Шүйгіншөп тұндырмасы настойка

100 мл тұндырманың құрамында: белсенді зат – 20 г шүйгіншөп тамырсабағы тамырлармен; қосымша заттар: 70 % этил спирті. Сыртқы түрінің, иісінің, дәмінің сипаттамасы Өзіне тән хош иісі бар қызғылтым-қоңыр түсті мөлдір сұйықтық.

Шүйгіншөп тұндырмасы препараты жүйке жүйесінің функционалдық бұзылыстарында (неврастения және ұйқының бұзылуы) седативті препарат ретінде қолданылады. Көрсетілген көрсетілімдер бойынша қолдану тек ұзақ мерзімді қолдану тәжірибесіне негізделген.

Әсер ету механизмі Шүйгіншөп тамырының препараттары седативті әсерге ие, ұйқының басталуын жеңілдетеді және оның сапасын жақсартады. Бұл әсерлерді шүйгіншөптің қандай да бір компонентінің әсерімен түсіндіруге болмайды.

Дозалау режимі жекелей түрде белгіленеді Неврастения кезінде ұсынылатын доза – тәулігіне 3 ретке дейін 1/4 стақан суда сұйылтылған 40 тамшы тұнба (1,5 мл). Ұйқының бұзылуында ұсынылатын доза – ұйықтар алдында 30 минут бұрын 1/4 стақан суда сұйылтылған 80 тамшы тұнба (3 мл). Дәрігер емдеу курсының ұзақтығын ауруды, препаратқа көтерімділігін және қол жеткізілген әсерді ескере отырып анықтайды. Ұсынылатын емдеу ұзақтығы 2-4 апта. Құрамына этанол болуына байланысты тұнбаны ұзақ уақыт қолдану ұсынылмайды. Балалар 12 жастан асқан балалар үшін дозалау режимі ересектердегі дозалау режимінен өзгеше емес. Балалардағы препаратты қабылдау ұзақтығы минималды болуы керек. Енгізу тәсілі және жолы Шүйгіншөп тұндырмасы препараты ішке қабылдауға арналған. Препаратты тамақтануға дейін 30 минут бұрын қабылдау керек.

шүйгіншөпке немесе этил спиртіне аса жоғары сезімталдық; жүктілік және лактация кезеңі; 12 жасқа дейінгі балалар.

Сирек (≥ 1/10000-нан < 1/1000-ға дейін) Иммундық жүйе тарапынан бұзылулар: аллергиялық реакциялар. Жүйке жүйесі тарапынан бұзылулар: бас ауыруы, ұйқышылдық, ашуланшақтық, мазасыздық. Асқазан-ішек жолдары тарапынан бұзылулар: асқазан-ішек жолдарының бұзылуы (жүрек айнуы, іштің ауыруы). Енгізу орнындағы жалпы бұзылулар мен реакциялар: жалпы әлсіздік, жұмыс істеу қабілетінің төмендеуі. Шүйгіншөп тұндырмасы препаратын үлкен дозада қабылдау брадикардия мен аритмияға, сондай-ақ ішек моторикасының төмендеуіне (іш қату) әкелуі мүмкін. Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әрекеттер) бойынша тікелей ақпараттық дерекқорға жүгіну Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары Созылмалы артық дозалану депрессия сезімін, бас ауыруын, ұйқышылдықты, асқазан-ішек жолдары тарапынан жайсыздықты, жүрек айнуын, жұмыс істеу қабілетінің төмендеуін, жүрек қызметінің бұзылуын (брадикардия) тудырады. Шүйгіншөп тамырын шамамен 20 г дозада қабылдағанда жедел дозалану түйілу сипатындағы іштің ауырсынуын, кеуде қуысының қысылуын, бас айналуды, қолдың дірілдеуін және көз қарашығының кеңеюін тудыруы мүмкін. Емі Артық дозалану симптомдары пайда болған жағдайда препаратты қабылдауды тоқтатып, дәрігермен кеңесу керек. Жедел артық дозалану кезінде құсу индукциясын, асқазанды шаюды жүргізу қажет. Симптоматикалық терапия.

Шүйгіншөп тұндырмасы препаратын орталық жүйке жүйесінің бәсеңдеуімен, созылмалы энтероколитпен, бауыр ауруларымен, алкоголизммен, эпилепсиямен, бассүйек-миының жарақаттарымен және құрысу шегінің төмендеуімен мидың басқа ауруларымен бірге жүретін депрессиямен және басқа да бұзылулармен ауыратын пациенттерге сақтықпен тағайындау керек. Әсердің біртіндеп дамуына байланысты Шүйгіншөп тұндырмасы препаратын психикалық қозу мен ұйқының бұзылуының симптомдарын төмендету шұғыл қажет болған жағдайда тағайындау ұсынылмайды. Шүйгіншөп тұндырмасы препаратының құрамында кемінде 65% этанол бар, яғни бір реттік дозаға 821-ден 1 641 мг-ға дейін (4080 тамшы), бұл 2142 мл сыраға немесе 917 мл шарапқа тең. Арнайы ескертулер Бауыр функциясы бұзылысы бар пациенттер Құрамында этил спиртінің болуына байланысты Шүйгіншөп тұндырмасы препаратын бауыр ауруы бар пациенттерге сақтықпен тағайындау қажет. Педиатрияда қолданылуы Жеткілікті деректердің болмауына және құрамында этил спиртінің бар болуына байланысты препаратты 12 жасқа дейінгі балаларда қолдануға болмайды. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Дәрілік препараттың құрамында этил спирті бар! Емдеу кезеңінде автокөлікті жүргізуден және зейін қоюдың артуын және психомоторлық реакциялардың жылдамдығын талап ететін басқа да ықтимал қауіпті қызмет түрлерімен айналысудан бас тарту қажет.

Жеткілікті деректердің болмауына және құрамында этил спиртінің бар болуына байланысты жүктілік кезінде тағайындау ұсынылмайды. Жеткілікті деректердің болмауына және құрамында этил спиртінің бар болуына байланысты лактация кезінде тағайындау ұсынылмайды.

Шүйгіншөп тамырының препараттарын синтетикалық седативті препараттармен біріктіріп қолдану медициналық бақылауды қажет етеді. Құрамында этил спиртінің болуына байланысты өзара әрекеттесулер Алкогольмен бірге қабылдаған кезде кейбір дәрілік препараттар дисульфирам тәрізді реакцияны тудыруы мүмкін (ыстықтың көтерілуін сезіну, терінің қызаруы, құсу, тахикардия): дисульфирам; бактерияға қарсы препараттар (цефамандол, цефоперазон, латамоксеф, хлорамфеникол); гипогликемиялық препараттар (хлорпропамид, глибенкламид, глипизид, толбутамид); зеңге қарсы препараттар (гризеофулвин, кетоконазол); микробқа қарсы препараттар (нитро-5-имидазол туындылары: метронидазол, орнидазол, тинидазол); прокарбазин. Құрамында этил спирті бар басқа дәрілік препараттарды бір мезгілде тағайындаудан аулақ болу керек.

Сақтау мерзімі 3 жыл Жарамдылық мерзімі өткеннен кейін қолдануға болмайды. Сақтау шарттары Жарықтан қорғалған жерде, 25 °С-ден аспайтын температурада сақтау керек. Балалардың қолы жетпейтін жерде сақтау керек!