Бромгексин таблетки 8 мг

Бір таблетканың құрамында: белсенді зат – бромгексин гидрохлориді 8 мг, қосымша заттар: сахароза, лактоза моногидраты, микрокристалды целлюлоза, стеарин қышқылы, картоп крахмалы. Сыртқы түрінің, иісінің, дәмінің сипаттамасы Жалпақ цилиндр пішінді ойығы бар ақ түсті таблеткалар.

Қиын бөлініп шығатын қақырықпен қатар жүретін жедел және созылмалы бронх-өкпе ауруларының секретолитикалық емі.

Бромгексин бронхтық шырышты эпителий жасушаларының Na+/К+/2Cl- –транспортерінің жұмысын бөгеп, айқын муколитикалық және қақырық түсіретін әсер береді. Транспортер жұмысының бұзылуы бронх шырышының осмотикалығының жоғарлауына және оған судың қарқынды келіп түсуіне әкеледі. Нәтижесінде ақуызды емес (серозды) компонент есебінен бронх секретінің сұйылуы орын алады. Бромгексин серозды (ақуызды емес) компонент есебінен бронхтың шырышты қабығы, мұрын жұтқыншақ бездерінің секреторлық белсенділігін күшейтеді. Шырышта ақуызды және ақуызды емес құрамдастардың арақатынасын қалыпқа келтіреді. Кларк жасушаларынан шырыштың мукополисахаридтерін ыдырататын және оның тұтқырлығын төмендететін протеолитикалық лизосомальді ферменттерінің терминалды бронхиолаларын босатуды күшейтеді. Бромгексин бронхтардың жыпылықтағыш эпителий кірпікшелерінің қимыл белсенділігін көтермелейді, шырышты секреттің бронх тармақтарын бойлап (мукоцилиарлық клиренс) жылжуын жеңілдетеді. Бромгексин өкпенің пренатальді дамуын демейді, өкпе макрофагтары арқылы сурфактанттың синтезі мен секрециясын арттырып, оның ыдырау жылдамдығын төмендетеді.

Дозалау режимі Ересектер мен 14 жастан асқан балаларға тәулігіне 3 рет 1-2 таблеткадан (8-16 мг) тағайындайды. Ересектер мен 6-14 жастағы балаларға, сондай-ақ дене салмағы 50 кг аз адамдарда тәулігіне 3 рет 1 таблеткадан (8 мг). Емдік әсері емнің 4-6 күні байқалуы мүмкін. Бүйрек жеткіліксіздігі немесе бауыр функциясы бұзылған пациенттерге аз дозалар тағайындайды немесе қабылдаулар арасындағы аралықты арттырады. Енгізу жолы және тәсілі Таблетканы ішке, тамақтан кейін, көп мөлшердегі сумен қабылдау керек. Емдеу ұзақтығы Емнің ұзақтығы көрсетілімдерге және ауру ағымына сәйкес жекелей анықталады. Препаратты дәрігермен кеңеспей 4-5 күннен артық қабылдамаған жөн.

- бромгексинге және препараттың басқа компоненттеріне жоғары сезімталдық; - лактаза тапшылығы, галактоза немесе фруктозаны көтере алмау, глюкоза-галактоза мальабсорбция синдромы, сахароза-изомальтаза жеткіліксіздігі; - асқазан мен он екі елі ішектің ойық жарасы (өршу сатысында); - лактация кезеңі; - 6 жасқа дейінгі балалар.

Иммундық жүйе тарапынан: сирек (>0,01 %, бірақ <0,1 %) – аса жоғары реакциялары (бөртпе, Квинке ісінуі, ентігу, қышыну, есекжем), бронх түйілуі; жиілігі белгісіз – анафилаксиялық реакциялар, анафилаксиялық шокты қоса, ангионевроздық ісіну және қышыну. Тері мен тері асты тіндері тарапынан: сирек (>0,01 %, бірақ <0,1 %) – тері бөртпесі, есекжем; жиілігі белгісіз – ауыр тері реакциялары (мультиформалы эритеманы қоса, Стивенс-Джонсон синдромы, уытты эпидермальді некролиз, жедел жайылған экзантематоздық пустулез). Жоғары сезімталдық реакциялары, анафилаксиялық реакциялар немесе терінің және шырышты қабықтың қандай да бір өзгерістері пайда болғанда препарат қабылдауды дереу тоқтатып, дәрігерге қаралу керек. Асқазан-ішек бұзылыстары: жиі емес, ұзақ қабылдағанда жүрек айнуы, құсу, диспепсия, асқазан мен он екі елі ішектің ойықжара ауруының өршуі, диарея болуы мүмкін. Жалпы бұзылулар: жиі емес – қызба. Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: диспепсиялық бұзылулар, оның ішінде жүрек айнуы, құсу, диарея. Емі: жасанды құсық, асқазанды шаю (қабылдағаннан кейін алғашқы 1-2 сағатта), қан айналымды бақылау, симптоматикалық ем.

Арнайы ескертулер Бромгексин қабылдау кезінде мультиформалы эритема, Стивенс-Джонсон синдромы, уытты эпидермальді некролиз, жедел жайылған экзантематоздық пустулез сияқты ауыр тері реакцияларының даму ықтималдығы туралы хабарламалар бар. Егер өршіген тері реакциясының симптомдары (оның ішінде, сулы бөртпе дамуымен және шырышты қабықтың зақымдануымен байланысты) пайда болса дәрілік препаратты қабылдауды тоқтату қажет. Емдеу кезінде сұйықтықтың жеткілікті мөлшерін қабылдау қажет, бұл бромгексиннің қақырық шығаратын әсерін күшейтеді. Балаларда емді секреттің бронхтан шығуын жеңілдететін постуральді дренажбен немесе көкірек қуысының вибрациялық массажымен біріктіру керек. Асқазанның ойықжара ауруында, сондай-ақ анамнезде асқазаннан қан кетуге нұсқаулар болғанда Бромгексин дәрілік препаратын қолданбау керек. Бүйрек және бауыр функциясы бұзылғанда Бромгексин дәрілік препаратын оның дозасын бір қабылдауға азайтып немесе дозалау аралықтарын арттырып сақтықпен қолдану керек. Ұзақ мерзімді емдеу кезінде бауыр функцияларын бақылау ұсынылады. Секреттің жиналу ықтималдығына байланысты, препаратты қолданғанда бронх моторикасы бұзылған және шырыш сөлінісі күшейген (мысалы, бастапқы цилиарлы дискинезия (кірпікше дискинезиясы) сияқты сирек ауру кезінде) пациенттерде сақтық таныту қажет. Бромгексин дәрілік препаратының әрбір таблеткасының құрамында лактоза және сахароза бар. Туа біткен галактоза, фруктоза жақпаушылығы, Lapp лактаза тапшылығы немесе глюкоза-галактоза малабсорбциясы, сондай-ақ сахараза-изомальтаза жеткіліксіздігі бар пациенттерге бұл дәрілік препаратты қабылдамаған жөн. Көлік құралдарын басқару және механизмдерге қызмет көрсету қабілетіне әсер ету Препаратты қолданғанда жағымсыз әсерлердің (бас айналуы, бас ауыруы) даму ықтималдығына байланысты көлік құралдарын немесе механизмдерді басқарғанда сақ болу керек.

Бромгексин плацентарлық бөгет арқылы өтуі мүмкін. Жануарларға жасалған зерттеулерде фертильділігіне, буаздық ағымына, ұрықтың/эмбрионның дамуына тікелей немесе жанама жағымсыз әсері анықталмаған. Бромгексинді дәрігер қауіп пен пайданы мұқият бақылағаннан кейін ғана жүкті әйелдерге қолдануға беруге болады; жүктіліктің бірінші триместрінде қолдану ұсынылмайды. Бромгексин емшек сүтімен бөлініп шығатындықтан, оны лактация кезеңінде қолдану ұсынылмайды.

Бромгексинді бронх-өкпе ауруларын емдеуде қолданылатын басқа препараттармен бір уақытта тағайындауға болады. Бромгексинді құрамында кодеин бар дәрілік препараттармен бір уақытта тағайындамайды, өйткені бұл сұйылтылған қақырықпен шығуын қиындатады. Бромгексин антибиотиктердің (эритромицин, цефалексин, окситетрациклин) өкпе тініне өтуіне ықпал етеді. Бромгексинді кейбір қабынуға қарсы стероидты емес дәрілермен (мысалы, салицилаттар, фенилбутазон немесе бутадион) бірге қолдану асқазан шырышының тітіркендіруін туындатуы мүмкін. Бромгексинді сілтілік ерітінділермен үйлеспейді.

Сақтау мерзімі Сақтау мерзімі 3 жыл. Жарамдылық мерзімі өткеннен кейін қолдануға болмайды! Сақтау шарттары Құрғақ, жарықтан қорғалған жерде, 25 °С-ден аспайтын температурада сақтау керек. Балалардың қолы жетпейтін жерде сақтау керек!