Вагид-CL вагинальные

1 суппозиторийдің құрамында белсенді заттар: 100 мг клиндамицин (клиндамицин фосфаты түрінде), 200 мг клотримазол, қосымша заттар: полиэтиленгликоль 1500, полиэтиленгликоль 6000, метилпарагидроксибензоат, пропилпарагидроксибензоат, бутилгидрокситолуол. Сыртқы түрінің, иісінің, дәмінің сипаттамасы Пішіні оқ тәрізді, сыртқы түрі біртекті, тегіс, түсі ақ немесе ақ дерлік суппозиторийлер.

- қынаптық кандидозда, бактериялық вагинитте, трихомониазда, аралас инфекция мен спецификалық емес вагинитте.

Клиндамицин - бактериялық рибосомаларға әсер ететін бактерия ақуыздарының синтезін басатын линкозамидті антибиотик. Антибиотик негізінен 50S рибосомалық суббірлікпен байланысады және ақуыз тізбегінің басталу процесіне әсер етеді. Клиндамицин фосфаты in vitro белсенді болмаса да, in vivo ол тез гидролизденіп, бактерияға қарсы белсенділігі бар клиндамицинге айналады. Клиндамицин in vitro Gardnerella vaginalis, Mobiluncus mulieris, Mobiluncus curtisii, Mycoplasma hominis және анаэробтарды (Peptostreptococcus және Bacteroides түрлері) қоса, бактериялық вагинозды тудыратын микроорганизмдерге қарсы белсенділік танытады. Барлық осы микроорганизмдер клиндамицин әсеріне сезімтал, бұл олардың МИК90 мәндерімен дәлелденеді (МИК, онда штаммдардың 90% басылады). Географиялық немесе уақытша өзгерістер байқалмады. Бактериялық вагинозға байланысты вагинальді бактериялардың клиндамицинге сезімталдығы. микроорганизм — MIC50 — MIC90 — % сезімтал Bacteroides bivius — <0,015 — 0,031 — 100 Bacteroides disiens — 1 — 2 — 100 Bacteroides melaninogenicus — <0,015 — 0,031 — 100 Bacteroides asaccharolyticus — <0,015 — <0,015 — 100 Анаэробты пептострептококк — 0,03 — 0,25 — 100 Peptostreptotoccus asaccharolyticus — <0,015 — 0,25 — 100 Mobiluncus curtisii — 0,125 — 0,125 — 92 Mobiluncus — 0,03 — 0,06 — 100 Gardnerella vaginalis — 0,125 — 0,5 — 100 Клотримазол көптеген патогендік зеңдерге жергілікті зеңге қарсы әсердің кең спектрі бар имидазолдың туындысы болып табылады. Клотримазолдың әсер ету механизмі нуклеин қышқылдары мен протеиндердің синтезін, сондай-ақ зең жасушаларында эргостерол синтезін блоктаудан тұрады, бұл олардың жасуша жарғақшасының зақымдануына және жасушалардың өліміне әкеледі. Клотримазол негізінен дерматофиттерге (Epidermophyton floccosum, Microsporum canis, Trichophyton mentagrophytes, Trichopyton rubrum), ашытқы тәріздес және көгерген зеңдерге (Candida sp., Cryptococcus neoformans), диморфты зеңдерге (Coccidioides immitis, Histoplasma capsulatum, Paracoccidicides brasiliensis), Nocardia тектес актиномицеттер, Trichomonas vaginalis әсер етеді.

Дозалау режимі Жедел вагиниттерде – 1 суппозиторийден тәулігіне 1 рет (кешке), 3 күн бойы. Бактериялық вагинитте - 1 суппозиторийден тәулігіне 1 рет (кешке), 3 күн бойы. Трихомониазда - 1 суппозиторийден тәулігіне 1 рет (кешке), 3 күн бойы. Аралас инфекция мен спецификалық емес вагинитте - 1 суппозиторийден тәулігіне 1 рет (кешке), 3 күн бойы. Емдеуді етеккір кезінде жүргізуге болмайды, сондықтан оны бастамас бұрын аяқтау керек. Енгізу әдісі мен жолы Интравагинальді

• әсер етуші заттарға немесе 6.1-бөлімде көрсетілген қосымша заттардың кез келгеніне аса жоғары сезімталдық. • I жүктілік триместрі • лактация кезеңі • 18 жасқа дейін (қыздығы бұзылмаған қыз балаларға) • энтерит, ойық жаралы колит, антибиотиктер қабылдаумен байланысты колит (оның ішінде анамнезінде)

жиі емес - енгізу орнындағы жайсыздық, тітіркену, қышыну, қызару, ісіну, ашыту және ауыру - қызба - жайылған ауырсыну, бүйір мен арқаның ауыруы, жамбас ауыруы, іштің ауыруы, қышыну, бөртпе өте сирек -Стивенс-Джонсон синдромына ұқсас мультиформалы эритема - уытты эпидермальді некролиз - уақытша нейтропения (лейкопения) - агранулоцитоз - тромбоцитопения - сарғаю - аллергиялық реакциялар - естен тану - анафилактоидты реакциялар - есекжем - бас айналуы, бас ауыруы, артериялық гипотензия, ентігу, вертиго - жоғарғы тыныс алу жолдарының инфекциялары - ауыздан жағымсыз иіс, дәм сезуінің өзгеруі, диспепсия, қыжыл, жүрек айну, құсу, диарея, іш қату, метеоризм - жыныс мүшелері аумағындағы терінің қабыршақтануы, вульвовагинальды бұзылыстар мен тітіркенулер, етеккір циклінің бұзылуы, қынаптан қан кету, қынаптан бөліністер, қынаптағы ауырсыну, цервицит, эндометриоз, патологиялық босану, несеп жолының инфекциясы, дизурия, пиелонефрит, протеинурия, микробиологиялық тесттердегі ауытқулар - гипертиреоидизм, глюкозурия - мұрыннан қан кету Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Препаратты қолдануға қатысты ұсыныстар сақталған кезде артық дозалану жағдайлары белгісіз. Препаратты ішке кездейсоқ қабылдаған кезде қанда клиндамициннің емдік концентрациясының болуымен байланысты әсерлер пайда болуы мүмкін. Симптоматикалық ем.

Көзге тиюден аулақ болыңыз. Жұтуға болмайды. Препаратты қолданар алдында келесі жағдайларда дәрігермен кеңесу керек: - анамнезінде қынаптық кандидоз соңғы 6 айда 2 реттен көп; - анамнезінде венериялық аурулар немесе бұрыннан бар венериялық аурулармен жыныстық жұптас; - жүктілік немесе жүктілікке күмән Препаратты қолдану кезінде келесі жағдайларда дәрігермен кеңесу керек: - егер аурудың симптомдары 7 күннен ұзақ сақталса; - егер аурудың симптомдары соңғы 2 ай ішінде қайта пайда болса; - егер пациентте дене қызуы көтерілсе (38 °С немесе одан жоғары), іштің төменгі бөлігіндегі ауырсыну, арқадағы ауырсыну, жағымсыз иісі бар іріңді вагинальді бөліністер, жүрек айнуы, қынаптан қан кету, бұл арқадағы ауырсынумен бірге жүреді. Әдетте қынапқа да, сыртқы жыныс мүшелеріне де әсер ететіндіктен, екі аймақты біріктірілген емдеуді қолдану керек. Егер сыртқы жыныс еріндері және оған жақын жерлер инфекцияланған болса, сыртқы қолдануға арналған креммен жергілікті емдеуді жүргізу керек. Кез-келген вагинальды инфекциялар сияқты, препаратты қолдану кезінде жыныстық қатынас ұсынылмайды. Вагинальді капсулалардың негізі латекс презервативтер мен босануды бақылау диафрагмаларының беріктігін әлсіретуі мүмкін. Мұндай препараттарды емдеуден кейін 72 сағат ішінде қолдану ұсынылмайды, өйткені олардың контрацептивтік тиімділігі мен жыныстық жолмен берілетін аурулардан қорғау қасиеттері төмендеуі мүмкін. Препаратты етеккір кезінде қолдануға болмайды. Емдеу етеккір басталғанға дейін аяқталуы керек. Препараттың қауіпсіздігі мен тиімділігі балаларда, жүкті әйелдерде, бала емізетін әйелдерде, бауыр функциясы бұзылған, иммун тапшылығы немесе колитпен ауыратын пациенттерде зерттелмеген. Препаратты қолдану басталғанға дейін немесе одан кейін бірден Trichomonas vaginalis, Candida albicans, Chlamydia trachomatis және гонококкаларды қоса алғанда, инфекциялардың басқа қоздырғыштарының болуына зертханалық талдау жүргізу қажеттілігі туындауы мүмкін. Клиндамицинді қолдану препаратқа сезімтал емес микроорганизмдердің, атап айтқанда ашытқылардың шамадан тыс өсуіне әкелуі мүмкін. Микробқа қарсы дәрілерді қолдану кезінде немесе одан кейін жалған жарғақшалы колитті көрсететін симптомдар пайда болуы мүмкін. Жалған жарғақшалы колит жағдайлары барлық бактерияға қарсы дәрілерді, соның ішінде клиндамицинді қолданған кезде байқалды; колиттің ауырлығы жеңілден өмірге қауіпті болуы мүмкін. Сондықтан бактерияға қарсы дәрілерді қолданғаннан кейін диарея дамыған пациенттерде бұл мүмкіндікті ескеру қажет. Жалған жарғақшалы колит дамыған жағдайда клиндамицин қолдануды тоқтату керек. Тиісті бактерияға қарсы ем тағайындау керек. Бұл жағдайда перистальтиканы тежейтін препараттарды қолдануға болмады. Қосымша заттардың болуы, мысалы: полиэтиленгликоль теріні тітіркендіруі мүмкін. Метилпарагидроксибензоат және пропилпарагидроксибензоат: аллергиялық реакцияларды тудыруы мүмкін (мүмкін кідіріспен). Бутилгидрокситолуол: жергілікті тері реакциясын (мысалы, жанаспалы дерматит) немесе Көз мен шырышты қабықтың тітіркенуін тудыруы мүмкін. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Препарат автокөлік жүргізу және механизмдерді басқару қабілетіне әсер етпейді.

Жүктіліктің II және III триместрінде препаратты пайда/қауіп арақатынасын ескере отырып, басқа әдістермен емдеу тиімсіз болғанда ғана тағайындайды. Емдеу кезеңінде емшек емізуді тоқтату керек. Емшек емізуді емдеу аяқталғаннан кейін 24-48 сағаттан соң жаңғыртуға болады.

Интравагинальді енгізу үшін басқа препараттармен бірге қолдану туралы ақпарат жоқ. Клотримазолды нистатинмен бір мезгілде қолданғанда клотримазолдың белсенділігі төмендеуі мүмкін. Үлкен дозаларда қолданылатын Дексаметазон клотримазолдың зеңге қарсы белсенділігін төмендетеді. Клотримазолдың микробқа қарсы әсері п-оксибензой қышқылының пропил эфирінің жоғары жергілікті концентрациясын күшейтеді. Клотримазол бір мезгілде қолданғанда амфотерицин В және басқа полиен антибиотиктерінің белсенділігін төмендетеді. Қынаптық қолданылатын клотримазолмен және пероральді такролимуспен (FK-506; иммунодепрессант) бір мезгілде емдеу қан плазмасындағы такролимус деңгейінің жоғарылауына әкелуі мүмкін. Осылайша, такролимустың артық дозалану симптомдарын анықтау үшін, қажет болған жағдайда - оның қан плазмасындағы деңгейін тексеру арқылы науқастың жағдайын мұқият бақылау керек. Клиндамицин фосфаты нейромускулалық блокатордың қасиеттерін көрсетеді, бұл басқа нейромускулалық блокаторлардың әсерін күшейтеді және ұзартады.

Сақтау мерзімі 2 жыл Жарамдылық мерзімі өткеннен кейін қолдануға болмайды! Сақтау шарттары Құрғақ, жарықтан қорғалған жерде, 25˚С-ден аспайтын температурада сақтау керек. Балалардың қолы жетпейтін жерде сақтау керек!