Бринтелликс® таблетки 20 мг

Үлбірлі қабықпен қапталған бір таблетканың құрамында белсенді зат – вортиоксетин (вортиоксетин гидробромиді түрінде) 5 мг, 10 мг немесе 20 мг; қосымша заттар – маннитол, микрокристалды целлюлоза, гидроксипропилцеллюлоза, натрий карбоксиметилкрахмалы (А типі), магний стеараты; таблетканың қабығы – гипромеллоза, макрогол 400, титанның қостотығы (E171), темірдің қызыл тотығы (E172) (5 мг доза үшін); гипромеллоза, макрогол 400, титанның қостотығы (E171), темірдің сары тотығы (E172) (10 мг доза үшін); гипромеллоза, макрогол 400, титанның қостотығы (E171), темірдің қызыл тотығы (E172) (20 мг доза үшін). Сыртқы түрінің, иісінің, дәмінің сипаттамасы Бринтелликс®, үлбірлі қабықпен қапталған таблеткалар, 5 мг Қызғылт түсті, үлбірлі қабықпен қапталған, бадамша пішінді, бір жақ бетінде “TL” және басқа жақ бетінде “5” өрнегі бар таблеткалар. Бринтелликс®, үлбірлі қабықпен қапталған таблеткалар, 10 мг Ақшыл-сары түсті, үлбірлі қабықпен қапталған, бадамша пішінді, бір жақ бетінде “TL” және басқа жақ бетінде “10” өрнегі бар таблеткалар. Бринтелликс®, үлбірлі қабықпен қапталған таблеткалар, 20 мг Қоңырқай-қызыл түсті, үлбірлі қабықпен қапталған, бадамша пішінді, бір жақ бетінде “TL” және басқа жақ бетінде “20” өрнегі бар таблеткалар.

Ересектерде ауқымды депрессиялық көріністерді емдеу үшін.

Әсер ету механизмі Вортиоксетиннің әсер ету механизмі, сірә, оның тікелей модуляциялайтын серотонинергиялық белсенділігімен және серотонинді (5-HT) тасымалдаушының тежелуімен байланысты. Клиникаға дейінгі зерттеулер вортиоксетин 5-HT3, 5-HT7 және 5-HT1D рецепторларының антагонисі, 5-HT1B рецепторларының ішінара агонисі, 5-HT1A рецепторларының агонисі және 5-HT тасымалдаушысының тежегіші рөлінде әрекет етіп, сонысымен бірнеше жүйелерде, ең алдымен, серотонинергиялық нейтротрансмиссияны, бірақ, бәлкім, сондай-ақ норадреналин, дофамин, гистамин, ацетилхолин, ГАМК және глутамат арқылы нейтротрансмиссияны модульдейтіндігін көрсетті. Мұндай мультимодальді белсенділік, сірә, вортиоксетиннің антидепрессантты және анксиолитик тәріздес қасиеттерінің негізінде жатыр және жануарларға жүргізілген зерттеулерде когнитивтік функциялардың, үйренудің және жадының жақсаруын анықтайды. Алайда, бақыланатын фармакодинамикалық бейіндегі әрбір фармакологиялық нысанның жекелей рөлі түсініксіз күйінде қалатын болғандықтан, хайуандардан алынған деректерді адамға сақтықпен эксполяциялау керек. Дозалардың әртүрлі деңгейлерінде миындағы 5-HT тасымалдаушылардың бос болмау деңгейлерін сандық анықтау үшін 5-HT тасымалдаушыларының лигандтарын (11C-MADAM немесе 11C-DASB) пайдаланып, позитронды-эмиссиялық томография әдісімен екі зерттеу жүргізілді. Тіккен жердің ядроларында 5-HT тасымалдаушыларының орташа бос еместігі тәулігіне 5 мг доза үшін шамамен 50%-ды, тәулігіне 10 мг доза үшін 65%-ды құрады және тәулігіне 20 мг доза үшін 80%-дан көбірекке дейін артты. Клиникалық тиімділігі және қауіпсіздігі Вортиоксетиннің тиімділігі және қауіпсіздігі 6700 пациент қамтылған клиникалық бағдарлама аясында зерттелді, осылардың 3700 пациенттен көбісі қысқа мерзімдік (≤12 апта) зерттеулерде ауқымды депрессиялық бұзылыстарды (АДБ) емдеу үшін вортиоксетинді қабылдады. Екі рет жасырын, плацебо-бақыланатын, препаратты белгіленген дозаларда 6/8 апталық 12 зерттеу ересек пациенттерде (егде жастағы пациенттерді қоса) АДБ-де вортиоксетиннің қысқа мерзімдік тиімділігін зерттеу мақсатында жүргізілді. Вортиоксетиннің тиімділігі, кем дегенде, 12 зерттеудің 9-да бір доза қолданылатын топта көрсетілді, онда депрессияға баға берудің Монтгомери-Асберг (MADRS) депрессиясына баға беру шкаласы немесе Гамильтонның 24-тармақтық (HAM-D24) жалпы индексі бойынша, плацебомен салыстырғанда, ең кемінде, 2 баллға өзгергені көрсетілді. Бұл емге жауап берген және ремиссияға қол жеткізген, сондай-ақ жалпы клиникалық баға беру шкаласы бойынша (CGI-I) жақсарған баллмен пациенттердің үлесімен клиникалық тұрғыдан айғақталды. Вортиоксетиннің тиімділігі дозаны арттырған кезде өсті. Жекелеген зертеулерде вортиоксетин тиімділігі, ересектерде қысқа мерзімдік, плацебо-бақыланатын зерттеулерде 6/8 аптада MADRS шкаласы бойынша бастапқымен салыстырғанда, жалпы баллдың орташа өзгерулері мета-талдаумен (MMRM) айғақталды. Осы зерттеулерді мета-талдау нәтижелері бойынша, барлық зерттеулерде плацебодан жалпы орташа айырмашылығы статистикалық тұрғыдан елеулі болды: тәулігіне 5, 10 және 20 мг дозалар үшін, сәйкесенше, -2.3 балл (p = 0.007), -3.6 балл (p < 0.001) және -4.6 балл (p < 0.001) болды. Мета-талдау деректері бойынша, тәулігіне 15 мг дозаның плацебодан айырмашылығы болған жоқ, алайда плацебодан орташа айырмашылығы -2.6 балл болды. Вортиоксетиннің тиімділігі пациентті емдеуге жауап беретін біріккен талдау нәтижелерімен айғақталады, онда олардың үлесі, плацебоны қолданған кездегі 34%-бен салыстырғанда, вортиоксетинді қолданған кезде 46%-дан 49%-ға дейінді құрады (p < 0.01; NRI талдау). Бұдан басқа, вортиоксетин тәулігіне 5-20 мг дозалар ауқымында депрессия симптомдарының кең өрісіне қатысты тиімділігін көрсетті (барлық жекелеген MADRS көрсеткіштері бойынша жақсару ретінде баға берілді). АДБ бар пациенттерде тәулігіне 25 немесе 50 мг дозалардағы агомелатинмен салыстырғанда, тәулігіне 10 немесе 20 мг дозалардағы вортиоксетиннің тиімділігі 12 апталық, екі рет жасырын салыстырмалы зерттеуде әрі қарай дозаларының түзетілуімен айғақталды. Вортиоксетин агомелатиннен статистикалық тұрғыдан елеулі басым болды, ол MADRS шкаласы бойынша жалпы баллдың жақсаруымен білінді, және емдеуге жауап берген пациенттер, және ремияссиясы бар, сондай-ақ CGI-I шкаласы бойынша жақсарған пациенттер үлесі ретінде өзінің клиникалық маңызын айғақтады. Демеуші ем Аурудың қайталануының профилактикасына жүргізілген зерттеулерде антидепрессанттармен демеуші емнің тиімділігі көрсетілді. Вортиоксетинмен емдеудің 12 апталық ашық кезеңінен кейін ремиссия жағдайындағы пациенттер тәулігіне 5 немесе 10 мг вортиоксетинді немесе плацебо қабылдау үшін рандомизацияланды және ұзақтығы кем дегенде 24 апта (24-64 апта) екі рет жасырын кезең ішінде аурудың қайталануы тұрғысында бақылауда болды. Вортиоксетин алғашқы соңғы нүктеге, АДБ қайталанғанға дейінгі уақытқа қатысты, 2.0 қауіпке қатысты плацебодан басым болды (p=0.004); яғни аурудың қайталану қаупі плацебо тобында, вортиоксетин тобына қарағанда екі есе жоғары болды. Егде жастағы пациенттер Депрессиясы бар егде жастағы (≥65 жас, n=452, олардың 156-сы вортиоксетин қабылдаған) пациенттердің қатысуымен, бекітілген дозаларға жүргізілген 8 апталық екі рет жасырын, плацебо бақыланатын зерттеулерде тәулігіне 5 мг доза вортиоксетин плацебодан басым болды, ол MADRS және HAM-D24 жалпы индексінің жақсаруымен айқындалды. Вортиоксетин мен плацебо арасындағы айырмашылық 8 аптада MADRS жалпы индексі үшін 4.7 балл құрады (MMRM талдауы). Ауыр депрессиясы немесе депрессиясы бар және үрейлену деңгейі жоғары пациенттер Ауыр депрессиясы бар (MADRS бастапқы жалпы индексі ≥30) пациенттерде және депрессиясы бар және үрейлену симптомдарының деңгейі жоғары (HAM-A бастапқы жалпы индексі ≥20) пациенттерде вортиоксетин сондай-ақ қысқа мерзімдік зерттеулерде тиімділігін көрсетті (6/8 аптада MADRS жалпы индексі бойынша плацебомен салыстырғанда жалпы орташа айырмашылығы 2.8-ден 7.3 баллға дейін және 3.6-дан 7.3 баллға дейін ауытқыды (MMRM талдауы)). Егде жастағы пациенттерге жүргізілген арнайы зерттеулерде вортиоксетин сондай-ақ пациенттердің осы тобында да өзінің тиімділігін көрсетті. Пациенттердің осы санатында антидепрессанттармен демеуші емнің тиімділігі сондай-ақ аурудың қайталануының профилактикасына жүргізілген ұзақ мерзімдік зерттеулерде де көрсетілді. Цифрлық символдарды алмастыру тестісінің (DSST) нәтижелеріне вортиоксетиннің ықпалы, Калифорниялық Сан-Диего университетінің (UPSA) шкаласы бойынша негізгі өмірлік дағдылардың сапасына баға беру (объективті критерийлер), тапшылықты түйсінуі бойынша (PDQ) жауап алу және CPFQ когнитивтік және физикалық функциясы бойынша жауап алу (субъективті критерийлер) АДБ бар пациенттерде вортиоксетиннің (тәулігіне 5-20 мг) тиімділігі ересек пациенттерде қысқа мерзімдік 2 плацебо бақыланатын зерттеуде және егде жастағы пациенттерде бір плацебо бақыланатын зерттеуде зерттелді. Вортиоксетин, плацебомен салыстырғанда, цифрлық символдарды алмастыру тестісінің (DSST) нәтижелеріне статистикалық тұрғыдан елеулі ықпалын тигізіп, ересектерге жүргізілген 2 зерттеуде Δ = 1.75-тен (p = 0.019) бастап 4.26-ға (p < 0.0001) дейін өзгерді және егде жастағы пациенттерде Δ = 2.79 (p = 0.023) кезінде өзгерді. Барлық 3 зерттеудегі бастапқы мәнімен салыстырғанда, DSST-те дұрыс символдар санының орташа өзгерулерінің мета-талдауларында (ANCOVA, LOCF) стандартталған әсерінің шамасы 0.35 болған кезде вортиоксетиннің плацебодан (p<0.05) айырмашылығы болды. Өзгерісті түзеткен кезде MADRS жалпы индексі сол зерттеудің мета-талдауында вортиоксетиннің плацебодан (p < 0.05) стандартталған әсерінің шамасы 0.24 болған кездегі айырмашылығын көрсетті. Бір зерттеуде ворсиоксетиннің функциональді қабілеттілікке ықпалына Калифорнияның Сан-Диего университетінің шкаласы (UPSA) бойынша негізгі өмірлік дағдылардың сапасына баға беру жәрдемімен бағаланды. Вортиоксетин статистистикалық тұрғыда плацебодан вортиоксетин үшін 8.0 балл және плацебо үшін 5.1 балл нәтижелерімен едәуір ерекшеленді (p = 0.0003). Зерттеулердің біреуінде вортиоксетин плацебодан, тапшылықты түйсінуге жауап алуға сәйкес баға берудің субъективті критерийлері бойынша, вортиоксетин үшін -14.6 және плацебо үшін -10.5 нәтижелерімен басым түсті (p = 0.002). Вортиоксетин плацебодан, когнитивтік және физикалық функциясы бойынша жауап алуға сәйкес баға берудің субъективті критерийлері жөнінен вортиоксетин үшін -8.1 және плацебо үшін -6.9 нәтижелерімен ерекшеленген жоқ (p = 0.086). Жағымдылығы және қауіпсіздігі Вортиоксетиннің қауіпсіздігі және жағымдылығы қысқа мерзімдік және ұзақ мерзімдік зерттеулерде тәулігіне 5-тен 20 мг-ге дейінгі дозалар ауқымында анықталды. Жағымсыз әсерлері туралы ақпарат 4.8 бөлімінде берілген. Вортиоксетин, плацебомен салыстырғанда, ұйқысыздықтың және ұйқышылдықтың даму жиілігін арттырған жоқ. Клиникалық қысқа мерзімдік және ұзақ мерзімдік плацебо бақыланатын зерттеулерде вортиоксетинмен емдеуді күрт тоқтатудан кейін потенциалды симптомдарға жүйелі түрде баға беру жүргізілді. Вортиоксетинмен қысқа мерзімдік (6-12 апта) және ұзақ мерзімдік (2464 апта) емдеуден кейін тоқтату симптомдарының жиілігі мен сипатына қатысты клиникалық тұрғыдан елеулі айырмашылығы болған жоқ. Вортиоксетинге жүргізілген клиникалық қысқа мерзімдік және ұзақ мерзімдік зерттеулерде жыныс функциясы тарапынан пациенттер мәлімдеген жағымсыз реакциялардың жиілігі төмен және плацебода анықталған жиілікке ұқсас болды. Сексуальді тәжірибенің Аризондық шкаласын (ASEX) пайдаланып жүргізілген зерттеулерде жыныс функциясының (TESD) бұзылуларын емдеу кезінде туындаған жиілігі және ASEX жалпы индексі вортиоксетиннің тәулігіне 5-15 мг дозаларын қабылдаған кезде жыныс функциясының бұзылу симптомдары көзқарасы тұрғысында плацебодан клиникалық тұрғыдан елеулі айырмашылықты көрсеткен жоқ. Тәулігіне 20 мг дозаға қатысты айтар болса, плацебомен салыстырғанда TESD артқаны байқалды (жиілігіндегі айырмашылық 14.2%, 95% СА [1.4; 27.0]). СКҚСТ-пен (циталопрам, пароксетин немесе сертралин) ең кемінде 6 апта бойы ем қабылдап жүрген және депрессиялық симптомдарының деңгейі төмен («жалпы клиникалық бағасы-аурудың ауырлығы» базалық көрсеткіші (CGI-S) ≤ 3) және бұдан бұрын СКҚСТ ем қабылдаудан туындаған TESD бар пациенттерде эсциталопраммен салыстырғанда, вортиоксетиннің жыныс функциясына ықпалына әрі қарай 8 апталық, екі рет жасырын салыстырмалы, дозасы түзетілген (n=424) зерттеуде баға берілді. Вортиоксетинді тәулігіне 10-20 мг дозада қабылдағанда, эсциталопрамды тәулігіне 10-20 мг дозада қабылдағанға қарағанда, 8 аптада жыныс функциясының-14 (CSFQ-14) өзгеруіне жауап алудың өзгеруіне берілген бағаға (2.2 балл, р=0.013) сәйкес, статистикалық тұрғыдан елеулі аз TESD білінді. 8 аптада емдеуге жауап алынған пациенттердің үлесі анықталды, вортиоксетин тобында (162 (74.7%)), эсциталопрам тобымен салыстырғанда (137 (66.2%)) (ОШ 1.5, p=0.057) елеулі айырмашылық болған жоқ. Емдеудің екі тобында да депрессияға қарсы әсері сақталды. Клиникалық қысқа- және ұзақ мерзімдік зерттеулерде вортиоксетин, плацебомен салыстырғанда, дене салмағына, жүректің жиырылу жиілігіне және артериялық қысымға ықпалын тигізген жоқ. Клиникалық зерттеулерде бауыр және бүйрек функциялары көрсеткіштерінің клиникалық тұрғыдан елеулі өзгерулері байқалған жоқ. Вортиоксетин АДБ бар пациенттерде ЭКГ көрсеткіштеріне, соның ішінде QT, QTc, PR және QRS аралықтарына клиникалық тұрғыдан елеулі ықпалын тигізген жоқ. Тәулігіне 40 мг-ге дейінгі дозаларды қабылдап жүрген дені сау еріктілердің қатысуымен QTc нақты зерттеулерінде QTc аралығының ұзаруы байқалған жоқ. Педиатриялық топтағы пациенттер Тиімділігі мен қауіпсіздігін зерттеу үшін салыстырылатын белсенді препаратымен (флуоксетин) препараттың тұрақты дозасын (тәулігіне 10 мг және тәулігіне 20 мг вортиоксетин) екі қысқа мерзімді рандомизацияланған, салыстырмалы жасырын, плацебо-бақыланатын зерттеулер жүргізілді. Бір зерттеуге 7-11 жас аралығындағы АДБ бар балалар, ал екіншісіне 12-17 жас аралығындағы АДБ бар жасөспірімдер қатысты. Зерттеулерге стандартталған психоәлеуметтік араласуы бар (емделген пациенттер: балаларды зерттеуде N=677, жасөспірімдерді зерттеуде N=777), плацебо қабылдаудың 4 апталық қарапайым жасырын кіріспе кезеңі кірді, содан кейін кіріспе кезеңде жауап бермеген пациенттер ғана рандомизацияланды (балаларды зерттеуде N=540, жасөспірімдерді зерттеуде N = 616). 7 мен 11 жас аралығындағы балаларға жүргізілген зерттеуде вортиоксетиннің тәулігіне 10 мг және тәулігіне 20 мг екі дозасының 8-ші аптасындағы орташа әсері, балалардағы депрессияны бағалаудың Жаңартылған шкаласының (CDRS-R) жалпы баллына негізделген, плацебодан да, белсенді салысты салыстырылатын белсенді ру препаратынан да статистикалық тұрғыдан айтарлықтай ерекшеленбеді (флуоксетин тәулігіне 20 мг); сонымен қатар, вортиоксетиннің жеке дозалары (тәулігіне 10 және 20 мг) плацебодан номиналды маңызды айырмашылықты көрсеткен жоқ. Жалпы, балалардағы вортиоксетиннің жағымсыз құбылыстарының бейіні балалардағы іштің ауырсыну жағдайларының жоғары жиілігін қоспағанда, ересектердегі жағымсыз құбылыстардың бейініне ұқсас болды. Жағымсыз құбылыстарға байланысты дәрілік препаратты тоқтату жиілігі тәулігіне 20 мг дозада вортиоксетинмен емделген пациенттерде 2,0%, тәулігіне 10 мг дозада вортиоксетин қабылдаған пациенттерде 1,3%, плацебо қабылдаған пациенттерде 0,7%, ал флуоксетин қабылдаған пациенттер арасында препаратты тоқтату тіркелген жоқ. Вортиоксетинмен емдеу топтарында жиі кездесетін жүрек айнуы, бас ауыруы, құсу, бас айналу және іштің ауыруы жағымсыз құбылыстар болды. Вортиоксетин топтарында жүрек айну, құсу, бас айналуы және іштің ауыруы плацебо тобына қарағанда жоғары болды. Суицидтік ойлар мен мінез-құлық 4 апталық, қарапайым жасырын кіріспе кезеңінде (плацебо 2/677 [0,3%]) және 8 апталық емдеу кезеңінде (вортиоксетин 10 мг/тәулік 1/149 [0,7%], плацебо 1/153 [0,7%]) жағымсыз құбылыстар ретінде байқалды. Сонымен қатар, Колумбия университетінің суицидтік көріністердің ауырлығын (C-SSRS) бағалау шкаласы бойынша «спецификалық емес белсенді суицидтік ойлар» құбылысы 8 апталық емдеу кезеңінде 5 пациентте байқалды (вортиоксетин 20 мг/тәулік 1/153 [0,7%], плацебо 1/153 [0,7%] және флуоксетин 3/82 [3,7%]). C-SSRS шкаласы бойынша суицидтік ойлар мен мінез-құлық жағдайларының жиілігі барлық емдеу топтарында ұқсас болды. Балаларда депрессияны бағалаудың жаңартылған шкаласының жалпы баллына сәйкес (CDRS-R) 12 жастан 17 жасқа дейінгі жасөспірімдер қатысқан зерттеуде тәулігіне 10 және 20 мг доза вортиоксетин плацебодан статистикалық тұрғыдан тиімдірек болған жоқ. Салыстырылатын белсенді препарат (флуоксетин, тәулігіне 20 мг) CDRS-R жалпы индексінің деректері бойынша плацебодан статистикалық тұрғыдан ерекшеленген жоқ. Жалпы, жасөспірімдерде вортиоксетинге жағымсыз реакцияларының бейіні, іштің ауыруымен және, ересектермен салыстырғанда, жасөспірімдерде байқалған суицидтік ойлармен байланысты құбылыстардың өте жоғары жиілігін қоспағанда, ересектерде байқалған бейінмен ұқсас болды. Вортиоксетинді тәулігіне 20 мг дозада (5.6%) қабылдаған пациенттерде, тәулігіне 10 мг доза вортиоксетинмен (2.7%), флуоксетинмен (3.3%) және плацебомен (1.3%) салыстырғанда, препаратты тоқтату жиілігі, жағымсыз құбылыстардан (негізінен, суицидтік ойларға байланысты) препаратты қабылдауды тоқтату жиілігі ең жоғары болды. Вортиоксетинмен емдеу тобында өте жиі жағымсыз құбылыстар жүрек айну, құсу және бас ауыру болды. Суицидтік ойлар және мінез-құлық 4 апталық, бір жақты салыстырмалы кезең барысында (плацебо 13/777 [1.7%]), сонымен қатар 8 апталық емдеу кезеңінде де (вортиоксетин тәулігіне 10 мг 2/147 [1.4%], вортиоксетин тәулігіне 20 мг 6/161 [3.7%], флуоксетин 6/153 [3.9%], плацебо 0/154 [0%]) жағымсыз құбылыстар ретінде білінді. C-SSRS шкаласы бойынша өлшенген суицидтік ойлар және мінез-құлық жағдайларының жиілігі емдеудің барлық топтарында ұқсас болды. Бринтелликс препаратын ауқымды депрессиялық бұзылысынан зардап шегетін педиатриялық топтағы (18 жасқа дейінгі) пациенттерді емдеу үшін қолдануға болмайды (4.4 бөлімін қараңыз).

Дозалау режимі 65 жасқа дейінгі ересектер үшін Бринтелликс® препаратының бастапқы және ұсынылған дозасы тәулігіне бір рет 10 мг вортиоксетинді құрайды. Дәрігер пациенттің емдеуге реакциясына байланысты дозаны тәулігіне ең жоғары 20 мг дозаға дейін арттыруы немесе вортиоксетинді тәулігіне ең төмен 5 мг дозаға дейін төмендетуі мүмкін. 65 жастағы және одан үлкен егде жастағы пациенттер үшін бастапқы доза тәулігіне бір рет 5 мг вортиоксетинді құрайды. Енгізу әдісі және жолы Стакан сумен ішіп, бір таблеткадан қабылдайды. Таблетканы тамақ ішуге қарамай-ақ қабылдай беруге болады. Емдеу ұзақтығы Емдеу ұзақтығын дәрігер белгілейді. Бринтелликс® препаратын, тіпті пациент біршама уақыт өз жағдайының жақсарғанын сезінбесе де, қабылдауды жалғастыру керек. Емдеуді пациент жақсаруды сезінгеннен кейін кем дегенде 6 ай жалғастыруыңыз керек. Бринтелликс® препаратын қабылдауды дәрігердің алдын ала кеңесінсіз тоқтатуға болмайды. Дәрігер Бринтелликс® препаратын қабылдауды біржола тоқтатпас бұрын дозаны төмендетуі мүмкін. Бринтелликс® препаратын қабылдауды тоқтатқан кейбір пациенттерде бас айналу, бас ауыруы, шаншу сезімі немесе электр тогының соғуы сияқты сезімі (атап айтқанда, басында), ұйықтай алмау, жүрек айну немесе құсу, үрейлену сезімі, ашушаңдық немесе қозу, шаршау немесе діріл сезімі сияқты симптомдар пайда болды. Бұл симптомдар Бринтелликс® препаратын қабылдауды тоқтатқаннан кейін бірінші апта ішінде пайда болуы мүмкін. Дәрілік препараттың бір немесе бірнеше дозасын өткізіп алған кездегі қажетті шаралар Келесі дозаны әдеттегі уақытта қабылдау керек. Өткізіп алған дозаның орнын толтыру үшін қосарлы доза қабылдауға болмайды. Дәрілік препаратты қолдану тәсілін түсіну үшін медицина қызметкерінен кеңес алуға бару жөніндегі нұсқаулар Осы препаратты әрдайым дәрігердің нақты нұсқауымен қолданыңыз. Егер Сіз бірдеңеге сенімсіз болсаңыз, өз дәрігеріңізден кеңес алыңыз.

- Белсенді затқа немесе қосымша заттардың кез келгеніне аса жоғары сезімталдық; - моноаминоксидазаның (МАО) селективті емес тежегіштерін немесе МАО-А селективті тежегіштерін бір мезгілде қабылдау.

Барлық дәрілік препараттар сияқты, Бринтелликс® жағымсыз реакцияларды, олар әрбір пациентте бірдей дамымаса да, туындатуы мүмкін. Жалпы алғанда байқалған жағымсыз реакциялар ауырлығы жеңіл немесе орташа дәрежеде болды және емдеуді бастағаннан кейін алғашқы екі апта ішінде дамыды. Жағымсыз реакциялар әдетте қысқа мерзімдік болды және емдеуді тоқтатуға әкелген жоқ. Жағымсыз реакциялардың жиілігін жіктеу үшін келесі терминология пайдаланылады: өте жиі (≥ 1/10), жиі (≥ 1/100-ден < 1/10 дейін), жиі емес (≥ 1/1000-нан < 1/100 дейін), сирек (≥ 1/10000-нан < 1/1000 дейін), өте сирек (< 1/10000), жиілігі белгісіз (қолда бар деректер негізінде анықтау мүмкін емес). Өте жиі - жүректің айнуы Жиі - диарея, іш қату, құсу - бас айналу - бүкіл дененің қышуы - әдеттен тыс түс көрулер - қатты терлеу - ас қорыта алмау Жиі емес - қан кернеулері - түнгі тершеңдік - бұлыңғыр көру - еріксіз діріл (тремор) Сирек - қарашықтың кеңеюі (мидриаз), ол глаукома даму қаупін арттыруы мүмкін Жиілігі белгісіз - қанда натрий деңгейінің төмен болуы (симптомдары бас айналу сезімін, әлсіздікті, сананың шатасуын, ұйқышылдықты немесе қатты шаршауды немесе жүректің айнуын қамтуы мүмкін; өте күрделі симптомдар естен тануды, құрысу ұстамаларын немесе құлап қалуды қамтиды) - серотониндік синдром - беттің, еріннің, тілдің немесе тамақтың ісінуін, тыныс алудың немесе жұтынудың қиындығын және/немесе бас айналу сезіміне әкелетін артериялық қысымның күрт түсіп кетуін туындататын күрделі аллергиялық реакциялар - есекжем - шамадан тыс немесе күтпеген қан кетулер (қанталаудың пайда болуы, мұрыннан қан кету, асқазан-ішектік және қынаптық қан кету) - бөртпе - ұйқының бұзылулары (ұйқысыздық) - қозу және озбырлық (осы жағымсыз реакциялар дамыса, дәрігерге қаралуға қажет) - бас ауыру - қандағы «пролактин» деп аталатын гормон деңгейінің жоғарылауы - қозғалудың тұрақты қажеттілігі (акатизия) - тістерді қайрау (бруксизм) - ауызды аша алмау қабілеті (жақтың қысылуы/тризм) - "мазасыз аяқ" синдромы (ауырсынуды немесе оғаш сезімді тоқтату үшін аяғыңызды қозғалту қажеттілігі, көбінесе түнде пайда болады) - сүт бездерінен сүттің патологиялық бөлінуі (галакторея) Дәрілік препараттың осы түрін қабылдап жүрген пациенттерде сүйектердің сыну қаупінің жоғарылығы байқалды. 20 мг дозада қабылдағанда сексуалдық дисфункция қаупінің жоғарылауы туралы хабарламалар алынды, ал кейбір пациенттерде бұл жағымсыз реакция препараттың ең төменгі дозасын қабылдаған кезде байқалды. Балалардағы және жасөспірімдердегі қосымша жағымсыз реакциялар Вортиоксетинді қабылдаған кезде балаларда және жасөспірімдерде, іштің ауыруымен, және ересектермен салыстырғанда жасөспірімдерде жиі кездесетін суицидтік ойлармен байланысты ең жиі құбылыстарды қоспағанда, ересектердегідей жағымсыз реакциялар байқалды. Жағымсыз дәрілік реакциялар туындаған жағдайда медицина қызметкеріне, фармацевтикалық қызметкерге немесе, дәрілік препараттардың тиімді еместігі туралы мәлімдемелерді қоса, дәрілік препараттарға жағымсыз реакциялар (әсерлер) жөнінде деректердің ақпараттық базасына тікелей хабарлау керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz Қосымша мәліметттер

Бринтелликс® препараты тағайындалғаннан көбірек дозасын кездейсоқ қабылдап қойса, пациент дәрігерге немесе шұғыл жәрдем беретін жақын ауруханаға қалған таблеткалардың қаптамасын өзімен бірге ала бару керек. Бұны, егер пациент ешқандай симптомдарды немесе жайсыздықты сезінбеген жағдайдың өзінде, жасау керек. Артық дозаланудың белгілері бас айналу, жүректің айнуы, диарея, асқазанның жайсыздығы, бүкіл дененің қышуы, ұйқышылдық және қан кернеулері болуы мүмкін. Препараттың тағайындалған дозасынан біршама есе артық дозаларды қабылдағаннан кейін құрысулар және «серотониндік синдром» деп аталатын сирек жағдайлар туралы мәлімделді.

Бринтелликс® препаратын қабылдауды бастағанға дейін, дәрігерге серотонинергиялық әсері бар мыналар сияқты препараттарды қабылдау туралы айту керек: - трамадол және ұқсас препараттар (күшті ауырсынуды басатын дәрілер); - суматриптан және басқа да ұқсас препараттар (триптандар), оларды бас сақинасын емдеу үшін қолданады. Осы препараттарды Бринтелликс® препаратымен бірге қабылдау елестеулерге, еріксіз тартылуларға, жүрек қағысы жиілігінің жоғарылауына, жоғары артериялық қысымға, қызбаға, жүректің айнуына және диареяға әкелетін серотониндік синдром қаупін арттыруы мүмкін. Бринтелликс® препаратын қабылдауға дейін, егер пациентте құрысулар (құрысу ұстамалары) болып тұрса, мұны дәрігерге айту керек. Егер пациентте эпилепсиялық ұстамалар болса немесе тұрақсыз эпилепсиядан зардап шегіп жүрсе, емдеуді сақтықпен жүргізу керек. Депрессияны емдеу үшін препаратты қабылдаған кездегі құрысулар потенциалды қауіп факторы болып табылады. Құрысу дамыған немесе олардың жиілігі артқан жағдайда емдеуді тоқтату керек. Бринтелликс® препаратын қабылдауды бастағанға дейін дәрігерге мәлімдеу керек, егер пациент: • маниядан зардап шегіп жүрсе; • қан кетулер немесе жеңіл көгерулердің пайда болуына бейімділік бар болса; • жүкті болса; • қанында натрийдің деңгейі төмен болса; • 65 жастағы және одан үлкен егде жастағы адамдарға жатса; • бүйректің күрделі ауруынан зардап шегіп жүрсе; • бауырдың күрделі ауруынан немесе бауыр циррозынан зардап шегіп жүрсе; • көз қысымының жоғарылауы бар немесе бұрын болған немесе глаукомадан зардап шегіп жүрсе. Егер емдеу кезінде пациентте көздің ауыруы немесе көрудің анық еместігін байқаса, дәрігерге қаралуға керек. Вортиоксетинді қоса, антидепрессанттармен емделу кезінде озбырлық, қозу, ызалану немесе ашушаңдық сезімі туындауы мүмкін. Мұндай жағдайларда дәрігерге қаралу керек. Өзін өзі өлтіру туралы ойлар немесе депрессияның нашарлауы Егер пациент депрессиядан және/немесе үрей тудыратын бұзылыстардан зардап шегіп жүрсе, кейде оның өзіне зиян келтіру туралы немесе өзін өлтіру туралы ойлар келуі мүмкін. Мұндай ойлар антидепрессанттарды бастапқы қабылдау сатысында күшеюі мүмкін, өйткені мұндай препараттардың әсері біраз уақыттан кейін, әдетте екі аптадан соң, бірақ кейде кеш басталады. Мұндай ойлар үлкен ықтималдылықпен туындауы мүмкін, егер: - пациенттің бұрын өзін өзі өлтіру немесе өзіне зиян келтіру туралы ойлары болса; - пациент жас адам болса. Клиникалық зерттеулерден алынған деректер антидепрессанттар қабылдап жүрген және психикалық бұзылыстардан зардап шеккен 25 жастан кіші ересектерде суицидтік мінез-құлықтың жоғары қаупін көрсетеді. Егер пациентте өзіне зиян келтіру немесе өз өзін өлтіру туралы ойлар туындаса, дереу дәрігерге немесе ауруханаға баруға қажет. Өзінің депрессиядан немесе үрей тудыратын бұзылыстардан зардап шегіп жүргенін өз туысқанына немесе жақын досына айтып, және осы нұсқаулықты олардың оқып шығуын өтінген пациент үшін пайдалы болуы мүмкін. Осындай жағдайда, олар пациентке онда депрессия немесе үрейленудің нашарлағаны туралы, немесе оның мінез-құлқының өзгерістерін айта алады. Арнайы ескертулер Бринтелликс® құрамында натрий бар Бринтелликс® препаратының құрамында 1 ммольден аз (23 мг) натрий бар, яғни онда іс жүзінде натрий жоқ. Педиатрияда қолданылуы Бринтелликс® препаратын педиатриялық топтағы пациенттерге (18 жасқа дейін) қолданбау керек, өйткені осы жас тобы үшін препараттың тиімділігі көрсетілген жоқ. 7-17 жас аралығындағы балалар мен жасөспірімдерде Бринтелликс® препаратын қабылдаудың қауіпсіздігі төмендегі «Жағымсыз реакциялардың сипаттамасы» бөлімінде сипатталған.

Егер Сіз жүкті болсаңыз немесе емшек емізіп жүрсеңіз, жүктімін деп ойласаңыз, немесе жүкті болуды жоспарлап жүрсеңіз өз дәрігеріңізден кеңес алыңыз. Жүктілік кезінде, егер дәрігер абсолютті қажет деп санамаса, Бринтелликс® қабылдамау керек. Егер пациент әйел жүктіліктің соңғы 3 айында Бринтелликс® қоса, депрессияны емдеуге арналған препараттарды қабылдап жүрсе, жаңа туған нәрестесінде мынадай әсерлер: тыныс алудың қиындауы, терінің көгеруі, құрысу ұстамасы, дене температурасының өзгеруі, тамақ ішу қиындығы, құсу, қанда қанттың төмен деңгейі, бұлшықет қимылының шектелуі немесе босаңсуы, айқын рефлекстер, тремор, жүйке дірілі, ашушаңдық, айқын летаргия, үнемі жылау, ұйқышылдық және ұйықтап кету қиындығы байқалуы мүмкін екендігін ол білуге тиісті. Егер жаңа туған нәрестеңізде осы симптомдардың кез келгені байқалса, дәрігерге дереу бару керек. Акушер әйел және/немесе дәрігер Бринтелликс® препаратын қабылдап жүргеніне білетініне көз жеткізуі керек. Бринтелликс® препаратына ұқсас препараттарды жүктілік кезінде, әсіресе соңғы 3 ай ішінде қабылдау керек болса, бұл жаңа туған нәрестелерде персистерленетін өкпе гипертензиясы (ЖНПӨГ) деп аталатын күрделі асқынулар қаупін арттыруы мүмкін, ол нәрестенің жиі дем алуымен және көгеруімен көрініс береді. Бұл симптомдар әдетте нәресте туғаннан кейін алғашқы 24 сағат ішінде басталады. Егер осы белгілер пайда болса, дереу акушер әйелға және/немесе дәрігерге баруға тиістісіз. Пациент жүктіліктің соңғы мерзімінде Бринтелликс® препаратын қабылдаған кезде, босанғаннан кейін көп ұзамай, әсіресе егер бұрын қан кетулермен байланысты бұзылыстар орын алған болса, қынаптан лақылдап қан кету қаупі ұлғаюы мүмкін. Пациент әйел дәрігерге немесе акушер әйелге Бринтелликс® қабылдап жүргенін айту керек. Бринтелликс® препаратын компоненттері емшек сүтіне өтуі мүмкін. Бала емізу кезінде Бринтелликс® қабылдауға болмайды. Дәрігер нәресте үшін емшек емізудің артықшылықтарын және ана үшін емделудің артықшылықтарын ескере отырып, емшек емізуді тоқтату туралы, немесе Бринтелликс® қабылдауды тоқтату туралы шешім қабылдайды. Көлік құралын немесе потенциалды қауіпті механизмдерді басқару қабілетіне препараттың ықпал ету ерекшеліктері Бринтелликс® препараты автомобильді басқару және механизмдермен жұмыс жасау қабілетіне ықпалын тигізбейді немесе аздаған ықпалын тигізеді. Алайда жағымсыз реакциялар, мысалы, бас айналу туралы хабарлағандықтан, Бринтелликс® препаратымен емдеуді бастаған кезде немесе оның дозасын өзгерткен кезде осы қызметпен айналыса отырып, сақтық таныту керектігі ұсынылады.

Егер Сіз жақын арада кез келген басқа дәрілік препараттарды қабылдасаңыз немесе қабылдайтын болсаңыз, мұны өз дәрігеріңізге мәлімдеңіз. Келесі препараттарды қабылдап жүрсеңіз, дәрігерге хабарлау керек: - фенелзин, ипрониазид, изокарбоксазид, ниаламид, транилципромин (депрессияны емдеуге арналған моноаминоксидазаның селективті емес тежегіштері деп аталатын препараттар). Осы препараттардың кез келгенін Бринтелликс® препаратымен бірге қабылдамауға болмайды. Егер пациент осы препараттардың кез келгенін қабылдаса, Бринтелликс® препаратын қабылдауды бастар алдында 14 күн күте тұру керек. Бринтелликс® препаратын қабылдауды тоқтатқаннан кейін де осы препараттарды қабылдау алдында 14 күн күте тұру керек: - моклобемид (депрессияны емдеуге арналған препарат); - селегилин, разагилин (Паркинсон ауруын емдеуге арналған препараттар); - линезолид (бактериялық инфекцияларды емдеуге арналған препарат); - серотонинергиялық әсері бар препараттар, мысалы, трамадол және ұқсас препараттар (күшті ауырсынуды басатын дәрілер), суматриптан және құрамында "триптан" деп аяқталатын белсенді зат бар ұқсас препараттар (бас сақинасын емдеу үшін қолданылады). Мұндай препараттарды Бринтелликс® препаратымен бірге қабылдау серотонин синдромының қаупін арттыруы мүмкін; - литий (депрессияны және психикалық бұзылыстарды емдеуге арналған препарат) немесе триптофан; - натрий деңгейінің төмендеуіне әкелетін препараттар; - рифампицин (туберкулезді және басқа да инфекцияларды емдеуге арналған препарат); - карбамазепин, фенитоин (эпилепсияны және басқа да ауруларды емдеуге арналған препараттар); - варфарин, дипиридамол, фенпрокумон, кейбір антипсихотиктер, фенотиазиндер, трициклді антидепрессанттар, ацетилсалицил қышқылының төмен дозалары және қабынуға қарсы стероидты емес препараттар (қанды сұйылтатын және ауырсынуды басатын препараттар). Олар қан кетуге бейімділікті күшейтуі мүмкін. Құрысу ұстамалары қаупін арттыратын препараттар: - суматриптан және атауы «триптан» деп аяқталатын белсенді затпен ұқсас препараттар; - трамадол (күшті ауырсынуды басатын дәрі); - мефлохин (безгектің профилактикасы және емдеуге арналған препарат); - бупропион (депрессияны емдеуге арналған, сондай-ақ темекі тартудан бас тарту үшін қолданылатын препарат); - флуоксетин, пароксетин және депрессияны емдеуге арналған серотонинді кері қармайтын селективті тежегіштер (СКҚСТ) және серотонин-норадреналинді кері қармайтын селективті тежегіштер (СНКҚСТ) деп аталатын басқа препараттар, трициклдік антидепрессанттар; - шілтерлі шайқурай (Hypericum perforatum) (депрессияны емдеуге арналған препарат); - хинидин (жүрек ырғағының бұзылуларын емдеуге арналған препарат); - хлорпромазин, хлорпротиксен, галоперидол (фенотиазиндер, тиоксантендер, бутирофенондар тобына жататын психикалық бұзылыстарды емдеуге арналған препараттар). Жоғарыда берілген қандай да бір препаратты қабылдағаны туралы дәрігерге айту керек; дәрігер пациентте құрысулар ұстамасының даму қаупінің бар-жоқтығын білуі тиіс. Несеп арқылы есірткілік затқа талдау жүргізу кезінде, Бринтелликс® препаратын қабылдау тестілеудің кейбір әдістерін пайдаланғанда, тіпті пациент метадонды қабылдамаса да, метадонның оң нәтижесін алуға әкелуі мүмкін. Егер бұл орын алса, нақты спецификалық тест жүргізу керек. Бринтелликс® препаратын алкогольмен бірге қабылдау Осы препаратты алкогольмен бірге қабылдау ұсынылмайды.

Сақтау мерзімі 4 жыл Жарамдылық мерзімі өткеннен кейін қолдануға болмайды! Сақтау шарттары 30° С-ден аспайтын температурада сақтау керек. Балалардың қолы жетпейтін жерде сақтау керек!