БРИНЭРА капли

1 мл құрамында белсенді заттар: бринзоламид 10.00 мг, тимолол малеаты 6.83 мг (тимололға баламалы) 5.0 мг қосымша заттар: бензалконий хлориді, динатрий эдетаты, натрий хлориді, тилоксапол, маннитол, карбомер 974Р (карбомер гомополимері В типі), хлорсутек қышқылы (рН 7.3 ± 0.3 дейін), натрий гидроксиді (рН 7.3 ± 0.3 дейін), инъекцияға арналған су 1,00 мл дейін. Сыртқы түрінің, иісінің, дәмінің сипаттамасы Ақ немесе ақ дерлік түсті суспензия.

Дәрілік препарат ересектерде келесіде қолдану үшін көрсетілген: - глаукоманың ашық бұрышты түрі бар пациенттерде көзішілік қысымды (КІҚ) төмендету немесе монотерапия жеткіліксіз болып шыққан көзішілік гипертензиясы бар ересек пациенттерде КІҚ төмендету үшін.

Әсер ету механизмі БРИНЭРА құрамында екі әсер етуші зат бар: бринзоламид және тимолол малеаты. Бұл екі компонент жоғарылаған КІҚ негізінен сулы ылғалдың секрециясын азайту арқылы төмендетеді, бұл әр түрлі әсер ету механизмдеріне байланысты жүреді. Осы екі белсенді заттың бірлескен әсері әр белсенді затпен жеке-дара салыстырғанда КІҚ қосымша төмендеуіне әкеледі. Бринзоламид адам көзіндегі басым болатын изофермент II (CA-II) карбоангидразаның күшті тежегіші болып табылады. Көздің цилиарлы өскіндеріндегі карбоангидразаның тежелуі сулы ылғал секрециясын төмендетеді, болжам бойынша соңынан натрий мен сұйықтық тасымалының төмендеуімен бикарбонат иондарының түзілуін баяулату есебінен болады. Тимолол ішкі симпатомиметикалық, тікелей миокардиодепрессантты немесе жарғақшаны тұрақтандыратын белсенділігі жоқ селективті емес адреноблокатор болып табылады. Адамдағы тонографиялық және флуорофотометриялық зерттеулер оның басым әсері сулы ылғалдың пайда болуының төмендеуімен және ағып кету қабілетінің аздап артуымен байланысты деп болжайды. Клиникалық тиімділігі және қауіпсіздігі Ашық бұрышты глаукома немесе көзішілік гипертензиясы бар пациенттерде он екі айлық бақыланатын клиникалық зерттеуде КІҚ бастапқы орташа мәні 25-тен 27 мм сын.бағ. құрағандарда зерттеушінің пікірінше, біріктірілген ем пайдалы болуы мүмкін және күніне екі рет бринзоламид және тимолол малеаты қолданғанда ол 7-ден 9 мм сын.бағ. дейін болды. 20 мг/мл дорзоламидпен + 5 мг/мл тимололмен салыстырғандағы бринзоламид және тимолол малеаты тиімділігінің кем болмағаны КІҚ орташа төмендеуіндегі барлық уақытша нүктелерде көрсетілді. Ашық бұрышты глаукома немесе көзішілік гипертензиясы бар және бастапқы орташа КІҚ 25-тен 27 мм сын. бағ. дейінгі пациенттерде алты айлық бақыланатын клиникалық зерттеуде тәулігіне екі рет 10 мг/мл дозадағы бринзоламидтегіге қарағанда 3 мм сын.бағ. жоғары және тәулігіне екі рет 5 мг/мл дозадағы тимололға қарағанда 2 мм сын.бағ. жоғары. Зерттеудің барлық барысында барлық уақытша нүктелерінде және қатысуларында бринзоламид пен тимололмен салыстырғанда орташа КІҚ статистикалық неғұрлым айқын төмендеуі байқалды. Бақыланатын үш клиникалық зерттеулерде көзге жайсыздық 20 мг/мл дорзоламидті + 5 мг/мл тимололды қолданғанға қарағанда бринзоламид және тимолол малеаты инстилляциясы кезінде едәуір төмен болды.

Дозалану режимі БРИНЭРА көзге тамызатын дәрісін зақымданған көздің (көздердің) конъюнктивалық қапшығына тәулігіне 2 рет 1 тамшыдан тамызады. Пайдалану кезінде мұрын-көз жасы өзегін 2 минутқа қысу немесе қабақты жабыңқырау ұсынылады. Бұл дәрілік препараттың жүйелі сіңуін төмендетеді және жағымсыз жүйелік реакциялардың дамуына және препараттың жергілікті белсенділігінің артуына профилактика ретінде болады. Егер дозаны өткізіп алса, емдеуді келесі дозамен жоспардағыдай жалғастыру керек. Доза зақымданған көзге (көздерге) тәулігіне 2 рет 1 тамшыдан аспауы тиіс. Басқа офтальмологиялық глаукомаға қарсы дәрілік препаратты БРИНЭРА препаратына ауыстырған кезде басқа дәрілік затты қолдануды тоқтатып және БРИНЭРА препаратын қолдануды келесі күні бастау керек. Балалар БРИНЭРА препаратын балалар мен 18 жасқа дейінгі жасөспірімдерде қауіпсіз және тиімді қолданудың клиникалық деректері жоқ. Егде жастағы пациенттер Дозаны түзету қажет емес. Бауыр жеткіліксіздігі бар пациенттер БРИНЭРА бауырдың ауыр жеткіліксіздігі бар пациенттерде сақтықпен қолдану керек. Бүйрек жеткіліксіздігі бар пациенттер БРИНЭРА қолдану бүйрек функциясының ауыр жеткіліксіздігі (креатинин клиренсі <30 мл/мин) бар пациенттерде және гиперхлоремиялық ацидозы бар пациенттерде зерттелмеген. Бринзоламид пен оның негізгі метаболиті негізінен бүйрекпен шығарылатындықтан, БРИНЭРА бүйректің ауыр жеткіліксіздігі бар пациенттерге қарсы көрсетілімде. Енгізу жолы және тәсілі Офтальмологиялық қолдануға арналған. Пациенттерге қолданар алдында құтыны қаттырақ сілку жөнінде нұсқау болуы керек. Пипетка ұштығы мен суспензияның ластануын болдырмау үшін құты тамшылатқышының ұштығы қабаққа, бет аумағындағы орындарға немесе кез келген басқа беткейге тимеуін қадағалау қажет. Пациенттерден құтыны пайдаланбаған кезде тығыздап жауып ұстауды сұраңыз. Егер жергілікті офтальмологиялық дәрілік заттың біреуден артығы пайдаланылса, дәрілік заттарды кемінде 5 минут аралықпен енгізген жөн. Көзге арналған жақпамайды ең соңынан жағу керек. Дәрілік препараттың бір немесе бірнеше дозасын өткізіп алу кезіндегі қажетті шаралар Егер дозаны өткізіп алса, емдеуді жоспарланғандай келесі дозамен жалғастыру керек. Доза зақымданған көзге (көздерге) тәулігіне 2 рет 1 тамшыдан аспауы тиіс. Тоқтату синдромы қаупінің болуына көрсетілім Дәрілік препаратты қолдану тәсілін түсіндіру үшін медицина қызметкерінен кеңес алуға жүгіну бойынша ұсынымдар Егер сізде осы дәрілік препаратты қолдану туралы кейбір қосымша сұрақтар туындаса, емдеуші дәрігерге жүгініңіз.

• әсер етуші заттарға немесе қосымша заттардың кез келгеніне аса жоғары сезімталдық • басқа бета-адреноблокаторларға аса жоғары сезімталдық • сульфонамидтерге аса жоғары сезімталдық • бронх демікпесін, анамнездегі бронх демікпесін немесе өкпенің • созылмалы ауыр обструктивтік ауруларын (ӨСОА) қоса, тыныс алу • жолдарының реактивтік аурулары • синустық брадикардия, синустық түйіннің әлсіздік синдромы, • синоатриалдық блокада, II және III дәрежелі атриовентрикулярлық • блокада (кардиостимулятормен бақыланбайтын), айқын жүрек • жеткіліксіздігі, кардиогендік шок • ауыр дәрежелі аллергиялық ринит • гиперхлоремиялық ацидоз • бүйректің ауыр жеткіліксіздігі. • жүктілік және лактация кезеңі • балалар және 18 жасқа дейінгі жасөспірімдер

Жиі • дисгевзия • нүктелік кератит, көрудің бұлыңғырлауы, көздің ауыруы, көздің тітіркенуі • жүрек жиырылу жиілігінің азаюы Жиі емес • лейкоциттер мөлшерінің азаюы • кератит, көз құрғауы, мөлдір қабықтың витальды бояғышпен боялуы, көзден бөлінді бөлінуі, көздің қышынуы, көзде бөгде заттарды сезіну, көз гиперемиясы, конъюнктива гиперемиясы • артериялық қысым төмендеуі • жөтел • несепте қан болуы • дімкәстік • қанда калий деңгейінің жоғарылауы , қанда лактатдегидрогеназа деңгейінің жоғарылауы Сирек • ұйқысыздық • мөлдір қабықтың эрозиясы, алдыңғы камераның шығыңқы болуы, көздің қарығуы, көз жасының көбеюі, склера гиперемиясы, қабақтың эритемасы , қабақ жиегінде қабыршақ түзілуі • ауыз-жұтқыншақтың ауыруы, ринорея Белгісіз (қолда бар деректердің негізінде бағалау мүмкін емес) • назофарингит , фарингит, синусит, ринит • эритроциттер мөлшерінің азаюы, қанда хлоридтер құрамының артуы • анафилаксия, анафилаксиялық шок, ангионевроздық ісінуді қоса, жүйелі аллергиялық реакциялар, оқшауланған және жайылған бөртпе, аса жоғары сезімталдық, есекжем, қышыну • гипогликемия • елестеулер, депрессия, жадының жоғалуы, апатия, көңіл күйдің басылуы, либидо төмендеуі, түнгі қорқынышты түстер, күйгелектік • церебральді ишемия, ми қан айналымының бұзылуы, естен тану, миастения белгілері мен симптомдарының күшеюі, ұйқышылдық, қимыл-қозғалыс дисфункциясы, амнезия, жадының бұзылуы, парестезия, тремор, гипестезия, агевзия, бас айналуы, бас ауыруы • көру жүйкесінің тостағы/дискісінің арасының жоғарылауы, сүзгілеу операциясынан кейінгі көздің тамыр қабығының ажырауы, кератопатия, мөлдір қабық эпителийі ақауы, мөлдір қабық эпителийі бұзылуы, көзішілік қысым жоғарылауы,көздегі қалдықтар, мөлдір қабық боялуы, мөлдір қабық ісінуі, мөлдір қабықтың сезімталдығының төмендеуі, конъюнктивит, мейбомианит, диплопия, жарқылдаулар, фотопсия, көру өткірлігінің төмендеуі, көрудің бұзылуы, птеригиум, көздегі жайсыздық, құрғақ кератоконъюнктивит, көз гипестезиясы, склера пигментациясы, субконъюнктивальді киста, көрудің бұзылуы, көздің ісінуі, көздің аллергиясы, мадароз, қабақтың зақымдануы, қабақтың ісінуі, птоз • бас айналуы, құлақтың шуылдауы • жүрек тоқтауы, жүрек жеткіліксіздігі, іркілісті жүрек жеткіліксіздігі, атриовентрикулярлық блокада, жүрек-респираторлық дистресс, стенокардия, брадикардия, жүрек ырғағының жүйесіздігі, аритмия, жүрек қағуы, тахикардия, пульстің жиілеуі, кеуденің ауыруы, ісінулер • гипотензия, гипертония, артериялық қысым жоғарылауы, Рейно феномені , аяқ пен қолдың мұздауы • бронх түйілуі (көбіне бұрыннан бронх түйілуі аурулары бар пациенттерде), ентігу, демікпе, мұрыннан қан кету, бронхтардың шамадан тыс белсенділігі, тамақ тітіркенуі, мұрынның бітелуі, жоғарғы тыныс алу жолдарының іркілісі, постназальді синдром, түшкіру, мұрын құрғауы • құсу, іштің жоғарғы бөлігінің ауыруы, іштің ауыруы, диарея, ауыз құрғауы, жүрек айнуы, эзофагит, диспепсия, іштің жайсыздануы, асқазан жайсыздануы, жиі дефекация, асқазан-ішек бұзылыстары, оральді гипестезия, оральді парестезия, метеоризм • бауырдың функциялық тесттерінің бұзылуы • Стивенс-Джонсон синдромы (SJS) / уытты эпидермальді некролиз (ТЕN), есекжем, макуло-папулезді бөртпе, жайылған қышыну, терінің тартылуы, дерматит, алопеция, псориазға ұқсас бөртпе немесе псориаздың өршуі, бөртпе, эритема • миалгия, бұлшықет түйілуі, артралгия, арқаның ауыруы, аяқ-қолдың ауыруы • бүйректің ауыруы, поллакиурия • эректильді дисфункция, сексуалдық дисфункция, либидо төмендеуі • кеуденің ауыруы, ауыру, қажу, астения, кеудедегі жайсыздану, күйгелектік, ашушаңдық, шеткері ісінулер, көздегі дәрінің қалдығы Жағымсыз дәрілік реакциялар туындағанда медицина қызметкеріне, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары Кездейсоқ ішке қабылдаған кезде бета-блокаторлармен артық дозаланудың симптомдары брадикардияны, артериялық гипотензияны, жүрек жеткіліксіздігін және бронх түйілуін қамтуы мүмкін. Емі БРИНЭРА көзге тамызатын дәрісімен артық дозаланғанда емі симптоматикалық және демеуші болуы тиіс. Бринзоламидке байланысты электролиттер теңгерімсіздігі, ацидоздық жай-күй дамуы және орталық жүйке жүйесіне әсер ету мүмкіндігі туындауы ықтимал. Сарысудағы электролиттер деңгейін (әсіресе калий) және қанның рН деңгейін бақылау керек. Зерттеулер көрсеткендей, тимолол диализбен шығарыла бермейді.

Жүйелік әсерлері • Бринзоламид және тимолол жүйелік абсорбцияға ұшырайды. Бета-блокатор болып табылатын тимололдың болуына байланысты жүйелік бета-блокаторларға тән тыныс алу және жүрек-қантамыр жүйелері тарапынан жағымсыз реакциялардың туындау ықтималдығы бар. Жүйелік жағымсыз құбылыстардың даму жиілігі жергілікті офтальмологиялық қолданудан кейін, жүйелік енгізуге қарағанда, төмен. • Сульфонамид туындыларын қолдану кезінде сипатталған Стивенс-Джонсон синдромы (JSC) және уытты эпидермальді некролизді (TEN) қоса, аса жоғары сезімталдық реакциялары БРИНЭРА қабылдайтын пациенттерде пайда болуы мүмкін, себебі препарат жүйелі түрде сіңеді. Препаратты тағайындау кезінде пациенттер белгілері мен симптомдары туралы хабардар болуы және тері реакциялары мұқият бақылануы тиіс. Егер күрделі реакциялар немесе аса жоғары сезімталдық белгілері пайда болса, БРИНЭРА қолдануды дереу тоқтату керек. Жүрек аурулары Жүрек-қантамыр ауруларына (жүректің коронарлы ауруы, Принцметал стенокардиясы және жүрек функциясының жеткіліксіздігі сияқты) шалдыққан және гипотензиясы бар пациенттерді бета-блокаторлармен емдеуде сақ болу керек. Емдеуді басқа да әсер беретін заттар негізінде пайдалану туралы мәселені қарастыру мақсатқа сай келеді. Жүрек-қантамыр аурулары бар пациенттерде жағдайының нашарлау және жағымсыз реакциялардың даму белгілерін анықтау үшін бақылау жүргізу қажет. Қозу жүргізу уақытына теріс ықпалын тигізуіне байланысты, бірінші дәрежедегі жүрек блокадасы бар пациенттерде бета-блокаторларды пайдалану сақтықты қажет етеді. Қантамырлық аурулар Ауыр бұзылулары/шеткері қан айналу аурулары (яғни Рейно ауруының ауыр түрлері немесе Рейно синдромы) бар пациенттерге препаратты сақтықпен тағайындайды. Гипертиреоз Бета-блокаторлар да гипертиреоздың белгілерін бүркемелеуі мүмкін. Бұлшықет әлсіздігі Бұрыннан белгілі болғандай, бета-адренергиялық препараттар миастения симптомдарына (мысалы, диплопия, птоз және жалпы әлсіздік) ұқсас бұлшықет әлсіздігінің белгілерін күшейтеді. Респираторлық аурулар Кейбір офтальмологиялық бета-блокаторларды енгізгеннен кейін демікпесі бар пациенттерде бронх түйілуіне байланысты өліммен аяқталуды қоса алғанда, тыныс алу реакциялары болғаны туралы хабарланды. Ауырлығы жеңіл немесе орташа дәрежедегі созылмалы обструктивті өкпе ауруы (ӨСОА) бар пациенттерде бринзоламид/ тимолол малеаты сақтықпен және потенциалды пайдасы ықтимал қаупінен астам болса ғана қолдану керек. Қант диабеті Бета-адреноблокаторларды кездейсоқ гипогликемияның дамуына ұшыраған пациенттерде немесе тұрақсыз диабеті бар пациенттерде сақтықпен тағайындау керек, өйткені бета-адреноблокаторлар жедел гипогликемияның белгілерін және симптомдарын бүркемелеуі мүмкін. Қышқыл-сілті теңгерімінің бұзылулары БРИНЭРА құрамында бринзоламид, сульфонамид бар. Сульфаниламидтермен байланысты жағымсыз реакциялардың сол түрлері жергілікті қолданғанда пайда болуы мүмкін. Карбоангидразаның пероральді тежегіштерін қолдану кезінде қышқыл-сілтілік теңгерімінің бұзылуы туралы хабарланды. Препаратты бүйрек функциясының жеткіліксіздігі қаупі бар пациенттерге тағайындағанда, метаболизмдік ацидоздың даму қаупінің мүмкін болуына байланысты, сақтық таныту керек. Күрделі реакциялардың немесе жоғары сезімталдық белгілері пайда болғанда препаратты қабылдауды тоқтату керек. Ментальді қажу Пероральді карбоангидраза тежегіштері зейін қоюды және/немесе дененің қимыл-қозғалысын үйлестіруді қажет ететін тапсырмаларды орындау қабілетін бұзуы мүмкін. Бринзоламид/тимолол малеаты жүйелі түрде сіңеді, сондықтан бұл жергілікті қолданғанда да пайда болуы мүмкін. Анафилаксиялық реакциялар Анамнезінде атопиясы және ауыр анафилаксиялық реакциясы бар пациенттерде бета-адреноблокаторларды қолданған кезде анафилаксиялық реакцияларда тағайындалатын адреналиннің әдеттегі дозаларына төзімділік байқалуы мүмкін. Көз тамырлары қабықтарының ажырауы (хориоидты ажырау) Фистулизациялайтын хирургиялық араласулардың операциясынан кейінгі кезеңінде сулы ылғалдың өндірілуін төмендетуге бағытталған гипотензивті ем (тимолол, ацетазоламид) алатын пациенттерде қан тамырлары қабықтарының ажырауының даму жағдайлары байқалды. Хирургиялық араласулар кезіндегі анестезия Офтальмологияда жергілікті қолдануға арналған бета-адреноблокаторлар бета-адреномиметиктердің (мысалы, адреналин) әсерін бөгей алады. Операциялық араласуды жүргізу алдында анестезиологқа пациенттің тимололды қолданатындығы туралы ескерту керек. Қатар жүргізілетін ем Көзішілік қысымға әсер етуі немесе бета-блокаторлардың бұрыннан белгілі жүйелік әсерлері басқа бета-адреноблокаторларды қабылдап жүрген пациенттерге тимололды тағайындағанда күшеюі мүмкін. Мұндай пациенттердегі реакцияларды мұқият бақылау қажет. Екі бета-адреноблокаторды жергілікті немесе карбоангидразаның екі тежегішін жергілікті бір мезгілде қолдану ұсынылмайды. Карбоангидраза тежегіштерін және бринзоламид/тимолол малеаты бір мезгілде қабылдап жүрген пациенттерде карбоангидраза тежелуінің белгілі жүйелік әсерлеріне аддитивті ықпалын тигізуі мүмкін. Бринзоламид/тимолол малеаты және карбоангидразаның пероральді тежегіштерін бір мезгілде қолдану зерттелмеген және ұсынылмайды. Офтальмологиялық әсері Жалған эксфолиативтік глаукомасы немесе пигменттік глаукомасы бар пациенттерде қолдану жөнінде деректер шектеулі. Мұндай пациенттерде көзішілік қысымға мұқият мониторинг жүргізу ұсынылады. Жабықбұрышты глаукомасы бар пациенттерде қолдану зерттелген жоқ және ұсынылмайды. Офтальмологиялық бета-блокаторлар көздің құрғауын туындатуы мүмкін. Мөлдір қабығының аурулары бар пациенттерді сақтықпен емдеу керек. Бринзоламидтің мөлдір қабықтың эндотелий функциясындағы рөлі болуының мүмкіндігі мөлдір қабығы әлсіреген пациенттерде зерттелмеген (әсіресе эндотелий жасушаларының саны аз пациенттерде). Атап айтқанда, жанаспалы линза тағатын пациенттер зерттелмеген және бринзоламидті қолдану кезінде осындай пациенттерді мұқият бақылау ұсынылады, өйткені карбоангидраза тежегіштері мөлдір қабықтың ылғалдануына әсер етуі мүмкін. Бұл мөлдір қабықтың декомпенсациясына және ісінуіне әкелуі мүмкін, ал жанаспалы линзаларды тағу мөлдір қабақтың зақымдану қаупін арттыруы ықтимал. Қант диабеті немесе мөлдір қабық дистрофиясы бар пациенттер сияқты мөлдір қабығы зақымдалған пациенттерді мұқият бақылау ұсынылады. Ережелерді мұқият сақтап қана жанаспалы линзаларды таққан кезде бринзоламид/тимолол малеаты қолданылуы мүмкін (төмендегі "Бензалконий хлориді"бөлімін қараңыз). Бензалконий хлориді БРИНЭРА препараты құрамында консервант ретінде бензалконий хлориді 0.10 мг/1 мл мөлшерінде болады, ол жұмсақ жанаспалы линзаларды түссіздендіре алады. Линзаларды препаратты тамызар алдында алып тастау керек және оларды 15 минут өткен соң ғана кейін тағу керек. Бензалконий хлориді сондай-ақ ириттерді де тудыруы мүмкін. Сонымен бірге бензалконий хлориді нүктелік кератопатияны және/немесе уытты ойық жаралы кератопатияны тудыруы мүмкіндігі хабарланды. Жиі немесе ұзақ уақыт қолданған кезде мұқият бақылау қажет. Бауыр жеткіліксіздігі Бауыр жеткіліксіздігі бар пациенттерде бринзоламид/тимолол малеаты сақтықпен қолданылуы керек. Арнайы сақтандырулар Педиатрияда қолдану Балалар мен 18 жасқа дейінгі жасөспірімдерде қолданған кезде бринзоламид/тимолол малеаты біріктірілімінің қауіпсіздігі мен тиімділігі анықталған жоқ. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері БРИНЭРА көлік құралдарын басқару және механизмдермен жұмыс істеу қабілетіне елеусіз ғана әсер етеді. Уақытша бұлыңғыр көру немесе көру қабілетінің басқа бұзылулары көлікті басқару немесе механизмдермен жұмыс істеу қабілетіне әсер етуі мүмкін. Егер тамызу кезінде бұлыңғыр көру пайда болса, пациент көлік құралдары мен қауіптілігі зор механизмдерді басқармас бұрын көру қабілетінің қалпына келгенше күте тұруы керек. Карбоангидраза тежегіштері зейін қоюды және/немесе дене қозғалысын үйлестіруді талап ететін тапсырмаларды орындау қабілетін бұзуы мүмкін .

Жүкті әйелдердің офтальмологиялық бринзоламид пен тимололды қолдануына қатысты жеткілікті клиникалық деректер жоқ. БРИНЭРА жүктілік кезінде, аса қажет жағдайларды қоспағанда, қолданылмауы тиіс. Эпидемиологиялық зерттеулер даму ақауларын көрсеткен жоқ, бірақ бета-блокаторларды пероральді енгізу кезінде құрсақішілік дамудың кідіру қаупін анықтады. Сонымен қатар, жаңа туған нәрестелерде босанғанға дейін бета-аденоблокаторлар енгізілген жағдайларда жағымсыз реакциялардың белгілері мен симптомдары (мысалы, брадикардия, гипотензия, тыныс алу жеткіліксіздігі және гипогликемия) байқалды. Егер БРИНЭРА босанғанға дейін қолданылса, жаңа туған нәресте өмірдің алғашқы күндерінде мұқият бақылауда болуы тиіс. Офтальмологиялық бринзоламидтің адамның емшек сүтіне өтетіні белгісіз. Бета-адреноблокаторлар емшек сүтімен шығарылады. Алайда, көзге тамызатын дәрідегі тимололдың емдік дозаларында емшек сүтіндегі нәрестеде бета-блокаданың клиникалық симптомдарын тудыруға жеткілікті мөлшері болуының ықтималдығы аз. Алайда, емшектегі сәби үшін қауіпті жоққа шығаруға болмайды. Емшекпен емізуді тоқтату немесе БРИНЭРА емін тоқтату/бас тарту туралы шешімді сәби үшін емшекпен емізудің пайдасын және әйел үшін емнің пайдасын ескере отырып қабылдау қажет.

БРИНЭРА препаратының басқа препараттармен өзара әрекеттесуіне арнайы зерттеулер жүргізілген жоқ. БРИНЭРА препаратының құрамында бринзоламид, карбоангидраза тежегіші бар, және де жергілікті қолданылғанына қарамастан, жүйелік абсорцияланады. Карбоангидраза тежегіштерін пероральді түрде қолданған кезде қышқыл-сілтілік тепе-теңдіктің бұзылу жағдайлары болғаны белгілі. БРИНЭРА препаратын тағайындағанда өзара әрекеттесу болуы мүмкіндігін ескеру қажет. Карбоангидраза тежегіштерін және көзге тамызатын дәрі түріндегі бринзоламидті бір мезгілде қабылдап жүрген пациенттерде карбоангидраза тежелуінің белгілі жүйелік әсерлеріне аддитивті ықпалы болуы мүмкін. Құрамында бринзоламид бар көзге тамызатын дәрілерді, және карбоангидразаның пероральді тежегіштерін бір мезгілде қолдану ұсынылмайды. Бринзоламидтің метаболизміне Р450 цитохромының изоферменттері: CYP3A4 (негізінен), CYP2A6, CYP2B6, CYP2C8 және CYP2C9 жауап береді. CYP3A4 изоферментін тежейтін, мысалы, кетоконазол, итраконазол, клотримазол, ритонавир және тролеандомицин сияқты препараттардың бринзоламидтің метаболизмін тежейтіні болжанады. CYP3A4 изоферментінің тежегіштерін бірге тағайындағанда сақтық танытқан жөн. Алайда бринзоламидтің жиналып қалуы екіталай, өйткені ол бүйрек арқылы шығарылады. Бринзоламид Р450 цитохромы изоферменттерінің тежегіші емес. Аддитивтік әсер ықтималдығы бар, ол кальций өзекшелерінің блокаторларын, бета-блокаторларды, аритмияға қарсы дәрілерді (амиодаронды қоса), жүрек гликозидтерін, парасимпатомиметиктерді немесе гуанетидинді пероральді түрде қолданумен бірге бета-блокаторды офтальмологиялық қолданғанда гипотензияға және/немесе айқын брадикардияға әкелуі мүмкін. Бета-адреноблокаторлар анафилаксиялық реакцияларды басу үшін қолданылатын адреналинге жауапты бәсеңдетуі мүмкін. Анамнезінде атопиясы немесе анафилаксиялық реакциялары бар пациенттерде аса сақтық таныту қажет. Клонидинді күрт тоқтатқаннан кейін гипертензияның дамуы бета-адреноблокаторларды бір мезгілде қабылдағанда күшеюі мүмкін. Осы препаратты клонидинмен бір мезгілде қолданғанда сақтық таныту ұсынылады. CYP2D6 тежегіштерін (хинидинді, флуоксетинді, пароксетинді) және тимололды бір мезгілде қолданғанда бета-адреноблокаторлардың жүйелік әсерінің күшею жағдайлары (жүректің жиырылу жиілігінің төмендеуі, депрессия) жағдайлары туралы мәлімделді. Препаратты сақтықпен тағайындау ұсынылады. Бета-адреноблокаторлар диабетке қарсы дәрілердің гипогликемиялық әсерін күшейтуі мүмкін. Бета-адреноблокаторлар гипогликемия симптомдарын бүркемелеуі мүмкін. Офтальмологиялық бета-адреноблокаторларды адреналинмен (эпинефринмен) бір мезгілде қолданғанда кейде мидриаз жағдайлары байқалады.

Сақтау мерзімі 2 жыл Жарамдылық мерзімі өткеннен кейін қолдануға болмайды! Сақтау шарттары 4 ºС-ден 30 ºС-ге дейінгі температурада сақтау керек. Құтыны тік қалпында қойып, сақтау керек. Балалардың қолы жетпейтін жерде сақтау керек!