Валавир® таблетки 500 мг

Бір таблетканың құрамында белсенді зат- валацикловир гидрохлориді - 556 мг, 100% сусыз затқа валацикловирге шаққанда - 500 мг; қосымша заттар: микрокристалды целлюлоза (101), повидон, сусыз коллоидты кремнийдің қостотығы, кросповидон, магний стеараты; қабықтың құрамы: Sepifilm 050: метилгидроксипропилцеллюлоза, микрокристалды целлюлоза, ацетилденген (немесе күрделі эфир ацетаттары) моно- және диглицеридтер; кандурин: калий-алюминий силикаты (Е 555), титанның қостотығы (Е 171). Сыртқы түрінің, иісінің, дәмінің сипаттамасы Ұзынша пішінді, екі беті дөңес, сызығы бар, ақ дерлік, үлбірлі перламутр қабықпен қапталған таблеткалар.

Varicella zoster (VZV) вирусы туындатқан инфекциялар - белдемелі герпес. Валавир® ересек иммунокомпетентті пациенттерде белдемелі герпесті (белдемелі теміреткі) және офтальмогерпесті емдеуге арналған. Валавир® жеңіл немесе орташа иммун тапшылығы бар ересек пациенттерде белдемелі герпесті емдеу үшін көрсетілген. Қарапайым герпес вирусы (ҚГВ) туындатқан инфекциялар Валавир® ҚГВ туындатқан тері және шырышты қабық инфекцияларын емдеу және бәсеңдету үшін қолданылады, оған қоса: • иммунокомпетентті ересектер мен жасөспірімдерде, сонымен қатар иммунитеті төмендеген ересектерде алғаш анықталған генитальді герпесті емдеу • иммунокомпетентті ересектер мен жасөспірімдерде, сонымен қатар иммунитеті төмендеген ересектерде қайталанған генитальді герпесті емдеу • иммунокомпетентті ересектер мен жасөспірімдерде, сондай-ақ иммунитеті төмендеген ересектерде генитальді герпестің қайталануын бәсеңдету Иммунокомпетентті ересектер мен жасөспірімдерде, сондай-ақ иммунитеті төмен ересектерде ҚГВ көз инфекцияларының қайталануын емдеу және бәсеңдету. АИТВ-инфекциясынан басқа себептер бойынша иммундалған ҚГВ бар пациенттерде клиникалық зерттеулер жүргізілген жоқ. Цитомегаловирустық (ЦМВ) инфекциялар Валавир® ересектер мен жасөспірімдерде ағзаларды трансплантациялау кезінде туындайтын цитомегаловирустық инфекцияның (ЦМВ) профилактикасы үшін арналған.

АТХ қоды J05AB11. Әсер ету механизмі Валавир – вирусқа қарсы препарат, пуриндік (гуанин) нуклеозидтің аналогы болып табылатын ацикловирдің L-валиндік эфирі. Адам организмінде валацикловир тез және толығымен дерлік валацикловир гидролазасының көмегімен ацикловирге және валинге айналады. Ацикловир – І және ІІ типті қарапайым герпес вирустарына, Varicella zoster вирусына, цитомегаловирусқа, Эпштейн-Барр вирусына және VI типті адамның герпес вирусына қарсы in vitro белсенділігі герпес вирустарының спецификалық тежегіші. Ацикловир вирустық ДНҚ синтезін фосфорланғаннан және ацикловир трифосфатының белсенді түріне айналғаннан кейін бірден тежейді. Фосфорланудың бірінші сатысында вирус-спецификалық ферменттің белсенділігі қажет. Қарапайым герпес вирусы, Varicella zoster вирусы және Эпштейн-Барр вирусы үшін бұл вирус жұқтырған жасушаларда ғана болатын вирустық тимидинкиназа (ТК). Фосфорланудың ішінара селективтілігі цитомегаловирустық инфекция кезінде сақталады және UL97 фосфотрансфераза генінің өнімі арқылы өтеді. Ацикловирді спецификалық вирустық ферментпен белсендіру оның селективтілігін айтарлықтай түсіндіреді. Ацикловирдің фосфорлану процесі (монодан - трифосфатқа айналу) жасушалық киназалармен жүзеге асырылады. Ацикловир трифосфаты вирустық ДНҚ полимеразасын бәсекеге қабілетті түрде тежейді және вирустық ДНҚ-ға енеді, бұл тізбектің облигатты (толық) үзілуіне, ДНҚ синтезінің тоқтауына және осылайша вирус репликациясының бөгелуіне әкеледі. Вирустың тимидинкиназасының тапшылығынан туындаған резистенттілік вирустың қожайын организмде шамадан тыс таралуына әкеледі. Кейде ацикловирге сезімталдықтың төмендеуі вирустық ТК немесе ДНҚ полимераза құрылымы бұзылған вирус штамдарының пайда болуымен байланысты. Вирустың осы түрлерінің вируленттілігі оның жабайы штаммын еске түсіреді. Ацикловирмен емделген науқастарда қарапайым герпес вирусының және Varicella zoster вирусының клиникалық изоляттарын кеңінен мониторингтеу иммунитеті қалыпты науқастарда ацикловирге сезімталдығы төмендеген вирус өте сирек кездесетінін және иммунитеті ауыр бұзылған науқастарда, мысалы, ағзаларды трансплантациялаудан кейін немесе сүйек кемігінің реципиенттерінде, қатерлі жаңа түзілімдерге және АИТВ жұқтырғандарға химиотерапия жүргізу кезінде жиі көрінбейтінін анықтауға мүмкіндік берді. Валацикловир белдемелі герпесті емдеу кезінде ауырсынуды тоқтатуды жеделдетеді, ауырсыну синдромының ұзақтығын, сондай-ақ зостермен астасқан ауырсынумен, оның ішінде жедел және постгерпестік невралгиямен ауыратын науқастардың санын азайтады. Валацикловирдің көмегімен цитомегаловирустық инфекцияның профилактикасы трансплантаттың жедел қабылдамай ажырау қаупін (бүйректі ауыстырып салғаннан кейінгі науқастар), оппортунистік инфекциялардың және герпес вирусы (қарапайым герпес вирусы және Herpes zoster вирусы) тудыратын басқа инфекциялардың пайда болу жиілігін азайтады.

Дозалау режимі Varicella zoster (VZV) вирусы туындатқан инфекциялар - белдемелі герпес және офтальмогерпес Пациенттерге белдемелі герпесті диагностикалағаннан кейін емдеуді мүмкіндігінше тезірек бастау ұсынылады. Белдемелі бөртпе пайда болғаннан кейін 72 сағаттан астам уақыттан кейін басталған емдеу туралы деректер жоқ. Иммунокомпетентті ересектер Иммунокомпетентті пациенттер үшін доза 7 күн ішінде тәулігіне 3 рет 1000 мг құрайды (жалпы тәуліктік доза 3000 мг). Бұл дозаны креатинин клиренсіне сәйкес азайту керек. Иммунитеті төмен ересектер Иммунитеті төмен пациенттер үшін доза кемінде 7 күн бойы және қатайған қыртыспен жабылған зақымданудан кейін 2 күн ішінде тәулігіне 3 рет 1000 мг (жалпы тәуліктік доза 3000 мг) құрайды. Бұл доза креатинин клиренсіне сәйкес азайтылуы тиіс. Иммунитеті төмен пациенттерде вирусқа қарсы емдеу қазіргі уақытта күлдіреуіктер пайда болғаннан кейін (везикулалардың пайда болуы) бір апта ішінде немесе қатайған қыртыспен жабылған толық зақымданудан кейін кез келген уақытта пайда болатын пациенттерге ұсынылады. Ересектер мен жасөспірімдерде (≥12 жас) ҚГВ туындатқан инфекцияларды емдеу Иммунокомпетентті ересектер мен жасөспірімдер (≥ 12 жас) Валавир® 500 мг дозада тәулігіне 2 рет (жалпы тәуліктік доза 1000 мг) тағайындалады. Бұл дозаны креатинин клиренсіне сәйкес азайту керек. Қайталану жағдайында емдеу 3 немесе 5 күнге созылуы тиіс. Анағұрлым ауыр бастапқы жағдайларда емдеуді мүмкіндігінше ертерек бастау керек және оның ұзақтығы 10 күнге дейін ұзартылуы тиіс. ҚГВ қайталанған кезде продромальді кезеңде немесе аурудың алғашқы симптомдары пайда болғаннан кейін бірден Валавир® препаратын тағайындау өте орынды болып саналады. Валавир® ҚГВ қайталануының алғашқы белгілері мен симптомдары кезінде қабылдағанда зақымданудың дамуына жол бермейді. Лабиальді герпес (ерін қызбасы) Лабиальді герпесті (ерін қызбасын) емдеуге балама ретінде Валавир® препаратын бір күн ішінде екі рет 2000 мг дозада тағайындаған тиімді. Екінші дозаны бірінші дозаны қабылдағаннан кейін шамамен 12 сағаттан кейін (бірақ 6 сағаттан ерте емес) қабылдау керек. Бұл дозаны креатинин клиренсіне сәйкес азайту керек. Осындай дозалау режимін пайдаланған кезде емдеу ұзақтығы бір күннен аспауы тиіс, өйткені бұл көрсетілгендей қосымша клиникалық артықшылықтар бермейді. Емді ерін қызбасының ең ерте симптомдары (яғни, қышыну, күйдіру, ашыту) пайда болған кезде бастау керек. Иммунитеті төмен ересектер Иммунитеті төмен ересектердегі ҚГВ емдеу үшін доза клиникалық жағдайдың ауырлық дәрежесін және пациенттің иммунологиялық статусын бағалағаннан кейін кемінде 5 күн ішінде тәулігіне 2 рет 1000 мг құрайды. Анағұрлым ауыр бастапқы жағдайларда емдеуді мүмкіндігінше ертерек бастау керек және оның ұзақтығы 10 күнге дейін ұзартылуы тиіс. Бұл дозаны креатинин клиренсіне сәйкес азайту керек. Ең жоғары клиникалық пайда үшін емдеуді 48 сағат ішінде бастау керек. Зақымданудың дамуын қатаң бақылау ұсынылады. Ересектер мен жасөспірімдерде (≥ 12 жас), қарапайым герпес вирусы (ҚГВ) инфекцияларының қайталануын бәсеңдету Иммунокомпетентті ересектер мен жасөспірімдер (≥ 12 жас) Валавир® тәулігіне 1 рет 500 мг дозада тағайындалады. Өте жиі қайталанулары бар кейбір пациенттер (терапия болмаған кезде ≥ 10 / жыл) бөлінген доза ретінде қабылданатын күнделікті 500 мг дозадан (тәулігіне 2 рет 250 мг) қосымша пайда алуы мүмкін. Бұл доза креатинин клиренсіне сәйкес азайтылуы тиіс. Емдеуді 6-12 айлық терапиядан кейін қайта қарау керек. Иммунитеті төмен ересектер Валавир® тәулігіне 2 рет 500 мг дозада тағайындалады. Бұл дозаны креатинин клиренсіне сәйкес азайту керек. Емдеуді 6-12 айлық терапиядан кейін қайта қарау керек. Ересектер мен жасөспірімдердегі (≥12 жас), цитомегаловирустық (ЦМВ) инфекцияның және аурулардың профилактикасы Валавир® препаратын 2000 мг дозада тәулігіне 4 рет, трансплантациядан кейін мүмкіндігінше ертерек тағайындау ұсынылады. Дозаны креатинин клиренсіне байланысты төмендету керек. Емдеу ұзақтығы 90 күнді құрайды, бірақ қаупі жоғары науқастарда емдеу ұзағырақ болуы мүмкін. Пациенттердің ерекше топтары Балалар 12 жасқа дейінгі балалардағы Валавир® препаратының тиімділігі бағаланбады. Егде жастағы пациенттер Бүйрек функциясының елеулі бұзылуын қоспағанда, дозаны түзету талап етілмейді. Су-электролиттік теңгерімді талапқа сай демеу қажет. Бауыр жеткіліксіздігі бар пациенттер Ересек пациенттерде Валавир® препаратының 1000 мг дозасымен жүргізілген зерттеулер бауырдың жеңіл және орташа айқын циррозы бар пациенттерде (бауырдың синтетикалық функциясы сақталған) Валавир® дозасын түзету талап етілмейтінін көрсетеді. Бауырдың ауыр циррозы бар ересек пациенттердегі фармакокинетикалық деректер (бауырдың синтетикалық функциясының бұзылуы және порталдық жүйе мен жалпы қантамыр арнасы арасында шунттардың болуы) Валавир® препаратының дозасын түзету қажеттілігін көрсетпейді, алайда оны осы патологияда клиникалық қолдану тәжірибесі шектеулі. Одан жоғары дозалар үшін (тәулігіне 4000 мг немесе одан көп). 1-кесте Бүйрек жеткіліксіздігі кезіндегі дозаны түзету Емдік көрсетілімдер — Креатинин клиренсі, мл/мин — Валавир® дозасыa Varicella zoster (VZV) вирусы туындатқан инфекциялар - белдемелі герпес Иммунитеті қалыпты және иммун тапшылығы бар ересектерде белдемелі герпесті (белдемелі теміреткі) емдеу — 50 және одан да көп 30-дан 49-ға дейін 10-нан 29-ға дейін 10-нан аз — тәулігіне 3 рет 1000 мг тәулігіне 2 рет 1000 мг тәулігіне 1 рет 1000 мг тәулігіне 1 рет 500 мг Қарапайым герпес вирусы (ҚГВ) туындатқан инфекциялар Қарапайым герпес вирусы (ҚГВ) туындатқан инфекцияларды емдеу - иммунитеті қалыпты ересектер мен жасөспірімдерде — 30 және одан көп 30-дан аз — тәулігіне 2 рет 500 мг тәулігіне 1 рет 500 мг иммун тапшылығы бар ересектерде — 30 және одан көп 30-дан аз — тәулігіне 2 рет 1000 мг тәулігіне 1 рет 1000 мг Иммунокомпетентті ересектер мен жасөспірімдерде еріннің герпесін емдеу (ерінге суық тию) (баламалы 1 күндік режим) — 50 және одан көп 30-дан 49-ға дейін 10-нан 29-ға дейін 10-нан аз — 1 күн ішінде екі рет 2000 мг 1 күн ішінде екі рет 1000 мг 1 күн ішінде екі рет 500 мг 500 мг бір рет Қарапайым герпес профилактикасы (супрессия): - иммунитеті қалыпты ересектер мен жасөспірімдер — 30 және одан көп 30-дан аз — тәулігіне 1 рет 500 мг b тәулігіне 1 рет 250 мг - иммунитеті төмен ересек пациенттер — 30 және одан көп 30-дан аз — тәулігіне 2 рет 500 мг тәулігіне 1 рет 500 мг Цитомегаловирустық (ЦМВ) инфекцияның профилактикасы Ересектер мен жасөспірімдерде ЦМВ инфекциясының профилактикасы — 75 және одан көп 50-ден <75-ке дейін 25-тен <50-ге дейін 10-нан <25-ке дейін < 10 немесе диализ* — тәулігіне 4 рет 2000 мг тәулігіне 4 рет 1500 мг тәулігіне 3 рет 1500 мг тәулігіне 2 рет 1500 мг тәулігіне 1 рет 1500 мг a Гемодиализ жүргізілетін пациенттерге доза диализ күндерінде диализден кейін берілуі тиіс. b ≥10 қайталану/ жыл тарихы бар иммунокомпетентті субъектілерде ҚГВ бәсеңдету үшін ең жақсы нәтижелерді тәулігіне 2 рет 250 мг-мен алуға болады. Бүйрек жеткіліксіздігі бар пациенттер Бүйрек функциясы бұзылған пациенттерге Валавир® препаратын тағайындау кезінде сақ болу керек. Су-электролиттік теңгерімді талапқа сай демеу қажет. Бүйрек функциясы бұзылған науқастардағы Валавир® препаратын тағайындау режимі төмендегі 1-кестеге сәйкес белгіленуі тиіс. Гемодиализ жүргізілетін пациенттерге гемодиализ сеансы аяқталғаннан кейін бірден Валавир® қолдану ұсынылады. Креатинин клиренсін жиі анықтау қажет, әсіресе бүйрек функциясы тез өзгеретін кезеңдерде, мысалы, трансплантациядан кейін немесе трансплантаттың бітісуі кезінде, бұл ретте Валавир® препаратының дозасы креатинин клиренсінің көрсеткіштеріне сәйкес түзетіледі. Енгізу әдісі мен жолы Ішке қабылдауға арналған. Таблеткаларды жеткілікті мөлшерде сұйықтықпен (бір стақан су) ішу керек. Валавир® препаратын тамақтануға қарамастан қабылдауға болады.

• валацикловирге, ацикловирге және препараттың құрамына кіретін кез келген қосымша ингредиентке аса жоғары сезімталдық • балалар және 18 жасқа дейінгі жасөспірімдер (офтальмогерпесті қоса, белдемелі теміреткіні емдеу • иммунитеті төмендеген пациенттерде ҚГВ-ден туындаған инфекциялар қайталануының профилактикасы (супрессия) • генитальді герпес жұқтыруының профилактикасы • 12 жасқа дейінгі балалар (ЦМВ инфекцияларының профилактикасы)

Клиникалық сынақтар барысында Валавир® препаратымен ем алатын пациенттерде кем дегенде бір жағдайда байқалатын ең көп жалпы жағымсыз реакциялар (ЖР) бас ауыруы және жүрек айнуы болды. Тромбоздық тромбоцитопениялық пурпура/ гемолиздік уремиялық синдром, бүйректің жедел жеткіліксіздігі және неврологиялық бұзылыстар және DRESS синдромы сияқты анағұрлым ауыр ЖР (4.4 бөлімді қараңыз) нұсқаулықтың басқа бөлімдерінде толығырақ келтірілген. Жағымсыз әсерлер анатомиялық-физиологиялық жіктелуіне және кездесу жиілігіне байланысты төменде келтірілген. Егер сынақтарда валацикловирмен байланысы бар дәлелдемелер болса, клиникалық сынақ деректері ЖР жиілік санаттарын тағайындау үшін пайдаланылды. Маркетингтен кейінгі тәжірибе негізінде анықталған, бірақ клиникалық сынақтарда байқалмаған ЖР үшін нүктелік бағалаудың ең консервативті мәні («үш ереже») ЖР жиілік санатын тағайындау үшін пайдаланылды. Маркетингтен кейінгі және клиникалық сынақтарда байқалатын тәжірибелерден валацикловирмен байланысты ретінде сәйкестендірілген ЖР үшін зерттеу жиілігі ЖР жиілік санатын тағайындау үшін пайдаланылды. Клиникалық зерттеулердің қауіпсіздігі туралы мәліметтер базасы бірнеше белгілерді қамтитын клиникалық зерттеулерде валацикловир қабылдаған 5855 субъектіге негізделген (белдемелі герпесті емдеу, генитальді герпесті емдеу/бәсеңдету және герпесті емдеу). Клиникалық сынақтар деректері Жүйке жүйесі тарапынан бұзылулар Өте жиі: • бас ауыруы Асқазан-ішек жолы тарапынан бұзылулар Жиі: • жүрек айнуы Маркетингтен кейінгі деректер Қан түзу және лимфа жүйесі тарапынан бұзылулар Жиі емес: • лейкопения, тромбоцитопения Лейкопенияның пайда болуы негізінен иммунитеті төмен пациенттерде байқалады. Иммундық жүйе тарапынан бұзылулар Сирек: • анафилаксия Психика және жүйке жүйесі тарапынан бұзылулар Жиі: • бас айналуы Жиі емес: • сананың шатасуы, елестеулер, ақыл-ой қабілетінің төмендеуі, тремор, қозу Сирек: • атаксия, дизартрия, құрысулар, энцефалопатия, коматозды жағдай, психоздық симптомдар, сандырақ Неврологиялық бұзылыстар, кейде ауыр, энцефалопатиямен байланысты болуы мүмкін және сананың шатасуын, қозуды, құрысуларды, елестеулерді, команы қамтиды. Бұл оқиғалар әдетте қайтымды және әдетте бүйрек жеткіліксіздігі бар немесе басқа бейімділік факторлары бар пациенттерде байқалады (4.4 бөлімін қараңыз). ЦМВ алдын алу үшін Валавир® жоғары дозаларын (тәулігіне 8000 мг) қабылдайтын ағза трансплантациясы бар пациенттерде неврологиялық реакциялар басқа көрсетілімдер үшін қолданылатын төмен дозалармен салыстырғанда жиі пайда болды. Тыныс алу жүйесі, кеуде қуысы ағзалары және көкірек ортасы тарапынан бұзылулар Жиі емес: • ентігу Асқазан-ішек жолы тарапынан бұзылулар Жиі: • құсу • диарея Жиі емес: • іштегі жайсыздық Гепатобилиарлық жүйе тарапынан бұзылулар Жиі емес: • кейде гепатиттің көрінісі ретінде бағаланатын бауыр функциясының (мысалы, билирубин, бауыр ферменттері) қайтымды жоғарылауы Тері және тері асты тіндері тарапынан бұзылулар Жиі: • бөртпе, соның ішінде фотосезімталдық реакциялары • қышыну Жиі емес: • есекжем Сирек: • ангионевроздық ісіну (Квинке ісінуі) Белгісіз: Эозинофилиямен және жүйелі симптомдармен жүретін дәрілік реакция (DRESS) (4.4 бөлімін қараңыз) Бүйрек және несеп шығару жолдары тарапынан бұзылулар Жиі емес: • бүйрек аймағындағы ауырсыну, гематурия (көбінесе басқа бүйрек құбылыстарымен байланысты) Сирек: • бүйрек функциясының бұзылуы, бүйректің жедел жеткіліксіздігі (әсіресе егде жастағы адамдарда және бүйрек функциясы бұзылған, ұсынылғаннан асатын дозаларды алатын пациенттерде) Белгісіз: • бүйректің қабынуы (тубулоинтерстициальды нефрит) Бүйрек ауыруы бүйрек жеткіліксіздігімен байланысты болуы мүмкін. Ацикловир кристалдарының интратубулярлық преципитациясы туралы есептер де бар. Емдеу кезінде сұйықтықтың жеткілікті мөлшерде қабылдануын қамтамасыз ету керек. (4.4 бөлімін қараңыз). Халықтың арнайы топтары туралы қосымша ақпарат. Иммунитеттің ауыр бұзылулары бар ересектерде, әсіресе иммун тапшылығы бар пациенттерде, әсіресе ұзақ уақыт бойы валацикловирдің жоғары дозаларын (күн сайын 8000 мг) алатын ЖИТС асқынған сатысы бар пациенттерде бүйрек жеткіліксіздігі, микроангиопатиялық гемолиздік анемия және тромбоцитопения (кейде біріктірілімде) жағдайлары байқалды. Осындай асқынулар сол сияқты аурулары бар, бірақ валацикловир қабылдамайтын пациенттерде байқалды. Өте сирек: • тромбоцитопениялық акроангиотромбоз (тромбоцитопениялық тромбогемолиздік пурпура), гемолитиздік-уремиялық синдром Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары мен белгілері Бүйректің жедел жеткіліксіздігі және неврологиялық симптомдар, соның ішінде сананың шатасуы, елестеулер, қозу, сананың төмендеуі және кома, валацикловирмен артық дозаланған пациенттерде тіркелді. Жүрек айнуы мен құсу да пайда болуы мүмкін. Кездейсоқ артық дозаланудың алдын алу үшін абай болу керек. Тіркелген жағдайлардың көпшілігі бүйрек жеткіліксіздігімен және дозаны тиісті төмендетудің болмауына байланысты қайталанатын артық дозалануды алатын егде жастағы пациенттермен байланысты болды. Емі уытты әсер ету белгілерін анықтау үшін науқастар мұқият бақылауда болуы керек. Гемодиализ ацикловирдің қаннан шығарылуын едәуір күшейтеді, сондықтан симптоматикалық артық дозалану жағдайында емдеу әдісі ретінде қарастырылуы мүмкін.

Эозинофилиямен және жүйелі симптомдармен жүретін дәрілік реакция (DRESS). Валацикловирді қолданған кезде өмірге қауіп төндіретін немесе өліммен аяқталуы мүмкін DRESS-синдромның болуы туралы хабарланған. Валацикловирді тағайындаған кезде пациенттерге DRESS-синдромның белгілері мен симптомдары туралы хабарлау және терінің ықтимал реакцияларын мұқият бақылау керек. Егер DRESS-синдромын растайтын белгілер мен симптомдар пайда болса, валацикловирді дереу тоқтатып, қажет болса баламалы емдеуді қарастыру керек. Егер пациентте DRESS-синдромы дамыған болса, осы пациентке валацикловирмен емдеуді жалғастыруға болмайды. Организмнің гидратация дәрежесі Дегидратация қаупі бар пациенттерде, әсіресе егде жастағы пациенттерде сұйықтықтың орнының талапқа сай толтырылуын қамтамасыз ету қажет. Бүйрек жеткіліксіздігінде және егде жастағы пациенттерде қолданылуы Ацикловир көбіне бүйрек арқылы шығарылады, сондықтан валацикловир дозасы бүйрек жеткіліксіздігі бар пациенттерде төмендетілуі тиіс. Егде жастағы пациенттерде бүйрек функциясының төмендеу ықтималдығы бар және осыған байланысты пациенттердің осы тобында тағайындалған дозаны түзетудің орындылығын қарастыру қажет. Егде жастағы пациенттер де, бүйрек жеткіліксіздігі бар пациенттер де неврологиялық реакциялардың даму қаупіне ұшырауы жоғары және осы әсерлердің болуына мұқият бақылануы керек. Тіркелген жағдайларда бұл реакциялар әдетте қайтымды болды және емдеуді тоқтатқаннан кейін кетіп қалады. Бауыр жеткіліксіздігінде және бауыр трансплантациясында валацикловирдің өте жоғары дозаларын қолдану Бауыр ауруы бар науқастарда валацикловирді өте жоғары дозаларда (күніне 4000 мг немесе одан да көп) қолдану туралы деректер жоқ. Бауырды ауыстырып салу кезінде валацикловирдің әсерін зерттеу бойынша нақты зерттеулер жүргізілген жоқ, сондықтан бұл пациенттерге 4000 мг-ден асатын тәуліктік дозаларды тағайындағанда сақ болу керек. Белдемелі герпесті емдеу үшін қолдану Клиникалық реакцияларға, әсіресе иммунитеті төмендеген пациенттерде мұқият мониторинг жүзеге асырылуы тиіс. Егер пероральді қабылдауға қатысты реакция жеткіліксіз болса, онда венаішілік вирусқа қарсы ем қолдану туралы мәселені қарастыру керек. Белдемелі герпес асқынған пациенттер, яғни висцеральді ағзалар зақымданған, таралған белдемелі теміреткімен, қимыл қозғалыс нейропатияларымен, энцефалитпен және цереброваскулярлы асқынулары бар адамдар венаішілік вирусқа қарсы ем пайдалана отырып емдеуден өтуі тиіс. Сонымен қатар, офтальмиялық белдемелі герпеспен ауыратын иммунитеті әлсіреген пациенттер немесе аурудың таралу қаупі жоғары және ішкі ағзалары зақымдалған пациенттер венаішілік вирусқа қарсы ем алуы керек. Генитальді герпесте қолданылуы Пациенттерге вирусқа қарсы препаратпен емдеу басталған болса да, симптомдар болған кезде жыныстық қатынасқа түспеу ұсынылады. Вирусқа қарсы агенттермен супрессиялық емдеу кезінде вирустың таралу жиілігі едәуір төмендейді. Дегенмен, берілу қаупі әлі де мүмкін. Сондықтан валацикловирмен емдеу қауіпсіз жыныстық қатынаспен бірге ұсынылады. Офтальмиялық ҚГВ емдеу үшін қолдану Мұндай пациенттерде клиникалық реакциялардың мұқият мониторингі жүзеге асырылуы тиіс. Егер пероральді қабылдауға қатысты реакция жеткіліксіз болса, онда венаішілік вирусқа қарсы ем қолдану туралы мәселені қарастыру керек. ЦМВ инфекцияларын емдеу үшін қолдану Валацикловирдің трансплантация (~200) жүргізілген, ЦМВ (мысалы, ЦМВ-ге реакциясы оң донор/ЦМВ-ге реакциясы теріс реципиент немесе антитимоциттік глобулинмен индукциялық емді пайдалану кезінде) байланысты аурудың жоғарғы қаупіне ұшыраған пациенттерге тиімділігі бойынша деректер валацикловирді мұндай пациенттерді емдеу үшін потенциалды пайда валганцикловирді немесе ганцикловирді пайдаланудың потенциалды қаупінен басым болған жағдайда ғана пайдалану керектігін көрсетеді. ЦМВ профилактикасы үшін қажетті валацикловирдің жоғарғы дозасы басқа көрсетілімдердегі төменірек дозаларды қолданған жағдайларға қарағанда ОЖЖ тарапынан болатын бұзылуларды қоса жиірек жағымсыз әсерлер туындатуы мүмкін. Пациенттерге қолданылатын дозаны тиісінше түзете отырып бүйрек функциясының өзгерістеріне мұқият мониторинг жүргізіп отыру қажет.

Жүктілік Валацикловирді қолдану туралы деректердің шектеулі көлемі және ацикловирді жүктілік кезінде пайдалану туралы деректердің орташа көлемі валацикловир әсеріне ұшыраған немесе ацикловирді пероральді немесе вена ішіне енгізу (валацикловирдің белсенді метаболиті) әсеріне ұшыраған әйелдерде жүктілік нәтижелері құжатталған жүктілік тізілімдерінен қолжетімді 111 және 1246 (тиісінше жүктіліктің бірінші триместрінде әсеріне ұшыраған 29 және 756) нәтиже және постмаркетингтік зерттеу тәжірибесі ақаулардың немесе фето/неонаталдық уыттылықтың жоқтығын көрсетеді. Жануарларға жүргізілген зерттеулер валацикловир үшін репродуктивті уыттылықты көрсетпейді. Валацикловирді жүктілік кезінде емдеудің ықтимал пайдасы потенциалды қауіптен асып кеткен жағдайда ғана қолдану керек. Бала емізу Ацикловир, валацикловирдің негізгі метаболиті, емшек сүтімен шығарылады. Алайда, валацикловирдің емдік дозаларында жаңа туған нәрестелерге / емшек сүтімен қоректенетін балаларға әсері күтілмейді, өйткені бала қабылдаған доза жаңа туған нәрестелердің герпесін емдеуге арналған венаішілік ацикловирдің емдік дозасының 2%-нан азын құрайды. Валацикловирді бала емізетін әйелдерге сақтықпен және клиникалық көрсетілімдер болған кезде ғана тағайындау керек. Фертильділік Пероральді қабылдаған кезде валацикловир егеуқұйрықтардың фертильділігіне әсер етпеді. Ацикловирдің жоғары парентеральді дозаларында егеуқұйрықтар мен иттерде аталық без атрофиясы және асперматогенез байқалады. Валацикловирді қолдана отырып, адамның фертильділігіне ешқандай зерттеулер жүргізілген жоқ, бірақ 400-ден 1000 мг дейінгі дозада ацикловирмен күнделікті емдеудің 6 айынан кейін 20 пациентте сперматозоидтар саны, олардың қозғалғыштығы немесе морфологиясы өзгерген жоқ. Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері Көлік құралын және қауіптілігі зор механизмдерді басқару қабілетіне әсер ету жөнінде ешқандай зерттеулер жүргізілген жоқ. Пациенттің көлік құралын және қауіптілігі зор механизмдерді басқару қабілетін назарға ала отырып, пациенттің клиникалық жағдайын және Валавир® препаратын қолдану кезінде жағымсыз әсерлердің даму мүмкіндігін бағалау қажет. Одан өзге, белсенді заттың фармакологиясынан мұндай әрекеттерге тигізетін зиянды әсерді болжау мүмкін емес.

Валацикловирді нефроуытты медициналық дәрілермен біріктіру әсіресе бүйрек функциясы бұзылған адамдарда сақтықпен жүзеге асырылуы тиіс және бүйрек функциясының тұрақты мониторингін талап етеді. Бұл аминогликозидтермен, органоплатинді компоненттермен, құрамында йод бар контрастылы дәрілермен, метотрексатпен, пентамидинмен, фоскарнетпен, циклоспоринмен және такролимуспен бір мезгілде қабылдауға жатады. Ацикловир негізінен бүйректің белсенді өзекшелік секрециясы арқылы несеппен бірге өзгермеген күйде шығады. 1000 мг дозада валацикловир тағайындалғаннан кейін циметидин мен пробенецид ацикловирдің бүйрек клиренсін төмендетеді және тиісінше белсенді бүйрек секрециясын тежеу жолымен ацикловирдің AUC шамамен 25% және 45% арттырады. Валацикловирмен бірге алынған циметидин мен пробенецид ацикловирдің AUC шамамен 65% арттырды. Бір мезгілде енгізілетін, белсенді өзекшелік секрециямен бәсекелесетін немесе тежейтін басқа дәрілік заттар (мысалы, тенофовирді қоса) осы механизм бойынша ацикловир концентрациясын арттыруы мүмкін. Сол сияқты, валацикловирді енгізу бір мезгілде енгізілетін заттың плазмадағы концентрациясын арттыруы мүмкін. Валацикловирден ацикловирдің өте жоғары дозаларын қабылдайтын пациенттерге (мысалы, белдемелі синдромды емдеуге немесе ЦМВ профилактикасына арналған дозаларда) бүйрек өзекшелерінің белсенді секрециясын тежейтін препараттарды бір мезгілде қабылдаған кезде сақ болу керек. Ацикловир плазмасындағы AUC және трансплантациялау кезінде қолданылатын иммуносупрессиялық препарат микофенолат мотефилінің белсенді емес метаболитінің жоғарылауы препараттарды бір мезгілде қолданғанда байқалды. Дені сау еріктілерде валацикловир мен микофенолат мофетилін бір мезгілде енгізген кезде шыңдық концентрацияларда немесе AUC ешқандай өзгерістер байқалмайды. Бұл біріктірілімді қолданудың шектеулі клиникалық тәжірибесі бар.

Сақтау мерзімі 3 жыл. Жарамдылық мерзімі өткеннен кейін қолдануға болмайды! Сақтау шарттары Түпнұсқалық қаптамасында, 25 ºС-ден аспайтын температурада сақтау керек. Балалардың қолы жетпейтін жерде сақтау керек!