроздық ісіну • сананың шатасуы • бассүйек ішіне қан құйылу (өздігінен, медициналық манипуляциялар себебінен немесе жарақаттан қан кету) • көзге қан құйылу (көзішілік, конъюнктивалық, торқабыққа) • құлақтан қан кету • ішперде артынан қан кету • бұлшықеттердің қанталауы • ұрпақ өрбіту жүйесі ағзаларынан қан кету Белгісіз • тромбоздық тромбоцитопениялық пурпура • брадиаритмия, АВ-блокада Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе дәрілік препараттар тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер қорына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Препараттың 900 мг дейінгі бір реттік дозасында тикагрелор жағымдылығы жақсы. Артық дозалану кезінде байқауға болатын басқа клиникалық мәнді жағымсыз реакцияларға ентігу және қарыншалық асистолия көріністері жатады. Артық дозалану жағдайында осы жағымсыз реакцияларды анықтау үшін қадағалау жүргізу және ЭКГ-мониторингтеу өткізу ұсынылады. Қазіргі уақытта тикагрелор әсерлерін жоюға арналған антидот белгісіз, тикагрелор гемодиализ кезінде шығарылмайды. Артық дозалану жағдайында медициналық практиканың жергілікті стандарттарына сәйкес симптоматикалық емдеу жүргізген жөн. Тромбоциттер тежелуіне байланысты қан кету уақытының ұзаққа созылуы тикагрелор артық дозалануының күтілетін фармакологиялық әсері болып табылады. Қан кету дамығанда тиісті демеуші іс-шараларды жүргізу қажет. Бір немесе бірнеше дозасын өткізіп алу кезіндегі қажетті шаралар Емдеудегі ауытқулардан аулақ болу қажет. Брилинта™ препаратының дозасын өткізіп алған пациент кесте бойынша тек бір таблетканы (келесі дозаны) қабылдауы тиіс.

Препарат дәрігердің тағайындауы бойынша қолданылады. Келесі жағдайларда да препаратты қолданар алдында дәрігермен кеңесу керек: • таяуда алған күрделі жарақатпен, таяуда жасалған операциямен (оның ішінде стоматологиялық); қан ұюының бұзылуларымен; таяуда болған асқазан-ішектен (мысалы, асқазан-ішек ойық жарасынан немесе жуан ішек полиптерінен) қан кетумен байланысты қан кетудің жоғары даму қаупі. • егер Брилинта™ препаратын қабылдау кезінде операция (оның ішінде стоматологиялық) жасалатын болса. Бұл қан кетудің жоғары даму қаупімен байланысты. Емдеуші дәрігер аталған препаратты қабылдауды операциядан 5 күн бұрын тоқтата тұруға кеңес беруі мүмкін. • жүрек ырғағының баяулауы (әдетте, минутына 60 рет соғудан аз) және жүрек ырғағын реттейтін құрылғының (электрокардиостимулятор) болмауы. • бронх демікпесі немесе өкпенің басқа ауруы немесе тыныстың тарылуы. • жүйесіз тыныс алудың пайда болуы (мысалы, тыныс алудың жиілеуі, баяулауы немесе қысқа үзілістермен дем алу). Емдеуші дәрігер жай-күйді әріқарай бағалау қажеттілігі жөнінде шешім қабылдайды. • бауыр функциясының бұзылулары немесе анамнездегі бауыр ауруы. • қан талдауының қорытындылары бойынша несеп қышқылы мөлшерінің артуы. • гепаринді қолдану (бір мезгілде қолдану тромбоцитопения диагностикасының нәтижесіне әсер етуі мүмкін). • розувастатин, симвастатин немесе ловастатин сияқты дәрілік препараттарды тәулігіне 40 мг-ден астам дозада қолдану; рифампицин; фенитоин, карбамазепин, фенобарбитал; дигоксин; циклоспорин; хинидин, дилтиазем; β-блокаторлар және верапамил; морфин және басқа апиындар. • қан кетудің даму қаупін арттыратын дәрілік препараттарды қолдану: пероральді антикоагулянттар; қабынуға қарсы стероидты емес дәрілер; серотонинді кері қармаудың селективті тежегіштері; кетоконазол, кларитромицин, нефазодон, ритонавир және атазанавир, цизаприд, қастауыш алкалоидтары сияқты басқа дәрілік заттар. Арнайы сақтандырулар Қан кетудің даму қаупі Брилинта™ препараты тағайындалғанда қан кетудің даму қаупі жоғары пациенттерде тромбоз оқиғаларының профилактикасынан болатын пайда және қауіп арақатынасын бағалау керек. Клиникалық көрсетілімдер болғанда тикагрелорды пациенттердің келесі топтарына сақтықпен қолдану керек: • Қан кету дамуына бейімділігі бар пациенттер (мысалы, таяуда алған жарақатпен, таяуда жасалған операциямен, қан ұюының бұзылуларымен, асқазан-ішектен белсенді немесе таяуда болған қан кетумен байланысты) немесе жарақаттану қаупі жоғары пациенттер. Тикагрелор қабылдау белсенді патологиялық қан кетуі, анамнезінде бассүйекішілік қан құйылуы және бауырының ауыр жеткіліксіздігі бар пациенттерге қарсы көрсетілімді. • Брилинта™ препаратын қабылдауға дейін 24 сағат ішінде немесе одан кейін қан кетудің даму қаупін арттыруы мүмкін препараттарды (мысалы, қабынуға қарсы стероидты емес препараттар, пероральді антикоагулянттар және/немесе фибринолитиктер) қатарлас қолданатын пациенттер. Дәрілік жабыны бар стентті имплантациялаумен тері арқылы коронарлық араласу жасалған жедел коронарлық синдром бар пациенттерде тикагрелормен және АСҚ-мен қосарлы антитромбоцитарлық емнің (ҚАТЕ) 3 айы өткен соң АСҚ тоқтату, әрі антитромбоцитарлық монотерапия ретінде 9 және 12 ай бойы тикагрелор қабылдауды жалғастыру барысында, ҚАТЕ жалғасуымен салыстырғанда, ауыр қолайсыз жүрек-қантамырлық құбылыстар қаупінің артуынсыз қан кету қаупінің көрініс бергені туралы деректер қолжетімді. Қан кету қаупі жоғары пациенттерде 3 ай өткен соң АСҚ тоқтату және 9 ай бойы антитромбоцитарлық монотерапия ретінде тикагрелор қабылдауды жалғастыру шешімі қан кетудің даму қаупі мен тромбоз оқиғаларының даму қаупінің арақатынасы ескерілген клиникалық бағалауға негізделуі тиіс. Тромбоциттер трансфузиясы дені сау еріктілерде тикагрелордың агрегацияға қарсы әсерін қайтара алмады, ал оның қан кету болған пациенттерде клиникалық пайдалы болу ықтималдығы аз; Брилинта™ препараты мен десмопрессин қатарлас қолданылғанда стандартталған қан кету уақыты азаймағандықтан, десмопрессиннің қан кетуді тиімді тоқтату ықтималдығы аз. Фибринолизге қарсы ем (аминокапрон қышқылы немесе транексам қышқылы) және/немесе VIIa рекомбинантты факторы гемостазды күшейтуі мүмкін. Қан кету себебін анықтаудан және оны тоқтатудан кейін Брилинта™ препаратымен емді жаңғыртуға болады. Хирургиялық операциялар Пациенттер кез келген хирургиялық операция жоспарланатын және жаңа дәрілік препаратты қабылдау басталатын сәтке дейін өздерінің тикагрелор қабылдап жүргені жөнінде терапевт пен стоматологқа мәлімдеуі тиіс. Егер пациентке жоспарлы операция жасалатын болса, осыған байланысты, тромбозға қарсы әсерінің болмағаны дұрыс екендіктен, хирургиялық араласудан 5 күн бұрын тикагрелор қабылдауды тоқтату керек. Ишемиялық инсульт өткерген пациенттер Бұрын ишемиялық инсульт өткерген ЖКС бар пациенттерге 12 айдан асырмай тикагрелормен ем қабылдауға болады. Бұрын ишемиялық инсульт өткерген, анамнезінде миокард инфарктісі бар пациенттерде 1 жылдан көп уақыт жалғасатын Брилинта™ препаратымен ем ұсынылмайды. Бауыр жеткіліксіздігі Бауыр жеткіліксіздігінің ауыр дәрежесіндегі пациенттерге тикагрелорды қолдану қарсы көрсетілімді. Бауыр жеткіліксіздігі орташа пациенттерде тикагрелор қолдану тәжірибесі шектеулі, осыған байланысты, ондай пациенттерді емдегенде сақтық танытуға кеңес беріледі. Брадикардия даму қаупі бар пациенттер Холтер бойынша ЭКГ тәуліктік мониторингтеу, клопидогрелмен салыстырғанда, тикагрелормен емдеу кезінде негізінен симптомсыз қарыншалық асистолияның жоғары жиілігін көрсетті. Брадикардияның даму қаупі жоғары пациенттерде (мысалы, синустық түйіннің әлсіздік синдромы, 2-ші немесе 3-ші дәрежедегі атриовентрикулярлық блокада диагностикаланған кардиостимуляторсыз пациенттер; брадикардиямен байланысты естен тану) препаратты қолданудың шектеулі тәжірибесіне байланысты, Брилинта™ препаратын осындай пациенттерге сақтықпен тағайындауға кеңес беріледі. Бұдан бөлек, тикагрелорды брадикардияны туындатуы мүмкін дәрілік препараттармен бір мезгілде қабылдағанда сақтық шарасын қадағалау керек. Тіркеуден кейінгі кезеңде тикагрелор қабылдап жүрген пациенттерде брадиаритмия және АВ-блокада оқиғаларының дамуы хабарланды. Бұл, негізінен, ықтималды бұрмалайтын факторлары - жүрек ишемиясының болуы және жүректің жиырылу жиілігін төмендететін немесе жүрек өткізгіштігіне ықпал ететін препараттарды қатарлас қабылдау болып табылатын ЖКС бар пациенттерге қатысты. Түзету емінің басталуына дейін пациенттің клиникалық жай-күйінің және ол қабылдап жүрген дәрілік препараттардың атап көрсетілген құбылыстардың дамуына әсер ету мүмкіндігін бағалау керек. Ентігу Брилинта™ препаратын қолдану кезінде білінген ентігу, әдетте, өзінің қарқындылығы бойынша әлсіз немесе орташа, көбіне препаратпен емді жалғастыру шамасына қарай басылады. Демікпе/өкпенің созылмалы обструкциялық ауруы (ӨСОА) бар пациенттерде тикагрелор қабылдағанда ентігудің жоғары абсолютті туындау қаупі болуы мүмкін. Тикагрелорды анамнезінде демікпе/ӨСОА бар пациенттер сақтықпен пайдалану керек. Ентігудің даму механизмі анықталмаған. Егер пациентте жаңа көрініс дамыса, ентігу сақталса немесе күшейсе, толық тексеру өткізу қажет. Егер ентігудің Брилинта™ препаратымен емдеуден болғаны анықталса, оны қабылдауды тоқтату керек. Орталықтан болатын ұйқыдағы апноэ синдромы Тіркеуден кейінгі кезеңде тикагрелор қабылдап жүрген пациенттерде Чейн-Стокс тыныс алуын қоса, орталықтан болатын ұйқыдағы апноэ дамуы хабарланды. Егер орталық ұйқыдағы апноэ күмән тудырса, қосымша клиникалық бағалау жүргізу мәселесін қарастыру керек. Креатинин көтерілуі Брилинта™ препаратымен емдеу кезінде креатинин деңгейлері жоғарылауы мүмкін. Механизмі анықталмады. Бүйрек функциясын дағдылы ағымдағы медициналық тәжірибеге сәйкес тексеру керек. ЖКС бар пациенттердегі бүйрек функциясын, ≥75 жастағы пациенттерге, бүйрек жеткіліксіздігі орташа/ауыр және ангиотензин рецепторлары блокаторларымен (ARB) қатарлас ем алып жүрген пациенттерге ерекше көңіл бөле отырып, тикагрелормен емдеу басталуынан кейін 1 ай өткен соң тексеру ұсынылады. Несеп қышқылының артуы Гиперурикемия тикагрелормен емдеу кезінде пайда болуы мүмкін. Анамнезінде гиперурикемия немесе подагралық артрит бар пациенттерге Брилинта™ препаратын қабылдау кезінде сақтық шараларын қадағалау керек. Алдын ала сақтану шарасы ретінде несеп қышқылының нефропатиясы бар пациенттерде Брилинта™ препаратын пайдалану ұсынылмайды. Тромбоздық тромбоцитопениялық пурпура (ТТП) Тикагрелорды пайдалану кезінде тромбоздық тромбоцитопениялық пурпураның (ТТП) пайда болуы туралы өте сирек хабарланды. Ол тромбоцитопениямен және неврологиялық құбылыстармен, бүйрек дисфункциясымен немесе қызбамен байланысты микроангиопатиялық гемолиздік анемиямен сипатталады. ТТП, плазмаферезді қоса, дереу емдеуді талап ететін өлім қаупі зор жағдай болып табылады. Гепарин индукциялаған тромбоцитопения (ГИТ) диагностикасы кезінде тромбоциттердің зертханалық көрсеткіштерге әсері Пациенттерде ГИТ диагностикасы үшін тромбоциттер 4/гепарин факторына антиденелер қолданылатын тромбоциттердің гепарин индукциялаған агрегациясына (HIPA) талдау өткізілгенде гепариннің қатысуымен дені сау донорлардың қан сарысуындағы тромбоциттер агрегациясы белсендірілді. Тикагрелор қабылдап жүрген пациенттерде ГИТ диагностикасы кезінде тромбоцитарлық функциясын талдаудың жалған-теріс нәтижелерін (қоса алғанда, бірақ HIPA талдауымен шектелмей) байқауға болады. Бұл пациенттің қан сарысуына/плазмасына тест өткізілгенде дені сау донорлар тромбоциттері P2Y12-рецепторларының тикагрелормен тежелуіне байланысты. ГИТ диагностикалау аясында тромбоцитарлық функцияны талдау нәтижелерін түсіндіргенде тикагрелормен қатарлас емдеу туралы ақпарат қажет. ГИТ дамуы байқалатын пациенттерде тикагрелормен емдеуді жалғастыру тромбоз тұсындағы ГИТ жай-күйін де, антикоагулянттармен және тикагрелормен қатарлас емдеумен бірге жоғары қан кету қаупін де ескере отырып, қауіп пен пайда арақатынасын бағалаудан кейін ғана мүмкін болады. Басқа да ақпарат Тикагрелор мен АСҚ жоғары демеуші дозасын (> 300 мг) бірге қабылдау ұсынылмайды. Натрий мөлшері Брилинта™ препаратының құрамында 1 дозасына 1 ммоль мөлшерінен аз (23 мг) натрий бар, яғни оның құрамында мүлде натрий жоқ. Балалар жасында қолдану 18 жасқа толмаған балаларда Брилинта™ препаратының қауіпсіздігі мен тиімділігі анықталмаған. Орақ пішіндес-жасушалы анемиясы бар балаларда тикагрелор қолданудың елеулі тәжірибесі жоқ. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Брилинта™ препараты көлік құралдары мен механизмдерді басқару қабілетіне әсер етпейді немесе мардымсыз әсер етеді. Тикагрелормен емдеу кезінде бас айналу мен сананың шатасуы байқалды. Сондықтан осындай симптомдары бар пациенттерге көлік құралдарын немесе механизмдерді сақтықпен басқару керек.

Бала туу жасындағы әйелдер тикагрелормен емделу кезінде жүкті болып қалмау үшін ұрықтануға қарсы тиісті дәрілерді қолдануы тиіс. Жүкті әйелдерде тикагрелор қолдану деректері жоқ немесе шектеулі. Жүктілік кезінде тикагрелор қабылдауға кеңес берілмейді. Тикагрелор мен оның белсенді метаболиттері сүтпен бөлінуі мүмкін. Бала емізу кезіндегі жаңа туған нәрестелер/сәбилер үшін қаупі жоққа шығарылмайды. Сәби үшін емшек сүтімен қоректенудің пайдасы мен әйел үшін емдеудің пайдасын ескере отырып, бала емізуді әлде тикагрелормен емдеуді тоқтатуға қатысты шешім қабылдау керек.

Брилинта™ препараты, ең алдымен, CYP3A4 субстраты және әлсіз CYP3A4 тежегіші болып табылады. Брилинта™ препараты Р-гликопротеин субстраты және әлсіз Р-гликопротеин тежегіші болып та табылады және Р-гликопротеин субстраттарының әсерін арттыруы мүмкін. Тикагрелор сүт безі обырына төзімді ақуыз (BCRP) субстратының тежегіші болып табылады. Басқа дәрілік құралдар мен заттардың тикагрелорға әсері CYP3A4 тежегіштері CYP3A4 қуатты тежегіштері: кетоконазолды тикагрелормен бірге қолдану тикагрелордың Сmах мен AUC мәндерін, тиісінше, 2.4 және 7.3 есе арттырады. Белсенді метаболиттің Сmах және AUC мәндері, тиісінше, 89% және 56% азаяды. Басқа қуатты CYP3A4 тежегіштері (кларитромицин, нефазодон, ритонавир және атазанавир) осындай әсерлерін көрсетеді, сондықтан оларды Брилинта™ препаратымен бірге қолдану қарсы көрсетілімді. Орташа CYP3A4 тежегіштері: дилтиаземді тикагрелормен бірге қолдану тикагрелор Сmах 69%, ал AUC 2.7 есе арттырады, бұл ретте белсенді метаболиттің Сmах мәнін 38% төмендетеді, aл AUC өзгермейді. Тикагрелор дилтиаземнің плазмалық концентрацияларына ықпал етпейді. Басқа орташа CYP3A4 тежегіштері (мысалы, ампренавир, апрепитант, эритромицин, флуконазол) дәл сондай әсерлер көрсетеді және оларды Брилинта™ препаратымен бір мезгілде тағайындауға болады. Грейпфрут шырыны: тикагрелор әсерінің 2 есе күшеюі грейпфрут шырынын көп мөлшерде күнделікті (күніне 3 рет 200 мл) ішуден кейін байқалды. Осылай жоғары әсер ету шамасы пациенттердің көпшілігі үшін клиникалық маңызды болмайды деп күтіледі. CYP3A индукторлары Рифампицинді тикагрелормен бірге қолдану тикагрелор Сmах және AUC мәндерін, тиісінше, 73% және 86% төмендетеді. Белсенді метаболиттің Сmах мәні өзгермейді, ал AUC 46% төмендейді. Басқа CYP3A4 индукторлары (мысалы, фенитоин, карбамазепин және фенобарбитал), сірә, Брилинта™ препаратының экспозициясын төмендететін болады. CYP3A4 қуатты индукторлары Брилинта™ препаратының экспозициясы мен тиімділігін азайта алады, сондықтан оларды бір мезгілде қолдану ұсынылмайды. Циклоспорин (P-gp және CYP3A4 тежегіші) Циклоспоринді (600 мг дозада) тикагрелормен бірге қолдану тикагрелор Cmax және AUC мәндерін, тиісінше, 2.3 және 2.8 есе арттырады. Бұл ретте циклоспориннің қатысуымен белсенді метаболит AUC 32% артуы, ал Cmax 15% төмендеуі білінеді. Тикагрелор экспозициясын жоғарылата алатын Р-гликопротеин қуатты тежегіштерімен және CYP3A4 орташа тежегіштерімен (мысалы, верапамил және хинидин) тикагрелорды бірге қолдану деректері жоқ. Егер бірге қолданбау мүмкін болмаса, біріктірілген емді абайлап жүргізген жөн. Басқа препараттар Тикагрелорды гепаринмен, эноксапаринмен және ацетилсалицил қышқылымен немесе десмопрессинмен қатарлас қолдану, тек тикагрелорды қолданумен салыстырғанда, тикагрелордың, оның белсенді метаболитінің фармакокинетикасына және тромбоциттердің АДФ-тәуелді агрегациясына ықпал етпейді. Гемостазға әсер ететін препараттарды тағайындауға клиникалық көрсетілімдер болған жағдайда, оларды Брилинта™ препаратымен біріктірілімде сақтықпен қолдану керек. Тикагрелор мен оның белсенді метаболитін қоса, P2Y12 пероральді тежегіштері әсерінің кідіруі және төмендеуі (тикагрелор әсерінің 35% төмендеуі) морфин алған ЖКС бар пациенттерде байқалды. Бұл өзара әрекеттесу асқазан-ішек жолы моторикасының төмендеуімен байланысты болуы мүмкін және басқа да апиындарға қатысты болуы мүмкін. Осы әсерінің клиникалық маңыздылығы белгісіз, бірақ деректер бір мезгілде тикагрелор мен морфин қабылдап жүрген пациенттерде тикагрелор тиімділігінің төмендеу мүмкіндігін көрсетеді. Морфин қабылдауды тоқтату мүмкін емес және жылдам P2Y12 тежелісі шешуші болып саналатын ЖКС бар пациенттерге P2Y12 парентеральді тежегішін қолдану мүмкіндігін қарастыру қажет. Тикагрелордың басқа дәрілік заттарға әсері CYP3A4 изоферментімен метаболизденетін дәрілік препараттар Симвастатин: тикагрелор мен симвастатинді қатарлас қолдану симвастатиннің Сmах пен AUC мәндерін, тиісінше, 81% және 56% арттырады; симвастатин қышқылының Сmах және AUC мәндері, тиісінше, 64% және 52% артады, осы орайда, кейбір жағдайларда бұл көрсеткіштер 2-3 есе артады. Симвастатинді 40 мг/тәуліктен жоғары дозада тикагрелормен бірге қолдану симвастатин жағымсыз әсерлерінің дамуына алып келуі мүмкін. Сондықтан, аталған біріктірілім қажет болса, емнің ықтималды қауіп және пайда арақатынасын бағалау керек. Симвастатин тикагрелордың плазмалық концентрациясына ықпал етпеді. Тикагрелор ловастатинге ұқсас әсерін көрсетуі мүмкін. Брилинта™ препаратын симвастатинмен және ловастатинмен 40 мг-ден жоғары дозада бірге қолдану ұсынылмайды. Аторвастатин: аторвастатин мен тикагрелорды қатарлас қолдану аторвастатин қышқылы метаболиттерінің Сmах және AUC мәндерін, тиісінше, 23% және 36% арттырады. Cmax және AUC мәндерінің осылай артуы аторвастатин қышқылы метаболиттерінің бәрінде байқалады. Бұл жоғарылау клиникалық маңызсыз болып танылды. CYP3A4 арқылы метаболизденетін статиндерге ұқсас әсерлерін жоққа шығаруға болмайды. Тикагрелор мен әртүрлі статиндер қабылдаған пациенттерде қауіпсіздігіне қатысты қандай да бір қауіптену болмады. Тикагрелор – орташа CYP3A4 тежегіші. Брилинта™ препаратын және емдік индексі тар CYP3A4 субстраттарын (мысалы, цизаприд немесе қастауыш алкалоидтары) бірге қолдану ұсынылмайды, себебі тикагрелор осы препараттардың экспозициясын ұлғайтуы мүмкін. P-gp субстраты (дигоксин мен циклоспоринді қоса) Дигоксинді тикагрелормен қатарлас қолдану дигоксиннің Сmах және AUC мәндерін, тиісінше, 75% және 28% арттырады. Тикагрелормен бірге қабылдағанда дигоксин Cmin, орта есеппен, 30%, жекелеген жағдайларда 2 есе ұлғайды. Дигоксинді қолдану кезінде тикагрелор мен оның белсенді метаболитінің Сmах және AUC мәндері өзгермеді. Сондықтан Брилинта™ препаратын және дигоксин мен циклоспорин сияқты емдік индексі тар P-gp тәуелді препараттарды бір мезгілде қолданғанда тиісті клиникалық және/немесе зертханалық мониторинг өткізу ұсынылады. Тикагрелордың қандағы циклоспорин концентрациясына ықпалы білінбеді. Тикагрелордың басқа P-gp субстраттарына әсері зерттелмеді. CYP2C9 изоферментімен метаболизденетін дәрілік препараттар Тикагрелор мен толбутамидті бір мезгілде қолданғанда осы препараттардың бір де бірінің плазмалық концентрациялары өзгермеді. Бұл тикагрелордың CYP2C9 изоферментінің тежегіші емес екенін айғақтайды, ал оның варфарин мен толбутамид сияқты препараттардың CYP2C9 арқылы метаболизміне ықпал ету ықтималдығы аз. Розувастатин (сүт безінің обырына төзімді ақуыз субстраты (BCRP)) Тикагрелордың розувастатин концентрациясын арттырып, оның рабдомиолизді қоса, миопатияның даму қаупінің артуына алып келуі мүмкін екені білінді. Розувастатинді қабылдау кезіндегі негізгі жүрек-қантамыр оқиғалары профилактикасының пайдасы мен қан плазмасындағы розувастатиннің жоғары концентрациясымен байланысты қауіптерінің арақатынасын бағалау керек. Пероральді контрацептивтер Тикагрелор, левоноргестрел және этинилэстрадиолды бірге қолдану этинилэстрадиол экспозициясын шамамен 20% ұлғайтады, бірақ левоноргестрел фармакокинетикасына ықпал етпейді. Левоноргестрел, этинилэстрадиол және Брилинта™ препаратын бір мезгілде қолданғанда контрацепция тиімділігіне клиникалық мәнді әсер етуі күтілмейді. Брадикардияны тудыратын дәрілік заттар Көбінесе қарыншалық асистолия мен брадикардияның симптомсыз көріністерінің байқалуына байланысты, тикагрелорды брадикардияны туындатуға қабілетті препараттармен бірге қолдану кезінде сақ болу керек. Алайда, брадикардияны туындатуға қабілетті бір немесе одан көп препаратпен бірге қолдану кезінде клиникалық мәнді жағымсыз құбылыстар байқалмады. Басқа қатар жүргізілетін ем Брилинта™ препаратын ацетилсалицил қышқылымен, протонды помпа тежегіштерімен, статиндермен, бета-адреноблокаторлармен, ангиотензин өзгертуші фермент тежегіштерімен және қатарлас ауруларды емдеу үшін ұзақ уақыт қабылдау шеңберінде ангиотензин рецепторларының антагонистерімен, сондай-ақ гепаринмен, төмен молекулалы гепариндермен, қысқа мерзімді ем аясында в/і енгізуге арналған гликопротеиндік IIB/ІІІа рецепторларының тежегіштерімен бірге қолдану кезінде клиникалық мәнді қолайсыз өзара әрекеттесуі анықталмады. Брилинта™ препаратын гепаринмен, эноксапаринмен немесе десмопрессинмен бірге қолдану ішінара белсендірілген тромбопластин уақытына, белсендірілген қан ұю уақытына (БҰУ) және Ха факторын зерттеуге ықпалын тигізбеді, алайда ықтималды фармакодинамикалық өзара әрекеттесу салдарынан гемостазға әсер ететін препараттармен бірге қолданғанда сақ болу талап етіледі. Серотонинді кері қармаудың селективті тежегіштерін (мысалы, пароксетин, сертралин және циталопрам) қолдану аясында тері астының қанталап кетуі туралы хабарламаларға байланысты, оларды Брилинта™ препаратымен бірге қабылдағанда қан кетудің жоғары даму қаупі болуы мүмкін екендіктен, сақ болуға кеңес беріледі.

Сақтау мерзімі 3 жыл Жарамдылық мерзімі өткеннен кейін қолдануға болмайды Сақтау шарттары 30С-ден аспайтын температурада сақтау керек. Балалардың қолы жетпейтін жерде сақтау керек!