Валериана таблетки 30 мг

Әрбір таблетканың құрамында белсенді зат 30 мг құрғақ сулы-спиртті шүйгіншөп экстрактісі бар Қосымша заттар: микрокристалды целлюлоза; лактоза моногидраты, коповидон, сусыз коллоидты, кремнийдің қостотығы, магний стеараты. Үлбірлі қабық Опадрай II қызғылт сары 85F33211: поливинил спирті, макрогол 3350, титанның қостотығы (171); тальк; сансет сары FCF алюминий лагы (E 110); темірдің сары тотығы (Е 172); понсо 4R алюминий лагы (E124). Сыртқы түрінің, иісінің, дәмінің сипаттамасы Дөңгелек пішінді, екі беті дөңес, қызғылт сары-сарғыш түсті үлбірлі қабықпен қапталған, диаметрі 7 мм жуық, шүйгіншөпке тән иісі бар таблеткалар.

Стресс пен жүйкенің ширығуында және осы жай-күйлерге байланысты ұйқының бұзылуында тыныштандыратын дәрі ретінде қолданылады. Қолдану басталғанға дейін қажетті мәліметтер тізбесі

Әсер ету механизмі Өсімдік тектес зат, шүйгіншөптің орташа айқын седативті әсерін көрсетеді. Клиникалық тиімділігі және қауіпсіздігі Валериана ұйқының басталуын тездетеді және оның сапасын жақсартады. Әсер ету механизмдерін осы клиникалық әсерлерге байланысты, шүйгіншөптің әр түрлі компоненттері (сесквитерпеноидтар, лигнандар, флавоноидтар) үшін белгіленеді. Олар ГАМҚ-жүйесімен өзара әрекеттесуді, A1-аденозин рецепторы агонизмін және 5-HT1A рецепторымен байланысуды қамтиды.

Дозалау режимі Ересектер Ұсынылған күндізгі емдік доза күніне 3-4 рет 30-60 мг (қабықпен қапталған 1-2 таблетка) құрайды. Ұйқы бұзылғанда ұйықтар алдында жарты сағат - 1 сағат бұрын қабылдау, сондай-ақ, қажет болса препаратты кешкі уақытта алдын ала қосымша қабылдау ұсынылады. Балалар Өнімнің қауіпсіздігі мен тиімділігі туралы жеткілікті деректердің болмауына байланысты 18 жасқа дейінгі балаларға ұсынылмайды. Енгізу әдісі мен жолы Пероральді қолдану. Таблеткаларды жеткілікті сұйықтық көлемімен, шайнамай, тамақтанғаннан кейін қабылдайды. Емдеу ұзақтығы Тиімді емдік әсерге жету үшін емдеуді 2-4 апта бойы жалғастырған жөн. Егер симптомдар үздіксіз 2 апта қолданғаннан кейін сақталса немесе нашарласа, дәрігерге қаралу керек. Дәрілік препараттың бір немесе бірнеше дозасын өткізіп алған кезде қажетті шаралар Өткізіп алған дозаны тұрақты дозаға қосымша ретінде қабылдауға болмайды. Дәрілік препаратты қолдану тәсілін түсіну үшін медицина қызметкерінен кеңес алуға бару жөнінде нұсқаулар • Егер Сізде осы препаратты қолдануға қатысты қосымша сұрақтарыңыз болса, дәрігерге немесе фармацевтке хабарласыңыз.

• Валериана препараттарына немесе эксципиенттердің кез келгеніне аса жоғары сезімталдық; • тұқым қуалайтын галактоза жақпаушылығы, Lapp (ЛАПП)-лактаза ферментінің тапшылығы, глюкоза - галактоза мальабсорбциясы бар адамдарға • 18 жасқа дейінгі балалар.

Өте сирек: Асқазан-ішек жолы тарапынан бұзылулар болуы мүмкін. Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: ең жоғары емдік дозадан 20 есе асатын дозаны қабылдағаннан кейін (орталық жүйке жүйесінің бәсеңдеуімен байланысты спецификалық емес симптомдар туындауы мүмкін): сылбырлық, тежелу, ұйқышылдық, асқазан-ішек жолы тарапынан жайсыздық, жүрек айнуы, құсу. Емі: препаратты қолдануды тоқтату, белсендірілген көмірді пайдалана отырып асқазан-ішек лаважын жүргізу, препараттың ішекте сіңірілуін болдырмау және іш жүргізгіш әсерді қамтамасыз ету үшін магний сульфатын ішке қабылдау. Спецификалық антидоты жоқ.

Арнайы ескертулер Алкогольдік сусындармен тұтынуға болмайды. Өнім құрамында Е 110 бояғышы және Е 124 бояғышы бар және аллергиялық реакцияларды тудыруы мүмкін. Шүйгіншөптің спецификалық иісі жақпауы мүмкін.

Егер сіз жүкті болсаңыз немесе бала емізетін болсаңыз, жүкті болуыңыз мүмкін деп ойласаңыз немесе жүктілікті жоспарласаңыз, осы дәрілік препаратты қолданар алдында дәрігерден немесе фармацевтен кеңес алу үшін жүгініңіз. Оны жүктіліктің II триместрінен бастап, бала емізу кезінде тек дәрігердің нұсқауы бойынша және бақылаумен қолдануға болады. Фертильділік Клиникаға дейінгі зерттеулер фертильділікке қандай да бір тікелей немесе жанама зиянды әсерін көрсеткен жоқ. Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері Валериана препараты көлік құралдарын басқаруға және қауіпті құрылғылармен және механизмдермен жұмыс істеуге әсер етуі мүмкін.

Басқа дәрілік заттармен ықтимал өзара әрекеттесуі туралы ақпарат шектеулі. CYP2D6, CYP3A4/5, CYP1A2 немесе CYP2E1 жүйелерінің көмегімен метаболизденетін дәрілік заттармен клиникалық тұрғыдан маңызды өзара әрекеттесулер байқалмаған. Синтетикалық седативті дәрілермен ықтимал өзара әрекеттесуі жеке-дара бақылауды талап етеді. Шүйгіншөп басқа седативті және ұйықтататын дәрілердің, наркозға арналған дәрілердің, психотроптық препараттардың, сондай-ақ спазмолитикалық дәрілердің әсерін көтермелейді.

Сақтау мерзімі 2 жыл. Жарамдылық мерзімі өткеннен кейін қолдануға болмайды! Сақтау шарттары Жарықтан қорғау үшін түпнұсқалық қаптамасында, 25 °С-ден аспайтын температурада. Балалардың қолы жетпейтін жерде сақтау керек!