Валгавир, 450 мг, үлбірлі қабықпен қапталған таблеткалар таблетки 450 мг

Бір таблетканың құрамында: белсенді зат – 450 мг валганцикловир (496.3 мг валганцикловир гидрохлоридiне баламалы), қосымша заттар: кросповидон, повидон, микрокристалды целлюлоза, стеарин қышқылы, қабық құрамы: Опадри® II қызғылт 85F240091 (поливинил спирті, титанның қостотығы (Е171), макрогол, тальк, темірдің қызыл тотығы (Е 172)). Сыртқы түрінің, иісінің, дәмінің сипаттамасы Сопақша, екі беті дөңес, бір жағында «VGC» және екінші жағында «450» өрнегі бар қызғылт түсті үлбірлі қабықпен қапталған таблеткалар.

Валгавир ересектер мен туғаннан бастап 18 жасқа дейінгі балаларда қолдануға көрсетілген: - жүре пайда болған иммундық тапшылық синдромы (ЖИТС) бар ересек пациенттерде цитомегаловирустық (ЦМВ) ретиниттің индукциялық және демеуші емінде; - ЦМВ-оң тығыз ағзалар трансплантациясы жасалған ЦМВ-теріс ересектер мен балаларда ЦМВ-инфекциялар профилактикасы үшін.

Әсер ету механизмі Валганцикловир ганцикловирдің L-валил эфирі (ізашар дәрі) түрінде болады. Ішке қабылдаудан кейін ішек және бауыр эстеразаларының әсер етуімен ганцикловирге дейін жылдам және белсенді метаболизденеді. Ганцикловир – in vitro және in vivo герпес вирустарының репликациясын тежейтін 2'-дезоксигуанозиннің синтетикалық аналогы. Ганцикловирге сезімтал адам вирустарына цитомегаловирус (ЦМВ), 1 және 2 типті қарапайым герпес вирусы (ҚГВ-1 және ҚГВ-2), 6, 7 және 8 типті адам герпесінің вирусы (АГВ-6, АГВ-7, АГВ-8), Эпштейн-Барр вирусы, варицелла-зостер вирусы және B гепатиті вирусы жатады. ЦМВ инфекциясын жұқтырған жасушаларда вирустық протеинкиназа pUL97 әсер етуімен ганцикловир бастапқыда ганцикловир монофосфатының түзілуімен фосфорланады. Әріқарай фосфорлануы ганцикловир трифосфаты түзілетін жасушалық киназалардың әсер етуімен жүреді, одан кейін жасуша ішінде баяу метаболизмге ұшырайды. Жасушаішілік сұйықтықтан ганцикловирдің ауысуынан кейін препараттың жасуша ішіндегі жартылай шығарылуы кезеңі ЦМВ инфекциясын жұқтырған жасушаларда 18 сағат, ҚГВ инфекциясын жұқтырған жасушаларда 6 сағаттан 24 сағатқа дейін созылады. Ганцикловир фосфорлануы көп дәрежеде вирустық киназа әсеріне тәуелденетіндіктен, ол көбінесе инфекция жұқтырған жасушаларда жүреді. Ганцикловирдің вирустатикалық белсенділігі вирустық ДНҚ синтезінің екі механизм арқылы тежелуімен жүзеге асады: - вирустық ДНҚ-полимеразаның әсер етуімен дезоксигуанозин трифосфатының ДНҚ құрылымында бәсекелес тежелуі; - вирустық ДНҚ ұзаруының тоқтауына немесе оның өте шектеулі ұзаруына алып келетін ганцикловир трифосфатының вирустық ДНҚ құрылымына қосылуы. Вирусқа қарсы белсенділігі Іn vitro анықталған ЦМВ репликациясын 50% бәсеңдететін типтік тежеу концентрациясы (ТК50) 0,08 мкмоль (0,02 мкг/мл) мөлшерінен 14 мкмоль (3,5 мкг/мл) дейінгі диапазонда болады. Валганцикловирдің вирусқа қарсы клиникалық әсері алғаш анықталған ЦМВ-ретинитпен бірге ЖИТС бар пациенттерді емдеу кезінде дәлелденді. Пациенттердің несебінде ЦМВ болуы зерттеу басталған кездегі 46%-дан (32/69) валганцикловирді төрт апталық қабылдау курсынан кейін 7% (4/55) дейін төмендеді. Вирустық төзімділік Валганцикловирді ұзақ уақыт қабылдағанда ганцикловирге төзімді вирустар пайда болуы мүмкін. Бұл әлде ганцикловирдің және/немесе вирустық ДНҚ-полимераза (UL54) генінің монофосфорлануына жауап беретін вирустық киназа (UL97) генінде мутацияларды іріктеумен жүзеге асуы мүмкін. Клиникалық изоляттарда ганцикловирге төзімділікпен байланысты ең көп жиі кездесетін UL97 генінің канон алмастырулары M460V/I, H520Q, C592G, A594V, L595S, C603W болып табылады. UL97 генінде мутациялары болатын вирустар тек ганцикловирге төзімді, ал UL54 генінде мутациялары болатын вирустар ганцикловирге төзімді, бірақ вирустық ДНҚ-полимеразаға да бағытталған вирусқа қарсы басқа препараттарға айқаспалы төзімділік танытуы мүмкін.

Дозалау режимі Назар аударыңыз! Артық дозалануды болдырмау үшін дозалау жөніндегі нұсқауларды қатаң қадағалау қажет! Пероральді қабылдаудан кейін валганцикловир ганцикловирдің түзілуімен жылдам және қарқынды метаболизденеді. Тәулігіне 2 рет 900 мг валганцикловирді пероральді қабылдау ганцикловирді тәулігіне 2 рет 5 мг/кг дозада вена ішіне енгізуге емдік тұрғыда баламалы. ЦМВ-ретинит емі ЦМВ-ретиниттің индукциялық емі Ересек пациенттер Белсенді ЦМВ-ретинит бар пациенттерге ұсынылған валганцикловир дозасы 21 күн бойы тәулігіне 2 рет 900 мг (Валгавир 450 мг 2 таблетка) құрайды; мүмкіндігінше, препаратты ас ішу кезінде қабылдау керек. Ұзаққа созылатын индукциялық ем миелоуыттылық қаупін арттырады. ЦМВ-ретиниттің демеуші емі Индукциялық ем курсынан кейін немесе белсенді емес ЦМВ-ретинит бар пациенттерде ұсынылған доза тәулігіне 1 рет 900 мг валганцикловир құрайды; мүмкіндігінше, препаратты ас ішу кезінде қабылдау керек. Егер ретинит ағымы нашарласа, индукциялық ем курсын қайталауға болады, алайда вирустың дәрілік заттарға төзімді болу мүмкіндігін ескеру керек. Демеуші ем ұзақтығы әркімге жеке белгіленуі тиіс. Балалар ЦМВ-ретинитті емдеу кезінде балалардағы Валгавир қауіпсіздігі мен тиімділігінің талапқа сай және жақсы бақыланатын клиникалық зерттеулері жүргізілмеді. Тығыз ағзалар трансплантациясынан кейінгі ЦМВ-инфекция профилактикасы Ересек пациенттер Бүйрек трансплантациясы жасалған пациенттер валганцикловирмен емді трансплантациялаудан кейінгі алғашқы 10 күн ішінде тәулігіне бір рет 900 мг дозадан (Валгавир 450 мг 2 таблетка) бастап, трансплантациядан кейін 100 күнге дейін емді жалғастыру қажет. Профилактиканы трансплантациядан кейін 200 күн бойы жалғастыруға болады. Бүйректен басқа, тығыз ағзалар трансплантациясы жасалған пациенттерге валганцикловирмен емді трансплантациялаудан кейінгі алғашқы 10 күн ішінде тәулігіне бір рет 900 мг дозадан (Валгавир 450 мг 2 таблетка) бастап, трансплантациядан кейін емді 100 күнге дейін жалғастыру қажет. Препаратты ас ішу кезінде қабылдау ұсынылады. Балалар ЦМВ-инфекция даму қаупіне ұшыраған тығыз ағзаларына трансплантация жасалған пациенттерде туғаннан бастап ұсынылған тәуліктік Валгавир дозасы дене беткейі ауданына (ДБА) және төменде келтірілген теңестіру көмегімен Шварц формуласы бойынша есептелген креатинин клиренсіне (КК) байланысты: Балаларда дозалау = 7 × ДБА × КК (Мостеллер ДБА формуласын және Шварц КК формуласын төменнен қараңыз). Егер Шварц формуласы бойынша есептелген КК 150 мл/мин/1,73 м2 мәнінен артық болса, формулада 150 л/мин/1,73 м2 ең жоғары мәнін пайдалану керек. онда k мынаған тең: - < 2 жас шамасындағы пациенттер үшін 0,45*; - 2-ден 13 жасқа дейінгі ұл және 2-ден 16 жасқа дейінгі қыз балалар үшін 0,55; - 13-тен 16 жасқа дейінгі ұлдар үшін 0,7. 16 жастан үлкен балалар үшін: ересек пациенттер үшін дозалау режимін қараңыз. Ұсынылған k мәндері Яффе әдісі бойынша сарысулық креатинин концентрациясын анықтауға негізделген және ферментативтік әдісті пайдаланумен түзетуді талап етуі мүмкін. * Кейбір қосалқы топтар үшін k мәндерін төмендету де қажет болуы мүмкін (мысалы, туған кездегі дене салмағы төмен балаларда). Бүйрек трансплантациясы жасалған балаларда емді трансплантациядан кейінгі алғашқы 10 күн ішінде тәулігіне 1 рет ұсынылған (7 x ДБА x КК) мг дозадан бастап, трансплантациядан кейін 200 күнге дейін емді жалғастыру қажет. Бүйректен басқа, тығыз ағзалар трансплантациясы жасалған балаларда емді трансплантациядан кейінгі алғашқы 10 күн ішінде тәулігіне 1 рет ұсынылған (7 x ДБА x КК) мг дозада бастап, трансплантациядан кейін 100 күнге дейін емді жалғастырады. Нақты жеткізілетін дозаны алу үшін есептелген дозалардың бәрін 25 мг еселік жуық мәндерге дейін арттыру жағына дөңгелектеу керек. Егер есептелген доза 900 мг-ден асып кетсе, тағайындау кезінде ең жоғары доза 900 мг құрайды. Валганцикловир ішке қабылдауға арналған ерітінді түрінде өте қолайлы, өйткені ол жоғарыда берілген формула бойынша есептелген дозаны енгізу мүмкіндігін қамтамасыз етеді; алайда, егер есептелген дозалары таблеткалық түрде қолжетімді дозалардың 10% шегінде болса, әрі пациент таблетканы жұта алатын болса, валганцикловирдің таблеткаланған түрін пайдалануға болады. Мысалы, егер есептелген доза 405 мг-ден 495 мг дейін құраса, 450 мг бір таблеткасын қабылдауға болады. Қан сарысуында креатинин деңгейін жүйелі бақылап отыру, бойы мен дене салмағының өзгерісін есепке алу және профилактика кезеңі ішінде тиісті үлгіде дозаны түзету ұсынылады. Дозалау жөніндегі айрықша нұсқаулар Балалар Тығыз ағзалар трансплантациясы жасалған балалар мен жасөспірімдерде дозалау бүйрек функциясына, сондай-ақ дене беткейі ауданына қарай әркімге жеке белгіленеді. Егде жастағы пациенттер Пациенттердің осы тобында қауіпсіздігі мен тиімділігі анықталмады. 65 жастан асқан ересектерде ешқандай зерттеулер жүргізілмеді. Бүйрек клиренсі жас ұлғаюымен төмендейтіндіктен, егде жастағы пациенттерге Валгавир бүйрек жағдайына ерекше екпін қойып тағайындалу керек (төмендегі кестені қараңыз). Бүйрек функциясының бұзылуы бар пациенттер Сарысулық креатинин деңгейін немесе есептік креатинин клиренсін мұқият бақылап отыру керек. Доза төмендегі кестедеге сәйкес КК бойынша есептеледі. Есептік креатинин клиренсін (мл/мин) келесі формула бойынша сарысулық креатининмен салыстырып есептеуге болады: Ерлер үшін Әйелдер үшін = 0,85 х ерлер үшін мәні КК (мл/мин) — Валганцикловир индукциялық дозасы — Валганцикловир демеуші/ профилактикалық дозасы 60 — 900 мг (2 таблетка) тәулігіне екі рет — 900 мг (2 таблетка) тәулігіне бір рет 40-59 — 450 мг (1 таблетка) тәулігіне екі рет — 450 мг (1 таблетка) тәулігіне бір рет 25-39 — 450 мг (1 таблетка) тәулігіне бір рет — 450 мг (1 таблетка) әр 2 күн сайын 10-24 — 450 мг (1 таблетка) әр 2 күн сайын — 450 мг (1 таблетка) аптасына екі рет < 10 — Ұсынылмайды — Ұсынылмайды Гемодиализде жүрген пациенттер Гемодиализде жүрген пациенттерде (КК < 10 мл/мин) дозалау жөнінде нұсқаулар жоқ. Ондай пациенттерге Валгавир таблеткаларын қолдануға болмайды. Бауыр функциясының бұзылуы бар пациенттер Бауыр функциясының бұзылуы бар пациенттерде Валгавир препаратының қауіпсіздігі мен тиімділігі анықталмады. Ауыр лейкопения, нейтропения, анемия, тромбоцитопения, панцитопения бар пациенттер Егер Валгавирмен ем кезінде қан жасушаларының едәуір нашарлауы байқалса, гематопоэздік өсу факторларымен емдеу және/немесе препарат қабылдауды тоқтату мүмкіндігін қарастыру керек. Енгізу әдісі және жолы Валгавир пероральді және мүмкіндігінше ас ішу кезінде қолданылады. Қабықпен қапталған таблеткаларды жұта алмайтын балаларда валганцикловирді ішке қабылдау үшін ерітінді дайындауға арналған ұнтақ түрінде қолдану керек. Дәрілік препаратпен жұмыс істеу немесе оны қолдану кезіндегі сақтандыру шаралары Таблеткаларды сындыруға немесе ұсақтауға болмайды. Валгавир адам үшін зор тератогенді және канцерогенді болып саналатындықтан, сынып қалған таблеткалармен жұмыс істеу кезінде сақ болу керек. Сынған немесе ұсақталған таблетканы терімен және шырышты қабықтармен тікелей жанастырып алмаған жөн. Осылай тигізіп алған жағдайда жанасқан жерді сабынды сумен мұқият жуып-шайыңыз, көзге түсіп кетсе – стерильді сумен немесе егер стерильді су болмаса, таза сумен мұқият жуып-шайыңыз.

- валганцикловирге, ганцикловирге немесе препараттың қосымша заттарының кез келгеніне аса жоғары сезімталдық; - бала емізу кезеңі.

Қауіпсіздік бейінінің қысқаша сипаттамасы Валганцикловир – ганцикловирдің ізашар дәрісі. Валганцикловир пероральді қабылдаудан кейін ганцикловирге дейін жылдам және қарқынды метаболизденеді, сондықтан ганцикловирге тән жағымсыз реакцияларды валганцикловир қабылдау кезінде де күтуге болады. Валганцикловирдің клиникалық зерттеулері үдерісінде анықталған жағымсыз реакциялардың бәрі бұрын ганцикловир қабылдау кезінде де байқалды. Ганцикловир (қолжетімсіздеу) немесе валацикловирді вена ішіне енгізу немесе пероральді қолдану кезінде мәлімделген жағымсыз реакциялар төменде берілген. Валганцикловир/ганцикловир қабылдау кезінде пациенттерде кездескен ең көп жиі және күрделі жағымсыз реакциялар нейтропения, анемия мен тромбоцитопенияны қамтитын гематологиялық реакциялар болды. Төменде ұсынылған жағымсыз реакциялар жиілігі ганцикловирмен немесе валганцикловирмен демеуші ем алған пациенттердің біріктірілген қауымынан (n = 1704) алынды. Бұл қатарға жиілігі жөніндегі деректері маркетингтен кейінгі тәжірибеден алынған анафилаксиялық реакция, агранулоцитоз және гранулоцитопения қосылмайды. Жағымсыз реакциялар MedDRA жүйе-ағза кластарына сәйкес төменде тізбеленген. Ганцикловир/валганцикловирдің жалпы қауіпсіздік бейіні трансплантациядан кейінгі және АИТВ бар пациенттер қауымында салыстырмалы. Бұл қатарға ЦМВ-ретинит бар пациенттерде ғана байқалған «торқабық ажырауы» жағымсыз реакциясы қосылмайды. Алайда, кейбір жағымсыз реакциялар жиілігінде айырмашылық бар. Валганцикловир қолдану, ганцикловирді вена ішіне қолданумен салыстырғанда, диарея қаупінің артуымен астасты. АИТВ бар пациенттерде пирексия, кандидоз, депрессия, ауыр нейтропения (НАС < 500/мкл) және тері реакциялары жиірек байқалды. Бүйрек пен бауыр функциясының бұзылулары трансплантациядан кейінгі пациенттерде жиірек байқалды. Өте жиі - кандидоз, ауыз қуысының кандидозын қоса, жоғарғы тыныс жолдарының инфекциялары - нейтропения - анемия - тәбет төмендеуі - бас ауыру - жөтел, ентігу - диарея, жүрек айну, құсу, іштің ауыруы - дерматит - қызба, шаршау Жиі - сепсис - тұмау - несеп шығару жолдарының инфекциялары - целлюлит - тромбоцитопения, лейкопения, панцитопения - аса жоғары сезімталдық - салмақ төмендеуі - депрессия, сананың шатасуы, үрейлену - ұйқысыздық, шеткері нейропатия, бас айналу, парестезия, гипестезия, ұстамалар, дәм сезу қабілетінің бұзылуы - көрудің бұзылуы, торқабық ажырауы**, шыны тәрізді дененің жүзінді тәрізді бұлдырауы, көз алмасының ауыруы, конъюнктивит, макула ісінуі - құлақтың ауыруы - гипотензия - диспепсия, метеоризм, іштің жоғарғы бөлімінің ауыруы, іш қату, ойық жаралы стоматит, дисфагия, іштің кебуі, панкреатит - қандағы сілтілік фосфатаза деңгейінің жоғарылауы, бауыр функциясының бұзылуы, аспартатаминотрансфераза деңгейінің жоғарылауы, аланинаминотрансфераза деңгейінің жоғарылауы - түнгі тершеңдік, қышыну, бөртпе, алопеция - арқаның ауыруы, миалгия, артралгия, бұлшықеттердің түйілуі - бүйрек функциясының бұзылуы, бүйректік креатинин клиренсінің төмендеуі, қан креатинині деңгейінің жоғарылауы - ауыру, қалтырау, дімкәстану, астения Жиі емес - сүйек кемігінің жеткіліксіздігі - ажитация, психоздық бұзылыс, патологиялық ойлау, елестеулер - тремор - кереңдік - аритмия - терінің құрғауы, есекжем - бүйрек жеткіліксіздігі, гематурия - ерлердегі белсіздік - кеуденің ауыруы Сирек - аплазиялық анемия, агранулоцитоз*, гранулоцитопения*. - анафилаксиялық реакциялар* * Жағымсыз реакциялар жиілігі маркетингтен кейінгі тәжірибеге негізделген. ** Торқабық ажырауы жөнінде тек ЦМВ-ретинитті емдеу үшін валганцикловир қабылдаған АИТВ бар пациенттерде ғана хабарланды. Жекелеген жағымсыз реакциялар сипаттамасы Нейтропения Нейтропенияның туындау қаупін емдеу басталуына дейінгі нейтрофилдер саны негізінде болжау мүмкін емес. Нейтропения, әдетте, индукциялық емнің бірінші немесе екінші аптасы ішінде туындайды. Жасушалар саны, әдетте, дәрілік затты тоқтатудан немесе дозаны төмендетуден кейін 2-5 күн ішінде қалыпқа түседі. Тромбоцитопения Тромбоциттердің бастапқы саны төмен (<100000/мкл) болған пациенттерде тромбоцитопенияның даму қаупі жоғары болады. Ятрогендік иммуносупрессия бар пациенттер иммунодепрессиялық препараттармен емдеу салдарынан, ЖИТС бар пациенттерге қарағанда, тромбоцитопенияның ауқымды қаупіне бейім. Ауыр тромбоцитопения өмірге зор қатер төндіретін қан кетумен байланысты болуы мүмкін. Ем ұзақтығының немесе қолдануға көрсетілімдердің жағымсыз реакцияларға әсері Валганцикловир, вена ішіне немесе пероральді ганцикловир қабылдап жүрген ЦМВ-ретинит бар пациенттерде ауыр нейтропения (НАС < 500/мкл), валганцикловир немесе пероральді ганцикловир қабылдап жүрген тығыз ағзалар реципиенттеріне қарағанда, жиірек (14%) байқалады. Трансплантациядан кейін 100 күн бойы валганцикловир немесе пероральді ганцикловир қабылдаған пациенттерде ауыр нейтропения жиілігі, тиісінше, 5% және 3% құрап, ал валганцикловирді трансплантациядан кейін 200 күн бойы қабылдаған пациенттерде ауыр нейтропения жиілігі 10% құрады. Трансплантациядан кейін 100 немесе 200 күн бойы валганцикловирді де, пероральді ганцикловирді де қабылдаған тығыз ағзалар реципиенттерінде, ЦМВ-ретинит бар пациенттермен салыстырғанда, сарысудағы креатинин деңгейінің жоғарылауы байқалды. Дегенмен де, бүйрек функциясының бұзылуы тығыз ағзалар реципиенттеріне тән ерекшелік болып табылады. Валганцикловирдің жалпы қауіпсіздік бейіні жоғары қауіп тобындағы бүйрек трансплантатының реципиенттерінде профилактиканы 200 күнге дейін жалғастыру барысында өзгермеді. Дәрілік затты 200 күн бойы қабылдаған пациенттер тобында лейкопения жағдайлары жиілігінің артуы хабарланды, ал нейтропения, анемия мен тромбоцитопения жиілігі екі топта да бірдей болды. Балалар Валганцикловир ЦМВ-инфекциясының даму қатерімен тығыз ағзалары ауыстырып салынған 179 балада (3 аптадан бастап 16 жасқа дейінгі) және симптоматикалық туа біткен ЦМВ ауруы бар 133 жаңа туған нәрестеде (2-ден 31 күнге дейінгі) ганцикловирді 2-ден 200 күнге дейін қолдану ұзақтығымен зерттелді. Педиатриялық клиникалық зерттеулерде диарея, жүрек айну, нейтропения, лейкопения және анемия сияқты жағымсыз реакциялар ең көп жиі мәлімделді. Балалар мен ересектерде тығыз ағзалар трансплантациясынан кейін жалпы қауіпсіздік бейіні ұқсас болды. Екі зерттеуде тығыз ағзалар трансплантациясынан кейінгі балаларда, ересектермен салыстырғанда, нейтропенияның біршама жоғарырақ жиілігі хабарланды, бірақ балаларда нейтропения мен инфекциялық жағымсыз құбылыстар арасында ешқандай өзара байланыс болмады. Жаңа туған нәрестелер мен сәбилерде цитопенияның өте жоғары қаупі осы жас топтарында мұқият қан мониторингін өткізуді талап етеді. Бүйрек трансплантаты бар балаларда валганцикловирмен емдеу курсын 200 күнге дейін ұзарту жағымсыз реакциялар жиілігінің жалпы артуымен байланысты болмады. Ауыр нейтропения (НАС < 500/мкл) жиілігі 200 күнге дейін ем қабылдаған бүйрек аурулары бар балаларда, препаратты 100 күнге дейін қолданған балалармен салыстырғанда, 100 немесе 200 күнге дейін ем қабылдаған бүйрек трансплантациясынан кейінгі ересек пациенттермен салыстырғанда, жоғары болды. Валганцикловирмен емделген симптоматикалық туа біткен ЦМВ ауруы бар жаңа туған нәрестелер немесе сәбилер туралы шектеулі деректер бар, алайда, қауіпсіздік бейіні, ықтималды түрде, валганцикловир/ганцикловирдің белгілі қауіпсіздік бейініне сәйкес келеді. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе дәрілік препараттар тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық дерекқорға тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Вена ішіне енгізу кезінде валгавир мен ганцикловирдің артық дозалануы Валганцикловирдің артық дозалануы нефроуыттылық күшеюіне әкелуі мүмкін деп жорамалданады. Клиникалық зерттеулер және препаратты маркетингтен кейін қолдану барысында вена ішіне енгізу кезіндегі ганцикловирдің артық дозалану жағдайлары сипатталды, кейбіреуі өліммен аяқталды. Олардың кейбірі жағымсыз құбылыстармен қатар жүрмеді. Пациенттердің көпшілігінде келесі жағымсыз құбылыстардың біреуі немесе бірнешеуі білінді: - гематологиялық уыттылығы: миелосупрессия, панцитопенияны, сүйек кемігінің жеткіліксіздігін, лейкопения, нейтропения, гранулоцитопенияны қоса; - гепатоуыттылығы: гепатит, бауыр функциясының бұзылуы; - нефроуыттылығы: бүйрек функциясының бұзылуы бұрыннан бар пациенттерде гематурия күшеюі, бүйректің жедел жеткіліксіздігі, жоғары креатинин деңгейі; - асқазан-ішек уыттылығы: іштің ауыруы, диарея, құсу; - нейроуыттылығы: жайылған тремор, құрысулар. Артық дозалануы бар пациенттерде плазмадағы валганцикловир концентрациясын гемодиализ және гидратация арқылы төмендетуге болады.

Айқаспалы аса жоғары сезімталдық Ганцикловир, ацикловир және пенцикловирдің химиялық құрылымының ұқсас болуына орай, осы препараттарға айқаспалы аса жоғары сезімталдық реакциясы болуы мүмкін. Сондықтан Валгавир ацикловирге, пенцикловирге немесе олардың ізашар дәрілеріне (тиісінше, валацикловир немесе фамцикловирге) аса жоғары сезімталдығы белгілі пациенттерге тағайындалғанда сақ болу керек. Мутагенділік, тератогенділік, канцерогенділік, фертильділік және контрацепция Валганцикловирмен емдеуді бастар алдында пациенттер шарана үшін ықтималды қауіптерден хабардар болуы тиіс. Жануарларға жүргізілген зерттеулерде ганцикловирдің мутагенді, тератогенді, канцерогенді қасиеттері бар екені және фертильділікті бәсеңдететіні анықталды. Сондықтан валганцикловирді адам үшін қолдану кезінде туа біткен даму ақаулары мен обырды тудыру мүмкіндігі зор тератоген және канцероген ретінде қарастыру керек. Клиникалық және клиникаға дейінгі зерттеулер негізінде валганцикловир сперматогенездің уақытша немесе тұрақты тежелісін де тудыруы ықтималды болып саналады. Бала туу жасындағы әйелдерге емдеу үдерісінде және емдеуден кейін, кем дегенде, 30 күн өткен соң тиімді контрацепция әдістерін қолдануға кеңес беріледі. Ерлерге, жұптасының жүкті болып қалу қаупі болмайтын жағдайларды қоспағанда, валганцикловирмен емдеу кезінде және емдеуден кейін кемінде 90 күн бойы бөгеттік контрацептивтерді қолдану ұсынылады. Ұзақ мерзімді келешекте валганцикловир канцерогенділігін және ұрпақ өрбіту қабілетіне уыттылығын ықтималды көріністеуі мүмкін. Миелосупрессия Валганцикловир (ганцикловир де) қабылдаған пациенттерде ауыр лейкопения, нейтропения, анемия, тромбоцитопения, панцитопения, сүйек кемігінің ыдырауы және аплазиялық анемия байқалды. Егер нейтрофилдердің абсолютті саны (НАС) 500 жасуша/мкл аз немесе тромбоциттер саны 25000/мкл аз құраса немесе гемоглобин деңгейі 8 г/дл аз болса, емді бастауға болмайды. Профилактика мерзімдерін 100 күннен асыра ұзартқанда лейкопения мен нейтропенияның болжамды даму қаупі ескерілу керек. Валганцикловирді бұрыннан келе жатқан гематологиялық цитопения немесе анамнезінде дәрілік гематологиялық цитопения бар пациенттерде, сондай-ақ сәулемен ем алып жүрген пациенттерде сақтықпен пайдалану керек. Емдеу барысында толық қан формуласы мен тромбоциттер санын жүйелі анықтау ұсынылады. Бүйрек жеткіліксіздігі бар пациенттер мен балаларда, ең болмаса, трансплантациялық орталыққа қаралу кезінде әр жолы күшейтілген гематологиялық бақылау мақсатқа сай болуы мүмкін. Ауыр лейкопения, нейтропения, анемия және/немесе тромбоцитопениядан зардап шегіп жүрген пациенттерде гематопоэздік өсу факторларымен емдеуді және/немесе препаратты қабылдауды тоқтатуды қарастыруға кеңес беріледі. Қабылданған пероральді ганцикловир биожетімділігіндегі өзгешеліктер Валганцикловирдің бір реттік 900 мг дозасынан кейінгі ганцикловир биожетімділігі, 1000 мг пероральді ганцикловир (капсулалар түрінде) енгізуден кейінгі 6% шамасымен салыстырғанда, 60% құрайды. Ганцикловирдің шектен тыс әсер етуі өмірге қатерлі жағымсыз реакциялармен байланысты болуы мүмкін. Индукциялық емнен демеуші емге ауысқанда, сондай-ақ ганцикловирді пероральді қабылдаудан валганцикловирге ауысқанда емдеудің басында дозалау режимі бойынша нұсқауларды қадағалау керек, өйткені Валгавирді ганцикловир капсулаларымен 1:1 арақатынасында алмастыруға болмайды. Ганцикловир капсулаларынан ауысқан пациенттер, егер олар Валгавир таблеткаларын ұсынылған мөлшерінен көп қабылдаса, артық дозалану қаупінен хабардар болу керек. Бүйрек функциясының бұзылуы бар пациенттер Бүйрек функциясының бұзылуы бар пациенттерде креатинин клиренсіне қарай дозаны түзету талап етіледі. Валгавир препараты гемодиализдегі пациенттерде қолданылмауы тиіс.

Нұсқаулықта көрсетілмеген.

Имипенем-циластатин және ганцикловирді қолданған пациенттерде құрысулар байқалды. Сондықтан ықтималды пайдасы зор қаупінен асып түсетін жағдайларда болмаса, Валгавирді имипенем-циластатинмен бірге қолданбаған дұрыс. Валганцикловир мен диданозинді, миелосупрессиялық (мысалы, зидовудин) немесе бүйрек функциясын бұзу әсерін көрсететін дәрілік заттарды қабылдап жүрген пациенттерде уытты әсер ету симптомдарын мұқият қадағалау керек. Ағзалар трансплантациясынан кейін ЦМВ-инфекция профилактикасы үшін валганцикловирді қолданумен бақыланатын клиникалық зерттеулерде өкпесін немесе ішегін ауыстырып салудан кейінгі пациенттер қамтылмады, сондықтан осы пациенттер тобына қатысты тәжірибе шектеулі. Басқа дәрілік препараттармен өзара әрекеттесуі Дәрілік заттардың валганцикловирмен өзара әрекеттесуі Дәрілік заттардың валганцикловирмен өзара әрекеттесуінің in vivo зерттеулері жүргізілмеді. Валганцикловир ганцикловирге жылдам және қарқынды метаболизденетіндіктен, ганцикловирмен байланысты дәрілік заттардың өзара әрекеттесуі валганцикловир үшін де күтіледі. Дәрілік заттардың ганцикловирмен өзара әрекеттесуі Фармакокинетикалық өзара әрекеттесуі Пробенецид Пробенецид пен ганцикловирді бір мезгілде пероральді қабылдау ганцикловир бүйректік клиренсінің (20%) статистикалық мәнді төмендеуіне және оның экспозициясының ұлғаюына (40%) алып келеді. Бұл өзара әрекеттесу механизмімен - бүйректік өзекшелік экскрециясы үшін бәсекелестігімен түсіндіріледі. Пробенецид пен валганцикловирді бір мезгілде қабылдап жүрген пациенттерді ганцикловир уыттылығы тұрғысынан қалтқысыз қадағалау қажет. Диданозин Вена ішіне ганцикловирмен бір мезгілде қолдану кезінде плазмада диданозин концентрациясының тұрақты жоғарылауы анықталды. Ганцикловирді 5 мг/кг/тәулік және 10 мг/кг/тәулік дозаларда вена ішіне енгізгенде диданозин AUC («концентрация-уақыт» қисығы астындағы аудан) 38-67% шегінде артуы байқалды, бұл аталған препараттарды бір мезгілде қолдану кезіндегі фармакокинетикалық өзара әрекеттесуін растайды. Ганцикловир концентрациясына елеулі әсері байқалмады. Пациенттерді диданозиннің уытты әсер ету (мысалы, панкреатит) симптомдарының туындауы тұрғысынан мұқият қадағалау керек. Басқа ретровирусқа қарсы препараттар P450 цитохромының изоферменттері ганцикловир фармакокинетикасында рөл атқармайды. Соның салдарынан, протеаза тежегіштерімен және кері транскриптазаның нуклеозидті емес тежегіштерімен фармакокинетикалық өзара әрекеттесуі күтілмейді. Фармакодинамикалық өзара әрекеттесуі Имипенем-циластатин Имипенем-циластатин мен ганцикловирді бір мезгілде қабылдаған пациенттерде құрысулар болды. Осы препараттар арасындағы фармакодинамикалық өзара әрекеттесуін жоққа шығаруға болмайды. Бұл препараттарды, егер ықтималды пайдасы зор қаупінен асып түсетін болса, бір мезгілде қолдануға болмайды. Зидовудин Зидовудин мен ганцикловир де нейтропения мен анемияны тудыруы мүмкін. Осы препараттарды бір мезгілде қолдану кезінде фармакодинамикалық өзара әрекеттесуі болуы мүмкін. Кейбір пациенттерде толық дозада қатар жүргізілетін емнің жақпаушылығы болуы мүмкін. Ықтималды дәрілік өзара әрекеттесуі Ганцикловирді миелосупрессиялық әсерін көрсететін немесе бүйрек функциясын бұзатын басқа препараттармен бір мезгілде тағайындау олардың уытты әсерін күшейтуі мүмкін. Ондай препараттарға нуклеозидтер (мысалы, зидовудин, диданозин, ставудин) және нуклеотидтер аналогтары (мысалы, тенофовир, адефовир), иммунодепрессанттар (мысалы, циклоспорин, такролимус, микофенолат мофетилі), ісікке қарсы дәрілер (мысалы, доксорубицин, винбластин, винкристин, гидроксимочевина) және инфекцияға қарсы дәрілер (триметоприм/сульфонамидтер, дапсон, B амфотерицині, флуцитозин, пентамидин) жатады. Осылайша, бұл препараттарды валганцикловирмен бір мезгілде қолдану, егер ықтималды пайдасы зор қаупінен асып түскен жағдайда ғана, қарастырылу керек.

Сақтау мерзімі Жарамдылық мерзімі 3 жыл. Жарамдылық мерзімі өткеннен кейін қолдануға болмайды! Сақтау шарттары 25оС-ден аспайтын температурада сақтау керек. Балалардың қолы жетпейтін жерде сақтау керек!