БРИНЗОМОЛ-DF капли

Бір мл құрамында белсенді зат: 10 мг бринзоламид, 6,83 мг тимолол малеаты (5,0 мг) тимололға баламалы), қосымша заттар: динатрий эдетаты, карбомер 974 Р, маннитол, натрий хлориді, тилоксопол, бензалконий хлориді (50 % ерітінді), хлорсутек қышқылы, инъекцияға арналған су. Сыртқы түрінің, иісінің, дәмінің сипаттамасы Ақ немесе ақ дерлік түсті біртекті суспензия.

• көзішілік қысымды төмендету үшін монотерапия жеткіліксіз болған ересек пациенттерде ашық бұрышты глаукомада немесе көзішілік гипертензияда көзішілік жоғары қысымды төмендету үшін

Әсер ету механизмі БРИНЗОМОЛ-DF құрамында белсенді екі зат бар: бринзоламид және тимолол малеаты. Бұл екі компонент көзішілік қысымды (КІҚ), негізінен, сулы ылғал секрециясын азайту жолымен төмендетеді, бірақ мұны әртүрлі әсер ету механизмдерімен жасайды. Осы белсенді екі субстанцияның біріктірілген ықпалы, белсенді заттың біреуі жеке әсер еткен кездегімен салыстырғанда, КІҚ-ның қосымша төмендеуіне әкеледі. Көздегі басым изофермент бринзоламидтің адамдағы карбоангидраза ІІ-нің (СА-ІІ) күшті әсер ететін тежегіші болып табылады. Көздің кірпік өсінділерінде карбоангидразаның тежелуі сулы ылғалды, шамамен, бикарбонат-иондардың түзілуін баяулату жолымен азайтады, кейіннен натрийдің және сұйықтықтың тасымалдануын қысқартады. Тимолол ішкі симпатомиметикалық белсенділігі жоқ селективті емес бета-блокатор болып табылады, миокардқа тікелей депрессиялық әсер етпейді, жарғақшаны тұрақтандыратын белсенділігі жоқ. Адамдардың қатысуымен тонографиялық және флюорофотометриялық зерттеулер тимололдың негізгі белсенділігі сулы ылғалдың түзілу деңгейінің төмендеуімен және ағып шығудың аздап артуымен байланысты деп болжам жасауға мүмкіндік береді. Фармакодинамикалық әсерлері Клиникалық тиімділігі және қауіпсіздігі Ашық бұрышты глаукомасы немесе көз гипертензиясы бар пациенттердің қатысуымен жүргізілген он екі айлық бақыланатын клиникалық зерттеулер барысында, зерттеушінің пікірі бойынша, кірісу кезеңінде КІҚ орташа мәні 25-тен 27 мм с.б. дейін болған біріктірілген емді қолданудың пайдасы болуы мүмкін, БРИНЗОМОЛ-DF препаратын тәулігіне екі рет қабылдаған кезде КІҚ төмендеуінің орташа әсері 7-ден 9 мм с.б. дейінді құрады. КІҚ орташа төмендеткенде, 20 мкг/мл доза дорзоламидпен + 5 мг/мл доза тимололмен салыстырғанда, БРИНЗОМОЛ-DF препараты тиімділігінің аз еместігі зерттеу аясындағы бүкіл қатысулар барысында барлық уақытша нүктелерде көрсетілді. Кірісу кезеңінде КІҚ орташа мәні 25-тен 27 мм с.б. болған, ашық бұрышты глаукомасы немесе офтальмогипертензиясы бар пациенттердің қатысуымен жүргізілген алты айлық бақыланатын клиникалық зерттеулер барысында БРИНЗОМОЛ-DF препаратын күніне екі рет қабылдағанда КІҚ төмендеуінің орташа әсері 7-ден 9 мм с.б. дейінді құрады, ол 10 мкг/мл доза бринзоламидті тәулігіне екі рет қабылдаған кездегіден шамамен 3 мм с.б. жоғары, және 5 мг/мл доза тимололды тәулігіне екі рет қабылдаған кездегіден 2 мм с.б. жоғары болды. КІҚ орташа таңертеңгі мәндерінің статистикалық тұрғыдан төмендеуі барлық уақытша нүктелерде және зерттеу шегіндегі барлық визиттерде (бринзоламидті және тимололды қабылдаумен салыстырғанда) байқалды. Бақыланатын клиникалық үш зерттеу барысында БРИНЗОМОЛ-DF препаратын тамызғаннан кейін, 20 мг/мл дорзоламид + 5 мг/мл тимололды пайдаланған кездегіге қарағанда, көзде жайсыздықтың даму жиілігінің әжептәуір өте төмендігі білінді.

Дозалау режимі Егде жастағы пациенттерді қоса, ересектерге пайдалану Доза зақымданған көздің (көздердің) конъюнктивальді қалтасына тәулігіне екі рет тамызылатын БРИНЗОМОЛ-DF препаратының бір тамшысын құрайды. Препараттың жүйелік сіңуін азайту үшін оны тамызғаннан кейін мұрын-жас өзегінің саңылауы аймағын қысу немесе көзді жұму қажет. Бұл жүйелік жағымсыз әсерлердің төмендеуіне және белсенділігінің жергілікті деңгейде артуына әкелуі мүмкін. Глаукомаға қарсы офтальмологиялық басқа дәрілік препаратты БРИНЗОМОЛ-DF препаратымен алмастырғанда басқа препаратты қолдануды тоқтату керек, ал БРИНЗОМОЛ-DF препаратын қабылдауды келесі күннен бастау керек. Пациенттердің ерекше топтары Балалар БРИНЗОМОЛ-DF препаратын қолданудың тиімділігі және қауіпсіздігі жөнінде деректер балалар мен 18 жасқа дейінгі жасөспірімдерде белгісіз. Деректер жоқ. Бауыр және бүйрек функциясының бұзылуы Бауыр немесе бүйрек функциясы бұзылған пациенттерде көзге тамызатын БРИНЗОМОЛ-DF препаратын немесе 5 мг/мл тимололды қолдануға зерттеулер жүргізілген жоқ. Бауыр функциясының бұзылулары немесе бүйрек функциясының жеңіл және орташа бұзылулары бар пациенттер үшін дозаны түзетудің қажеті болмайды. БРИНЗОМОЛ-DF препараты бүйрек функциясының ауыр бұзылулары бар (креатинин клиренсі <30 мл/мин) пациенттерде немесе гиперхлоремиялық ацидозы бар пациенттерде зерттелген жоқ. Бринзоламид және оның негізгі метаболиттері көбіне бүйрек арқылы шығарылатын болғандықтан, БРИНЗОМОЛ-DF препаратын бүйрек функциясының ауыр бұзылулары бар пациенттерге қолдануға болмайды. БРИНЗОМОЛ-DF препаратын бауыр функциясының ауыр бұзылулары бар пациенттерге сақтықпен қолдану керек. Енгізу әдісі және жолы Офтальмологияда қолдануға арналған. Пайдаланар алдында құтыны жақсылап сілкілеу қажет. Егер қалпақшасын алғаннан кейін алғаш ашылғанын бақылауға арналған бекіткіш сақинасы нашарласа, препаратты пайдаланар алдында оны жұлып алып тастау қажет. Құты тамшуырының және суспензияның ластануына жол бермеу үшін тамшуырдың ұшын қабаққа, айналасындағы тіндерге немесе басқа жерлерге тигізіп алмаңыз. Қолданудан кейін құтыны нығыздап жауып ұстаңыз. Егер жергілікті қолдану үшін офтальмологиялық бір дәрілік препараттан көбірек пайдаланылатын болса, оларды қолдану арасында кем дегенде 5 минуттық аралықты сақтау керек. Офтальмологиялық жақпамайларды соңынан қолдану керек. Қабылдау уақыты көрсетілген қолдану жиілігі Қатысы жоқ. Тоқтату симптомдары қаупінің бар-жоқтығына нұсқаулар Қатысы жоқ.

• әсер етуші заттарға немесе қосымша заттардың кез келгеніне аса жоғары сезімталдық • басқа бета-адреноблокаторларға жоғары сезімталдық • сульфонамидтерге жоғары сезімталдық • бронх демікпесін немесе анамнездегі бронх демікпесін, өкпенің созылмалы ауыр обструкциялық ауруын қоса, тыныс алу жолдарының реактивті аурулары • синустық брадикардия, синустық түйін әлсіздігінің синдромы, синоаурикулярлық блокада, кардиостимулятормен бақыланбайтын екінші немесе үшінші дәрежелі атриовентрикулярлық блокада. Жүрек функциясының клиникалық тұрғыдан айқын жеткіліксіздігі, кардиогендік шок • аллергиялық риниттің ауыр түрі • гиперхлоремиялық ацидоз • бүйрек функциясының ауыр бұзылуы.

Жиі • дисгевзия1 • жүректің жиырылу жиілігінің төмендеуі1 • нүктелі кератит1, көрудің бұлыңғырлануы1, көздің ауыруы1, көздің тітіркенуі1 Жиі емес • кератит1,2,3, көздің құрғауы1, мөлдір қабықтың витальді бояумен боялуы1, көзден былшықтың бөлінуі1, көздің қышуы1, көзде бөгде денені сезіну1, көз гиперемиясы1, конъюнктива гиперемиясы1 • қанда лейкоциттер санының төмендеуі1 • қан қысымының төмендеуі1 • жөтел1 • несепте қан іздері1 • жалпы дімкәстік сезімі1,3 • қанда калий деңгейінің жоғарылауы1, қанда лактатдегидрогеназа мөлшерінің жоғарылауы1 Сирек • мөлдір қабықтың эрозиясы1, көздің алдыңғы камерасының опалесценциясы 1, көздің қарығуы1, жас ағудың ұлғаюы1, көздің ақ қабығының гиперемиясы1, қабақтың эритемасы1, қабақ жиегінде қабыршақтың түзілуі1 • ұйқысыздық1 • ауыз-жұтқыншақтың ауыруы1, ринорея1 Белгісіз • көру жүйкесінің дискісіне экскавация диаметрлерінің арақатынасының жоғарылауы3, фильтрациялық операциядан кейін көздің қантамырлық қабығының ажырауы2, кератопатия3, мөлдір қабық эпителийінің ақауы3, көздің мөлдір қабығы эпителийінің зақымдануы3, көзішілік қысымның жоғарылауы3, көз бөліндісі3, мөлдір қабықтың дағы3, мөлдір қабықтың ісінуі3, мөлдір қабық сезімталдығының төмендеуі2, конъюнктивит3, мейбомалық бездерінің қабынуы3, диплопия2, 3, ақ дақтың түсуі3, фотопсия3, көру жітілігінің төмендеуі3, көрудің бұзылуы1, птеригиум3, көздің жайсыздануы3, құрғақ кератоконъюнктивит3, көз гипестезиясы3, ақ қабықтың пигментациясы3, субконъюнктивальді киста3, көрудің бұзылуы3, көздің ісінуі3, аллергиялық реакция3, мадароз3, қабақтың зақымдануы3, қабақтың ісінуі1, птоз2 • назофарингит3, фарингит3, синусит3, ринит3 • қанда эритроциттер мөлшерінің төмендеуі3, қанда хлорид мөлшерінің жоғарылауы3 • анафилаксия2, анафилаксиялық шок1, ангионевроздық ісінуді қоса, жүйелік аллергиялық реакциялар2, жергілікті және жайылған бөртпе2, аса жоғары сезімталдық1, есекжем2, қышыну2 • гипогликемия2 • елестеулер2, депрессия1, жадының жоғалуы2, апатия3, жабырқаңқы күй3, жыныстық құштарлықтың төмендеуі3, қорқынышты түстер2,3, күйгелектік3 • церебральді ишемия2, ми қан айналымының жедел бұзылуы2, естен тану2, гравис миастения белгілері мен симптомдарының күшеюі2, ұйқышылдық3, қимыл-қозғалыс үйлесімінің бұзылуы3, амнезия3, жадының нашарлауы3, параэстезия3, тремор3, гипоэстезия3, агевзия3, бас айналу1, бас ауыру1 • вертиго3, құлақтың шуылдауы3 • жүрек қызметінің тоқтап қалуы2, жүрек функциясының жеткіліксіздігі2, жүрек функциясының іркілген жеткіліксіздігі2, атриовентрикулярлық блокада2, кардиореспираторлық дистресс3, стенокардия3, брадикардия2, 3, ЖЖЖ бұзылуы3, аритмия2,3, жүрек қағысы жиілігін сезіну2,3, тахикардия3, жүрек қағысының жиілеуі3, кеуденің ауыруы2, ісіну2 • гипотония2, гипертония3, қан қысымының жоғарылауы1, Рейно феномені2, аяқ-қолдың салқындауы2 • бронхтың түйілуі2 (көбінесе бұның алдында бронхтың түйілу синдромы бар болған пациенттерде), ентігу1, демікпе3, мұрыннан қан кету1, бронхтардың аса белсенділігі3, тамақтың тітіркенуі3, мұрынның бітелуі3, жоғары тыныс алу жолдарының бітелуі3, постназальді синдром3, түшкіру3, мұрынның құрғауы3 • құсу2,3, іштің жоғарғы бөлігінің ауыруы1, іш тұсының ауыруы2, диарея1, ауыз ішінің құрғауы1, жүректің айнуы1, эзофагит3, диспепсия2,3, асқазан-ішек жайсыздығы3, асқазанның жайсыздығы3, ішек перистальтикасының артуы3, асқазан-ішек жолы тарапынан бұзылу3, оральді гипестезия3, оральді парестезия3, метеоризм3 • бауырдың функциональді көрсеткіштерінің ауытқулары3 • Стивенс-Джонсон синдромы (СДС)/уытты эпидермальды некролиз (УЭН), есекжем3, макулопапулезді бөртпе3, жайылған қышыну3, терінің қатаюы3, дерматит3, алопеция1, псориаз пішінді бөртпе немесе псориаздың өршуі2, бөртпе1, эритема1 • миалгия1, бұлшықет спазмдары3, артралгия3, арқаның ауыруы3, аяқ-қолдың ауыруы3 • бүйректің ауыруы3, поллакиурия3 • эректильді дисфункция3, жыныстық дисфункция2, либидоның нашарлауы2 • кеуденің ауыруы1, ауыру3, шаршау1, астения2,3, кеуде қуысы аймағындағы жайсыздық3, үрейлену сезімі3, ашушаңдық3, шеткері ісіну3, препарат шөгіндісі3 1 – БРИНЗОМОЛ-DF препаратын қолдану аясында байқалатын жағымсыз реакциялар 2 – тимололмен монотерапия аясында байқалатын жағымсыз реакциялар 3– бринзоламидпен монотерапия аясында байқалатын жағымсыз реакциялар Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек (жағымсыз реакциялар жөніндегі деректердің ақпараттық базасын көрсету керек) Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Байқамай жұтып қойған жағдайда бета-блокаторлардың жүйелі әсер етуінің нәтижесінде артық дозалану симптомдары брадикардияны, гипотензияны, жүрек функциясының жеткіліксіздігін және бронхтың түйілуін қамтуы мүмкін. БРИНЗОМОЛ-DF препараты артық дозаланған жағдайда емдеу симптоматикалық және демеуші болуы тиіс. Бринзоламидке байланысты электролиттік теңгерімсіздік, ацидоздық жағдайлар туындауы мүмкін және орталық жүйке жүйесі тарапынан бұзылулар болуы ықтимал. Сарысудағы электролиттер деңгейлерін (негізінен, калийдің) және қандағы рН деңгейін бақылау керек. Зерттеулер тимололдың нашар диализденетіндігін көрсетті. Дәрілік препаратты бір немесе бірнеше дозаларын өткізіп алған жағдайдағы қажетті шаралар Дозаны өткізіп алған жағдайда емдеу келесі жоспарланған дозамен жалғастырылуы тиіс. Препарат дозасын арттырмау керек (зақымданған көзге тәулігіне екі рет бір тамшы).

Жүйелік әсері Бринзоламид және тимолол жүйелік сіңуге ұшырайды. Бета-адренорецепторды бөгейтін компонентке, яғни тимололға байланысты жүйелі бета-адреноблокаторларды қолданған кезде байқалатын жүрек-қантамырлық, өкпелік сияқты типті және басқа да жағымсыз реакциялар туындауы мүмкін. Жергілікті офтальмологиялық енгізуден кейін жүйелі жағымсыз реакциялардың жиілігі, жүйелі енгізу кезіндегіге қарағанда, сирек білінеді. Жүйелі әсерін азайту үшін. БРИНЗОМОЛ-DF препаратын алатын пациенттерде жүйелі сіңуіне байланысты Стивенс-Джонсон синдромы (СДС) және барлық сульфаниламид туындыларына тән уытты эпидермиялық некролиз (УЭН) сияқты аса жоғары сезімталдық реакциялары байқалуы мүмкін. Препаратты тағайындаған кезде пациенттерді жағымсыз реакциялардың белгілері мен симптомдары туралы хабардар ету керек және тері реакцияларын мұқият бақылау керек. Ауыр реакциялардың немесе жоғары сезімталдықтың белгілері пайда болса, препаратты қабылдауды дереу тоқтату керек. Жүрек тарапынан бұзылулар Жүрек-қантамыр аурулары (мысалы, жүректің ишемиялық ауруы, Принцметал стенокардиясы және жүрек функциясының жеткіліксіздігі) және гипотониясы бар пациенттерде бета-блокаторлармен емдеуге мұқият баға беру және басқа да белсенді заттармен емдеуді қарастыру қажет. Жүрек-қантамыр аурулары бар пациенттерді осы аурулардың нашарлау белгілерінің және жағымсыз реакциялардың болуы тұрғысында бақылау қажет. Өткізгіштік уақытына теріс ықпалын ескеріп, бірінші дәрежедегі жүрек блокадасы бар пациенттерге бета-блокаторларды тағайындағанда сақтық таныту қажет. Қантамырлар тарапынан бұзылулар Шеткері қан айналымының ауыр бұзылыстары/бұзылулары (мысалы, Рейно ауруының ауыр түрлері немесе Рейно синдромы) бар пациенттерді абайлап емдеу керек. Гипертиреоз Бета-блокаторлар гипертиреоз белгілерін де бүркемелеуі мүмкін. Бұлшықет әлсіздігі Анықталған миастениялық симптомдарға (мысалы, диплопия, птоз және жалпы әлсіздік) сәйкес бета-адренергиялық рецепторлардың блокаторлары бұлшықет әлсіздігін потенциялайтыны мәлімделді. Тыныс алу жүйесі тарапынан бұзылулар Кейбір офтальмологиялық бета-блокаторларды демікпесі бар пациенттерге енгізгеннен кейін респираторлық реакциялар туралы, соның ішінде бронхтың түйілуінен өлім туралы мәлімделді. БРИНЗОМОЛ-DF препаратын ауырлығы жеңіл/орташа дәрежедегі созылмалы обструкциялық ауруы (ӨСОА) бар пациенттерде және тек потенциалды пайдасы потенциалды қаупінен басым болған жағдайда ғана сақтықпен қолдану керек. Гипогликемия/қант диабеті Бета-блокаторларды кездейсоқ гипогликемияға ұшыраған пациенттерге немесе құбылмалы диабеті бар пациенттерге абайлап енгізу керек, өйткені бета-блокаторлар жедел гипогликемияның белгілері мен симптомдарын бүркемелеуі мүмкін. Қышқыл-сілті теңгерімінің бұзылуы БРИНЗОМОЛ-DF құрамында сульфонамид болып табылатын бринзоламид бар. Жергілікті қолданған кезде сульфонамидтерге тән жағымсыз реакциялар туындауы мүмкін. Карбоангидраза тежегіштерінің пероральді түрлерін қолданған кезде қышқыл-сілтілік теңгерімнің бұзылулары дамығаны сипатталған. Метаболизмдік ацидоздың ықтимал қаупімен байланысты бүйрек функциясы бұзылуының даму қаупі бар пациенттерде осы препаратты сақтықпен қолдану керек. Күрделі реакциялар немесе жоғары сезімталдық туындаған кезде осы препаратты қабылдауды тоқтату керек. Зейін қою Пероральді түрде қолданылатын карбоангидраза тежегіштері зейін қоюды және/немесе дене үйлесімін қажет ететін тапсырмаларды орындау қабілетіне ықпалын тигізуі мүмкін. Жергілікті қолданған кезде БРИНЗОМОЛ-DF препараты жүйелік қан ағысына өтеді. Анафилаксиялық реакциялар Бета-блокаторларды қабылдай отырып, анамнезінде әртүрлі аллергендерге атопиясы немесе ауыр анафилаксиялық реакциясы бар пациенттер мұндай аллергендерді қайталап енгізуге реакциясы жоғарырақ болуы және анафилаксиялық реакцияларды емдеу үшін пайдаланылатын адреналиннің әдеттегі дозаларына реакция бермеуі мүмкін. Хориоидалды ажырау Фильтрациялық операциядан кейін сулы ылғалдың түзілуін басатын емді (мысалы, тимолол, ацетазоламид сияқты препараттармен) қолданғанда хориоидалды ажырау туралы мәлімделді. Хирургиялық анестезия Офтальмологиялық бета-блокатор препараттары жүйелі бета-агонистік әсерлерді, мысалы, адреналинді бөгеуі мүмкін. Анестезиолог пациенттің тимололды қабылдағаны туралы хабардар болуы тиіс. Қатар жүргізілетін ем Жүйелік бета-блокаторды қабылдап жүрген пациенттерге тимолол тағайындалған кезде көзішілік қысымға әсері немесе жүйелік бета-блокаданың белгілі әсерлері күшеюі мүмкін. Мұндай пациенттерде реакцияны мұқият бақылау керек. Жергілікті екі бета-адреноблокаторды немесе карбоангидразаның жергілікті екі тежегішін пайдалану ұсынылмайды. Карбоангидразаның пероральді тежегіштерін және БРИНЗОМОЛ-DF препаратын бір мезгілде пайдаланып жүрген пациенттерде жүйелі жағымсыз реакциялардың күшею ықтималдылығы бар. БРИНЗОМОЛ-DF препаратын және карбоангидразаның пероральді тежегіштерін бір мезгілде қолдану зерттелген жоқ және ұсынылмайды. Офтальмологиялық әсерлері Жалғанэксфолиативті немесе пигменттік глаукомасы бар пациенттерде БРИНЗОМОЛ-DF препаратын қолдану тәжірибесі шектеулі. Мұндай жағдайда пациенттерді емдегенде сақтық таныту және көзішілік қысымды үнемі бақылауды жүзеге асыру қажет. Жабық бұрышты глаукомасы бар пациенттерде БРИНЗОМОЛ-DF препаратын қолдану зерттелген жоқ, сондықтан, ұсынылмайды. Офтальмологиялық бета-блокаторлар көздің құрғауын туындатуы мүмкін. Мөлдір қабықтың аурулары бар пациенттерді абайлап емдеу керек. Мөлдір қабығы зақымданған пациенттерде мөлдір қабықтың эндотелиальді функциясына (әсіресе эндотелий жасушаларының мөлшері төмен пациенттерде) бринзоламидтің ықтимал әсері зерттелген жоқ. Атап айтқанда, жанаспалы линзаларды тағып жүрген пациенттерде бринзоламидті қолданудың әсері зерттелген жоқ, өйткені карбоангидраза тежегіштері оның гидратациясының бұзылуына әкелуі мүмкін. Бұл мөлдір қабықтың декомпенсациясына және ісінуге әкелуі мүмкін, жанаспалы линзаларды кию мөлдір қабық үшін осы қауіптің ықтималдылығын арттыруы мүмкін. Мөлдір қабығының зақымдары, қант диабеті немесе мөлдір қабықтың дистрофиясы бар пациенттерде мұқият мониторинг жүргізуді жүзеге асыру ұсынылады. Пациенттерге мұқият мониторинг жүргізген жағдайда жанаспалы линзаларды тағу кезінде БРИНЗОМОЛ-DF препаратын қолдануға рұқсат етіледі. Бауыр функциясының бұзылуы Бауыр функциясының ауыр бұзылулары бар пациенттерде БРИНЗОМОЛ-DF препаратымен емдеуді абайлап жүргізу керек. Арнайы ескертулер Бензалконий хлориді БРИНЗОМОЛ-DF препаратының құрамында көздің тітіркенуін туындатуы және жұмсақ жанаспалы линзалардың түсін өзгертуі мүмкін бензалконий хлориді бар. Жұмсақ жанаспалы линзаларға оны тигізіп алуға жол бермеңіз. Пациенттерге БРИНЗОМОЛ-DF препаратын қолданар алдында жанаспалы линзаны алып қою, содан кейін жанаспалы линзаны қайтадан орналастырмас бұрын 15 минут күте тұру қажеттілігі туралы айту керек. Сондай-ақ бензалконий хлориді кератопатияның және/немесе уытты ойық жаралы кератопатияның дамуына әкелуі мүмкін екендігі туралы мәлімделді. Жиі немесе ұзақ қолданғанда пациенттің жағдайына мұқият мониторинг қажет. Педиатрияда қолданылуы БРИНЗОМОЛ-DF препаратын қолданудың қауіпсіздігі және тиімділігі жөнінде деректер 18 жастан кіші пациенттерде анықталған жоқ, соның салдарынан 18 жасқа жеткенше препаратты пайдалану ұсынылмайды.

Жүктілік Жүкті әйелдерге офтальмологиялық бринзоламидті және тимололды қолдану жөнінде адекватты деректер жоқ. Егер бұған айқын қажеттілік жоқ болса, жүктілік кезінде БРИНЗОМОЛ-DF препаратын қолданбау керек. Жүйелі әсерін азайту үшін. Эпидемиологиялық зерттеулер мальформативті әсерлерді тапқан жоқ, бірақ бета-адреноблокаторларды пероральді түрде енгізгенде жатырішілік дамудың кідіру қаупін көрсетеді. Бұдан басқа, бета-блокаторлар босанғанға дейін енгізілген жағдайда бета-блокаданың белгілері мен симптомдары (мысалы, брадикардия, гипотензия, респираторлық дистресс және гипогликемия) жаңа туған нәрестелерден байқалды. Егер БРИНЗОМОЛ-DF препараты босануға дейін қолданылған болса, жаңа туған нәрестені өмірінің алғашқы күндері ішінде мұқият бақылау керек. Емшек емізу Офтальмологиялық бринзоламидтің емшек сүтіне бөлінетіндігі-бөлінбейтіндігі белгісіз. Хайуандарға жүргізілген зерттеулер пероральді түрде қолданғанда бринзоламидтің сүтпен бірге шығарылатындығын көрсетті. Бета-блокаторлар сүтпен шығарылады. Алайда сәбиде бета-блокаданың клиникалық симптомдарын туындату үшін тимололды көзге тамызатын дәрі түрінде емдік дозаларда қолданғанда емшек сүтінде препарат мөлшерінің жеткілікті мөлшерде болуы екіталай. Жүйелі әсерін азайту үшін. Алайда емшек емізген кезде нәресте үшін қаупін жоққа шығаруға болмайды. Нәресте үшін емшек емізудің және ана үшін емдеудің пайдасын ескеріп, емшек емізуді тоқтату туралы немесе БРИНЗОМОЛ-DF препаратымен емдеуді тоқтату/тоқтата тұру туралы шешім қабылдау қажет. Фертильділік Жергілікті енгізуге арналған БРИНЗОМОЛ-DF офтальмологиялық препаратының репродукциялық функцияға ықпал етуіне баға беру үшін зерттеулер жүргізілген жоқ. Клиникалық емес зерттеулердің деректері препаратты ішке қабылдағаннан кейін еркектердің және әйелдердің фертильділігіне бринзоламидтің немесе тимололдың әсерін көрсетпейді. БРИНЗОМОЛ-DF препаратын қолдану аясында еркектердің және әйелдердің фертильділігіне әсері күтілмейді. Көлік құралын немесе қауіптілігі зор механизмдерді басқару қабілетіне препараттың ықпал ету ерекшеліктері БРИНЗОМОЛ-DF препараты көлік құралдарын басқару және механизмдермен жұмыс жасау қабілетіне елеусіз ықпалын тигізеді. Көздің уақытша айқын көрмеуі немесе көрудің басқа да бұзылыстары көлік құралдарын басқару және механизмдермен жұмыс жасау қабілетіне ықпалын тигізуі мүмкін. Егер препаратты қолданған кезде көздің айқын көрмеуі туындаса, пациент автокөлікті жүргізуге немесе механизмдермен жұмыс жасауға кіріспес бұрын, көру қалпына келгенге дейін күте тұруы қажет. Пероральді түрде қолданылатын карбоангидраза тежегіштері зейін қоюды және/немесе дене үйлесімін қажет ететін қызметтермен айналысу қабілетіне ықпалын тигізуі мүмкін.

БРИНЗОМОЛ-DF препаратының басқа дәрілік заттармен өзара әрекеттесуі бойынша зерттеулер жүргізілген жоқ. БРИНЗОМОЛ-DF құрамында бринзоламид, карбоангидраза тежегіші бар, жергілікті қолданылуына қарамастан, жүйелік қан ағысына өтеді. Карбоангидраза тежегіштерінің пероральді түрлерін қолданғанда қышқыл-сілтілік теңгерімі бұзылуының дамығаны сипатталған. БРИНЗОМОЛ-DF препаратын қабылдап жүрген пациенттерде өзара әрекеттесу мүмкін екендігін ескеру қажет. Карбоангидразаның пероральді тежегіштерін және көзге тамызатын бринзоламид дәрісін бір мезгілде пайдаланып жүрген пациенттерде жүйелік жағымсыз реакциялардың күшею ықтималдылығы бар. Құрамында бринзоламид бар көзге тамызатын дәрілерді және карбоангидразаның пероральді тежегіштерін бір мезгілде қолдану ұсынылмайды. Бринзоламидтің метаболизміне Р-450 цитохромының изоферменттері: CYP3A4 (негізінен), CYP2A6, CYP2В6, CYP2С8 және CYP2С9 жауап берді. CYP3A4 изоферментін тежейтін, мысалы, кетоконазол, итраконазол, клотримазол, ритонавир және тролеандомицин сияқты препараттарды, бринзоламид метаболизмінің ықтимал тежелуі салдарынан, абайлап тағайындау керек. CYP3A4 изоферментінің тежегіштерін бірге тағайындағанда сақтық таныту керек. Алайда бринзоламидтің жиналып қалуы екіталай, өйткені ол бүйрек арқылы шығарылады. Бринзоламид P-450 цитохромы изоферменттерінің тежегіші емес. Гипотензияда және/немесе айқын брадикардияда оны кальций өзекшелерінің пероральді блокаторларымен, бета-адреноблокаторлармен, аритмияға қарсы препараттармен (амиодаронды қоса), жүрек гликозидтерімен, парасимпатомиметиктермен және гуанетидинмен бір мезгілде қолданғанда офтальмологиялық бета-блокатор ерітіндісінің әсер етуін күшейтуі ықтимал. Бета-блокаторлар анафилаксиялық реакцияларды емдеу үшін қажетті адреналинге жауапты азайтуы мүмкін. Атопиясы немесе анафилаксиялық реакциялары анамнезінде бар пациенттерде препаратты абайлап қолдану керек. Клонидинді күрт тоқтатқан жағдайда бета-блокаторларды қабылдағанда гипертензиялық реакцияның дамуы ықтимал. Осы дәрілік препаратты клонидинмен бір мезгілде қолданғанда сақтық таныту ұсынылады. CYP2D6 тежегіштерін (мысалы, хинидинді, флуокситинді, пароксетинді) және тимололды қолданып, біріктіріп емдегенде жүйелік бета-блокаданың (мысалы, жүректің жиырылу жиілігінің төмендеуі, депрессия) даму қаупінің артуы туралы мәліметтер алынды. Сақтық таныту ұсынылады. Бета-блокаторлар диабетке қарсы дәрілердің гипогликемиялық әсерін арттыруы мүмкін. Бета-блокаторлар гипогликемияның белгілері мен симптомдарын бүркемелеуі мүмкін. Сирек жағдайларда офтальмологиялық бета-блокаторларды және адреналинді (эпинефринді) бір мезгілде қолданудан туындаған мидриаз туралы мәлімделді.

Сақтау мерзімі 2 жыл. Құтыны ашқаннан кейін қолдану кезеңі – 4 апта. Жарамдылық мерзімі өткеннен кейін қолдануға болмайды! Сақтау шарттары 25 ºС-ден аспайтын температурада сақтау керек. Балалардың қолы жетпейтін жерде сақтау керек!