Вазилип® таблетки 40 мг

Бір таблетканың құрамында белсенді зат - 10 мг, 20 мг немесе 40 мг симвастатин, қосымша заттар: лактоза моногидраты, желатинделген крахмал, бутилгидроксианизол, лимон қышқылы, аскорбин қышқылы, жүгері крахмалы, микрокристалды целлюлоза, магний стеараты, қабықтың құрамы: гипромеллоза, тальк, пропиленгликоль, титанның қостотығы (Е171) Сыртқы түрінің, иісінің, дәмінің сипаттамасы Ақ немесе ақ дерлік түсті үлбірлі қабықпен қапталған, екі жақ беті сәл дөңес дөңгелек пішінді, екі жақ бетінің жиегі кертілген таблеткалар (10 мг және 20 мг дозалар үшін). Ақ немесе ақ дерлік түсті үлбірлі қабықпен қапталған, екі жақ беті сәл дөңес дөңгелек пішінді, екі жақ бетінің жиегі кертілген және бір жақ бетінде сызығы бар таблеткалар (40 мг доза үшін).

Гиперхолестеринемия - диетотерапия немесе басқа дәрі-дәрмектік емес емдеу (мысалы, дене жаттығуы, дене салмағының төмендеуі) жеткіліксіз болған кезде бастапқы гиперхолестеринемияны немесе аралас дислипидемияны диетаға қосымша ретінде емдеу - гомозиготалы отбасылық гиперхолестеринемияда (гомоОГ) диетаға және липидтердің деңгейін төмендетуге (мысалы, ТТЛП аферезі) бағытталған басқа емдеу әдістеріне қосымша ретінде, немесе мұндай әдістер сәйкес келмеген немесе қолжетімсіз болғанда. Жүрек-қантамырлар ауруының профилактикасы - басқа қауіп факторларын түзетуге немесе басқа кардиопротекторлық емге қосымша ретінде, холестериннің қалыпты немесе жоғары деңгейінде анық атеросклероздық жүрек-қантамыр аурулары немесе қант диабеті бар пациенттерде жүрек-қантамыр ауруларына байланысты өлім және сырқаттанушылық деңгейін төмендету

Әсер ету механизмі Ішке қабылдағаннан кейін белсенді емес лактон болып табылатын симвастатин бауырда гидролизге ұшырап, ГМГ-КоА-редуктазаға (3-гидрокси-3-метилглютарил-коэнзим А редуктаза) қатысты белсенділігін тежеуі жоғары болатын тиісті белсенді бета-гидроксиқышқыл түзеді. Бұл фермент ГМГ-КоА--ның мевалонатқа айналуын катализдейді – холестерин биосинтезінің бастапқы және бақыланатын сатысы. Фармакодинамикалық әсерлері Вазилип тығыздығы төмен липопротеиндер холестеринінің (ТТЛП-Х) қалыпты да, сонымен қатар жоғарылаған концентрациясын да төмендетеді. ТТЛП-Х тығыздығы өте төмен липопротеиннен (ТӨТЛП) түзіледі және көбіне ТТЛП жоғары аффинді рецепторларымен катаболизденеді. ТТЛП деңгейінің Вазилип препаратымен төмендеуінің механизмі ТӨТЛП холестеринінің (ТӨТЛП-Х) төмендеуін, сонымен қатар ТТЛП рецепторларының индукциясын да қамтуы мүмкін, ол ТТЛП-Х өндірілуінің төмендеуіне және катаболизмінің жоғарылауына әкеледі. В аполипопротеин деңгейі де Вазилип препаратымен емдеу барысында айқын төмендейді. Бұдан басқа, Вазилип ТТЛП-Х деңгейін орташа арттырады және қан плазмасындағы триглицеридтер деңгейін төмендетеді. Осындай өзгерулердің нәтижесінде жалпы холестериннің ТТЛП-Х-ге арақатынасы және ТТЛП-Х-нің ТЖЛП-Х-ге арақатынасы төмендейді. Клиникалық тиімділік және қауіпсіздік Жүректің ишемиялық ауруы (ЖИА) немесе жүректің ишемиялық ауруының жоғары қаупі Heart Protection Study (HPS) зерттеуінде симвастатинмен емдеудің әсері гиперлипидемиясы бар немесе онсыз, сондай-ақ ЖИА, басқа окклюзиялық артерия аурулары немесе қант диабеті бар 20 536 пациентте (40-80 жас) зерттелді. Бұл зерттеуде орта есеппен 5 жыл ішінде 10 269 пациент симвастатинді тәулігіне 40 мг дозада, ал 10 267 пациент плацебо қабылдады. Бастапқы деңгейде 6 793 пациентте (33 %) ТТЛП холестерин деңгейі 116 мг/дл төмен болды; 5063 пациенттің (25 %) деңгейі 116 мг/дл 135 мг/дл дейін болды; және 8 680 пациенттің (42 %) деңгейі 135 мг/дл жоғары болды. Плацебомен салыстырғанда тәулігіне 40 мг симвастатинмен емдеу барлық себептерден болатын өлім қаупін сенімді түрде төмендетті (симвастатин тобындағы пациенттерде 12,9% [1 328 адам] және плацебо тобында 14,7% [1507 адам]; р=0,003) ЖИА-дан өлімінің 18% төмендеуіне байланысты (5,7% [587 адам] 6,9% [707 адам] салыстырғанда; р=0,0005; абсолютті қауіп 1,2% төмендеді). Қантамырлық емес аурулардан болатын өлімнің төмендеуі статистикалық маңыздылық деңгейіне жеткен жоқ. Симвастатин сонымен қатар ауыр коронарлық асқынулардың қаупін 27% (p<0,0001) азайтты (өлімге әкелмейтін миокард инфарктісінен немесе ЖИА салдарынан болатын өлімнен тұратын біріктірілген соңғы көрсеткіш). Симвастатин 30% (p<0,0001) коронарлық тамырларға хирургиялық араласу қажеттілігін (аортокоронарлық шунттау және тері арқылы транслюминальді коронарлық ангиопластиканы қоса) және 16% (p=0,006) шеткері және басқа коронарлық емес тамырларды реваскуляризациялау емшараларының қажеттілігін азайтты. Симвастатин ишемиялық инсульт санының 30 (p<0,0001) төмендеуіне байланысты инсульт қаупін 25% (p < 0,0001) төмендетті. Сонымен қатар, қант диабеті бар пациенттердің қосалқы тобында симвастатин 21% (p=0,0293) макроваскулярлық асқынулардың даму қаупін, соның ішінде шеткері қантамырлардың реваскуляризация емшараларын (хирургиялық араласу немесе ангиопластика), аяқтың ампутациясын немесе аяқтың ойық жарасын төмендетеді. Асқынулардың даму жиілігінің пропорционалды төмендеуі барлық қосалқы топтарда, соның ішінде ЖИА жоқ, бірақ ми тамырларының немесе шеткері артериялардың ауруларында, зерттеуге енгізілген кездегі жасы 70 жастан аз және одан жоғары ерлер мен әйелдерде, артериялық гипертензиямен немесе онсыз, әсіресе пациенттер арасында ұқсас болды, зерттеуге енгізілген кезде ТТЛП холестерин деңгейі 3,0 ммоль/л төмен болды. Scandinavian Simvastatin Survival Study (4S) зерттеуі жүректің ишемиялық ауруы (ЖИА) және жалпы холестериннің бастапқы деңгейі 212-309 мг/дл (5,5-8,0 ммоль/л) бар 4444 пациентте симвастатинмен емдеудің жалпы өлімге әсерін бағалады. Бұл көп орталықты, рандомизацияланған, қосарлы жасырын, плацебо бақыланатын зерттеу болды. Стенокардиясы немесе миокард инфарктісі (МИ) бар пациенттер орта есеппен 5,4 жыл бойы емдік диетаны, стандартты емді және симвастатинді тәулігіне 20-40 мг (n = 2221) немесе плацебо (n = 2223) дозасында қабылдады. Симвастатин өлім қаупін 30% төмендетті (абсолютті қауіп 3,3% төмендету). ЖИА өлім қаупі 42% төмендеді (абсолютті қауіптің 3,5% төмендеуі). Симвастатин сонымен қатар күрделі коронарлық асқынулардың даму қаупін 34% азайтты (ЖИА салдарынан болатын өлім және клиникалық расталған өлімге әкелмейтін жағдайлардың саны). Сонымен қатар, симвастатин өлімге әкелетін және өлімге әкелмейтін цереброваскулярлық асқынулардың (инсульт және өтпелі ишемиялық шабуылдар) қаупін 28% - ға сенімді түрде төмендетті. Басқа (жүрек-қантамыр емес) себептерден болатын өлімнің төмендеуіндегі топтар арасындағы айырмашылықтар статистикалық тұрғыдан маңызды болмады. Холестерин мен гомоцистеиннің қосымша төмендеуінің (SEARCH) тиімділігін зерттеу анамнезінде миокард инфарктісі бар 12064 пациентте 80 мг және 20 мг (бақылаудың орташа ұзақтығы 6,7 жыл) негізгі қантамыр асқынуларының (НҚА, өліммен аяқталатын ЖИА, өліммен аяқталмайтын миокард инфарктісі, коронарлық реваскуляризация емшарасы, өліммен аяқталмайтын немесе өліммен аяқталатын инсульт немесе шеткері реваскуляризация емшарасы ретінде анықталатын) симвастатинмен емдеу әсерін салыстырды. Екі топ арасында НҚА жиілігінде сенімді айырмашылықтар байқалмады; симвастатин 80 мг симвастатинмен салыстырғанда 20 мг (n=1553; 25,7%) (n=1 477; 24,5%); салыстырмалы қауіп – 0,94, 95% сенімділік аралығы (СА): 0,88-ден 1,01-ге дейін. Зерттеу кезінде екі топ арасындағы ТТЛП холестерин мәндерінің абсолютті айырмашылығы 0,35=0,01 моль/л болды. Бұл симвастатинді 80 мг дозада қабылдаған пациенттерде 1% құрады, ал симвастатинді 20 мг дозада қабылдаған пациенттерде 0,02%. Миопатия жағдайларының жартысына жуығы емдеудің бірінші жылында пайда болды. Емдеудің әрбір келесі жылында миопатияның даму жиілігі шамамен 0,1% құрады. Алғашқы гиперхолестеринемия және аралас гиперлипидемия Гиперхолестеринемиясы бар пациенттерде тәулігіне 10, 20, 40 және 80 мг дозада симвастатиннің тиімділігі мен қауіпсіздігін салыстыру бойынша зерттеулерде ТТЛП холестеринінің орташа төмендеуі сәйкесінше 30, 38, 41 және 47% құрады. Аралас гиперлипидемиясы бар пациенттер 40 мг және 80 мг симвастатин қабылдаған зерттеулерде триглицеридтердің орташа төмендеуі сәйкесінше 28% және 33% (плацебо - 2%), ал ТТЛП холестеринінің орташа жоғарылауы сәйкесінше 13% және 16% (плацебо - 3%) болды. Балалар Қосарлы жасырын, плацебо-бақыланатын зерттеуде гетерозиготалы отбасылық гиперхолестеринемиямен (геОГ) 10-17 жас аралығындағы (орташа жасы 14,1 жас) 175 пациент (Таннер шкаласы бойынша 99 II сатыдағы немесе одан жоғары ұл және менархеден кейін кем дегенде бір жыл бұрын болған 76 қыз) симвастатин немесе плацебо қабылдаған топтарға рандомизацияланған. 24 апта ішінде (негізгі зерттеу). Бұл топқа қосылудың негізі 160-тан 400 мг/дл-ге дейінгі ТТЛП холестеринінің бастапқы деңгейі және ата-аналардың кем дегенде біреуінде ТТЛП холестерин деңгейінің 189 мг/дл-ден жоғары болуы болды. Симвастатиннің дозасы (кешке бір рет) алғашқы 8 аптада 10 мг, екінші 8 аптада 20 мг және одан әрі 40 мг құрады. 24 аптадан кейін 144 пациент емдеуді жалғастыруға шешім қабылдады және 40 мг симвастатин немесе плацебо қабылдады. Симвастатин плазмадағы ТТЛП холестеринін, триглицеридтерді (ТГ) және аполипопротеин в (Апо-В) деңгейін сенімді түрде төмендетті. 48 аптадан кейін жүргізілген зерттеудің нәтижелері негізгі зерттеуде алынған нәтижелермен салыстырылды. 24 апталық емдеуден кейін ТТЛП холестеринінің орташа мәні плацебо қабылдаған топтағы 207,8 мг/дл (тербеліс: 128,0-334,0 мг/дл) салыстырғанда 40 мг дозада симвастатин қабылдаған топта 124,9 мг/дл (тербеліс: 64,0 – 289,0 мг/дл) болды. Симвастатинмен 24 апталық емдеуден кейін (8 апталық аралықпен тәулігіне 10, 20 және 40 мг дозаның ұлғаюымен) ТТЛП холестеринінің орташа мөлшері 36,8% (плацебо: бастапқы деңгеймен салыстырғанда 1,1%-ға жоғарылау), Апо - В-32,4% (плацебо: 0,5%) және ТГ орташа деңгейі 7,9% - ға (плацебо: 3,2%); ТТЛП холестеринінің орташа мөлшері 8,3% - ға өсті (плацебо: 3,6%). Симвастатиннің геОГ бар балалардағы жүрек-қантамыр оқиғаларына ұзақ мерзімді емдік әсері белгісіз. Гетерозиготалы отбасылық гиперхолестеринемиясы бар балаларда тәулігіне 40 мг-ден асатын дозалардың қауіпсіздігі мен тиімділігі зерттелмеген. Ересектердегі ауру мен өлімнің төмендеуіне қатысты балалардағы симвастатинмен емдеудің ұзақ мерзімді тиімділігі анықталмаған.

Дозалау режимі Препараттың ұсынылатын дозалары – тәулігіне 5-тен 80 мг дейін, ішке, бір рет, кешке. Қажет болған жағдайда дозаны түзету кешке бір рет қабылданатын тәулігіне 80 мг ең жоғары дозаға жеткенге дейін кемінде 4 апта аралықпен жүргізілуі тиіс. 80 мг дозасы ауыр гиперхолестеринемиясы бар және төмен дозалары тиімсіз және күтілетін пайдасы потенциалды қауіптерден жоғары болғанда жүрек-қантамыр асқынуларының даму қаупі жоғары пациенттерге ғана ұсынылады. Гиперхолестеринемия Пациентке стандартты холестеринді төмендететін диета тағайындаған жөн, ол Вазилип® препаратымен емдеудің бүкіл курсы ішінде сақталуы тиіс. Әдеттегі бастапқы доза – тәулігіне бір рет, кешке 10 – 20 мг. ТТЛП холестерині деңгейін едәуір (45 %-дан көбірекке) төмендету қажет болатын пациенттер үшін бастапқы доза тәулігіне бір рет кешке қабылданатын 20 – 40 мг құрауы мүмкін. Қажет болған жағдайда дозаны түзетуді жоғарыда көрсетілгендей етіп жүргізген жөн. Гомозиготалы отбасылық холестеринемия (гомоОГ) Бақыланатын клиникалық зерттеу нәтижелері негізінде Вазилип® препаратының ұсынылатын дозасы тәулігіне кешке қабылданатын 40 мг құрайды. 80 мг доза осындай дозадағы препаратты қолданудан күтілетін артықшылықтар оның жоғары қаупінен басым болған жағдайларда ғана ұсынылады. Мұндай пациенттерде Вазилип® препаратын липидтердің деңгейлерін төмендету үшін басқа емдеу әдістеріне (мысалы, ТТЛП аферезі) қосымша ретінде немесе егер осындай емдеу әдістері қолжетімді болмаса, қолданған жөн. Ломитапидті және Вазилип® препаратын бір мезгілде қабылдап жүрген пациенттерде Вазилиптің тәуліктік дозасы 40 мг-ден аспауы тиіс. Жүрек-қантамыр ауруларының профилактикасы Жүректің ишемиялық ауруының (гиперлипидемиямен/онсыз ЖИА) даму қаупі жоғары болатын пациенттер үшін Вазилип® препаратының әдеттегі дозасы (кешке) бір реттік доза түрінде тәулігіне 20-дан 40 мг-ге дейінді құрайды. Препаратпен емдеу диетамен және дене жаттығуларымен бір мезгілде басталуы мүмкін. Дозаны түзетуді, егер қажет болса, жоғарыда көрсетілгендей етіп жүргізеді. Қатар жүргізілетін ем Вазилип® препараты монотерапия ретінде, сондай-ақ өт қышқылдарының секвестранттарымен біріктірілімінде тиімді. Препаратты өт қышқылдарының секвестранттарын қабылдаудан бұрын 2 сағаттан кешіктірмей немесе қабылдағаннан кейін кем дегенде 4 сағаттан соң қолдану керек. Фибраттарды (гемфиброзилді қоспағанда) немесе фенофибратты Вазилип® препаратымен бір мезгілде қолданып жүрген пациенттерде Вазилип® препаратының дозасы тәулігіне 10 мг-ден аспауы тиіс. Амиодаронды, амлодипин, верапамил, дилтиазем немесе құрамында элбасвир немесе гразопревир бар препараттарды Вазилип® препаратымен бір мезгілде қолданып жүрген пациенттерде Вазилиптың дозасы тәулігіне 20 мг-ден аспауы тиіс. Амлодипинді Вазилип® препаратымен бір мезгілде қабылдап жүрген пациенттерде Вазилиптың дозасы тәулігіне 20 мг-ден аспауы тиіс. Пациенттердің ерекше топтары Бүйрек жеткіліксіздігі бар пациенттер Бүйректің орташа дәрежелі жеткіліксіздігі бар пациенттерде дозаны түзету қажеттілігі жоқ. Бүйректің ауыр жеткіліксіздігі бар бар (креатинин клиренсі минутына <30 мл) пациенттерде препаратты тәулігіне 10 мг-ден аспайтын дозада қолдану жөніндегі мәселені мұқият қарастырған жөн және, егер мұндай доза қажет деп есептелсе, сақтықпен қолдану керек. Егде жастағы пациенттер Дозаны түзету қажеттілігі жоқ. Балалар мен жасөспірімдерде (10-17 жастағы) қолдану Гетерозиготалы отбасылық гиперхолестеринемиясы бар балалар мен жасөспірімдер үшін (Таннер шкаласы бойынша ер балаларда ІІ саты және одан жоғары, және етеккір оралымы ең кемінде 1 жыл бұрын басталған, 10-17 жастағы қыз балаларда) ұсынылатын әдеттегі бастапқы доза тәулігіне 1 рет кешке қабылданатын 10 мг құрайды. Балалар мен жасөспірімдер симвастатинмен емдеуді бастағанға дейін холестеринді төмендететін стандартты диетаны ұстануы тиіс; диетаны симвастатинмен емдеу курсы бойы ұстанғаны жөн. Ұсынылатын доза ауқымы тәулігіне 10-нан 40 мг-ге дейін; ұсынылатын ең жоғары доза тәулігіне 40 мг құрайды. Дозалар балаларды емдеу бойынша ұсыныстарға сәйкес емнің күтілетін мақсатына сәйкес жеке таңдалуы керек. Дозаны түзетуді 4 апта немесе одан көбірек аралықпен жүргізген жөн. Вазилип® препаратын препубертатты жастағы балаларға қолдану тәжірибесі шектеулі. Енгізу әдісі және жолы Ішке қабылдауға арналған. Вазилипті бір рет, кешке қабылдау керек. Дәрілік препараттың бір немесе бірнеше дозасын жіберіп алғанда қажетті шаралар Жіберіп алған дозаның орнын толтыру үшін қосарлы дозаны қабылдамаған жөн. Келесі күні әдеттегі уақытта Вазилиптің белгіленген мөлшерін қабылдау ұсынылады. Тоқтату симптомдарының болу қаупіне нұсқау Қандағы холестериннің ықтимал артуына байланысты препаратты дәрігердің кеңесінсіз қабылдауды тоқтатуға болмайды. Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша нұсқаулар Осы дәрілік препаратты қолдану бойынша қосымша сұрақтар пайда болған жағдайда дәрігердің немесе фармацевттің кеңесіне жүгіну керек.

• әсер етуші затқа немесе қосымша заттардың кез келгеніне аса жоғары сезімталдық • белсенді фазадағы бауыр ауруы немесе қан сарысуында трансаминазаның этиологиясы анық емес тұрақты жоғарылауы • жүктілік және бала емізу кезеңі • CYP3A4 күшті тежегіштерін (мысалы, итраконазол, кетоконазол, флуконазол, вориконазол, АИТВ-протеаза тежегіштері (мысалы, нелфинавир), боцепревир, телапревир, эритромицин, кларитромицин, телитромицин, нефазодон және құрамында кобистат бар препараттар) бір мезгілде қолдану • гемфиброзилды, циклоспоринді немесе даназолды бір мезгілде қолдану • гомоОГ бар пациенттерде дозасы >40 мг симвастатин болатын ломитапидпен бір мезгілде қолдану • тұқым қуалайтын галактоза жақпаушылығы, Lapp-(ЛАПП)-лактаза ферментінің тапшылығы немесе глюкоза-галактоза мальабсорбциясы бар адамдар - 10 жасқа дейінгі балалар

Сирек (1/10000-нан 1/1000-ға дейін) - анемия - бас ауыруы, парестезия, бас айналуы, шеткері нейропатия - көрудің бұлыңғырлануы, көрудің бұзылуы - іш қату, іштің ауыруы, метеоризм, диспепсия, диарея, жүрек айнуы, құсу, панкреатит - гепатит/сарғаю - бөртпе, қышыну, алопеция - миопатия* (миозитті қоса), жедел бүйрек жеткіліксіздігімен немесе онсыз рабдомиолиз («Қолдану кезінде қажетті сақтық шаралары» бөлімін қараңыз), миалгия, бұлшықет құрысуы - астения - сарысулық трансаминазалардың ұлғаюы (аланинаминотрансфераза, аспартатаминотрансфераза, γ-глутамилтранспептидаза), сілтілі фосфатазаның жоғарылауы; сарысудағы креатинкиназа деңгейінің жоғарылауы. Симвастатинді қоса, статиндерді қабылдау кезінде аш қарынға қан сарысуындағы HbA1c және глюкоза деңгейінің жоғарылауы туралы хабарланды. Аса жоғары сезімталдықтың айқын синдромы туралы сирек хабарланған, оған келесі белгілердің кейбірі жатады: ангионевроздық ісіну, жегіге ұқсас синдром, ревматизмдік полимиалгия, дерматомиозит, васкулит, тромбоцитопения, эозинофилия, ЭТЖ жоғарылауы, артрит және артралгия, есекжем, жарыққа сезімталдық, қызба, ысынулар, ентігу және дімкәстік. * Клиникалық зерттеулерде миопатия әдетте тәулігіне 20 мг симвастатин алған пациенттермен салыстырғанда тәулігіне 80 мг дозада симвастатин алған пациенттерде жиі бақыланды (сәйкесінше 0,02 %-бен салыстырғанда 1,0 %) Өте сирек (< 1/10000) - ұйқысыздық - жадының бұзылуы - фатальді және фатальді емес бауыр жеткіліксіздігі - лихеноидты дәрілік бөртпелер - бұлшықеттің үзілуі - гинекомастия - анафилаксия Белгісіз (қолда бар деректердің негізінде бағалау мүмкін емес) - депрессия - өкпенің интерстициальді ауруы - тендинопатия, кейде жыртылумен асқынған; иммунитетке байланысты болатын некроздаушы миопатия (IMNM)** - эректильді дисфункция - миастения гравис, көз миастениясы **Кейбір статиндермен ем кезінде немесе емнен кейін иммунитетке байланысты болатын некроздаушы миопатия (IMNM), аутоиммундық миопатия туралы өте сирек мәлімдемелер болды. IMNM клиникалық сипаттамасы: статиндермен ем тоқтатылуына қарамастан сақтала беретін тұрақты проксимальді бұлшықет әлсіздігі мен сарысудағы креатинкиназа құрамы жоғарылауы; елеулі қабынусыз некроздаушы миопатияны көрсететін бұлшықет биопсиясы; иммунодепрессанттар көмегімен жақсару («Қолдану кезінде қажетті сақтық шаралары» бөлімін қараңыз). Статиндерді, оның ішінде симвастатинді қолдануға байланысты (мысалы, есте сақтау қабілетінің жоғалуы, ұмытшақтық, амнезия, есте сақтау қабілетінің бұзылуы, шатасу) когнитивтік бұзылулар туралы сирек постмаркетингтік хабарламалар бар. Статиндерді тоқтатқанда, симптом пайда болған уақытқа (1 күннен жылға дейін) және симптомдары қайтқанға дейін (орташа 3 апта) әртүрлі уақыт ішінде әдетте хабарламалар қатерлі емес және қайтымды. Кейбір статиндерді қабылдау кезінде келесі қосымша жағымсыз құбылыстар туралы хабарланды: • түнгі қорқынышты түстерді қоса, ұйқының бұзылуы • сексуалдық дисфункция • қант диабеті: жиілігі қауіп факторларының болуына немесе болмауына тәуелді (ашқарында қандағы глюкоза деңгейі ≥ 5,6 ммоль/л, ДСИ> 30 кг/м2, триглицеридтер деңгейінің жоғарылауы, анамнезде артериялық гипертензия). Педиатриялық популяция Гетерозиготалы отбасылық гиперхолестеринемиясы бар (n = 175), 10-17 жас аралығындағы балалар мен жасөспірімдер (Таннер шкаласы бойынша II және одан жоғары сатысы бар ұлдар және менархе кем дегенде бір жыл бұрын басталған қыз балалар) қатысқан 48 апталық зерттеуде симвастатинді қабылдаған топта жалпы алғанда плацебо қабылдаған топтағы осындайға ұқсас болған қауіпсіздік және жағымдылық бейіні зерттелді. Физикалық, интеллектуалдық және жыныстық жетілуге ұзақмерзімді әсерлері белгісіз. Қазіргі уақытта бір жыл емдеуден кейінгі қолжетімді жеткілікті деректер жоқ. Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Мұндай жағдайларда дәрігермен немесе фармацевтпен кеңесу керек.

Миопатия/рабдомиолиз Симвастатин, басқа ГМГ-КоА-редуктаза тежегіштері сияқты, кейде миопатияның пайда болуына әкеледі, ол бұлшықет ауыруы, бұлшықеттің ауырсынуы немесе әлсіздігі түрінде көрінеді, креатинкиназа (КК) деңгейінің қалыптың жоғарғы шегінен 10 еседен астам жоғарылауымен қатар жүреді. Миопатия кейде миоглобинурияға байланысты жедел бүйрек жеткіліксіздігімен/онсыз және өте сирек жағдайларда өлімге әкелетін рабдомиолиз түрінде болады. Миопатияның даму қаупі қан плазмасындағы ГМГ-КоА-редуктазаның тежеуші белсенділігінің жоғары деңгейінде жоғарылайды (яғни, плазмадағы симвастатин мен симвастатин қышқылының жоғары деңгейі), бұл ішінара симвастатин метаболизміне және/немесе тасымалдау жолдарына кедергі келтіретін дәрілік заттардың өзара әрекеттесуіне байланысты болуы мүмкін. Басқа ГМГ-КоА-редуктаза тежегіштері сияқты, миопатия/рабдомиолиздің даму қаупі дозаға байланысты. 41 413 пациент симвастатин қабылдаған клиникалық зерттеулер деректер базасында, оның 24 747 (шамамен 60 %) кем дегенде 4 жылдық бақылау медианасы бар зерттеулерге енгізілген, миопатия жиілігі сәйкесінше 20, 40 және 80 мг/тәулік дозаларында шамамен 0,03 %, 0,08 % және 0,61 % құрады. Бұл зерттеулерде пациенттер мұқият бақылауда болды және кейбір өзара әрекеттесетін дәрілік заттар алынып тасталды. Клиникалық зерттеуде анамнезінде тәулігіне 80 мг симвастатин қабылдаған, миокард инфарктісі бар пациенттерге жүргізілген клиникалық зерттеулерде (кейінгі бақылаудың орташа кезеңі – 6,7 жыл) миопатияның пайда болу жиілігі, тәулігіне 20 мг дозаны қолданған пациентердегі 0,02 %-бен салыстырғанда, шамамен 1,0 % құрады. Миопатияның жартысына жуық жағдайлары емдеудің алғашқы жылы ішінде байқалды. Емдеудің әрбір кейінгі жылы миопатия жағдайларының жиілігі шамамен 0,1 % құрады. Симвастатинді 80 мг дозада қолданатын пациенттерде миопатияның даму қаупі ТТЛП-Х төмендеуіне қатысты тиімділігі ұқсас басқа статиндермен салыстырғанда жоғары. Сондықтан 80 мг дозадағы Вазилип® препаратын ауыр гиперхолестеринемиясы бар және жүрек-қантамыр жүйесінің асқыну қаупі жоғары пациенттерде ғана қолдану керек, олар төмен дозаларды қолданғанда қажетті әсерге қол жеткізе алмайды және мұндай дозада препаратты қолданудың артықшылықтары потенциалды қауіптерден жоғары болады деп күтілуде. Симвастатинді 80 мг дозада қабылдап жүрген, симвастатинмен өзара әрекеттесетін препаратты қолдану қажет пациенттерде симвастатинді өте төмен дозада қолдану немесе басқа препараттармен өзара әрекеттесу потенциалы азырақ білінетін статиндер тобының баламалы препаратын тағайындау керек. Жүрек-қантамыр ауруларының қаупі жоғары пациенттерде симвастатинмен тәулігіне 40 мг (3,9 жылдық бақылау медианасы) ем қабылдаған клиникалық зерттеуде қытайлық емес пациенттерде миопатия деңгейі шамамен 0,05% құрады (n = 7367), ал қытайлық пациенттерде 0,24% (n = 5468). Бұл клиникалық зерттеуде бағаланған жалғыз азиялық популяция қытайлықтар болса да, азиялық нәсілді пациенттерге симвастатинді қолданғанда сақ болу керек және ең төменгі қажетті дозаны қолдану керек. Кейбір жағдайларда статиндер мутацияны туындататыны немесе бұрыннан бар миастенияны немесе көз миастениясын нашарлататыны хабарланған. Симптомдар нашарлаған жағдайда Вазилипті қабылдауды тоқтату керек. Сол немесе басқа статинді қайта тағайындау кезінде қайталанулар туралы хабарланды. Тасымалдайтын ақуыздар функциясының төмендеуі Пептидті ақуыздарды тасымалдау OATP функциясы төмендеуі симвастатин қышқылының жүйелік әсерін жоғарылатуы және миопатияның және рабдомиолиздің қаупін ұлғайтуы мүмкін. Функция төмендеуі өзара әрекеттесуші дәрілік заттармен (мысалы, циклоспоринмен) тежелуі нәтижесінде немесе SLCO1B1 c.521T> C генотипі тасымалдаушысы болып табылатын пациенттерде туындауы мүмкін. Белсенділігі төменірек ақуызды OATP1B1 кодтайтын, SLCO1B1 (c.521T> C) генінің аллельдерін тасымалдаушы пациенттерде симвастатин қышқылының жүйелік әсері жоғары және миопатияның жоғары қаупі болады. Симвастатиннің жоғары дозасына (80 мг) байланысты миопатияның қаупі негізінде генетикалық тестілеусіз 1% жуықты құрайды. 80 мг доза қабылдаған, гомозигота C аллельдерінің тасымалдаушысындағы (сондай-ақ CC деп те аталатын) SEARCH зерттеулері нәтижесін негізге алсақ, бір жыл ішіндегі миопатияның даму қаупі 15% құрайды, бұл арада гетерозиготты аллель С (СТ) тасымалдаушысындағы қауіп 1,5% құрайды. Кеңірек таралған генотип (ТТ) бар пациенттерде тиісті қаупі 0,3% құрайды. Мүмкін болған жағдайда С аллелі қатысуында генотиптеуді жеке пациенттер үшін симвастатинді 80 мг дозада қолданар алдында пайда мен қауіпті бағалаудың бір бөлігі ретінде қарастыру керек және CC генотипі анықталған пациенттерде жоғары доза қолданудан аулақ болу керек. Алайда генотиптеуде бұл геннің болмауы миопатияның даму мүмкіндігін жоққа шығармайды. Креатинкиназаны анықтау Қарқынды дене жүктемесінен кейін немесе КК арттыру үшін ықтимал кез келген баламалы себептер болған жағдайда да креатинкиназа (КК) деңгейін анықтамаған жөн, өйткені бұл алынған нәтижелерді талдауды қиындатады. Егер КК деңгейі бастапқымен салыстырғанда едәуір (жоғары қалып шегінен 5 еседен астамға) жоғарыласа, нәтижелерін айғақтау үшін 5-7 күннен кейін қайтадан талдау жүргізген жөн. Емдеуге дейін Симвастатинмен емдеуді бастаған, немесе симвастатин дозасын арттырған барлық пациенттерге миопатияның даму қаупі және түсініксіз бұлшықет ауыруы, бұлшықеттердегі ауырсыну немесе әлсіздік пайда болған жағдайда оны дереу мәлімдеу қажеттілігі жөнінде айтқан жөн. Препаратты рабдомиолиздің пайда болуы үшін бейім факторлары бар пациенттерге абайлап қолданған жөн. Референтті бастапқы мәндерін білу үшін КК деңгейін келесі жағдайларда емдеуді бастар алдында анықтау керек: • егде жас (≥ 65 жас) • әйелдер • бүйрек функциясының бұзылуы • бақыланбайтын гипотиреоз • жеке немесе отбасылық анамнезде тұқым қуалайтын бұлшықет ауруларының болуы • анамнезде статиндер немесе фибраттардың бұлшықеттерге уытты әсерінің жағдайлары • алкогольді шамадан тыс пайдалану Мұндай жағдайларда емдеген кездегі қаупін потенциалды артықшылығымен салыстырған жөн, сондай-ақ клиникалық мониторинг жүргізу ұсынылады. Егер пациентте бұрын фибраттармен немесе статиндермен емдеген кезде бұлшықет жүйесі тарапынан бұзылулар байқалса, осы кластың әртүрлі препараттарымен емдеуді сақтықпен бастаған жөн. Егер КК бастапқы деңгейі едәуір (жоғары қалып шегімен салыстырғанда 5 еседен астамға) жоғарыласа, емдеуді бастамаған жөн. Емдеу кезінде Егер пациентте статиндермен емдеу кезінде бұлшықеттің ауыруы, бұлшықет әлсіздігі немесе құрысулар пайда болса, КК деңгейін тексеру керек. Егер қарқынды дене жүктемесі жоқ кезде осы деңгейдің едәуір (жоғары қалып шегімен салыстырғанда 5 еседен астам) жоғарылағаны анықталса, емдеуді тоқтатқан жөн. Егер бұлшықет симптомдары қатты білінсе және күн сайын жайсыздықты туындатса, тіпті КК деңгейі жоғары қалып шегінен кем дегенде 5 еседен жоғары болса да, препаратты қолдануды тоқтату жөніндегі мәселені қарастырған жөн. Кез келген басқа этиологиялы миопатияға күдіктенген жағдайда емдеуді тоқтату керек. Кейбір статиндермен ем кезінде немесе емнен кейін иммунитетке байланысты болатын некроздаушы миопатияның (IMNM) дамуы туралы өте сирек хабарланды. IMNM клиникалық жағынан статиндермен ем тоқтатылуына қарамастан сақтала беретін тұрақты проксимальді бұлшықет әлсіздігі мен сарысудағы креатинкиназа деңгейінің жоғарылауымен сипатталады. Егер симптомдар басылса және КК деңгейі қалыпқа келсе, статинді немесе статиндер тобының баламалы препаратын өте төмен дозада және мұқият бақылаумен емдеуді қайта жаңғырту жөніндегі мәселені қарастыруға болады. Миопатия 80 мг доза қабылдап жүрген пациенттерде жиірек байқалады. КК деңгейін мезгіл-мезгіл анықтау ұсынылады, себебі бұл миопатияның субклиникалық жағдайларын анықтауға ықпал етуі мүмкін. Алайда мұндай мониторинг миопатияның дамуын әрдайым алдын алуы мүмкін емес. Симвастатинмен емдеуді жоспарланған ауқымды хирургиялық араласымнан бірнеше күн бұрын және қандай да болсын күрделі медициналық немесе хирургиялық жағдайлар туындағанда уақытша тоқтата тұрған жөн. Дәрілік препараттардың өзара әрекеттесуінен туындаған миопатияның даму қаупін төмендету бойынша шаралар Симвастатинді CYP3A4 рецепторлардың потенциалды тежегіштерімен (итраконазол, кетоконазол, позаконазол, вориконазол, эритромицин, кларитромицин, телитромицин, АИТВ-протеаза тежегіштері (мысалы, нелфинавир), боцепревир, телапревир, нефазодон және құрамында кобистат бар препараттар) бірге, миопатия/рабдомиолиз даму қаупінің ұлғаюы салдарынан, қолдануға болмайды. Миопатия мен рабдомиолиздің даму қаупі симвастатиннің белгілі бір дозаларымен амиодарон, амлодипин, верапамил немесе дилтиаземді бір мезгілде қолданғанда да артады. Фузидий қышқылын статиндермен бір мезгілде қолданғанда рабдомиолизді қоса, миопатияның даму қаупі артуы мүмкін. ГомоОГ бар пациенттерде ломитапидті симвастатинмен бір мезгілде қолданғанда бұл қауіп жоғарылауы мүмкін. Тиісінше, CYP3A4 тежегіштеріне қатысты симвастатинді бір мезгілде итраконазолмен, кетоконазолмен, позаконазолмен, вориконазолмен, АИТВ протеаза тежегіштерімен (мысалы, нелфинавирмен), боцепревирмен, телапревирмен, эритромицинмен, кларитромицинмен, телитромицинмен, нефазодонмен және құрамында кобицистат бар дәрілік заттармен қолдану қарсы көрсетілімде. Егер CYP3A4 күшті тежегіштерімен (AUC шамамен 5 немесе одан да көп есе ұлғайтатын дәрі) емдемеу мүмкіндігі жоқ болса симвастатинмен ем емдеу курсы бойында тоқтатылуы тиіс ​​(баламалы статинді қолдану мүмкіндігін қарастыру). Бұдан басқа, симвастатинді және басқа кейбір қуаты азырақ CYP3A4 тежегіштерімен: флуконазол, верапамил, дилтиаземмен біріктіргенде сақ болу керек. Грейпфрут шырынын және симвастатинді қатар қабылдаудан аулақ болу керек. Симвастатинді гемфиброзилмен қолдану қарсы көрсетілімде. Миопатияның және рабдомиолиздің жоғары қаупіне байланысты фенофибратты қоспағанда, симвастатинді басқа фибраттармен қабылдайтын пациенттерде симвастатин дозасы тәулігіне 10 мг аспауы тиіс. Фенофибратты симвастатинмен қолданғанда сақ болу керек, өйткені монотерапия кезінде олардың кез келгені миопатия туындатуы мүмкін. Дәрілік өзара әрекеттесуден туындаған миопатия қаупін азайту бойынша шаралар Симвастатинді фузидий қышқылының жүйелік түрлерімен бір мезгілде немесе фузидий қышқылымен емдеуді тоқтатқаннан кейін 7 күн ішінде қолданбаған жөн. Фузидий қышқылын жүйелі қолдану қажет деп саналатын пациенттерде статинмен емдеуді фузидий қышқылымен емдеу кезінде тоқтату керек. Фузидий қышқылы мен статиндерді біріктірілімде қабылдаған пациенттерде рабдомиолиздің (соның ішінде өліммен аяқталатын) дамуы туралы хабарламалар бар. Пациентке бұлшықет әлсіздігі, ауыру немесе ауырсынудың қандай да симптомдары байқалса, дереу дәрігерге қаралуға кеңес беру керек. Статиндік емді фузидий қышқылының соңғы дозасынан кейін жеті күннен кейін қайта жаңғыртуға болады. Фузидий қышқылын ұзартылған жүйелі енгізу қажет болған ерекше жағдайларда, мысалы, ауыр инфекцияларды емдеу үшін симвастатин мен фузидий қышқылын бір мезгілде қолдану қажеттілігі тек әрбір нақты жағдайда және мұқият медициналық бақылауда қарастырылуы керек. Симвастатинді амиодарон, амлодипин, верапамил немесе дилтиаземмен тәулігіне 20 мг-ден жоғары дозада біріктіріп қолданудан аулақ болу керек. ГомоОГ бар пациенттерде ломитапидпен тәулігіне 40 мг-ден жоғары дозада симвастатинді біріктіріп қолданудан аулақ болу керек. Симвастатинмен бір мезгілде CYP3A4 орташа тежеуші әсері бар басқа дәрілік заттарды, әсіресе симвастатиннің жоғары дозаларын қабылдайтын пациеттерде миопатияның даму қаупі жоғары болуы мүмкін. Симвастатинді орташа CYP3A4 тежегішімен (AUC шамамен 2-5 есе арттыратын препараттар) бір мезгілде қолданғанда симвастатин дозасын түзету қажет болуы мүмкін. Кейбір орташа CYP3A4 тежегіштері үшін, мысалы, дилтиазем үшін симвастатиннің ең жоғары дозасы 20 мг ұсынылады. Симвастатин сүт безі обырына резистенттілік ақуызын тасымалдаушы субстрат болып табылады (BCRP-breast cancer resistance protein). BCRP тежегіштері болып табылатын (мысалы, элбасвир және гразопревир) препараттарды қатарлас енгізу плазмадағы симвастатин концентрациясының ұлғаюына және миопатияның жоғары қаупіне әкелуі мүмкін; сондықтан симвастатин дозасын түзетуді тағайындалған дозаға байланысты қарастыру керек. Элбасвир және гразопревирді симвастатинмен бірге енгізу зерттелмеген; алайда симвастатин дозасы құрамында элбасвир немесе гразопревир бар препараттар қосылған препараттарды қатарлас алатын пациенттерде күніне 20 мг аспауы тиіс. ГМГ-КоА-редуктаза тежегіштерін және ниацинді (никотин қышқылын) липид-модификациялайтын дозаларда (тәулігіне ≥ 1 г) бірге қолданғанда миопатия/рабдомиолиздің бірнеше жағдайлары тіркелді. Монотерапиядағы осы препараттардың әрқайсысы миопатияны тудыруы мүмкін. Жүрек-қантамыр ауруларының қаупі жоғары және тәулігіне 40 мг дозада симвастатинді эзетимибпен 10 мг немесе онсыз қабылдаған ТТЛП-ХС деңгейі жақсы бақыланатын пациенттерді қамтитын клиникалық зерттеуде (3,9 жылдық бақылау медианасы) липидті өзгертетін дозалар қосылған жүрек-қантамыр нәтижелеріне қатысты қосымша артықшылықтар анықталған жоқ (≥1 г/тәулік) никотин қышқылы (никотин қышқылы). Симвастатин мен липидті өзгертетін дозаларды (≥ 1 г/тәулік) никотин қышқылын немесе құрамында ниацин бар препараттарды біріктіріп емдеу қажет болған жағдайда, осы емнің қауіп-пайда арақатынасын мұқият саралау қажет. Біріктірілген емнің алғашқы айларында бұлшықет ауруы, ауырсыну немесе әлсіздік сияқты бұлшықет дисфункциясының кез-келген белгілері мен симптомдарының пайда болуын, әсіресе емдеудің алғашқы айларында және кез-келген препараттың дозасы жоғарылағанда мұқият бақылау қажет. Сонымен қатар, бұл зерттеу 40 мг симвастатинді немесе 10/40 мг эзетимиб/симвастатинді модификацияланған босату/ларопипрант 2000 мг/40 мг никотин қышқылымен бірге қолданғанда қытайлық емес (0,24%) пациенттерде миопатияның даму қаупінің жоғары екенін растады (1,24%). Бұл клиникалық зерттеуде бағаланған жалғыз азиялық популяция қытайлықтар болғанымен, қытайлық пациенттерде миопатия жиілігі қытайлық емес пациенттерге қарағанда жоғары болғанымен, симвастатинді липидті өзгертетін дозалармен (≥1 г/тәулік) ниацинмен (никотин қышқылы) бір мезгілде қолдану азиялық пациенттерге ұсынылмайды. Анипимокс құрылымдық жағынан ниацинмен байланысты. Анипимокс зерттелмегенімен, бұлшықетке байланысты уытты әсерлердің қаупі ниацинге ұқсас болуы мүмкін. Даптомицин ГМГ-КоА-редуктаза тежегіштерін (мысалы, симвастатин) даптомицинмен бір мезгілде қолдану кезінде миопатия және/немесе рабдомиолиз жағдайлары туралы хабарланды. ГМГ-КоА-редуктаза тежегіштерін даптомицинмен қолданғанда сақ болу керек, өйткені осы препараттардың кез келгені монотерапия кезінде миопатияны және/немесе рабдомиолизді туындатуы мүмкін. Даптомицин қабылдайтын пациенттерде, егер қатарлас қолданудың артықшылығы қауіптен жоғары болмаса симвастатинді уақытша тоқтату мүмкіндігін қарастыру керек. ГМГ-КоА-редуктаза тежегіштерімен (мысалы, симвастатинмен) потенциалды өзара әрекеттесуі туралы қосымша ақпарат және одан әрі мониторинг бойынша қосымша ұсынымдар алу үшін даптомицинді медициналық қолдану жөніндегі нұсқаулықты басшылыққа алу қажет. Бауыр функциясына ықпалы Клиникалық зеттеулерде симвастатин қабылдаған бірнеше ересек пациенттерде қан сарысуында трансаминазалар деңгейінің (жоғары қалып шегімен салыстырғанда 3 еседен астам) тұрақты жоғарылауы байқалды. Трансаминаза деңгейлері, әдеттегідей, симвастатинді қолдануды уақытша тоқтата тұрғаннан немесе оны тоқтатқаннан кейін бастапқы көрсеткіштеріне баяу оралды. Емдеуді бастар алдында және, клиникалық көрсетілімдері бойынша, емдеу барысында бауыр функциясының көрсеткіштерін тексеру ұсынылады. 80 мг дозаға ауысқан пациенттерде дозаны арттырар алдында, дозаны 80 мг-ге дейін арттырғаннан кейін 3 айдан соң және кейін емдеудің алғашқы жылы бойы (мысалы, жарты жылда 1 рет) мезгіл-мезгіл қосымша талдау жүргізген жөн. Қан сарысуында трансаминаза деңгейі жоғарылаған пациенттерге ерекше көңіл бөлу керек; мұндай пациенттерде бауыр функциясына тест жүргізуді дереу қайталаған және соңына қарай оны өте жиірек жүргізген жөн. Егер трансаминаза деңгейінің жоғарылауы жалғасса, атап айтқанда жоғары қалып шегімен салыстырғанда 3 есе жоғарыласа, және тұрақты болып табылса, симвастатин қолдануды тоқтату керек. Айта кету керек, АЛТ бұлшықеттерден бөлінуі мүмкін, сондықтан КК аясында АЛТ деңгейінің жоғарылауы миопатияны көрсетуі мүмкін. Статиндер, соның ішінде симвастатин қабылдап жүрген пациенттерде бауыр функциясының жеткіліксіздігінің сирек жағдайлары, соның ішінде өліммен аяқталу жөнінде постмаркетингтік мәлімдемелер бар. Клиникалық симптомдармен және/немесе гипербилирубинемиямен немесе сарғаюмен қатар жүретін, бауырдың күрделі зақымдары жағдайында препарат қабылдауды дереу тоқтатқан жөн. Егер баламалы этиологиясы байқалмаса, Вазилипті қабылдауды қайта бастамаған жөн. Алкогольді шамадан тыс пайдаланатын пациенттерде препаратты абайлап қолдану керек. Липидтердің деңгейін төмендететін басқа препараттарды қолданған кездегідей, симвастатинмен емдеген кезде қан сарысуындағы трансаминазаның орташа (жоғары қалып шегімен салыстырғанда 3 есе азырақ) жоғарылағаны жөнінде мәлімделді. Мұндай өзгерулер симвастатинді қолдануды бастағаннан кейін көп ұзамай пайда болды, жиі уақытша болды, қандайда болсын симптомдармен қатар жүрген жоқ және емдеуді тоқтатуды қажет етпеді. Өкпенің интерстициальді ауруы Симвастатинді қоса, кейбір статиндерді әсіресе ұзаққа созылған ем кезінде қолданғанда өкпенің интерстициальді ауруларының жағдайлары жөнінде мәлімделді. Білінген көріністерге диспноэ, қақырықсыз жөтел және жалпы жағдайдың нашарлауы (әлсіздік, дене салмағының төмендеуі және қызба) жатуы мүмкін. Егер пациентте өкпенің интерстициальді ауруына күмән болса, статиндермен емдеуді тоқтатқан жөн. Қант диабеті Кейбір деректер класс ретінде статиндердің қандағы глюкоза деңгейін арттыратынын, және келешекте диабеттің жоғары қаупіне ұшырайтын кейбір пациенттерде гипергликемияға әкелуі мүмкін екендігін айғақтайды, онда диабетті ресми емдеу мақсатқа сай болып табылады. Бұл қауіп, алайда, статиндермен қантамырлық қауіптің төмендеуімен екшеледі және, демек, ол статиндермен емдеуді тоқтатуға себеп болмауы тиіс. Қауіп тобындағы пациенттер (аш қарынға глюкоза 5,6-дан 6,9 ммоль/л-ге дейін, ДСИ> 30 кг/м2, триглицеридтердің жоғарылауы, артериялық гипертензия) ұлттық ұсыныстарға сәйкес клиникалық және биохимиялық бақылауда болуы тиіс. Арнайы ескертулер Педиатрияда қолдану 10-17 жастағы балалар мен жасөспірімдерде қолдану Гетерозиготалы отбасылық гиперхолестиеринемиясы бар 10-17 жастағы балаларда (жасөспірім жастағы ер балалар, Таннер шкаласы бойынша ІІ сатысы және етеккір оралымы ең кемінде 1 жыл бұрын басталған қыз балалар) симвастатинді 40 мг дейінгі дозаларда қолданғанда жағымсыз реакциялар бейіні, жалпы алғанда, плацебо қабылдаған пациенттердегі осындайға ұқсас болатыны анықталды. 40 мг-ден астам дозалары бұл популяцияда зерттелмеген. Мұндайда жасөспірім жастағы ер балалар мен қыз балалардың өсуіне және жыныстық жетілуіне ықпалы, сондай-ақ қыз балаларда етеккір оралымының ұзақтығына ықпалы анықталған жоқ. Жасөспірім жастағы қыздарға симвастатинмен емделу кезінде контрацепцияның тиімді әдістерін қолдануға қатысты кеңес берген жөн. 18 жасқа толмаған пациенттерде 48 күннен асатын емдеу курсы кезіндегі препараттың тиімділігі және қауіпсіздігі зерттелген жоқ, ал физикалық, физикалық, зияткерлік және жыныстық дамуына қатысты зардаптары белгісіз. 10 жасқа дейінгі балаларда қолдану Симвастатинді қолдану 10 жасқа толмаған пациенттерде, сондай-ақ препубертатты жастағы балаларда және менархе басталғанға дейінгі қыз балаларда зерттелген жоқ. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Симвастатин автокөлікті және механизмдерді басқару қабілетіне ықпалын тигізбейді немесе аздап ықпалын тигізеді. Алайда автокөлікті және механизмдерді басқарған кезде постмаркетингітік кезеңде бас айналудың пайда болғаны жөнінде сирек мәлімдемелердің болғанын ескерген жөн.

Жүктілік Симвастатинді жүктілік кезінде қолдануға болмайды. Жүкті әйелдерде қауіпсіздігі анықталған жоқ. Жүкті әйелдерде симвастатиннің бақыланатын клиникалық зерттеулері жүргізілген жоқ. ГМГ-КоА-редуктаза тежегіштерінің құрсақішілік әсерінен кейін туа біткен ауытқулар туралы сирек хабарламалар алынды. Алайда, бірінші триместрде симвастатиннің немесе басқа тығыз байланысты ГМГ-КоА-редуктаза тежегішінің әсеріне ұшыраған шамамен 200 проспективті байқалған жүктілікті талдау кезінде туа біткен ауытқулардың жиілігі жалпы популяциядағы осындай жағдаймен салыстырылды. Жүктіліктің бұл саны туа біткен ауытқулардың фондық аурумен салыстырғанда 2,5 есе немесе одан да көп өсуін болдырмау үшін статистикалық тұрғыдан жеткілікті болды. Симвастатин немесе басқа бір-бірімен тығыз байланысты ГМГ-КоА редуктаза тежегішін қабылдаған пациенттердің ұрпақтарында туа біткен ауытқулардың жиілігі жалпы популяцияда байқалғаннан өзгеше екендігі туралы ешқандай дәлел болмаса да, ананы симвастатинмен емдеу холестерин биосинтезінің алғышарты болып табылатын шаранадағы мевалонат деңгейін төмендетуі мүмкін. Атеросклероз созылмалы үрдіс болып табылады және әдетте жүктілік кезінде гиполипидемиялық дәрілік заттарды қабылдауды тоқтату бастапқы гиперхолестеринемиямен байланысты ұзақ мерзімді қауіпке айтарлықтай әсер етпеуі керек. Осы себептерге байланысты симвастатинді жүкті, жүкті болуға тырысатын немесе жүкті деп күдіктенген әйелдерге қолдануға болмайды. Симвастатинмен емдеу жүктілік кезінде немесе әйелдің жүкті емес екендігі анықталғанға дейін тоқтатылуы керек. Бала емізу Симвастатин немесе оның метаболиттері емшек сүтімен бөлінетіні белгісіз. Көптеген дәрілік препараттар емшек сүтімен шығарылатындықтан және күрделі жағымсыз реакциялардың даму мүмкіндігіне байланысты, симвастатин қабылдап жүрген әйелдер бала емізбеуі керек. Қосымша заттар туралы арнайы ақпарат Вазилип® препаратының құрамында лактоза бар. Сирек тұқым қуалайтын галактоза жақпаушылығы, Lapp (ЛАПП)-лактаза ферментінің тапшылығы, глюкоза-галактоза мальабсорбциясы бар пациенттерге бұл препаратты қабылдамаған жөн.

Бірнеше механизмдер ГМГ-КоА-редуктаза тежегіштерімен потенциалды өзара әрекеттесуге ықпал етуі мүмкін. Белгілі бір ферменттерді (мысалы, CYP3A4) және/немесе тасымалдаушы ақуыздарды (мысалы, OATP1B) тежейтін дәрілік немесе өсімдік препараттары қан плазмасындағы симвастатин мен симвастатин қышқылының концентрациясын арттыруы және миопатия/ рабдомиолиз қаупінің артуына ықпал етуі мүмкін. Барлық бір мезгілде қолданылатын дәрілік препараттарды медициналық қолдану жөніндегі нұсқаулықтарға олардың симвастатинмен потенциалды өзара әрекеттесуі және/немесе ферменттерге немесе тасымалдаушы ақуыздарға потенциалды әсері туралы, сондай-ақ дозалар мен емдеу режимдерін ықтимал түзету туралы қосымша ақпарат алу үшін жүгіну керек. Өзара әрекеттесулерін білуге зерттеулер ересек пациенттердің қатысуымен ғана жүргізілді. Фармакодинамикалық өзара әрекеттесулері. Липидтердің деңгейін төмендететін, монотерапия кезінде миопатияның пайда болуына әкелуі мүмкін препараттармен өзара әрекеттесулері. Фибраттармен бір мезгілде қолданған кезде, рабдомиолизді қоса, миопатияның пайда болу қаупі жоғарылайды. Бұдан басқа, гемфиброзилмен фармакокинетикалық өзара әрекеттесу болады, ол қан плазмасында симвастатин деңгейінің жоғарылауына әкеледі. Симвастатин мен фенофибратты бір мезгілде қолданған кезде миопатия қаупі әрбір препараттың жеке қауіптерінің сомасынан асып кететіні туралы дәлелдер жоқ. Басқа фибраттарға қатысты фармакологиялық қадағалау мен фармакокинетиканың жеткілікті деректері жоқ. Миопатияның/рабдомиолиздің сирек жағдайлары липид-модификациялайтын дозаларда (тәулігіне ≥ 1 г) симвастатинді және ниацинді бір мезгілде қолданумен байланысты. Фармакокинетикалық өзара әрекеттесу Препараттардың өзара әрекеттесуі бойынша ұсыныстар кестеде келтірілген (толығырақ ақпарат мәтінде берілген). Миопатияның және (немесе) рабдомиолиздің даму қаупінің жоғарылауымен байланысты дәрілік препараттар арасындағы өзара әрекеттесу Дәрілік препараттар — Қолдану жөніндегі нұсқаулар CYP3A4 күшті тежегіштері, мысалы, Итраконазол Кетоконазол Позаконазол Вориконазол Эритромицин Кларитромицин Телитромицин АИТВ-протеаза тежегіштері (мысалы, нелфинавир) Боцепревир Телапревир Нефазодон Кобицистат Циклоспорин Даназол Гемфиброзил — Симвастатинмен қолдануға болмайды Басқа фибраттар (фенофибраттан басқа) — Тәулігіне 10 мг симвастатин дозасынан асырмау керек. Фузид қышқылы — Симвастатинмен қолдану ұсынылмайды. Ниацин (никотин қышқылы) (тәулігіне ≥ 1 г) — Азиялық тектес пациенттерге симвастатин қабылдау ұсынылмайды. Амиодарон Амлодипин Верапамил Дилтиазем Элбасвир Гразопревир — Тәулігіне 20 мг симвастатин дозасынан асырмау керек. Ломитапид — ГомоОГ бар пациенттерде симвастатин дозасынан тәулігіне 40 мг аспауы керек. Даптомицин — Егер бір мезгілде қабылдаудың пайдасы қауіптен жоғары болса, даптомицин қабылдайтын пациенттерде симвастатинді уақытша тоқтату мүмкіндігін қарастыру керек. Тикагрелор — Тәулігіне 40 мг симвастатиннен артық дозалар ұсынылмайды. Грейпфрут шырыны — Симвастатинмен емдеу кезінде грейпфрут шырынынан аулақ болу керек Басқа дәрілік препараттардың симвастатинге ықпалы CYP3A4 тежегіштеріне қатысты өзара әрекеттесулер. Симвастатин P450 3A4 цитохромының субстраты болып табылады. P450 3A4 цитохромының күшті тежегіштері симвастатинмен емдеу кезінде қан плазмасында ГМГ-КоА-редуктазаның белсенділігін тежейтін концентрацияларды арттыру арқылы миопатияның және рабдомиолиздің пайда болу қаупін ұлғайтады. Мұндай тежегіштерге итраконазол, кетоконазол, позаконазол, вориконазол, эритромицин, кларитромицин, телитромицин, АИТВ-протеаза тежегіштері (мысалы, нелфинавир), боцепревир, телапревир, нефазодон және құрамында кобицистат бар дәрілік препараттар жатады. Итраконазолды бір мезгілде қолдану симвастатин қышқылының (бета-гидроксиқышқылының белсенді метаболиті) экспозициясының 10 еседен астамға жоғарылауына әкеледі. Телитромицин симвастатин қышқылы экспозициясының 11 есе жоғарылауына әкеледі. Итраконазолмен, вориконазолмен, кетоконазолмен, позаконазолмен, АИТВ-протеаза тежегіштерімен (мысалы, нелфинавир), боцепревирмен, телапревирмен, эритромицинмен, кларитромицинмен, телитромицинмен, нефазодонмен, құрамында кобицистат бар препараттармен, сондай-ақ гемфиброзилмен, циклоспоринмен және даназолмен біріктіріп қолдануға болмайды. Егер күшті CYP3A4 тежегіштерін (AUC шамамен 5 есе немесе одан да көп арттыратын препараттар) қолдану қажет болып табылса, симвастатинмен емдеуді емдеу курсы уақытында тоқтата тұру (және баламалы статинді қолдану мүмкіндігін қарастыру) қажет. Симвастатинді CYP3A4 кейбір басқа азырақ күшті тежегіштерімен: флуконазолмен, верапамилмен немесе дилтиаземмен біріктірген кезде сақ болу керек. Флуконазол Симвастатинді және флуконазолды бір мезгілде қолданумен байланысты рабдомиолиздің сирек жағдайлары жөнінде мәлімделді. Циклоспорин Миопатияның және рабдомиолиздің жоғары даму қаупімен байланысты симвастатинді және циклоспоринді бірге қолдануға болмайды. Циклоспоринмен өзара әрекеттесу механизмі аяғына дейін зерттелген жоқ, алайда циклоспориннің ГМГ-КоА-редуктазаның AUC мәнінің артуына әкелетіні белгілі. Симвастатин қышқылының AUC жоғарылауы CYP3A4 және / немесе OATP1B1 ішінара тежеумен байланысты. Даназол Даназолды симвастатинмен бір мезгілде қолданғанда миопатия және рабдомиолиз қаупі жоғарылайды, сондықтан даназолмен бірге қолдануға болмайды. Гемфиброзил Гемфиброзил симвастатиннің AUC мәнін 1.9 есеге арттырады, бұл глюкуронизацияның және/немесе ОАТР1В1 тежелуімен байланысты болуы мүмкін. Вазилип® препаратын гемфиброзилмен бір мезгілде қолдануға болмайды. Фузидий қышқылы Рабдомиолизді қоса, миопатияның дамуының қаупі жүйелік әсері бар фузидий қышқылын статиндермен бір мезгілде қолданғанда жоғарылауы мүмкін. Бұл өзара әрекеттесудің механизмі (фармакодинамикасы және сондай-ақ фармакокинетикасы, немесе ол да және басқасы да) әзірге белгісіз. Бұл біріктірілімді қабылдаған пациенттерде рабдомиолиз туралы (оның ішінде өліммен аяқталатын) хабарланған. Бұл біріктірілімді бір мезгілде қолданғанда екі заттың да плазмадағы концентрациясының артуына әкелуі мүмкін. Егер фузидий қышқылымен ем керек болса фузидий қышқылы емінің барлық кезеңі бойына симвастатинмен емді тоқтату керек. Амиодарон Амиодаронды симвастатинмен бір мезгілде қолданғанда миопатияның және рабдомиолиздің даму қаупі жоғарылайды. Клиникалық зерттеулерде симвастатинді 80 мг дозада және амиодарон қабылдап жүрген пациенттердің 6%-да миопатия жөнінде мәлімделді. Сондықтан амиодаронды бір мезгілде қабылдап жүрген пациенттерде симвастатиннің дозасы тәулігіне 20 мг-ден аспауы тиіс. Кальций өзекшелерінің блокаторлары ● Верапамил: верапамилді 40 мг немесе 80 мг доза симвастатинмен бір мезгілде қолданғанда миопатия және рабдомиолиздің пайда болу қаупі жоғарылайды. Фармакокинетикалық зерттеулерде верапамилді бір мезгілде қолданғанда, шамамен CYP3A4 тежелуі себебінен, симвастатин қышқылы экспозициясының 2.3 есеге жоғарылағаны байқалды. Сондықтан симвастатиннің дозасы верапамилді бір мезгілде қабылдап жүрген пациенттерде тәулігіне 20 мг-ден аспауы тиіс. ● Дилтиазем: дилтиаземді 80 мг доза симвастатинмен бір мезгілде қолданғанда миопатияның және рабдомиолиздің пайда болу қаупі жоғарылайды. Фармакокинетикалық зерттеуде дилтиаземді бір мезгілде қабылдау CYP3A4 тежелуіне байланысты симвастатин қышқылының әсерінің 2,7 есе артуын туындатты деген болжам бар. Сондықтан симвастатиннің дозасы дилтиаземді бір мезгілде қабылдап жүрген пациенттерде тәулігіне 20 мг-ден аспауы тиіс. ● Амлодипин: амлодипинмен ем алып жүрген және симвастатинді бір мезгілде қабылдап жүрген пациенттерде миопатия дамуының жоғары қаупі болады. Фармакокинетикалық зерттеулерде амлодипинді бір мезгілде енгізу симвастатин қышқылы әсерінің 1,6 есеге жоғарылауына әкелді. Сондықтан амлодипинмен қатарлас қабылдап жүрген пациенттерде симвастатиннің дозасы тәулігіне 20 мг аспауы тиіс. Ломитапид Миопатия және рабдомиолиз даму қаупі ломитапидті симвастатинмен бір мезгілде қолданғанда артуы мүмкін. симвастатиннің дозасы тұқым қуалайтын гомозиготалы гиперхолестеринемиясы (гомоОГ) бар пациенттерде ломитадпен бірге қолданғанда тәулігіне 40 мг-ден аспауы тиіс. Тикагрелор Тикагрелорды симвастатинмен бір мезгілде қолдану симвастатиннің Cmax 81% және AUC 56% арттырды, сондай-ақ симвастатин қышқылының Cmax 2-3 есе ұлғайта отырып, 64% және AUC 52% ұлғайтты. Тикагрелорды тәулігіне 40 мг-ден асатын симвастатин дозаларымен бір мезгілде қолдану симвастатиннің жағымсыз реакцияларын тудыруы мүмкін, сондықтан оны потенциалды пайдасымен салыстыру керек. Симвастатин қан плазмасындағы тикагрелор деңгейіне әсер етпеді. Тикагрелорды дозалары 40 мг асатын симвастатинмен бір мезгілде қабылдау ұсынылмайды. CYP3A4 орташа тежегіштері Симвастатинмен бір мезгілде CYP3A4 орташа тежегіш әсері бар басқа дәрілік заттар қабылдап жүрген пациенттерде миопатияның жоғары қаупі болуы мүмкін (әсіресе симвастатиннің өте жоғары дозаларын қабылдағанда). OATP1B1 тасымалдаушы ақуыздың тежегіштері Симвастатин қышқылы тасымалдаушы ақуыздың субстраты OATP1B1 болып табылады. Тасымалдаушы ақуыздың OATP1B1 тежегіштері болып табылатын дәрілік препараттарды қатарлас қабылдау плазмада симвастатин қышқылының концентрациясы артуына және миопатияның даму қаупі ұлғаюына әкелуі мүмкін. Сүт безі обырына төзімділіктің тежегіштері (BCRP) Құрамында элбасвир немесе гразопревир болатын препараттарды қоса, BCRP тежегіштері болып табылатын дәрілік препараттарды қатарлас қабылдау плазмада симвастатин концентрациясының артуына және миопатияның даму қаупі ұлғаюына әкелуі мүмкін. Ниацин (никотин қышқылы) Миопатияның/рабдомиолиздің сирек жағдайлары симвастатинді және ниацинді (никотин қышқылы) липид-модификациялайтын дозаларда (тәулігіне ≥ 1 г) бір мезгілде қолданумен байланысты болды. Фармакокинетикалық зерттеулерде никотин қышқылының бір реттік дозасын босап шығуы ұзаққа созылатын қышқылмен (2 г дозада) және симвастатинді 20 мг дозада бір мезгілде қолданғанда симвастатиннің және симвастатин қышқылының AUC мәнінің, сондай-ақ қан плазмасында симвастатин қышқылының Сmax көрсеткіштерінің орташа жоғарылауы байқалды. Грейпфрут шырыны Грейпфрут шырыны құрамында P450 3A4 цитохромын тежейтін компоненттер бар. Грейпфрут шырыны мен симвастатиннің көп мөлшерін (тәулігіне 1 литрден астам) бір мезгілде қабылдау симвастатин қышқылының әсерінің 7 есе артуына әкелді. Таңертең 240 мл грейпфрут шырынын және кешке симвастатинді қабылдау да 1,9 есе өсті. Сондықтан симвастатинмен емдеу кезінде грейпфрут шырынын ішуден аулақ болу керек. Колхицин Бүйрек функциясы жеткіліксіздігі бар пациенттерде колхицинді және симвастатинді бір мезгілде қолданғанда миопатия және рабдомиолиз жағдайлары жөнінде мәлімделді. Мұндай пациенттерде біріктірілімді қолданған кезде мұқият клиникалық мониторингті жиі жүргізу ұсынылады. Даптомицин ГМГ-КоА-редуктаза тежегіштерін (мысалы, симвастатин) және даптомицинді бір мезгілде қолданғанда миопатияның және/немесе рабдомиолиздің даму қаупі артуы мүмкін. Рифампицин Рифампицин CYP3A4 күшті индукторы болып табылатындықтан, рифампицинді ұзақ уақыт қабылдап жүрген пациенттерде (мысалы, туберкулезді емдеу үшін), симвастатин тиімді болмауы мүмкін. Дені сау еріктілердің қатысуымен жүргізілген фармакокинетикалық зерттеуде рифампицинді бір мезгілде қолданған кезде симвастатин қышқылының «концентрация-уақыт» қисығының (AUC) астындағы аудан мәндері 93% - ға төмендетілді. Симвастатиннің басқа дәрілік препараттардың фармакокинетикасына ықпалы Симвастатин P450 3A4 цитохромына тежегіш әсер бермейді. Сондықтан симвастатин қан плазмасында P450 3A4 цитохромы арқылы метаболизденетін препараттардың концентрацияларына ықпалын тигізеді деп күтілмейді. Пероральді антикоагулянттар Екі клиникалық зерттеуде, біреуі дені сау тұлғалардың қатысуымен, екіншісі гиперхолестеринемиясы бар пациенттердің қатысуымен жүргізілген екі клиникалық зерттеуде симвастатин тәулігіне 20-40 мг дозаларда кумаринді антикоагулянттардың әсерін орташа күшейтті: халықаралық қалыптасқан қатынаста (ХҚҚ) білінген протромбин уақыты, бастапқы көрсеткіштермен салыстырғанда, дені сау еріктілерде 1,7-1,8 есеге дейін және гиперхолестеринемиясы бар пациенттерде 2,6-3,4 есеге артты. ХҚҚ жоғарылауының өте сирек жағдайлары туралы хабарланды. Кумаринді антикоагулянттарды қабылдап жүрген пациенттерде протромбин уақытын симвастатинмен емдеуді бастар алдында және, протромбин уақытына елеулі ықпалының жоқтығына көз жеткізу үшін, емдеудің бас кезінде мұны жиі анықтаған жөн. Егер протромбин уақыты өзгермесе, онда әрі қарай осы көрсеткішті әдетте кумаринді антикоагулянттарды қабылдап жүрген пациенттер үшін ұсынылған аралықпен тексереді. Егер симвастатиннің дозасын өзгертсе немесе препаратты қолдануды тоқтатса, сол емшараны қайталаған жөн. Симвастатинді қолдану анткогулянттарды қабылдамаған пациенттерде қан кетудің пайда болуымен немесе протромбин уақытының өзгерулерімен астаспайды.

Сақтау мерзімі 3 жыл. Жарамдылық мерзімі өткеннен кейін қолдануға болмайды! Сақтау шарттары Түпнұсқалық қаптамасында, 30 С-ден аспайтын температурада сақтау керек. Балалардың қолы жетпейтін жерде сақтау керек!