Бримтим капли 2 мг/мл + 5 мг/мл

1 мл ерітіндінің құрамында белсенді заттар: 2.0 мг бримонидин тартраты, 6.8 мг тимолол малеаты (5.0 мг тимололға баламалы) қосымша заттар: бензалконий хлориді, екі негізді натрий фосфаты гептагидраты, натрий дигидрофосфат моногидраты, хлорсутек қышқылы 1 N, натрий гидроксиді 1 N, инъекцияға арналған су Сыртқы түрінің, иісінің, дәмінің сипаттамасы Жасыл-сары түсті мөлдір ерітінді.

Топикалық бета-адреноблокаторларға жеткілікті реакция бермейтін созылмалы ашық бұрышты глаукомасы және көз гипертензиясы бар пациенттерде көзішілік қысымды (КІҚ) төмендету.

Әсер ету механизмі Препарат екі әсер етуші заттан тұрады: бримонидин тартраты және тимолол малеаты. Бұл екі компонент бірін бірі толықтыратын әсер ету механизмдері арқылы жоғары көзішілік қысымды (КІҚ) төмендетеді, ал біріктірілген әсер кез келген белсенді затты жеке-дара қолданумен салыстырғанда КІҚ қосымша төмендеуіне әкеледі және әсері тезірек басталады. Бримонидин тартраты альфа-2-адренорецепторлардың агонисті болып табылады, ол альфа-1-адренорецепторға қарағанда альфа-2- адренорецепторға қатысты 1000 есе селективті. Бұл селективтілік адамның торлы қабығының ксенотрансплантаттарымен байланысты микротамырлардағы мидриаздың және вазоконстрикцияның болмауына әкеледі. Бримонидин тартрат увеосклеральды ағып кетуді күшейту және сулы ылғалдың түзілуін азайту арқылы КІҚ төмендетеді деп саналады. Тимолол бета-1 және бета-2-адренорецепторлардың селективті емес блокаторы болып табылады, оның елеулі ішкі симпатомиметикалық, тікелей миокардиальді депрессанттық немесе жергілікті анестезиялаушы (жарғақшаны тұрақтандырушы) белсенділігі жоқ. Тимолол сулы ылғалдың түзілуін азайту арқылы КІҚ төмендетеді. Әсер етуінің нақты механизмі дәл анықталған жоқ, бірақ эндогендік бета-адренергиялық стимуляциядан туындаған АМФ циклдық синтезінің жоғарылауын тежеу болуы ​​ықтимал. Клиникалық тиімділігі және қауіпсіздігі Үш бақыланатын салыстырмалы клиникалық зерттеулерде бримонидин тартратының және тимолол малеатының біріктірілімі (күніне екі рет) оларды монотерапия ретінде қолданғандағы тимололмен (күніне екі рет) және бримонидинмен (күніне екі рет немесе күніне үш рет) салыстырғанда орташа тәуліктік КІҚ клиникалық маңызды аддитивті төмендеуін туғызды. Кез келген монотерапияның ең аз 3 апталық кіріспе курсынан кейін КІҚ жеткіліксіз бақыланған пациенттер қатысқан зерттеуде орташа тәуліктік КІҚ 4,5, 3,3 және 3,5 мм сынап бағанасына қосымша төмендеуі тиісінше бримонидин тартраты және тимолол малеаты біріктірілімімен (күніне екі рет), тимолол (күніне екі рет) және бримонидинмен (күніне екі рет) емдеудің 3 айында байқалды. Бұл зерттеуде, ең төменгі нүктеде, КІҚ айтарлықтай қосымша төмендеуін бримонидинмен салыстырғанда ғана көрсетуге болады, бірақ тимололмен емес, алайда барлық басқа уақыт нүктелерінде оң үрдіс артықшылықпен байқалды. Басқа екі зерттеудің біріктірілген деректерінде тимололдан статистикалық артықшылық байқалды. Сонымен қатар, бримонидин тартраты мен тимолол малеаты біріктірілімінің КІҚ төмендетуге әсері бримонидинмен және тимололмен қосымша емделуде (барлығы күніне екі рет) қол жеткізілген әсерден кем түспеді. 12 айға дейін созылған салыстырмалы зерттеулерде бримонидин тартраты мен тимолол малеаты біріктірілімінің КІҚ төмендететін әсері сақталатыны көрсетілді.

Дозалау режимі Ересектер үшін ұсынылатын дозасы (егде адамдарды қоса алғанда) Ұсынылатын доза зақымданған көзге (көздерге) шамамен 12 сағат аралықпен күніне 2 рет 1 тамшыны құрайды. Балаларда қолдану Бримонидин тартраты/тимолол малеаты біріктірілімінің 2 жастан 17 жасқа дейінгі балалар мен жасөспірімдердегі қауіпсіздігі мен тиімділігі анықталмаған, сондықтан оны 18 жасқа дейінгі балалар мен жасөспірімдерде қолдану ұсынылмайды. Егде жастағы пациенттер Егде жастағы және жас пациенттер арасында қауіпсіздік пен тиімділік көрсеткіштерінде айырмашылықтар байқалған жоқ. Бүйрек және бауыр жеткіліксіздігі Бауыр немесе бүйрек функциясының бұзылуы бар пациенттерде бримонидин тартраты/тимолол малеаты біріктірілімін қолдану зерттелмеген. Сондықтан мұндай пациенттерді емдеген кезде сақтық таныту керек. Енгізу әдісі және жолы Препарат тек жергілікті офтальмологиялық қолдануға арналған және конъюнктивалық қалтаға тамызатын тамшылар түрінде қолданылады. Пайдаланар алдында құтыны жақсылап сілкілеңіз. Препаратты қолданғаннан кейін жүйелі жағымсыз әсерлердің даму қаупін азайту үшін препарат инстилляциясынан кейін көздің ішкі бұрышындағы көз жасы қалталарының проекциялық аймағын 1–2 минут бойы саусақпен ақырын басу ұсынылады – бұл препараттың жүйелі сіңірілуін төмендетеді. Басқа жергілікті офтальмологиялық препараттармен бірге қолданған жағдайда оларды қолдану аралығы 5 минуттан кем болмауы тиіс. Тамшылатқыш құты мен оның ішіндегісі ластануына жол бермеу үшін тамшылатқыш құтының ұшын қабаққа немесе кез-келген беткейге тигізбеу керек. Дәрілік препараттың бір немесе бірнеше дозасын өткізіп алу кезіндегі қажетті шаралар Егер пациент препаратты тамызуды ұмытып кетсе, бұл жағдайда ол препаратты мүмкіндік болған кезде дереу тамызуы тиіс. Егер келесі дозаның уақыты келіп қалса, өткізіп алған дозаны қабылдамайды және ем әдеттегі дозалау режиміне сәйкес жалғасады. Пациентке өткізіп алған дозаның орнын толтыру үшін препараттың екі еселенген дозасын қабылдаудың қажеті жоқ. Дәрілік препарат стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар Бримонидин тартраты / тимолол малеаты біріктірілімін клиникалық зерттеулер кезінде келесі жағымсыз реакциялар туралы хабарланды: Көру мүшесі тарапынан бұзылулар Өте жиі: конъюнктива гиперемиясы, ашыту сензімі Жиі: көздегі ашыту сезімі, аллергиялық конъюнктивит, мөлдір қабықтың эрозиясы, беткейлік нүктелі кератит, көздердің қышынуы, конъюнктивалық фолликулез, көрудің бұзылуы, блефарит, эпифора, көздің құрғауы, көзден бөліністер, көздердің ауыруы, көздердің тітіркенуі, бөгде денені сезіну Жиі емес: көру өткірлігінің нашарлауы, конъюнктиваның ісінуі, фолликулалық конъюнктивит, аллергиялық блефарит, конъюнктивит, шыны тәрізді дененің күңгірттенуі, астенопия, фотофобия, папиллярлық гипертрофия, қабақтардың ауыруы, конъюнктиваның бозаруы, мөлдір қабықтың ісінуі, мөлдір қабықтың инфильтраттары, шыны тәрізді дененің ажырауы Психика тарапынан бұзылулар Жиі: депрессия Жүйке жүйесі тарапынан бұзылулар Жиі: ұйқышылдық, бас ауыруы Жиі емес: бас айналуы, естен тану Жүрек тарапынан бұзылулар Жиі емес: жүректің іркілісті жеткіліксіздігі, жүрек қағуы Тамырлар тарапынан бұзылулар Жиі: гипертония Тыныс алу, көкірек қуысы және көкірек ортасы ағзалары тарапынан бұзылулар Жиі емес: ринит, мұрынның құрғауы Асқазан-ішек жолы тарапынан бұзылулар Жиі: ауыздың құрғауы Жиі емес: дәмнің бұзылуы, жүрек айнуы, диарея Тері және тері асты шелмайы тарапынан бұзылулар Жиі: қабақтың ісінуі, қабақтың қышуы, қабақ эритемасы Жиі емес: аллергиялық жанаспалы дерматит Жалпы бұзылулар және енгізу орнындағы жай-күйлер Жиі: астениялық жай-күй Бримонидин тартраты / тимолол малеаты біріктірілімі сатылымға түскен уақыттан бастап дәрілік заттарға келесі жағымсыз реакциялар туралы хабарланды: Көз аурулары Белгісіз: көздің бұлдырауы Жүрек тарапынан бұзылулар жиілігі белгісіз: аритмия, брадикардия, тахикардия Тамырлар тарапынан бұзылулар Белгісіз: гипотония Тері және тері асты шелмайы тарапынан бұзылулар Белгісіз: бет эритемасы Белсенді заттардың бірін қолданғанда байқалған және бримонидин тартраты/тимолол малеаты біріктірілімін қолданғанда да ықтимал деп күтуге болатын қосымша жағымсыз реакциялар: Бримонидин Көз аурулары: ирит, иридоциклит (алдыңғы увеит), миоз Психикалық бұзылыстар: ұйқысыздық Тыныс алу, көкірек қуысы және көкірек ортасы ағзалары тарапынан бұзылулар: жоғарғы тыныс алу жолдары тарапынан симптомдар, ентігу Асқазан-ішек жолы тарапынан бұзылулар: асқазан-ішек симптомдары Жалпы бұзылулар және енгізу орнындағы жай-күйлер: жүйелі аллергиялық реакциялар Тері және тері асты шелмайы тарапынан бұзылулар: эритеманы қоса, тері реакциялары, беттің ісінуі, қышыну, бөртпе және тамырлардың кеңеюі Бримонидинді туа біткен глаукоманы емдеу аясында қолданған жағдайларда бримонидин қабылдайтын жаңа туған нәрестелер мен сәбилерде (2 жастан кіші) естен тану, летаргия, ұйқышылдық, артериялық гипотензия, гипотония, брадикардия, гипотермия, цианоз, бозару, тыныс алудың бәсеңдеуі және апноэ сияқты бримонидиннің артық дозалану симптомдары туралы хабарланды. Тимолол Басқа да жергілікті қолданылатын офтальмологиялық препараттар сияқты, осындай біріктірілімі бар препараттар (бримонидин тартраты/тимолол малеаты) жүйелі қан ағымына сіңеді. Тимололдың сіңірілуі жүйелі бета-блокаторларды қолданған кездегі сияқты жағымсыз әсерлерді тудыруы мүмкін. Жергілікті офтальмологиялық қолданудан кейінгі жүйелі жағымсыз реакциялардың жиілігі жүйелі қолданумен салыстырғанда төмен. Жүйелі сіңірілуді азайту үшін «Қолдану жөніндегі нұсқаулар» бөлімін қараңыз. Офтальмологиялық бета-блокаторларды қолданғанда байқалған және бримонидин тартраты/тимолол малеаты біріктірілімін қолданған кезде туындауы ықтимал қосымша жағымсыз реакциялар төменде келтірілген: Иммундық жүйе тарапынан бұзылулар: ангионевроздық ісінуді, есекжемді, оқшауланған және жайылған бөртпені қоса, жүйелі аллергиялық реакциялар, қышыну, анафилаксиялық реакциялар Метаболизм тарапынан бұзылулар: гипогликемия Психика тарапынан бұзылулар: ұйқысыздық, түнгі қорқыныштар, жадыны жоғалту, елестеулер Жүйке жүйесі тарапынан бұзылулар: мидағы қанайналымның бұзылуы, ми ишемиясы, миастения белгілері мен симптомдарыны күшеюі, парестезиялар Көз аурулары: кератит, фильтрациялық операциядан кейін тамырлы қабықтың ажыруауы, мөлдір қабық сезімталдығының төмендеуі, мөлдір қабықтың эрозиясы, птоз, диплопия Жүрек-қантамыр жүйесі тарапынан бұзылулар: кеуденің ауыруы, ісінулер, атриовентрикулярлық блокада, жүректің тоқтауы, жүрек жеткіліксіздігі Тамырлар тарапынан бұзылулар: Рейно феномені, аяқ-қолдың мұздауы Тыныс алу, көкірек қуысы және көкірек ортасы ағзалары тарапынан бұзылулар: бронх түйілуі (негізінен бұрыннан бронх түйілу аурулары бар пациенттерде), ентігу, жөтел Асқазан-ішек жолы тарапынан бұзылулар: диспепсия, іштің ауыруы, құсу Тері және тері асты шелмайы тарапынан бұзылулар: алопеция, псориаз түріндегі бөртпе немесе псориаздың өршуі, тері бөртпесі Қаңқа-бұлшықет жүйесі және дәнекер тіні тарапынан бұзылулар: миалгия Репродуктивтік жүйе және сүт бездері тарапынан бұзылулар: сексуалдық дисфункция, либидоның төмендеуі Жалпы бұзылулар және енгізу орнындағы жай-күйлер: қажу Құрамында фосфаттар бар көзге тамызатын дәрілерді қолданған кезде тіркелген жағымсыз рекациялар: Мөлдір қабықтың елеулі зақымдануы бар кейбір пациенттерде құрамында фосфаттар бар көзге тамызатын дәрілерді қолданумен байланысты мөлдір қабықтың кальцификациялану жағдайлары туралы өте сирек хабарланды. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

• әсер етуші заттарға немесе қосымша заттардың кез келгеніне аса жоғары сезімталдық • бронх демікпесін немесе анамнездегі бронх демікпесін қоса, тыныс жолдарының реактивті аурулары, өкпенің ауыр созылмалы обструкциялық ауруы • синустық брадикардия, синустық түйіннің әлсіздігі синдромы, синоатриальді блокада, кардиостимулятормен бақыланбайтын екінші немесе үшінші дәрежедегі атриовентрикулярлық блокада, айқын жүрек жеткіліксіздігі, кардиогендік шок • моноаминоксидаза (МАО) тежегіштерімен ем қабылдайтын пациенттер • норадренергиялық беріліске ықпал ететін антидепрессанттарды (мысалы, трициклдық антидепрессанттар және миансерин) қабылдап жүрген пациенттер • 18 жасқа дейінгі балалар мен жасөспірімдер

Нұсқаулықта көрсетілмеген.

Адамдарда бримонидин тартраты/тимолол малеаты біріктірілімінің артық дозалануы сирек хабарламаларда қолайсыз салдарларға әкелмеген. Артық дозалануды емдеу демеуші және симптоматикалық емді қамтиды, пациенттің тыныс алу жолдарының өткізгіштігін сақтау керек. Бримонидин Офтальмологиялық артық дозалану (ересектер) Алынған хабарламаларда оқиғалар, әдетте, жағымсыз реакциялар ретінде көрсетіліп қойған. Кездейсоқ жұтып қоюдың нәтижесіндегі жүйелі артық дозалану (ересектер) Ересектердің бримонидинді кездейсоқ қабылдауы туралы ақпарат өте шектеулі. Бүгінгі күні хабарланған жалғыз жағымсыз құбылыс гипотония болды. Гипотензиялық көріністің ізінше рикошеттік гипертензия болғаны хабарланды. Басқа альфа-2 агонистерінің пероральді артық дозалануы гипотония, астения, құсу, летаргия, седативті әсер, брадикардия, аритмия, миоз, апноэ, гипотония, гипотермия, тыныс алудың бәсеңдеуі және құрысулар сияқты симптомдарды тудыратыны хабарланды. Кездейсоқ жұтып қоюдың нәтижесіндегі жүйелі артық дозалану (балалар) Балаларда бримонидиннің офтальмологиялық ерітіндісін абайсызда қабылдаудан кейінгі күрделі жағымсыз әсерлер туралы хабарламалар жарияланған. Субъектілерде ОЖЖ депрессиясының симптомдары, әдетте уақытша кома немесе сана деңгейінің төмендеуі, летаргия, ұйқышылдық, гипотония, брадикардия, гипотермия, бозару, тыныс алудың бәсеңдеуі және апноэ байқалды және оларға, егер қолдану көрсетілсе, интубациямен қарқынды ем бөліміне жатқызу қажет болды. Барлық субъектілер әдетте 6-24 сағат ішінде толық сауығып шықты деп хабарланды. Тимолол Тимололдың жүйелі артық дозалануының симптомдарына мыналар жатады: брадикардия, артериялық гипотензия, бронх түйілуі, бас ауруы, бас айналуы және жүректің тоқтауы. Пациенттерді зерттеу тимололдың диализбен нашар шығарылатынын көрсетті.

Кейбір пациенттерде аллергиялық типтегі реакциялар (аллергиялық конъюнктивит және аллергиялық блефарит) пайда болды. Аллергиялық конъюнктивит науқастардың 5,2% -ында байқалды. Басталуы әдетте 3 айдан 9 айға дейін созылды, соның нәтижесінде емдеуді тоқтатудың жалпы деңгейі 3,1% құрады. Аллергиялық блефарит сирек (<1%) байқалды. Аллергиялық реакциялар пайда болған жағдайда бримонидин тартраты/тимолол малеаты біріктірілімімен емдеуді тоқтату керек. Бримонидин тартратының 0,2% офтальмологиялық ерітіндісін қолданғанда баяу типтегі аса жоғары сезімталдық реакциялары туралы хабарланды, олардың кейбіреулері КІҚ жоғарылауымен байланысты болды. Бримонидин тартраты/тимолол малеатының біріктірілімін қолдану жабық бұрышты глаукомасы бар пациенттерде зерттелмеген. Жүйелі әсерлері Басқа да жергілікті қолданылатын офтальмологиялық дәрілер сияқты, бримонидин тартраты/тимолол малеаты біріктірілімі жүйелі сіңуі мүмкін. Жеке әсер етуші заттардың жүйелі сіңірілуінің күшеюі байқалған жоқ. Тимололдың бета-адренергиялық компонентіне байланысты, жүйелі бета-адреноблокаторларды қолданған кезде байқалатын жүрек-қантамыр, өкпе және басқа да жағымсыз реакциялардың сондай түрлері туындауы мүмкін. Жергілікті офтальмологиялық қолданудан кейінгі жүйелі жағымсыз реакциялардың жиілігі жүйелі қолданумен салыстырғанда төмен. Жүйелі сіңірілуін азайту үшін «Қолдану жөніндегі нұсқаулар» бөлімін қараңыз. Жүрек тарапынан бұзылулар Тимололды қолданғаннан кейін жүрек тарапынан жағымсыз реакциялар, оның ішінде сирек жағдайларда жүрек жеткіліксіздігімен байланысты өлім туралы хабарланды. Жүрек-қантамыр аурулары (мысалы, жүректің ишемиялық ауруы, Принцметал стенокардиясы және жүрек жеткіліксіздігі) және гипотензиясы бар пациенттерде бета-адреноблокаторлармен емді сыни тұрғыда бағалау және басқа белсенді заттармен емдеу мүмкіндігін қарастыру керек. Жүрек-қантамыр аурулары бар пациенттерді осы аурулардың нашарлау белгілері мен жағымсыз реакциялар тұрғысынан бақылау керек. Өткізгіштік уақытына теріс әсер ететіндіктен бета-блокаторларды бірінші дәрежелі жүрек блокадасы бар пациенттерге сақтықпен тағайындау керек. Жүйелік бета-адреноблокаторлар жағдайындағы сияқты, жүректің ишемиялық ауруы бар пациенттерде емдеуді тоқтату қажет болса, ырғақтың бұзылуын, миокард инфарктісін немесе кенеттен өлімді болдырмау үшін емдеуді бірте-бірте тоқтату керек. Қантамырлық бұзылулар Шеткері қан айналымының ауыр бұзылулары / бұзылыстары (Рейно ауруының ауыр түрлері немесе Рейно синдромы) бар пациенттерді сақтықпен емдеу керек. Респираторлық бұзылыстар Кейбір офтальмологиялық бета-блокаторларды қолданғаннан кейін демікпесі бар пациенттерде бронх түйілуі салдарынан болған өлімді қоса, респираторлық жағымсыз реакциялар туралы хабарланды. Бримонидин тартраты/тимолол малеаты біріктірілімін өкпенің жеңіл/орташа созылмалы обструкциялық ауруы (ӨСОА) бар пациенттерде сақтықпен және әлеуетті пайдасы ықтимал қауіптен басым болған жағдайда ғана қолдану керек. Гипогликемия / гипергликемия Бета-блокаторларды өздігінен болатын гипогликемияға бейім пациенттерге немесе лабильді қант диабеті бар пациенттерге сақтықпен тағайындау керек, өйткені бета-блокаторлар жедел гипогликемияның белгілері мен симптомдарын бүркемелеуі мүмкін. Гипертиреоз Бета-блокаторлар гипертиреоз белгілерін бүркемелеуі де мүмкін. Бримонидин тартраты/тимолол малеаты біріктірілімін метаболизмдік ацидозы және емделмеген феохромоцитомасы бар пациенттерге сақтықпен қолдану керек. Көздің мөлдір қабығының аурулары Офтальмологиялық бета-блокаторлар көздің құрғақтығын тудыруы мүмкін. Мөлдір қабықтың аурулары бар пациенттерге сақтықпен қарау керек. Басқа бета-блокаторлар Жүйелі бета-блокаторларды қабылдап жүрген пациенттерге тимололды тағайындағанда көзішілік қысымға әсері немесе жүйелі бета-блокаданың белгілі әсерлері күшеюі мүмкін. Бұл пациенттердің реакциясын мұқият бақылау керек. Екі бета-адреноблокаторды жергілікті қолдану ұсынылмайды. Анафилаксиялық реакциялар Бета-блокаторларды қабылдаған кезде, анамнезінде атопиясы немесе әртүрлі аллергендерге ауыр анафилаксиялық реакциясы бар пациенттер мұндай аллергендерді қайталап енгізуге анағұрлым реактивті болуы мүмкін және анафилаксиялық реакцияларды емдеу үшін қолданылатын адреналиннің әдеттегі дозасына жауап бермеуі мүмкін. Хориоидеяның ажырауы Сүзу емшараларынан кейін су теңгерімін басатын емді (мысалы, тимолол, ацетазоламид) қолданған кезде хориоидеяның ажырау жағдайлары туралы хабарланды. Хирургиялық анестезия Бета-блокаторлық офтальмологиялық препараттар бета-агонистердің, мысалы адреналиннің жүйелі әсерлерін тежеуі мүмкін. Егер пациент тимолол қабылдайтын болса, анестезиологқа хабарлау керек. Бензалконий хлориді Бензалконий хлориді көздің тітіркенуін, құрғақ көз симптомдарын тудыратыны және мөлдір қабықтың беткейіне әсер етуі мүмкін екендігі хабарланған. Құрғақ көз синдромы бар пациенттерде және көздің мөлдір қабығы зақымдалған пациенттерде сақтықпен қолдану керек. Препаратты ұзақ уақыт қолданған жағдайда пациенттер бақылауда болуы тиіс. Препарат құрамында бензалконий хлоридінің болуына байланысты: ирит болуы мүмкін, жұмсақ жанаспалы линзалармен жанасудан аулақ болу керек, қолданар алдында жанаспалы линзаларды алып тастау және препаратты тамызғаннан кейін кем дегенде 15 минут күту керек. Фосфатты буфер Препараттың құрамында фосфаттар бар, олар өте сирек жағдайларда емдеу кезінде кальцийдің жиналуына байланысты мөлдір қабықтың бұлыңғырлануын тудыруы мүмкін. Арнайы сақтандырулар Балалар Балалар мен жасөспірімдерде (2 жастан 17 жасқа дейін) бримонидин тартраты/тимолол малеаты біріктірілімінің қауіпсіздігі мен тиімділігі анықталмаған. 18 жасқа дейінгі балалар мен жасөспірімдерде қолдануға болмайды. Жүктілік Бримонидин тартраты Жүкті әйелдерде бримонидин тартратын қолдану туралы талапқа сай деректер жоқ. Клиникаға дейінгі деректер анаға уытты жоғары дозаларда репродуктивтік уыттылықты көрсетті. Адамдар үшін әлеуетті қаупі белгісіз. Тимолол Клиникаға дейінгі деректер клиникалық тәжірибеде қолданылуы мүмкін дозалардан едәуір жоғары дозаларда репродуктивтік уыттылықты көрсетті. Эпидемиологиялық зерттеулер даму ақауларын анықтаған жоқ, бірақ бета-блокаторларды пероральді енгізген кезде жатырішілік дамудың кідіру қаупін көрсетті. Сонымен қатар, бета-блокаторларды босанғанға дейін қолданған кезде жаңа туған нәрестелерде бета-блокада белгілері мен симптомдары (мысалы, брадикардия, гипотензия, респираторолық дистресс және гипогликемия) байқалды. Егер бримонидин тартраты/тимолол малеаты біріктірілімі жүктілік кезінде босанған сәтке дейін қолданылса, жаңа туған нәресте өмірінің алғашқы күндерінде мұқият бақылауда болуы керек. Бала емізу Бримонидин тартраты Бримонидиннің адамның емшек сүтімен бөлінетіні белгісіз. Тимолол Бета-блокаторлар емшек сүтімен бөлініп шығады. Алайда, тимололдың көзге тамызатын емдік дозаларын қолданғанда, оның нәрестеде бета блокаданың клиникалық симптомдарын тудыратындай жеткілікті мөлшерде емшек сүтінде болуы екіталай. Жүйелі сіңірілуді азайту үшін «Қолдану жөніндегі нұсқаулар» бөлімін қараңыз. Бримонидин тартраты/тимолол малеаты біріктірілімін бала емізетін әйелдерге қолданбау керек. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Бримонидин тартраты/тимолол малеаты біріктірілімі автокөлікті басқару және механизмдермен жұмыс істеу қабілетіне елеусіз әсер етеді. Бримонидин тартраты/тимолол малеаты біріктірілімі көздің өтпелі бұлдырауын, көрудің бұзылуын, қажуды және/немесе ұйқышылдықты тудыруы мүмкін, бұл автокөлікті басқару және механизмдермен жұмыс істеу қабілетін нашарлатуы мүмкін. Пациент автокөлікті басқарудан немесе механизмдермен жұмыс істеуден бұрын осы симптомдардың жойылғанын күтуі керек.

Нұсқаулықта көрсетілмеген.

Бримонидин мен тимололдың бекітілген біріктірілімімен өзара әрекеттесулерге ешқандай зерттеулер жүргізілген жоқ. Дәрілермен өзара әрекеттесуіне арнайы зерттеулер жүргізілмесе де, ОЖЖ бәсеңдететін дәрілердің (алкоголь, барбитураттар, апиындар, седативті дәрілер немесе анестетиктер) аддитивті немесе көтермелейтін әсерлерінің теориялық ықтималдығын ескеру қажет. Офтальмологиялық бета-блокатор ерітіндісін пероральді кальций өзекшелерінің блокаторларымен, бета-адреноблокаторлармен, аритмияға қарсы дәрілермен (амиодаронды қоса), оймақгүл гликозидтерімен, парасимпатомиметиктермен немесе гуанетидинмен бір мезгілде қолданғанда гипотонияға және/немесе айқын брадикардияға әкелетін аддитивті әсерлердің ықтималдығы бар. Сондай-ақ, бримонидинді қолданғаннан кейін артериялық гипотензия дамуының өте сирек (10 000-ға <1) жағдайлары туралы хабарланды. Сондықтан бримонидин тартраты/тимолол біріктірілімін жүйелі гипертензияға қарсы дәрілермен бірге қолданғанда сақтық танытқан жөн. Кейде офтальмологиялық бета-блокаторларды және адреналинді (эпинефринді) бір мезгілде қолдану нәтижесінде туындаған мидриаз туралы хабарланды. Бета-адреноблокаторлар диабетке қарсы дәрілердің гипогликемиялық әсерін күшейтуі мүмкін. Бета-блокаторлар гипогликемияның белгілері мен симптомдарын бүркемелеуі мүмкін. Клонидинді күрт тоқтатуға гипертониялық реакция бета-адреноблокаторларды қабылдаған кезде күшеюі мүмкін. CYP2D6 тежегіштерімен (мысалы, хинидинмен, флуоксетинмен, пароксетинмен) және тимололмен біріктіріп емдеу кезінде жүйелі бета-блокаданың күшеюі (мысалы, жүректің жиырылу жиілігінің төмендеуі, депрессия) туралы хабарланған. Бета-блокаторды анестетиктермен бір мезгілде қолдану компенсаторлық тахикардияны әлсіретуі және артериялық гипотензияның даму қаупін арттыруы мүмкін, сондықтан пациент бримонидин тартраты/тимолол малеаты біріктірілімін қолданатын болса, анестезиологқа хабарлау қажет. Бримонидин тартраты/тимолол малеаты біріктірілімі йодконтрастылы препараттармен немесе вена ішіне енгізілетін лидокаинмен бір мезгілде қолданылса, сақтық таныту керек. Циметидин, гидралазин және алкоголь қан плазмасындағы тимолол концентрациясын арттыруы мүмкін. Бримонидин тартраты/тимолол малеаты біріктірілімін қолданғаннан кейінгі айналымдағы катехоламиндер деңгейі туралы деректер жоқ. Дегенмен, хлорпромазин, метилфенидат, резерпин сияқты айналымдағы аминдердің метаболизміне және сіңуіне әсер етуі мүмкін дәрілерді қабылдап жүрген пациенттерге сақ болу керек. α-адренергиялық агонистермен өзара әрекеттесуі немесе олардың белсенділігіне кедергі келтіруі мүмкін, қатар жүретін жүйелі препаратты (фармацевтикалық нысанына қарамастан), мысалы, адренергиялық рецепторлардың агонистерін немесе антагонистерін (изопреналин, празозин) тағайындағанда (немесе дозасын өзгерткенде) сақтық танытқан жөн. Бримонидин тартраты/тимолол малеаты біріктірілімімен дәрілік өзара әрекеттесулеріне арнайы зерттеулер жүргізілмесе де, простамидтердің, простагландиндердің, карбоангидраза тежегіштерінің және пилокарпиннің КІҚ төмендететін қосымша әсерінің теориялық мүмкіндігін қарастыру керек. Бримонидинді моноаминоксидаза (МАО) тежегіштерімен ем алатын пациенттерде, және норадренергиялық беріліске әсер ететін антидепрессанттарды (мысалы, трициклдық антидепрессанттар мен миазерин) қабылдайтын пациенттерде қолдануға болмайды. МАО тежегіштерімен ем алатын пациенттерге бримонидин тартраты/тимолол малеаты біріктірілімімен емдеуді бастар алдында, емдеуді тоқтатқаннан кейін 14 күн өтуін күту керек.

Сақтау мерзімі 2 жыл. Құтыны ашқаннан кейінгі қолдану кезеңі 45 тәулік. Жарамдылық мерзімі өткеннен кейін қолдануға болмайды. Сақтау шарттары Жарықтан қорғалған жерде 25 °C-ден аспайтын температурада сақтау керек. Балалардың қолы жетпейтін жерде сақтау керек!