Валганцикловир Вива Фарм таблетки 450 мг

Бір таблетканың құрамында: белсенді зат - 496,3 мг валганцикловир гидрохлоридi (450 мг валганцикловирге баламалы), қосымша заттар: повидон, кросповидон, микрокристалды целлюлоза, стеарин қышқылы. Үлбірлі қабықтың құрамы, қызғылт (дайын қоспасы): гипромеллоза 2910, 6 mPas; гипромеллоза 2910, 6 mPas; титанның қостотығы (Е171); макрогол/ПЭГ 400; темірдің сары тотығы (Е172); полисорбат 80. Сыртқы түрінің, иісінің, дәмінің сипаттамасы Дөңгелек пішінді, дөңес беткейлі, қызғылт түсті қабықпен қапталған таблеткалар.

- жүре пайда болған иммун тапшылығы синдромы (ЖИТС) бар, көру қабілетінің бұзылуы байқалатын пациенттерде белсенді ЦМВ-ретинит (цитомегаловирустық ретинит) кезінде индукциялық ем ретінде қолданылады - жүре пайда болған иммун тапшылығы синдромы (ЖИТС) бар ересек пациенттерде индукциялық ем аяқталғаннан кейін демеуші ем ретінде, сондай-ақ, белсенді емес ЦМВ-ретинитті емдеу үшін қолдануға болады. Иммунитеттің жалпы статусын, CD4 жасушалар санын және пациент организмінің өзіндегі АИТВ қарсы емінің өзгерістеріне реакциясын ескере отырып, демеуші емді бастау немесе жалғастыру қажеттілігін жүйелі уақыт аралықтары сайын бақылап отыру қажет - ағзалар трансплантациясын бастан өткерген, қауіптің жоғарылауына ұшыраған реципиенттерде ЦМВ-инфекциясының профилактикасы үшін қолданылады. Ганцикловирді (күніне үш рет пероральді 1 г) қабылдаған топқа қарағанда, валганцикловир тобында (қабылдау жиілігі күніне бір рет 900 мг), бауыр трансплантациясын бастан өткерген пациенттерде ЦМВ-инфекциясы жиілігінің жоғарырақ болғаны байқалған. Өкпе трансплантациясын бастан өткерген пациенттер валганцикловирдің клиникалық зерттеулеріне қатыспады.

Әсер ету механизмі Валганцикловир L-валил (ізашар) ганцикловирдің күрделі эфирі болып табылады. Пероральді қабылдаудан кейін валганцикловир ішек және бауыр эстеразаларының есебінен ганцикловирге дейін жылдам және белсенді метаболизденеді. Ганцикловир 2'-дезоксигуанозиннің синтетикалық аналогы болып табылады және герпес вирустарының репликациясын in vitro және in vivo бәсеңдетеді. Адамдағы сезімтал вирустар адамдағы цитомегаловирусты (HCMV), қарапайым герпестің 1 және 2 типті вирустарын (HSV-1 және HSV-2), адамдағы 6, 7 және 8 типті герпес вирустарын (HHV-6, HHV-7, HHV8), Эпштейн-Барр вирусын (EBV), желшешек вирусын (VZV) және B гепатиті вирусын (HBV) қамтиды. ЦМВ инфекциясы бар жасушаларда ганцикловир бастапқыда вирустық протеинкиназа pUL97 арқылы ганцикловир монофосфатына дейін фосфорланады. Ары қарайғы фосфорлануы ганцикловиртрифосфат түзе отырып, жасушалық киназалардың көмегімен жүреді, содан соң ол жасуша ішінде баяу метаболизденеді. Трифосфат метаболизмі қарапайым герпес вирусы инфекциясын және адамның цитомегаловирусын жұқтырған жасушаларда жасушадан тыс ганцикловирдың шығарылуынан кейін жартылай ыдырауының сәйкесінше 18 және 6-дан 24 сағатқа дейінгі кезеңімен орын алатыны көрсетілді. Фосфорлануы елеулі дәрежеде вирустық киназаға тәуелді болғандықтан, ганцикловирдің фосфорлануы көбінесе вирус инфекциясын жұқтырған жасушаларда жүреді. Ганцикловирдің вирустатикалық белсенділігіне вирустық ДНҚ синтезінің тежелуі: (1) вирустық ДНҚ-полимераза арқылы дезоксигуанозинтрифосфаттың ДНҚ-ға кірістірілуін және (2) вирустық ДНҚ ары қарайғы ұзаруының тоқтауын немесе тым шектеулі болуын тудыра отырып, ганцикловиртрифосфаттың вирустық ДНҚ-ға кірістірілуін бәсекелес тежеуі арқылы түрткі болады. Вирусқа қарсы әсері Ганцикловирдің ЦМВ-ға қарсы IC50 ретінде өлшенген вирусқа қарсы in vitro әсері 0,08 мкМ (0,02 мкг/мл) - 14 мкМ дейінгі (3,5 мкг/мл) диапазонда болады. Валганцикловирдің вирусқа қарсы клиникалық реакциясы ЦМВ ретинит диагнозы алғаш анықталған, ЖИТС бар пациенттерді емдегенде көрсетілді. ЦМВ несеппен бөлініп шығуы зерттеуге кірістірілген сәттегі 46% (32/69) пациенттен, валганцикловирмен төрт апта емдеуден кейінгі 7% (4/55) пациентке дейін төмендеді. Клиникалық тиімділігі мен қауіпсіздігі Ересектер ЦМВ ретиниті емдеу Диагнозы алғаш анықталған ЦМВ-ретиниті бар пациенттер бір зерттеуде валганцикловирмен тәулігіне екі рет 900 мг дозадағы немесе вена ішіне тәулігіне екі рет 5 мг/кг дозадағы ганцикловирмен индукциялық ем үшін рандомизацияланды. 4-інші аптада ЦМВ-ретиниттің фотографиялық үдеуі болған пациенттердің үлесі емдеудің екі тобында салыстырымды болды: ганцикловир және валганцикловир енгізілген топтарда үдеу болған сәйкесінше 7/70 және 7/71 пациент. Индукциялық емдеуден кейін бұл зерттеудегі барлық пациенттер тәулігіне бір рет 900 мг дозадағы валганцикловирмен демеуші емді қабылдады. Рандомизациялаудан ЦМВ ретиниттің үдеуіне дейінгі орташа (медианалық) уақыт валганцикловирмен индукциялық және демеуші емді қабылдаған топта 226 (160) күнді құрады, ал ганцикловирмен вена ішіне индукциялық ем және валганцикловирмен демеуші емді қабылдаған топта 219 (125) күнді құрады. Трансплантация кезінде ЦМВ аурудың профилактикасы Жүрек, бауыр және бүйрек трансплантаттары бар (өкпе және асқазан-ішек жолының трансплантаты бар пациенттер зерттеуге кірістірілмеді) ЦМВ аурудың қаупі жоғары (D+/R-), валганцикловирді (тәулігіне бір рет 900 мг) немесе пероральді ганцикловирді (тәулігіне үш рет 1000 мг), трансплантациядан кейінгі 10-күннен бастап және және трансплантациядан кейінгі 100 күнге дейін қабылдаған пациенттерде қосарлы бекітілген белсенді компараторды салыстырмалы жасырын клиникалық зерттеу жүргізілді. ЦМВ аурудың жиілігі (ЦМВ-синдром + тіндердің инвазиялық ауруы) трансплантациядан кейінгі алғашқы 6 ай ішінде пероральді ганцикловир тобындағы (n = 125) 15,2%-бен салыстырғанда, валганцикловир тобында (n = 239) 12,1% құрады. Жағдайлардың басым көпшілігі профилактика тоқтатылғаннан кейін (100-інші күннен соң) орын алған, және валганцикловир тобындағы жағдайлар орташа алғанда, пероральді ганцикловир тобындағыға қарағанда кешірек туындаған. Алғашқы 6 ай ішінде қабылданбай жедел ажырауының жиілігі пероральді ганцикловир тобындағы 36,0%-бен салыстырғанда, валганцикловирді қабылдау үшін рандомизацияланған пациенттерде 29,7% құрады, бұл ретте трансплантаттың жоғалтылуының жиілігі баламалы болды және әр топта 0,8% пациентте кездесті. Вирустың төзімділігі Ганцикловирге төзімді вирус, ганцикловирдің монофосфорлануына жауапты вирустық киназа (UL97) геніндегі, және/немесе вирустық полимераза (UL54) геніндегі мутацияларды іріктеу жолымен валганцикловирді ұзақ қабылдаудан кейін туындауы мүмкін. Клиникалық изоляттарда жеті UL97, M460V/I, H520Q, C592G, A594V, L595S, C603W канондық алмасуы ганцикловирге төзімділікпен байланысты анағұрлым жиі кездесетін алмасулар болып табылады. UL97 генінде мутациялары бар вирустар, тек ганцикловирге төзімді, ал UL54 генінде мутациялары бар вирустар ганцикловирге төзімді, бірақ вирустық полимеразаға бағытталған вирусқа қарсы басқа препараттарға да айқаспалы төзімділік танытуы мүмкін. ЦМВ ретинитті емдеу бір клиникалық зерттеуге кірістірілген, ЦМВ ретиниті бар 148 пациенттегі полиморфты ядролы лейкоциттер (ПМНЛ) изоляттарындағы генотиптік ЦМВ талдауы, валганцикловирмен 3, 6, 12 және 18 ай емдеуден соң сәйкесінше 2,2%, 6,5%, 12,8% және 15,3%-ының құрамында UL97 мутациялары болатынын көрсетті. Трансплантация кезіндегі ЦМВ аурудың профилактикасы Төзімділігі 100-інші күні i) (зерттеудегі препаратпен профилактиканың аяқталуы) және ЦМВ ауруға күдік болған жағдайда трансплантациядан кейін 6 айға дейінгі мерзімде ii) жиналған ПМНЛ үлгілеріндегі ЦМВ генотиптік талдауының көмегімен зерттелді. Валганцикловирді қабылдау үшін рандомизацияланған 245 пациенттің ішінен 100-інші күні тестілеу үшін 198 үлгі алынды, және ганцикловирге төзімділік мутациялары байқалмады. Бұл пероральді ганцикловирді салыстыру тобындағы пациенттерде тестіленген 103 үлгіде анықталған (1,9%), ганцикловирге төзімділіктің 2 мутациясымен салыстырымды. Валганцикловирді қабылдау үшін рандомизацияланған 245 пациенттің ішінен, ЦМВ-ға күдік бар 50 пациенттен үлгілер тестіленді, және төзімділік мутациялары байқалмады. Ганцикловирді салыстыру тобына рандомизацияланған 127 пациенттің ішінен ЦМВ-ға күдік бар 29 пациенттен үлгілер тестіленді, оларда төзімділіктің екі мутациясы байқалды, бұл төзімділіктің 6,9% жиілігін берді.

Дозалау режимі Назар аударыңыз! Артық дозалануды болдырмау үшін дозалау жөніндегі нұсқауларды қатаң сақтау қажет Валганцикловир ішке қабылданғаннан кейін жылдам және елеулі дәрежеде ганцикловирге айналады. Валганцикловирді 900 мг дозада (450 мг-ден 2 таблетка) күніне 2 рет пероральді қабылдау терапиялық тұрғыдан, ганцикловирді күніне 2 рет 5 мг/кг дозада вена ішіне енгізуге баламалы. Стандартты дозалау режимі ЦМВ-ретиниттің индукциялық терапиясы ЦМВ ретиниті бар ересек пациенттерге Валганцикловир Вива Фарм препаратын 21 күн бойы тәулігіне 2 рет 900 мг дозада тағайындайды. Ұзағырақ индукциялық терапия сүйек кемігі үшін уыттылығы қаупін арттырады. ЦМВ-ретиниттің демеуші емі Индукциялық терапиядан кейін немесе белсенді емес ЦМВ ретиниті бар ересек науқастарда ұсынылатын дозасы тәулігіне 1 рет 900 мг құрайды. Ретиниті нашарлаған пациенттер индукциялық терапия курсын қайталауына болады. Демеуші емнің ұзақтығы жекелей анықталуы тиіс. Балалардағы бақыланатын клиникалық зерттеулер барысында валганцикловирдің ЦМВ ретинитті емдеудегі қауіпсіздігі мен тиімділігі анықталмады. Ауқымды ағзалардың трансплантациясынан кейінгі ЦМВ инфекциясының профилактикасы Бүйрек трансплантациясын бастан өткерген ересек пациенттер үшін ұсынылатын тәуліктік дозасы трансплантациядан кейінгі 10-ыншы күннен бастап күніне бір рет 900 мг құрайды және емдеуді трансплантациядан кейінгі 200-інші күнге дейін жалғастыру ұсынылады. Бүйректен басқа ағзаның трансплантациясын бастан өткерген пациенттерде ұсынылатын дозасы трансплантациядан кейін 10 күннен бастап күніне бір рет 900 мг (450 мг-ден екі таблетка) құрайды және емдеуді 100 күнге дейін жалғастыру қажет. Валганцикловир ганцикловирге дейін жылдам метаболизденеді. Валганцикловирден алынған ганцикловирдің биожетімділігі капсулалар түріндегі ганцикловирден 10 есе асып түсетіндіктен, дозасын қатаң сақтау қажет. Дозалау жөніндегі айрықша нұсқаулар Бүйрек жеткіліксіздігі Сарысудағы креатинин деңгейін немесе креатинин клиренсін мұқият мониторингілеу қажет. Дозасын түзетуді, 1 кестеде көрсетілгендей креатинин клиренсіне байланысты жүргізеді. Креатинин клиренсі сарысудағы креатинин деңгейіне байланысты келесі формула бойынша есептеп шығарылады: ерлер үшін: = (140 - жас шамасы [жас] х дене салмағы [кг]) / (72 х 0,011 х сарысу креатинині [мкмоль/л]) әйелдер үшін: = 0,85 х ерлер үшін көрсеткіш 1 кесте. Бүйрек жеткіліксіздігі бар пациенттер үшін Валганцикловир Вива Фарм, қабықпен қапталған таблеткалар 450 мг препаратының дозалануы Креатинин клиренсі (мл/мин) — Валганцикловирдің индукциялық дозасы — Валганцикловирдің демеуші / профилакти-калық дозасы 60 — 900 мг (2 таблетка) тәулігіне екі рет — 900 мг (2 таблетка) тәулігіне бір рет 40-59 — 450 мг (1 таблетка) тәулігіне екі рет — 450 мг (1 таблетка) тәулігіне бір рет 25-39 — 450 мг (1 таблетка) тәулігіне бір рет — 450 мг (1 таблетка) әр 2 күн сайын 10-24 — 450 мг (1 таблетка) әр 2 күн сайын — 450 мг (1 таблетка) аптасына екі рет <10 — Ұсынылмайды — Ұсынылмайды Гемодиализ жүргізілетін пациенттер Гемодиализ жүргізілетін пациенттер үшін (КК < 10 мл/мин) дозасы жөнінде ұсынымдар беру мүмкін емес. Сол себепті, валганцикловирді аталған пациенттерде қолданбаған дұрыс. Бауыр жеткіліксіздігі бар пациенттер Бауыр жеткіліксіздігі бар пациенттерде қауіпсіздігі мен тиімділігі зерттелмеді. Егде жастағы пациенттер Бұл жас тобындағы науқастарда қауіпсіздігі мен тиімділігі зерттелмеді. 65 жастан асқан адамдарда зерттеулер жүргізілмеді. Бүйректік клиренсі жас ұлғая келе төмендеу үрдісіне ие болғандықтан, валганцикловирді егде жастағы пациенттерге бүйрек функциясына байланысты тағайындау керек. Балалар 18 жасқа дейінгі балаларда қолдану ұсынылмайды, өйткені, бақыланатын зерттеулерде препараттың қауіпсіздігі мен тиімділігі зерттелмеді. Қолдану тәсілі Валганцикловир Вива Фарм препаратын ішке тағайындайды, мүмкіндігінше, препаратты тамақтану кезінде қабылдаған дұрыс. Препаратпен жұмыс істеу ережелері Таблеткаларды сындыруға немесе ұсақтауға болмайды. Валганцикловир Вива адам үшін тератогендік және канцерогендік қауіп төндіруі ықтимал болғандықтан, егер таблетка сынып қалса сақтық таныту қажет. Сынған немесе ұсақталған таблетканы теріге және шырышты қабықтарға тигізбеу керек. Сынған таблеткалардың ұнтағын деммен ішке жұтпау қажет. Тиіп кеткен жағдайда, өзара әрекеттесу орнын сабынды сумен мұқият жуып-шаю, көзді таза сумен шаю қажет.

• валганцикловирге, ганцикловирге немесе препараттың кез келген компонентіне жоғары сезімталдық (валганцикловир және ацикловир мен валацикловир химиялық құрылымдарының ұқсастығына орай, осы препараттарға айқаспалы сезімталдық реакциялары болуы мүмкін) • жүктілік және лактация кезеңі • ерлерге, балалы болуды жоспарлап жүрген кезде

Жағымсыз құбылыстардың жиілігін анықтау мынадай критерийлерге сәйкес жүргізіледі: өте жиі (≥1/10), жиі (≥1/100<1/10 дейін), жиі емес (≥1/1000<1/100 дейін), сирек (≥1/10000<1/1000 дейін), өте сирек (<1/10000), белгісіз (қолда бар деректердің негізінде бағалау мүмкін емес) Өте жиі • ауыз қуысының кандидозын қоса, кандидоздық инфекциялар, жоғарғы және төменгі тыныс жолдарының инфекциялары • нейтропения, анемия • тәбеттің болмауы • бас ауыруы • жөтел, ентігу • диарея, жүрек айнуы, құсу, іш ауыруы • дерматит • қызба, қажу Жиі • сепсис, тұмау, несеп шығару жолдарының инфекциялары, целлюлит • тромбоцитопения, лейкопения, панцитопения • аса жоғары сезімталдық • салмақ жоғалту • депрессия, сананың шатасуы, үрейлі бұзылыс, либидо жоғалуы • ұйқысыздық, шеткері невропатия, бас айналуы, парестезия, гипестезия, құрысулар, дисгевзия (дәм сезудің бұзылуы) • торқабықтың ажырауы**, көру қабілетінің бұзылулары, көз алдының бұлдырлауы, көз ауыруы, конъюнктивит, макулалық ісіну • құлақ ауыруы • артериялық гипотензия, тромбофлебит • іш қату, диспепсия, метеоризм, эпигастрийдің ауыруы, ауыз қуысындағы ойық жаралар, дисфагия, іштің кебуі, панкреатит • қандағы сілтілік фосфатаза деңгейінің жоғарылауы, бауыр функциясының бұзылуы (ауыр), аспартатаминотрансфераза белсенділігінің жоғарылауы, аланинаминотрансферазы белсенділігінің жоғарылауы • түндегі тершеңдік, қышыну, бөртпе, алопеция • арқаның ауыруы, миалгия, артралгия, бұлшықеттердің түйілулері • бүйрек функциясының бұзылуы, бүйректік креатинин клиренсінің төмендеуі, қандағы креатинин деңгейінің жоғарылауы • ауыру, қалтырау, дімкәстану, астения Жиі емес • сүйек кемігінің жеткіліксіздігі • қозу, психоз, аномальді ойлау, елестеулер, аномальді түс көрулер • тремор, ұйқышылдық, миоклонус, ауыздың құрғауы, тершеңдік, ессіз күй, деменция, атаксия • ретинит • кереңдік, құлақтағы шуыл • аритмия, тахикардия • терең веналардың тромбозы • нәжісті ұстамауы • гепатит • терінің құрғауы, есекжем • бүйрек жеткіліксіздігі, гематурия, мочевина деңгейінің жоғарылауы, гипонатриемия, поллакиурия, несеп шығару жиілігінің өзгеруі • кеуденің ауыруы Сирек • аплазиялық анемия, агранулоцитоз*, гранулоцитопения* • анафилаксиялық реакция* • жүректің қысып ауыруы • демікпе (ұқсас симптомдар) • тамақ ауыруы Белгісіз • тромбоцитопениямен байланысты, өмірге қауіп төндіруі ықтимал қан кету • эмоционалдық орнықсыздық • гиперкинез, кома • глаукома, амблиопия • қантамырлардың кеңеюі (вазодилатация) • миалгия • кеуденің ауыруы **торқабықтың ажырауы ЖИТС бар, ЦМВ-ретинитке қатысты емделген пациенттерде ғана сипатталды * аталған жағымсыз реакциялардың жиілігі маркетингтен кейінгі тәжірибеге сәйкес келеді. Жекелеген жағымсыз әсерлердің сипаттамасы Нейтропения Нейтропенияның даму қаупін емдеу басталғанға дейінгі нейтрофилдер санының негізінде анықтау мүмкін емес. Нейтропения индукциялық ем басталғаннан кейінгі бірінші немесе екінші апта ішінде туындайды. Жасушалар саны әдетте, препаратты қабылдау тоқтатылғаннан немесе дозасы төмендетілгеннен кейін 2-5 күн ішінде қалыпқа түседі. Тромбоцитопения Емнің басында тромбоциттердің бастапқы деңгейі төмен (<100 000/мкл) болған пациенттерде тромбоцитопенияның даму қаупі жоғары. Иммунодепрессанттармен емделудің нәтижесіндегі ятрогендік иммуносупрессиясы бар пациенттер АИТВ бар пациенттермен салыстырғанда, тромбоцитопенияға бейімірек. Ауыр тромбоцитопения өмірге қауіп төндіруі ықтимал қан кетуге әкеп сотырады. Емнің ұзақтығының немесе жағымсыз реакцияларға көрсетілімнің әсері Ауыр нейтропения (НАС <500/мкл) ағзалардың трансплантациясын бастан өткерген, валганцикловирдің немесе ганцикловирдің пероральді түрін қабылдаған пациенттермен салыстырғанда, ЦМВ-ретиниті бар (16%), валганцикловирді вена ішіне немесе, ганцикловирді пероральді режимде қабылдаған пациенттерде жиірек кездеседі. Валганцикловирдің немесе ганцикловирдің пероральді түрін трансплантациядан кейін 100 күнге дейін қабылдаған пациенттерде ауыр нейтропенияның жиілігі сәйкесінше 5% және 3% құрады, ал валганцикловирді трансплантациядан кейін 200 күнге дейін қабылдаған пациенттерде ауыр нейтропенияның жиілігі 10% құрады. Ағзалардың трансплантациясын бастан өткерген, валганцикловир мен ганцикловирдің пероральді түрін трансплантациядан кейін 100 немесе 200 күнге дейін қабылдаған пациенттерде, қан сарысуындағы креатинин мөлшері ЦМВ-ретиниті бар пациенттермен салыстырғанда едәуір жоғары болды. Алайда, бүйрек функциясының бұзылуы ағзалар трансплантациясын бастан өткерген пациенттерде жиірек кездеседі. Қауіп дәрежесі жоғары, бүйрек трансплантациясын бастан өткерген пациенттерде, профилактиканы 200 күнге дейін ұзартқан кезде валганцикловирдің қауіпсіздігінің жалпы бейіні өзгеріссіз қалған. 200 күндік топта жиілігі жоғары лейкопения туралы хабарланды, ал нейтропенияның, анемия мен тромбоцитопенияның жиілігі екі топта да бірдей болды. Зертханалық көрсеткіштердің өзгерістері ЦМВ-ретиниті бар ересек пациенттердегі және трансплантацияны бастан өткерген және валганцикловирді трансплантациядан кейін 100 күнге дейін қабылдаған ересек пациенттердегі зертханалық көрсеткіштердің құжатқа түсірілген өзгерістері 2 кестеде көрсетілген. Зертханалық көрсеткіштердің өзгерістерінің жиілігі профилактиканы 200 күнге дейін ұзартқан кезде бүйрек трансплантациясын бастан өткерген пациенттердің көрсеткіштерімен салыстырымды болды. 2 кесте. Зертханалық көрсеткіштердің өзгерістері Зертханалық көрсеткіштердің өзгерістері — ЦМВ-ретиниті бар пациенттер — Қатты ағзалардың трансплантациясынан кейінгі пациенттер Валганцикловир n=370% — Валганцикловир n=244% — Пероральді ганцикловирn=126% Нейтропения: НАС/мкл <500 — 16 — 5 — 3 500–<750 — 17 — 3 — 2 750–<1000 — 17 — 5 — 2 Анемия: гемоглобин г/дл <6,5 — 7 — 1 — 2 6,5–<8,0 — 10 — 5 — 7 8,0–<9,5 — 14 — 31 — 25 Тромбоцитопения: тромбоциттер/мкл <25’000 — 3 — 0 — 2 25’000–<50’000 — 5 — 1 — 3 50’000–<100’000 — 21 — 18 — 21 Сарысу креатинині мг/дл >2,5 — 2 — 14 — 21 >1,5–2,5 — 11 — 45 — 47 Маркетингтен кейінгі жағымсыз реакциялар Маркетингтен кейінгі кезеңде тіркелген жағымсыз реакциялар валганцикловир мен ганцикловир/валганцикловирдің клиникалық зерттеулерінде байқалғандарға сәйкес келеді. Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Бір ересек адамда, пациенттің бүйрек функциясы бұзылуының дәрежесі (креатинин клиренсінің төмендеуі) үшін ұсынылғаннан 10 есе жоғары дозасын бірнеше күн қабылдағаннан кейін сүйек кемігінің фатальді депрессиясы (медуллярлық аплазия) дамыған. Валганцикловирдің артық дозалануы бүйрекке уыттылығының жоғарылауына да алып келуі мүмкін деп күтіледі. Пациенттердің көпшілігінде келесі жағымсыз құбылыстардың біреуі немесе бірнешеуі байқалды: - гематоуыттылығы: панцитопения, сүйек кемігінің депрессиясы, медуллярлық аплазия, лейкопения, нейтропения, гранулоцитопения; - гепатоуыттылығы: гепатит, бауыр функциясының бұзылуы; - нефроуыттылығы: бүйрек функциясының бұзылуы бұрыннан бар пациенттерде гематурияның күшеюі, бүйректің жедел жеткіліксіздігі, қан сарысуындағы креатинин концентрациясының жоғарылауы; - асқазан-ішекке уыттылығы: іш ауыруы, диарея, құсу; - нейроуыттылық: жайылған тремор, құрысулар. Емі: симптоматикалық және демеуші ем. Валганцикловирдің артық дозасын қабылдаған пациенттерде гемодиализ бен гидратация қан плазмасындағы деңгейлерінің төмендеуіне ықпал етуі мүмкін. Дәрілік препаратты қолдану тәсілі бойынша медициналық қызметкерден кеңес алу ұсыныстар Егер дәрілік препараттың қолдану тәсілі түсініксіз болса, медициналық қызметкерден кеңес алуды кеңес береміз.

Айқаспалы аса жоғары сезімталдық Ганцикловир мен ацикловир және пенцикловирдің химиялық құрылымының ұқсастығына байланысты, аталған препараттар арасында айқаспалы аса жоғары сезімталдық реакциясы болуы мүмкін. Сондықтан, валганцикловирді ацикловирге немесе пенцикловирге (немесе оларға ізашар дәрілерге, валацикловирге немесе сәйкесінше фамцикловирге) аса жоғары сезімталдығы белгілі пациенттерге тағайындаған кезде сақтық таныту керек. Мутагенділігі, тератогенділігі, канцерогенділігі, фертильділік және контрацепция Валганцикловирмен емдеубасталғанға дейін пациент әйелдерге шарана үшін ықтимал қауіптері туралы ескерту керек. Жануарларға жүргізілген зерттеулерден, ганцикловир мутагендік, тератогенділік, канцерогенділік қасиеттерге ие екендігі және ұрғашыларында фертильділікті бәсеңдететіні анықталды. Сол себепті, валганцикловирді адам үшін туа біткен ақаулар мен обыр тудыруға қабілетті ықтимал тератоген және канцероген ретінде қарастыру керек. Сонымен қатар, валганцикловир сперматогенездің уақытша немесе тұрақты бәсеңдеуін тудыруы ықтимал деп есептеледі. Бала туатын жастағы әйелдерге емделу кезінде және емдеуден кейін кемінде 30 күн бойы контрацепцияның тиімді әдістерін пайдалануды ұсыну қажет. Ерлерге егер тек, серігінің жүкті болып қалмайтындығына сенімді болмаса ғана, емделу кезінде және одан кейін кемінде 90 күн бойы бөгеттік контрацепцияны қолдануды ұсыну қажет. Валганцикловир Вива Фарм препаратын балалар мен жасөспірімдерде қолдану ұсынылмайды, өйткені, пациенттердің аталған топтарында препараттың фармакокинетикалық сипаттары анықталмаған. Бұдан өзге, валганцикловир ұзақ мерзімді перспективада канцерогенділік және репродуктивтік уыттылық тудыруы мүмкін. Миелосупрессия Валганцикловирді бұрыннан гематологиялық цитопениясы бар немесе анамнезінде препаратты қабылдаумен байланысты гематологиялық цитопения болған пациенттерде, сондай-ақ, сәулемен ем қабылдап жүрген пациенттерде сақтықпен қолдану керек. Валганцикловирді (және ганцикловирді) қабылдаған пациенттерде ауыр лейкопения, нейтропения, анемия, тромбоцитопения, панцитопения, сүйек кемігінің жеткіліксіздігі және аплазиялық анемия байқалды. Егер нейтрофилдердің абсолюттік мөлшері 500 жасуша/мкл аз болса, тромбоциттер мөлшері 25000/мкл аз болса немесе гемоглобин деңгейі 8 г/дл аз болса, терапияны бастамау керек. Емдеу кезінде пациенттердің барлығында қан көрсеткіштері мен тромбоциттер мөлшерін жүйелі түрде бақылап отыру ұсынылады, әсіресе, бүйрек жеткіліксіздігі бар пациенттерде қан көрсеткіштерінің мониторингін күшейту қажет. Лейкопенияның жиілігіне байланысты, емдеудің алғашқы 14 күні ішінде лейкоциттер санын күнара бақылап отыру ұсынылады. Осының алдында валганцикловирді/ганцикловирді қабылдағанда лейкопения байқалған немесе емдеу басталғанға дейін лейкоциттер деңгейі 2000/мм³ аз болған пациенттер қан көрсеткіштерін күнделікті бақылап отыруы керек. Ауыр лейкопения, нейтропения, анемия және/немесе тромбоцитопения бар пациенттерде гематопоэздік өсу факторларымен емдеу және/немесе емдеуді үзе тұру ұсынылады. Бүйрек функциясы бұзылған пациенттерде дозасын креатинин клиренсіне байланысты түзету қажет. Диализ жүргізілетін (КК <10 мл/мин) пациенттер үшін дозалануы жөнінде ұсынымдар беру мүмкін емес. Сол себепті, аталған пациенттер валганцикловирді қабылдамағаны дұрыс. Ганцикловирді пероральді қабылдау кезінде биожетімділігінідегі айырмашылық Валганцикловирді 1000 мг дозада (капсулалар түрінде) пероральді қабылдадуан кейінгі шамамен 6 %-бен салыстырғанда, ганцикловирді 900 мг дозада бір рет қабылдаудан кейін ганцикловирдің биожетімділігі шамамен 60% құрайды. Шамадан тыс әсер етуі өмірге қауіп төндіретін жағмсыз реакциялармен байланысты болуы мүмкін. Сондықтан, емдеуді бастаған кезде, индукциялық емнен демеуші емге ауысқан кезде, сондай-ақ, пероральді ганцикловирден валганцикловирге ауысуы мүмкін пациенттерде дозалау жөніндегі нұсқауларды мұқият сақтау ұсынылады, өйткені валганцикловир ганцикловир капсулаларын «бірге-бір» принципі бойынша алмастыра алмайды. Ганцикловир капсулаларынан ауысатын пациенттерге, егер олар валганцикловир таблеткаларын тағайындалған мөлшерінен көп қабылдаса, артық дозалану қаупі туралы айту керек. Бүйрек жеткіліксіздігі Бүйрек функциясы бұзылған пациенттерде дозасын креатинин клиренсіне байланысты түзету қажет. Валганцикловирді гемодиализ жүргізілетін пациенттерге қолданбау керек. Арнайы ескертулер Жүктілік Валганцикловирдің жүкті әйелдердегі қауіпсіздігі анықталмаған. Оның белсенді метаболиті ганцикловир адамның плацентасы арқылы оңай диффузияланады. Жануарларға жүргізілген зерттеулерде байқалатын, ганцикловирдің фармакологиялық әсер ету механизмін және репродуктивтік уыттылығын ескерсек, теориялық тұрғыдан адамда тератогенділік қаупі бар. Анасы үшін терапияның пайдасы шарананың тератогендік зақымдануының ықтимал қаупінен асып түсетін жағдайлардан басқасында, валганцикловирді жүктілік кезінде қолданбаған дұрыс. Бала емізу Ганцикловирдің адамда емшек сүтімен бөлініп шығатын-шықпайтындығы белгісіз, алайда, ганцикловирдің емшек сүтімен бөлініп шығуы және емшектегі балада күрделі жағымсыз реакцияларды тудыруы мүмкіндігін жоққа шығаруға болмайды. Жануарларда жүргізілген зерттеулерде ганцикловирдің емізіп жүрген егеуқұйрықтарда сүтпен бөлініп шығатындығын көрсетіп отыр, сондықтан, валганцикловирмен емделу кезінде бала емізуді тоқтату қажет. Дәрілік заттың автокөлікті және қауіптілігі зор механизмдерді басқару қабілетіне әсер ету ерекшеліктері Валганцикловирдің автомобиль мен қауіптілігі зор механизмдерді басқару қабілетіне ықпалын зерттеулер жүргізілмеді. Валганцикловирді және/немесе ганцикловирді қолданғанда құрысулар, бас айналуы және сананың шатасуы туралы хабарланды. Ондай әсерлері зейін қоюды талап ететін тапсырмаларды орындауға, соның ішінде, автомобиль мен қауіптілігі зор механизмдерді басқару қабілетіне әсер етуі мүмкін.

Нұсқаулықта көрсетілмеген.

Имипенем-циластатин және ганцикловирді қабылдаған пациенттерде құрысулар туралы хабарланды. Ықтимал пайдасы ықтимал қаупінен асып түсетін жағдайларда болмаса, Валганцикловирді имипенем-циластатинмен бір мезгілде қолданбаған дұрыс. Валганцикловирді және (а) диданозинді, (б) средства, обладающие миелосупрессиялық әсері бар дәрілік заттарды (мысалы, зидовудин), немесе (в) бүйрек функциясына әсер ететін заттарды қабылдап жүрген пациенттерді, қосымша уыттылық белгілеріне қатысты мұқият қадағалау керек. Трансплантация кезіндегі ЦМВИ профилактикалық емі үшін валганцикловирді пайдаланып жүргізілген клиникалық зерттеу, өкпесі немесе ішегі трансплантацияланған пациенттерді қамтымады. Сондықтан, трансплантацияны бастан өткерген аталған пациенттермен жұмыс істеу тәжірибесі шектеулі. Басқа дәрілік препараттармен өзара әрекеттесуі Валганцикловирмен өзара дәрілік әрекеттесу Валганцикловирмен өзара дәрілік әрекеттесуді in vivo зерттеулер жүргізілмеді. Валганцикловир ганцикловирге дейін қарқынды және жылдам метаболизденетіндіктен, валганцикловир үшін ганцикловирмен байланысты өзара дәрілік әрекеттесулері күтіледі. Ганцикловирдің өзара дәрілік әрекеттесулері Имипенем-циластатин Ганцикловир мен имипенем-циластатинді бір мезгілде қабылдаған пациенттердегі құрысулар жағдайлары туралы хабарланды. Ықтимал пайдасы ықтималқаупінен асып түсетін жағдайлардан басқасында, бұл белсенді заттарды бір мезгіде пайдаланбау керек. Пробенецид Пробенецидті бір мезгілде пероральді қабылдау ганцикловирдің бүйректік клиренсін шамамен 20%-ға азайтуы және оның AUC қисық астындағы ауданын статистикалық тұрғыдан айқын (40%) арттыруы мүмкін. Бұл өзара әрекеттсу механизмімен - бүйректік өзекшелік экскрециясы үшін бәсекелестігімен түсіндіріледі. Пробенецид пен валганцикловирді бір мезгілде қабылдап жүрген пациенттерді ганцикловирдің уыттылығы белгілерінің дер кезінде анықталуына қатысты мұқият қадағалау қажет. Зидовудин Зидовудин де, ганцикловир де нейтропениялар мен анемияны тудыруы мүмкін. Аталған дәрілік заттарды бір мезгілде қолданғанда фармакодинамикалық өзара әрекеттестік туындауы мүмкін. Кейбір пациенттер толық дозадағы қатарлас емді көтере алмауы мүмкін. Диданозин Ганцикловирді вена ішіне қолданғанда да, пероральді қолданғанда да, плазмадағы диданозин концентрациялары елеулі жоғарылайтындығы анықталды. Ганцикловирді тәулігіне 5-10 мг/кг дозаларда вена ішіне енгізгенде диданозиннің AUC 38-67%-ға артқан, бұл аталған препараттарды бір мезгілде қолданғандағы фармакокинетикалық өзара әрекеттестігін растайды. Ганцикловир концентрациясына елеулі әсері байқалмады. Пациенттерді диданозиннің уыттылығына, мысалы, панкреатитке қатысты мұқият қадағалау керек. Микофенолат мофетилі В/і ганцикловирдің ұсынылған дозасын бір рет енгізу және микофенолат мофетилін пероральді қабылдау бойынша зерттеу нәтижелерін, сондай-ақ, бүйрек функциясы бұзылуының ганцикловир мен микофенолат мофетилі фармакокинетикасына белгілі әсерін ескерсек, өзекшелік секреция үдерісінде бәсекелесетін аталған препараттарды бір мезгілде тағайындау ганцикловирдің және микофенол қышқылының фенолдық глюкурониді (МҚФГ) концентрациясының жоғарылауына алып келеді деп күтуге болады. Микофенол қышқылы (МФҚ) фармакокинетикасының айтарлықтай өзгергені байқалмады, микофенолат мофетилінің дозасын түзету қажет емес. Бүйрек функциясы бұзылған, ганцикловир мен микофенолат мофетилін бір мезгілде қабылдап жүрген науқастарда, ганцикловирдің дозасын түзету жөніндегі ұсынымдарды сақтау және мұқият қадағалау жүргізу қажет. Залцитабин Ганцикловир мен залцитабинді бір мезгілде қолданғанда клиникалық тұрғыдан елеулі фармакокинетикалық өзгерістер байқалмады. Валганцикловир де, залцитабин де шеткері нейропатияны тудыруы ықтимал, және сондай құбылыстаға қатысты пациенттерді қадағалау керек. Ставудин Ставудин мен пероральді ганцикловирді бір мезгілде қабылдағанда статистикалық тұрғыдан елеулі фармакокинетикалық өзара әрекеттестік байқалмайды. Триметоприм Триметоприм мен пероральді ганцикловирді бір мезгілде қолланғанда клиникалық тұрғыдан елеулі фармакокинетикалық өзара әрекеттестік байқалмады. Алайда, уыттылығы күшеюі ықтимал, өйткені екі препараттың да миелосупрессиялық әсері бары белгілі, және сондықтан, екі препаратты бір мезгілде тек, егер ықтимал пайдасы қауіптерінен асып түсетін болса ғана қолдану керек. Басқа антиретровирустық препараттар Клиникалық тұрғыдан елеулі концентрацияларында ганцикловирдің қатысуымен АИТВ тежелуіне немесе түрлі антиретровирустық препараттардың қатысуымен ЦМВ тежелуіне синергиялық немесе антагонистік әсер ету ықтималдығы аз. Валганцикловирдің немесе ганцикловирдің метаболизміне P450 қатыспайтындығына байланысты, метаболизмдік, мысалы, протеазалар тежегіштерімен және кері транскриптазаның нуклеозидтік емес тежегіштерімен (КТНЕТ) өзара әрекеттесулерінің ықтималдығы аз. Басқа дәрілермен ықтимал өзара әрекеттесулері Валганцикловирді бір мезгілде немесе популяцияларға жылдам бөлінетін, мысалы, сүйек кемігінде, аталық ұрық бездерінде және терінің ұрықты қабаттарында және асқазан-ішек жолының шырышты қабығында кездесетін жасушалардың репликациясын тежейтін басқа препараттарды қабылдаудың тура алдында немесе кейін қолданғанда, уыттылығы күшеюі мүмкін. Дәрілердің ондай типтерінің мысалдары дапсон, пентамидин, флуцитозин, винкристин, винбластин, адриамицин, амфотерицин B, триметоприм/сульфа біріктірілімдері, нуклеозидтердің аналогтары және гидроксимочевина болып табылады. Ганцикловир бүйрек арқылы шығарылатындықтан, валганцикловирді ганцикловирдің бүйректік клиренсін төмендетуі және сәйкесінше, оның экспозициясын арттыруы мүмкін препараттармен бір мезгілде қолданғанда да уыттылығы күшеюі мүмкін. Ганцикловирдің бүйректік клиренсі екі механизм арқылы тежелуі мүмкін: (а) цидофовир және фоскарнет сияқты препараттардан туындаған нефроуыттылық және (б) мысалы, нуклеозидтердің басқа аналогтарының бүйректегі белсенді өзекшелік секрециясын бәсекелес тежеуі. Сондықтан, бұл препараттардың барлығы үшін валганцикловирмен бір мезгілде қолдануды тек, егер ықтимал пайдасы ықтимал қаупінен асып түсетін болса ғана қарастыру керек.

Сақтау мерзімі 3 жыл. Жарамдылық мерзімі өткеннен кейін қолдануға болмайды. Сақтау шарттары Құрғақ жерде 25оС-ден аспайтын температурада сақтау керек. Балалардың қолы жетпейтін жерде сақтау керек!